ساحة نقاش الأعضاء للتدوينات (1 زائر)

[S A L W A]

السلام عليكم ورحمة الله وبركاته
نظراً لأصوات شعب مجتمع المدونين والمتابعين
نلبي هنا الرغبات والنداء، وكما أردتم هذه الساحة أقدمها لكم





نلبي هنا إن اعجبتك إحدى التدوينات هنا أو هناك يمكنك إبداء رأيك فيها بـ :
1- كتابة تقييم للتدوينة وهكذا نستفيد من جميعاً من نقاط التقييم، لكن معضلتها ان عدد كلماتها محدودة
2- الطريقة الثانية، اقتباس التدوينة والرد عليها في مدونتك وإبداء رأيك فيها ومناقشتها، فتحصل على ختم نقاش&رأي شخصي
3- الطريقة الثالثة هي تمنشن الكاتب أو تقتبس التدوينة وتجيبها لهون لتتناقش انت والكاتب عنها، ترد عليه ويرد عليك
أو إذا حبيت تعلق ع شي وتوجه كلمة حلوة تجاه كتابات حدا في هي الساحة

القوانين
1- الإسلوب العنيف والحاد أو التجريح أو المشاحنة في التعليق على تدوينة أحد ما [ غير مرغوبة ]
2- الدردشة في الموضوع [ غير مرغوبة ]
3- اللي يحب ويساعد يقدم فكرة لفعاليات القسم، يتفضل هون
نستقبل أول معلق ومناقش ونقول أهلاً !

 

[MEG]

السلام عليكم ورحمة الله

يمكن هي أول مرة أساوي تدوينة بدون هدف، بس كدا طلعتلي صورة الرسمة دي و قلت أتحسر هنا على نفسيتي الي قافلة من كل شي حتى الرسم و الخربشة

هي الرسمة كانت محاولة مني لإعادة رسم صورة ظريفة بقلم الرصاص صايرلها شي سنة أو أكثر، الصورة لرسامة كتير بحب أسلوبها و يمكن برجع ساوي عنها تدوينة (الرسامة) هنا لما يتزبط المزاج

محتوى مخفي: هنا

أحكولنا أنتو بقى شو هو الشي الي كنتو تزبطو مزاجكم بيه وصار بفترة من الفترات هو بحد ذاتو شي خانق لإلكم؟

-​

نبتدأ الموضوع بنقاشاتي
تدوينة لفتت انتباهي ل @O Z E N حاسة انك مرهقة مدري ليه حتى مدونتك و الجو المحيط بيك برضو تحس انك انسانة تعبانة فمدري كيف اشرح بس بي سترونق بيب
بخصوص بالنسبة لي كنت اكتب و بفترة كرهت الكتابة كليا و ماصرت حتى احب اقرا فقرة و لو صغيرة و برضو كنت ارسم و لما كنت صغيرة كنت اسوي نفسي ارسم مانغا مدري اذا لسه محتفظة بالورق اللي رسمتهم فرغت لهم الكل الورق الابيض بعدين خبوه علي فصرت اسم على الكراريس بس لما كرهت الكتابة توجهت لرسم كتاباتي بس كنت جدا صغيرة فالقصص كانت فاهية بعدين بلشت اصمم و الصراحة ماكرهته و انما طفشت و تجيني ذيقة لما اشوف اي شي متعلق بالتصميم بس ماطولت و رجعت التصميم اكثر هواية تعلقت بها و حرفيا كل شوي اشتاق اصمم و اهبد شي

 

[S A L W A]

