الختم الذهبي يوميــآت سنآبيـةة .. (1 زائر)

[أنين الذكرى]

ماييييي لوففففف ليلاينتتتيي
فديتتتت الللي نورر قسميي أنا بهالموضوعع العجيببب
أوللل موضوعع أختمهه بالقسم من نصيبج لازم تفتخرين ^طاخ
- ترآنيم ​

[TBL="https://www.anime-tooon.com/up/uploads/at153572119255931.png"]





























[/TBL][TBL=https://www.anime-tooon.com/up/uploads/at153572119260692.png]

السســـلآم عليكـم ورحمــةة الله وبركــاتــه ,,


أهلًا وسهلًا بـ جميـع أعضــاء انمــي تـون السنعين والجميلين
لما كنـت أسـوي معاييـر الأقسآم الجديدةة مع الحمر قال المدير السنع سكاي خل نقلل
عدد الصور للحصول على الختم المميز لعشر صور وهي سهلة بالذات الأغلب
صار عنده سناب شات ويصور, فقلت فرصةة دام لازم أسوي موضوع لفريق المجلةة
ولازم أسوي موضوع بمناسبةة اشراف ترانيمو عالقسم خلاص أجي وأجمع
جم صورة من ألبوم الصور وأطرحها

فالموضوع عبارة عن صور وسوالف, والصـور كلهــا من تصوير كاميرة برنامج السناب
ماعدا جم صورةة راح أذكر أي برنامج استخدمته فيها
ما أحب الصور بالسناب كلش لكن أصور وأحفظ للذكرى فالصور تمشيةة حآل إلا آخر صورة بالموضوع

[اضغط على الصورة للتكبيـر]

هالصـورة كنت طالعة مع بنات خالتي لمطعم ولما خلصنا وركبنا السيارة اتصلت علي
أمي أجيب لها حلا فرجعت المحل مع وحدة منهم وعلى ما يجهزون الحلا طلبت هالكرك
وبسطنا نسولف وتقريبًا سحبنا عليهم قرابة الساعة xDD




[اضغط على الصورة للتكبيـر]


هالمطعم قصته قصةة كانت دايم شوش كل يوم جمعة تقعد تسولفلي عن الكسكس لأن
غداهم كل يوم جمعة يكون كسكس وكل مرة تشهيني عليه ومن سابع المستحيلات يمر يوم الجمعةة
وما تسولف عنه وأنا مغير اتشهوى عليه
لما مرةة زارتنا رفيجةة أمي وقعدت تمدح مطعم مغربي جديد جربته
فأخذت عنوانه ورحت له وهالصورتين منه .. هففف يحتاج أمدح الأكل المغربي؟ ع3




[اضغط على الصورة للتكبيـر]

وهذا كافيه رحتله مع أخـوي برمضــآن أتوقـع, كآن الجـو هــادي
وعجبنـي ديكورهـم الجميل وطبعًا أطبآق الجوكليت عندهم كـآنت رهيبةة






[اضغط على الصورة للتكبيـر]

أتـوقــع هالكافيــه معروف بأغلـب دول الخليــج
بالعـآدة ما أحـب أصـور الأكــل وأكتفـي فـي إنـي أصـور المطعـم وديكوره
لكـن إذا كان زحمـةة المطعـم أو ديكوره ما عجبني أصور الأكل xDD
الصـورةة الأولـى باستخدام برنامج للتصـور بالفـون والثآنيةة بكاميرةة السناب




[لا تضغط على الصورة للتكبيـر]

لحد يضحكك على هالصـورة
كنــا برمضــآن وربـع أبــوي بيتسحـرون عنـدنــا فأمـي كـانت تجهـز السحـور
اللـي عبآرة عن مفطحـة فشفتهــا فرصــةة أتعلــم شلــون أسويهــا
وأصيـر سنعــةة مثـل حريـم أول xDD
فكنــت قاعـدةة أتقهـوى وأمـي وأشوفهـــا شتســوي
وعـدةة الطبـخ هـذي تكـون بالمخـزن من قدور وغاز ومركابةة ومدري شنو بعد
وهذي اللي فيها المركابة والقدر فيه تـراب وإلى الآن ما عرفـت شفايدته بس يعني لازم يحطونه




