. I HIT HIM IN THE FACE WITH A WATERMELON (1 زائر)

الحالة
مغلق و غير مفتوح للمزيد من الردود.

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png



10/7/2019
19:21
 
التعديل الأخير:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png



at155906258914982.png



السلام عليكم ورحمةة الله وبركاتهه
شلوونن شعب التونن العظيم؟ ش1 ان شاء الله تمام ي رب ق1ق1
-
امم قررت اجدد المدونة للمرة الألف وان شاء الله تكون الاخيرة ه1ه1 ، وايي
يمكن البعض يقول - وينن اللي مابترجع لعالم النت والمنتديات ؟؟ - انه بعد وياكم اقوول ويين؟ ه1ه1
يوم جفت سالفة المجتمع وتدوينات الأعضاء
تشجعت اني ارد للمنتدى ولو اني واثقة بسحبتي المعتادة ،
لكن هالمرة مابرفع سقف توقعات الجميع ، اتوقع تواجدي بينحصر ف المدونات بما اني انسانةة احب القرقر
والعقرة وانسب مكان
لتفريغ السوالف اهوا ذي القسمم اللطيف ق1

ليتس نعرف عن
الغنية عن التعريف " آنه خج2 " ، وهالمرة التعريف بيكون مختلف وبقرقر وايد
وبلوع جبدكم ه1ه1 - اصلًا يحصل لكم ه1ه1قك2 - اوقيي ..

-

اسمي اللطيف
ميسيزو - ساي والله 3 مرات - ه1 ، ميسي ، ميسو وأُلقب بأسماء اخرى
مثل ميسيزو الخايس ، حبيب ، حبيب ابو الزبيب ، فراس ، فروسي والكثير من الاسماء الاخرى
ونادوني مثل ماتحبون .. بالنسبةة الى اسمي الحقيقي "
تقوى " يعتبر اسم غريب نوعًا ما او غير
متداول ، وطبعًا مب متعودة احد يناديني بتقوى فالمنتدى - ماعرف روحي ه1ه1 -

ع طاري الاسم ، كنت
من أشد الكارهين لاسمي في الصغر " خفي علينا يالعودة ه1ه1 "
بس صج كنت اكرهه لدرجة كنت اصيح ابي يغيرونه والسبب كثرة العيّابات " التنابز بالألقاب "
، باموووتت يضحكك ه1ه1 طلعوا علي وايد اسماء وطبعًا مب قايلتها لكم ه1ه1 اما الحين حديي
مستانسة باسمي و
احسه سبيشل ويميزني وحسيته جزء من هويتي اللي لو تغيرت ماحسني بعرف نفسي.

آنه من مواليد
2002، يس ايها السادة لازلت صغنونةة كيوتهه خج2ق1ق1ض4
ف .. عمري 16 أو نقدر نقول 17 ، بما اني بالعربي وصلت سبعتعش .. باي ذا واي ، شهر 11 عيد ميلادي
وباكمل 17 بالانقليزي
فاستقبل الهديا من كل صوب وناحية طوال ايام السنةةحبي90 !!

بلدي الحبيبةة ،
مملكة البحرين بالتحديد من محافظة المحرق ض1اعجبني6
طبعًا مايحتاج اقول شكثر احب البحرين - بيكوز يو نو مافيه احد مايحب ديرته - بس آنه صج
لما اقول عندي قصة عشق مع البحرين ماجذب ، اهوا مب من طبيعة ولا من جو ولا من ناس ..
غاسلة يدي من كل شي ه1ه1 الطبيعة اخفوا ملامحها ودمروها ودفنوا البحر مع كون البحرين جزيرة
الا انك ماتجوف بحر فيها - مضحك مبكي - ، والجو خايس والناس اخس " ماتكلم عن شعب البحرين الاصيل "
اتكلم عن الدخلاء ، آند سوري انه من الناس الجدًا
متشددة فيما يخص امور بلدي .. فبتجوفون وايد اتحلطم
ع الجنسيات الثانية اللي عايشة في البحرين بس هاي مب يعني اني عنصرية او شي من هذا القبيل .. بس احنا
شعب متضرر من كل النواحي !! وان تحلطمت هذي مايعني اني اكره الجنسيات الفلانية .. بالعكس على عيني
وعلى راسي بس اغلب اللي عندنا مايستحقون الجنسية البحرينية ولا ان ريلهم تحط في هالبلد .

بالنسبةة لمستواي الدراسي، شاطرة ولله الحمد - محد يمدح نفسه ه1ه1 - اوقي
آنه رايحة توجيهي "
آخر سنة في المدرسة " يعني عقب ذي الاجازة بصير سينيورز???
نقدر نقول اني من الزاحفين شوي في المدرسة ه1ه1 وهاي الشي سبب لي ازمة ونزل معدلي ه1ه1
ستيل لازم اواصل مشاغبتي في آخر سنة لان عقب باندم قد شعر راسي اذا صرت مؤدبة ، آند يو نو
الزاحفين شنو حركاتهم ه1ه1 شردة من المدرسة واكل في الحصص وسوالف ولعب وتلفونات وضحك
واهممم شيي "
هوآآآشش " ترا انه انسانة احب الفلة ، اي هوشة عندكم نادوني ه1ه1 استانس ع هالسوالف
والله ه1ه1 .

اكلاتي المفضلةة وايد ، صراحة ماعندي شي معين .. بس اقدر اقول
ان اكثر شي يمثلني اهوا اليححححح -
البطيخ الاحمر - يخيي الذ فاكهة اكلتها ف حياتي
صجججج لذيذة .. احبها اذا مترووسةة مايي تروّي صجج من قلب ، وطبعًا مع جو البحرين اهيا
الستاندرد وكل يوم تخليني اصدق -
وجعلنا من الماء كل شيء حي - صج صج ترد الرووحح للواحد !
ماعندي مانع اكل وحدة كامل بروحي ، لدرجة استقبلها ك كيكة عيد ميلاد ه1ه1
رخيص وقويه1ه1

اما هواياتي ومواهبي ، وايددد - محد يمدح نفسه آقين ه1 -
مثلًا النوم ، والأكل - خصوصًا وقت الملل تصير الهواية الستاندرد عندي - احب اغني
ساعات يعني ع المزآجج ، وفيه شي داش مخي مؤخرًا .. صج صج داش مخي ، " الخطابة " مب
خطابة
يعني اخطب ولد لبنت لا والله ه1ه1 ولا قصدي اروح اقول ع الناس خطبة ..هم لااء ..
هذي شيء ديني ، انك تقيم مجلس عزاء على اهل البيت والناس تستمع لك ، يخييي فنننن !!! يعني
لما تقول عن الموضوع فني فاهوا صج فني - يعني من ناحية الاصوات وطبقات الصوت والاطوار -
كلها تحتاج دراسة وذائقة فنية يعني مب اي كلام ، بالنسبة للي بيقولون مجالس العزاء
حرام =،= كل واحد
ومذهبه ...

الهواية الأساسيةة لي -
الرسم - احب ارسم بشكل غير طبيعي ، وقريبًا جدًا ببدأ بزنزي الخاص
ولما ابدأ بقول لكم ه1ه1 ارسم انمي ، بورتريه ، طبيعة ، ووايد اشياء عشوائية .. ارسم رقمي
وتقليدي الحمدلله ، طبعًا استلمت أول أمس أول طلبيةة مدفوعة ض1اعجبني6 ، ولو اني تحلطمت
عليها " ممكن اتكلم عن السالفة عقب " بس لازلت باشتغل عليها :(

-

امم بالنسبة لشخصيتي ماعرف اوصفنيي ه1ه1 بس اقدر اقول اني انسانة احب الفلةة نوعًا
ما ،
طموحة وعندي احلام ومخططات كثيرة ومن النوع اللي كله يرسم خطط للمستقبل ومايسويها ه1ه1
لكن مايمنع كوني طموحة واجاهد عشان اوصل لطموحاتي ، يوصفني البعض
بطول اللسان ه1ه1 اوقي
مادري شسويت فيهم ، ماحسني طويلة لسان فعليًا لكن من النوع
اللي مايسكت عن حقه ؟ اما الباقي أتركه لكم
تقدرون تقولون لي شنو آنه وشنو تجوفون عني ..

اما اختبار الشخصيةة كل مرة يطلع لي شي غيره1ه1 باموووتتت ولا مرة ثبت على شيء واحد !
ف آخر اختبار واللي سويته من شوي كانت النتيجة اني ،
ENFP-A " المناضل " ..

اهتم وايد بالدين والقضايا السياسية، لذلك اللي يتابعني في السوشال ميديا ماليني بجوف ان الانسانة
اللي في المنتدى
مختلفة تمامًا عن الانسانة الموجودة في السوشال ميديا .. هناك اكون على طبيعتي وحريتي
الكاملة ، فاحب دايما اشارك اهتماماتي بما يخص مذهبي وديني - ومعلومة جدًا مهمة لستُ متعصبة بتاتًا
وأكره الطائفية وبث البغضاء بين الناس - شفيني قلبت فصحى ؟ ه1ه1 ف يب مثل ماقلت .. لو مقررين تتابعوني خارج نطاق المنتدى بتلاقوني بنفس الشخصية والتعامل وكل شيء بس بتستكشفون
جانب آخر
من حياتي واهتماماتي ومعتقداتي :) .

