لما شفت هاللقطة وأنا أشاهده استوقفتني
لأنها البطلة استرجعت ذكرياتها مع والدها المتوفي لما شافت بس مشهد بسيط أب مع بنته
ذكرني بنفسي كلما أكون أمشي أو أي شيء وأشوف أي مشهد ولو كان بسيط أجلس أتأمل والحنين والشوق يجتاحني
حتى مزاجي أو نفسيتي ممكن تنقلب بيوم لأنها بس تيجيني لحظة ادراك كل هاللحظات والمراحل في حياتي راح تمر بدونه وبدون وجوده
أنا لم أستقبل أبي في بيتي
ولم أذهب إليه حين يحزنني الزمن
لقد هجرني مبكراً جداً
رحم الله أبي وأسكنه فسيح جناته وغفر له
-
استوقفتني هاي التغريدة وفعلا جدا أشكر والدي المتوفي لأنه كان داعم لي سواء بشكل مادي أو معنوي خصوصي بشكل معنوي
لأني كلما بضعف أو بستسلم بتذكر كيف كان يحرص على تعليمنا أنا وأخواني هو وأمي ولما أساعده في أي شيء كان يقول لي بشوفك ممرضة أو في مجال طبي لأنك تحبي تساعدي الناس وفيك رحمة
كان داعم بشكل جميل , ووقت التوجيهي كان أحن علي نفسي حتى في مرة جبت علامة ما كنت متوقعتها بمادة درستلها كثير وكنت ببكي ومنهارة ووقتها طبطب علي وحكالي بالنهايات بتزبطي مش معيار بداية التوجيهي المهم النهاية ووقتها حسيت الموضوع أخف بكثير
حتى كان حريص ندرس كلنا هو وأمي ويشجعنا لو اخترنا طريق غير الهندسة والطب , وكان يشجع ولو شيء صغير يعطي رأيه وجد يكون شايف فيني وفي أخواني مستقبل
كان يحب التعليم ونتعلم , وكان يشوف التعليم مهم خصوصي للبنات لو شو ما جابت المهم تدرس وتصير , بستمد اني أضل قوية من ربنا وامي وهم , وأبوي لأنه كافح لحتى عاش وعمل مستقبل له
دايما بشكره من كل قلبي لأنه ما قص جناحي وعلمني أطير وأكون على قد نفسي وشطورة ودعمني بكل طاقته , وبكل ما فيه دعم وأعطى وهالفضل راح أضل متذكرته لو قد ما صار عمري
ربي يرحمه ويغفر له ويسكنه فسيح جناته
-
من فترة وانا قاعدة بفكر كثير بتخطر عبالي أفكار لأني بكون بفكر بمليون شي بنفس الدقيقة لأني انسانة عندها over thinking
كنت بفكر شو حابة أعمل للمستقبل لأنو بحس العمر بمضي والواحد لازم يجهز أو يخطط لأشياء حابب يعملها
كنت بفكر ان شاء الله بجانب مهنتي وشهادتي الجامعية بس أنهي منها بالمستقبل ان شاء الله يكون لي معرض تصوير أو صور يعني صور أصورها من نفسي وبكاميرتي
وأنشرها على موقع صور الكتروني لأني من الناس اللي تعشق التصوير وتوثيق السماء وغيره بس لما أنطفي أو أفقد الشغف ما أعود الصور
وبرضو حابة أتعلم الرسم والتلوين الرسومات بحسها هواية ممتعة خصوصي لما تكون انسان كتوم وتيجي أشهر وأيام ما تقدر تفضفض بتحس هالألوان والرسومات قادرة تعبر عنك , وصير أنشرها وما بتفرق في منها دخل مالي لو لا هيك لتطوير موهبتي وأغير جو عن المهنة والحياة الروتينية المعتادة
حابة أتعلم الفنون القتالية , سبق وقلت اني بعشق kick boxing وغيرها من الفنون القتالية بحسها بتعطي قوة ولياقة , ومهمة خصوصي للبنت
وبرضو حابة أكون أكتب روايات لأني جد بحب هالشي ومن صغري كنا أنا وأختي نحب نكتب روايات , الكتابة جدا مهمة وتخلي الانسان فصيح وتنمي موهبته ولغته , وتفيد الكتومين لأنهم ما بعبروا بالحكي بعبروا بالكتابة , حلو الواحد يكون كاتب مشهور بجانب مهنته العادية