[اضغط على الصورة للتكبيـر]

وهذا المكــآن اللـي أحب أقعـد فيـهه بالجامعــةة *بوقت الشتا طبعًا*
بكليتنــآ مقسمين الممرات ممر للشبــآب وممر للبنــآت مدري ليش
وعيب طبعًا واحد منهم يقعد بممر الثاني xDD




[اضغط على الصورة للتكبيـر]

بالكـورس اللـي طــاف كـآن فـي أيــام بالاسبــوع لازم أصحـى فيهــا قبل أول محاضرةة لي بساعتين
عشــآن أختي موعـد محاضرتها قبلي بسـاعــةة فما يسـوى على السـواق
يوصلهــا بعديـن يرجـع ياخذنـي ويوصلنـي كنت راح أتأخـر بسبب الزحممةة فصرت أروح
مع أختي توفيرًا للوقت والجهد, فذاك اليـوم كنت أخطط بيني وبين نفسي إذا وصَلـت أختـي أروح لهالمطعمم
اللي قريب من كليتها أتريـق وبعدهــا أروح لكليتي لكن حظ مشنصةة اللي على أختي مش طبيعي
وإحنــا بالطريق وصلت لها رسالةة اعتذار من دكتورها بأول محاضرة فعزمتهــا عالريوق




[اضغط على الصورة للتكبيـر]

هالصــورةة قبـل شهـر يمكـن كــانوا بنـات عمامـي نايميـن عندنــا
وطبعًا ما نمنـا قعدنا سهارى للفجر على أفلام ناروتو
فبعد الفجـر قمنــا نجهـز الريـوق ومدري شفيهم هالخلق قاموا سحبوا طاولةة المطبخ وطلعوهــا برا فـي
الحوش وقعدوا يتحركون يمين يسار ويضبطون كله بهدف التصويــر وأنــا كــان فيني منتهى
اللاخلق مجرد متفرج يسؤلوني عن مكــان الأغراض وأجاوبهم وأختـي الكبيرةة تزفني ضيوفج ويشتغلون!!
أنا بعرف هو كان صعب عليهم يقتنعون بطلب من المعم وناكله داخل بالبراد؟ محد جابرهم
يسوون شي دام عاجبهم كيفهم أقولهم لا مثلًا؟ عيب ضت1
لما خلصوا جيت صورت هالصورة بكاميرة الانستا وقعدت آكل




[اضغط على الصورة للتكبيـر]

وهذا بأيــام العيـد طلعـت مع بنــآت عمتـي لوحدة من المجمعــات اللي بمناطقهم
كـنت أول مرة أروح لهالمجمع لأن مناطقهـم شويـةة بعيدة عنــا
وعجبنـي ديكور الكافيه فصورتهه
و اللي عجبني بهالمجمــع إن فيه كافيهات ومطاعـم كثيرةة للعوائل وبس وهالشـي ما شفته
بالكويت من قبل يمكن لأنها مناطق مستحيلنها البدو كفو عليهم




[اضغط على الصورة للتكبيـر]

وهالصورتيــن بوحدة من فـروع كـاريبـو كافيـه كـانت أول مرةة
أشتـري منهــم وبإذن الله آخــر مرة




[اضغط على الصورة للتكبيـر]

هالصورتيـن من أيــآم الجامعــةة, بكليتـي فـي مكــان شـوي بعيـد عن مبنـى الكليةة
أشبه بالحديقةة وفي منتصفهه مبنى وداخله دانكن كافيه وسي آر كافيه مو تابعين للكافيتيريا
فدايـم أروحلـهه مع رفيجتي كل يوم اثنين وأربعا بوقت البريك الجامعي
الصورة اللي عاليمين ببرنامج الانستا



[اضغط على الصورة للتكبيـر]