وبس والله آنه تعبت وآنه اكتب ، ف الله يرحم اللي قرأ ووصل لي اهني واشكرهه
جدنن بالنون ع وصوله لنهاية التدوينة ، للامانة اول مرة اتكلم بهذا الكم الهائل في تعريفي عن نفسي
غطيت امور كثيرة نوعًا ما وفي التدوينات الياية استكشفوني اكثر ترا آنه
انسانة خطييرةةة - خفي علينا ه1ه1 -

الى لقاءٍ آخر جميعًا ، مع السلامةة

 
التعديل الأخير بواسطة المشرف:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at155906258914982.png


at156277611351141.png


*
،

هآي ايفري بودي .. آم بآكك ضض1 ، طبعًا بما اني احب القرقر والبربرة الزايدةة
قلت خل اسولف شوي عن " خدمةة المجتمع " ! لنجعل تجربتنا خالدة بتسطيرها في هذا الصرح ع99
آوقيي ، للي مايعرف شنو خدمة المجتمع ، هذي مادة - اتوقع بس في البحرين يدرسونها - تنقسم لقسمين
قسم داخلي في المدرسة - ويكون وقت الدراسة - وقسم خارجي - في الاجازة - ، وياخذ جميع طلبة
الثاني ثنوي من البنات والصبيان خدمة المجتمع بس لازم يكون مسارهم " توحيد " يعني طلبة علمي وادبي
وتجاري بس ، المادة ماعليها درجات لكن عليها يجتاز ولا يجتاز ، لو اخذت لا يجتاز ما تقدر تتخرج !!

المهمم في هآي التدوينة باتكلم عن الخدمة الخارجية واللي توني مخلصتها ، وتكون في الاجازة طبعًا
وآنه خدمتي صارت في الاجازة الصيفية * بعضهم ياخذونها ف اجازة الربيع * آني واي ، حطوني في المستشفى
اللي صوب بيتنا، وحطوا معاي ثنتين من مدرستنا - يعني اعرفهم - وصبي واحد ..

- اول يوم في الخدمة -

رحت بدون اي علم مسبق بوقت الخدمة ، المفروض اكون الساعةة سبع هناك !
وانه قعدت من الرقاد سبع ، يعني بسرعة بسرعة وصلت 8 المستشفى ه1ه1 ، المهم
اول مادشيت المستشفى جفت وحدة من البنات اللي اعرفهم قاعدة داخل حجرة الكتّاب
- انه اسميه الريسبشن مال المواعيد ه1ه1 - المهم ، قلت لهم ان آنه خدمة مجتمع وجي
وخلوني ادش داخل .. طبعًا اول ماوصلت حصلت زفة ع الـتأخير ، اللي يقهر شنو ؟ ان المسؤول اللي
يوزعنا ع الأقسام بعد تأخر ، والبنات كانوا قاعدين هناك عطالية بطالية.. فليش انزف ؟

المهم قعدت معاهم عطالية بطالية فترة من الزمن ليست بالقليلة هف5 ، جان عقب يتفرغ
المسؤول ايي - يجي - يوزعنا على الاقسام ، طبعًا المسؤول اهوا مدير المستشفى لان فيه وايد مسؤولين
ف اقولكم ان اللي وزعنا ع الأقسام كان المدير ، وكان معاه واحد مادري شنو شغلته بالضبط بس اهوا تبع التمريض وتموا يقولون اسماءنا .. واحنا نرفع يدنا عشان يعرف كل وحدة فينا من .

،، التوزيع ،،

طبعًا من جفته ياي عشان يوزعنا ، انه اقول يارب يحطوني معآ مريوم ه1ه1
هو ايز مريوم؟ رفيجتي بس مب رفيجتي .. يعني وحدة اعرفها بس ان مب ربع ربع بس
يعني علاقتنا حلوة وهلون ، وفاطمة كانت الادمية الثانية اللي اعرفها واللي مابيهم يحطوني معاها ..
واي ؟ لان اهيا وايددد سيريس ومادري يعني مب وناسة ه1ه1 ، وكان خاطرنا كلنا ننحط في قسم الرعاية
لييش ؟؟ عشان نجوف من يروح فحص الزواج ه1ه1 ونعرف من بيتزوج من الديرة وننشر الاخبار ه1ه1
بامووووتتتت يضحككك ، ولان هاي اهيا نيتي الخايسة من البداية ..

اني آبي مريم ومابي فاطمة وآبي قسم الرعاية، الله عاقبني .. شلوون ؟ خل اقولكم شلون !! قك2
قام المسؤول يقول الاسامي ويقول كل وحدة في اي قسم ..
- مريم الفلاني ، قسم الرعاية
- فاطمة الفلاني ، قسم الرعاية
- تقوى الفلاني ، قسم التمريض !!!!!!!!! وات00 .. كآن ويهي حدهه " وآآآآتتت "
المشكلة ان المدير شكله ما يلاعب - يخرعع يعني - ماقدرت اعترض ، يعني ولا شي من اللي ابيه صار
وفوقها انه وحيدة فريددددةة . الوحيدة اللي بقسم التمريض ، والصبي خلوه بقسم الصيدلة ..

اوقيي تقوى تمالكت اعصابها، اهني جان يقول الفلان اللي لابس اخضر من اللي معاي بالتمريض
قلت له آنه ، وطبعًا هاي اول لقاء مع مسؤولي طول وقت الخدمة - محمد - ض2

،، قسم التمريض ،،

طبعًا عقب ماتم توزيعنا كل وحدة فينا راحت للقسم مالها، وآنه رحت مكسورة القلب
الى قسم التمريض لا00قك2 ، المهم رحت القسم جفت في الريسبشن وحدة لابسة اخضر
- عآيشة - المهم قلت لها ان انه مالت خدمة مجتمع ، قالت لي حياج .. ودشيت معاها الريسبشن
هناك، كانت عايشة الجميلة ، ليش جميلة ؟ - لان تتحلطم وايد وآنه احب اللي يتحلطمون وايد ه1ه1-

المهم كانت عايشة تقصص اوراق وكل شوي تقول عايشة ماتت ، وانه كنت قاعدة وماسوي شي واحوس
في تلفوني طبعًا ، إلى آن قَدِمَ المسؤول الشرير واهني كرهته - محمد - ، قال حق عايشة خلي البنية تساعدج
واهني حبيت عايشة ، وآي ؟ لانها حقرته ، وعقب اهوا نطر شوي الا رد قال لها خلي البنية تساعدج واهني كرهته
اكثررررر تبا0 !! جان تقول له بس باقي شوي مب لازم ، عقب قالت انها بتعلمني ع الريسبشن ..

المهم علمتني ع الريسبشن ان اذا البيشنت قال تطعيم ولا ابر اقوله يروح الغرفة الفلانية
واذا يبي هلون الغرفة الفلانية واذا يبي جذاك الغرفة مالتها ، وطبعًا محدثتكم نست كل شيء بس
سوت روحها حافظة ه1ه1ه1قك2

اللي صار عقب ، ان تقوى الجميلة عانت اكبر معاناة .. لا لا مب معا المرضى !!
مع المقصصص !! ليشش ؟ لان خلوني اقصص وايدددد - حرفيًا كرفوني - كنت اقصص اوراق
وايدددددد بدون فترة راحة ، تخيلوا ان الممرضات اللي يشتغلون بالاقسام الثانية بعد كانو اييبون اوراقهم
حقي .. ومب ورق عادي ! ورق مغلف حراري !! تعرفون يعني شنو ؟ يعني صععب ينقص بكا7 بس
صعب ينقص ؟؟ لاااا طبعنن بالنون قك2 كان المقص مب مقص ورققق قك2 كان مقص شاش !!!!!!!!!
يعني مايقص ورق عدل وفوق هاي وايدددد صغير ويعني مصنوع من حديد مدري المنيوم مدري معدن اللي
اهوا ، بس كان يعورررر !!

لااا والورق اللي مب مغلف حراري، يخلوني اغلفه بالشلوشن الصغير !! متخيليين ؟؟
وآنه عاددد مايحتاج اسولف عن المقص ، عندي عقدة منه .. في المدرسة ماقصص بالمقص
كله بالمسطرة ، حتى يوم قلت حق ربعي ان خلوني اقصص ه1ه1 تموا يتطنزون عليّ ..
وطبعًا قططوا علي اعمالهم اللي في الكمبيوتر بحكم ان انه اعرف اشتغل عليه، وطبعًا الدوام طويل
واشغالهم ماتخلص ، واي ؟؟ لان على حظي التبن الجودة اللي تقيم المستشفى بتيي هالاسبوع
واللي بيوون كنديين وايون كل خمس سنين !! ف اهما قاعدين يكرفون كرف شدّان - مادري اذا صح
الكلمة ه1ه1 - كله عشان ياخذون تقييم زين .

،، وناسهه ؟ ،،

اعترف ان كان وناسههه ه1ه1 رغم الكرف كله .. وآي ؟؟ لان محمد اللي كرهته في البداية !!
طلع خووووششش واحددد !! ياخي فللهههه .. يسولف ويحش ع الباقي معاي ه1ه1 وتعرفون اللي صج صج
تحسونهه طيّببب شش7 وجي يعني حدهه كيووععت !! والحلو فيه ان اهوا معا الكل جذي ومعروف

عنه في المستشفى عند كل اللي اشتغلوا في خدمة المجتمع قبل انه وايد طيب ويسولف وحركااتت
خل اقولكم اول سالفة معاه ه1ه1 ..

