You live once .. (2 زائر)

J o u l Z · السبت في 23:58

-

السلام عليكم

كيف حال الجميع ؟

-فضفضة-

من زمان ما كتبت شيء ! صراحة مليت من مدونتي القديمة اللي لازم افكر وش اسوي ولا وش احط فيها قبل لاكتب خصوصا من ناحية الصور !

بخاطري تكون مدونتي لي انا بحيث تمثلني انا بما اختاره سواء حبيت يكون لها خلفية ولا لا.

يعني هذيك افكر وش اختار صورة متحركة ولا وش خلفية بحط ولا وش تصميم بسوي ولا ولا ولا

صار اذا بكتب شيء لازم اخطط وش احط قبل لاكتب خصوصا ان ذيك من زماااان مسويتها وكل ما فكرت افتح وحدة جديدة اقول لا حرام ووووو

وبعصرنا الحالي نادر ما الواحد يفتح لاب عشان يكتب في مدونته -ما اقول ما فيه بس قليل- الحين الواحد يفتح جواله ويكتب اسرع واسهل !

ولاني احب اكتب من سالف العصور ! وودي اكتب يومياتي بس كون مدونتي ذيك تقيدني بثيم معين صرت اتكاسل حيل حيل ويمكن هالسبب اللي مخليني هاجرتها من زمان

هالسبب اللي خلاني افتح هذي بدون قيود ولا ثيمات !

فخلوني ابدأ اعرفكم بنفسي للي ما يعرفني < بعد شنو

نجلا من قطر
عمري ٣٣ سنة
معلمة لغة انجليزية لصف ثاني ابتدائي
عاشقة لكونان واي شيء فيه تحقيق وغموض وجرائم
احب اصمم وسبق وصممت اشياء كثيرة هنا وهاوية رسم وكنت اترجم في ما مضى انمي ومانجا

هذا اللي بمخي حاليا
ان شاء الله كل يوم بكتب اللي بخاطري هنا

جولز

J o u l Z · الإثنين في 10:53

-

-يوم جميل-

السلام عليكم ورحمة الله وبركاته

امانة كنت بكتب امس بس انشغلت ما علينا
انا قديمة حيل بالتون يعني خلينا نقول اني سجلت فيه من ٢٠٠٨ (التون القديم) و٢٠١٣ (التون الجديد) تعرفت على كثير ناس منهم اللي بقيت على تواصل معه ومنهم اللي ادعي له بالخير وين ما كان ،
فمن احد التونيين اللي اقدر اقول اني اعتبرها قربا لي
@H U N T R E S S وخلونا نقول اني اعرفها من ٢٠٠٨
عموما قالت لي انها بتجي الدوحة عاد ما تتصورون فرحتي حيل حيل انبسطت وتحمسست في الحقيقة
تواعدنا نشوف بعض في محل فطور وافطرنا مع بعض وسولفنا حيل انبسطنا (يوم الاربعا اللي فات اتوقع ؟) وقالت لي ان امها واختها يبون يشوفوني بس مو الصباح

اتفقت انا وياها اني بشوفهم بكوفي ورحت له على ٤ العصر
(في الوست ووك) وحيل انبسطت معهم وكانت جلسة جميلة والجو كان يجنن جدا

هي عاد اول وحدة اشوفها بعد اسرار (صديقتي بالمدينة المنورة) والله لا يجعلها اخر مره يا رب ويدوم المحبة بينا
1ق

اجمل شخص ان تتعرف على ناس يشوفونك ويتقبلونك بطبيعتك انت مش انك تحاول تواكبهم او انك تضطر انك تغير من هويتك عشانهم

-

كون اني بإجازه فحاليا لناموا العيال بالليل تبدأ سهرتي <
فبديت انتقي الافلام التشويق والاثارة والجريمة وخلصت ٥ افلام بكتب عنها تدوينة اكيد واذا تستاهل تنشاف ولا لا !
حاليا اذا عندكم من نفس هالنمط قولوا لي شرط يكون مسلسل قصير او فلم

