ضيفتنا على كرسي الاعتراف Selene (2 زائر)

[Marshmallowღ]

السلااممووو ععللييكككوومممم
قبللل كل شي كل عام وانا بالف خير فديتني < تحضن نفسها
وسوري عالتاخير بس والله اشغال وبزنس وكذا شو بدكم بالحكي حياة الشهرة صعبة
المهم ضيفتنا الامورة الاميرة

@Selene
منورة الكرسي

ما اوصيكم بالاسئلة
مدة الاستضافة اسبوع فقط
•••••••••••••••••••••••

1- هذا الموضوع مخصص للأسئلة فقط

2 - أي ردود دردشة أو عدم وجود أسئلة للضيف ستحذف

3 - عدم التدخل في الأمور الشخصية للضيف إلا إذا سمح بذلك

4 - التحلي بالأخلاق و الأسلوب اللطيف فهي مجرد لعبة

5 - حاولوا قدر الإمكان عدم تكرار الأسئلة حتى لا يشعر الضيف بالملل

6 - مدة استضافة الضيف أسبوع فقط من تاريخ فتح الموضوع و جلوسه على الكرسي

< الالتزام بالقوانين إجباري >​

 

[Diabète]

ههللاا اخيرا تم استظافة قمر التون
و نبلش بأسئلتي
اي سؤال محبيته تجاوزيه

1- كيف حتى انظميتي بالتون ؟
2 - وش اول قسم اشرفتي عليه ؟
3- كم سنة مرت عليك بالتصميم ؟
4- وش ستايلك المفضل بالتصميم ؟
5- في رأيك هل ينفع تطبيق canva كتطبيق لتصميم سوشيال ميديا بما انه pro ارخص سعر و يناسب الجوال ؟
6- وش اهتماماتك من غير التصميم ؟
7- وش اكثر اسم بنت تحبيه مو انسان اسم ؟
8- نفس الشي اسم ولد مب ولد اسم بس
9- لونك المفضل ؟
10- اول عضو جذب انتباهك لما سجلتي لو متذكرة ؟
11- حاليا منو العضو اللي جاذب انتباهك ؟
12- هل تدرين انك انسانة بيها قبول غير طبيعي؟
13- لو ودك تزورين بلد ثاني وش تختاري ؟
14- فلمك المفضل ؟
15- لغتك المفضلة ؟
16- تحبين الميكب ؟
17- اكثر ماركة فون تحبينها ؟
18- عضو تحسي يشبهك من طريقة تفكيره و افعاله و ميولاته
19- وش طموحك الحالي ؟
20- شي ودك تتعلميه ؟
و بس خلصت اسألتي اول ماتجيني اسألة ثانية ارد مرة ثانية

 

[Y U M I]

السلام عليكم ورحمة الله وبركاته
سيلينو على الكرسي
كيف حالك ؟
صديقتك المفضلة بالتون
كم كان عمرك وقت بلشتي تتعلمي التصميم ؟
اكثر تصميم تحبيه وتحسيه الأجمل من تصاميمك
لو تحبي تورجينا ياه
الانمي المفضل عندك
كيف تعرفتي على انمي تون ؟
شو ترتيبك بين اخوانك حسب العمر ؟
بتحبي المانيا ؟
شو عملك الرئيسي ؟
وبس خلصو الأسئلة نرجع اذا في كمان
الى اللقاء

 

[A Y A N O ⛧]

السلام عليكم و رحمة الله و بركاته
كيف حالك سيلي
يلا نبلش الأسئله مباشره
1-كيف تقدري تقنعي نفسك تسوي موضوع وانتي عندك كل افكاره بس طاقتك منعدمه
2-كيف ترجعي شغفك بالتصميم
3- الالوان الي تحبي تصممي عليها
4- اهم الذيك نسيت اسمها المهم حقة drop shadow وذاك الكلام وش اهم الاشياء الي تستعمليها منهم في تنسيق الخطوط
5- هل فيه اصناف لتنسيق الخطوط و إذا أي وش الاصناف ذي
6- اكثر اسلوب تصميم اخذ منك مده تصممي به
7- اعطيني 3 اساليب تصميم تحبيها اكثر شي
8- هل نظرة كل شخص للتصميم تختلف يعني مثلا شخص يشوف ذا دمج عشوائي و شخص لا ؟ وكيف اعرف الدمج عشوائي ولا لا
9- رأيك بأغاني Lana Del Rey
10- رأيك بأغاني The weekend
11- رأيك بي ؟
وبس والله

