فخر المدونين كن قوياً ،، فالحياة تميت الضعيف قهراً (2 زائر)

[A S T E R]

​

الفعالية الأسبوعية 2
​

فعالية الإسبوع ²

لندخل تطبيق اليوتيوب و لنتشارك معا المحتوى المفيد ، أخبرنا عن قنواتك المفضلة ؟ كي تضيف الى قائمتنا لذة المحتوى الفريد​

في كثير قنوات مشتركة فيها متابعتها
بس صراحة بقعد فترة اتابع وبعدين بسحب ، وهكذا

صرلي فترة راجعة اتابع حلقات واحد اسمه سعد القحطاني كثير محتواه حلو ورائع جداً ، أنصحكم بمتابعة الحلقات الي بنزلها
كل سنة بنزل سلسلة كاملة كل حلقة 15 دقيقة فقط ، والحلو في ما تزهق ، بالعكس الاسلوب حلو وممتع وتكسب معلومات مفيدة

https://www.youtube.com/@qahtani_s1

وفي قناة للطبخ ، للي بحب الطبخ ، دايما وصفاتي باخذها منها ، كثير حلو اسلوبها وبتعطيك التفاصيل ومستحيل تجربي شي وما يزبط معك عن طريقها
عمري ما جربت اشي وما زبط ، طبعا لازم تشتغلو بشغف عشان يزبط

https://www.youtube.com/@Chefolatashman

فيه كمان قناة رائعة جدا لشخص بيحكي عن اي قضية مطروحة خاصة في السياسة ، أسلوبه جميل ، الله يبارك فيه

https://www.youtube.com/@abdullahelshrif

للي بحب السفر والترحال وهيك في قناة جو جميلة ولطيفة

https://www.youtube.com/@JoeHattab

وللي بحب الاغاني اللطيفة واللحن الجميل يتابع عز الدين

https://www.youtube.com/@IZZ_Music

والي بحب السياسة ، وانه يعرف شو بصير بالدنيا وتحليلات سياسية رائعة بامتياز ، يتابع قناة الواقية بس هي مش يوتيوب

قناة الواقية | Al Waqiyah TV

قناة الواقية: انحياز إلى مبدأ الأمة

www.alwaqiyah.tv

وفي كمان قناة الدكتور اياد القنيبي الرائع

https://www.youtube.com/@eyadqunaibi

وكمان قناة رواسخ رائعة جدا

https://www.youtube.com/@rawasekh

والي بحب شغل الأجهزة والالكترونيات ويعرف تفاصيل اي جهاز يتابع ديزر ، قناته حلوة كثيييير ،
هاي اندليت عليها من زوجي بنتابعو سوا

https://www.youtube.com/@Omardizer

وهيك خلصت ، مع انه في كثير عفكرة شغلات ، بس هاي هدول الي استحضروني وانا اكتبلكم
بتمنى عجبوكم وانه تستفيدوا منهم

 

[A S T E R]

الفعالية الأسبوعية 3
​

فعالية الإسبوع ³

ماذا لو أتيحت لك فرصة السفر إلى أي مكان في العالم، فأين ستذهب ؟ أتحفونا بالوصف​

هالسؤال فتح علي مواجع

سبحان لسا مبارح وابيوم بحكي عن شغلة السفر ، إلا هو يجي سؤال الفعالية عن السفر

يا جماعة الخير أنا بالنسبة الي السفر فعلاً حلم ، حلم ما رح يصير إلا اذا الدنيا كلها تغيرت

أما في واقعي الحالي فهو حلم

مهو إني أسافر بس في حدود الضفة اشي شبيه بالحلم
دوب أروح نابلس ، طولكرم ، رام الله في بعض الأحيان ،
اما الخليل وبيت لحم وجنين ، هاي بالأحلام نوصلها تخيلو

وطبعا القدس تصاريح ، فش تصريح فش روحة ، قعدت اكثر من 10 سنين لصارت الي فرصة اروح

ومن كثر ما انبسطت يومها بالروحة قررت اعملكم صور من هناك واشارككم فرحتي بالموضوع ،
لأنه فعلا كان بالنسبة الي حلم اروح القدس

مع انه لو تقروا كم مساحة الضفة كلها على بعضها ما بتيجي حارة من حارات البلاد الثانية
ومع هيك احنا محرومين من التنقل بأريحية بين مدننا ونشوف الدنيا حتى ببلادنا
-بعدها بجيك بني ادم متخلف راسه مربع من ورا الشاشة يكتب عن اهل فلسطين انه احنا عايشين طبيعي -

بس مع هيك مش غلط ولا حرام نحلم او نفكر نطلع

حلمي بالنسبة الي تجاه السفر

من بين البلاد الاجنبية حابة أزور اسبانيا والبرتغال لأنه كانت هناك حضارة الأندلس يلي لساتو اثارها موجودة..لهيك حابة اروح هناك

من بين البلاد الافريقية حابة اروح أحد دول المغرب او تونس او الجزائر ، اي وحدة فيهم ، لانه هيك من بعيد لبعيد بحب ناسها وأهلها

ومن بين الدول الاسيوية حابة اروح على اندونيسيا ، ما بعرف ليش بس بسمع عنها انها كثير حلوة للسياحة

ولكن ،،

بصطدم بالواقع كل ما افكر اروح على الخليل يلي ولا عمري زرتها غير مرة وحدة وما لفيتها ولا رحت الحرم الابراهيمي
حاليا الي بدو يروحها ، بدو نهار كامل ليوصلها بسبب الحواجز والصعوبات ، مع انه لو تيجي على ارض الواقع عادي مش بعيدة ، الاحتلال وعمايلو

فبتضلها كلها أحلام ، وما رح تتحقق ،، بلاد جوا الضفة مش قادرة اوصلها ، بدي اقدر اطلع برا

ما بكتب وانا زعلانة او اشي ، لا طبعاً ، عادي جدا والحمد لله راضيين بقضاء الله والواقع الي انا فيه

يعني ممكن زمان كنت احلم اكثر وفكر اكثر بهالشي ، بس حاليا خلص طفيت وبطلت فارقة وبفكرش بالسفر
من وقت الحرب خلص راح الشغف تجاه اي شي ، يعني الواحد عايش حياته وخلص ، ما في شغف تعمل اكثر من هيك او حتى تفكر تفكير
لهيك بستغرب من الناس الي عايشة حياتها بالطول والعرض وبنشروا كمان ولا كأنه في ناس بتموت في غزة
ولا كأنه في شهداء في طولكرم وجنين ، ولا كأنه فيه استباحة للمسجد الاقصى

انا كيف يبقى الي خلق اصلا افكر واحلم وغيري مش حاسس بالأمان ، وغيري مش لاقي اللقمة ؟!

