هدى تٌزهر . (1 زائر)

[هدى.]

كنت لفترة جالسة بصمت بمكاني اتأمل

ان مجتمعي كثير مؤذي بشكل شرس

ماعتقد ان فيه في العالم بهالقدر او يمكن

لاني اصلا ماشفت العالم زين،



على قدر الألم تتشكل المعاناة وجالسين يتوارثون

الصدمات من زمااان لين وصلت لي انا وغيري

لا احد طوال تلك السنوات تجرأ على مواجهة

الظلام والألم الذي بداخله .



صدق ان المؤذي ضعيف وللاسف كل هالأذى

نابع عن ضعف كبير وللاسف ان اجيال تناقلته

مرة بعد مرة ومحد كسر السلسلة للان

الاقوياء مايأذون مؤسف ان مجتمعات كاملة

قائمة على الضعف الداخلي ومنها مجتمعي



مخيف لمن يكون الأذى نمط حياة ويينشاف طبيعي؟

واوو التكيف البشري مرعب !!! تخيل انك تتكيف

مع معاناتك وتراها طبيعية ؟ وحين ترا الحياة

الطبيعية لاتدرك ان هذا هو السليم !

تعلق في ظلامك لدرجة انك لاترا النور +/؛



وبعدين عشان تتعمق الورطة اكبر تربط بأمور

زي الدين او الفضيلة اخ كمية الضياع محزنة



الجيد في القصة أنك ماتوضع في مكان الا وانت

بقدر تحدياته وان كنت محظوظا ورأيت النور

وقررت ان تخرج تعلق بدائرة حنين الذكريات

لكن ايايكن ربما القصة كانت كهذا من البداية

واشخاصك المفضلين او المحبين

ليسوا هكذا اصلا



ربما كنتم مجرد رفقاء يجمعكم الظلام

ليس ألا ظهر مرة نور خافت

احدكم لم يلتقطه فبقي في الجحيم

وانت التقطته فقررت النجاة ...

فأنفصلتم



الحقيقة موجعة لذا لا نحبها

​

 

[هدى.]

اخخخ ذكريات ريزدنت ايفل اوت بريك لعبتها زمان
وكانت شخصية اليسا المفضلة لي ؛) ماكنت ناوية
العب العاب رعب حاليا بس مدري بعد ماشفت
العرض حسيت برابطة ببنت اليسا

بفكر فيها

​

 

[هدى.]

ودي اشاركم مشاريعي الموسيقية اللي سويتها
بس احس ماني مستعدة بس بديت
اشتغل وحصلت دعم حلو بس مو الحين
مستحية اطلع مواهبي لناس يعرفوني


بس رسميا مشواري الفني بدأ xd
ومسكت بداية الخيط وعندي خطط معينة
باخذ خبرة ما عن طريق ... شيء لمن يتم
بقوله وروح الفنانة اللي بداخلي رفضت
تموت رغم كل الضغوط المجتمعية والاسرية
وكل هالدراما يخي الارواح المبدعة عظيمة
مهما تدعسهم الحياة يكملون

اعتقد اني طوال الوقت كنت خايفة مني
اقصد خايفة اعبر عن نفسي قدام العالم
بس سويتها واه واووووو • قشعريرة •
ومؤخرا عرفت شيء عني انا شخص
خجول جدا بس ماكنت اعرف؟


بشرح شيء جتني كثير لحظات ادراك خصوصا
يوم فلكيا عرفت عن قمري اللي يمثل المشاعر
بالبيت١٢ اللي هو بيت الاسرار والضبابية والفن ..الخ

انا دايم كان عندي نمط قمع مشاعري حتى لوبشكل لاواعي
تعرفون عشان طفولتي المعقدة وماكنت اعبر وقتها
لان محد كان يهتم فكنت اكبتها وخلاص
ولمن مرة بعبر وطفح الكيل اما اكتب تلميحات
او اغني او صمم شيء يعبر عن الكارثة اللي كاتمتني ههههه

