League of Legends (1 زائر)

[The-superior]

شخباركم عساكم طيبين
موضوعي اليوم عن اللعبة الأسطورية League of Legends واختصارها "LoL"
على ماظن هذا ثاني موضوع لي في قسم الألعاب ما عندي خبرة وايد في كتابة التقارير
بس ان شاء الله بحاول أشرحلكم كل شي أعرفه عن هاللعبة على حسب فهمي لها xD

اللعبة باختصار هي عبارة عن تحدي بين فريقين وكل فريق يتضمن 5 لاعبين
خريطة اللعبة لها 3 مسارات (وسط, فوق, تحت) وكل مسار فيه أبراج
مهمة كل فريق هي تدمير المبنى الرئيسي للخصم عن طريق تحطيم الأبراج
يعني باختصار كل ما حطمت برج كل ما قربت من المبنى الرئيسي سواء كنت فوق أو تحت أو في الوسط

فيديو توضيحي


[YOUTUBE]qlm4nsgfTdM[/YOUTUBE]

^
ملاحظة: نحن توزيعنا في الخريطة غلط والشخصيات اللي مختارينها غلط مفروض ما آخذ هذي الشخصية في المسار اللي تحت
بس الجيم كان سهل لأن اللي ضدنا ما يعرفون يلعبون شكلهم يداد عاللعبة
الفيديو رفعته لكم للتوضيح لا أكثر يعني لا اتسوون نفسي تراني ألعب غلط ههه xD

شخصيات اللعبة تنقسم لفئات عن نفسي لين الحين ما حفظتهم كلهم بس الفئات الأساسية هم كالتالي:-

Fighter : مقاتل هذي الشخصيات مناسبة للاعبين المندفعين (مكانه فوق أو الوسط)

ADC : هذا رامي يعني يضرب من بعيد عكس اللي فوق ( مكانه تحت)

Support : هذا اللاعب المساند وداما يكون مع الرامي (مكانه تحت)

Jungle : هذا لاعب متجول يحوم في الغابة ويساند الفريق مرة تحت ومرة فوق ومرة الوسط على حسب الضغط والتهديد عالمسارات


كل فئة لها مهمتها في الخريطة يعني مثلا اذا أنا اخترت شخصية Support ألتزم بمساري اللي هو تحت مع الرامي وماقدر أغير مكاني
لو اتلاحظون الفيديو اللي فوق أنا ماخذ شخصية Fighter وقاعد ألعب تحت عشان جي أقولكم لعبي غلط P:


.
,
.

عن نفسي اللعبة أول ما لعبتها ما دشت مزاجي
بس بعد كم جيم أدمنت عليها ادمان مب طبيعي أنصحكم تعطونها فرصة لو ما عيبتكم من أول مرة

عموما ان شاء الله الشرح يكون مفهوم واذا عندكم أي نقطة حابين تستفسرون عنها أنا حاضر

فمان الله​

.

​

 

[WaNteD]

رد: League of Legends

تم ختمه من قبلي
​

وعليكم السلام ورحمة الله وبركاته

أهلـــين بالأخ سوبريور
إيوة حنا بخير عساك القوة والعافية

تسلم ياخي عاللعبة وشدتني بصراحة
شدتني لدرجة أحملها ,, وحالياً هي جالسة تتحمل
بس أجربها وأشوف يمكن تعجبني مع إنه مزاجي حالياً مو حق لعب
بس أوافقك طريقة اللعب والشخصيات جذابين حيل ياخي
وأشكرك على طرح الموضوع وإفادتنا بالشرح المختصر والفيديو
لا حرمتنا بجديدك سواء هنا ولا هناك ولا مدري فين
ويسرني أكون أول الرادين


أخـــــــوكـ WaNteD
​

 

[Black tear]

تم ختمه من قبل المطلوب​

السلام عليكم و رحمة الله و بركاته
كيفك سوبرير؟

عن نفسي اللعبة أول ما لعبتها ما دشت مزاجي
بس بعد كم جيم أدمنت عليها ادمان مب طبيعي أنصحكم تعطونها فرصة لو ما عيبتكم من أول مرة

نفس الحالة خخخخخخخ
بالبداية ما عجبتني، بس بعدين ادمنت XD
..
موضوع جداً جميل
و التقرير بسيط و يشرح اهم الاشياء
لسا ما شفت الفيديو..بس بشوفه بعد ما يتعدل النت XD
ما كنت اعرف ان كل قسم له مسار p:
فألعب ADC..بأي مكان هههههه
و اعصب لما احد يجي معاي بنفس المسار هههههههههه
..
تم الشكر..ولم يقبل التقييم =(
في آمان الله *،*

 

[The-superior]

رد: League of Legends

WaNteD

هلا والله بالـ Big Boss منور الغالي عساك دوم بخير بس
زارتنا البركة شو تشرب شاي ولا قهوة؟

الله يسلمك يالحبيب ان شاء الله اتجربها وتعجبك واذا ما عجبتك اغلق موضوعي وانقله المقبرة

شوف اللعبة ما ينفع اتبركن عليها حدها جيم أو جيمين في اليوم
لأن مثل ما ذكرت الجيم الواحد عادي ياخذ منك ساعة بيضيع يومك وانت مب حاس خخخ
العادة اذا تميت تلعب أي لعبة كل يوم بتمل منها
بس هذي العكس تجذبك لها أكثر وأكثر أشك انه شي شعوذة في الموضوع ف3

العفو ولو تستاهلون مواضيع أحسن من جي بس الوقت ضيق جدا
الشكر لك على مرورك وردك السنع تسلملي والله

+ شي نقطة نسيت أذكرها يوم اتسجل اتأكد انك مختار سيرفر EU West
في حال حبيت اللعبة حياك أي وقت بضيفك عندي وبنلعب مع الربع كل لعبنا ضحك واستهبال ما ناخذها جد :P

عموما تسلم مرة ثانية على الطلة الطيبة
منور الموضوع









Black Tear

وعليكم السلام ورحمة الله وبركاته
هلا بلاك تير أنا بخير عساج بخير

خخخخ هذي مشكلتها اللعبة في اليوم أقول بلعب جيم وبسكرها آخر شي ألعب 10 ادمان مب طبيعي
صدقوني السالفة فيها شعوذة ذ4

تيت الفيديو عبيط يالسين انكسر الأبراج تحت وهم مخلينا على راحتنا مادري وينهم شكلهم ما اعتبرونا مصدر تهديد xD

هههه بل انتي جبتي العيد عيل مالومهم يوم يسوولج ريبورت
بس يمكن اللي تلعبين معاهم ماخذينها جد ما يراعون هالشي
أنا والربع يوم نلعب مع بعض عادي اتشوفيني آخذ support والعب وسط بروحي لول
عبط يستوي والأمور طيبة محد يزعل

عموما مشكورة عالمشاركة الطيبة وما يحتاي تقييم ما قصرتي يسد مرورج وطلتج عالموضوع

يعطيج العافية




​