اهوا قاعد صوبي حلو ؟ جان امه تتصل فيه .. رد عليها وانه وضعي كان ؟ استراااق السممع
- هلا هلا يمه
.... طبعا انه مادري شنو امه تقول
- آبي ذاك العيش اللين فيه ماي مب ناشف ، وصالونة
وسويها حارررة " وقاعد يعني يتخيّر في الاكل "

المهم صكك التلفون الريّال ، جان يقولي مادري شفيها امي .. راضية عليّ
آنه كان وضعي ، - شدخلني ؟؟ - جان يكمل اكيد لان يبت لها لولو - لؤلؤة - جان اقوله متأكد ؟
كنت مب مصدقة ومعتبرته اكبر جذاب .. جان انطلق يقولي عن مغامراته .. وآنه حزتها معتبرته
" هرّار " شنو يعني هرار ؟ يعني وايد يسولف وسوالفه نفس ويهه ه1ه1قك2 وهذي محادثتي
معا ربعي بذاك الوقت .. - سحبوا ع الكلجات حزتها آبي اكتب بس ما يجوفوني احش ه1 -

at156286899710451.png


خخخخ ابشركم طلع ما يجذب !! ه1ه1قك2 راواني صوّره واهوا يغوص وراواني

صور اللولو ، وماخلى صورة في تلفونه ماراواني اياها .. حتى اخته ه1ه1قك2
-
وعقب يات رفيجتي المستشفى عندها موعد ه1ه1 وتطنزوا عليّ شوي .. وهاي من المحادثات ..


at156286899717062.png


طبعًا وايد سولفت والسوالف ماخلصت ، وطبعًا آنه من النوع الكسول فالتنسيق في هالتدوينة

بصير خرآ ، واشكر كل شخص وصل لي النهاية ه1ه1 سو التدوينة القادمة بتكون عن اهم المواقف ه1
اللي صارت لي في خدمةة المجتمع ه1ه1 ترقبوا بس ه1ه1
الى لقاءٍ آخر ، مع السلامةة ق1
 
التعديل الأخير بواسطة المشرف:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at155906258914982.png


at156277611351141.png



*
،


- مواقف الخدمة -

طبعًا كأي مكان تتم فيه قاعد فترة طويلة.. لازم تصير فيه سوالف واكشن ه1ه1
سو هالتدوينة بتكونن عن اهم المواقف اللي صادتني طول فترة الخدمة ض1اعجبني6

،، الموقف الأول ،،

كان من المواقف اللي مانساها ولا بنساها ، ليش ؟ ه1ه1 لان كان يعبّر
عن شلون آنه خذت راحتي هناك ونسيت عمري بشكل غير طبيعي ه1ه1قك2 !!

علمتني ع الريسبشن ان اذا البيشنت قال تطعيم ولا ابر اقوله يروح الغرفة الفلانية
واذا يبي هلون الغرفة الفلانية واذا يبي جذاك الغرفة مالتها ، وطبعًا محدثتكم نست كل شيء بس
سوت روحها حافظة ه1ه1ه1قك2

^ آز آي سيد ، ان علموني ع الريسبشن وصارت وحدة من الأشغال اللي المفروض

اسويها ه1ه1 لكن للاسف آنه نسيت كل شي حرفيًا ماعرف الا الانجكشن روم .. المهم
ان فيه ريّال عود - شيبة -، يه - جاء - حق الريسبشن ومدري الصراحة شقال يبي .. إلا آنه شيرت
لان طبعًا نسيت اللي قالوه لي ه1ه1 وما كان فيه احد معاي قاعد في الريسبشن ، محمد وعايشة
والممرضات كلهم يتريقون =،= .. جآن اقول حق الريّال " جوف يبه ، الصراحة مادري ،
انطر شوي على ما ايون -يجون- مالين الريسبشن ، حاليًا عندهم بريك يتريقون " .

تخيلوا شنو كانت ردة فعله ؟ قام يصارخ !!!
قام يقول ، ان شلون يوظفون ناس هلون ، مايعرفون حق شغلهم ..
شلون مريض ياي الطوارئ يقعد ينطر ، وحرفيًا قعد يتكلم بصراخ وقال حجي وايد
ماينقال ... آنه حزتها ياتني الصيحة لكن حبست دموعي ه1ه1قك2

طبعًا الممرضات وذلين سمعوا الصراخ ، فطلع محمد يجوف شصاير ..
الا يجوف الريّال قاعد يصارخ عليّ وانه بس اطالعه .. حرفيًا مارديت عليه بولا كلمة ،
جان يقول محمد للريّال " آمر الشيخ ؟ " ، شكله هاي الريّال يعرف محمد فلما جافه الا يقول له
" خوك ، شنو هالخمة اللي يايبينهم ؟ " تعرفون اللي كلش كلش ماعنده اسلوب ؟؟!!!

المهم ان محمد قال له وين يروح، بمجرد ما مشى الريّال .. فتختها - صبّيتُ جام غضبي -
حرفيًا عصبت على محمد مسكين ه1ه1قك2 ، تميت اطالعه فترة بنظرة اللي - باذبحك - جان يقول لي شفيج؟ قلت له اقعد.. وكل شوي يقولي شفيج؟ ارد عليه اقعد!! الا يقول لي تفشلتي؟ - احلففف - قلت له ان شلون تروحون كلكم وتتركوني
آتفشل معا ذلين اللي ماعندهم اسلوب .. حرفيًا حسيتني قاعدة اتكلم مع اصغر عيالي مب معآ
واحد اكبر مني بفوق العشر سنين ه1ه1قك2 ، لكن تم مقابلتي بضحكة وتطنز على شكلي حزتها،
للامانة اقدر له انه استحملني وماقال لي شيء .. لان لو انه منه عطيتني كف ه1ه1قك2 .

،، الموقف الثاني ،،

من المواقف الخايسةة اللي بعد مب ناسيتها هالموقف بالذات ..

واشغالهم ماتخلص ، واي ؟؟ لان على حظي التبن الجودة اللي تقيم المستشفى بتيي هالاسبوع
واللي بيوون كنديين وايون كل خمس سنين !! ف اهما قاعدين يكرفون كرف شدّان - مادري اذا صح
الكلمة ه1ه1 - كله عشان ياخذون تقييم زين .

^ بما ان الجودة بتيي في الاسبوع اللي يتضمن وقت خدمتي ه1 آنه كنت من الناس اللي وايد

تتحلطم ع الشغل وانهم كسروني وآنه اشتغل ، فكنت دايمًا اهدد محمد ان اذا يوا - جوا - الجودة
بفشلهم وباقول ان كل اللي تجوفونه تمثيل وبسوي روحي ماعرف اجاوب ع اسئلتهم ه1ه1 لان تخيلوا
لوعوا جبدي الممرضات واهما يحفظوني اسئلة واجوبتها عشان اذا سألوني مالين الجودة اعرف اجاوب ه1 .

المهم نتائج التهديد كانت كالآتي ه1ه1
- ما جوف الا الصبي اللي معانا بالخدمة يصارخ .. عبالي بطقني ه1ه1 طلع حق شنو ؟
يقول ان المدير يقول ان باجر اجازة من عند المدير وان لا ايي - اجي - باجر ه1ه1قك2 .

- عقب فترة من تبشيرة الصبي الله يبشره بالخير ه1ه1 ، اجوف المسؤول بشحمه ولحمه
ياي لي القسم .. يقولي باجر ا ج ا ز ة ، لا تيين ه1ه1 مو تيين باجر !! وكل شوي يقول ان باجر اوف
شكله حده خايف مني ه1ه1قك2 .

ماعلينا من ذي ، اللي علينا منه هو كالآتي ..
كان فيه ممرضة تشتغل بالقسم ، تعرفون شيعني ثقيلة دم وماتنبلع ؟ يعني صج صج
الوحيدة اللي ماحبيتها فيهم كامل ، كانت ياية تسجر اوراق ع اللوحة اللي وراي ، جان يقولي
محمد " عيل باجر مب ياية ها ؟ مستانسة. " ، آنه رديت عليه دايركت " اي احسن افتكيييت ".

كانت مريوم حزتها مسوية لي زيارة وقاعدة صوبي .. ماجوف الا وحدة تفرصني - تقرصني -
جان اقول لها ، قلت شي غلط ؟ ولفيت ع محمد الا اجوفه يضحكك وآنه كان حدهه ويهي اللي مادري
شالسالفة !!

جان مريوم تكتب لي ف الواتساب ان الممرضة قالت قبلج اي احسن ، افتكينا !!
تخيلوا آنه ما سمعتها يوم قالت ، بس آنه قلت مثل الكلام عقبها .. بس الخياس شنو
ان اهيا تقصد ان افتكت مني .. تعرفون ويع ويع ويع ، اشوا قلت وراها اني افتكيت جان باندم
كثر شععر راسيي ، حدههه منرفزتنيي .. القهر شنو ؟ ان اهيا تمت طول فترة الخدمة تييب لي اشغالها
واوراقها اقعد اسويهم عنها واقصص لها .. ويع صج ماتحمد ربها !! وايد نزرة وقليلة ادب .

،، الموقف الثالث ،،

اهوا مب موقف مليء بالأحداث مثل اللي قبله ولكن المواقف اللي أثرت فيني وايددد !!
تخيلوا آنه كنت قاعدة ف الريسبشن ، جان ايي ياهل يصيح واهوا ميود يده من الألم مب قادر
تخيلوا كف يده كلها محترررقةةةة ومتنفخخخة عدلللل !! وتخيلوا ان ياي بروحه !!! وان وايد ياهل
يعني ف ابتدائي يمكن صف ثاني او ثالث بكا10 ، ي ربيي كسرر خاطري حزتها ، واشوا كان يمي
- صوبي - محمد ف دايركت وداه غرفة المعالجة ، لو آنه جان مابعرف وين اوديه .. بس اللي كسر
خاطري اكثرر ان هالياهل متعود ايي المستشفى اذا يصيده شي ، يعني وايد ذكي .. وان امه وابوه
منفصلين وعايش معآ امه ..