بلشت احكي كثير ، وفي كلام اكثر ببالي عن هاد الموضوع وكيف الناس بطلت تحس ببعضها كما يجب ،، بالتدوينة القادمة

بحب أشكر الغالية والمبدعة @Detective JoulZ
على الطقم الأكثر من رائع ، سلمت يداك

​

 

[A S T E R]

دماء المسلمين جميعها غالية عند الله

محتوى مخفي: تدوينة طويلة جدا

يمكن يكون فيها كلام لا يعجب البعض
وطبعا كلامي والدعاء كله رح يكون عالحكام وليس الشعوب لانه الشعوب الاسلامية كلها على راسي وعيني

سبعة اشهر مرت ن ويمكن أنها مرت عليكم ولم تشعروا بها ، ولكن هناك في تلك البقعة الصغيرة من فلسطين ،
توجد الغالية الصامدة غزة ، والتي مرت عليها هذه الأشهر ببطء شديد ولم يمر يوم واحد أوساعة أو دقيقة أو حتى ثانية إلا وهي تأن وتنزف وتستصرخ ،
ولكن ومع الأسف دون مجيب !

ومنذ ذلك الحين أعزائي ، ظهرت على السطح مع الأسف شخصيات من مختلف الأنواع ،
وعقول تتفاجأ من طريقة تفكيرها وتقف مع نفسك وتقول الله يعافينا بس ! ،
خلال فترة غيابي عن المنتدى منذ الحرب ، كنت دائماً أتصفح مواقع التواصل وأرى أشكالاً وألواناً ومناقشات وهجوم على بعضهم البعض ،
- أنا بكون صافنة صراحة ونا اقرأ –
بالنسبة لي معظم هذه الأشكال لا تستحق الرد أو المناقشة وأستغرب لماذا يوجد بعض الناس يعيرونهم اهتماما ،
لأنهم بالنسبة لي سفهاء والسفيه لا يناقش ،
مواقع التواصل جعلت حيزاً ومكانا للجميع وكل شخص يريد أن يبدي رأيه حتى وان كان خاطئاً ومخالفاً لعقيدته ودينه واسلامه

بس اليوم احببت أن افضفض

من وقت ما رجعت وأنا كنت اود كتابة هذه التدوينة ، واليوم صحلي أكتبها

يعني يا جماعة الخير مش عارفة من وين ابدأ ولا من وين

الحرب كشفت كثيييير ، كشفت كثير وجوه وأقنعة ، سواء انها كشفت الحكام للشعوب – انا طبعا مكشوفين بالنسبة الي –
أو انه انكشفوا كثير ناس سواء كانو عاديين او مشاهير ،
الحمد لله عمري ما اعجبت بمشهور ولا عمري بشوف بيجي منهم خير ،
لأنهم همي هيك عبارة عن ناس تافهين والي بحبوهم تافهين ما عندهم مبدأ يعيشو عليه

وصراحة جاي احكي بس هيك لمجرد الفضفضة لانه الواحد قرف ،
مش عشان اني مقهورة زيادة منهم ، خليهم في ضلالهم هالناس

ظهرتلك فئة من الناس عند كل مناسبة يطبلو للحكام ويسحجولهم !

يعني بعد كل شيء عملوه ولسا بعملوه ولساتكم بتطبلولهم؟ لأي ذل وهوان وانبطاح وصلنالو؟

بقعدوا يحطو تبريرات وابصر ايش ، الامانة بيجي عبالي استفرغ من القرف

سواء الي بطبلو للملك المقلعط تبع الاردن هو ومرته المقرفة

ولا الي ببرر للسيسي المجرم


ولا الي بطبل لبشار ولا الي بطبل لاردوغان العلماني الخسيس العميل ولا الي بطبل لملك للسعودية وحكام دول الخليج كلها،
يلي في فئة منهم بقعدوا يقولوا احنا مالنا دخل وهما باعوا ارضهم !! احا ،، لا جد احا ،
يعني لانه ابو عمار الله يحرقه باعنا بمساعدة جمال عبد الناصر الله يحرقه كمان ومساعدة حسين تبع الاردن الله يحرقه ويحشرهم جميعا مع بعض !
فصرنا احنا خلص لا نستحق الحياة ؟
همي الناس جد بعرفوش انه السلطة عنا هي سلطة دايتون ؟
وانها احتلال اخر وذراع لمساعدة اليهود؟


وغيره كثير ، وباقي البلاد ،
الشاطر الي بدو يطبل للحاكم تبعه وهو مش عامل شي عشان فلسطين ،
اذا بعتو شوية مساعدات وابصر شو ،، ييييي هون اشي كبير وبصيروا يمدحوا

ولا احلى احلى شي يا جماعة الخير لما صارت مسرحية ايران ،
يلي البوبو الصغير بيفهم انها مسرحية ، طلعتلك فئة على السطح يطبلولهم
لا عنجد مش فاهمة شو بتهيألهم ؟!