لكن بعدين بديت بسالفة الكورسات حقت المشاعر لين وصلت
اني صرت اكتب مشاعري بمفكرة اول بأول حاليا
لكل موقف واحذفها نفس التفريغ
واحس ان اهااا انا كذا؟ انا حسيت كذا ؟
صح انا شعوري كان كذا ... وهكذا
وعرفت اشياء معينة عني انا حسيت كذا
بس انا قمعت الشعور وقتها وتظاهرت بشيء اخر ؟

وتصير كذا تلقائيا تفهم نفسك بدون تزييف حبييت
كانت لحظات ادراك حلوة يمكن تحتاجون
تجربونها لو كنتو كتومين او تعودتوا ماتعبرون

​

 

[هدى.]

هممم العالم يشتعل اعتقد ان الصهاينة راح يحسون لفترة
بنشوة الانتصار الله يحمي
الشرق الاوسط وكلنا من القادم
كله لخير ان شاء الله

​

 

[هدى.]

مشاركة في الموضوع 'هدى تٌزهر .' هدى تٌزهر .
بعد نقاشي مع اخي عن اللعبة اكتشفت
اني ملخبطة وان البنت ماماتت بالجزء اللي لعبته انا على الاقل
اعتقد اني تشوشت من كثر الالعاب

​

 

[هدى.]

قبل فترة قريت قصة
بنت تقول ان كان عندها صديقات
وبينهم عشرة طويلة المهم
هي انخطبت وتقول اني تفاجأت
صاروا يحاولون يفتعلون
مشاكل عشان نتقاطع! ويغلطون
علي ويوم رديت عليهم افعالهم قالوا ايييه تغيرتي
علينا عشانك تزوجتي xd
وقطعوها وتقول اكيد بيروحون
لناس ويقولون شفتو صديقتنا
فلانة تزوجت وتغيرت علينا!

فتقول احس انهم فعلا
زعلوا يوم انا صارلي شيء يعتبر
مختلف عنهم مولازم ان
الزواج اختراع ذرة بس قصدها
ان مافرحوا لها زعلوا فبدأو
يسوون هالحركات وقلبوها
عليها

فجلست افكر ان احيانا
انت ماتعرف صديقك اللي معتبره
صديقك او حتى لو قريبك
بس من المصيبة احيانا الفرحة
تفضح حقيقته &-& يعني لو نجحت اكثر من صديقك
مثلا وهو بدأ يغار او يقلل من نجاحك وغيره معناها
موصديقك هذا فأحس حتى بافراحك لازم تنتبه
مين هذا اللي مافرح اللي ماصفق ؟

تعرفون ذيك المقولة لاحدهم

/ الجميع اصدقائك ويحبونك طالما
لم تصبح افضل منهم/

احسها عميقة واحس لو فيه شخص
عنده صديق يفرح له من قلبه حتى لو
صار احسن منه فهو كثير محظوظ

​

 

[هدى.]

هالموضوع كثير مأثر فيني واخذ شوط
بحياتي كبير بس انا ماكنت احب اتكلم عنه
لانه حساس جدا لي بس اني بديت
افكك هالشيء من فترة ويمكن ياخذ شوط
مدري، بس اليوم حصللي موقف مع رجل

فهم كلامي غلط + عصب
وحسيت ان هالشيء رفع ضغطي مليون
جلست اقول بنفسي
عقله فيه وشه اكيد كلامي كان واضح
ايش فيه يفهم بالمقلوب &
وشكيت بنفسي وحسيته قلب
الموضوع علي \×\وقررت معد اتكلم معه

انا مرهقة

انا كثثثثير موضوع الرجال والتعامل معهم
يزعجني بشكل موطبيعي حتى لو كان رسمي
احس انفهم غلط واجلس احاول ابرر كثير

فيه كثير اسباب
ومنها

علاقتي بالرجل الاول
في حياتي الاب
معقدة وكل شيء ينبى عليها

وكل الرجال اللي تقربوا مني وعرفتهم
عاطفيا برضو موصاحين !

