الختم الذهبي I need my morning Coffee | [ القهوة ] (1 زائر)

[جويلان]

قهوة - Coffee - コーヒー - kopi - kahve - कॉफ़ी

السلام عليكم ورحمة الله وبركاته
صباحكم / مسائكم خير ، مرحبًا ~~

بالنسبة لشخص توجه للقهوة في السنين الماضية.. عرفت اشياء كثير وطرق مختلفة في تحضيره
الموضوع اليوم ليس عن القهوة من ناحية من أين جاء ولوين راح وكيف ينزرع ولمن ينتسب
لكن بعد تعريف عام عنه راح اتكلم عن طرق اعداد القهوة بالأشكال القديمة الي نعرفها ونحبها
كما ان بتكلم عن الطرق الحديثة الي الناس تحب تسميها حليب وسكر
والانواع الكثيرة الي ممكن نسويها فيها مع نصائح لباريستا منزلية حبّت توفر فلوسها من الكافيهات وطلع ان الحال من نفسه ولازم اصرف على ما اسوي القهوة ..
لكن في النهاية طبعًا اعدادها في البيت >>>>> أرخص واوفر غير اني طبعًا اقدر اتحكم بكيف احبها من ناحية ... كل شي

عن ايش راح اتكلم اليوم ؟
- تاريخ بسيط عن القهوة
- هل شرب القهوة له فايدة اصلًا؟
- انواع القهوة وطريقة تحضيرها
- بدائل للقهوة

نبذة عن القهوة
القهوة مشروب يتم اعداده من بذور البن المحمصة، تنمو بذور البن بالأخص في المناطق الاستوائية. نظرًا لاحتواء البن على الكافيين فإن تاثير القهوة مُنبهًا للجسم، يتم اعتقاد ان اكتشاف القهوى كان في اثيوبيا، كما انه انتشر في اليمن ومن هناك إنتشر الى باقي شبه الجزيرة العربية ومصر ثم الى بلاد فارس وتركيا وشمال أفريقيا. مما يعني ان القهوة تمتلك أصول من البلاد الاسلامية إلى أوروبا ودول آسيا ثم الأمريكتين.
ومن ذلك نعرف سبب تسمية القهوة التي تسمى Arabica / القهوة العربية بسبب أصولها التي تعود لليمن.

الآثار الصحية للقهوة .. نوعًا ما مثيرة للجدل.
بالرغم من كل شيء سمعته هناك الكثيير من الفوائد الي ممكن تسمعها عن القهوة. عالي بمضادات الأكسدة الي بدوره يقلل خطر الإصابة بالكثير من الأمراض. ولكن، على الجانب الآخر الكافيين يسبب مشاكل لفئة من الناس مما يخرب طريقة نومهم.

كوب القهوة ( ما يعادل 240 مل بدون سكر ولا حليب.. بس قهوة ) ، فيها كمية من : فيتامين B2 ، فيتامين B5 ، فيتامين B1 ، فيتامين B3 ، Manganese ، بوتاسيوم ، ماقنيسوم ، فوسفور.
بكميات متفاوتة وبسيطة بحيث انها ما تتعدى الكميات المضرة سواء في الفيتامينات او الأملاح.

هذا غير فوائده كمشروب يحتوي على مضادات اكسدة عديدة، من ناحية انه يقلل خطر الاصابة بالاكتئاب ، امراض الكبد ، النوع الثاني من مرض السكري والزهايمر.

لكن الاضرار الي ممكن تجي من القهوة ؟
ممكن انه يسبب القلق ومشاكل بالنوم. ولكن مثل هذه الاضرار ما رح تجي الا بسبب كثرة استهلاك القهوة طبعًا.
ومن الممكن ان تؤدي الى العصبية وخفقان بالقلب وتفاقم نوبات الهلع.
نلاحظ انه مثل ما هو مفيد لكنه يأثر على الجهاز العصبي بشكل سلبي بعد شرب القهوة بكميات كبيرة بصورة متواصلة ..
هذا غير انه يسبب الإدمان الي يؤدي الى حالات سلبية اذا ما شربت كوبك اليومي من القهوة ..