وامه تروح الشغل وتهده بروحه فالبيت !!! والممرضين متعاملين معآ الوضع .. يدخلونه
بدون سي بي آر ، الشي يقهر ان الياهل مهمول ومخلينه هلون .. اووف كل ما اتذكر يعور قلبي .


،، الموقف الرابع ،،

ذي الموقف عآددد يقتتلل من الضحكك ه1ه1قك2 .. كنآ آنه ومريوم قاعدين
في الريسبشن .. جان تيي - تجي - مرة عودة يعني عيوز تبي بندج - والله مادري اذا الاسم صح - ه1ه1
بس ان اهوا شي يلبسونه ع الركب والريل ويضغطها وهمن كانت مكتوبة لها وصفة تيي تاخذها من القسم ..
المهم ه1ه1 ، فترة ما كانت تنطر .. مانجوف الا وحدة تصفق وتقول " حناج عيين ي بنية حناج عيين ،
لين دزوج ع المعرس بالج تستحين " وتخيلوا واهيا مستانسة حححددد اختينها ه1ه1 جان تقول عقب
" اخخ ع عرس امس ، ردحنا لين ما خلصنا " ن حزتها كلنا ميودين بطنا ونضحك ..

جان يطوف المسؤول من غرفة الانجكشن واهوا طالع على غرف الدكاترة ، الا تقول بصوت عالي
" تعال تعال ، ماتبي تعرس علينا ؟ " ه1ه1قك2 ، طبعًا المسؤول م سمعها .. عقب الا تقول حق محمد
ان راح وراحت وياه ملايينه ه1ه1قك2 .. طبعًا احنا كان وضعنا بس نضحك ومكييفين عليها الفف ه1
حبيتهااا الصراحةة ه1ه1قك2 .

عقب قبل لا تمشي ، الا تسوي لي دوريلي ريلين - زوجين - ، واحد حق الصبح وواحد حق فليل ه1ه1

الصراحة ضحكت بس مافهمت شنو تقصد، بس محمد كان يضحك ويقول دوريلها ها ؟ وعقب عزمونا ع العرس ..
^ الزبدة يوم قلت حق امي ، قالت هذي اكيد مخرفة وشكلها سودة ويه .. عاد ليومكم ذي مافهمت
ليش سودة ويه ه1ه1قك2 - سو اعذروني اذا الموضوع فيه شي غلط - ه1ه1

،، الموقف الخامس ،،

كان هالموقف قبل يوم الجودة مباشرة ه1 ، كانت من آخر الاستعدادات ان يعلقون
لوائح على كل الاقسام وعلى كبر المستشفى عن ضرورة تعقيم اليدين وشلون تعقمينها
تحت كل معقم موزّع على ارجاء المركز الصحي ..

فكان محمد يدور وآنه ادور وراه .. ع كل الأقسام واسجل الأقسام اللي
ماعليها لوائح عشان نطبع ونلزق فيهم ، بذاك الوقت كانت رفيجتي ماعطتني اوراق اتصالات
وقالت لي خليها عندج ، بتيي ممرضة من قسم الرعاية تاخذهم .. المهم ان قلت لها اوكي ، ويودتهم
عندي !! ف يوم بنقوم انه ومحمد ندور حملت معاي الاوراق عشان لا تضيع - بما انها امانة عندي يعني - .

المهم وقعدنا ندور ونسجل شنو الاقسام اللي فيها واللي مافيها والاعداد
وطبعنا اللوائح وغلفناهم ومحدثتكم ردت استخدمت المقص اللي يعور وقامت تقصص
الاوراق وتقصص التيب اللي يلزق - وباقي شوي وتقص صبعها من القهر - ، جان نروح قسم الرعاية
الا نجوف الممرضة تسأل عن اوراق الاتصالات .. وكانت المفاجئة : تاادداااااا الاوراق اختفتتت وات00 !!

تخيلوا ، ان حزتها ويهي قلب الوااانن .. ومحمد جيك الاوراق اللي عنده ماكانت وياهم ، واللي انه حاملتهم
بس اللوائح والاوراق اللي كنت مسجلة فيهم الاقسام ، طبعًا محمد حس ان انه خلاص ياتني الصيحة فقال
حق الممرضة معليه باييبهم لج اكيد ف الريسبشن .

طبعًا محدثتكم متأكدة ان الاوراق مب في الريسبشن ، آنه متاكدة ان شلتهم معاي ..
وفعلًا رحنا الريسبشن وما كان فيه شي ، عقب قلت له " قلت لك مب في الريسبشن ، خنروح
كل الأماكن اللي رحناها " ، طبعًا نبرة صوتي حزتها ان فيني الصيحة لان الاوراق وايد مهمة وآنه ضيعتهم
المهمم ، الحمدلله ان اول محل رحناه كانت الاوراق طايحة فيه .. وعايشة الجميلة كان عندها مناوبة هناك
وتخيلوا ماقالت لي ان الاوراق طاحت ولا حتى شالتهم من ع الارض تبا0 !!

وبس والله رديت الاوراق للمرضة ، وآنه حالفة مايود شي عندي مرة ثانية أبدًَا
لان وايددددد مواقف ان يعطوني امانة وآنه انسانة فاهية وتضيع وتكون اشياء مهمممة ! قك2

،، الموقف السادس ،،

وفاطمة كانت الادمية الثانية اللي اعرفها واللي مابيهم يحطوني معاها ..
واي ؟ لان اهيا وايددد سيريس ومادري يعني مب وناسة ه1ه1

^ معلومة ماقلتها لكم عن فاطمة ، فاطمة من الناس اللي وايد شاطرين واللي اربعة وعشرين

ساعة تدرس وتبلع الكتاب بلع ، وتلحس المعلومة لحس - ما شاء الله ، لا اله الا الله - المهمم ،
ان اهيا كانت وايد وايد وايد تحب تشتغل ، فلما سمعت ان فالتمريض كانو يكرفوني عجبها الوضع وطبعًا
عجبها ان كان معاي شخص يغير لي جو - محمد - ه1ه1 فكانت تبي تيي - تجي - تشتغل معاي ، ومريوم
هم كانت تبي تيي تشتغل معاي بما ان تقريبًا احنا ربع يعني ..

المهم آنه كنت بعد آبي مريم ، لان احس بالراحة معاها ونحش معآ بعض ونونس بعض
لان مهما يكون حتى لو محمد يسولف وحركات إلا انه ستيل - ريّال - يعني انه صج خذت راحتي ه1ه1
بس بعد فيه حدود ف كل شي .. يعني مب بنية اهوا !! فآنه كنت آبي مريم معاي ..

بحكم ان شغلهم بقسم الرعاية خفيف - يتصلون للمرضى ويخبرونهم ان اييون المستشفى
بالتاريخ الفلاني لان عندهم موعد وبس والله - ، فكان القسم يسمحون لوحدة بس - يعني يا مريم او فاطمة
تيي قسمنا - ، ف كانت مريوم متعودة تيي تونسني ونقعد مع بعض نشتغل ..

عاد يوم من الايام ، قررت فاطمة من الصبح انها تيي تشتغل معاي .. جان عقب فترة شوي
الا مريم تكلمني ف الواتسب تقول لي ان " فاطمة باقت محلي " يعني خذت مكانها - ان دايمًا
اهيا تيي تقعد معاي - ، فآنه قلت حق فاطمة ترا مريم تبي تيي - اوقي والله ماقلت شي ثاني - است1

الا حسيتها بتصيح ومادري شنو وويها قلب الواااننن .. وتغيرت عدلل !! اهني آنه حسيتت بالذنبب
ويعني دايركت جذبت عليها وقلت لها ، خلاص مريوم مابتيي عطوها شغل ومشغولة وهلون
- اتدارك الوضع يعني - ، وقعدت اغير الموضوع واسولف معاها ..

عقب كلمت مريم ف الواتساب .. اقول لها ، ان اكاهيا بتصيح وهلّون ، فبس خلاص لا تيين ..
اهوا للامانة عقب مافكرت فيها ، عادي لو انحطيت بمثل موقفها ازعل .. بس كلامي كان عفوي يعني
شدعوة عليج وايد حساسة !! وماكنت اقصد اطردها ، بس آقصد ان تجوف لها صرفة يعني .. اوقي
بس خلاص قاع اتذكر واحس بالذنب .. قك2

،، الموقف الأخير ،،

هاي الموقف صادني بآخر يوم في الخدمة .. يعني كان ختامها زفت :)اعجبني6
وبالتحديد كان يوم الخميس التعيس ، لان صج كان اليوم وايد كئيب وحتى البيشنت اللي ايون
كلهم مالهم نفس واخلاق زيرو !

اللي صار ان محمد كان وده يتريق كعادته يعني ، ويتركني بروحي ف الريسبشن :):):)
جان يقولي .. باروح آتريق وانتي توهقي بروحج واهوا يضحك .. جان آقوله ، عيل آنه باقوم
وبخلي البيشنت يتوهقون بروحهم ، مايلقون احد ف الريسبشن ه1ه1 - وهم كنت اضحك حزتها -
رغم اني كنت آضحك بس كان من صجي ، يعني شلت شنطتي وقمت !!

ماجوف الا واحد يقول - قصدي محمد - والله إن قمتي ... وكل شوي يحلف بس م يكمل
الحلفة يعني مايقول شبيسوي ه1ه1 جان انه خفت ورجعت مكاني، وقلت له والله شنو ؟
جان يقول لا لا روحي ، روحي وبتجوفين .. المهم ه1ه1 آنه جفته قام وما قال شبيسوي ..

