جديد الأخبار تم تغيير اسم وصورة Twitter إلى X (1 زائر)

[Selene]

-

#رسمياً تم تغيير اسم وصورة Twitter إلى X حتى حساب أيلون ماسك الرسمي تغير

طيب السؤال انو ليش آيلون ماسك عمل هيك شي وشو المغزى من الموضوع؟

بالتسعينات وتحديدا سنة 1999 أنشأ اول بنك رقمي وسماه X.com طبعاً وكانت أساس ال PayPal
ومن هداك الوقت وايلون ماسك محتفظ بهاد الدومين يلي هو www.*x*.com

طبعاً هلأ اذا بتدخل عليه بياخدك بشكل مباشر ع موقع تويتر

طبعاً إيلون ماسك كان حلمو ينشأ تطبيق ويسميه X وجوا التطبيق يقدم كتير خدمات بنكية يعني يعمل فيه محفظة
الكترونية ويقدم خدمات إرسال واستقبال المصاري يعني متل بنك ع الهاتف طبعاً والمستخدم بيعمل عليه حساب
وبيرسل وبيستقبل بشكل طبيعي متل الباي بال

لهيك ومن أول الشهر السابع شركة تويتر اخدت ترخيص لتقديم الخدمات المالية

طبعاً إيلون ماسك كتير بحب فكرة انو كلشي عندو يكون بحرف X لانو متل ما منعرف هو عندو :

شركة استكشاف الفضاء SpaceX

مركبة ب تيسلا Model X
‏

شركة ذكاء اصطناعي X Ai
‏

وهلأ تويتر صارت X

طبعاً هاد التطبيق رح يكون تطبيق لكلشي ( مراسلة، أخبار، مكالمات مرئية، مكالمات صوتية، وبنك الكتروني رقمي)
‏

طبعاً هلأ اي شي موجود فيه لوغو العصفور الأزرق رح يتغير لحرف X

https://twitter.com/i/web/status/1682978324375543808

​

 

[O Z E N]

@Agnës ×


-



السلام عليكم ورحمة الله

كيفك نيون ؟! إن شاء الله بخير و الصحة تمام

تقريبًا بالموضوع جبتي السالفة و قصتها، ايلون ماسك بدال ما يبدى من الصفر شغله عبنكه الرقمي مسك تطبيق زي تويتر يحتوي سلفًا ملايين الحسابات النشطة و بلش يعدل فيه شوي شوي لين يوصل للصورة النهائية الي راسمها، يعني ضحى بتويتر كفكرة عشان حلمه دا و ذا يذكرنا بشكل مضحك بعبارته أول ما اشترى تويتر

لقد استثمرت في تويتر لأنني أؤمن بإمكانية أن يكون منصة لحرية التعبير في جميع أنحاء العالم

بالأول كنت شوف حركات و بنود ايلون الي عمال يضيفها و أحيانًا يرجع يشيلها حركات غبية بتدمر التطبيق بس هلء اتضحت خارطة الطريق حق الرجال، هو فعلًا بده يحاكي تطبيق WeChat الصيني المتكامل من ناحية التواصل و المعاملات، الشي الي صعب تطبيق عالمي ينجزو، ويتشات نجح مبدئيًا لأنو الوحيد بساحة منغلقة على كل وسائل التواصل و المعاملات الغربية و صار متجذر بحياة الصنيين من مختلف الطبقات من شركات لموظفي مخابز

شردنا، المهم يعطيك العافية على الخبر​

 

[Selene]

​

@O Z E N,


كوني على ثقة انو صح ايلون كل شوي بنزل بند و بغيرو
بس كوني واثقة انو مافي شي ايلون بيمسكو و بيفشل

اكتر شي عجبني بشخصية ايلون انو هو مغامر , غامر بشركة سبيس اكس
و قال مرة , بتجربة من تجارب شركة سبيس اكس أنو هو بدو صاروخ يطير
من الأرض و ينزل عليها بدون ما ينفجر , و ضل يحاول كتير و كانت في كتير تجارب
و كل تجربة كانت تكلفو الملايين من الدولارات ! و مع هيك ما استسلم لحتى يحقق
الي ببالو , و حكا بآخر تجربة لإقلاع الصاروخ لو فشلت هو رسمياَ رح يضطر يبيع حصتو شركة
تيسلا لأنو رح يكون مفلس و كل ثروتو حطها ع هالتجربة ! و آخر شي نجح !

ايام اول ما نزل تطبيق باي بال محدا كان بيعرف فيه و ما كان هالانتشار بس شوفي
كيف منتشر بشكل خيالي !

هالشخص انا بحترم تفكيرو انو بعتبرو الشخص الوحيد من بين الاغنياء المٌغامر !
و الحياة مو دائماَ فيها ضمانات لأي شي !

شوفي حياة مؤسس الأمازون خسر جزء كبير من ثروته بسبب زواج فاشل و هاد انا بعتبرو
شخص اجاه الغناء بالحظ !

اما ايلون ما نجح بالحظ ! نجح بالجهد و المثابرة و اهم اهم شي المغامرة المغامرة الي بيفتقدها
كتير من الأغنياء !