 

[Ma ya]

مرحبا
كيفك ؟
شخصيتك قوية ؟
متى بتحسي حالك اسعد بنت بالعالم
نصيحه لالي

 

[Selene]

ههللاا اخيرا تم استظافة قمر التون

حبيبة قلبي

1- كيف حتى انظميتي بالتون ؟

مع انو ما كنت من فان الانمي بس لما حضرت انمي يو غي يو و حبيتو كتير و من كتر ما حبيتو قلت جرب شوف منتديات للانمي
و فعلاَ طلع بوشي انمي تون وسجلت

2 - وش اول قسم اشرفتي عليه ؟

التصميم

3- كم سنة مرت عليك بالتصميم ؟

12 سنة

4- وش ستايلك المفضل بالتصميم ؟

اسلوب اسمو double exposure كتير حبيتو و حبيت نتيجتو

5- في رأيك هل ينفع تطبيق canva كتطبيق لتصميم سوشيال ميديا بما انه pro ارخص سعر و يناسب الجوال ؟

اي تطبيق مختص بالتصميم بينفع للسوشل ميديا
لأن الفكرة مو بالتطبيق بل بالمصمم نفسو و كيف بيستخدم عناصر التصميم

بالنسبة للسعر انا بنزل النسخ المجانية و بتكون كاملة
مثلاَ برنامج cute cut pro كنت نزل النسخة المجانية يعني هو يكون مدفوع بس في نسخة مجانية بتكون مسربة
و في هالشي لأغلب البرامج ولا بدفع فلس لبرامج التصميم

6- وش اهتماماتك من غير التصميم ؟

التزلج Inline Skating , الرسم Graffiti , قراءة مقالات علمية , Gym , Nail Art
مونتاج الفديو , و الكتابة

7- وش اكثر اسم بنت تحبيه مو انسان اسم ؟

8- نفس الشي اسم ولد مب ولد اسم بس

^ مافهمت السؤالين

9- لونك المفضل ؟

الأزرق

10- اول عضو جذب انتباهك لما سجلتي لو متذكرة ؟

@Tiny bee
و اول صديقة الي بالتون

11- حاليا منو العضو اللي جاذب انتباهك ؟

@Super Nova , @C A L E @O Z E N

12- هل تدرين انك انسانة بيها قبول غير طبيعي؟

انا بحس العكس خاصةَ كأول انطباع
بس هالشي اكيد بيسعدني لما حدا يحس العكس

13- لو ودك تزورين بلد ثاني وش تختاري ؟

البرازيل , امريكا و بالأخص : ميامي , هاواي
فرنسا : جزيرة بورا بورا , اليونان عشق

14- فلمك المفضل ؟

Divergent الجزء الأول بالأخص , بحبو كتير بحسو كتير بيلمس شي فيني و حضرتو عدة مرات وكل مرة بحبو اكتر من الي قبلها
Underworld بكل اجزائه , و اسمي الحالي Selene مقتبس من اسم بطلة الفلم , هالفلم جميل بشكل ما بقدر اوصفو خاصةَ اني
Goths انا بعشق ستايل مصاصين الدماء و ال

15- لغتك المفضلة ؟

الروسية , والله استغربت من حبي الها , بحسها فخمة , و انا بعشق اللغات الي بتكون خشنة
و حتى الالمانية قريبة لقلبي لو ما بعض اللهجات عندهم بيلفظوا حرف الراء ( غ ) عدا عن هيك
كمان تعتبر لغة نوعاَ ما خشنة

و اكيد العربية مو بس لأنها لغة الأم , بس لأنها لغة اد ما بوصف جمالها مارح اوفيها حقها

