درس تصميم طقم بروفايل✎ | غلاف , رمزية , توقيع!★ (3 زائر)

[?IM-엔젤?]

السلام عليكم ورحمة الله وبركاته..
أخباركم ؟ إن شاء الله تمام ؟ شكراً @V E N U S عالطقم النااار
طبعاً هاد أول موضوع أعمله

وإن شاء الله ما بكون آخر موضوع برضو

احم احم
حنتعلم اليوم إن شاء الله كيف نسوي طقم كامل لملفنا
(يعني رمزية , غلاف وتوقيع) بس حتكون بطريقة شوية مختلفة على شكل مغامرة
فتحوا عقولكم ووسعوا خيالكم وندخل جوا مغامرة الجبابرة
حنمر عبر الخريطة مع بعض
خريطة اسمها :

https://www.pinterest.com/pin/1021050546761964945/

جبابرة التصميم

محتوى مخفي: الخريطة:)

حنمر من عدة تضاريس زي أودية وجبال و حتى كهوف نبدأ من غابة الرموز

بعدين وادي الغلاف و كهف التواقيع و أخيراً مرحلة اختياري بس اللي بيقدروا يتحملوا يدخلوها - جبل التحدي (والبكاء)

بسم الله جهزوا العتد والعتاد وننطلق

​

 

[?IM-엔젤?]

أولاً : غابة الرموز (الرمزية)

بسم الله المرحلة هاي حتكون سهلة وبسيطة إن شاء الله

بس شوية عقبات صغنونة -بس شوية خطوات أكثر من المعتاد ولكن دائماً البدايات بتكون صعبة..

ولكن بتنحل وإن شاء الله ما بتاخد وقت كبير
ما تنسوا تجيبوا الماوس للي حابب يطبق أو القلم للي حابب يسجل الملاحظات !.

بعد ما اخترت سلاحك نبدأ بالمغامرة

محتوى مخفي: الخطوة الاختيارية : مع sharp

1. نفتح ملف جديد بمقاس الطول 125 X العرض 75.50.

2. بنجيب الخامة 1 وبنصغرها وبنحط مكانها نفس الصورة.

المقاس والمكان :

3. بنجيب الخامة 2 وبنصغرها وبنحطها فوق الخامة 1.

المقاس والمكان :

4. بنعمل ماسك للخامة 2 من خلال الأيقونة وبعدين ما ننسى نضغط على الماسك.

5. بعدين بنحدد بأداة التحديد المربع نفس الصورة ونتأكد أنه يكون اللون أبيض -عشان ينمحي معنا-

وبنضغط زر Delete

محتوى مخفي: هيك بصير :)

6. بنجيب محاية ناعمة وبنمحي الزوايد عبل ما يصير بهاد الشكل.
حجم المحاية : 17

7. بنجيب الخامة 3 وبنصغرها حسب المقاس المكتوب.

المقاس والمكان :

وبنحطها Overlay

8. بنجيب الريندر وبنصغره وبنحطه نفس الصورة.

المقاس والمكان :

-خطوة اختيارية الظل
1. بنعمل طبقة جديدة ونسميها ظل.

2.وبنختار فرشاية ناعمة ونرسم الظل تحت رجلين الريندر

4. طبعاً بنحط
Opacity : 58
fill : 82

9. بنجمع طبقات الخلفية بطبقة وحدة من خلال نضغط على Ctrl+G وبتصير هيك.

التأثيرات:
1. بمجموعة الخلفية بختار من الأيقونة Hue وبحط الإعدادات كالتالي وبعدين بختار برضو levels.
-خطوة اختيارية لأنها خلفية- المهم بنحدد Hue وبالزر اليمين بختار Clipping Mask وهكذا لLevels.

وبحط الإعدادات كالتالي:

2. بنعمل نفس الحاجة للريندر بس بنختار Hue وبس وبحط الإعدادات كالتالي:

محتوى مخفي: بتصير الصورة عنا هيك :)

10 . بضيف طبقة جديدة وبسميها الخلفية ما ننسى نسكر الظل والريندر حنعرف بعدين ليش!

