2012 The Mystery & Thriller Hindi Movie | Kahaani (1 زائر)

[Detective JoulZ]

Where are you Arnab
?
.
.

I can't live without you

My name is Vidia Bagtshi

This is my journey to find my husband


Will you come and search with me
?
.
.

​

 

[Detective JoulZ]

الاسم باللغة الانجليزية : Kahaani
الاسم باللغة الهندية : കഹാനി
الاسم باللغة العربية : كهاني
مدة العرض : ١٢٢ دقيقة (ساعتين ودقيقتين)
التصنيف : غموض واثارة واكشن
اللغة الاصلية : الهندية
تاريخ الاصدار: ٩ مارس ٢٠١٢
الترجمة : العربية
المخرج : Sujoy Ghosh
التصوير : Satyajit Pande
الموسيقى : Vishal–Shekhar
الشركة المنتجة : Wave Cinemas

Vidya Balan بدور فيديا باغشي

المرأة الحامل اللي بعد الحادثة بسنتين راحت تدور على زوجها المختفي ارناب
للامانه معرفه فيديا بتمثييييلها الررررهيب واللي ما شاف لها افلام ما راح يعرف قصدي


Parambrata Chatterjee بدور الملازم رنا

الملازم اللي اشفق بشكل كبير على حالة فيديا الصحية تخيلوا وحده حامل وما خلت مكان ما جاته
انا لو منها بتسدح وبتبطح وبعد ما اولد بالسلامة بدور على زوجي < برا هههههه
عموماً الملازم هذا ملازمها ومعها ويساعدها
كممثل اول مره اشوف له افلام < مني شخصيا ولا تمثيله حلو

Nawazuddin Siddiqui بدور القائد الاعلى للضباط خان (ماسك القضية من بدت)

هذا الانسان دوم معصب وضايق واكثر كلمه يقولها اخرج اخرج out out
بس تمثيله فنان والله اتقن الدور بشكل ههههههه ولا عيونه حممممر دليل انه عصبي

Indraneil Sengupta بدور ارناب باغشي

ارناب هذا بس فلاش باك ولا ابي اتكلم عنه واجد اخاف احرق للي بيشوفه
بس اللي بقوله انه انسان ونعم الزوج الصالح

Saswata Chatterjee بدور موظف تأمين بوب بيسواس

هذا اللي يطبق عليه مقولة يا ما خلف السواهي دواهي
حلو تمثيله ويا اني ضحكت ضحك عليه اذا شفتوا الفلم بتعرفون قصدي هههههههه

تبدأ القصة بشخص يسوي تجارب على فيران وينتج غاز سبب فاجعة عظيمة وموت جميع الركاب في مقصورة القطار بمحطة بمدينة كلكتا
ومن هنا بعد سنتين من الحادثة والفاجعة العظيمة تجي بداية القصة لما تدور فيديا باغشي (الحامل) زوجها ارناب المفقود
ويساعدها ملازم اسمه رنا > عليه اسم

ولغز ورا لغز وحكايات يرويها الشهود والعيان اللي تقودهم لزوجها اللي يعتقد يا انه مفقود او مختطف او مات
فهي تبي بس تعرف وضعه وحالته ومن هنا تبدأ رحلة البحث عن ارناب باغشي ؟

وين ارناب باغشي ؟ وكيف بتلقاه وحدة حامل في اخر شهور الحمل ؟
قصة جداً جداً مشوقة ولا ابي احرق اكثر

حاولت ادور اعلان مترجم ما حصلت بس في النهاية هو فيه كلمات انجليزية

^
هالفلم ما شفته ما تكلمت عنه واجد

 

[Detective JoulZ]

الفلم ماخذ تقييم ٨ من ١٠ في موقع IMDb وانا اعتبر النسبة عالية كفلم غموض واكشن (هندي)
واللي شاف افلام هندية يعرف انها من النوع اللي يبالغ بالدراما شويات فكنسبة تصويت اشوف انها كويسة
كان ودي اعرض عليكم بعض اراء اللي شافوا الفلم وقيموه بس للاسف فيه حرق واجد
لذا توصلت لحل بخصوص هالفقره راح اخليها فقره لتقييمكم للفلم بمعنى اللي بيشوف الفلم وبيقيمه
يكتبه بالرد كم يستاهل من ١٠ وانا راح اضيفه بالموضوع

مثال

@ROI < اسمك سهل بالكتابة شاف الفلم وكتب برده
تقييمي للفلم ٧\١٠ لان كذا وكذا

وراح اضيف كل رد لذا من الافضل تشوف الفلم قبل لترد على موضوعي

الفيلم على مركزين بجوده 1080p BluRay

Kahaani 2012
.
.
Mega
.
.
Mediafire
.
.

​

 

[Detective JoulZ]

 

[Detective JoulZ]

للامانة انا اول مره اشوف فلم هندي يكاد يخلو من الاغاني الهندية تخيلو ولا اغنية هندية ورقص بالفلم < هههههه

مع اني للامانه من محبين الاغاني الهندية والرقص الهندي كذلك وغير كذا ان الفلم يخلو من الدراما الاوفر اللي في العادة الهنود ما يخلونها ههههههه

بمعنى ان فيه بس مو اوفر نفس بقية الافلام اذكر مره شفت فلم هندي اقسم بالله يا ان الثور اللي فيه كان واضح كمبيوتر غير كذا لما هجم عليه الثور ما طلع دم

وازيدكم ربت على ايده وسبحان الله نشف الدم ونظفه بماي النهر - الله اكبر -

لا هذا الفلم دراما معقوله اكشن اثارة غموض وصدمة في اخر الفلم معقولة تعتبر

تصدقون هالفلم شفته مرتين مره يوم نزل ومره ثانية امس < احلفي هههههه

وفي المرة الثانية انا ناسية التفاصيل عشان كذا عدت اشوفه ويستاهل الاعادة لانه بالنسبة لي افضل فلم اكشن هندي < ما عمري شفت فلم غموض هندي قبل

وهو له جزء ثاني واضفت التريلر تبعه بس للامانه ما اسهبت فيه لاني ما شفته وهذا اهم سبب اني عدت الاول امس

ناويه اشوف الثاني بعد

واتمنى ما يخيب ظني ولا توقعاتي

اولاً اشكر نفسي لاني خلصت الموضوع بوقت قياسي يعتبر

لاني مستحيل اسوي موضوع بهالضخامة في ٥ ايام هههههههه

وحتى ولو ما فزت اعتبر هالشهر انجججاز بشكل ككبييير جداً

وأحب اشكر اخوي @MR.HERO على الرفع ما قصر اضفت للموضوع رونق

الموضوع كامل جهد شخصي مني

- جميع الحقوق محفوظة لأنمي تون -

تم بحمد الله



​