غير انها ايران معروف انها بتدور في فلك امريكا وما تعمل شي الا بإذن امريكا ،
وشوية الصواريخ الي ضربتهن وما وصلن هني كلهن بمباركة امريكية عشان زي قرصة ذان لليهود لانهم مش سامعين كلمتها ي حرام

تراع فكرة اريكا ياما عملت هاي الحركة انه تخلي ايران او حزب الله يضرب اليهود انه زي تخويف انه عشان يردوا عليهم لانه بتنمردوا كثير ،
بس بنفس الوقت امريكا ما تتخلى عن اليهود بزبطش ،
هما علاقتهم زيا لام وابنها ،
مستحيل الام تتخلى عن ابنها بس بنفس الوقت عادي بتعاقبوا عند اللزم وهاد الي صار يوم ايران ،
وقبلها صارت بس الي ما بتبع للاخبار ما رح يعرف

ذكروني في صواريخ صدام الله يحرقه يلي كمان كل الكوكب صار يطبلولو مع انه مجرم ،
بس برضو يومها امريكا حكتلو يضرب ، ويا ريتهن عملن اشي
ولحد هسا المشكلة الناس تتغنى فيه وفي ابو عمار وعبد الناصر مع انه كلهم عملاء لامريكا وكلهم كلاب كراسي ومصاري ومجرمين في حق شعوبهم

فيعني مش فاهمة كيف في ناس طلعت تحكي وتدعم ايران ؟

بتعرفو ليش بستغرب؟

لانه بس اشوف حد هيك مستحيييييل احترمه بالعكس بحتقروا كثير مش شوي ورح اعرف انه بلا شرف ولا اخلاق ولا مبدأ ،
وبكون خاذل لأمته ولدينه

لانه الي ما بنقهر على دماء كل المسلمين ، هاد مش مسلم بحق
دماءنا احنا اهل فلسطين مش اغلى من دماء اهل سوريا وغيرها من بلاد المسلمين
وهاي العنصرية والتفرقة الي بثها الاستعمار بيننا وقسمونا بالحدود وحطولنا كل واحد علم عشان الناس تقدسه وتقدس الحدود ،،
كله هاد بسببهم ونجحوا للاسف في تفرقتنا ، والشاطر الي يطلع يقول اهل فلسطن ما دخلنا فيهم ، اهل سوريا ما خصنا فيهم ..الخ


ايران عجبت في سوريا هي وحزب الشيطان ،، ولا زالو ، ومعهم بشار وروسيا


انت يا مسلم كيف بتطبل لحد قتل وذبح ناس ابرياء في بلد ثانية؟ حتى وان ضرب يهود
– وهو فعليا ما ضربهم –

اغتصبوا نساء وقتلوهن ،، الي ما بعرف هاي الاخبار يروح يتابع

اجرموا في سوريا اكبر اجرام وبعدها بيجي حد بقعد يقول اه هم مناح عشانهم خوفو اليهود؟

لا مش هيك الشغلة

الشغلة انه انا مسلم وبغار وبنقهر وبفقع على كل دماء المسلمين لانه دماء المسلمين وحدة وكلها غالية عند الله

ربنا قالها انه قتل نفس مؤمنة بغير حق اعظم عند الله من هدم الكعبة ، متخيلين عظم الأمر عند الله؟

يعني شايفين قديش ناس ماتت بغير حق سواء عنا او بسوريا او باليمن او السودان ،،
كل هاد الدماء غالية عند الله وكل مجرميهم رح يتحاسبوا حساب عظيم ،
وكل حد شد على ايد المجرمين او مدحهم رح يتحاسب برضو ،ـ،ـ سواء ماتو على ايدين يهود او بشكل ظالم على ايدين حكام وعصابات اخرى

فلا حد يجي يقولي مثلا جملة

انه اهل فلسطين اليهود محتلينها ،، اما باقي البلاد هي امور داخلية

لا ي عمي مش داخلية ، وكل الكفار تدخلوا فيها وحطوا يدهم ، وعملائهم قاموا بالواجب معهم

لانه في فئة قذرة بتطلع تقول انه امور داخلية بين بعضهم بستاهلو ،،
الله ينتقم من كل حد ما بزعل وبنقهر على دماء المسلمين الي بتروح هيك ظلم !
ترا ربنا ما حدد على ايد مين القتل ،، بس ذكر بغير حق

وكل الي انقتلو بكل البلاد انقتلو بغير حق !


فأنا كمسلمة بكره ايران وبشار وحزب الشيطان واردوغان يلي كلهم الهم ايد في قتل المسلمين في سوريا ،
ولو شو ما عملوا من مواقف ما بقبلها منهم لانه اولا بكون عارفة انه مش عشان سواد عيون الفلسطينية
وثانيا لأنهم مجرمين وانا بوقفش مع المجرم الي قتل اخوي المسلم وين ما كان ،
ان شاء الله كان في ميانيمار او بورما ،، يلي بموتو على ايدين مجرمين لان بدهم يعملو تطهير عرقي للمسلمين هناك ،،
اذا تعرفوش روحو تابعو اخبارهم


يعني حتى للاسف قادة حماس السياسيين مثل هنية ومشعل وغيرهم ،،
حطوا ايدهم بايد بشار وعادي ،،طب وين مبدأك وقيمك ودينك لما تحط ايدك في ايد الي ذبح المسلمين؟

السنوار لما طلع قبل الحرب بفترة قصيرة بنص غزة ويمدح اردوغان !!

هاد غير لسا برضو علاقاتهم مع روسيا المجرمة

اقسم بالله ببقى صافنة فيهم كيف هذول بنامو الليل وبخافوش الله !

طبعا الجناح العسكري والمقاومين يلي على ارض الواقع اشرف منهم واحسن منهم ،،
وهذا الشيء كمان واضح للحمار فلا حد يجي يقولي ليش تيجي في قادتهم ،، بحكي عن السياسيين المقلعطين يلي فش عندهم مبدأ



او مثلا احلى شي برضو يا جماعة تطبيل الناس للحوثي المجرم الي قتل اخواننا في اليمن!