و ايلون مابدو يقلد تطبيق ويتشات , هو صرح اساساَ كان حلمو يكون في تطبيق يكون فيه
خدمات بنكية

و حتى اذا كان و بدو يقلد تطبيق ويتشات , كل شخص عندو تجربتو الخاصة و خبرتو الخاصة

و انا مبسوطة انو تويتر عم يتغير بالرغم من اني مرتاحة ع تويتر قبل , بس التغيير بكون شيء ايجابي أحياناَ

بالإضافة مستحيل تويتر يفشل لأنو بالأساس هو ناجح بسبب انو أغلب رؤساء الدول بنزلوا تغريدات عن اخر
الاخبار او البنود او القوانين و مافي منصة تانية رح تاخد هالشي من تويتر حتى ثريدز الي طلع حكوا انو رح يضرب
تويتر بس طلع صاحب ثريدز و حكا انو اساساَ الهدف من ثريدز مو التغريدات السياسية بل هدفه الرئيسي هو التسلية
المتعة و الفن

انا مع ايلون ماسك لأني طريقة تفكيرو دائماَ بتجيبلو بلايين الدولارات عكس الباقي نجح بشي واحد و حكا انو حاجتي بقى
انا عندي كل شي , بس ايلون ما اكتفى و ضل مثابر بكذا مجال و هالشي الي بحترمو فيه و بكون عندي ثقة بقراراتو .

 

[SKY NET]

-
بشكل عام ماسك دوم جان يمدح تطبيق ويب جات الصيني ويعتبره رقم واحد كتطبيق متكامل
والتوجه الحالي هو تقليد هالتطبيق وراح يكسب بيه باعتبار ويب جات ما بيه خدمات تفيد امريكا واوربا
فتطبيقه راح يكون التؤام الي يكمل هالتفاصيل بشطر اوربا وامريكا
بس بشكل عام ما احس راح ينجح لان بشكل عام ما احد يقدر يتنبأ بتصرفاته وخطواته وكل ما قلت معرفتك بشخص
ما راح تشارك اموالك معه وبالتالي راح تقل الفائده الاعلانيه على منصته و اسهمها ..
بشكل عام خطوته الي سواها تعتبر انتحاريه
كان يقدر يسوي التطبيق x بشكل منفصل عن تويتر ويخلي من تويتر المنصه الترويجيه للتطبيق
لحتى يقدر يكسب تفاعل ونجاح بيها وهالشي راح يكون اسهل مثل ما شفنا مع مارك وثريده الي بكبر خشمه
صح قل التفاعل بتطبيقه بس التسويق كان صح وجاب نتيجه الخلل انو رهن التطبيق مع انستا وصار الناس يقارنون بينهم
وبالتالي انسحابات
بحالة ماسك كان ممكن الترويج يكون للتطبيق الي يمثل الوجه المشابه لويب جات وراح يكسب
اما ان تغير من ملامح تطبيق معروف ومشهور فهنا انت تلعب بالنار والثمن كبير خصوصا انو اسهم التطبيق قلت مقارنه مع سعر شراءه

 

[Murakawa Yuka]

​

وهوووو فكرة كشخة
حبيت الاسم الجديد~ ما في سبب ليه , بس احب التجديد
ييييييه و اخيييرا , كنت اعرف ان احد التطبيقات المشهورة ما تقدر تضل ع حالها
حلو انه يتغير و يتجدد و يصير بشكل مختلف مو مثل خشم عصفور ازرق سخيف
الاسم اكس و اللون الاسود خلوه أفخم من قبل
و مع ذلك تويتر ممل بالنسبة لي
في انتظار الفايس يغير اسمه لYو ممكن انستا يصير آلفا أو بيتا و اليوتيوب مدري ممكن اي رمز من الرياضيات , ممكن رمز مالانهاية بسبب الفيديوهات الي تحتاج 23456789 سنة ضوئية لتشوفهم كلهم
حلو احب مثل ها الرموز , تتخيل نفسك فعصر احتلال الروبوتات و مدري شنو
انا متشوقة للمستقبل مبين ح يكون حلوو

 

[Hana Retsuko]

رد مميز - 26/07/2023 - @Agnës × ​

-
السلام عليكم
شكرًا على الخبر وتوضيح توجهات ايلون ماسك
صارت الفكرة أوضح لي الآن وانه كان قرار مدروس وليس مجرد قرار متهور
لكن مع ذلك أنا ضد هالقرار تماما
تعودنا على تويتر زي ماهو، وهي تقريبًا أكبر منصة ناجحة وفيها ملايين المستخدمين
صح التطبيق هو شراه لذلك ما اقدر اقول مو من حقه
لكن معقولة ما اهتم بالمستخدمين ابدا الي يعتبرون عملاءه وضرب ارائهم بعرض الحائط ><
انا مع سكاي لو سواه كتطبيق منفصل راح ينجح وفكرته رائعة
ممكن بعدها يفكر بقرار إغلاق تويتر والاكتفاء بهذا التطبيق، حسب ردود الفعل والأرباح
بفتحه التطبيق الحين واشوف المفاجع(أ)ة
شكرًا على الطرح

 

[Dr.Saki~☆]

​

السلام عليكم ورحمة الله وبركاته
كيف حالك نيون
أتمنى أن تكوني بخير دائما

ماني من مستخدمين التويتر بس تغيره ل X و اللون الاسود بيعطيه هيبة انا من اول ما اشترى ايلون ماسك تويتر وقلت ان هالزلمة بده يشتغل بهالتطبيق و يلعب فيه و يغيره

ما بدو يبدأ تطبيق أحلامه من الصفر اخد الموجود وعم يتطوره صح خطوته جريئة وممكن يخسر بس خليه يجرب شو وراه

ايلون ماسك شخص معروف بتصرفاته الجنونية يعني متل لما زار مقر الشركة و حامل مغسلة ما فهمت المغزى من هالحركة

بعتبر ايلون ماسك من الاشخاص الاذكياء حتى لو اتصرف تصرفات غريبة وما اتوقع انه يفشل

ننتظر ونشوف شو بده يصير بعدين

كل الود