ولكن
لمحبي القهوة ، اذا كانت القهوة مضرة لك. كـ حامل / مرضع أو انه يسبب لك خفقان وغيره من المضرّات الخطيرة الي تحصل مباشرة
فيه شي اسمه " Decaf " اختصار لـ " Decaffeinated " / منزوع الكافيين
الي يتم تحضيره بغسل القهوة بشكل معين بمواد كيميائية معينة تقوم بإذابة الكافيين وتتم اعادة العملية لتقليل نسبة الكافيين لأقل شي ممكن في البن
في النهاية بيمتلك نسبة بسيطة جدًا من الكافيين لكنها معالجة كفاية حتى يتمكنو من شرب القهوة بدون تعرضهم للخطر

أنواع القهوة وإعدادها
ملاحظة: بتكلم عن الطريقة بشكل عام. ممكن غيري بيختلف وما عندنا مشكلة بهالشي .. اختلاف ما يعني اني غلط

القهوة العربية
- القهوة السوداء
نضع نصف كوب من البن العربي محمص ومطحون في إبريق على درجة متوسطة مع كوبين ماء ملاع من الهيل المطحون من 10 - 15 دقيقة.
تصفّي القهوة ونضعها في الدلة ويتم تقديمها في فناجيننا الحلوة.
طبعًا هذي الاساس الي تعتبر فاضية تمامًا لأن في كل منطقة يتم اضافة مختلف البهارات مثل الزنجبيل والزعفران حسب العادات هذا غير ان كل هذي الانواع من الممكن اضافة كمية من الحليب المجفف وتكون قهوة بيضاء لكن نفس الكلام .. يتغير الاضافة من مكان لمكان حسب عاداتهم في تحضير القهوة وحتى الوقت في في ترك القهوة تغلي يختلف.. لكن في كل الحالات يفضل ان تكون على درجة متوسطة او منخفضة حتى نتأكد ان القهوة أخذت طعمها قبل لا تفور.

- القهوة التركية
لكل فنجان قهوة نضيف ملئ الفنجان من الماء للركوة وملعقة من القهوة التركية المطحونة، نتركها على النار على حرارة متوسطة حتى تتكون فقاعات.
القهوة التركية تتميز انها ما تحتاج سكر او حليب وما تكون مرة بشكل قوي، من الممكن اضافة سكر او حليب .. لكن من تجربة شخصية الطعم مختلف جدًا وما انصح.. الا لو ما تقدر تشرب قهوة من الاساس.

- القهوة الفرنسية
ضيعتني .. طريقتي بالقهوة الفرنسية انها قهوة بن فرنسي + كمية بسيطة من الحليب + مُحلّي البندق واغليها مثل التركية وتادا .. قهوة فرنسية..
لكن بحثت حتى أتأكد من معلوماتي .. طلع فيه اكثر من طريقة BECAUSE OF COURSE ..
قهوة فرنسية ممكن تعني ان تستخدم كاكاو فيها بدل من مُحلي/نكهة البندق .
وومكن تعني انك تستخدم الفرينش بريس ( French Press )
اداة لتخمير القهوة .. تضع الكمية المناسبة من القهوة ثم كمية مناسبة من الماء وتضغط للاسفل حتى تحبس البن وتقدر بعدها تقدمها.

- قهوة مقطرة ( بالأخص V60 )
باستخدام اييييي شكل من اشكال معدّات قهوة الـV60 .. تضع ورقة ترشيح على الوعاء. 20 قرام من البن المطحون ثم بشكل بطيء تسكب الماء الساخن بشكل دائري على 3 دفعات 50مل / 50 مل / 50 مل .. بين كل دفعة ودفعة طبعًا تنتظر حتى تنزل القهوة وتبدأ الدفعة التالية قبل ما ينشف الماء.
طبعًا التقنيات الي يستخدموها توجع الراس .. مو لازم مع / عكس عقارب الساعة و و وو ..
القهوة المقطرة ممكن تقديمها باردة او ساخنة عكس الثلاث السابقين كلهم يُفضل ان يكونو ساخنين طبعًا.
في حال ان تبغاها ساخنة ممكن تزيد الدفعات. وفي حال تبغاها باردة تضيف الثلج في السيرفر خلال التقطير.

espresso drinks / مشروبات الاسبريسو
- espresso / اسبريسو
طرق قد شعر راسي .. لأن فيه كثير أجهزة تساعدك تعمل اسبريسو.. آلة الإسبريسو ممكن هي الأسهل وهي انك تضع 8~16 قرام من البن المطحون بشكل ناعم في الباسكت وتضغطه وتثبته بالجهاز وتتركه يسوي شغله لين يكون فيه 30 مل من القهوة في فنجانك "ون شوت اسبريسو"
لكن بيختلف طبعًا اذا استخدمت أي جهاز ثاني.
ممكن ان تعمل اسبريسو 30 مل ماء بعد ما تضيفها للكمية الي ترغب فيها من القهوة سريعة التحضير.
غير الي يفضل ان يتسخدم جهاز الكبسولات للاسبريسو.. وعالم الكبسولات كبير لان ما يتوقف على القهوة .. لان ممكن يكون انواع مختلفة باضافت مختلفة وحتى مو بس قهوة وحتى انواع حليب وتشوكلت وغيره.