يا عمي شو بتعاطوا الناس؟

والمشكلة الحوثي صناعة امريكية بامتياز وكل الي بعملوه بالبحر الاحمر طبعا تمثيل ،،
حتى الفيديوهات الي بطلعوها كلها مبينة والله تمثيل ودبلجة وهبل ،، انا الي بفهمش والله ميزت

فأول شي فش اشي هم بعملوه اصلا من دون مشاورة امريكا وثاني شي كمان هدول ذبحوا المسلمين باليمن ،
وانا ما بمدح أي حد اجرم في حق المسلمين ، لو شو ما عمل من اجل تلميع صورته ،

لانه المفروض المسلم يكون عنده وعي وبصيرة واضطلاع على كل ما يجري وتفكير عميق مش ينظر للامور بسطحية بحتة !


امريكا يا عمي داخلة بالشرق الاوسط بشكل مش طبيعي لا حد يجي يتفلسف علي ويقولي انه فش نظرية مؤامرة ،
لا ي عمي واذا في حد مو مقتنع يروح يضل يتابع الاخبار والتصريحات والعمايل الي بعملوها الكفار،
مش بس وقت الحرب تيجي تتابع وبعدها تتفلسف وانك عامل حالك تفهم !

امريكا في ايدها كل الخيوط حرفيا ، بتلعب فينا زي لعبة الشطرنج ،
بتحرك فلان هناك بتجيب هداك هون ،، بتروح تعمل لقاء هون بتركض تعمل اجتماع طارئ هناك ،
طايقة عكل شي ياخي بتعبوش ، انا من بعيد بصفن وبقول بتعبوش بزهقوش

طبعا بزهقوش عشان بدهم يضلهم محكمين سيطرتهم علينا عن طريق ادواتهم – يعني حكامنا -
لانها خايفة تفلت الامور ويقوم –البعبع الاسلامي على حد تعبيرهم –
مو مصدقين روحوا كمان اقروا وشوفو تصريحات مفكرين اجانب بحكو عن عودة المارد الاسلامي


يعني يرجع يصير النا دولة اسلامية زي زمان ،،
هاد همي خايفين منه وعارفين انه لو تركونا بحالنا ،
يعني لو بطلو يغزونا ثقافيا وفكريا وعسكريا كان زمان رجعنا زي قبل واحسن ،،
بس لا شغالين على قدم وساق للاسف !


وهاد يا جماعة الخير في فئة ثانية منيح ما نسيت احكي عنها وهي الفئة الي بنظروا ويتفلسفوا على اهل فلسطين !

بالله عليكم شو طينتهم هذول جد؟

اذا حد عندو جواب يجاوبني بالتقييم او بالملف

يعني معروفة شو تاريخ فلسطين والي بعرفش يروح يقرا بعدين ييجي يحكي

من 75 سنة احنا محتلين ، ترا مش مبارح ، مش في 7 اكتوبر ؟!

واليهود بعملو فينا عمايل ومجازر وأسرى وهدم بيوت واستيطان وغيرو وغيرو وغيرو ، شو بدنا نعد لنعد

بعدها بجيكم ي جماعة الخير ناس راسها مربع يقول عن اهل فلسطين انه خذلنا القضية

ويصيروا يحكوا على اهل الضفة او اهل الداخل وانه احنا خذلنا قضيتنا قال ، احزروا ليش؟

لانه احنا ما انقصفنا ،، تخيلو هالسبب !!

يعني لما ننقصف ونموت بالالاف بتقتنع هاي الفئة انه احنا ماكلين كندرة ومحتلين ومظلومين وعايشين بقهر وذل وهوان كل يوم !!

ليش لما صارت شغلة انتفاضة السكاكين واستباحة الاقصى واهل غزة ما كان عندهم قصف ،
ليش ما حد طلع يقول اهل غزة خذلتو القضية ؟ او اهل الضفة ما طلعو يقولو شو بتعملو ي اهل غزة؟

الله وكيلكم كل حرب على غزة هيك بصير

الشاطر الي يبقى ورا الشاشة وهو عايش في امن وامان وسلام ويتفلسف على اهل الحق !!

ولك انت الي قاعد بتخذل قضيتك ودينك لما تقعد تبث سمومك وتحكي بطريقة عنصرية

تعليقاتك الي تحكيها بس حد يقراها ممكن تأثر في حد ثاني وتزيد العنصرية

فلسطين كلها وحدة ، كلنا محتلين بغض النظر انقصفنا ولا ما انقصفنا يا مقرفين

ضفة وغزة واهل الداخل هاي للاسف تقسيمات من اليهود وفرقونا ووضعوا بيننا هاي الحواجز ،،
وهو فعلا بنكرش انه في عنصرية وبلمسها

بس مهي غلط !!

ودايما انا من ناحيتي اقول لا احنا ولاد قضية وحدة وكلنا خير وبركة

بس الي قاعد الله اعلم في أي دولة وجاي تتفلسف علينا ليش؟!!

طب انت يلي حامي رزك احكيلنا يما شو عامل لقضيتك ؟

مهي قضية فلسطين قضية عقدية اسلامية مش بس قضيتنا ،،
الي عملتو بس تخذل وتبث التفرقة وتزيد العنصرية الي زرعها الاحتلال !
ورح تتحاسب عليه وتتعاقب بس توقف بين ايدين ربنا


قال شو وين زلام الضفة،، هيهم زلام الضفة بلاحقوا فيهم اليهود والسلطة

اسرى فلسطين عددهم قريب العشر الاف

ومن بداية الحرب لحالها تخيلو معي اعتقلوا اكثر من 6000 !!

الي بعرفش كمان روح اقرا وتثقف ، الأسرى حالهم بالويل من بداية الحرب

، بكتبلكم وانا بدمع ،، مين قال انه زلام الضفة مش بني ادميين عشان ينحكى عنهم؟

ولو بدي احكي ما بخلص قديش في ظلم وقهر وزيادة في الظلم والعدوان الصهيوني ،،

بطل يهمهم امرأة او طفل غيره

الاقصى يا جماعة يوميا يستباح

الاقصى شبه فاضي والمستوطنين دايما فيه

احنا ممنوعين نروح عليه والي بروحو كله كبار في السن وبصعوبة

ومرات خلص بسكروا وفش حد يفوت

استباحة المسجد الاقصى امر عظيم عند الله ،،
وكل هالاشياء الي بعملوها اليهود مو مكفية جماعة الي بحكو انه اهل الضفة متخاذلين!