@Zahra~♡ @O Z E N
بشوف الهوايات هي متنفس الروح للتفريغ، لا تغصبها ع شي
اكتب لما يجي ع بالك تكتب، ارسم لما يجي ع بالك ترسم، صمم لما تحس خيالك منتعش
اوقات المشاعر اللي تحس فيها مو بالضرورة يعبر عنها الكتابة، يمكن الرسم متل ما قلتي يا زهرة، او نبحث عن بديل ثاني
انا كنت عاشقة للرسم، وكان عندي كراسة ارسم عليها ع طول، معروف عني اذا حدا بدو يعاقبني او يقهرني
يروح يخرب كراستي، المهم معلمة الفنون عندي طلبت استعارته، ومن بعدها اختفت وراحت لمدرسة ثانية وما رجعته لي أبداً
ووصلتني اخبار انها تعرض رسوماتي ع انها أعمالها، ومن لما فقدت الكراسة ما عاد رسمت ومع الانقطاع الطويل تراجعت بأدائي
من كم سنة لقيت وظيفة معلمة فنون بحضانة وطلبت مني المديرة ارسم ع الجدران، وفعلاً رسمت بشغف
اول محاولة لي كانت ع الجدران، اول رسمة تمام، ثاني رسمة اوك، لكن بعدين لما حسستني اني مجبرة وملزمة ع رسمة جديدة ما حبيت هالشعور وجاني نفور
اللذة ممكن تقلب ع قرف لو جبرتها فوق حدها

 

[ديسَمبر - ساما]

نبتدأ الموضوع بنقاشاتي
تدوينة لفتت انتباهي ل @O Z E N حاسة انك مرهقة مدري ليه حتى مدونتك و الجو المحيط بيك برضو تحس انك انسانة تعبانة فمدري كيف اشرح بس بي سترونق بيب
بخصوص بالنسبة لي كنت اكتب و بفترة كرهت الكتابة كليا و ماصرت حتى احب اقرا فقرة و لو صغيرة و برضو كنت ارسم و لما كنت صغيرة كنت اسوي نفسي ارسم مانغا مدري اذا لسه محتفظة بالورق اللي رسمتهم فرغت لهم الكل الورق الابيض بعدين خبوه علي فصرت اسم على الكراريس بس لما كرهت الكتابة توجهت لرسم كتاباتي بس كنت جدا صغيرة فالقصص كانت فاهية بعدين بلشت اصمم و الصراحة ماكرهته و انما طفشت و تجيني ذيقة لما اشوف اي شي متعلق بالتصميم بس ماطولت و رجعت التصميم اكثر هواية تعلقت بها و حرفيا كل شوي اشتاق اصمم و اهبد شي

شكرًا لكلماتك اللطيفة امبر الله يسعدك و ماتشوفي شر يا جميلة، اسعدتني ملاحظتك و مواساتك جدًا
هي كدا بس مسألة مزاج أنا شخص متقلب بلا سبب أقلب من مود لمود مسوائ شخصية الـ istp

حبيت فيك كيف كل ما كان ينطفئ جواك شغف هواية ما على طول كنتِ تشعلي فتيل الانجذاب لهواية تانية، منها ترافقي حالك بفترة التعب و منها مايصيبك ركود انتاجي، برافو والله ثابري على هوايتك لأنك ماشاء الله شخص مبدع و الأهم مجتهد، بالعادة بنعوض الإبداع بالاجتهاد بس أنتِ عندك اتنيناتن

@Zahra~♡ @O Z E N
بشوف الهوايات هي متنفس الروح للتفريغ، لا تغصبها ع شي
اكتب لما يجي ع بالك تكتب، ارسم لما يجي ع بالك ترسم، صمم لما تحس خيالك منتعش
اوقات المشاعر اللي تحس فيها مو بالضرورة يعبر عنها الكتابة، يمكن الرسم متل ما قلتي يا زهرة، او نبحث عن بديل ثاني
انا كنت عاشقة للرسم، وكان عندي كراسة ارسم عليها ع طول، معروف عني اذا حدا بدو يعاقبني او يقهرني
يروح يخرب كراستي، المهم معلمة الفنون عندي طلبت استعارته، ومن بعدها اختفت وراحت لمدرسة ثانية وما رجعته لي أبداً
ووصلتني اخبار انها تعرض رسوماتي ع انها أعمالها، ومن لما فقدت الكراسة ما عاد رسمت ومع الانقطاع الطويل تراجعت بأدائي
من كم سنة لقيت وظيفة معلمة فنون بحضانة وطلبت مني المديرة ارسم ع الجدران، وفعلاً رسمت بشغف
اول محاولة لي كانت ع الجدران، اول رسمة تمام، ثاني رسمة اوك، لكن بعدين لما حسستني اني مجبرة وملزمة ع رسمة جديدة ما حبيت هالشعور وجاني نفور
اللذة ممكن تقلب ع قرف لو جبرتها فوق حدها