16- تحبين الميكب ؟

لما كنت بالخليج كنت اعشقو , و حرفياَ كنت حط ع كل طلعة و مناسبة
و كان عندي اعداد هائلة من الميكب و كنت ماهرة بوضعه بس لما اجيت
اوروبا تلاشى هالشي و صار الميكب بالنسبة الي شي ثانوي و حتى تراجعت
مهاراتي فيه لأني ماعدت حط نفس قبل بحكم انو هون مافي شي بساعد
انك تحطي ميكب

17- اكثر ماركة فون تحبينها ؟

الايفون و على اد ما بيطلع اصدارات من الجلكسي و منزلين تطويرات يمكن مو موجودة بالابل
بس بضل الابل عشق

18- عضو تحسي يشبهك من طريقة تفكيره و افعاله و ميولاته

ما بحس في حدا بيشبهني
حتى المرة الي كنت فكر فيها انو في حدا بيشبهني
اتضح انو محدا بيشبهني بنهاية المطاف

بس اذا رح نرجع نعيد صياغة السؤال لِ ( عضو تحسيه بيشبهك شوي )
هون بلاقي كتير

من ناحية الميول التصميم مع الاغلب طبعاَ بس باقي الميول
مثلاَ عرفت عن جديد @أجنحَة الحريّة بتحب الجم متلي و ما شاء الله عليها
باينة متعمقة باللعبة باقي الميول ما شفت حدا مايل عليها نفس
التزلج مثلاَ أو الأركيلة

19- وش طموحك الحالي ؟

اني ضل عايشة

20- شي ودك تتعلميه ؟

معنوياَ : الصبر , التفكير بإيجابية , التعبير عن الي بقلبي ان كان حب او العكس
كمهارة : اتعلم ال Deadlift كوني بخاف من هالتمرين لحد هلأ بخاف اني العبو
اتعلم حركة النجمة بالتزلج Inline skating

و بس خلصت اسألتي اول ماتجيني اسألة ثانية ارد مرة ثانية

شكراَ لوقتك و أسئلتك اللطيفة
حبك كومة

 

[Selene]

السلام عليكم ورحمة الله وبركاته
سيلينو على الكرسي
كيف حالك ؟

انا تمام التمام و انتِ كيفك ؟

صديقتك المفضلة بالتون

@Mahdicchi @Chisato @Super Nova @C A L E @MR.HERO
@YAZAƝ @Miss Marple @Xiao ~♪

كم كان عمرك وقت بلشتي تتعلمي التصميم ؟

17
^ ياويلي اديش العمر بمر بسرعة

اكثر تصميم تحبيه وتحسيه الأجمل من تصاميمك
لو تحبي تورجينا ياه

للأمانة كانت ولا زالت هالمبدعة تبهرني
بالرغم من اني ما عدت شوف الها تصاميم من فترة طويلة
بس لكل شخص احترف شي معين رح يكون في شخص الو فضل
كبير لوصول هالشخص للي وصلو لهلأ

المبدعة @Tiny bee حكيت قبل كم سنة انك تلهميني بالتصميم
و لهلأ بحكي هالحكي , انتِ مصدر إلهام لكل مصمم

ف شوفي تصاميمها كلها

الانمي المفضل عندك

بليييييييييييتتتتتتتتتتتتتتتتششششششششششششششش عم الكل

كيف تعرفتي على انمي تون ؟

مع انو ما كنت من فان الانمي بس لما حضرت انمي يو غي يو و حبيتو كتير و من كتر ما حبيتو قلت جرب شوف منتديات للانمي
و فعلاَ طلع بوشي انمي تون وسجلت

شو ترتيبك بين اخوانك حسب العمر ؟

انا الوسطانية

بتحبي المانيا ؟

ييي هالسؤال اديش بدو جواب طويل مع انو فيني جاوب بكل بساطة بنعم
بس حبي لالمانيا مو حب لدولة غربية و متطورة

حبي الها لأنها حسستني لأول مرة بمعنى ( اني كون إنسان ) و انو كل شخص بالعالم
محتاج اهتمام و مراعاة شو ما كان عمرو

شو عملك الرئيسي ؟

ربة منزل ههههههههههههههههههههههههههههه

وبس خلصو الأسئلة نرجع اذا في كمان
الى اللقاء

شكراَ لوقتك و اسئلتك اللطيفة

 

[Selene]