فقلت له ، عيل باروح .. الا يقول روحي ، وصج يعني شلت اغراضي ورحت قعدت ف قسم الرعاية
مع مريوم ، وكنت خايفة حدي من الشي اللي بسويه ه1ه1قك2 وقاعدة استشير مريوم ان شسوي ؟
جان تقولي خلي شنطتج معاي ، وروحي طلي ع قسمج وجوفي شالوضع .. فآنه وافقت

توني بادش ع قسم التمريض الا يطلع ف ويهي محمد ، جان يقول روحي ولا تيين وحسيته معصببب
حدههه ، فآنه يوم حسيت ان الجو متكهرب رحت اخذت الشنطة من عند رفيجتي وقلت لها ترا الوضع مايطمن
ه1ه1 باروح اقعد محلي وامري لله ، المهم رحت وقعدت .. الا محمد ياي وقعد صوبي ..

تخيلوا كان شيسوي ؟ قاعد ينطر موظفة ثانية هم لابسة اخضر ، تقعد مكانه .. عشان اهوا يروح يتريق
فآنه حزتها كسر خاطررري وحسييت بالذنب ان ماراح يتريق وقعد ينطر الادمية ، عقب يوم يات الآدمية
اهوا راح ياكل ، واهيا الخايسة بعد قعدت معاي بس شوي وهدتني بروحي قك2 ..

اثناء ما كنت وحيدة فريدة ف الريسبشن ، شكثر مرضى يوا - جوا - واللي عرفت له خليته يروح
الغرف اللي المفروض يروحها ، الا وحدة قالت تبي شي وآنه ماعرف هالشي شوضعه !! جان اقول لها
استريحي شوي على ما ايون .. اهما يعرفون اكثر بما ان انه خدمة مجتمع " شرحت لها وضعي " عشان
ما يتكرر مثل موقف الشايب ، المهم المرة - المرأة - مسكينة قعدت تنطر .. عقب يه - جاء - محمد ..

إلا آقول له، جوف المرة شتبي .. الا يرد عليّ من خشمه " لا اجوفها ولا تجوفني " ، تخيلوا ماعطاها ويه
لين ماراحت !!!! اول ماقال لي لا اجوفها ولا تجوفني حسيته صججج معصب ، وان قلت له شفيك ؟؟ هم
رد عليّ من خشمه وقال مافيني شي ..

عقب تخيلوا لين جريب بخلص الدوام واهوا ساكت ونفسيته حدها موصلة ، والوضع كلش مايريح
حتى ان آنه كرهت حياتي وانه قاعدة صوبه ياب لي اكتئاب ، ف اتصلت لابوي ايي ياخذني ، قمت وقعت
وطلعت من المستشفى وانتهت خدمتي بدون توديع اي احد هناك !!

^ بس صج صج هالموقف عفسسس يومي كلهه !! يعني اكتأبت بشكل مب طبيعي
وايد تضايقت ، مب لانه معصب علي .. صج كان بالطقاق لاني ماحسيتني سويت شي قوي
وكنت آمزح يعني ، بس الجو اللي قعدت فيه فوق الثلاث ساعات ياب لي اكتئاب وعفس مودي
فوق تحت ، وظل مزاجي خرا لي آخر اليوم .


- الحلو ان ربعي الاسبوع اللي بعده مباشرة كانت خدمتهم ، واول ما راحوا عرف
ان اهما ربعي ومدحني عندهم وهلّون وآنه وايددد استحيت ه1ه1 يعني صج صج مدحني
عندهم وان قال لهم سلموا عليها وجي وخل * ترسمني * بما انه طلب مني هالشي وانه قلت له
خلصوا الاوادم ؟ ه1ه1قك2 - ان دل ، يدل على ان نفسيته كانت خرا ذاك اليوم ، واهوا صج كان عادي
معاي ، لان سالته عدة مرات " شفيك ؟" كان يرد عليّ ان مافيه شي ويمكن لان تعبان يبي يرقد . -


،، صور ،،

وهذي بعض الصور اللي صورتها وقت ما كنت بالخدمة !!

at156296963951231.png


^ بطاقةة خدمةة المجتمع ، طبعًا كنّا لازم نلبسها عشان نتفادى موقف الشايب !!
الا ان اغلب المرضى مايدرون عنها ولا جافوها ، ف تخيلوا يهدون اللي لابسين اخضر
والموظفين وايون يكلموني !! اوب00 انزينن وآاااي ؟؟؟

at156296963957082.png


^ اهنيي في الطريج الى المستشفى ، وطبعًا دايمًا دايمًا
كنت أتأخر وآكل زف سواءً من المدير أو الكتّاب أو حتى محمد مل2


at156296963961713.png


^ صورة اثناء فقرة الحش ه1ه1

at156296963965274.png


at156296963969295.png


at156296963975176.png


at156296963979727.png


^ هآي كانو صور " الوضع حاليًا ه1ه1 " توثيق حق ربعي ..
+ بالنسبةة لآخر صورة ، هذي مب آنه اللي تشتغل ، هاي رفيجتي لمن كنت آييبها
تكرف معاي + هاي مب المقص اللي كنت اقصص فيه .. هذي المقص عطوه رفيجتي
اما آنه كنت اقصص بمقص شاش هلون هُنا < يشبهه بس ذاك اصغر وفتحة الاصابع
هم اصغر ومن فوق اكثر حدة بس هم م يقصص ورق عدل ..

+ عشآن اكون صريحة .. شغلي ماكان يقتصر ع الكمبيوتر وتقصيص الاوراق والشلوشن
والتيب والتلزيق ، هم كنا نصنف الابر ونعدهم .. ونعدل ذي الاشياء اللي يلبسونها
ف الريل واليد تضغط عليها ، وكنا نعبي القطن ف اجياس ووايد اشياء ثانية .. يعني مب طول

الوقت اقص ه1ه1قك2 بس قصصت وايد


-
نقدر نقول انها كآنت تجربة حلوة ولو ان كان فيها مواقف خآيسة ض1اعجبني6
وغيّرت نظرتي لوايد امور ، منها الضغط اللي يحسون فيه موظفين المستشفين وخصوصًا
الطوارئ - عشآن اكون منصفة ، وما اتحلطم المرات الياية عليهم - ، وغيّرت نظرتي للتمريض
بشكل عام .. لان كانت من التخصصات اللي مستحيل اختارها ف الجامعة ، ولكن حاليًا بدأت أتقبلها
وبالعكس حبيتها أصلًا .. بالإضافة للفائدة القوية من هذي التجربة ( ي جمآعةة حصلت لي واسطة قوية )
وصج يمشوني بسرعة اذا اروح المستشفى ه1ه1قك2 ..

ونقدر نقول اني صج صج صج صج لوعت جبدكم هالمرة ووايد بربرت اكثر من التدوينات اللي
قبل ، فأحين ح ر ف ي ً ا ، اللي قرأ لي النهاية يراويني نفسه - طالعني ، اي اي انت ، تحتاج هدية الشيخخ -
* تصفق * ، هذه كانت نهاية تجربة خدمة المجتمع ، كانت معكم الهذآرة ميسو ..

الى لقاءٍ آخر ، مع السلامةة ق1
 
التعديل الأخير بواسطة المشرف:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png



at155906258923466.png


*
،

تسجيلل دخول جميلل مثلي ض1اعجبني6 ، مرحبًا بكم سيداتي وسادتي مجددًا ض2ق1
كنتُ على وشك السحبة الأبدية إلى أن رأيتُ فعاليات المدونة ، فملأت من فراغي التدويني قليلًا ..
سو يآه ، هذي التدوينةة بتكون سوالف عن شخصيتي خارج وداخل المنتدى ..

#تدوينة فعالية المجتمع الاسبوعية

امم يبدو اني سولفت سابقًا عن اختلاف طفيف في شخصيتي خارج المنتدى عن داخلها ..
وطبعًا هاي مايمنع اني اتعمق أكثر في الموضوع واسولف فيه ؟ - الله يعينكم ع الفلسفة آحين ه1ه1 -
نقدر مانقول اختلاف ف الشخصيةة ، نقول اختلاف في الاهتمامات نوعًا ما أما اسلوبي وآنه
كـ تقوى وميسيزو مانختلف وايد ..

آنه كميسو حافظيني عدل ، مايحتاج اسولف وايد ..
نقدر نقول ان ميسيزو اهيا النسخة التجريبية أو المصغرة عن تقوى ه1ه1قك2
شلون أوضحها ؟ تخيّل انك محمل برنامج بنسخته التجريبية ، بتلقى ميزات أقل فيه ..
أو الأوبشنز فيه أقل والتصرف فيه محدود ، لكن ستيل يبقى نفس البرنامج ونفس طريقة
عمله ، يعني لما تشتري البرنامج بنسخته الكاملة .. مابتحس انك محمل برنامج ثاني عادةً ه1ه1
^ متعوب ع المثال والله ه1ه1قك2

آنه كتقوى ، آز آي سيد .. اهتماماتي مختلفة نوعًا ما ، ليش ؟ السبب مايرجع لشخصيتي
لكن يرجع للبيئة اللي أتواجد فيها ، يعني بيئة الانترنت والمنتديات مختلفة من ناحية نوعية الشخوص
اللي تتعامل معاهم والعقول اللي ممكن تصادفك ! ماقدر أكون تقوى 100% الواقعية نفسها نسخة
النت ، ولأكون واضحة أكثر .. تقوى الواقعية تشارك ما لايمكنها أن تشاركه في هذا الصرح .. تشارك جانب
آخر من حياتها ! - آحبني لين اسولف فصحى فجأة ه1ه1 - ، وهذا اعزائي القرآء ما يسبب صدمات مهولة
للبعض ه1ه1قك2 !