- cortado / كورتادو - cappuccino / كابُتشينو - latte / لاتيه - Mocha / موكا
بعد ما تجهز الاسبريسو.. لعمل كورتادو تضيف على قهوتك نفس كمية القهوة من الحليب المبخر .. هنا انت حصلت على كورتادو
لما تضيف عليه بنفس الكمية رغوة الحليب، هنا حصلت على كابتشينو، لكن اذا قللت من الرغوة حصلت على لاتيه
واذا اضفت على اللاتيه صوص تشوكلت او تشوكلت باودر .. هنا حصلت على موكا.
ما راح ادخل في تفاصيل كم بالضبط بالنسبة لاي شي منهم لانها كلها بحسب الرغبة
الا الكورتادو وشبيهه الفلات وايت يكونو بحجم صغير وسهل الشرب ويتم تقديمهم ساخنين.. البقية ممكن شربهم باردين.

- americano / long black / قهوة سوداء / أمريكانو
حرفيًا الاسبريسو بس تضيف عليهم ماء. واحد قبل اضافة الاسبريسو والثاني بعد وبالنسبة لي ما اشوف فيه فرق لكن غيري يشوف انهم مختلفين تمامًا
اثنينهم ممكن تقديمهم ساخن او بارد.

- Basically latte but with sweetners / حليب ومُحليّات
بعد اعدادك لـ اللاتيه ممكن تضيف اي نوع من المُحليّات وبيكون مختلف اسمه مثل الموكا الي اختلف اسمه بعد اضافة الشوكولاته
فإضافتك للحليب المحلى صار سبانيش لاتيه، الاضافات ما تنتهي .. كراميل ، شوكولاته بيضاء، فانيلا وبندق وغيره وغيره.
بالنسبة للحليب طبعًا مو الكل يقدر يشربه ففيه بدائل مثل حليب الشوفان وحليب اللوز
فيه الي ما يتحملون الحليب البقري ومنتجاته وفيه من الي ما يتحملون" الحليب " الي يجي من منتجات المكسرات
so be nice to people

- Brewed coffee / قهوة مخمّرة
فيه طرق كثيرة تقدر تعد قهوتك لفترة طويلة وتكون جاهزة للشرب او تضيف عليها اضافاتك الثانية من حليب وغيره.
مثل استخدام ابريق الموكا .. او V60 / جهاز الامريكانو بعد ان توضع كمية كبيرة من البن المطحون وتركه يتخمر ويكسب طعم قهوة قوي ويفضّل ان يتم تخزينه بارد.

بدائل حتى لا نساهم في امداد الصهاينة ماليًا
قهوة سريعة التحضير
Alicafe - قهوة باجة - Klassno coffee (أنواع على الاقل أعرف انها منتشرة بأكثر من مكان رحت له داخل السعودية حاليًا)
او اي قهوة من انتاج دولة اسلامية كمثال فيه عديد من منتجات لبنانية / مصرية / تركية وبطبيعة الحال فيه كثير كثير ممكن اشوفها بالسوبر ماركت عندي بس ما راح تشوفوها عندكم لان تختلف التصديرات حتى للبقالات الصغيرة لحارات منطقتنا لوحدها..

قهوة بن كامل
انصح بشكل عام نفس الشي تعتمدو على المحمصات المحلية.. على سبيل المثال تفتح انستا ولا تيكتوك وغيره وتبحث عن محامص ومحاصيل تقدر توصّل لمنطقتك وذوقك في ايحاءات القهوة واستيرادها من كولومبي / اثيوبي وغيره غيره بس لا تروح اهم شي لجهة الكافيهات الي احنا من الاساس نقاطعها خصوصًا لو كانت من دول تدعم جماعة الاحتلال

بالنهاية ، شكرًا لوصولكم هنا
مدري انا ليش رجعت وليش سويت ذا كله
بس هيه
اشارك شي احبه ومنغمسة فيه مؤخرًا بشكل كبير ..