وفـي إحـدى المرات اللي أفرفر فيها بالأفنيوز بهـدف تجريـب كافيهـات جديدةة
طاح اختيــآري على هالكافيـهه ألوان الديكــور حبيتهــا وشدت نظـري
لكن بإذن الله آخر مرةة أدخل فيها هالكافيه رغـم إن كريب تشيز كيك عندهم عجبني
والقهوةة العربيةة كانــت ممتآزة عندهــم لكن ما حبيـت طعـم الجوكليـت اللي يستخدمونه






[اضغط على الصورة للتكبيـر]

وهذا قبـل جـم اسبـوع كنت تـوي معدلـةة نومـي وصحيـت الصبـح مروقة وما كــآن
فـي غير اثنين من أخوانـي صاحين فقلـت امشوا نتريـق برا >> أهم وجبة عندها باليوم هي الريوق xD
فاخترت هالكافيه بالأفنيوز .. الصـورة الأولى بكاميرة السنــاب
أمــا الثانيــةة فكنت أجـرب برنامج تصويــر عنـدي فمدري شلون طلعت أبعاد الصورة اللي عاليسآر xD
وما عليكم من الأيادي الغريبةة بالصور سوا نفسكم ما شفتوها




[اضغط على الصورة للتكبيـر]

^ من أكثـر الأشيــأء لذاذةً بالكــون ومـن أككثـرهــا ضـررًا, بمـا إنـي شوي أهتم بالرياضة
ولازم أنتبه للأكل اللي آكلـهه إلا إنـي مقـدر أقـاوم نفسـي لما يكون الموضوع هي القهاوي الباردة
يعني فـوق إن الحليب المكثف مليان سسكر همــن ضايفين بيستاشيو صوص
ويسألـوني بعد أبي كراميل ولا لا؟ فلما أطلبه أحس إني قام أجرم بحق جسمي إجرام قوي
بس بصراحةة لذيييذ بشششكل
الصـورة باستخدام نفس برنامج التصوير السابق مو بالسناب



[اضغط على الصورة للتكبيـر]

وأخيـرً ختـــآم الموضــوع هو هالصــورةة
هالصـورةة للنافورةة الموجودةة بمركز عبدالله السالم الثقآفـي
لكن كانت النافرووة موقفةة فطلعت جنها بحيرةة .. هالصورةة باستخدام كاميرة
آيفـون سفن نفسها فطلعت ججميلةة بما إني أعرف بكاميرة الفون أكثر من كاميرة السناب

وخلصت موضوعـي السريع والبسيط بديت فيه الساعةة ثلاث العصر وتوي أخلصهه
مدري شفيه خط الحقوق ضبط بجم صورة لكن البقيةة مدري شلون صار
لكن مافيني حيل أعدله لازم أخلص الموضوع اليوم

بإذن الله بتكون لي رجعةة للقسـم أطرح فيها صـور من كامرتي وتكون أرحم من هالصور
* لكن مدري متى هالرجعة يمكن بعد شهر شهرين سنة أو حتى سنتين المهم بارجع

لمــا تكــون مستعجل ولازم تطرح موضوع قبل نهايةة الشهر بجم ساعةة
ومحتــار ومبتلش من وين بتدبر طقم الموضوع؟ كل اللي عليك
تدخل قسم أعمال فريق تصميم انمي تـون وتختــآر من أطقمه مثل ما سويت الحين
فطقـم موضوعـي من تصميم فريق تصميمنــآ المميز

فــي أمـــان الله وحفطه

[/tbl][TBL=https://www.anime-tooon.com/up/uploads/at153572119263543.png]







[/TBL]

 

[ترانيم المطر]

ردودك يختي ملونـه تجيب البهجـة وتحسينها من قلب
استمري على ذا الشي
- اورانـوس .​

مكاني


احمم احمم أول شي لازم أعببرر عن فرحتي
نيناااااااوتتييي منورررهه قسمييي وأولل موضوعع أختمه طلعع لهااا
كان لازم يكون لحكمو ولايكو بس سحبوا عليه الخايسين
فديتتتت أناا اللي نورر قسمييي الجديد
عاد شفتيه أحلى من الواحه مو ؟ تعيش قاعةة الجرافيكس ^تتحارش