J o u l Z · الأمس في 22:44

-

-وجهة نظر -

المواجيب او ما تسمى الزيارات العائلية اللي لازم تروح لها
ولا الناس ببتكلم عليكم < اتوقع وصلت الصورة

وحده من صديقاتي مرت اخوها ولدت وجابت نونو تهبل الله يحفظها وقلت لازم اجيها لاني اعزها حيل
وكل مره ااجل ااجل ااجل لين جا اليوم اللي بروح لها

وديت قهوتي وفوالتي (حلا وسويت وما الى ذلك) ورحت لهم
انبسطت ححححيل والله استانست مع اني ما طولت معهم
بس قعدتهم ما تنمل خصوصا انها كانت برا وشب حطب وجو ولا اروع

عموما خلصت ورجعت ولا القى مسجات من اشخاص من زمان ما تواصلت معهم (زميلات عمل) اشوفك تعرفين تروحين لربعك ولا مريتي تسلمين علي (بيتهم قريب منهم) رديت بكل ادب ما امداني المره الجاية ان شاء الله وبكل بجاحة تعرفين متى تروحين ولمن تروحين له ولا تحسبين لي حساب وانا من زمان ادعيك لبيتي (ما ارتاح لها اساسا) قلت حياتي لصار عندكم مناسبة اعزميني وراح اجي وقت يصير عندكم شيء
راح اجي ولا راح اقصر وعاد انتي بعد مرينا ترا اللي ما يمر الناس لا يتشره (يعاتب) !

وانتهى النقاش هنا وللامانة تصادفني من هالنوعيات واجد حتى بالعائلة يخي قدر الظروف راع الناس يمكن هي ناوية تجيك بس ما جاها مجال ولا تحكم على الناس لانها زارت ولا وجبت احد بمناسبة ما ولا جاتك !

ما ادري اذا اسميه نضج ولا عدم مبالاة صار كلام الناس ما يهز فيني شعرة والله مع ان قبل كنت اتأثر واجلس ابكي ووو بس الحين يا جبل ما يهزك ريح

صح تذكرت بديت مسلسل ياباني مدري اذا سمعتوا فيه
Alice in boardland مبدأيا يذكرني squid game مع اني ما شفته بس نفس الفكرة
زوجي قالي نفس فكرة مسلسل saw حتى هذا ما شفته

اذا اي حد عنده مسلسل قصير او فلم جريمة وتشويق يقول لي والله ابي

صح التدوينة الجاية بسوي قائمة لافلامي اللي شفتها
ودي ارجع وكالتي < بال هاجرتها انا من زمان اذكر حد طلب مني شيء وما سويته واساسا وكالتي اختفت

ودكم ارجعها ؟ اذا ايه ما راح اسوي اطقم مواضيع < برا

جولز

العنوان	المنتدى	الردود	التاريخ
I could show you incredible things	مجتمع المدونين ☕	12	7 أغسطس 2023
28reasons that ruined you, you don't have to know	مجتمع المدونين ☕	0	22 يونيو 2023
If you hide from all storms, how will you grow?	مجتمع المدونين ☕	1	20 مايو 2020
『 You Never Walk Alone ʕ •ᴥ•ʔ 』	مجتمع المدونين ☕	12	8 مايو 2020
Angels are like diamonds. They can't be made, you have to find them.	مجتمع المدونين ☕	9	27 فبراير 2020
√ You can call me D O C T O R √	مجتمع المدونين ☕	14	30 مايو 2019
!I didn't slap you, I high-fived your face	مجتمع المدونين ☕	150	6 سبتمبر 2018
!!You've Been Garthed	مجتمع المدونين ☕	4	27 أبريل 2017
Words can only help you if you speak them	مجتمع المدونين ☕	26	15 مارس 2017
♪ ♩ Do what makes you happy ♩ ♪	مجتمع المدونين ☕	1	23 ديسمبر 2016

طوفان الأقصى - #غزه_تحت_القصف - القدس تنتفض - فلسطين حرة

You live once .. (2 زائر)

J o u l Z

There is only one Truth

J o u l Z

There is only one Truth

J o u l Z

There is only one Truth

المتواجدون في هذا الموضوع

المواضيع المتشابهة