مرحبا
كيفك ؟

انا بجنن انتي كيفك ؟

شخصيتك قوية ؟

سألت اختي الكبيرة و حكيتلها ضمن سياق الحديث انو شخصيتي ضعيفة
انصدمت حكتلي مين ؟ انتي شخصيتك ضعيفة ؟ تطلعت هيك حكيت
ببالي : انا شو حكيت شي خطأ

قمت حكيتلها اي انا شخصيتي ضعيفة , انا ما بختلط بالعالم و مابحب الحياة
الاجتماعية لما قارن حالي مع اختي الصغيرة , اختي الصغيرة شخصيتها اقوى
بكتير مني , بتختلط بالعالم و بتعرف ترد و هيك

حكتلي هاد مانو شخصية قوية هاد اسمو شخص اجتماعي , و في كتير أشخاص
اجتماعيين شخصيتهم ضعيفة , قالتلي انو ممكن تلاقي واحد بيتشغل ع الكمبيوتر
بشركة و مابيطلع من المكتب كون شغلو كلو ع الكمبيوتر و بتلاقي انو شخصيتو
كتير قوية , مو بالضرورة يفتح تمو لتعرفي شخصيتو قوية , بتحسي هالشي من نظرة
العيون , قوي الشخصية ببين من عيونو و طريقة النظرات

شخصية القوية هو شخص مابيحتاج ياخد بآراء الناس لحتى يعمل اي شي , هو بكل بساطة
بيعمل الي ببالو بدون ما يخبر حتى حدا !

اختك الصغيرة مثلاَ بتسأل كل سكان الأرض اذا بدها تعمل اي شي لحتى لما يجي الوقت
تلوم هالشخص اما انتي بيوم و ليلة حلقتي شعرك بدون ما تستشري اي حدا , بيوم و ليلة
سحبتي ساعة ابل بالرغم من انو حقها بالنسبة للدخل تبعك كتير غالية ما سألتي اذا هالشي
رح يضر او لا او رح تنضغطي او لا .

قوي الشخصية هو الي بيعمل تصرفات جريئة من نفسو بدون ما يفكر انو يستشير حدا
و بيتخذ قرارات مصيرية بدون لا يرفلو جفن او يلين قلبو

و كمان لما تكوني قاعدة ع طاولة و فيها ناس و شخص من هالأشخاص ما بتحبيه
بتتركي الطاولة كلها و بتروحي

و حكتلي انتي عيونك بتشع قوة شخصية مو بالضرورة تعاشري عالم و تكوني اجتماعية
لتتسمي قوية شخصية .

تمت الاجابة على السؤال .

متى بتحسي حالك اسعد بنت بالعالم

مو متى
انا اسعد بنت بالعالم
لأن والله والله ثم و الله
عندي أهل لا يقدروا بثمن
اهل هن يعتبروا اللين بهل العالم القاسي
اهل لما اتنكس بلاقيهم جمبي و مابحلوا عني ليتأكدوا اني صرت منيحة
الله يخليلي ياهم

نصيحه لالي

لا تعطي اسرارك لاي حدا كان .
لأن متل ما انتي عندك هالحدا معتبرتيه مميز
هالحدا كمان عندو حدا مميز بيحكيلو كل شي

في حدود للأسرار , في اسرار ما لازم اي مخلوق يعرف فيها غيرك حتى اهلك
حتى لو لقيتي توأم روحك ( صديقة ) و متأكدة انها خلوقة و كل شي حلو فيها
حتى هي في اسرار المفروض ما تعرف عنها

-

حبي نفسك بالمقام الأول لأن والله محدا رح يحبك متل ما انتي رح تحبي
نفسك , و حبيها بكل ما فيها من سوء قبل ما تحبيها بكل ما فيها من خير
لأن اغلب البنات بيكرهوا الجانب السلبي منهم ان كان بالشكل او الشخصية

لما يكون عندك هالتصالح مع ذاتك رح تعطي حب كبير و نقي للشخص المختار
بالمستقبل

 

[Selene]