واحد حاول يتحرش فيني
اهاني ولسانه مترين طويييل
و كسر قلبي ودعس مشاعري وقلي
ان كذا صريح
وواحد كان يحاول يتحكم فيني بكل شيء


المهم كلهم مجانين بشكل غريب حتى اني
اتذكر ان
' كان عندي مقولة ان كل الرجال اللي احبهم
يطلعون ملاعين في النهاية '

وفعلا انا اكون صادقة يعني بقول قصة

ماذكرتها هنا اخر واحد تقدملي كان كثير
لماع يوم شفته وكانت
نظرتي له اعجاب بس بنفس
الوقت حسيت فيه شيء غلط
بس معرفت ايش السالفة +-+

وكملت بعدين يوم خلاص قربت الملكة
شفت حلم هو اللي انهى القصة كلها xd

الحلم كان ابويا قالي روحي شوفي فلان جاء
هو واسرته بالمجلس تمام كنت لابسة
فستان فخم هههههه المهم انا جبت صحن
تقديم وجيت بدخل المجلس لقيتهم يصلون
يعني بعدين حطيت الصحن على الطاولة
ووقفت عند الباب من الخارج وسكرته
انتظر بعدين رجعت فتحته والا كان معاه
مسدس موجهه نحوي هههههه ويقول تعالي
انامت خوف ورحت هربت وهو يلحقني
ههههههههههههههه ودخلت مجلس ثاني
كان مسكر وفتحته وسكرت الباب بعدي
وجلست احاول ادفه وهو يدف من عنده
يقول افتححححي ° انرعبت ° وبعدين

اطالع حولي الاقي المجلس مليااااان
رجال جالسين يتقهوون هههههههههه
واقولهم فلان يبغى يقتلني ساعدوني
ووقفوا كلهم وطلعوا عنده وجلدوه جلد
قسم بالله يا ضربوه وبطحوه بالارض
لين عضها وطردوه من البيت
وانا كنت اطالع من عند الباب كذا

وبعدين امي
قالت ان انصدمتت فيه كيف يسوي كذا !

انا قمت من النوم مفزوعة
انفجعت المهم بعدها تكنسلت الخطبة

بس احلامي عظيمة دايم اقولها
مومجرد شيء عابر، رغم كل هذا

الا اني دايما احس اني محمية
صح اقابل مجانين بس بطريقة ما
الله يحميني منهم ويرجع كيدهم عليهم
وذا شيء انا ممتنة له


مع كل هذي الفوضى
مازلت اتمنى التقي برجل جيد
عندي ايمان انهم موجودين بس مدري
وين يمكن احتاج اسافر لبلاد الواق الواق

هالموضوع يحتاج مني شغل كثير
بس انا بديت فيه عموما سبب التدوينة
هو موقف اليوم اللي ضايقني
قلت خل احكي

اعتقد ان العلاقة الجيدة مع الاب للبنت
في جانب العلاقات جيد يخدمها

والعلاقة الجيدة مع الام للرجل
في جانب العلاقات جيد يخدمه

قريت مرة بكتاب ' ابي الذي اكره '
ان البنت اللي عاشت مع اب مؤذي
دايما تكرر انها لن تتزوج رجلا مثله
لكنها في نهاية المطاف تختار رجلا مثله
لانها مازالت عالقة في دائرة الاذى كضحية
واذا ماحلت القصة راح تتحول بكرا
لمسيئة ايضا نفس الدائرة تتكرر

بس الناس ماتهتم بهالسوالف وتطيح
مع ناس سيئة وانا من ذا الناس
بس الله يبغى لي خير ودايم يمنع
القصة عني قبل ماتكتمل ومن حسن
الحظ ايضا اني اعرف جذر المشكلة
حتى لو اخذ وقت للتشافي

​