دي ثاني مرة بموضوع أحس إجاباتك ياسلوى تقنعني تمامًا، بالعادة أنا صوت المعارضة بكل شاردة و واردة الي مايقتنع براي

فعلًا لما يصير متنفسك الي بمزاجك الزامي يصير خانق كأي واجب من وجباتك المتكررة، بس من جهة تانية لو الفن هو تصوير للمشاعر الإيجابية و السلبية منها بيكون صح لو نسيبو بحجة مزاج سيء ماهو أساسًا متنفس و تعبير عنو؟
سمعت من كتير ناس أنن بيعالجو حالة فقدان الشغف بشغلة بمراقبة ناس يمارسوها

شفت وحدة من رسومك ماشاء الله مثل امبر مبدعة و متقدمة بكتير فنون، بحب الروح الحرة الي جواك الي بترقص تارة بين الكلمات و تارة وسط الألوان، ناطرينلك كتاب مصور عما قريب

المرأة دي صحي سرقت شغلك بس الله الحق العادل مش حيضيع حقك و حيفتكلك ياه منها وكلي أمرك ليه و بيعوضك بإذن الله ضعف الي راح

 

[moody]

اعرف هلأ مين بناس .....وتجي ناس كره لنفسها بترفه عنها ؟؟ما بدها تعلم انه في حد هالشغف بدها شيء ثاني انه يكون هالمصير ميت ؟؟ متى ف شغلكم خلاص مو نهائي يعني ؟؟

 

[عبدالله 3]

@Zahra~♡ @O Z E N
بشوف الهوايات هي متنفس الروح للتفريغ، لا تغصبها ع شي
اكتب لما يجي ع بالك تكتب، ارسم لما يجي ع بالك ترسم، صمم لما تحس خيالك منتعش
اوقات المشاعر اللي تحس فيها مو بالضرورة يعبر عنها الكتابة، يمكن الرسم متل ما قلتي يا زهرة، او نبحث عن بديل ثاني
انا كنت عاشقة للرسم، وكان عندي كراسة ارسم عليها ع طول، معروف عني اذا حدا بدو يعاقبني او يقهرني
يروح يخرب كراستي، المهم معلمة الفنون عندي طلبت استعارته، ومن بعدها اختفت وراحت لمدرسة ثانية وما رجعته لي أبداً
ووصلتني اخبار انها تعرض رسوماتي ع انها أعمالها، ومن لما فقدت الكراسة ما عاد رسمت ومع الانقطاع الطويل تراجعت بأدائي
من كم سنة لقيت وظيفة معلمة فنون بحضانة وطلبت مني المديرة ارسم ع الجدران، وفعلاً رسمت بشغف
اول محاولة لي كانت ع الجدران، اول رسمة تمام، ثاني رسمة اوك، لكن بعدين لما حسستني اني مجبرة وملزمة ع رسمة جديدة ما حبيت هالشعور وجاني نفور
اللذة ممكن تقلب ع قرف لو جبرتها فوق حدها