الحلو شنو ؟ ان المدونة تسد قليلًا من النقص الكائن في ميسيزو ه1
يعني شوي ممكن تستكشفون من تقوى أكثر ؟ وأفكارها ومعتقداتها نوعًا ما ؟
نقدر نقول ان المدونة مثل السيريال نمبر المنتهي ه1ه1 لازم تطفي النت عشان يبطل
البرنامج ه1ه1قك2 يعني رغم ان المدونة منتهية بس تفيد في استكشافي ولو 1% ه1ه1

ومن هذا المنطلق خنسولف عن تقوى شوي ؟!

آنه من الناس اللي تعتز بانتمائيتها كثيرًا ، سواء لوطن أو جماعة أو مذهب أو معتقد !!
عشآن جي السوشال ميديا ماليني تعبر عن هذي الأشياء في الغالب ، فتلقون الفيس قريب جدًا
من المنتدى لان الشخوص اللي فيه اهما ربع التون - إلا أني هجرته قبل زمن ه1 - ، الانستا أشارك
فيه جزء من حياتي وفي الغالب رسومات ؟ ه1ه1 بما اني احب الرسم ، السناب .. حياتي اليومية ؟
طبعًا ليس في متناول الجميع مع اني " ماشارك فيه صوري الا بالخاص " يعني لو فرضنا اني اعطيته
لشعب التون ليس هنالك مشكلة ، لكن ليش ماعطيته الا لجم شخص ؟ لان في النهاية احسه خصوصي
ماودي يوصل للكل ه1 .. أما التويتر اهوا اكثر مكان اتحلطم فيه واشارك فيه مختلف الاشياء ..!

- بشنو اهتم حقيقةً ؟ -

اهتم بالأمور السياسية مثل ماقلت سابقًا ، ولو اني افشل وحدة لو بتسألونها في السياسة ..
وآي ؟؟ غير ملمة بسياسات الدول الأخرى .. بس اهتم بسوالف بلدي والاشياء المشهورة .. احب اعلق
عنها واعبر عن رايي فيها ، وهاي الشيء بتلاحظونه بشكل كبير في السوشال ميديا ماليني ، ولكن بنفس
الوقت بتلاحظون اني غير متعمقة فيها .. وآي ؟ ببساطة لا أملك الحرية للتحدث !!!

هاي الجانب ممكن ينصدم منه البعض ، ولكن أحيانًا أحسد الناس في العراق وسوريا واليمن
وفلسطين وكل المظلومين في بقاع الأرض على انهم يقدرون يسولفون بمعاناتهم ، يقدرون يوصلون
للعالم شنو قاعدين يمرّون فيه ، على الأقل غير مكممين الأفواه .. على الأقل غير مضغوطين نفسيًا
صوتهم يوصل للعالم !!

اهتم بالأمور الدينية أيضًا ، احب اعبر عن شنو آنه ..! واوصّل ل Non-Muslims شنو احنا بالضبطط
أو حتى للمسلمين من المذاهب الثانية ، لان ياخي وآيدد اشياء تنتشرر غلطط والناس تصدق وهآي
الشيء ينرفزني .. ووايد تطلع جماعات تحاول تخرب سمعة الاسلام او المذهب ، وأحيانًا هالجماعات
تكون محسوبة منّا إلا أنها لا تمت لنا بصلة وهآي الشي يقهر أكثر وأكثر ..

-
ولا يزال ايها الشعب الكريم مهما تحدثت في السوشال ميديا الا ان تقوى الحقيقية
ليست في طياتها ، نعم .. لان آنه ماعرفني عدلل للامانة ه1ه1 - حمدلله والشكر ؟ ه1ه1 "

آني واي ، ماعتقد ان فيه شخص ، شخصيته اللي بالتون اهيا نفسها برا التون 100%
مهما قلتوا !! سو لو كنّا نتكلم بشكل عام ، يب شخصيتي نفسها .. آدمية بنفس الحلاوة - محد يمدح نفسه ه1 -
بنفس الفلة ه1ه1 بنفس الاسلوب مابتغير ه1ه1قك2 بس لو يينا لشنو اهتم وشنو اشارك ممكن تقولون
هذي وحدة ثانية ه1ه1 ..

وهكذآ وصلنا الى ختام هذه التدوينة اللي مالها داعي والمليئة بالفلسفة والكلام المكرر ..
شكرًا لكم لتحملي ه1ه1 ، الى لقاءٍ آخر ..مع السلامةة !
 
التعديل الأخير بواسطة المشرف:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png



at155906258914982.png


*
،
عُدنا ضض1ق1 ، هآي التدوينةة بتكون عبارةة عن سوالف مالها داعي ..
وتوثيق لأهم مجريات الاسبوع ، باختصار تدوينةة للفاضيين ه1ه1 ..

-
من زمآاننن وآيد ، يوم كنت وايد كلوز من أعضاء وايد .. - جم مرة قلت وايد ه1 -
كنت ماقدر أنام بدون قصة قبل النوم ، فلازم انشب حق الاعضاء الذهبيين اللي نقدر نقول
صج صج صج استحملوني حزتها ه1ه1 سكاي وروب وفيه واحد كان يقولي العوالم المتوازية ماتذكر
من .. بس شهالقصة الفارطة ؟؟ آبي ليلى والذيب جي قصص،ومادري بعد اذا كنت انشب حق احد ثاني ه1
المهم كان كل واحد منهم يقطني ع الثاني عشان يقولي قصة ..

المهم ان ينتهي الأمر بوعود كاذبة من @SKY NET ، نعم ايها السادة !! كان يقولي
تعالي الساعة الفلانية ويسحب عليّ ، واذا ماسحب عليّ يقعد يقولي قصة الوزغة ه1ه1قك2

مآعلينا من الكلام السابق ي جمماعةة ، آنه هالحالة من زمآن ماياتني .. الا ان قبل جم يوم
صادتني حالة عدم القدرة على النوم لا00 ، وحاولت انام بس النوم يركض .. عاد آنه مب نفس
قبل .. من زمان هجرت اعضاء التون ه1ه1 فما كان عندي احد يقولي قصة قبل النوم قك2 ..

الحل كآن ؟ تويتر الجمييلل ش2ق1 ، لنرى الوضع كآن عبارة عن ماذا ..؟

at156347181916441.png


السالفةة مب اهنيي !! السالفةة اني استينيت .. صادني ينون آخر ليل ه1ه1قك2

وكانت محطتي الاولى .. رفيجتي ه1ه1 ، لوعت جبدها فالواتسب ، قمت اطرش لها ستيكرات
وايددد لدرجة انه تلفوني ماقام يطرش ه1ه1قك2 ويبت العيد بععد ، بالغلط طرشت ستيكرات
استهبال ماليني - آنه مسويتهم ع ويهي - ه1ه1

at156347446989431.png


أما محطتي الثانيةة ياسادة ه1ه1 كانت طلبات ه1ه1 ..

للي مايعرف طلبات شنو .. آهوا ابلكيشن في التلفون اتوقع بس حق دول الخليج
تقدر تطلب منه من اي مطعم ، بدل لا تتصل ع المطعم وسالفةة ، وتقريبًا جامع لكل المطاعم،
الحلو فيه شنو ؟ ان فيه لايف جات ه1ه1قك2 فمحدثتكم راحت اللايف جات مال طلبات ه1ه1قك2

at156347618632011.png


عآد محدثتكم ماشبعت من المحادثة اللي قبل ه1ه1قك2 ، يعني يخي عطاني ع قد

جوي ، آبي واحد جي يعني خوششش ه1ه1 ، المهمم ف كلمتت واحد ثاني ..

at156347618638492.png


عآدد آنه ماحسيت بالذنب ان جذبتي بتسوي حق باستا اكسبرس مشكلة ه1ه1قك2

الا يوم طرشت لرفيجتي المحادثة ه1ه1 الا قعدت تسبني تقول ي السبالة شلون تقولين
هلون ه1ه1قك2 المهم عاد ابشركم ، كلمت واحد ثالث وقلت له ان بالغي الشكوى ه1ه1قك2 .

وبس يعني اقولكم ان آنه كلشش مايصلحلي السهر ه1ه1قك2 دايمًا اسوي اشياء
مالت ميانيين ه1ه1قك2

-

السالفة الثانيةة ي طويليين العمر ، آنه قلت لكم ان من مواهبي الخطييرة .. الرسم صحح ؟
- تشرررد من الناس اللي مواعدتهم برسمة ومارسمت ه1ه1 -

المهمم ي جمآعةة ، آنه حاليًا صايرة اهتم برسم البورتريه أكثر من الأنمي ، وقاع اطوّر روحي فيه ..
ف محدثتكم السنة اللي طافت اختها يابت بيبي .. وبنت اختي ما شاء الله، لا اله الا الله وايددد جميلللة
صج اسم على مسمى ، " آية " ، آية من الجمال تبارك الله .. المهمم ، آنه في علآقة حب معآ بنت اختي
ف ماشاء الله من اول مابانت ملامحها ، صار خاططريي ارسمها ..