غير طبعا الاستيطان الي مش طبيعي زاد ، ياالله شو في ناس انهدمت بيوتها في قرى البلاد

وشو الواحد بدو يعد ويحكي ،، غير الاقتحاامات اليومية الي بتصير لكل الضفة،، يوميا

والقصف لمواقع مقاومين في طولكرم جنين نابلس رام الله والخليل وغيرهم

مخلوش مقاوم ورح يصفوهم كلهم ، سواء بالقتل او بالأسر

لا بعدها لسا يجو يقولو انه احنا مو صاير عنا شي واحنا مش عاملين شي


ترا احنا محتلين من سنين ،، عمركم سمعتو عن اسير يحرر نفسه ؟
لا فش

صح بضل يحاول يحرر حاله بس مستحيل تزبط معه ،،
بضايق الي آسره بس ما بقدر يحرر نفسه ،، لازم التحرير من برا

وفلسطين حالها كحال الأسير الي بدو تحرير من الخارج ، يعني حد يتحرك من هالدول ،،
الاردن مصر السعودية تركيا ، أي حد مش مهم ،،
المهم التحرير من الخارج بيجي وطبعا لانه كلهم عملاء وامرهم بايد الكفار ما رح يتحركوا الا لو صار شي مثل انقلاب جيش ،،
الله اعلم على ايد مين ربنا يسوق النصر، بس املي بالله عظيم وانه التحرير جاي

اما والله لو نضل العمر كله يعملو عمليات هنا وهناك سواء بالضفة ولا في غزة ،، ما رح نتحرر ،
هو يوجع اليهود ونحتسب المقاومين شهداء ولكنه لا يحررنا للاسف وهذا هو الواقع !!


وفيه فئة اخرى ظهرت كمان ،

وهي ناس من غزة ما بعرف هي حسابات عنجد او لا ،
بس الي بطلع يحكي حكي شبيه بالكفر استغفر الله

والي بطلع يسب اهل الضفة

والي بطلع يسب الشعوب مع انه الشعوب ما خصها ،، كل الحق عالحكام ،،


الشعوب الاسلامية ما قصرت وكلهم قاموا ولسا بقوموا بس حركتهم غير موجعة لحكامهم ،،
المفروض يقوموا اكثر بس صراحة لا الومهم لانه حكام المسلمين مجرمين كثير ،،

اذا في تركيا يا جماعة مرة خطيب مسجد بس دعى لاهل غزة مجرد دعاء ،،
قام واحد من نص الحضور وطخو بنص راسه وعادي وما صار شي او أي تبعات ،،!!
طبعا هاي القصة دريت فيها وصحيحة لانه اختي واهل زوجها عايشين بتركيا

بلطجية اردوغان في كل مكان ووين ما تروح ،، وعليها وقيس بكل البلاد ،، فالناس اه بتخاف

المظاهرات عملوها لانه هم سمحولهم عشان ينفسوا عن غضبهم بس

ولا هما لو بدهم حتى مظاهرات بدهمش الناس تطلع !!

وناس تطلع تمدح الغرب وشو بعملو ويقول شوف الغرب شو عمل والعرب معملوش !!

بحب اقلكم خلص بكفي اعجاب بالكفارر ،، قلعااااااط

يعني مفكرين هالناس عندهم تطلع عشانا؟

لا يعمي ،، اما عشان ترند او موضة ،
وقليل منهم شفقة بس علينا ،،وشفقة على اهل اسرى اليهود الي عند حماس
– واولهم رانيا المقرفة يلي طلعت وتعاطفت مع امهات اسرى اليهود وساوت بين المكلومين في غزة بين اهل اسرى اليهود –



ما بنكر انه وصل صوت القضية لكثير ناس وصار في وعي ،،
وكثير ناس اعجبت في ثبات وصبر اهل غزة واسلموا ،، ما بنكر هالشيء ،
بس مش معناها نقلل من وقفة المسلمين معنا وانهم هم بحبونا لانه احنا اخوة بالدين ودينهم الي بحركهم مش أي شي ثاني ،،
فلا يجي حد يمدح الاجانب عندي !


وبخصوص اهلنا في غزة ، انا عارفة انه كل شخص بمثل نفسه

والي بطلع يحكي حكي زي الكفر بمثل نفسه وبصير يقول انا معي حق احكي شو ما بدي؟!!
لا من أي دين جايبها انه تطاول على ربنا ؟

ملان ناس صابرة وثابتة ليش ما تتعلم منهم ؟

ترا صارت يا جماعة حروب كثييييييرة واطول بكثير من حرب غزة على المسلمين والي ما قرا التاريخ يروح يقرأ

حروب التتار ،، حروب الصليبيين اكثر من حملة

وتمتد لسنوات طوال وكانو المسلمين ينذبحوا ذبح وفظعوا فيهم الكفار

وحرب الكفار على الاندلس لما اسقطوها

وكانت كل مرة يطلع منها قائد يوحد المسلمين ويحررهم

وحاليا الي بصير معنا نفس الشيء،،
كل القتل والظلم والقهر في غزة وكل فلسطين رح يطلع من الامة مين يوحدها يحررها

بس لما نكون احنا عنا هذا اليقين بالتحرير والنصر ،،زي كيف يقينا انه في جنة ونار ،،
وهذا لازم يكون عندنا يقين تام ورضا وتسليم لقضاء الله ،،حتى لو ما شفنا النصر ومتنا ،، رح يصير بالاجيال الي بعدنا


فاحنا ما بحقلنا ولا بأي شكل من الاشكال نعترض على قضاء ربنا سواء ننقصف ولا لا ،،
اصلا هاد الاحداث ربنا بعملها عشان يمحص الخبيث من الطيب ويختبر قدرة المسلم على الصبر والثبات وناس تنجح وناس تفشل

ولا حد يجي يقول انت ما انقصفت ومش حاسة فيهم ،،لا حاسين فيهم ،،
واحنا اهل فلسطين اكثر ناس حاسين ببعض برغم فيه برضو فئة مقرفة ولا كأنها بالدنيا ،
بس بحكي بشكل عام ، لاني انا ما بحب اعمم ، ودايما اقول الخير في الامة الى يوم الدين



في النهاية ،،

الحرب اه طولت والناس تعبت كثير

كل يوم مجازر اشي مش طبيعي ،،
ننام ونصحى على هالاخبار

الواحد فقد الشغف تجاه الحياة وبطل اله خلق لشي وبنمشي النهار هيك لأنه الواحد بستحي يعمل اي شي وهو اخوه بموت قهر وظلم وجوع !