ألف مبروك على فكرة الموضوع.. فكرة جديدة وحلوة.. مناقشة أفكار ومدونات الأعضاء
كلامك أختي الكريمة سلوى كثير صحيح وواقعي.. وأوافق عليه.. رغم أن هناك كتاب عالميون وعرب يقولون لمن يريد احتراف الكتابة.. عليك بالكتابة يومياً.. أوافق على كلامهم من جانب وأعارضه من جانب.. أوافق على كلامهم من ناحية أن الكاتب الذي يطمح لاحتراف الكتابة فعليه بالكتابة في مشروعه القصصي أو الروائي.. وأعارض على كلامهم إذ كان قصدهم الكتابة من دون هدف.. فقط لمجرد الكتابة.. وهذا شيء لا يصح برأيي. فأنا مثلا أعشق الكتابة لكن يجب أن تكون هناك قصة أشتغل عليها.. محال أن تنقر أصابع يدي لوحة الكيبورد إن لم يكن هناك نص قصصي مرسوم في مخيلتي وأريد نقله من ذهني إلى نص مكتوب. من أجل ذلك ، عندما نقول للكاتب اكتب كل يوم.. فربما هذا يولد في داخلته السأم والملل ويصبح بعد ذلك كارهاً للكتابة. في رأيي، الكتابة بالذات تحتاج إلى صفاء ذهن وقريحة مستعدة للانطلاق. لا يمكن للكاتب أن يكتب كل يوم، من دون هدف فقط لكي يكتب ويكون قريباً من الكتابة، دون أن يخالجه الملل. كتجربة شخصية.. أنا لا يمكن أن أكتب كل يوم.. يجب أن أكتب كل شهر أو شهرين أو ثلاثة شهور مرة.. لا داعي للاستعجال. ولكي أكتب يجب علي أن أقرأ مقداراً هائلاً من الكتب.. للتأكد من أنني أتطور وأتطور بالكتابة ولكي أكون راضياً عن نفسي.. وبالتالي أكون محباً مخلصاً للكتابة. أتمنى أكون وصلت وجهة نظري للقراء. ألف تحية وسلام للجميع.

 

[S A L W A]

نورت أخي @عبدالله 3 الله يبارك فيك أسعدنا حضورك
مما فهمته من مغزى الكتاب العالميون، هو شتى أنواع الكتابة وليست فقط القصصية او النثرية والشعرية
ليس من الضرورة استحضار الخيال في كتب النصوص والأحاديث، كـ تنمية بشرية أو مجموعة مقالات، او سيرة ذاتية
عندما تمسك الكتاب وتشعر بأن الكاتب يحادثك بأفكاره لكن بإسلوب أدبي شيق! تستمتع به
حصل بكثير من الأحيان أن أطرح رأيي بموقف ما، حصل معي..فأدخل بمدونتي وأعبر عنه بإسلوب أدبي
هكذا أكون جعلت الكتابة جزء مني وليست هواية فحسب استدعي شغفها
حيث يصبح هذا حديثي دون أي مجهود مني للتأليف
لا أفكر كثيراً فقد جعلتها عادة في عقلي وهذا من فوائد الممارسة التي نصحوا بها
أحاديثي مع نفسي وثرثرتي استمتع حين أكتبها بـ الفصحى أسخر في حين، وأستنكر في حين أخر من هول ما أرى
أجد أن قسم المدونات له أثر مذهل في هذا الحيز من الكتابة، أروع تنمية كتابية

 

[moody]

الكتبة في المدونة اتية بعدها برقع لتكرار أحدث يومية لكن ما يسلي يكون بل وفي الاخير نحن نزن ......لا ادر أي نقمة هو الكاتب ...اتعرفون شيئا و من حتمية النهائية اتحددون كم لكم على ما تقدمونه ولا تنتنظرون جميل عطائكم ؟؟

 

[ديسَمبر - ساما]

غزة بتقاتل و الله معاهم
و احنا بدنعيلهم و الله سامعنا
و النصر قريب ان شاء الله ..
لانه احنا ما رح نضلنا واقفين
في وعد من رب العباد انه رح ننتصر و رح نطلع اليهود
و الله ما بخيب وعده
يومين ثلاثة او شهرين ثلاثة او سنتين ثلاثة اخرتها اسرائيل تطلع من ارضنا ..
و رح تتعمر فلسطين
رح تتعمر ارضنا ، بإيدين شعبها
و بإيدين اللي خافوا الله و اللي بغاروا على بلادهم و ارضهم ..