السلام عليكم و رحمة الله و بركاته
كيف حالك سيلي

انا الحمد الله انتِ كيفك ؟

1-كيف تقدري تقنعي نفسك تسوي موضوع وانتي عندك كل افكاره بس طاقتك منعدمه

طريقتين :
1- دور بالفكرة الي كنت ناوية سوي الموضوع عليها و اتعمق فيها باليوتيوب , مقالات علمية , صور عشوائية هالشي رح يعطيني الهام و طاقة اني ابدا فيها
2- اذا ما نفعت اول طريقة , بأجل الموضوع و ممكن التأجيل يوصل لمدة سنة و بالاخير تعمليه يعني مافي مدة معينة للتأجيل

2-كيف ترجعي شغفك بالتصميم

بترك اللاب تماماَ لمدة شهر ع الاقل , دائماَ كنت سويها و تنجح معي و ارجع افضل من اول
و قصدي بإني اترك اللاب , مو بس التصميم لا حتى قعدة المنتدى الطويلة بتركها , بترك اللاب كلو ما بستخدمو

3- الالوان الي تحبي تصممي عليها

ماعندي لون معين , كل الالوان حلوين و كل لون الو دور بتوصيل رسالة معينة

4- اهم الذيك نسيت اسمها المهم حقة drop shadow وذاك الكلام وش اهم الاشياء الي تستعمليها منهم في تنسيق الخطوط

نادر ما استخدم هالنافذة منفردة , بختصر علي كتير وقت لما حمل styles جاهزين و اكتر شي ممكن اعملو و الي فعلاَ بيختصرلك كتير وقت و تنسيق
انك تختاري ستايل جاهز بعدين تحطي عليه لمساتك من هالقائمة , وممكن تكتفي بتغيير اللون فقط

ممكن استخدم هالنافذة بإني ادرج ظل للخط أو حط عليه عمق Depth او باترن مع اني صايرة قليل استخدم الباترن

5- هل فيه اصناف لتنسيق الخطوط و إذا أي وش الاصناف ذي

اكيد في و كل صنف يندرج تحتو مدرستو
مثلاَ صنف تنسيق الحقوق في الو كذا طريقة

صنف تنسيق خط المجلات و الجرائد
و هو بيعتمد اكتر شي ع الخط الأساسي و يكون واضح و مريح للقراءة
و اكتر عنصر بركزوا عليه هو الحجم و السيادة
يعني بتلاقي الجرائد ابيض و اسود بالكتابة بس بكبروا الكلمة المهمة
هون استخدمو عنصر التركيز و السيادة
اما بالمجلات نفس الشي تقريباَ بس بتكون ممتعة اكتر لان بيدخل فيها
الوان

يعني لكل صنف تنسيق خط مدرستو الي بينتمي الها حتى البوسترات
السينمائية الها صنف خاص الها و لو دققتي بأغلب البوسترات رح تلاحظي
في توحيد بطريقة تنسيق الكلام - ممكن يختلف العنوان الرئيسي للبوستر
بس بشكل عام الكتابات اعلى و اسفل البوستر هي تقريباَ نفسها

6- اكثر اسلوب تصميم اخذ منك مده تصممي به

ماعندي اسلوب واحد بضل عليه لأني بمل بسرعة

7- اعطيني 3 اساليب تصميم تحبيها اكثر شي

1- Split - هنا و هنا
2- Collage - هنا و هنا
3-vaporwave - هنا و هنا

8- هل نظرة كل شخص للتصميم تختلف يعني مثلا شخص يشوف ذا دمج عشوائي و شخص لا ؟ وكيف اعرف الدمج عشوائي ولا لا

اكيد تختلف لأن كل شخص الو تفكيرو و نظرتو الخاصة , و كيف هو متعمق بالشي الي عم يشوفو
مثلاَ شخص مو متعمق بالفن رح يشوف التصميم او اللوحة بشكل عام من ناحية تناسق الألوان العام و كيف
مرتب , بس متجاهل تماماَ اساسيات كل فن الي انبنى عليه هالتصميم او اللوحة غير لما شخص يكون
متعمق و فاهم فلسفة الفن و أبعاده الغير المباشرة رح يشوفو بنظرة مختلفة عن الأول

