I could show you incredible things (1 زائر)

[داركو]

من شي ثلاث شهور صارت تتجمد رجلي اليسار بشكل غريب اذا كنت جالسة ووقفت فجأة
وتسبب ألم فظيع فلما تكرر الأمر اكثر من مرة رحت لدكتور الله يسامحه ما اعطاني حتى تشخيص الحالة
بس سوينا فحوصات وطلعت المشكلة من ظهري بس المهم انه ما قالي اسم المرض بالضبط
اعطاني ادوية عبارة عن مسكنات الم ومدري ايش فايدة الدوا الثاني وقالي ارتاحي بس ارتحنا وما تغير شي
المهم لما طفشت مرة ثانية رحت لطبيب ثاني وهالمرة ولله الحمد شخص الحالة بشكل جيد وقعد يشرحلي
طلع عندي انزلاق غضروفي فلما يصير ضغط على الاعصاب ينتقل الألم لرجلي وظهري بعد بس وقتها كان كل تركيزي على رجلي..
المهم هو بعد اعطاني ادوية بس هالمرة بدون مسكنات الم وياريته اعطاني وقالي لازم تسوي حصص ترويض طبي
هالشي قبل رمضان بشي 3 ايام فبدأت الحصص مباشرة مع دخول رمضان اللي كانت عبارة عن صعقات كهربائية ومساج ومدري ايش
وقتها حسيت بشوية تحسن رجلي ماعادت تتجمد بس باخر حصتين صارت مرة ثانية ورجع الالم كأننا لم نفعل شيئًا
الحين باقيلي شي يومين واخلص الادوية اللي عطاني والانزلاق ذا ما يبغى يتعدل
قاعدة افكر what's next طبيب ثالث ولا نرجع عند الثاني
عجزنا ياخي

 

[داركو]

اصلا من قوانين الحياة هي الاخذ والعطاء !​

شكرًا لأنك جبتي سيرة الموضوع من زمان وهو يدور ببالي واكسل اكتب عنه بكل مرة
أتفق معاك بكل شي قلتيه شيء طبيعي جدًا أن الواحد يقدم شي بمقابل كلنا مارح نرضى نضيع طاقتنا ببلاش
بس نخلي المقابل المادي جانبًا لأنه أمر مفروغ منه

الشي اللي دايما اقعد اتكلم فيه مع نفسي هو العطاء بالمشاعر بالمبادرات بالتصرفات الجميلة اللي بتسعد الغير
فيه ناس متعودة تستقبل هالنوع من الأشياء بدون ما تعطي شي بالمقابل وناس تعطي بس تعطي وتعطي وتعطي
وما بتاخذ شي بالمقابل هالشي صار بيزعجني جدًا لما ركزت عليه وحاولت أوازن بين طاقة الأخذ والعطاء
صرت إذا أعطيت أنتظر شيء بالمقابل لأنو هيلو هااي ترا الموضوع تبادل اذا كنت كل يوم تطلع وتقول لجارك صباح الخير
وما يردها عليك ما رح ترجع تقولها ثاني يوم كذا الوضع باختصار بلاش نعقدها لأن فيه ناس رح تقول اوه انا ما انتظر شي
من الغير اسوي الشيء وانساه ايوة طبعًا تقدر تسوي كذا مع الصدقة اعطيها وانساها بس مو بالمعاملات اليومية او مع
الاشخاص اللي بتحتك فيهم لأن لما يصير لك استنزاف ساعتها ما رح تبقى قادر تعطي اي شي
طبعًا مو دايمًا رح نسوي شي وننتظر مقابل لأن أحيانًا نسوي أشياء لأن نحنا نبغى وما نبغى شي مقابلها بس تقريبًا محور حديثي
هو العطاء بالأمور الصغيرة ذي زي المدح الشُكر الامتنان مبادرة بسيطة وحتى التعبير عن المشاعر بأي طريقة كانت مع الأشخاص
اللي دايمًا الشخص متعود يعطيهم وهما ينتظرون الشخص يعطيهم بدون ما يتحركوا شي مرة ويقولوا دورنا نعطي واذا فجأة طلبت
منهم شي بالمقابل أو وقفت انك تعطي بيصير الحق عليك ومقصر من ناحيتهم والشي هذا حقهم الشرعي ودايما المبادرة لازم تجي منك
لأنك عودتهم على هالشي وفعلًا الحق عليك تحمل ما يجيك ​