نجم وسما وغيمة وشاي.,~ (1 زائر)

[نـَجْم]

بسم الله ، توكلنا على الله وعلى بركة الله ،
،،،
السلام عليكم ورحمة الله وبركاته
كل مابي افتح مدونة اتراجع لذلك قلت افتحها بإرتجالية احسن واسرع XD
علشان ابدأ اكتب واعبر واتكلم بدل ما انتظر قسم الإستراحة يحرك المواضيع،
اصحابنا هناك نايمين .. وربما مشغولين، كان ربنا بعونهم.
المهم كيف حالكم ؟
اسأل الله انكم بخير وصحة وعافية وسعيدين ومبسوطين
،،،،،،،،،
نستأذنكم ولي عودة ان شاء الله راح اتكلم عن مواقف خواطر كتابات اي شيء مادري تعتبر مدونة او لا بس انا اعتبرها مثل دفتر الملاحظات حقي
يلا نشوفكم على خير

بالنسبة لإسم المدونة لحد يركز عشوائي حتى كنت اشرب نسكافيه مو شاي وانا اكتب هههه.

 

[نـَجْم]

في الأيام الأخيرة تقريبا من شهر تغيرت حياتي رأسا على عقب
لأني خُيّرت بين عملين واحد مريح جدا وانطوائي ومزايا جدا كبيرة ويناسبني
وواحد عملي واجتماعي ولا يناسبني من ناحية البيئة راح تقابل الصالح والطالح تقابل شركات اخرى تناقش مشاريع ودوخة ،
وشخصيتي صراحة مابين وبين لست انطوائي ولا اجتماعي ايام كذا وكذا ،
ولكني اخترت الثاني لا اعلم لماذا انا استخرت طبعا ، والحمدلله كانت خيرة لي
اهم شيء الواحد يتوكل على ربه يجي الأحسن دايما حتى لو بدا لنا في بداية الأيام سيء كما قال تعالى : {وعسى أَن تكرهوا شيئا وهو خير لكم}
،،
طبعا قابلت البشر اللي تحاول تطيحك من بداياتك (انا سميته تومبا ، لأنه مثل تومبا اللي بهنتر فعليا في ناس كذا مدري ليش ! يشوفون كل شيء في الحياة منافسة ويأنس بسقوط غيره ) رغم اني دايما احاول اوقظ ضميره واقوله ان حنا نساعد بعضنا البعض ومستحيل اكون بمكان احد ،
وبعدها الحمدلله ينقلبون رفاق لك لأنهم ماقدروا عليك يمكن ! ويمكن ربنا آلان قلوبهم الله اعلم .
ولكني دائما انظر لهم انهم رسل وقدر من رب العالمين يمتحننا فيهم والله بيده كل شيء قادر يسخرهم لك ولجانبك
وبالفعل حاليا ساعدوني كثير وصرت استفيد منهم جدا ، والله الشخص هذا صار شوي و يبكي ووجهه يضرب الوان ويعتذر فجأة ليش مادري !
سمعت ان احد قاله ان الإدارة تقرب لي وشكله صدق XD لكن اعتبرها حماية من رب العالمين XD رغم اني ماحب اساليب التخويف صدقا انا نفسي ماتقبل ،
لكن الناس الطيبة اللي قابلتهم اضعاف ذلك بفضل الله ، ودائما في قاموسي لاتوجد ذرة جهد تبذلها في سبيل الخير إلا وتثمر ..
نراكم قريبا ...احس اني صاير جدي شوي احد اقاربي يقول اترك العمل وارجع زي اول ، لكن قلت بثبت شي لنفسي على الأقل

سويت اشياء ماحد سواها من قبلي من اشياء محرجة ومن اشياء مذهلة ، حتى ان صديقي يقول اصبح اسمي معروف في الشركة الرئيسية والمتعاقدين معنا لأني صديقك طبعا هو كان فرحان ووعدته اني راح اخليه يصبح افضل من اللي حوله لأنه كان اطيب واحد موجود واكثرهم بياض قلب، وعدته وعد مجهود لكن النتايج على الله اكيد . وهذا الصديق برضو له قصة اول ماجيت حسيت وضعه غريب و يبكي كل يوم ويظل بالمسجد يركع فوق عشرين ركعة يمكن هههه تعجبت منه وسألته عن حاله وشفت شعره ابيض وهو صغير 20 سنة وعرفت السبب وسبب ظلمه في المكان ..يمكن اتكلم عنه في التدوينه القادمة .
المدونة تخلي الواحد يطلع الفضايح الله يعين .,~