وصج يعني رسمتها رسمةة اللي مب كوبي بيست ، بس اللي يجوفها دايركت يقول هذي آية !
يعني تشبهها وايدددد ، وآنه بشكل عامم .. مستواي في البورتريه وايد زين وحلو .. تقريبًا اضبط الويه
اللي ينعرف من آنه قاع ارسم ، بس بنفس الوقت فيه اخطاء يعني .. وهذي اهيا الرسمةة ..

at156347447005833.png


فيوم رسمتها، امي كانت مستانسةة ع الرسمة اكثر مني وراحت نشرتها في قروبات العيلة

وهلّون ، ويوني وايد ناس من عقبها يبوني ارسمهم .. طبعًا ماخذت الموضوع بجديةة ، الا ان فيه
وحدة ماكلمتني في التلفون بس تخيلوا !! يات بيتنا ..!!!! وات00 ، بس عشان تقولي ان آرسم لها ..
وآنه استحيت آردها واقول لا ، بس الشي اللي قهرني صججج .. ان اهيا ياية تتفلسف عليّ تقولي لا تتضربين
في الاسعار وابتدي بسعر قليل - سعرها القليل ماحطه على سكيتش حتى - ..

عآد انه رديت عليها ، قلت لها ان ترا يتعب ومايسوى علي افكر في الموضوع كبزنز وارسم حق
الاوادم بذي السعر .. آنه آخذ ايام على ماخلص الرسمة فيعني ياخذ مني وقت وجهد .. انتي مب
قاع تشترين رسمة مني ، انتي تشترين وقتي اللي مابيرجع وتشترين جهدي !! وصج الرسم الرقمي
يكسر الظهر ويعور الايادي ويتعب العين .. يعني حتى صحتي تروح ، فكلشش مايسوى عليّ .. وآنه مب
ميتة ع الفلس عشان اتعب عمري بسعر زهيد ! - سعرها كان تخيلوا 50 ريال !!! -

وآنه في خاطري آقول يعني - ماودي ابيع على ناس مايقدرون الفن ومايثمنونه ويعطونه
حقه - وفوقها يعني ، بطت جبدددي !! قالت لي .. لا لا .. لا تتضربين في الاسعار وتمصين دم الاوادم
وبعدين انتي مب محترفة وتوج بادية - آنه في نفسي آقول " دامني مب محترفة جان راحت للمحترفين "
واللي يبط الجبد اكثررر ، تقولي هاي السعر عشان ماظلمج ولا تظلميني !!!!!! انتو مستوعبين ان اسعار
البورتريه اقل شيييي 200 ريال ، هاي عند العرب ، والاجانب يبيعونه فووووققق يعني الرسمة الوحدة
600 ريال وأكثر !! وآنه كنت حاطة ببالي ، سعر السوق 200 ريال يعني ..

طبعًا بيني وبينكم، آنه حاطة ببالي لو قالت لي ارسم لها مجانًا ولا تيي تجحدني بهالطريقة
الخايسسسة !! ماعندي مانع ارسم لها مجانًا لان صج مب ميتة ع الفلس ، بس مب اللي تييني بهالطريقة
واللي ماتخليني حتى اسولف او تناقشني ، ستيل ماحبيت اردها وقلت لها اوكي .. طرشيلي الصورة
وبارسمها ! عاد طرشت لي صور جودتها تافهةةةة وتصوير سيء، جان اقولها مايصلحون ابي شي جودته عالية
عشان يمديني ازوّم واجوف التفاصيل واجوف الظل والنور تمام ، الا تقول لي .. الفنان فنان ، ورسمي !!

طبعًا آنه توصلت لقرار اني ارسم لها لانها وحدة لزققة ومابتفج عني الا لمن ارسم لها ، والخمسة
دينار اللي اهيا 50 ريال بحطها صدقة عني .. تخيلوا عاد ، طول ماكنت ارسم .. كانت تتصل لي صبح
عصر ليل .. لدرجة ان ماقمت ارد عليها ، قمت من اجوف اسمها اتنرفز واخلي تلفوني اير بلين مود ،
تخيلوا يوم جافتني مارد عليها .. قامت تيي بيتنا بدون لا احم ولا دستور تقتحم المكان !!!!

تخيلوا آنه حزتها كنت راقدةة ، وباب حجرتي مبطل ع الصالة ، جان سبحان الله آقعد في نفس
الوقت اللي اهيا داشة الصالة ، جان آلمحها داشة .. سيدة اعمل نفسك ميت ، سويت روحي راقدة ه1ه1
راحت حق امي وسألت عني ، جان تقول لها امي ان آنه راقدة .. قعدت تسولف معآ امي شوي ، عقب
يوم يآت بتطلع من البيت دشت حجرتي تتأكد اذا آنه صج راقدة او امي تجذب عليها !! تخيلوا ؟؟!!!!
اشوا اني كنت مواصلة تمثيلي ومنسدحة ومغمضة عيني ه1ه1ه1قك2

وطبعًا ما افتكيت منها الا يوم خلصت رسمتها .. الحمدلله ، والله لاعت جبدي منها جمن يوم
كرهتتت حياااتيي !!! آنه قايلة من قبل اني افكر جديًا باني افتح كومشنز " طلبات الرسم " بس بسعر
السوق طبعًا ويكون الدفع مقدم ووو .. بس اللي اخرني اني ابي يكون الدفع بالباي بال وآنه ماعرف له ه1ه1
يضحكككك ه1ه1قك2 وآنه باستخدم بطاقة ابوي عشان يحولون لي عليها ، لكن بما انها بطاقة ابوي
مابي اجازف فيها وابي افهم للباي بال عدل ه1ه1ه1قك2 ..

آني واي هذي رسمتي لها ..

at156347447009544.png


وبس والله ، آحس تعبت وآنهه اسولف ف خلآص ه1ه1 وصلنا لنهاية تدوينتنا لليوم ..

شكرًا لكم جميعًا ، الى لقاءٍ آخر .. مع السلامةة ضض1ق1
 
التعديل الأخير بواسطة المشرف:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png


*
،
- لماذا خلقنا الله ؟ -

لو سمع المرء جواب هذا السؤال مائة مرة ، فسيعيد السؤال كرّة أخرى ..
يقول: حقًا ، ماذا حصل حين أجبتني آخر مرة ؟ هل اقتنعتُ ؟ . يقول مثلًا: لو لم أخلق
أصلًا، لما توجب عليّ أن أكون صالحًا ، ولما تعيّن عليّ أن أراقب نفسي كل تلك المراقبة !
ولما تحتم عليّ المرور بالصعاب ، وأنّه بالِغ في المعاناة كي أثيبك! لكنتُ غير موجودٍ أصلًا ..

حقًا، لماذا خُلِقْت ؟ يسطر لك جميع أهداف الخلقة مستخدمًا العبارات التي نستعملها عادة،
مثل الكمال والعبودية .. سطرها جميعًا قائلًا: هذا صحيح، بل وأُقِرّ أيضًا بأن على كل إنسان أن يصل
الى الكمال، ويكون عبدًا لله ، ويكسب المعرفة، ومن ثم سيثيبه الله ... لا بأس، ولكنني لو لم أُخلق لما
توجّب عليّ سلك كل هذا الطريق الشاق .

-

أتدرون لماذا لا يقتنع الشباب بجواب هذا السؤال إلا بعد حين؟ بل لعلهم لا يقتنعون.
إذا سألتَ الكثير منهم: أتذكُر إذا راودك هذا التساؤل أيام المراهقة ؟
فيجيب: أجل .
وهل أنت مقتنعٌ الآن ؟ بعد 10 أعوام، 20 عامًا أو لربما 30 ؟ وهو متديّن .
يقول: أتريد الصدق؟ ليس بعد .

جواب هذا السؤال في الحقيقة ليس جوابًا نظريًا، بل جوابٌ شهودي ..
متى يقلع هذا الإنسان عن طرح هذا السؤال؟ فيقول: " يارب، أتذكُر حين سألتك مرّة:
لماذا خلقتني ، ولم تجبني ؟ الآن أقول: رائعٌ أنك خلقتني! .. متى ؟

حينما يكون في لذّة .. يقول: " رائع " ، قل له وهو في أوجِّ لذته .. أتريد أن لا تكون؟
سيقول: كلا، ولمَ لا أكون؟ .. لمَ لا أكون مع كل هذه الروعة ؟! أثناء اللذة فقط يكف المرء عن الاعتراض.
لماذا خلق الله الإنسان؟ لأجل أن يلتَذ. هذا الجواب إن تم إستيعابه فهو أكثر الأجوبة إقناعًا على
تساؤل: لماذا خلقني الله؟ اللذة تبعث السكينة في الإنسان، فالشخص وسط اللذة لا يتساءل.
ما إن تغمر اللذة الإنسان حتى يرضى عن الله ..!!

" كُلما جنيت في هذه الدنيا لذة أكبر ، ضاعف الله لك الثواب في الآخرة .. كلّما جنيت لذة أكبر. "
ومتى يستاء الله منك؟ حين تؤذي نفسك! ولهذا يقول الإمام علي (ع) لربّه في دعاء كميل:
(( ظلمتُ نفسي))، آذيتُ نفسي.. لم أستمتع.. أنا مُنكسِر.. أنا مسحوق !
ليس أنّني آذيتُك واستمتعت أنا، بل أنا الذي لم أستمتع ! إنك مستاءٌ لأنني لم أستمتع.. فالآن مُدَّ لي يد العون..!


-

اليوم سمعت عبارة أثرت فيني وايد ، حسّيته كلام عود من شايب صادفته ..
" الدنيا وايد تافهة " ، حزتها كانت كأي جملة عابرة تسمعها من شخص
عاش وخاض تجارب كثيرة في حياته ..