كثير بحب الطموح والهوايات بعشق شي اسمه أسافر وأغير وأشوف الحياة , واني ما ضل على نفس الشي ضل أجرب وأتطور وأغير جو
ما بحب أنطفي ولا أفقد شغفي حتى دايما بدعي انو ربنا ما يبتليني اني أنطفي أو أفقد شغفي لأنو جربت هالشغلة وكثير كانت صعبة علي وبدعي للناس نفس الشي كمان
لأنو ما أحلى الانسان يعيش ويجرب ويكون مشمس ولو بأبسط الشغلات مو شرط هوايات وأشياء كبيرة وصعبة عليه
لو كانت مجرد كروشيه ولا خياطه كويس جدا , المهم ما يضل بدون شغف وروح للحياة وطبعا الناس نفسيات وتجارب وظروف مو الكل يقدر يحب يغير ويجرب ويغامر
حبيت أحكي عن أحلامي وطموحاتي
دمتم بخير وبأمان الله
-
هاي التدوينة تابعة للتدوينة اللي قبلها xd
من طموحاتي الباقية وهواياتي أتعلم لغات ومو بس وحدة أكثر من لغة , بحب اللغات وخصوصي الاسبانية الايطالية , والروسية هدول أكثر شي بحسهم واو لما الواحد يجرب ينطق فيهم
بحب أسافر وبحب الدول أكتشفها وأتعمق فيها , مثل سويسرا وكندا , ألبانيا , وغيرهم من الدول جد بحبهمم وبحب أكتشف طبيعتهم وأجلس في بلدة هادية لأني انسانة تعشق الهدوء والسكينة
بحب الدراجات النارية يمكن غريب هالشي بس بحبهاا وبحب الاحساس اللي بتعطيه من سعادة وشعور واو , وبحب أكتشف فعاليات وأغامر بس لو كانت خطرة بزيادة لا بخاف على نفسي xd
بحب الخط العربي بشكلل كبير وخصوصي نوع الخط الرقعة زمان كنت أروح مع أختي عند حدا ونتدرب بس وقفنا وكانت أحلى تجربة كنت صغيرة وقتها بس راح أرجع أكررها ان شاء الله , بطمح أصير بجانب مهنتي خطاطة وأعرض ومو شرط للبيع ودخل مالي بس هيك للمتعة وأطور من نفسي
من الهوايات اللي حابة أجربها العزف على أي ألة مو شرط يعني أشتغل فيها بس هيك أغير جو وأجرب شي جديد , وحابة أتعلم شطرنج ولغة الاشارة بحس بتشدني أجربها وأتعلمها
بحسها ضرورية مع الناس اللي بعانوا وجد ممكن يكون الواحد سبب في ينقذ لأنو بحسها مهمشة محدا بهتم فيها
اكتشفت اني كلما بكبر بالعمر بحب أجرب هوايات وبحب أغير ما بحب أضل على نفس الشيء لفترات جدا طويلة يعني مثل سنين , بحب أجرب كلشي وعقلي بفكر بكلشي حابب يجربه بنفس الوقت
ربي يقدرني ويقدر كل من قرأ التدوينة ويعمل الأشياء اللي بنفسه فيها
دمتم بخير وبأمان الله
-
كان أصعب وقت مضى في حياتي ويعتبر للأن صعب وبجد بحس مهما أكبر بضل أتذكره
هو وقت ما والدي المتوفي رحمه الله دخل غيبوبة والمستشفى ضلوا مخليينه بغيبوبة لحتى يعرفوا يسيطروا عليه لانها كانت حالته مرة تتحسن مرة تتراجع
أتذكر قضى 25 يوم وكانوا أصعب أيام في حياتي بين كلمة تحسن وبين ما تحسن وتمضي الأيام على هالمنوال
وبالتزامن هالأيام كانت مع اختباراتي الوزارية والتحضير لها بس كنت أدرس بجهد لحتى جهده ودعمه لي ما يروح هباء رغم العجز اللي فيني ومو قادرة أعمل شيء والوقت قاعد يمشي وحالته نفس ما هي
مشاعر وأمور كثيرة حصلت ولما أنظر للأيام هاي أحمد ربي اني طلعت منها , وربنا ساعدني وحن بأيام ما شفت فيها غير الدراسة وكيف والدي
والحمد لله ربنا راضاني على تعبي ووقتها جبت معدل كويس جدا