شكرًا مجددًا
الى اللقاء ~~~






.​

 

[إيڤا.]

السلام عليكم ورحمه الله وبركاته
كيف حالك جويلان؟ ان شاء الله بخير
القهوه فعلا تنفع خصوصا ايام الاختبارات للمذاكره
اكثر طريقه الي احبها هيا كابتشينو وافضل قهوه بارده
وللقهوه فوائد كثير حتى للبشره كما
وفعلا كثره شرب للقهوه يسبب الارق
كتجربه شخصيه عنها لذلك اشربها فقط اوقات متفاوته
المهم حبيت موضوعك
كثير خصوصا رويتنا
طرق واتمنى ان اجرب قهوه تركيه يوم ويعطيك الف العافيه على
موضوع رائع واتمنى لك تميز دائما..

 

[ستـارلآيتـو]

وعليكم السلام ورحمة الله وبركاته


كيفك جويلان ان شاء بخير،. شكرا لطرحك الموضوع ومشاركة اهتمامك وانا كشخص احب اتابع بالاغلب بصمت فما اعتقد تتذكريني لكن اذكرك بتصاميمك الحلوه xD وندخل يلابالموضوع اللي كمان لي اهتمام فيه بدء بعشق اخي للقهوة وانواعها من البن واهتمامي بمتابعة حسابات المبدعين بتحضير القهوة من ناحية الفن بالتقديم والأكواب الراقية يعني شدني الاتكيت والاسلوب خصوصا بالرسمبالرغوة لفن الاتيه والتبخير فاهتمامي خاص بهالشي.. بالنسبة للحليب جربت حليب اللوز والشوفان وكريمة الخفق حتى حليب الصويا للكيتو،. اما الاسبريسو وامريكانو لحالهم ما اشربهم الا مع كيك او معمول ورطب عشان تعادل الطعم بالمر والحلو وبالعادة اخي يحب يسويهم ومالي اهتمام باعدادهم،. بس احب القهوة العربية القصيمية هيعبارة عن مخلطات ريحتها تجنن مافيها طعم مر او حامض يعني تفتح النفس بلونها الذهبي المعروف احيانا اشتهيهامع امي واسويها + بن الكبوس يكون مطحون ناعم تفضيلاته مع سكر خفيف،..

شكرا لمشاركتك الخفيفه اللطيفه
وان شاء الله تشاركي باهتماماتك باستمرار
كوني بخير ي جميلة،.
في امان الله
​

 

[Ќeyaмσ ♠]

​

✢
,

السلام عليكم و رحمه الله و بركاته ..
كيف حالك؟ عساج طيبة .. و بأطيب حال ..

تحمست أقرأ عن موضوعك ..دامه عن القهوة ..
الصراحة .. بسم نبدأ عشان نعلق .. كل القهوات عشق معاااي ~~
من عشاق القهوة لحد الإدمان ..~
​

يتم اعتقاد ان اكتشاف القهوى كان في اثيوبيا، كما انه انتشر في اليمن ومن هناك إنتشر الى باقي شبه الجزيرة العربية ومصر ثم الى بلاد فارس وتركيا وشمال أفريقيا​

سبحان الله مع أن كله قهوة و بن وااحد بس النكهات كلياا مختلفة .. ~
و الأدواق مختلفة ..تماما ..
​

كوب القهوة ( ما يعادل 240 مل بدون سكر ولا حليب.. بس قهوة ) ، فيها كمية من : فيتامين B2 ، فيتامين B5 ، فيتامين B1 ، فيتامين B3 ، Manganese ، بوتاسيوم ، ماقنيسوم ، فوسفور.​

أول مره أعرف هده المعلومة حرفياا مع أني متعمق بهالمواضيع ..​

ممكن انه يسبب القلق ومشاكل بالنوم​

عادي مسموح للقهوة .. العشاق يسببون السهر ..
​

هذا غير انه يسبب الإدمان الي يؤدي الى حالات سلبية اذا ما شربت كوبك اليومي من القهوة ..​

حرفياا إدا ما شربت القهوة يوم .. صدآآع ..
​

الي يتم تحضيره بغسل القهوة بشكل معين بمواد كيميائية معينة تقوم بإذابة الكافيين​

...
بعد أول مره أعرف بهالمعلومة ..
​

القهوة العربية​

م أحبهااا ,,أحسها بهارات وحدهاااا
​

و حليب .. لكن من تجربة شخصية الطعم مختلف جدًا وما انصح.. الا لو ما تقدر تشرب قهوة من الاساس.​

القهوة التركية الصراحة مررره ثقيلة ,. المفروض ّإلا لو تقدر تشرب قهوة ..

