الختم الماسي حَـلاوةُ الـعـسَـلِ و طَـنـيـنُ الـنـحـل [ Bees ] | تقرير عن النحل . (1 زائر)

[Y U M I]

السلام عليكم ورحمة الله وبركاته
كيف حالك توليب الحلوة ان شاء الله بخير وبأفضل حال
فكرة كتير حلوة أنو تكتبي موضوع عن النحل كانت ببالي هالفكرة من زمان
الموضوع بصور مو طرح عادي وما شاء الله التصاميم كتير حلوة وطريقة العرض كمان أبدعتي
بالرغم من أنو النحل حشرة بس هي كمان جذابة متل الفراشات
حلو انو ضمنتي فقرة إعجاز النحل بالقران
النحلة العاملة بتبني الخلية بشكل سداسي بيتطلب أقل كمية من الشمع وبنفس الوقت بخزن عسل أكتر.
النحل عندهم مناصب ونظام مراتب وكل واحد اله شغله متل النمل النمل كمان هيك
هاد الشي بخليهم مجتمع منتظم
مناصب النحل هو الملكة والعاملات واليعسوب بينما النمل كمان عندهم هيك ملكات وعاملات وذكور
يعني النمل والنحل بيشبهوا بعض
واثنينهم عندهم اسماء سور بالقران
وفكرة انو وقت يتم ولادة نملة عقيمة معناها عاملة واذا كانت تستطيع الانجاب معناها بتكون ملكة فكرة جديدة شلون هيك بعضهم بيقدروا ينجبوا وبعضهم لا
وفرق العمر بين الملكات والعاملات كمان كبير ! الملكات من خمس لست سنوات والعاملات خمسة او ستة او سبعة اسابيع
سبحان الله وهاد الشي واضح انو بيرجع لدور كل حدا فيهم
منيح انو حطيتيلنا كمان أنواع للنحل بيختلف نوع كل نحلة حسب الي بتقوم فيه ودورها بالبيئة
والنحلة العاملة الي نوعها من النحل النجار عمرها من أطول أنواع النحل عمرا
عمرها بيصل للسنة معناها الملكة واضح انها رح تعيش كتير
عملية التلقيح وكيفية عيش النحلات ونظامها حلو
ومو بس حكيتي عن النحل والعسل كمان وأنواعه
تتواصل النحل بمزيج من الفيرمونات هي اخدناها بالثانوي ..
لكن طريقة الرقص! كيف حاطة الفقاعات وجواهم حكي عم يحكيه النحل كتير شي حلو
والطريقة تبع تواصلهم انو عدد هزات الرأس بعبر عن بعد او قرب الرحيق طريقة تواصل رائعة فعلا النحل كائنات مميزة
عدو النحل الدب .. دائما ببرامج اطفال كنا نشوف كيف الدب عم ياخد خلية النحل لياكل العسل
وطبعا انقراض النحل كارثة لانه لها دور جدا مهم وانقراضها رح يخرب النظام البيئي

موضوع رائع أبدعتي فعلاً وطريقة العرض رائعة
لا تحرمينا من إبداعك نورتي القسم بطلتك الحلوة
وننتظر المزيد من مواضيعك
كل الود ~
مع السلامة ​

 

[الزمـردة]

يومي | 3 يوليو

Just BEE yourself and do your own thing
-

السلام عليكم ورحمة الله وبركاته
كيفك عزيزتي توليب ؟ يا رب تكونين بخير
والتقينا مجددا في طرح اسطوري من اناملك المبدعة
فالبداية عاوزة اعتذر لك على ردي المتأخر
تمنيت لو اني رديت اول ما نزل الموضوع بس الظروف كان لها رأي اخر
بس هيني جيت برد يرتقي لعظمة الموضوع - ان شاء الله -
النحلة ، نعرف انه كائن عظيم لما تخصصت له سورة كاملة فالقرآن ف سبحان من خلق وسوا
هو انا كانت عندي فكرة عامة عن النحل ودوره من تلقيح النباتات والازهار لانتاج العسل
بس انا سعيدة جدا لطرحك الموضوع لانو بفضل الله ثم بفضلك جتني الفرصة اقرأ اكثر واتثقف عن هذا الكائن الصغير واللي فوايد عظيمة عكس حجمه
مثلا ما كنت اعرف الحكمة من جعل بيت النحل سدادسي الشكل ، حيث تستعمل كمية اقل من الشمع المنتج
رح احزر واقول انو هالشي بيخليها تبذل جهد اقل في انتاج الشمع ومنه تعب اقل ، ومو بس هذا ، الشكل السداسي ييرفع كمية كبيرة من العسل
كمان لطالما تعجبت كيف تكون قوالب الشمع كلها بنفس الشكل والحجم
سبحان الله
-
سبحان الله اليوم طلعلي مقطع لمربي نحل يقوم بوضع نقطة من الطلاء الازرق على ظهر ملكة النحل
وفالمقطع انتبهت للفرق فالحجم بين الملكة وبين النحلات العاملات وفعلا كما ذكرتي ، الملكة تتميز بجسم طويل ونحيل مقارنة بالعاملات
واذا تسمحيلي اضيف انو لونها اللي يكون افتح نسبيا حسب اللي شفته من المقطع
كذلك تذكرت اني سبق وقرأت انو الغرض من وضع العلامة على ظهر الملكة هو تحديد عمرها
نعم حتى النحل عنده سوق واحيانا مربي النحل يضطر انه يشتري الملكة ف اللون اللي على ظهرها بالسوق يساعده على تحديد عمرها
نسيت اذا اللون يتم تغييره كل سنة او كل بضعة اشهر
-
كما سبق وقرأت معلومة طريفة انو العاملات يقمن بطرد الذكور بعد قيامهم بالتزاوج مع الملكة
ما توقعت انهم اشرار كدا
' خلصت مصلحتك يبق انجز برة "
بس هالشي مو شائع بحيث انو الذكر غالبا تموت بعد القيام بدوره
-