بس الواحد تعلم من هالحرب كثير

انه لا تنخدع بالناس اولا

وثاني شي تعلمنا الصبر على كل امور الحياة الصغيرة والكبيرة بسبب ثبات وصبر اهل غزة برغم تعبهم وقلة حيلتهم

وصقلت شخصياتنا بشكل افضل ، وقوت عنا الايمان

والله الواحد بكتب وهو مقهور ، بعرف حكيت كثير بس جد بكتب وانا مدمعة ومقهورة ،
كل المجازر الي بتصير والمناظر الي بنشوفها ونضل نعيط وندعي ،،
والشهداء الي بروحو بالضفة بلمح البصر ،، والله قهر كثير

جد اقسم بالله انه الله يعينهم على الي همي فيه ،، المصاب جلل وعظيم ،،
ودائما وابدا رح ادعيلهم الله يثبتهم ويكون معهم ويرحمهم


ما بعرف احيانا بصفن بقول والله يمكن كلام اخوي الكبير صح

يمكن في النهاية خلص ربنا يستبدلنا كلنا المسلمين

خلص انه ما في امل يصير تحرير في هالجيل بسبب تقاعسه عن التحرير وعن حمل راية الاسلام

فربنا بستبدلنا بقوم احب الى الله وبصير النصر على ايدهم ،، وهذا الامر مش بعيد

ربنا قال:


(يا أيها الذين آمنوا من يرتّدّ منكم عن دينه فسوف يأتي الله بقوم يحبهم ويحبونه أذلة على المؤمنين أعزّة على الكافرين يجاهدون في سبيل الله ولا يخافون لومة لائم ذلك فضل الله يؤتيه من يشاء والله واسع عليم) [المائدة : 54]



(وَإِن تَتَوَلَّوْا يَسْتَبْدِلْ قَوْماً غَيْرَكُمْ ثُمَّ لَا يَكُونُوا أَمْثَالَكُمْ) [سورة محمد: 38]



قال تعالى (إِلاَّ تَنفِرُواْ يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلاَ تَضُرُّوهُ شَيْئاً وَاللّهُ عَلَى كُلِّ شَيْءٍ قَدِيرٌ) (التوبة/39)



اللهم ارحم شهدائنا في فلسطين واجعل مثواهم في جنات النعيم

اللهم ان لم يكن بك علينا غضب فلا نبالي

اللهم قد عظم الكرب واشتد البلاء ، اللهم لا منجى ولا ملجأ الا اليك

اللهم انصرنا نصرا عزيزا مؤزرا

تعز به أولياؤك وتذل فيه اعداؤك

اللهم ارزقنا بخليفة جنّة نقاتل من وراءه ونتقي به

اللهم ارفع عن المسلمين البلاء في فلسطين وسوريا والسودان وبورما وكل بلاد المسلمين يا رب العالمين ،،
اللهم امين

​

 

[A S T E R]

السلام عليكم

كيف الحال؟

بما انه في فعالية ومعنا وقت فقلت يلا بنشارك وياكم

فعالية | - تحليل الشخصية || مجتمع المدونين

أهلا و سهلا رواد مجتمع المدونين الأطيب على الاطلاق ش10 هنا حيث يتميز كل عضو برقيّ لمساته الخاصة ، فتتنوع الافكار و تختلف وجهات النظر و تكثر النقاشات و تتمايز الحروف و العبارات، فـ تتقارب تارة كما تتعاكس تارة اخرى ق1 هنا حيث يمتزج بريق القسم بنور كل لمسة من لمسات الاعضاء ، و نتغذا سويا بوسامة...

www.anime-tooon.com

ورح امنشن اشخاص يحللوني
واذا ما بدكم يا جماعة تحللوني عادي مش مشكلة ،
بس هيك بدي ازعجكم وامنشن

@RO-CHAN
@ROI
@Miss Marple منشنتك عناد
@Mahdicchi اكيد مش فاضي بس كمان هيك ازعاج
@SCARAMOUCHE
@N A Y
@kiyotaka
@Killua
@Delythena
@هَيام
@ستـارلآيتـو
@Meoω❀
@Password
@Dr.Saki~☆
@Ma ya
@Angel Haru
@Detective JoulZ
@Evalin ما رضي يجي المنشن
@Alfredo
@S a n d r a
@YAZAƝ
@JUN
@ديمو.
@N I G H T $
@داركو
@اجرام ني


ونكتفي في هاللستة الطويلة العريضة
سوري على ازعاجكم

​

 

[YAZAƝ]

السلام عليكم ورحمة الله وبركاته
كيفك صديقتي العزيزه و الغاليه ع القلب
اتمنى تكوني بخير وصحه و سلامه
وبعد....