​

قهوة فرنسية ممكن تعني ان تستخدم كاكاو فيها بدل من مُحلي/نكهة البندق .​

حرفيا لديدة بس لاحظت أنها تشبه التركية ..كشكل و ملمس ..​

طبعًا التقنيات الي يستخدموها توجع الراس .. مو لازم مع / عكس عقارب الساعة و و وو ..​

مضيعه وقت إلا اللي يحبه بالنهاية إختلاف هوايات ,, بس الطهمم جدا عادي ..~​

- espresso / اسبريسو
طرق قد شعر راسي .​

العشق لكل عشاق القهوة هو الأساس أصلا ..​

ما راح ادخل في تفاصيل كم بالضبط بالنسبة لاي شي منهم لانها كلها بحسب الرغبة
الا الكورتادو وشبيهه الفلات وايت يكونو بحجم صغير وسهل الشرب ويتم تقديمهم ساخنين.. البقية ممكن شربهم باردين ​

أحلى أنواع القهوة ..
​

حرفيًا الاسبريسو بس تضيف عليهم ماء. واحد قبل اضافة الاسبريسو والثاني بعد وبالنسبة لي ما اشوف فيه فرق لكن غيري يشوف انهم مختلفين تمامًا
اثنينهم ممكن تقديمهم ساخن او بارد.​

الصراحة الطعم جداا عادي .. أحسها ممكن تكون جرعه كافيين عشان تصحصح بس بدون طعم ..​

بدائل حتى لا نساهم في امداد الصهاينة ماليًا​

الصارحة حبيت نقطتك هنااا ... ~

اتمنى الباقيين يفهمون على هالنقطة .. للإسف يعني ..~

بعضهم لايعني لهم شيء ,, بالرغم أن الفرق كبير ..ْ


شكرا على طرحك الأكثر من مميز أبدعتي..حرفيااا ..

من التصميم و الفكرة الأكثر من رائعة إبدعتي ..

م ننحرم من طرح المميز ..

*
,​

 

[R O O B E]

السلام عليكم ورحمة الله وبركاته
اهلا بجويلة الحلوة المنورة المطرح كلو ، مسائك/ صباحك سعادة
كيفك ؟؟ اخبارك ؟ يارب تكوني بأفضل حال
اول شيء اشكرك تراكي اعطيتيني دفعة حلوة اني انزل موضوع
تعرفي اني سيــدة الشــاي ( المر ) بس عادي احب اشرب قهوة امريكية والحركات حق الكافيهات >> مو اكثر من الشاي
بالنسبة للقهوة العربية مو صديقتها مرة بس بشربها في الجمعات ومع وجود حلى تصير مرارتها الحل الانسب لكسر السكر

نفسي اجرب القهوة المقطرة احسها حاجة حلوة بما اني بحب الامريكانو
ذوقي اكيد انفهم لكم انو احب القهوة الفلات بدون حليب او سكر

انا عدوة السكر بالمشروبات يغير طعمها وماتصير حلوة
شهيتيني اقوم اسويلي قهوة كبسولات مع شوكليت

الموهييم شكرا عالموضوع الحلو والتنسيييق عجيييببب
دمتي بود ياغالية // تقبلي مروري ..، ربرب

في امان الله وحفظه

 

[glitch]

مرحبا بكِ وبعالم القهوة
أولاً هيدر الموضوع جميل أبدعتِ فيه
ثانيًا موضوعك يحتوي على أنواع القهوة
وطريقة تحضيرها المختلفة عن الأخرى
موضوعك جدا مفيد من ناحية التعرف على
أنواع القهوة المشهورة ومكوناتها
أخذتينا بجولة رائعة ومهمة لمحبي القهوة

انا أشرب القهوة العربية والقهوة السوداء السادة
والكابتشينو و الاسبريسو + القهوة المبردة الجاهزة ( مدمن قهوة )

مشكورة على الجهد المبذول يعطيك الف عافية

لاتحرمينا من القادم ​

 

[Dr.Saki~☆]

s h a d o w | 28-02-2024



السلام عليكم ورحمة الله وبركاته
كيف حالك جويلان العزيزة
أتمنى أن تكوني بخير دائما

