للحجز [سهرات رمضان] (1 زائر)

[YAFA]

كيف الحال زوّار وأعضاء الخيمة الرمضانية
رمضان كريم وكل عام وأنتم بألف خير وينعاد عليكم بالصحة والسلامة
أهلاً بالجميع مع الموضوع المُحبب لقلوبكم، سهرات رمضان يلي ما تحلى
الأجواء بالمنتدى بدونها
هالموضوع رح يكون لتوضيح كم شغلة، أما السهرات جميعها حتصير
بموضوع واحد منفصل
-هنا-

القانون الوحيد هو نضل حلوين مع بعض وما ننسى
أنه المغزى من السهرات هاي التسلية، بدون حساسية
وزعل، وعدم انتقاد أحد المنظمين عالسهرات بطريقة جارحة
وشكرًا
-الغش مسموح بس لا تعترفوا علني انكم غشيتوا بالإجابات-

- أول ثلاث سهرات حتكون من مسؤولية الطاقم الإداري
من السهرة الرابعة حيصير الحجز متاح للجميع مهما كانت رتبتك حتى لو مستجد

- المجال مفتوح لأي شخص يرغب بحجز سهرة اختيار الفقرات
اللي يحبها سواء اسئلة دينية أو ثقافة عامة أو حزورة أو احزر الشخصية..إلى آخره.
يُفضل يكونوا 3 فقرات وكل فقرة 5-7 اسئلة حتى ما تمتد السهرة لأكثر
من ساعة ونص

- في حال حجزت سهرة لمرة، حيكون فيك تحجز سهرة ثانية بعد ما
تصير ثلاث سهرات لأعضاء آخرين
في حال مر خمس أيام وما توفر هالعدد من الحجوزات مسموح لك بحجز ثاني

- لو حصلت سهرتك على تفاعل كبير وتأخر الوقت وما انتهت الفقرات
فيك تحصّل على حجز سهرة ثانية باليوم يلي بعده مباشرة لإكمالها
أو اعادة نفس الفقرات في حال طلب الأعضاء هالشي

- الحجز حيتم بهذا الموضوع - لا تقلبوها دردشة لأنادي لكم دولور-
^ ارسلولي عناوين فقراتكم قبل بداية السهرة بكم ساعة عالأقل -عالخاص-

وسام لأفضل منظم/ة سهرات

وسام لأكثر عضو/ة جمع نقاط بالسهرات ككل
-
لكل منظم عن كل سهرة يحجزها 100 تونة

لكل مُشارك على كل نقطة يحصلها من الاجابة 5 تونات
النقاط كالتالي : اول شخص يجاوب 3 نقاط
ثاني شخص كاسة شاي يشربها بعد الفطور

ثالث شخص ياخذ وردة يزرعها بالحديقة

-الجوائز قابلة للإضافة والتعديل حسب التفاعل-

@O Z E N
- 1 رمضان-
01-03-2025

​