انمي تون AniMe TOoN

الأنميات النفسية هذي نوعي المفضل دائمًا وأبدًا وعلى طاريها .. شايفة مونستر و كايجي ؟ إذا لا قدامي يلا شوفيهم < برا
أما الشغلة الأخيرة وااااضح قصدك سوما ولو أنه يعجبني صراحة يحمس أكثر من بعض الأنميات القتالية و شخصياته رهيييييبة

ما اعرف انمي كروكو بس انا اصلا ما اتابع رياضه باتابع انمي رياضي استحاله و فكره ان الانمي منحصر بشيي واحد ممل بالنسبه لي لازم ينوعوا لي عشان ما اطفش
مونستر قاعده احمل فيه الحين من زمان و انا ابغا اشوفه بس يا انسى يا يخرب علي النت و انت داري 50 حلقه مو هينه صح انت ما تدري نتك حلو >> مصره اعطيه عين
لا ما عليك ما شاء الله على نتك

كايجي له 3 مواسم فمدري نتي بيتحمل و لا باقضي عليه ترى المفروض يجلس النت شهرين غير هذا اذا خلص النت باحملك كامل المسؤوليه
هههه ما قصدي سوما قصدي على انمي حق 3بنات يطبخوا مع بعض ما اذكر اسمه شفت اول حلقه و سحبت عليه
سوما هذا مستوى ثاني من الانحراف بنظري من الاعلان و قد حذفته من القائمه

آهااا.. انزين سؤال أنتِ شايفة فل ميتل الكمست ؟ قولي لا بعد
اووووه يب يب الله يعينك ، عقبال ما يخلص التحميل .. وللتصحيح ٧٥ حلقة
بليز دونت كيل ماي نت
كايجي موسمين مع الأسف، يارب يسوون ثالث ورابع وخامس < يعني يكملون المانغا

هههههههههه مليش دعوة لا حبة حبة أول شوفي مونستر دامك بديتِ تحملينه وخلي كايجي لبعدين
اووه ما أعرف عيل اللي تقصدينه بس سوما بعيدًا عن الانحراف هذا بس تحفة ياخي شخصياته خرافية نادرًا ألقى أنمي تعجبني شخصياته كلها

فل مايتل الكمست و انا كنت انطقه الشميست ايه تابعته بس زمان و شفت فلمين له بس جزء براذرهود ما تابعته قلت ليش نعيد من جديد هو نفس الانمي بس باحداث مختلفه بس نطيت شفت اخر حلقه
و للمعلوميه ثلاثه ارباع الاحداث و الشخصيات ممسوحه من دماغي

اوه غلطت بالرقم الله لا يرويك الذاكره مصفيه هذا و انا احمله مدري من وين جبت 50 على كذا
غريب كايجي في انمي الحين ينزل قالوا انه تابع له ايش سالفته و لا بس نفس المانجاكا و انا فاهمه غلط
يب باديه احمل و نرجع لكاجي بس بكل الاحوال النت مسؤليتك خلاص دبستها فيك
ههههه لا تحاول تروج ما راح افكر حتى اتابعه

أمااا xD افاااا تركتِ القصة الأصلية الكاملة وتشوفين أحداث مالها لزمة أنا جبت طاري الأنمي لأنه منوّع فيه كل شي أكشن خيال قتال دراما رومانس كوميدي
+ حتى أنا نسيت أغلب أحداثه مع الأسف
ههههههههه أستغفر الله
اووه قصدك اللي ينزل .. هذي قصة جانبية تتكلم عن شخصية ثانية ما تابعته ولا أبي أتابعه xD يعني لا تتعبين نفسك وتخسرين النت وتحملينه

أنا شدخلنيييي بس خلاص إذا تابعتيهم عادي مستعد أتحمل المسؤولية
مو قاعد أروج بس أقول رايي فيه يعني

هم الغلطانين نزلوا هذاك الجزء و وقتها ماكنت اعرف ان المانجا قصتها مختلفه و الي ينزل اول بتشوفه اول
اوه قصه ثانويه يعني مو مشكله شكرا على التحذير و بعدين احملها و اتورط
ياخي لازم احمل حد المسؤليه ما يصير احمل نفسي بس و بعدين يجيني تانيب ضمير احمل غيري اهون

قربت اخلص احمل مونستر خلي الشهر الجاي احمل كاجي بما ان كل جزء 26 حلقه تقريبا
انت رافع فلم جديد ما قلت لي خلي اروح اشوفه القائمه عندي بدت تطول