موضوع عن القهوة خفيف لطيف . ما كتير بحب القهوة و مش مدمنة عليها بس لما اشربها بتعامل معها معاملة عصير عادي اشربها مع السندويش و احيانا اشرب ركوة مشان خلصها و نجليها << معك مشرع حفظ النعمة و عادي ما بتأثر فيني

اكيد بأثر الكافيين على الجهاز العصبي بس بحس تأثيرها على النوم نفسي عن تجربة متل ماما بتشرب قهوة و بتنام طبيعي بس لما تكون عم تشرب قهوة مجبورة مع ضيف او نحن نتحايل عليها تشاركنا بتصير تحكي انه حتسهر بسبب القهوة و فعلاً يومها بتسهر

نسيتي أهم فائدة للقهوة انها بتساعد على التنحيف و بتسد الشهية

نجي لأنواع القهوة اكتر شي نحنا منشربه بالبيت التركية ومنعملها ان نحط لكل فنجان مي معلقة بن نفسك بس اول شي منغلي المي بعدين منحط البن ومنستناها تغلي مرة تانية مشان يتشكل الوجه تعددت الطرق و نتيجة وحدة . و الها مسميات حسب نسبة السكر يعني يلي بدون سكر اسمها سادة واذا حطيتي نص ملعقة سكر صار اسمها على الريحة اما الوسط يعني ملعقة سكر و لسا في مسميات اكتر بس هدول المستخدمين اكتر .

وفي عنا قهوة اسمها قهوة مرة بتنعمل بالطنجرة (حلة او قدر ) ما بعرف طريقتها بالضبط هي القهوة بتضيف بالتعازي و بضيفوها مخاتير الضيع للضيف

وفي عنا كمان قهوة اسمها نسكافيه هي قهوة سريعة التحضير من أي ماركة مو ضروري نسكافيه و منعملها بنفس طريقة القهوة التركية

قهوة V60 ما جربتها بس بحسها قهوة ناس رايقة و عندها وقت تعمل خطواتها

القهوة العربية منحب احيانا نشربها برمضان و عيد الفطر ما بعرف ليش بس من ضمن الاجواء

وتذكرت امثال عن القهوة متل دلق القهوة خير - فوت رحلة مصر و لا تفوت قهوة العصر - القهوة من اليمين ولو ابو زيد بالشمال ولسا في كتيير

يعطيكي العافية على الموضوع صرت فرق بين انواع القهوة من موكا و لاتيه و الكورتادو وننتظرك بموضوع جديد

 

[Angelina Jolie]

s h a ɗ o w
18-04-2024

السلام عليكم ورحمة الله وبركاتة
كيفك جويلان ؟ ان شاء الله تمام و بأحسن حال
موضوعك عن القهوة يا سلاااااام
اي شو هل اختيار الحلو لنوع الموضوع
انا من عشاااااق القهوة
اشربها باليوم فوق 4 مرات و ما امل منها ابداااااا ​

مسائكم خير ، مرحبًا​

مساءنا خير و منور و مشعشع كمان كله من نورك
+ مو مرحبا وحدة الف مرحبا ليش نورك طفى الكهرباء
شفتك كاتبة بالمقدمة تبع موضوعك بالنسبة لشخص توجه للقهوة في السنين الماضية
و الآن شو عيني بطلتي تحبيها للقهوة و تشربيها يعني ؟ معقولة قدرتي تفارقيها بهل سهولة بعد سنين
^^ كيفني مع الدراما اعرف أسويها أو لا ^^
المهم انا متحمسة كتييييييييييير للأشياء الكثير الي عرفتيها حتى اعرفها انا بعد و متحمسة أكثر ل الطرق المختلفة لتحضير القهوة الي رح تعلمينا ياهم
+ حبيت انك رح تحكي عن الطرق القديمة و الحديثة الي تخص تحضير القهوة ​