-

هون بيجي حسك الفني بالتصميم , في كتير مرات بشوف مثلاَ دمجي عشوائي بس بسكر الفوتو
و بريح عيوني فترة و برجع بفتحو بشوف انو مو عشوائي بس من كتر الدمج و الشغل بالتصميم
عيوني بتبطل تفرق مزبوط - بمعنى اخر عيوني بتكون تعبانة

بالضبط نفس ما تعجني عجينة و تخليا ترتاح نص ساعة لتاخد حجمها الطبيعي نفس الشي عم بصير
بالعين و التصميم . لحتى تتأكدي انو تصميمك تمام سكري التصميم و ريحي عيونك و رجعي فتحيه
حتى ممكن تلاحظي اخطاء ما شفتيها قبل ما تريحي عيونك

9- رأيك بأغاني Lana Del Rey
10- رأيك بأغاني The weekend

التنين ما بسمعلهم , لانا بحب شخصيتها , سمعت اغنية وحدة الها summer sadness كانت حلوة
ذا ويكند ما بطيقو لا هو ولا صوتو ولا ستايل اغانيه - اسفة ع الوضوح بس انا بنت goth و بحب الصريخ
و الصوت الخشن

11- رأيك بي ؟

بتجنني

وبس والله

شكراَ لوقتك و اسئلك اللطيفة

 

[A S T E R]

السلام عليكم
غاليتنا عالكرسي
كيف حالك ؟
ان شاء الله تمام ؟
منورة الكرسي
ما قرأت كل الاجوبة ، لهيك لو في تكرار اعملي اقتباس لجوابك ​

1- هل سبق وشعرت انك مقصر تجاه الله ؟ وشو بتعملي لما تحس حالك هيك؟

2- لما تعرفي انه الناس ماخذة عنك فكرة غلط ..
او بحكمو على تصرفاتك وافعالك واقوالك بطريقة مغايرة لقصدك مع انك تتصرفي بشكل طبيعي ..
هل هالشي بضايقك ؟ وبتشرحي موقفك او كلامك ؟ ولا عادي ما تهتمي ؟

3- عمرك تعرضت لانتكاسة مرضية وأدت انها غيرت فيك ؟

4- كيف متخيلة نفسك بعد عشرين سنة ؟

5- لو خيروك تخوض مغامرة يا بالجبال يا بالغابات شو بتختاري؟ مع ذكر السبب

6- كيف علاقتك مع امك وابوك ؟


7- سبق وتقدمت بالنصح لأشخاص بحياتك الواقعية قصدي ،، وقوبلت بالرفض والأسلوب الفظ منهم ؟
ولا نوعك انه ما بتحب تقدم النصح للناس حتى وان كانو بقومو بالفعل الغلط والحرام
- من باب انه احنا مسلمين وواجب نذكّر بعض - ؟
وانا طبعا اقصد الناس المقربة منك والي تهتم لهم

8- بتحبي الطبخ ؟ او هل عمرك جربتي تطبخ ؟

9- اقرب شخص لك من يكون ؟

10- كلمة على لسانك ودايما تحكيها ؟

11- دولة اجنبية حابة تروحي عليها وتستكشفيها ؟ وليش؟ -بعرف رحتِ اكثر من دولة بس لو في شي دولة حابة تزوريها غيرهم -


12- بتمر عليك فترات تحسي بخنقة واكتئاب وقرف من كل اشي؟ وشو بتعملي لتطلعي من هيك حالة ؟

13- هل انتِ اجتماعية وبتحبي تحكي مع الحواليك ؟ ولا نوعك منطوية وقليلة كلام ؟
- طبعا سؤالي عن حياتك الواقعية -

14- كلمة شكر وامتنان لمين بتوجهيها بحياتك ؟

15- اسم ولد تحبه واسم بنت بتحبيه ؟

16- حكمة تفضليها؟

17- اكثر اشي بسعدك واكثر اشي بخليك حزينة ؟

18- موقف محرج صار معك ؟

19- هل انت عصبية؟ شو اكثر اشي بخليك تطلعي عن مزاجك وتعصبي كثير؟ وهل تظهر عليك عصبيتك ؟

20- فقدتِ انسان عزيز عليكِ ؟

21- احلى موقف بحياتك ايش هو ؟

22- كلمة منك لي أو نصيحة متل ما بدك

في امان الله ​