 

[نـَجْم]

الله يكتب لك التوفيق والخير بطريقك يالنجم

وياك @SKY NET الله يكتبلك اضعاف التوفيق والخير بطريقك يالسما ههه ،
انت تحديدا تستاهل كل خير والله يكون بعونك ودليلك في كل خطوة تخطوها يارب.
تشرفت بمرورك،
كذلك اللي وضعوا تفاعل اسعدني تواجدهم ، واللي قرؤوا ومروا

اتمنالكم الصحة والسلامة من الشرور والمساوئ دائما وابدا ههه .

 

[نـَجْم]

انا اتوقع معنى من معاني التوفيق أن يتوافق الشيء اللي تسويه مع الزمن يعني تسوي شيء فجأة يجي واحد يكون محتاج هذا الشيء فتعطيه ،
او يوقفك احد بطريقك فتتفاجأ انك تلافيت خطر في طريقك بسبب التأخير ،
او تدرس معلومة بعدها بساعة احد يسألك عنها ، هذا وافق الشيء اللي كنت تسويه فتحس ان حظك حلو ، وهو الصح ان الله وفقك ،
ماحد يدري ان الأشياء اللي ممكن نسويها الحين ممكن تثمر بالمستقبل حتى على سبيل النضج والصدمات ،
احس كل شيء سويته صار يتبيّن معناه الحين حتى اللي كنت اظن ماله فايدة او خيبة امل صرت اشوف له ثمار طيبة واللي يبي التوفيق لازم يظن بالله خير ولا يقع اليأس في قلبه حتى لو حصل من نفسه تقصير ،الحمدلله دائما وابدََا .,~

 

[نـَجْم]

ودي اقول كلام وودي كل احد يتأمله بتأني كلمة كلمة لو ماذقت منه شيء ماقلته ولو وصفت لك طعم العسل لن تتخيله إلا إن ذقته بنفسك ،

مقدمة : لاتحقر الأشياء الصغيرة فمنه تتحقق الأشياء العظيمة ، و حبة الخردل من الإيمان قد توصلك للإيمان الذي يفعل المعجزات ، البحر تكوّن من قطرات والقطرة اصبحت بحار .,~
.......كلام له علاقة بالمقدمة :
في شي دخلته بحياتي صرت انبسط احد الأشياء الحلوة اللي قريتها ان الله تعالى قال لموسى عليه السلام لاتستحي ان تطلبني ثمن كيس الملح ، وفي حديث
يحث الإنسان على طلب حتى شسع النعل اذا انقطع فليش حنا عادة ماندعي إلا للأشياء الكبيرة الصعبة كأننا نتوكل على انفسنا في الاشياء الصغيرة حتى

في حديث يقول ( سَلُوا اللَّهَ كُلَّ شَيءٍ حَتَّى الشِّسعَ ، فَإِنَّ اللَّهَ إِن لَمْ يُيَسِّرهُ لَمْ يَتَيَسَّرْ ) اصلا اللي يطلب اشياء اكبر من كل الخلق يمكن يكون يعتدي بالدعاء او

يطلب حقا ليس له فالدعاء بكثرة واستمرارية افضل من الدعاء لأشياء عظيمة دون استمرارية يومية فقد تصيب النفس باليأس (على حسب) ، وهذا الحديث

اللي ذكرته دلت على نفس معناه احاديث صحيحة ماتحضرني حاليا ، لكن المهم اننا نشتكي من اشياء صغيرة بالحياة مثل الطفش وغيرها وننسى ان باب
السما دايما مفتوح ليش قلوبنا ماتهوي إليه في كل شاردة وواردة مثل ماقلت السر بالقطرة هي اللي كونت البحر مشكلتنا نطلب البحر ونحتقر القطرة

ماعلمنا ان سر البحر في تلك القطرة اذا فهمت ما اقصد اتمنى لك السعادة والأنس لكل شيء باب ان اردت الغرفة فعليك البدء من الباب الله قادر على ان يعطيك بدون اسباب لكن الأسباب غالبا سنة كونية ،التدرج سنة كونية لو اردت السماء الثانية قبلها السماء الأولى ،

اضف المرح الثقة السعادة والأنس حينما تطلب فالحزن والبكاء ليس الطريق الوحيد لسلوك ذلك ، ليش ماتكون كذا الحياة احيانا، انا من دخلت المفهوم هذا لحياتي احس صرت احسن حتى لو جاء للإنسان خاطر سيء ما يحتقر انه يدعي ،

يتجه للسما على الطاير ، لأن بيده كل شيء... ملكوت كل شيء ...هنا تحس بأمان من كل خاطر سيء يأتيك ..