لكن في لحظات تأمل ، هذي الجملة تمت عالقة في بالي فترة طويلة ، يعني يا الله
شكثر سنوات مرّت عشان البني آدم يستوعب هاي الشي البسيط ، جم سنة تمر من حياة
البني آدم بس عشان يفهم ان الدنيا تافهة ، بس عقب شنو ؟! عقب ما الشيب يملي راسه ؟
عقب مايكون أيام قليلة تفصله عن الموت ؟

آنه طبعًا مب طالعة منها ، انه يمكن اقول الدنيا تافهة ، وإني على علم بتفاهتها لكن
لازلت غير مدركة الإدارك التام لمدى عمق هذي الجملة .. فانجرف ورا زخارف الحياة وتلوّناتها ...
مانقول غير اللهم نسألك حُسن الخاتمة .

-
"الكلام السابق لحد يعتبره مرجع ديني له .. لو كنت ياية أكتب موضوع ديني
كنت اخترت القسم المناسب .. مجرد كلام مبعثر في عقلي وفلسفتي الخاصة .. لذلك أرجو عدم التدقيق ه1 ه1 قك2"
 

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png



at155906258917624.png


*
،

اليوم ي الله .. مرّ عليّ موقفين كل واحد اخس من الثاني ..!!
لدرجة ان كنّا - آنه وبيتنا - طالعين نقضي مشاوير وايد ، رجعنا وتقريبًا ماسوينا شي ..
طبعًا الموقف الأول لو بتحلطم عليه ما بخلص، لان صججج شلونن في ناس
قليلة ادب للدرجة ذي !!!

- الموقف الأول -

كنّا في السيارة نمشي في حال سبيلنا .. وكان الشارع عبارة عن - سيدين بس -
وكان شوي ضيج ، وفيه لفات وايد يعني مب سيدة، المهم ان ابوي واهوا يلف السيارة
شوي طلع عن الخط اللي بين السيدين شويي بسس - يعني ما يأثر ع السيد
الثاني، وبس للحظة يعني - !! جان نسمع هرن .. اوقي تمينا نمشي عادي ..

جان الا ريّال شوي عود مجدم صوبنا ، اللي جفته قاع يخز في ابوي .. شوي الا قام يسرّع
يحاول يتجاوز سيارتنا .. وفي اثناء محاولته نزل الدريشة وقام يأشر بأصابعه ويتفل تخيلوا !!!!
وعقب يوم صار جدامنا ، قام يمشي بطييييء يعاند ابوي يعني ..!!

يخي رفععع ضغطيي ، حدها قلة ادب وحمورية بعد .. وان مب شباب عشان تقولون
ان فيه حماقة ..!! تعرفوونن اللي ابوي وايد مسااالممم وطيّبب يعني بشكل مب طبيعي ..
ماسوا له شي ولا نزل له، والله لو احد ثاني نزل له سدحه في الأرض ويه الفقر !!

لو آنه من ابوي اتجاوزه واضرب بريك بمرة وحدة
واخليه يدعم فيني من ورا عشان اخليه ينق جيبه الحقير، وعي قاهرنننيي بشكلل
ولا عاد يوم يتفّل تقولون ياهل ، مايحترم الشيب اللي في ويهه .. صج اوادم مب
متربية !

- الموقف الثاني -

آنه امس اشتريت من السوبر ماركت سيروم فيتامين سي ، هآي السيروم اييننن !!
من زود ما اهوا اينن سووا له وايد تقليد .. وطبعًا اختكم في الله راحت اشترت السيروم
من السوبرماركت ووقعت في الفخ ، كان تقليد .. وما اكتشفت هالشي الا يوم رجعت البيت ..

بطلت العلبة الا اجوف الستيكر مب ملصوق عدل .. شكيت يعني فيه، جان ادش موقع
الشركة مالت السيروم وقارنت بين صورة السيروم اللي في الموقع واللي عندي واكتشفت
انه تقليد للاسف !! واشتريته بسعر مقارب للسعر الاصلي وهاي الشي ماخلاني اشك في كونه اصلي ..

المهم ان اليوم قررت ارجع السيروم ، ورحنا السوبر ماركت ما كان فيه باركات
فوقف ابوي بعيد ، طبعًا كلنا نزلنا وآنه من الحماس نزلت ونسيت شنطتي في السيارة
والرصيد كان في شنطتي، فأخذت المفتاح من عند ابوي عشان اطلع الرصيد والباقي دشوا
السوبرماركت ، جان تخيلوا وآنه مبطلة باب السيارة بطلع شنطتي الا أسمع صوووت قوويي
لدرجة ان عبالي فيه احد دعم بسيارتنا ..

جان اطلع اجوف، الا واحد طايح من الموتر سيكل والسيارة اللي دعمته شردت !!
حاولت اسجل رقم السيارة لكن ماقدرت الحق ، على ما ابطل النوت اللي في التلفون
الا اهيا راحت، والريّال طايح ع الأرض ومغمي عليه وآنه حزتها صج ماعرفت اتصرف
ومافي الا آنه في الشارع !

فكرة اني اتصل بالاسعاف هذي قوية ه1ه1قك2 لان ماعندي الجرأة
وماعرف اسولف وياهم احس ه1ه1قك2 ، فاستبعدت هذي الفكرة ورحت بسرعة
السوبر ماركت وطبعًا وآنه رايحة اتصلت حق ابوي قلت له ، وجفت هناك صوب السوبر ماركت
رياييل قلت لهم ان فيه حادث وفيه واحد طايح وهلّون ، والمهم يعني الناس ماقصروا
راحوا له يزاهم الله خير ومادري يعني اذا هذي اسعافات اولية بس رفعوا راسه
يعني واتصلوا للاسعاف ..

آنه طبعًا رجعت السيروم وطلعنا وماجفت يعني شصار ع الريّال، بس ان شاء الله
خير .. يعني اهوا طاح بس ما كان فيه دم .. ومب مستوعبة شلون صارت الدعمة
بس صج ان شاء الله خير ..

اللي مخليني اكتب اهني ذي الموقف ثلاث اشياء ..

- آنه صج كنت مؤمنة بان الله يدبّر الأمور ويسخر لك الناس والسبُل وان كل شيء صلاح ..
بس هالمرة صج صج زاد ايماني بذي الشيء ، يعني سبحان الله لو مانسيت الشنطة بالسيارة
جان محد يدري عن فقير الله اللي اندعم بالشارع، فصج صج كل شيء صلاح فالحمدلله ..

- ولو اني كلمت الأوادم المحيطة، بس هالموقف نبهني بضرورة ان الأشخاص لازم تتعلم
تسوي الاسعافات الاولية، لان ذي المواقف تصير بكل وقت وبكل مكان ، فآنه مثلًا
ماعرفت اتصرف حزتها ولو فرضنا اني ماحصلت احد اقوله لازم ع الأقل اسوي الاسعافات الأولية
لحين وصول الاسعاف لانها جدًا تسرّع في علاج الشخص وتضمن سلامته ع الأقل من أشياء
ممكن تصيده أو تأثر عليه ..

- الشيء الأخير، تعلمت اني اي منتج بروح اشتريه اما اشتريه من الصيدلية ه1ه1
أو اني أتأكد مليون مرة من كونه اصلي ه1ه1قك2 مب اروح على عماي واشتري لا وتقريبًا
مثل سعر الأصلي القهرر ، يعني اشوا هالسوبر ماركت يصير ارجع اللي اشتريه منهم، بعضهم لاا !!

وبس والله ، هذي المواقف الخايسة اللي صادفتني اليوم .. نقدر نقول رغم
انها خايسة ه1ه1 إلا أنها اضافت بعض الأكشن في يومي الممل ه1ه1قك2 ..
وكما أقول دومًا .. إلى لقاءٍ آخر ، مع السلامةة ق1 .
 
التعديل الأخير بواسطة المشرف:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png


*
،

" وكأن ثِقل العالم بأكمله قد أُلقي على قلوبنا .. "

لازالت ذكرى يناير 2017 تلوحُ في ذاكرتي .. كان ليلًا موحشًا على وطني بأكمله
تمنينا لو أن الصبح لا يبزغ ولا الفجر يطلع .. تمنينا لو تحولت الأيام كلها ليالي، تمنينا
لو أن النور لا يطل على سمائنا ، اكتسينا لباس الألم والقلق مترقبين أي طارفٍ للأمل ..

- حتى انني اخطأت في كتابة الأمل قبل قليل لتصبح ألم !! -

تمنينا لو أن الليل يطول، لكن الفجر أبى إلا وأن يفشي خفاياه ..
أجل، لقد استيقظنا على بركة دماء وصراخ، لم يثكلوا أمًا على
ابنها، بل ثكلوا الوطن !

انني فقط اخشى ان هذه الليلة لا تقل إيلامًا عن تلك ..
 
التعديل الأخير:

T W I N K L E

" بِنَفْسي اَنْتَ اُمْنِيَّةُ شائِقٍ يَتَمَنّى ?️? ".
إنضم
24 أغسطس 2014
رقم العضوية
2642
المشاركات
1,772
الحلول
1
مستوى التفاعل
3,339
النقاط
776
أوسمتــي
5
العمر
21
الإقامة
البحرين
توناتي
430
الجنس
أنثى
LV
1
 
at156277611351141.png

*
،

إنا لله وإنا إليه راجعون..
لم يكن سوى ليلٍ يشهدُ فجرًا جريح، إن التاريخ
يعيد نفسه والوطن في حداد..!!

وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِندَ رَبِّهِمْ يُرْزَقُونَ.. ?
 
الحالة
مغلق و غير مفتوح للمزيد من الردود.

المتواجدون في هذا الموضوع

أعلى أسفل