و هاد جهادنا كلنا ، بالصبر و بالدعاء ...
الله ينصرهم الله ينصرهم​

إن شاء الله زي ماقلتي نصر الله قريب، إنما التاريخ عمال يسجل مين باع و مين تخاذل، مين سكت و مين تخبا ورا أضعف الإيمان .. كان فينا نثور ضد هالعجز بس ماثرنا

 

[ديسَمبر - ساما]

-






ما بعرف ليه ماعدت حب التصميم نفس قبل
هل بسبب فقدان المنتديات العربية ؟
ام عدم لمس شغف ( حقيقي ) عند المصممين
للإستلهام منهم ؟

انا متأكدة لو بديت تصميم قبل 2011 كنت رح اوصل لمراحل
فيه ! لأن كانت ذروتها بالمنتديات ! وكانوا في كتير مصممين
مبدعين وكانوا حرفياَ يلهموني اني دائماَ طور من اسلوب تصميمي

وهاد غير اني انا بعشق اني انفرد و اتميز بأي منتدى بشارك فيه
ففي منتدى شاركت فيه كان اسمو ( جوري قطر ) طبعاَ تسكر
و لحد هلأ متذكرة اسمو على قد ما كان فيه مصممين حرفياَ مبدعين !
و كنت حابة اتميز بهل المنتدى و كان كتييير بوقتها صعب علي اني
اتميز , لأن كان معتمد ع التصميم و انا كانت قدراتي التصميمية على قدها
يعني فينكم تحكوا كانت بأول بداياتي سنة 2011/2012

ولحد هلأ بتذكرلما تعلمت أول مرة كيف اعمل خلفية بباترن جانبي للموضوع
يعني يكون من المنتصف لون سادة و من على الجوانب باترن بكون ممسوح
بشكل كتير ناعم ببين كأنو سجادة اي اي هيك كان منتشر ستايل الخلفيات قبل
و من هالمنتدى تعلمت هالحركة لأنها كانت كتير منتشرة وقتها و طبعاَ المصمم الي
بطبقها وقتها كنت شوفو فنان و محترف

بعد ما تسكر جوري قطر سجلت بمنتدى بنات كولحتى بتذكر الدومين كان
cooolgirls.com طبعاَ هاد كمان تسكر

كان هالمنتدى حرفياَ من اكتر المنتديات الي اندمجت فيها و تفاعلت فيها لوقت طويل
من كتر المنتديات زمان كنت ما اثبت على منتدى و كنت ملولة بشكل و كنت حرفيا
متل ما بيحكوا بالانجليزي Picky

بس هاد المنتدى كانوا الاعضاء فيه كتيير لطفاء و طيوبين و من هالمنتدى فعلاَ تطورت
مهاراتي التصميمية بشكل فظيع بالرغم من انو كان منتدى ضخم حرفياَ و كان ملياااااان
اعضاء فيه و المصممين مستوياتهم مختلفة ف هالشي الي شجعني اني اتفاعل فيه
اني لاقي مصممين بنفس مستواي و ماحس اني خارج القطيع

اخد عضوية التصميم فيه و صرت لبي طلبات التصميم و كنت طايرة من الفرحة
طبعاَ صرت مشرفة ولأن الاشراف فيه كان صعب , كيف يعني صعب ؟ يعني مو بس
بثبت و بختم ردود لا كمان في متل تقرير اسبوعي لازم اكتبو بقسم المشرفين و طبعاَ
كل مشرف لازم يعمل هيك , و شفت هالشي ( بهداك الوقت ) انو صعب لأني باقي المنتديات
ما كانت بتطلب هالشي ف انسحبت

و لما تسكر كتير زعلت بصراحة لأنو فيه كتير ذكريات !

منتدى مجتمع شغب كان هالمنتدى مختص بالتصميم كان فيه اقسام منوعة بس كان
اختصاصو بالتصميم و كان بركز ع هالشي , طبعاَ المصممين الي فيه تعدوا مرحلة الابداع
بمراااااااااحل و الاحلى من هيك انو كل مصمم كان عندو لمسة خاصة فيه !