ربما كلامي لك غير مفهوم لكن سعيد اذا فهمه احد واستفاد منه ، عموما ..الإنسان يقع في غفلة وينسى وانا اولهم ربما اترك هذه الرسالة تذكرة حتى اعود لها ربما اقع في ضيق يوما ما وانسى الدعاء اعاذنا الله من الضيق والهمنا الدعاء في كل وقت وحين ،

اللي حاب يسمع يسمع واللي مايعجبه لابأس هههه ،

فهذا الكلام لي ايضا كما قلت سوف اعامل المدونة كمذكراتي الشخصية احيانا ههههه .
توضيح القطرة تشبه حبة الخردل فكلاهما يصبح شيء عظيم مع الوقت حبة الخردل تنبت وتصبح اعظم الأشجار والقطرات تصبح بحار تأملت معظم كلام الأنبياء يشيرون الى حبة الخردل من الإيمان مهمة في قلب الإنسان كنت اتساءل لماذا لايقولون الإيمان العظيم لماذا يريدون حبة خردل فقط ثم اتاني خاطر كيف لهم ان يطلبوا من الناس شجرة عظيمة والناس لم يبذروا البذرة بعد ، هكذا هي الحياة وتأمل مخلوقات الله في الطبيعة عبادة عظيمة، الله اعلم.

 

[نـَجْم]

تعلمت في هذه الحياة أن كثير من دعواتنا نشعر انها قد ذهبت ولم تجب ،
وربما ننساها ونفاجأ ان الأحداث تترتب لأجلها بشكل غير متوقع .,~
لكن حافظ على ايمانك.

 

[نـَجْم]

وهذا الصديق برضو له قصة اول ماجيت حسيت وضعه غريب و يبكي كل يوم ويظل بالمسجد يركع فوق عشرين ركعة يمكن هههه تعجبت منه وسألته عن حاله وشفت شعره ابيض وهو صغير 20 سنة وعرفت السبب وسبب ظلمه في المكان ..يمكن اتكلم عنه في التدوينه القادمة .

طبعا انا كتبت هالشي وماكملت الحمدلله اني كتبت يمكن
،،، ههههه الحين بقول ،

هو لما جيت اول يوم كان يشتغل كل شيء ومايقدر يشتكي يخاف على مكانه لأن وضعه حرج جدا فنقطة ضعفه هنا

طبعا وسائل الشكوى متاحة لكن مو كل شخص يقدر يستخدمها في حواجز كثير منها نفسية منها اجتماعية فيه اللي مايعرف اصلا كيف ياخذ حقه ، سهل الواحد يتكلم ويقول ليش مثلا مايشتكيهم
ومن هالكلام وحقك مايضيع ..الكلام المعاد عادة ، انا ادركت شيء في هالحياة انه سهل وضع القوانين لكن صعب تطبقها وتتأكد من تطبيقها وكل شخص وله طريقة يطبقها ..يبقى جزء منها يعتمد على البيئة والأشخاص ..فالوعي ضروري جدا ،،المهم ارجع لمحور حديثنا ،

كنت ناوي اكتب اشياء كثير عن هالشخص لكن الحمدلله اني تأخرت وتعقلت ربما اسيء له حتى لو لم اذكر اسمه لأن الظروف اللي حصلت له قاسية والله يبعدها عن كل انسان ،

الحمدلله عموما اللي قرا وحب يعرف عن هالشخص انه الحين تغير 180 درجة طبعا بفضل الله وحده وهو ساعدني اكثر مما ساعدته طلع مواهبه ومتعلم جدا ، وقالي ان ثقته بنفسه كانت معدومة حاليا حسب كلامه انه صار يقدر ينام وهو مرتاح وانا هذي تكفيني الحمدلله اني قدرت اسوي شي زين لإنسان ،
لأن من فرج كربة عن اخيه فرج الله عنه يوم القيامة ،

وسبحان الله والله حتى في الحياة كثير من اموري تمشي بسببه انا ابسوي شيء له اروح علشانه احصل تجيني انا الفايدة بالعمل بدون ماطلبها حتى XD اروح لشغلة معينة الاقي الشي اللي ابحث عنه مكان الشغلة اللي ابيها له XD هي كذا الحياة كل واحد يعطي اللي عنده الله يعطيه ...لكن نحتاج نتوكل ونثق بالله .