هههههههههه أهم شي أنهم الغلطانين
واضح جدًا أنك تحملين غيرك المسؤولية، إذا حتى الاستديو ما سلموا منك غلطتيهم لأنهم أعادوا إنتاج الأنمي بنسخة أفضل
اووه نايس أنتظرك تتابعين وتعطيني رايك إلا كيف سرعتك بالمشاهدة ؟
مدري ما جا ببالي أقولك أني رفعت فيلم أنا من بدت الدراسة صرت أنزل موضوع فيلم كل شهر عشان أضمن التميز

قومين انشغلت بالردود و ما انتبهت
و بعد كل التعب ماجيكل بيفوز بملك التون انا ارويه باقي الشهر هذا
لا ياس مع الحياه و لا حياه مع الياس
+ ايه لازم حد غيري يشيلها ما ينفع اشيلهم انا اتعب الصراحه و ايش علي المفروض يحطوا الزين من الاول مو يخلوه بالاخير

ان شاء الله اشوفه قريب اممم على حسب اذا بيخليني مرجوجه بتكفي ثلاث حلقات باليوم اذا عادي بتلاقيني خلصته باسبوع اذا كثرت
+كذا تسوي فيني يا مفتري فلم رعب هذا و انا اشكي لك من افلام الرعب انضميت لشله اخواني

لا عادي ههههههههههه ماجي ما منه أمان عشان كذا هالفترة ما أفكر أشد حيلي بملك التون خاصة وأن عندي دراسة وحضرته متفرغ
اوك بشجعك ، ولو أني متأكد دامه فاز هالشهر بيشد حيله أكثر الشهرين الجايين عشان الوسام بس بشجعك ولا يهمك
ههههههههههه هم أعادوا إنتاجه بعد انتهاء المانغا عشان يقتبسونها كاملة بدون تحريف وفيلر يعني فيهم الخير والله xD

اوووه ، بس لحظة بيخليك مرجوجة من أي ناحية بالضبط ؟
بالنسبة لي ما كنت أشوف كمية كبيرة في اليوم الواحد.. أحسه من النوع الثقيل يعني لو شفت كم حلقة ورا بعض يقفل مخي
هههههههههههه لا حول طيب لا تتابعينه إذا ما تبين.. بعدين هو مو رعب رعب يعني بس مخلوقات غريبة وهيك
+ إذا تبين عطيني نوعية معينة وأرفع لك هالشهر من هالنوعية

افا يعني الكل متهرب عشانه مو هين ابدا
بس ما عليه يكفيني شرف المحاوله و انا بعد متفرغه نشوف من بيغلب من
وانا ايش دراني ما كنت اعرف وقتها ان في مانجا اصلا كنت مبتدئه بعالم الانمي
يعني فيه مشاهد تحبس الانفاس و ظلم و قهر و اشياء ما يستوعبها عقلي شي من هذي الناحيه و هذا شكله فيه كل شي
اذا انت بيقفل مخك انا شكل فيوزي بتضرب الله يعين بس

ههههه ما انت مو مستوعب اني جبانه و رعديده بمعنى الكلمه
اتذكر مره اخوي كان مشغل فلم رعب و دخلت على مقطع كانو يتكلموا و عادي و بعدين جا مقطع ثاني على اساس انه ثاني يوم و كان فيه صمت بالمكان و فجأه طاخ و انا شهقت اتصور ايش كان
احد الشخصيات كان يقطع خشب بس لاني كنت متأهبه فكل شي كان مرعب بزياده حتى الشي الي مافيه رعب

مدري مافي شي عندك فيه حد مريض نفسي و مصاعبه مع الحياه و البشر من حوله او شي زي كذا

شايفة
اوووه يب دام كذا ع الأغلب بيخليك مرجوجة
ههههههههههههه يب يب أعرف لما تجيك حالة التأهب هذي < لما كتبت كلمة تأهب استوعبت أنك كاتبتها بعد كنت أخاف تستغربين من الكلمة
بس هالفيلم اللي رفعته أصلا مو من هالنوع xD
اوووه هالنوعية لعبتي المشكلة كم واحد منهم فيهم لقطات وكذا وتعرفين المنتدى أغلبه بزران وهيك ما ينفع < برا
بس ولا يهمك إن شاء الله أجيب لك بدال الفيلم أفلام