ما كنت اعرف انو النحل عنده انواع بس كنت انتبه انو النحل اللي اشوفه بيكون لونه داكن
مو اصفر واسود زي اللي بشوفه فالمقاطع
ومنه استنتجت انو النوع المموجود عندنا هو النحل النجار
بس بالنسبة لي عجبني شكل النحل الطنان ، بحسه لطيف وكيوت
كمان ضحكت على الصور اللي ادرجتيها عن النحل وهو نايم جوا الازهار
ما اكذب عليك كنت اخاف من النحل، او اخاف من اني اتعرض للسع بس رؤية الصور لها وهي نايمة جوا الازهار
وتلعب بالكرات خلاني اغير نظرتي لها
النحل ما يلسع الا اذا حس بالخطر ، لما يحس بالخطر يدافع بشراسة عن خليته
مرة شفت صورة لكائن صغير محنط بالشمع ،
نسيت اذا كان فأر او ايش كان ، بس الكائن دخل لخلية نحل والنحل قام بقتله وتحنيطه حتى ما يتحلل جوا الخلية
هنا سبحت لله على ذكاء الكائن هذا اللي خلاه يستعمل الشمع لتحنيط الكائن لعدم امكانيته على سحب الجثة برة الخلية
-

الى جانب لطافتها ، تقوم النحلة بانتاج العسل
اللي نعرف انه لطالما كان ولا زال جزء من العلاج الطبيعي لما فيه من فوائد
هل تعلمين انو العسل ما عنده مدة صلاحية ويبقى صالح للاكل طول الحياة ؟
لانو نسبة الرطوبة فيه قليلة جدا الشي اللي ما يمنح فرصة للبكتيريا انها تتكاثر فيه وتخربه
ما ادري اذا للعسل الطبيعي قدرة على علاج الام الحلق
بس متعودة اشرب منه ملعقة لما اكون مريضة اول شي بالصباح وقبل النوم
والاحظ فرق وتحسن بعد ثلاثة ايام

بحب كذلك اكل ال honeycomb بسبب قوامه بسبب الشمع
ك شخص بيحب يستمتع بقوام الاكل ، بكيف اوي عليه وانا اكله
-
قبل اتكلم عن التصميم حابة اشارك معلومة ذكرها اينشتاين عن النحل
وقال انو انقراض النحل رح يعطي اربع سنوات للانسان قبل ينقرض
وهذا يدل على دور النحل واهميته فالحفاظ على التوازن البيئي
لانه كما ذكرتي يقوم بعملية تلقيح النباتات

-
فالاخير احب ابدي اعجابي بتصميمك اللي اقل ما يقال عنه خرافي ، اسطوري ، ابداع
كما تعودت منك ، تصميم يناسب جدا المحتوى
الهيدر عبارة عن تحفة فنية ادرجتي فيه كل ما يرمز للنحل من الشكل السداسي ، لقالب الشمع حق الخلية
للون البني والبيج اللي حرفيا خلى لعابي يسيل لانه ذكرني فالعسل وحلاوته وطعمه للذيذ
حبيت جدا اضاففتك للرسومات او السكرابز حق النحل واضافته لصورة تشرح بنية النحل الداخلية
المقاطع كانت اضافة جيدة من قبلك

فالاخير اشكرك على الطرح واقولك ابدعتي من جديد سواء فاختيار الثيم
او المعلومات اللي ادرجتيها واللي كانت ملخصة وبنفس الوقت شاملة
للتصميم الابداعي
تقبلي مروري عزيزتي توليب
ولا تحرمينا من مواضيعك الجميلة
في امان الله

-
I BEE-lieve in you​

 

[AMiƦ]

يومي | 10 يوليو

السلام عليكم ورحمة الله وبركاته
كيف الحال ان شاءلله بخير
صراحة موضوعك من احلى المواضيع هون واستمتعت فيهم جداً
استفدت اكتر من دراسة كتاب العلوم الممل بالمدرسة
ينفع انك تعملي مجلات تعليمية ممتعة، ما توقعت أبداً ان النحل بيلعب كرة وينام بهالشكل الظريف جوا الزهرة
تفاجئت بفقرة تواصلهم، يا ترى اذا راقبت النحلة رح افهم شو بدها
انا عرفت النحل وعرفت الدبور، لكن في نوع عنا اسمه زلقطة كمان بيشبههم بس انو واحد من الانواع اللي حكيتي عنها ما عرفت
شكل النحلة بالشعيرات تحسسني انها لابسة فرو ع اكتافها سبحان الله
بس الغريب كيف يعرفوا النحل لوين بيروح وعلى اي ازهار لحتى يعملوا انواع من العسل
شكراً على الموضوع الجميل
يعطيكي العافية​