مع نصائح لباريستا منزلية حبّت توفر فلوسها من الكافيهات​

اي اهم شي لان نوفر الفلوس حقت العيد و ما نصرفها شلون ما كان
كأنوا بالاخير مش رح ينصرفوا كلهم ع الكرشة المدللة
انا احب القهوة لكن ما بعرف شي عن تاريخها كأنها انتشرت في اثيوبيا لأول مرة ثم انتقلت لليمن هل معلومات أول مرة بسمعهم بحياتي مع اني لي بشرب قهوة سنوات بس ما خطر عبالي ولا مرة أن اعرف من وين انتشرت أول مرة
بالنسبة ل الآثار الصحية للقهوة
انا ما اظن أن لها آثار و حتى لو كان لها ما اقدر استغني عنها بحياتي
+ الاثر الوحيد الي بعرف انها بتسببه هو أنها بتسبب قلق ل الي يشربها بالليل ف ما عاد يقدر ينام و احيانا بتسبب الضغط هيك سمعت
بس بعد ما قرأت موضوعك زادت معلوماتي عن آثارها و فوائدها كمان
ك ان من فوائدها أن فيها مضاد اكسدة الي تقلل من خطر الإصابة بالأمراض
و ان فيها فيتامينات بس حصرا يلزم تكون قهوة بدون إضافة يعني سادة
بس انا ما أقدر اشربها سادة اطلاقا
هو بالعموم انا ماني من جماعة الصحة
كمان أن القهوة تطرد الاكتئاب و تقلل من تواجده بحياتنا "" يعني باختصار القهوة تجلب السعادة ي ناس ""
و اضافة أيضاً انه يقلل من خطر الإصابة بمرض السكري و الزهايمر
الله شو فوائد القهوة جميلة جدا و مؤثرة
معلوماتك ي جويلان القمرة حلوة و مفيدة جدااا
أما عن آثارها ف الي يكثر منها يلزم ما يكون عنده نوبات هلع عشان تكترهم
بالنسبة لي لو يدق طبل فوق راسي عادي اخر رواق
بس يبقى عنا أنها تسبب خفقان زيادة بالقلب و اظن عشان ذا السبب المهم ف عشان هيك ما يلزم نكثر قهوة للأسف
قصدك ب الي يعمل القهوة يعملها بكميات معينة عشان تقلل من الخطر
يعني ما لازم نعملها قهوة ثقيلة مثل ما الأغلبية يحبوها تكون وسط مسموح مووو ؟
انت قلت ان لو شربنا كميااااات كبيرة من القهوة رح نضر الجهاز العصبي
انا ما اشرب كميات كبيرة بس اربع فناجين باليوم مش كتيرة
ام بالنسبة ل حكيك عن تسبب القهوة ب حالات ادمان ف ذا موجود عند الكل عيني
كل الكرة الأرضية مدمنة عليها بكل ثقة بقولها
نجي ل انواع القهوة
القهوة العربية السوداء ذي ما اشربها ابداااااااا شفه وحدة منها تخلي رأسي يدق طبلة
بالنسبة ل القهوة التركية عجبتني طريقتها سهلة جدااااا نحط الدولة ع نار متوسطة ثم نضفلها معلقة البن المطحون اسهل من هيك مافيي + الطريقة تشبه طريقة عمل البن السوري بس الاختلاف الوحيد أننا نصيف للبن السوري سكر ع حسب الرغبة
بالقهوة التركية ع حسب ما قلتي انت أن يلزم ما نصيف لها سكر عشان تظهر طعمتها المرة جدااا "" للمعلومة ما بشرب قهوة مرة ابدا رغم اني مدمنة قهوة ""
القهوة الفرنسية
عجبتني اول طريقة قلتي عنها شوي من الحليب مع محلي البندق و نغليهم و خلصنا قهوتنا جهزت " استغنيت عن بقيت الطرق الفرنسية الي قلتي عنا ما اريد اضيع مثلك
راحت الرأس مطلوبة احيانا
بالنسبة للقهوة المقطرة ما الي بالعقد انا افضل كل شي سريع و مريح
ام المشروبات الاسبريسو احب اشربهم بالكافيه احس لهم نكهة خاصة براا البيت
ان لو عملتهم بالبيت تروح ذي النكهة الي احكي عنها '' ذا رأيي طبعاً
بس مشكورة ع النصايح و الطرق المختلفة و العديدة الي جبتيها لنا عشان نستمتع بشرب كوب قهوتنا بطريقة أفضل
أما للكابتشينو ذا له طريقة عمل واحدة عندي اروح السوبر ماركت اشتريه ارجع افتح الظرف احطه بالكوب ثم اضيف عليه الماء الساخن و احركه و هيك بكون خلص احلى و اسرع كوب كابتشينو بالعالم بالنسبة لي
انت ما تدري ان انا كسولة جداااااااااا و ما احب النشاط حتى كيف قاعدة اكتب لك هل رد الي اله ساعتين معي و مو راضي يخلص ما بعرف ​