كان في مصمم لهلأ بتذكر الاسم المستعار الخاص فيه كان COLOR
و حرف الار كان بالمقلوب , كان هالمصمم حرفياَ الوحيد الي ابهرني من بين كل المصممين
مع انهم كلهم للأمانة مبدعين و محترفين التصميم بس هاد كان متقن فن بيشبه كتير فن
ال c4d
و فن الفرش مع بعض

بس انو كانوا بمستوى مختلف تماماَ , شي بعمري ما شفت متلو !

كان مثلا الختم المميز هنيك لازم 3 تصاميم مميزة و احترافية هو كان ينزل تصميم واحد
بس ينختم مميز من كتر ما تصميمو متعوب عليه و احترافي بشكل فظيع

كانت تصاميمو بحسها عشوائية من ناحية انتشار عناصر التصميم و الالوان بس لما
ضل اتطلع ع التصميم حس انو حلو بشكل غريب و صعب انو الواحد يركز بشو كان بحس
لما كان عم يصممو بتحسوا في تداخل بالمشاعر !

و لما كنت فكر انو اوصل لنفس المستوى الي هو فيه كان يجيني عجز بالتفكير حرفياَ
لأني بدي سنوات ضوئية لاول لربع مستواه

ومصمم تاني لهلأ بتذكر اسمو كان اسمو Funnylord
كان مشهور بتصاميم البليند ! حرفياَ كان ملكها !
هو الي عرفني لعالم البليند وكنت فكر انو البليند بس بكون دارك
لأن اغلب المصممين الي كانوا يستخدموا هالاسلوب كانوا يصمموا تصميم دارك
ف اول مرة شفت تصميم بليند لايت و كان لون الأبيض و الاوف وايت غالب
انبهرت حرفيا ! كان تصميم شبيه بالملاك ! كان كل شي فيه بيرفيكت !
الدمج ؟ اساساَ مستحيل تفرقوه عن الصورة الاصلية من كتر ما كان سموث
و احترافي ! و ناعم

كان عندو تصاميم كتيييييييرة بليند منها صغير و كبير و تواقيع و اكتر شي كنت انسحر
فيه هو التصاميم الكبيرة لأني دائماَ كنت شوفها صعب تنفيذ اي فكرة تصميم بحجم كبير
بس هو حتى ابدع من هالناحية !

و مرة نشر كمان المستلزمات الي بيستخدمها وقت البليند و حملت الملف واحتفظت فيه
بلابي القديم بس للأسف اللاب ودع بالي فيه !

و الي عجبني اكتر و اكتر فيه انو هو الي بيعمل تأثيرواتو بنفسو لأن البليند بيعتمد كتير ع التأثيرات
النهائية و بحس يعني ما بيكمل بدونهم ! و مرة نشرهم و صرت اتسخدمهم بتصاميمي كانت تأثيرات
جداَ حلوة !

ف يعني لو ترجع المنتديات الذهبية اكيد رح لاقي مليون سبب اني اتحمس و اندفع لاني اتعلم شغلات
جديدة و خاصةَ انو هلأ دراستي ما عاد الها علاقة بالتصميم ف اعتقد انو هالشي رح يخف بس اكيد ما رح افقدها
لأني بحاجة لهواية ابداعية و هواية حركية على الأقل وحدة و بما اني تركت الرسم للأبد مع اني كنت حبو بس
مسلتزماتو بتكسر الضهر خاصةَ هون بالمانيا و لو كنت محترفة بالرسم كنت مستعدة ادفع بقرة حجي حق هالمستلزمات

ف اي رح خلي التصميم جانبي بس اكيد مارح يكون نفس قبل لأني الالهامات الي كنت اخدها راحت للأسف
كانت @Yarrow
ملهمتي هون وكانت حرفياَ تدفعني اني اتعلم شغلات جديدة و مازالت طبعا