السلامم عليكم ورحمةة الله وبركآتهه
مايي مااامم ليليانتييي شلونجج ؟ أنتي بخير أعلم بذلك لأني أكلمك الآن ^طاخ ،،
ي رب تكوني بأكثرر من الخيرر وتماماتت الصحهه والعافيههه ^عشان رواد القسم بس يشوفوني
أوووووهه موضوععع تصويرررر حبيييتتت ^تسوي روحهه ماتدري ،، أنا صوريي اللي بالسناب يطلعون خايسينن جداا
الصووررر واضححهه وكيوتتت وأهمم شيي أغلبهه أكلل شسمه بالنسبه للطقم كنت بسألج شمناسبةة الصوره ،، وتخفض مو تخفظ
^بس طلعع لفريقق التصميمم فكلل شيي حلالل عليهمم بالنسبه لتنسيق الموضوعع ماداعي أقول كم أني مغرمه ؟^تمدحج
نجي للصور ،، ههههههههههههههههههه فدييتت بسس الساحبه أمج ي القاسيه أمج أحلى شي باي أنين
ثاني صور حبييتت الأجواء والديكور بس أحمر مو كأنهم حاطينكم بجو رومانتك وكذا ! وانتي تكعدين تغازلين الأكل
الثالثه بعد الديكوور عجيبب الكيككككك الكيكك لييش ي الخايسه جوعتينيي وأنا نعسانهه متعاجززه أسوي أكل وكيكك مرهه وحده
بس التصوير هنا عجيب هههههههههههههههه فديت فديت اللي يسويي مفطحهه مع أني مااعرف شو هي وواضح أنج تعلمت م شاء الله
أوووه أوهه شهالأجواء الرومانننسس بسس طلعواا فاصلينكمم شباب وبنات .. حبيييت الفكره وأحللى شي روحيي قعديي بممرهم سربرايز
أوبسس أسوء شيي أنج تحضرين قبل موعد المحاضره بالعافيهه لجج ولأختجج ^مر كورس كامل تره
هههههههههههههههه خايسه خايسه لييش ماتساعدينن الضيوف بس حبييت أن بناتت عمامج يتابعون انمي بعد
الأربعع صورر البعدهه جميليين بعد والديكورات لطيفه ي القاسيه ماتزورينهم بعد بس عشان الجوكليتت ؟ بس صج هو أهم شي
الصوره البعدهه حبييييتت جدااا المكان ،، حسيته كأنه بالشارعع بحارهه أو جي والتصويرر هناا بعدد حيلل لطيفف حبيته
بالصورره البعدهه أثبتيي نظريتي بأنج سمينه ^طاخ ،، الصورهه الأخيرره إجرآميهه وزينن أنج حطيتيهه كختاميهه كشخهه
أوووهه بسسس ؟؟ خلصص الموضوع -.- تره بعدنيي متونسهه أرددد وبعد بالأحلامم أشوف موضوعع ثاني لج كان طولتيه شويه بعد
بس المهمم الصورر كلهه كيوتهه وتصويرهه فد شي مو نفسي أنا صور السناب لما أنقلهه لغير برنامج تصيرر مو واضحهه ومشوشه
الموضوععع طالععع كشخهه يهبللل بكللل جزءء فيهه وطبعااا رحح أعتبرهه هديهه ليييييه ^
فديتتت اللي تنزلل مواضيعع علموديي أحبكك ماااييي موووذرر ومنتظرهه موضوعجج القادم بعد سنه بشوقق ^إذا موجودين
أعرفف رددي صارر بطولل الموضوعع فأشطب حالي أحسنن فديتج ماي موذر ،، ودمت في أمان الله

 

[SKY NET]

مرحبا ً
شلونج ؟ يا رب تكوني بخير انسه خيوسه
ما شاء الله ع هالطاقات والابداع والطرح لموضوع بعد 8 سنوات ضث1
عجبتني صور الاكل > الغبها صور اكل
يا حبك للاكل بس
طيب ما تصوري لنا ورد او اشجار الي جمبكم والي حولكم والحدائق
نريد شويه طبيعه
التنسيق جميل والتصوير حلوو يسلمو الايادي
ومتشوق لجديدك بالمواضيع و التصوير
لك كل الود ~

