-
الدول العربية كانت خلال اسابيع بمرحلة ايران ما ترد وتخاف ترد وايران بس كلام
اليوم بدأت مرحلة مسرحية ومتفق عليها ومن هالخرابيط الي ما تخلص
انا اقول للدول الي تقول مسرحية ان ترد هي وتشوفنا شطارتها بالصواريخ والطيران المسير
نريدهم يخلون اليهود يعيشون رعب نفسي لايام , نريد صريخهم وعويلهم يملأ المكان لو حتى ساعة فقط !
ما راح نلاقي هالشي!! , المسرحية الوحيدة الي صارت الامس هو انكشاف الطيران الامريكي الي صد الطيارات المسيرة والصواريخ
وهي تقلع من قواعد بالاردن ومن السعودية .. هاي المسرحية ان تساهم دول عربية بصد هجمات على الكيان الصهيوني!
نكته ان الي صار مسرحية هي كلمات يضحك بها ولاة الامور وشيوخهم على شعوبهم لحتى ما يحسون بالنقص لما يشوفون دول ثانيه
تسوي امور ضد الدولة الصهيونية الهشه الضعيفة خصوصا وانهم دوم يصوروها لشعوبهم انها دولة قوية ومخيفة وتدمرهم!
هالدولة الي غزة المحاصرة كسرت ظهرهم وخلت 200 الف عائلة منهم مشردة من حدودها ..
نفسها هالدولة القوية الي حزب الله بلبنان سبب تشريد اكثر من 100 الف عائلة من مناطق سكانهم وبالفنادق!
نفسها هالدولة الي اقتصادها يتدمر تدريجيا وتموت داخليًا لكنها بنظر ولاه الامر والخليج دولة عظمى لا تقهر!
ببساطة الرد الايراني ما كان لنصره غزة ولا الايرانيين صوروة على انه نصرة لغزة واتحدى من يجيب كلام بعكس هالشي
الرد الايران كان رد على الهجوم على قنصليتهم بسوريا وهذا الي وضحوة بعدة مناسبات ووضحوا انه رد راح يكون محدد
لانه مو رد بهدف الدخول بحرب بل هو تهديد واضح اننا راح نطلق صواريخنا وطياراتنا من ارضنا ونتبنا هالشي بنفسنا
واننا مستعدين ندخل حرب مع الصهاينة لو يريدون ان يقصفون مناطقنا او جنودنا او قواعدنا الخ ..
الرسالة كانت تهديد واضح اننا نقدر نصل لكم , علم الدول بوقت القصف وتصديهم لاغلب الصواريخ والطائرات مو معناها مسرحية
الشي كله ان الغاية هو تحذير وتهديد قوي للصهيوني من انه يوقف من استهداف المصالح الايرانية وان هالرد تم صده
فالرد الي جاي ما ممكن صدة لان ببساطة الطائرات والصواريخ الي تم صدها كلها متهالكة وقديمة وكانها تجربه من ايران
اما الصواريخ الباليستيه والكروز فالي صدها هي القبة الحديدة بعمق الصهيوني ولو كان عددها بالمئات فكان اضرارها كبيرة
بس لان ايران ما ناوية تدخل حرب فكان ردها بالوزن هذا وحتى وان ما حقق شي يبقى احسن من الخنوع والخضوع والجبن الي نشوفه
عن الدول العربية الي حتى النعام ما يدفن راسه بقدهم ..
المسرحية مو ايرانيه المسرحية الي شفناها هو مساندة دول عربية للصهيوني بشكل رسمي ..
اما عن غزة فغزة ما تحتاج مساعدة من ايران ولا من احد غزة وكلت امرها لله والله وحدة ناصرها وبقوت رجالها انكسر الصهاينة
وانكسرت قوتهم واهتزت صورتهم وكثرت جثثهم القذرة وجرحاهم وتدمر اقتصادهم وتخبطوا داخليا وخارجيًا
وتدمرت صورتهم القوية امام العالم على انهم دولة هشه مصيرها الزوال الا بالدول العربية يشوفها وحش مدمر لا يمكن لاحد ان يقدر عليه.
وان المقاومة في غزة غلطت لما قررت تاخذ بحقها ولازم تبقى خاضعة للصهيوني !!!!
المسرحية الوحيدة الي انكشفت هي نكته الوحدة العربية والوحدة الاسلامية ..
تسلم يدك قلت كل اللي ببالي اقوله و الله
بس للاسف حسيت انو انظار العالم كلها راحت للي يصير بين ايران و اسرائيل و هالشي خلى في تعتيم ع اخبارنا بغزة
ايران عدو اخطر من الصهاينة
اما مساعدتهم للمقاومة فمش لانها بتحب العرب بس مصالح توسعية للسيطرة على الدولة العربية
و لكم في لبنان العراق سوريا اليمن عبرة
خلينا نتفق ع شي واحد كمسلمين
العدو الأول من زمان من زمن الانبياء هم بني اسرائيل
و ربنا ذكر هالشي بكتابه الكريم أكثر من مرة
لنفرض ايران عدو للعرب او لدول الخليج ممكن تذكر لي سبب واحد لتكون ايران عدو لهم غير ترهات السيطرة ع الدول العربية ؟ دول الخليج لهم عدو واحد و هو طمعهم و خروجهم عن دينهم لحد ما صاروا امعة و عار على الاسلام و المسلمين
@Nerissa
فاهمك بس عندي سؤال الكم شو هي مصالح الحكام في عدم التدخل و انقاذ غزة
اعتقد وحسب فهمي المتواضع ان بعض الدول العربية طبعوا مع اسرائيل مش حبا فيها بس لانهم عندهم عدو مشترك هو ايران
كل اللي طبعوا مع اسرائيل لهم اهداف ثانية مالها اي علاقة بإيران كلهم اسبابهم نووية و اقتصادية و سياسية
و فساد بالارض متلهم متل اسرائيل كلهم وجهين لعملة واحدة