-



يالله اديه العمر مر بسرعة ! عنجد شي ما بيحمله عقل لا والله !
مرات بنسى عنجد انو كل سنة عم اكبر سنة و عم اتناسى اديه
صار عمري ! فلما كون ناسية و طاشة بهل الحياة و اذ بكون
فاتحة اليوتيوب و عم بسمع اغاني و فجأة من اغنية لأغنية
بيطلعولي اغاني من الجيل القديم , اغاني قدمها 10+ سنوات
اغاني بتذكرني لما كنت مراهقة , طاشة , ايام كنت مفكرة عندي
رفقات , حياة , ايام لما كان عم ينضحك علي و مفكرة اني عايشة
بالجنة , ييييي شو كانت تذكرني , ايام لما كنت مجنونة و ماهاممني
شي , عنجد كيف هيك اغنية بسيطة ترجعلي كل هالذكريات المدفونة !
شي منها حزين و شي سعيد ( بس سعيد طبعاَ وقتها لأن ماكنت شايفة
الصورة الكاملة )

كتير مرات والله بيجي ببالي امسح كل صور الذكريات الي مخبيتها بالفيس
بوك ! في صور من الامارات من 2008 مخبيتها بالفيس وحاطة خصوصية
ع الالبوم بس انا بشوفو و حاطتهم للذكرى , كون الانترنت اكتر مكان منيح
انو الواحد يحتفظ بشي لاطول فترة ممكنة !

كتير كان يجي ببالي اني امسحهم لأن الذكريات الي بتجي منهم بتعل القلب!
يعني صح ( كنت وقتها سعيدة ) بس كلما شوفهم بغم ع قلبي و بتذكر دائماَ
اديش كنت غبية و هبلة !

للامانة في منهم صور مجنونة و في منهم لما شوفهم بفرط ضحك , بس
شو ذنبي اذا انا بنت حلال , و العشرة مابتهون الا على ابن الحرام ؟
مو بإيدي هههههه حتى الذكريات ما بقدر خونها بس مع هيك الا ما يجي يوم
و امسح كل هالصور , لأن بالاساس انا قطعت علاقتي مع كل اصحاب الصور
ف ضلت الذكرى بس , رح امسحهم لما تجيني القوة لهل الشي !

بس حدا مصدق انو هالسنة رح يصير عمري 30 ! يااااه ليه هيك صار الرقم
كبير ! كنا 18 وما احلانا

طبعاَ انا ما عندي فوبيا العمر متل اغلب البنات , كتير حابة هالعمر كتير
مميز و احلا شي فيه انو انوثتي بتكمل فيه و فعلاَ حاسة فيها اكتر
من لما كنت بأوائل العشرينات !

هلأ منغمض عين منفتح عين و مابشوف حالي الا صرت بال 40

أحسني رجعت سنين لورا مع تدويناتك اليوم، لما حكيتي عن تجربتك مع المنتديات حسيت شقد العمر بيركض فينا مبارح المنتديات كانت مليانة على آخرها و اليوم صار في انستا و تيكتوك و ولى زمن المنتديات، على طول فيا حنين لهداك الزمن رغم أني كنت بزرة وقتها و على طول الحنين مرفوق بحسرة أنو والله كنا بخير أوائل التطور التكنولوجي لما كان في عندنا قابلية المفاجأة هلء وصلنا لمرحلة من السرعة التكنولوجية لدرجة ماعد صرنا نتفاجئ ماعد في شي فيه يخلينا نحس بالواو هي تجربة تستحق عكس بدايات المنتديات

خرجت عن السياق بس أيقضتي فيا الحنين، إن شاء الله تلاقي أسباب توقض فيك الشغف لأنو حرامات في حق مستواك بالتصميم ينحط بالزاوية، بس على كلٍ خليك مع أزبط اشي إلك بالفترة الحالية لأنو العمر مراحل و توجهات و طبيعي تخف و تتغير الحياة أساسها المرونة

أما بالنسبة لسذاجة المراهقة و الشباب و التجارب الي تحسي حالك كنتي مخدرة فيهم هي التجارب هي الي بنت سيلين الحالية لأنو سيلين القديمة ما كانت حتزبط مع الوقت و التجارب الجايين (و كانت حتسقط سقطة قوية) و راح تستمر فالتطور مع كل التجارب و التفاصيل الصغيرة الي تعيشها كل يوم، كل سنة و أحلا ثلاثينية طيبة اعتبريني أول معايدة حتى لو ضايل شهور ع عيد ميلادك XD