هايبارا سان & كونان كن

رديت عليك بلا منعرف انوا حسابك هههههه.....نعم انا لينا الان الان معنديش خمس دقائق ملي فتحت هذا الحساب

ليس كثيرا لكن اجل ......حبيت نسقسيك وش اسم قناتك فاليوتيوب

علابالي ..ههههههه...روحي ليوتيوب اكتبي القطط و الخيار...ههه..انا نظل نتفرج فيهم حتا ميشو تخاف منوا.....ههههه

ههههه بلاك ....ذرك نوكللها المشماش و نشوف......حتى هي تاكل حوايج القطط ميدوروش بيهم كيما البطاطا و الفقوس تموت عليم....لكن اللحم و الشحمة ماعندها حاجة فيهم .....كيرحنا عند بيت جدي في العيد خليناها عند بابا يشريلها الشواء و يعطيهولها متاكلوش قالي عدت نقولها وش حنوكلك عطيتلك اللحم مبغيتيش تاكليه اقعدي على روحك قلتلوا اي ما عندها حاجة فيه حار هههههه

هههههه .....انا الحق مش عاجبني اسم ميشو كيسقسيوني وش اسمها نقعد نخمم نحسوا مخجل مبعد نقولهولهم ينوضوا يضحك...ملقيتش اسم وحد اخر هههه....نعيطلها مشماشة

انا هي الكبيرة كلش يحصل في راسي ههههه.....عندي اختي داخلة للرابعة و خويا داخل للثالثة و خويا وحد اخر داخل للثانية متوسط......من كثر منهم مدللين و لاو متصوريش قداش وقحين سيرتو ختي ......ساعات نبغي نتلاح عليهم و نقتلهم و الله ههههه....ساعات حاجة هوما باغيين يديروها و كينقلهم انا عليها يبطلو تصدقي ربي يصبرني ......دبرتيها نتي هي الصغيرة

تاعي ينا تشوفيها كثرمن تاعك.....مرة دوشتها عدت كيما نجي ندخلها لدوش تخرج ظفارها و تلصق فيا هههههه....كين قربوها للباب تع برا ثاني تخاف ..متشتيش تخرج...و المصيبة كنعود نفرز نكنس فالدار تقعد تشوف معالمصلحة و تحوس تصوطي عليها كنقربهالها تهرب هههههه

هههه اسم قادر......عظيم ......نشا الله نتلاقاو.....عندك اخوة

تهبل......مبصح متشبهش لتاعي.....تاعي ثاني سيامو ذك نحاول كفا نصورها و نبعثلك تصويرتها مقلتليش وش اسمها

تقول راكي تهدري على تاعي حتى تاعي عينيها زورق هههههه.......انا من كثر مانحب القطط لوكان نشوف وحدة برا بلا ماوى نبغي نبكي عليها هههههههه.... منزلة في الكمبيوتر اكثر من 100 تصويرة عليهم......وش اسمها قطتك......تاعي انثا سماها خويا ميشو هههه