 

[Donicchi]

دونااا الححبب نورتتيي موضوع نيناا ^شدخلج ؟
فديتت ردودجج أناا كلهه كلآم جميل وتسذآ
عسى ماننحرم منج ي قلبي
ترآنيم - شهر 9

بسم الله الرحمن الرحيم
السلام عليكم ورحمة الله وبركاته
كيفك ؟ إن شاء الله تكوني بخير
ماشاء الله حلوه الفكره انك تحطي يومياتكِ السنابيه ..
احلى الصور تبع اللي بالافنيوز والنافوره مره راقوا لي والتقاطتك لهم عجيبه وموفقه
أيام العيد ماشاء الله شكل الأجواء عندكم رهيبه حلوه الصوره تبع البالونز
عاد احسك تعيشين اليوم صح يعني تحللينه ماشاء الله عليكِ
عندك استغلال لليوم كويس عزمتي اختك على الفطور منها تغيير جو بعد
وشكله المطعم حلو من الصوره
عاد حرام عليك تصورين اكل فوق .. الاكل نقطة ضعف بالنسبة لي
المطعم فوق اللي تكلمتي فيه عن الاكل المغربي حسيت الأجواء فيه رمضانيه مدري يمكن من الزخارف
يعطيك العافيه ليليانه عيشتيني الجو وكأني كنت معك ..
بإنتظار جديدكِ دائمًا لاتحرمينا

 

[y e l e n a]

أوهه مزمز اللطيفهه من جديدد
دايماا تنوريناا بردودجج الكاكيهه يختيي
عاد لآتقطعين عنا هاه
ترآنيم - شهر 9

السلام عليكم

ياهلا والله بالجميلة لن لن اول مره لي اشوف لك موضوع
مستحيل افووت فرصة الرد عليه
كانه موضوع اسطوري ليليان صورت لنا
تصويرك اشك انه اغلب الي مر على موضوعك طلع منه جوعان
ماشاء الله ععليك ختمتي المطاعم ههههههه

حبيت هذي الصورة


سبحان الله نفس االشي ما احب اجلس الا بمكان نفس هذا بجامعتي بوقت الشتاء
يصير كل شي يجنن مع كوب قهوه ساخن يا سلام

حبيت تصويرك و اتمنى اشوف لك مواضيع اكثر
ابدعتي شكرا لك ​

 

[sakakibara kun]

ي زينن هالردود الجميلهه اللي تفتح النفس
أنا من يميي فرحتت بالرد شكلهه يجيب السعاده xD
منورناا ياخيي ماننحرم منك
ترآنيم - شهر 9

السسلام عليكم ورحمةة الله وبركاتهه..
أهلين وسهلين بالمبدعةة أنينوتشان ,,
زمان عن مواضيعك وإبداعاتك <<م كأنو هو لي غايب,,

عن نفسي أحب التغطيات الحصريه لا,,
وكمان أغلب التغطيه أغلبها أكل يعني المود عالي
صراحه التوثيق والتصوير شيء جميل لذكرى
ف أنا بنفسي كمان أسويها أحيانا لمن أطلع مع أهلي
كافي مطعم ولا شيء لازم أوثق صورة أو صورتين

الشيز دي سحرتني صراحه بستاشيو صح ؟
شكل الكافي راقي صراحه وش أسمه؟
بما إنك قلتي أنو موجود بالخليج تحمست

أهم شي أنو الفطور عندكم مهم إحنا تقريبا مسحوب عليه
ما شاء الله تبارك صحه وعافيه شكلي بفطر بكرا <اليوم

الكافي لي مليان سكر صراحه شدني من فتره
صرت مقرب للبستاشيو صراحه وبس قلتي
بستاشيو صوص انا قلت لازم اجربه