في ناس اللي كانوا مستغلينه زعلوا وفي بشر اوادم مبسوطين منه احس البيئة اللي انا فيها حاليا
ماتنعوض والله ،، السيئين من بعيد لبعيد القريبين كلهم جيدين

دايما اقول المكان اللي انت فيه رزق من الله الناس تعتقد ان الرزق بشكل معين ، كل شيء في هالحياة توافيق ورزق ، اذا اصحابك اخوانك متعاونين متفهمين هذا اعظم رزق لك مايقدر بثمن ،

طبعا انا ماكنت متوقع احصل بشرية همها نفسها وماعندها قيَم تجاه احد وكل همهم انفسهم الغريب ان تجد في بشر يعتقد انه يسوي شي خير ومو مقتنع انه مخطي دام الشخص اضعف منك او خدوم وطيب او عنده ظروف ياكله اكل يعني يخليه يسوي كل شغله ويطلب منه كل شيء مايخليها تجي من طيب نفس منه ، ويبرر لحاله انه عادي ،وفي اللي اسوأ منهم اللي عاملين حالهم متعلمين يقولون المخطي الضحية لأنه ضعيف ومايرفض ومادري ايش طبعا هذولي الكلام منتهي معاهم لأنهم متعلمين لكن بطريقة سيئة بغير رشد ماقرؤوا من كلام الله والهدي النبوي شيء او عايشين برا الكوكب .
،
ماودي اتكلم عن اشياء سلبية تقريبا لأن الإيجابيات اللي شفتها اكثر الحمدلله .,~
والواحد اذا تكلم عن الأشياء الطيبة تتحسن ظنونه بالله وتفاؤله بالحياة اكثر لذلك ماحب اتكلم بالأشياء السلبية كثير .

 

[نـَجْم]

التسخيير ، سبحان الله

@M O O N
احسنتي والله انا كل كلامي وفي بالي هالكلمة اللي هي التسخير في دعاء تعلمته من وقت اشوف مفعوله قوي جدا
اللي هو كل ماجي مكان اقول اللهم سخرلي من عبادك الصالحين الطيبين واجمعني بهم انا اخذته من واحد اشوفله اشياء عجيبة تحصل له بأعماله هههههه
وفعلا صارت تياسير (الامور تتيسر) لي زيه ماتنصدق ،،هذا الشاب اللي معاي يسألني ليش الناس تعرفني يحسبني اعرف ناس كثير هههههه اقوله والله مايعرفوني لكن هي كذا هم حبوا يساعدون توكل على ربك صراحة انا شفت بعض الأشياء اللي تحصل برؤى قبل فيها نصيحة لي لما فسرتها فغيرت من طريقة تفكيري وخلتني افكر كذا تقريبا ..الحمدلله

ماتوقعت انه في اشياء تتحقق بالمستقبل ،
البشر بسطاء في ناس كلمة تغير موقفهم او كذا مجرد مزاج يغيّر الموقف والمشهد ومسار الحياة كله فاللي يعرف هالشي يعرف ان كل شيء بيد الله ممكن يغير عليك مسار حياتك بمجرد يغير مزاج احد عليك هههه.,~ وانت تتعب وتتساءل ليش حصل كذا !

مثل ماقال احد الصالحين اعرف ذنبي في الدابة وفي اخلاق زوجتي او بمعنى هذا كلامه ، مو شرط دايم عاد لكن ممكن ، حتى لو اخطأ الواحد الصح مايفقد التفاؤل والثقة بربه
،،،،
طبعا ما انسى اقول ان عن نقطة تكلمت عنها قبل شوي ان الرؤى بشرى للإنسان ماينفع الواحد يتعلق بها وكذا لكن من عادتي اسجل اغلب الاحلام اللي احسها قوية شوي وبعضها تفيدني بالواقع ومو حلو ان الواحد يحكيها إلا للي يحب هي لك شخصيا ههههه .