11. من Image بختار Apply Image وبعدين Ok-عشان يعمل كطبقة وحدة لكل الطبقات الموجودة ومع التأثيرات برضو- أو بنعمل لما نحدد مجلد المجموعة بنضغط Ctrl+E

محتوى مخفي: بتصير الطبقة عنا هيك :)

وبعمل هاد الفلتر لطبقة الخلفية هاي وبختار Ok:

12. بنختار Pen tool

وننتبه تكون الإعدادت يكون shape مش Path وبنعمل الشكل هاد وبنختار بدون لون من fill عشان نشوف ايش بنعمل -وعادي بعدين بنقدر نعمل اللون-

-هاد الشكل عملت :

13. وبنحطه عالجنب زي ما حطيت

14. بنختار خط وبصغره وبلفه بس بكون أبيض واسمه هيك:

- وبعمل كمان خط اسمه ولونه أحمر وحجمه نفس هيك
وبحطه فوق عالشمال

15 . بستعمل Pen tool تاني وبعمل بنفس الإعدادت عشكل الخط والشخصية بهاد الشكل- لونتها أسود للتوضيح فقط-

16. بحط الخامة الضوئية و Soft light بهاد الشكل

المقاس والمكان :

وآخر اشي بحط التأثير -جاهز- وبصير نفس النتيجة.

محتوى مخفي: الطبقات في النهاية:)

وعنا خطوة اختيارية تانية
وهي sharp طبعاً تعلمتها من @THE KNAVE شكراً عالدرس المفيد:
Lighter and wilder || درسين & كولكشن رمزيات
-بنصحكم تشوفوا درسها خرااااااافي-

1.بنعمل طبقة وبنسميها الصورة النهائية أو أي حاجة ولازم تكون فوق كل الطبقات وحتى التأثير -نفس قصة الخلفية-
2. بنروح ع Filter < sharpen < Smart Sharpen وبعدين بعمل بهاي الإعدادات وآخر اشي Ok.

وخلصنا هيك أول مرحلة تقريباً نص الشوط لأنها خطواتها كتيرة من التعب والإجهاد والشوك والعقبات

الواجب يا أبطال تعملوا بنفس الخطوات تصميم رمزية

طبعاً اختاروا الأدوات والخامات عكيفكم أما أدوات الدرس فهي هنا!
​

 

[?IM-엔젤?]

ثانياً: وادي الغلاف (الغلاف)

طبعاً بهاي المرحلة ما حنتغلب كتير لأنها مبنية على المرحلة اللي قبل وبما إنكم تخطتوها يبقى أكيد آخر مرحلتين حتكون سهلين جداً

وللأسف خسرنا شوية محاربين في هديك المعركة والمرحلة
ولكن لازال هناك من يقرأ ويقاوم إغراءات الراحة والتوقف فما تستسلموا أنتم لها!

1. نفتح ملف جديد بمقاس الطول 150 X العرض 475.

2. بنجيب الخامة 2 وبنصغرها وبنحط مكانها نفس الصورة.

المقاس والمكان :

3. بنجيب الخامة 3 وبنصغرها وبنحطها فوق الخامة 2 .

وبنحطها Overlay

المقاس والمكان :

4. بنجيب التأثيرين تبعون الخلفية اللي عملتهم سابقاً في الرمزية وبعدل على إعدادات هدول الاتنين نفس الصورة .

3. بنجيب الخامة 4 وبنصغرها وبنحطها فوق الخامة 3 .

المقاس والمكان :

5. بعدين بنحدد بأداة التحديد هاي نفس الصورة ونتأكد أنه يكون اللون أبيض -نفس الخطوات السابقة في المرحلة الأولى-

وبنحدد كل المستطيلات البيضاء.

وبنعمل ماسك الها .

وآخر حاجة بنغير المود لDivide .

3. بنجيب الشكل اللي عملناه بنعكسه شمال

المقاس والمكان :

3.وبنجيب شكل الاسم اللي عملناه برضو

وبنلفه ونخليه بهاد الشكل

المقاس والمكان :

وآخر اشي بحط التأثيروالخامة الضوئية-تعت الرمزية - وبنعدل بهاي التعديلات وبصير نفس النتيجة.