بالنهاية ، شكرًا لوصولكم هنا​

اوووووه خلصنا لله الحمد
حبيبتي شكراااا لك انتي على الموضوع الجميل و على جهدك و كرفك طبعاً
صح تعبت و انا بكتب الرد بس استمتعت عشان الموضوع كان رهيب و عن شي انا كتير بحبه و هو القهوة
يعطيك العافية على تعبك و نشاطك و ابداعك الرائع
و ان شاء الله تبقي تنورينا بطلتك و ابداعك الحلو دوماً
دمتي بخير
​

 

[A I D A N]

-
السلام عليكم ورحمة الله وبركاته
كيف الحال جويلان المبدعة؟
ان شاء الله كلو تمام
كنت بدي امدح الطقم بس المشكلة ما يظهر عندي
شكله موقع الرفع ما يشتغل عندي لاحظت كثير مرات تصاميم ما تظهر لي وتظهر للكل
المهم نجي للموضوع القهوة وما ادراك ما القهوة عشقي القهوة
عن جديد صرت احب القهوة السوداء كنت ما كثير احبها
بس صرت شوي شوي اشربها واتعودت على طعمها
اعداد القهوة بالبيت افضل من ان نشتريها جاهزة
صح الواحد يقدر يتحكم فيها زي ما بده وعلى ذوقه
​

هذا غير فوائده كمشروب يحتوي على مضادات اكسدة عديدة، من ناحية انه يقلل خطر الاصابة بالاكتئاب ، امراض الكبد ، النوع الثاني من مرض السكري والزهايمر.​

قد سمعت ان القهوة لها فوائد من ناحية تقلل الاصابة بالاكتئاب لأنه يعزز اليقظة ويحسن المزاج
وان لها تأثير ايجابي على الدماغ عشان كذا تقلل خطر الاصابة بالزهايمر
بس انه يكون بشكل معتدل وغير ادماني
​

ممكن انه يسبب القلق ومشاكل بالنوم. ولكن مثل هذه الاضرار ما رح تجي الا بسبب كثرة استهلاك القهوة طبعًا.
ومن الممكن ان تؤدي الى العصبية وخفقان بالقلب وتفاقم نوبات الهلع.​

وبالضبط كثرته وادمانه تسبب اضرار كل شي وله سلبياته
​

هذا غير انه يسبب الإدمان الي يؤدي الى حالات سلبية اذا ما شربت كوبك اليومي من القهوة ..​

حالة الادمان هذي سلبية جداً لأنها تأثر بشكل كبير على الدماغ
وتخلي الانسان عصبي ومتوتر وانتشرت حالات كثيرة للأسف
بسبب ادمان الناس للقهوة وما يقدر الشخص يمر يوم والا يشربها
ولا بيخرب مزاجه ويصير سلبي لنفسه ولحوله وتأثر على تصرفاته
​

نضع نصف كوب من البن العربي محمص ومطحون في إبريق على درجة متوسطة مع كوبين ماء ملاع من الهيل المطحون من 10 - 15 دقيقة.​

انا دايماً اسوي القهوة سادة ولا مرة حطيت لها هيل مطحون
فشكلي بجربها واشوف ايش الي يختلف
​

- قهوة مقطرة ( بالأخص V60 )
باستخدام اييييي شكل من اشكال معدّات قهوة الـV60 .. تضع ورقة ترشيح على الوعاء. 20 قرام من البن المطحون ثم بشكل بطيء تسكب الماء الساخن بشكل دائري على 3 دفعات 50مل / 50 مل / 50 مل .. بين كل دفعة ودفعة طبعًا تنتظر حتى تنزل القهوة وتبدأ الدفعة التالية قبل ما ينشف الماء.
طبعًا التقنيات الي يستخدموها توجع الراس .. مو لازم مع / عكس عقارب الساعة و و وو ..​

لأ شو هيدا الطريقة معقدة
ما اعتقد بجربها صراحة

وبخصوص الحليب مع القهوة احس مستحيل اجربه
لأن طعمه يصير حلو وانا شخص يميل للطعم المر شوي ويكون سادة

الحمد لله عندنا القهوة الي نجيبها انتاج محلي وغير داعم للصهاينة
اغلب المرات ابوي يجيب من المحامص لأن تجي الذ وطازة من المحمصة

المهم يعطيك الف عافية على الموضوع
كثري من هالمواضيع المفيدة وابهرينا
بأمان الله

​