بجد أهنيك على الموضوع والتصوير بجد دقه
يعني عن نفسي بكامرا السناب الله لا يوريك
كمان تصوير ايفون سفن جدا ممتاز ودقيقه
لمن ابتلش بتصوير اسرق فون اختي واصور

بجد إستمتعت بالموضوع والصور وكمان
الخاتمه بصورة النافورة بجد أحلى ختام
وكمان تنسيق الموضوع جدا راقي ومميز
م ننحرم من مواضيعك وحصرياتك

 

[HOPE]

اوههه طلعع عندناا رسامه ومصورهه محترفه بعد
بنتتت بحكم عليج تنورين القسم قريبا واجباري
[FONT=Harmattan, sans-serif]عسى تطلع مواضيعج مثل ردودج الخقه
ترآنيم - شهر 9 [/FONT]

السلام عليكم ورحمة الله وبركاتهه..
كييييف حالك ي جمييله ؟؟
ان شاء الله بخيييير وتمااااااام التماااام ..
م شاء الله عليييك يختي منووووره القسم بهالصوور الجمييله
تصووويررك ودقتك ف التصووير رهييييييبه م شااء الله
خصووووص ان اعشششق التصوويير
وخبره سنييييين فهالمجاال
لاحظة دفتك العاااليه واختيااارك للأملكن والوضعياات
ووطريقتك ف التقااط الصوور شيء
جد حبيييييييت تصوويرك ووياريت تعطيني سناابك
عششااان اشووف احدث ابدااعك
..

..
هذي الصوووره كثييييييييير عجبتني دقتك ف تصويرهاا والمكااااان والإضااءه اعطى شكل
م شااااااااااء الله علييك ي بنت
حبييييييييت موووضووعك وتصووويرك
وبإنتظار جدييدك ..
فماااااااان الله

 

[~GO~]

هلاا بالشمسس اللي نورت الموضوعع
بس مايصير يختي تردين وأنا راده مايجتمع شمس وقمر !^طاخ
المهم ردودجج تفتح النفس قلبييي مننحرمش
وبنتظر طلتج ع القسمم ضرورييي !!
ترآنيم - شهر 9

..

السلام عليكم و رحمة الله

مرحبا ليلو كيفك و كيف اخبارك؟ سرقتي فكرتي قبل انزلها ليييه ياااخيي

من فتره اجمع صور من السناب عشان انزلها هنا ..المهم مره كيوت سنابك ..

بس تصورين اكل كثير ليه ياخي تجوعيني ..

المهم مره انتي من الناس الرايقه حبيت اخر صووره تبع النافوره عجيبه مع الغروب..

الاماكن اللي تصوريها لطيفه جداً ، ان شاء الله يكون لي زياره ع الكويت ..

بس اي وقت من السنه يكون جوكم معتدل مو اكثر من ٣٠ درجة مؤيه لأني ما اتحمل اذووب

صورة الفطور على الصبح حاجه جميله من جد تفتح النفس و تغير مزااااجك مره ..

ابدعتي ليلو مع انك سرقتي فكرتي شريره > تعيد السالفه ..

لا ننحرم جديدك القادم غاليتي و بالتوفيق لك ..

في امان الله و رعايته ..

 

[RELENA]

[FONT=Changa, sans-serif]ريلو ي ريلو شهالردود الخقهه !!
فديتت هالجمال كله وصاحبته أناا
نورينا دائما ي قلبي
ترآنيم - شهر 9 [/FONT]