ف لما أتذكر وبالتحديد امبارح وانا جالسة بقول انو جد رحمة ربنا ولطفه في البشر غير حتى في أصعب أوقاتهم ينزل أشياء تسعدهم وتداوي جرح قلوبهم
وبالوقت الصعب يكون في أمل من عنده وعلمتني الفترة هذيك الحمد والشكر حتى بوسط الصعوبة
مع اني كنت أريد يعيش مطول وأعمل أشياء معاه وأحكي , حتى قال لي بمرة راح ناخذ صور جماعية وقت التخرج وعدت والواحد تخرج وما كان للأسف
بس رحمة ربنا كانت ألطف وأحسن , والدرس من الوقت اللي مر علي ضل أشكر بربنا وأحمده على لطفه ورحمته وبرضو انتوا مهما كان الظروف السيئة اللي تمروا فيها لازم الواحد يحمد ربه على نجاته من أوقات كانت مدمرة له واللطف اللي نزل عليه من ربنا بوسط كانت محتاج شوية فرحة بس
وكتبت لعل أحد يستفيد بشكل ديني
دمتم بخير وبأمان الله
_ أكثر شيء مشتاقتله هالفترة هو البحر تحديداً بحر عكا
لي ذكريات جميلة جداً مع والدي المتوفي رحمه الله هناك كنت لما كنت صغيرة بالأعياد وغيره ياخذني شو كنت أنبسط مع اني كنت صغيرة ما بعرف هاللحظات شو بالضبط طفلة
حتى بتذكر مرة كنت خايفة من البحر وبحكم لاني طفلة خلا الزلمة يمسك ايدي ويفوتني وانبسطت رغم خوفي
ولي ذكريات ثانية مع البحر اتمنى تنعاد من شدة جمالها وجمال ذكرياتها ، جد كنت أعتبره منفس وبعطي كمية حرية وراحة نفسية سبحان الخالق
أخر مرة رحته ب ٢٠٢٣ لان وقتها بعدها حرب صارت ومنعوا ندخل بدون تصاريح ومعقد حالياً ، هو بالداخل الفلسطيني مش ضفة *
يأتيني حنين شديد بس أشوف الصور يارب لنا رجعة لاني اشتقت جداً جداً له
-
أنا من أشد المحبين لل deep talks أكثر شغلة بحبها في الصداقات وغير الصداقات يعني بالعلاقات الاجتماعية بشكل عام هي deep talks
انه الواحد يتكلم عن مخاوفه أو عن طموحاته , عن اللي يوجعه من حياته , امنياته وان كانت صغيرة , حبه للأشياء وان كانت مغنيين أو أشياء يحسها البعض سخيفة
ممكن أسرار لأن الكل ما يحب يقول أسراره , مخاوفه وانجازاته حتى لو كانت صغيرة
أحب اني أجلس بالساعات أتكلم عن الشيء اللي بحبه لو كان مثلا شخصية زي شارلوك هولمز أو غيره
مع اني أغلب حياتي كنت مستمعة ما أتكلم أحب أعطي حلول وأسمع الطرف الثاني أكثر مما أتكلم , بس بحب أكون مرتاحة مع الشخص اللي قدامي لدرجة بحب أتكلم عن الأشياء اللي أحبها وان كانت حسب الظن صغيرة
وبحب الشخص يسمعلي بكل أهمية وكأنه موضوعي أثمن شي قاعد بنحكى , حتى لو كان عن بسس وكم أكلوا وهيك
بحس deep talks من أكثر الأشياء اللي ممكن تقوي العلاقات الاجتماعية وتبني الثقة بين الطرفين , بتخلي الشخص مرتاح وبزول الجمود والجدار اللي بين الشخص واللي معاه
من أكثر الأشياء اللي بحبهاا وبحسها ثمينة بالنسبة لي , انو هالشخص يتكلم معي ساعات يشرح لي عن اللي بحبه ومشاكله وان كانت صغيرة حسب ظنه ببني بيننا ثقة وان كانت بسيطة
خطر ببالي هالكلام وأنا أفكر ف قلت عن الأشياء اللي بحبها
دمتم بخير وبأمان الله
.gif "At (490) و3")
.gif "At (208) ض0")
.gif "At (209) ش2")
.gif "at1 ق1")
.gif "At (448) ض2")
.png "At (116) حز88")
.png "At (154) ق6")
.gif "At (138) ه1")