الصراحه تفاجأت في هاذي الفعاليه + ستغربت قلت اوله معقول رفيقتي @A S T E R عامليتني منشن
ضليت صافن وجالس اصفر
شو اكتب و ايش احكيييييي بس طلع معي هاذا الكلام طالع من صمصومت قلبي XD

ونقول بسم الله ونبلش _يطقطق اصابعو_

لن تأتي هذه الدنيا بإنسانة مثل صديقتي ASTER إنها تحمل الود والمحبة داخل قلبها وهيه الصديقه الطيبه الخلوصه و كل شيئ و أيضا الصادقة والوفاء الذي لم أجده مع أخرى في حياتي لأنك متواجده في حياتي

أحببت تلك الصديقة الغالية التي علمتني المعنى الحقيقي للصداقة، وغرست في قلبي معنى الوفاء
فهيه انتي ي ورديتي العزيزه على قلبيييييي
و اطيب انسانه دخلت لي قلبي

حبيت احكيلك كل شي كل شي جواتي واتمنى تكوني اسعد انسانه و غاليه ع القلب
كوني بخير استورتنا الغاليه لا ويت استورتي انا لحالي مفهوم ي @RO-CHAN

احب امزح معكم بشكل جنوني احسكم عائلتي البومبستكيه الفاخره ع الاخير

اتمنى تتقبلي مروري اللطيف و الخفيف ويارب تقبلي هاذا الكلام يلي طلع مني و اسف
ع اي شيييي زعلتك او ذايقتك فيوووو ولكن هاذي من محبتي الك
و كل عاده بحب قلكم صار لازم اروح و بشوفك ع خير ان شاء الله
اقبلي مروري الخفيف و لطيف البومبستيكي
كان معك يزون او زيتونه
Astla Vista Baby

في امان الله

​

 

[Alfredo]

أول مرة لي تعرفت عليك كانت في القسم العام أول ماسجلت كان عندي ذاك الشغف و الاندفاع في أني أنشر كتاباتي و أنمي مهاراتي الادبية و هيك و كانت وجهتي الاولى المنتدى العام بحكم مش بألف روايات و اكتب نصوص عشوائية و لكن لما دخلت القسم و اني نظرتي عليه مكان حيث ينشر الاعضاء خواطر و كتابات خاصة زي مقطوعات روائية أو أبيات شعرية و غيرهم ، الا و انصدم بمواضيعك النقاشية و مهاراتك في طرح المواضيع و أهم شي دخلتيني بوابة جديدة في جمال اللغة و هي فخامتها لما تتوظف في المقالات و الدراسات لانو ماشاء الله كلامك يبرز عليه الطابع الادبي اكثر من الطابع العلمي رغم انك موضوعية و مباشرة في ايصال المعلومات لكن رقي عباراتك و انتقائك للكلمات السهلة و الفخمة في آن واحد لـ تقديم شروحات سهلة الفهم موهبة بحد ذاتها

و من يومها و اني احاول حتى في التعابير الكتابية في امتحاناتي احاكي أسلوبك و ماقديت اني شخص كلش يبالغ في استخدام الكلمات الصعبة

فاا مواضيعك ابدا ماتشبه المقالات في بقية المواقع - زي الدراسات العلمية أو المجلات - و انما لك وقع خاص و برأيي اشوف ياريت تطوري من هيي الشي و توسعي من طموحك لانو انت مبدعة و الله و ظلم فيك ماتنمي مهاراتك لانك أكثر من هاوية أنت محترفة بمعنى الكلمة ! - مثلا تشتركي بالمواقع اللي تشتري مقالات و تبيعي لهم او تتعاوني مع مترجمين هم يترجمو و انت تحرري النص - لانو ثراءك اللغوي شي لا يستهان به اطلاقا و من أعز مواضيعك على قلبي موضوع الكلمة الطيبة سحرتني كل جملة كل فكرة و كل وجهة نظر

نجي من ناحية الشخصية ، غالبا الناس المبدعة في الكتابة الادبية نجد شخصيتها مائلة الى الكلاسيك و نلاحظ بشكل كبير رائحة الكتب في تعاملهم و دا الشي يعني يخلق صعوبة في الانخراط بينهم خاصة لو الانسان مش قارئ و لكن انت ياأسماء غير جدا التعامل معك مريح و شخصيتك ايجابية و مرحة و سوالفك ممتعة كتير و احب شلتكم انت و رو و مس ماربل و روي و مهدي نفس العصابة لما تجتمع
عندك أصدقاء كثر بسبب طباعك الطيبة و أسلوب كلامك اللذيذ مؤدبة و لطيفة و خلوقة
باختصار كتير بحب تواجدك بالتون و كتير بحب مواضيعك فلا تحرمينا منهم

طولت عليك اخليك في حفظ الله و رعايته ​

 

[Delythena]

-
جات لي الفرصة أتكلم عن غاليتي أستر ، أديش أنا محظوظة لأني راح أتكلم بمدونتها
أستر بنت مدري كيف تنوصف عظيمة لدرجة كبيرة ، أتذكر أديش كنت أحب مواضيعها وأرد علي بمتعة خصوصي بالقسم العام بحسها مميزة حتى لما تنتقي عنوان الموضوع يلفت نظري
لي سنين معاها وما عمري شفت موقف منها يزعل ، كثير مراعية وحبابة بعمرها ما جرحت حدا ولا بتتعصب على مواقف ولو الشي جرحها ، سلسة بالتعامل يعني لما تتعاملوا معاها ما بتحسبوا حساب للكلام بترتاحوا كثير
عندها كمية وعي سواء بالمواضيع السياسية أو الدينية وبحس بكل المجالات بتعجبني هيك شخصيات ، وبحسها مثال للمرأة القوية بحترمها كثير
وبحب كيف أنها معطاءة ومتسامحة مع الكل ، اجتماعية وتتعامل مع الكل بطيبة محد بنفر منها والأهم انها بنت بلادي غالية على قلبي
ولو احتجتوا مساعدة أو فضفضة تقدر تساعدكم ، ما بتحكي اشي كثير حنونة وللأمانة بعتبرها أختي الثانية
تعاملها مع الناس راقي وأسلوبها يحبب الشخص فيها ، حتى كثير بنبسط معاها لما أحكي أو لما أشوفها موجود ربي يخليها لنا ومواقفها سواء معي ولا مع الناس بعرف انها مميزة من دون ما أشوف
من وجهة نظري أشوفها انسانة خلوقة ومؤدبة ، وتستاهل كل خير ربي يعطيها ويحفظها لأحبائها
بحبها كثير وتعجبني صداقتها مع شلتها حلوين الله يخليهم لبعض
أتمنى كون وفيت بحقك حبيبة قلبي


​

 

[Evaℓɪиє Nєss]