محتوى مخفي: الطبقات في النهاية:)

والمفاجأة الجديدة هي بعض الفلاتر نستخدمها على الغلاف:
1. Facet:

محتوى مخفي: النتيجة:)

2. Wave:

محتوى مخفي: النتيجة:)

3. Iris Blur:

محتوى مخفي: النتيجة:)

وخلصنا هيك ثاني مرحلة وقطعنا أكتر من نص الشوط

 

[?IM-엔젤?]

ثالثاً: كهف التواقيع(التوقيع)

بهاي المرحلة حنكون تقريباً خلصنا بس الرحلة الأخيرة باختياركم مبنية على المرحلة اللي قبل وبما إنكم وصلتوا لهاي المرحلة يا أبطال
بعد تعب وجهد طويل بس لسا ضايلين تقرأوا ومستمرين بالتعلم ..

1. نفتح ملف جديد بمقاس الطول 50 X العرض 125.

2. بنجيب الخامة 1 وبنصغرها وبنحط مكانها نفس الصورة.

المقاس والمكان :

3. بنجيب الخامة 3 وبنصغرها وبنحطها فوق الخامة 1 .

وبنحطها Overlay

المقاس والمكان :

3. بنجيب التأثيرين تبعون الخلفية اللي عملتهم سابقاً في الرمزية برضو وبعدل على إعدادات بس Hue نفس الصورة .

4. بنجيب الريندر 2 وبنصغرها وبنحطها فوق الخامة 3 .

المقاس والمكان :

5. بعدين بنجيب التأثير نفسه اللي عملناه للريندر الأول ونعمله برضو Clipping Mask.

6. نفس ما عملنا بالمرحلة الأولى بنعمل تاني ونختار Pen tool وبنعمل الشكل حسب الريندر هيك:

7. بنجيب الشكل اللي عملناه وبنقلبه تحت ونعكسه شمال زي الصورة.

المقاس والمكان :

8. على نفس لون ونوع الخط الأحمر بكتب الجملة اللي بدي إياها وبكبرها وبحطها عنص الشمال
والخط الأبيض كمان بس بخليه أفقي.

9. وبنعمل شكل حسب اللي كتبناه مثلاً نفس جملتي وما ننسى نعمله تعبئة بيضاء
وبنحطها تحت الخط .

آخر اشي حنلاحظ بعد ما حطينا التأثير والخامة الضوئية أنه الريندر شكله مخبص يشوي وغامق فعشان نزيد جمالية حنعمل ضوء للريندر:

1. من الأيقونة الدائرة بختار Solid Color وبختار اللون أبيض .

2. بنروح على Mask الطبقة ولازم أكون منتبهة أنه اللون القدام أسود وبختار أداة التعبئة وبضغط على لوحة العمل بالزر الشمال.

3. بنختار المحاية الناعمة وبهاد الحجم 84 ونمحي شوي من الوجه زي ما أنا عاملة على Mask الطبقة .

وبغير المود تبعها لSoft light .

وآخر اشي بحط التأثيروالخامة الضوئية-تعت الرمزية - وبصير نفس النتيجة.

محتوى مخفي: الطبقات في النهاية:)

وخلصنا هيك آخر مرحلة وقطعنا الشوط كله

كان درس بسيط صح

بس كنتوا شجعان جداً وصابرين
بهنئكم !

فخورة فيكم جداً



​

 

[?IM-엔젤?]

خلصنا من الحكاية تقريباً
الواجب يا أبطال تعملوا بنفس الخطوات تصميم رمزية



طبعاً اختاروا الأدوات والخامات عكيفكم أما أدوات الدرس فهي هنا!

هل أنت
شجاع كفاية
لمواجهة هذه المرحلة بمفردك؟!
إذا كنت شجاعاً فإليك المغامرة هذه ولكن هذا الجبل سيكون شاقاً وصعباً

بس مش مستحيل !
التحدي
أن تختار أدوات خامات بعشوائية بعدين اعمل باستخدام هاي الادوات طقم بروفايل بنفس الطريقة اللي في الدرس
الجائزة حتكون رسمة أو بروشور خاص لكل من مر ونجح فيها .

تم بحمد الله
الصراحة مش عارفة كيف أختم بس شكراً جداً لقرائتكم الموضوع ويارب أكون أفدتكم ولو نونة
ومتحمسة جداً لطبيقاتكم
وانتبهوا على نفسكم وكونوا بخير​