السلام عليكم و رحمة الله و بركاته
أماااه مو عارفة من وين أبدأ

كيفيك لينو حبيبة قلبي ؟ يا رب تكوني بخير و كل أمورك تمام
الكررك بأول صورة طلبتيه مرة طلبت متلو بمدينة ألعاب بالعيد المهم
و اذا به يكو عبارة عن قهوة اسبرسو مع حليب حتى نفس الكاسة تقريباً ببعتلك الصورة ع الفيس
الحلى هذا شو اسمه ؟
ديكور المطعمم المغربي شي رهيب الصراحة بالحديث عن الكسكس هو اسمه عنا مفتول
و هو أكلة صعبة كثير بالعمل و الله ههههههههه متعبة جداً جداً لكنها لذيذة بشكل رهيب
أموت عليها أنا و طريقتها ع فكرة مو صعبة لكنها تاخد وقت و متعبة مع انو في ناس تجيبه جاهز و ما تعمله بالبيت
لكن عمايل البيت ألذ بكثيرر من الجاهز
أتوقع التراب حاطينو عشان نا تأثر النار ع الأرض أو ينزل شي من القدر ع الأرض
قاعدة أحلل الأمور
يختي رحلاتك ع الكافيهات شي رهيب أنا متلك أحب ألفلف عليهم لو واحد عجبني خلاص أعتمده لكني مو من النوع
اللي يطلع كتير فأختار كافي بيتي مع الجميلة ريلو بصنع الكابتشينو أو قهوة اسبرسو
حبيت المكان اللي تجلسوا فيه بجامعتكم بس مكشوف و في شمس
هههههههه انتي انتقلتي من ون بيس على ناروتو مع بنات عمك
كاريبو ليه آخر مرة تروحيه ؟ حبيت الديكور كتير
صورة الفطور مع اخوانك كتير جميلة و حبيت الأولى أكثر
صورة النافورة رهيييبة كتير حبيتها و حبيت ألوانها و حبيت كل شي فيها و أحلى شي انو النافورة موقفة
كتير حبيت تصويرك كلووو و بكاميرا السناب أجمل من التطبيق
و اختيارك للطقم كتير رائع
يسلمو يا قلبي ع الموضوع الجميل لا تحرمينا من جمال طرحك

 

[MaGicaL Boy]

​

​

اورانـوس ​

وعليكم السلام ورحمة الله وبركاته
هلا والله بـ خيسونة .. منورة القسم بهذي الطلة الحلوة
ياخي تعبتيني وأنا أطالع الموضوع حتى فكرت أسحب عليه وأكتب أي رد وخلاص
بس من شفت اني قربت للنهاية قلت يلا هانت
أول شيء بعلق عليه هو الكسكس لأن الخايسة شوش كلمتني عنه كذا مرة وللحين ما جربته
ولو كنت مكانج وسمعت عن مطعم مغربي صدقيني لا أسير له طيارة عشان أجرب هذي الأكلة بس
صح وبالنسبة للكرك فاسألي أي أحد معي بسناب وبيقول لج اني من المدمنين له
يعني مستحيل أطلع طلعة من البيت وما اشرب لي كرك .. تخيلي ان اول مكان أسير له هو محل كرك وبعدين أكمل الطلعة
حتى لو الطلعة كانت الظهر ومرة صاحبي راسلني وقال لي انت من صجك بالإمارات أو شيء من هالقبيل
عشان الحرارة بالأربعينات وأنا أشرب كرك .. سو أسوي ياخي ها إدمان
قلتي ان الكافيه اللي مصورة فيه الحلا موجود بأغلب دول الخليج .. انزين شو اسمه عشان نعرفه ؟
+ اللي فوق الحلا هي خلطة البيستاشيو ولا أنا غلطان ؟
بالنسبة للمكان اللي تحبين تجلسين فيه بالشتاء طبعا فما ألومج عليه صراحة
المكان حلو وهادي وينفع للتأمل وقراءة الروايات طبعا مو الكتب العلمية
وبالنسبة لحظ اختج فمابي أحسدها عليه .. ربحت بالأخير ريوق مجاني
ولا أنا عاد حظي اللي يكسر الحجر من حلاته وجماله طبعا
ولاحظت ان يومياتج أغلبيتها كافيات وأكل .. نفس يومياتي ياخي
وبالأخير لفتتني صورة النافورة بنهاية الموضوع
شكلها عجيب ياخي يبالها صورة احترافية مني .. لان تصويرج ما ينفع > انقلع
يعطيج ألف ألف عافية على طرحج الرائع وتم كل جميل لج وللموضوع وبانتظار جديدج القادم أكيد
مع تحياتي .. أخوج ماجيكال بوي