السلام عليكم و رحمة الله
معرفتي بأسماء قليلة نوعا ما و ما عرفتها إلا مؤخرا
لكن للأمانة جدا انجذبت للدفئ اللي فيها
مدري كيف أشرح بس أحس كأن فيه قوة في مدري مش بساطة و مش ضعف ما عرفت الكلمة لكن كذا من بعيد ما تحس بقوتها بس تحس بطيبتها
لكن إذا أمعنت النظر تلاقيها إنسانة قويا قلبا و قالبا و قوتها أبد مو مخفية
أحسها تشبه البنايات اللي في حيي شافو زلزال 2003 و 2014 و رغم وجود بعض التشققات أبدا ما انهارو
تصميمهم بسيط و مش ضد الزلازل انما الله أعلم كيف صمدو ، أسماء كذا أحسها رهيفة لكن جدا قوية
شخص إيجابي و مضحي و دايما تعبر عن حبها للقريبين منها بمختلف الطرق
لها آراء قوية و تعبر عنهم بطريقة واضحة و تحب النقاشات البناءة و تتعلم منها
التقرب منها سهل و هي كثيرة العطاء
غالبا ال love language حقها هي الهدايا > مدري بس توقع
إذا تخيلتها أتخيلها جالسة على النافذة مع كتاب بينما حاطة للبنات برامج أطفال مفيدة
كذا تشع دفئ و هدوء لا يخلو من المرح
أحب تدويناتها رغم اني ما شفت إلا آخر التدوينات لكن حكاياتاتها و تعبيرها عن فلسفاتها الشخصية أيضا ممتعة للقراءة
أحب خصوصا أي ذكر لبناتك جدا أستمتع و أنا أقرأ عن قصصكم الله يحفظهم لك و يحفظك لهم
ابنة بارة و أم ناجحة و أخت دافئة و صديقة وفية و إنسانة لمست معرفتها مختلف المجالات
أتمنى يستمر وجودك بيننا و تدوم عشرتنا بإذن المولى
و إن شاء الله نشوفك ناجحة في أمور دينك و دنياك

دمت في رعاية الرحمان و حفظه ​

 

[Meoω❀]

من أول ما منشتيني وأنا ببالي الموضوع ولكن للأسف انشغلت اليومين الي مضوا

مبسوطة أنه أول تحليل لي هي أستر
أستر من الفتيات الي بتتعرّف عليهم أول مرة وبتحس كأنك بتعرفها من سنوات ..
فتاة ربما لا أذكر كيف تعرّفت عليها ولكن فجأة بلاقي نفسي كل ما أتذكّر المنتدى هي من أوائل الناس الي بيخطروا ع بالي على طول

شفت الناس الي قبلي يتكلّمون عن أفكارها وطروحاتها بالقسم العام .. ربما لم تصح لي فرصة للاطّلاع عليهم كلهم..
ولكن الموضوع الأخير تبع الأمراض النفسية كان كافي بالنسبة لي لأدرك أنها ليست مجرد فتاة طيّبة ولطيفة وخفيفة الظل فحسب..
بل أيضاً ذكية وموهوبة في نقاشاتها واختيارها للمواضيع وكذلك طريقتها في الكتابة وهو ما أحاول أن أصل له يومًا
كانت واحدة من أسباب الهامي لأتذكّر جمال اللغة العربية وما نستطيع التعبير من خلالها ..
بالاضافة أنها أم ناجحة ومثال للفتاة الناضجة التي أطمح أن أكون مثلها بعد خمس سنين ~ بحكم أني أصغر منك بخمس سنين تقريباً ..
أحب تعاملها مع الآخرين كم هي راقية وأسلوبها لطيف وجميل..
وكيف أنها بنت خلوقة وتنشر المحبة بين الناس؛ في زمن لا نرى فيه غير الشر والحقد والكراهية ..

لست شخص جيّد في التعبير عن محبتي للآخرين كلاميًا ولكن أتمنى أن ما ذكرته
حتى ولو كانت فقرة قصيرة أن يبيّن مدى محبتي واحترامي لكِ لشخصك ولمواضيعك وابداعاتك ..
استمرّي بيننا عزيزتي وأتمنى يجي يوم ونتقابل عل الواقع ..​

 

[Detective JoulZ]

-

استر او كما عرفتك اول مره بقسمي العام دانييل لوف
من زمان تأسرني شخصيتك التحليلية للمواضيع
واطروحاتك دوم تكون بمحلها ولا تكتبين شيء من فراغ
انسانة مثقفه وواعية وتعرف هي وش جالسة تكتب وتناقش
والنقاش دوم يكون مقنع واحب لما تضربين امثلة دائماً بواقعك
وكذلك عرض تجاربك اللي للامانة استمتع وانا اقرأها
ولك اسلوب غصب غصب يجذب القارىء انه يكمل لاخر الموضوع
ولما تنزلين اي موضوع نقاشي اتحمس حماس مو طبيعي ارد عليه
انتِ كاتبة مبدعة وانسانة رقيقة وخلوقة ابدا ما شفت الا كلمة الحق عندك والكل يحبك بشهادة الجميع
واللي يحبه الله احبوه كل الناس فسبحان من زرع حبك بقلب جميع الاعضاء وانا اولهم
شكرا لانك اعطيتيني الفرصة اني اقول لشخصك انك من من يلقبون بذي القلب الابيض الصافي

وكون انك فلسطينية وفلسطين في قلبي من الصغر ودوم اعلم عيالي وطالباتي ان القضية قضيتنا والاقصى لنا مهما بلغ فيني العمر راح انقلها للاجيال اللي بتجي

اتمنى بوقت التحرير بأذن الله تعالى ولا غالب على كلمة الله
اني التقي معك بالمسجد الاقصى مصلين في امان لا يمسنا روع ولا هلع امنين مطمئنين في ارض الله الحرام وراح يصدق الله وعده بأذنه تعالى

وبحر شخصيتك لا تكفيه كلماتي ولن تفيه حقكِ بالتعبير
كانت هنا بصمة محبتك بالله
جولز ​