انمي تون AniMe TOoN

ايييه نفس إحساسي لما خلصت الفيلم
أنا أصلًا صدمتي الأولى بالفيلم بعد مرور نص ساعة .. لما دخلوا بيت ذيك العيلة ورموا الشايب لأنه ما يقدر يوقف ولما خلوا الناس ينحاشون وقعدوا يقتلون فيهم هنا بدت الدهشة عندي ودخلت جو -إنسان يعشق النكد والتعذيب النفسي والقتل بالأفلام-
قصدك اللي ساعد البطل ؟
هههههههههه زين أنه عجبك ، أفرح لما حد يشوف شي من اختياري ويعجبه

اوووه خلاص عيل احنا أصدقاء دام فيه تشابه بأذواقنا تتابعين مسلسلات ولا ؟
والله شكله كل شي صار مُعدي هاليومين لاحظت هالشي
آهااا.. ما أعرفه مع الأسف =\

اوووه هذا المشهد بالذات شهقت ذيك الشهقه
و اختي ارتعبت ما درت ايش عندي
و من بعدها كل دقيقتين تلاقيني اكلم نفسي ( يا الله , يا ساتر )
و اختي تقول ايش فيه اقول لها الفلم
كان شكلي مخبوله بالنسبه لها
ايه الي ساعد البطل كان ودي لو ساعده

انا متفاجئه لقيت حد عنده نفس الذوق
اكيد اصدقاء الدراما بس ما تذبحني الي بتذبحك عشانك منزل افلام دراما
كل ما اكلم حد على ذوقي يعطوني نظره كاني من عالم ثاني
و اخواني سبوني قالوا اني ممله و بايخه
احب الانمي و الكوميديا بس الدراما و الحياه لها جانب مختلف مني

اشكرك على الفلم باجلس مرجوجه يومين و بعدين امسك بالفلم الي بعده
+ ودي اتابع مسلسلات بس دايما تكون طويله و نتي ما يسمح
يلا بالكاد جبت نت الثلاث الاشهر هذي

ههههههههههههه عادي عادي أعرف هالشعور تصير لي وايد وأنا أتابع
يب مسكين ذاك
يب يب صعب ألقى حد يشاركني الذوق
لا لا احنا بنتوسط لبعض وما بتذبحنا
اوووه ياما انتقدوني الناس ع ذوقي سواءً بالأفلام أو الأغاني بس ما علي منهم

هههههههههههههه تأثير الصدمة
فيه مسلسل بعد كل حلقة أتابعها تجيني نفس الحالة ذي وعشان كذا مستحيل أشوف حلقتين ورا بعض من هالمسلسل xD
اسمه Black Mirror .. سألتك أصلًا عن المسلسلات عشان أقول لك عنه
اوووه الله يعينك

هههههههه اذا عادي تعال فهم الي عندي محسسيني اني مسويه جريمه
اوه اشوى كنت باجهز نفسي للذبح بس ما دام نتوسط لبعضنا حلينا المشكله من غير سفك دماء
يب يب احنا مميزين مو احد بيفهم ذوقنا الفريد
بس بعض الاحيان اخواني يسبوني لما اسمع شي و لا اتابع شي و اشوفهم يتابعوه بعد مده
بتخليني ابكي الحين حاجات كثير فوتها حتى بالانمي بسبب النت الغبي حتى المنتدى انقطعت عنه سنه كامله عشان النت

هههههههه ما عليك منهم هم نفسيات أصلًا واحنا الطبيعيين
اييييه نضبط بعض
يب يب احنا مميزين فعلًا مقهوريييين هههاي
ما فهمت ليش يعني يتابعونه ويسبونك ؟ قصدك يعني أن مو عاجبهم ذوقك ؟ xD
الله يعينك .. خلاص صار لازم نهاجر أصلًا < برا

هههههه لا لا احنا فريدين من نوعنا ليش ننحط مع العاديين لنا قائمه لوحدنا
مدري عنهم هم يسبوا بالاول و بعدين اكتشف بعد مده من السب انهم بدؤا يتابعوا و ما يبغوني اعرف
و حتى العطور يقولوا ذوقي مو حلو و بعدين يسرقوا عطوري
و اختي قبل مده قعدت تسب باغاني فرقه اسمعها و تقول اني اهد البيت و بالاخير لقطتها تسمع نفس الاغنيه
هههههه اختي عندها فكره احسن ندور كنز قارون و بنعيش بنتات و مسلسلات

بعض الاحيان اقرا روايات بما انها مالازم لها نت بس صعب تلاقي شي حلو مترجم اغلبها روايات حب
لازم تقرا روايه طفل اسمه نكره القصه حقيقيه و صاحب القصه هو الي كتبها بكيت لين شبعت و انا اقراها

أتفق
هههههههههههه أما كذا نظامهم
ذكرتيني بأخوي أول ما بديت أسمع تركي قعد يقول وش جوك .. وبعدها بفترة لقيته يسمع
فكرة أختك مو شينة بعد يلا مشينا ندور

عاد أنا من فترة وأنا أبي أقرأ روايات بس كله أأجل مدري لمتى فيه رواية شريتها من ٦ شهور يمكن وما قريتها للحين
-يروح يدور عليها- اوووه شكلها حلوة وتقييمها عالي
حطيتها بلستتي المستقبلية إذا صرت أقرأ وكذا يعني

اوه نفس اخواني حتى الاخوان متشابهين
الروايات اذا لقيت روايه حلوه و بديت فيها ماراح تقدر تفكها الا لما تخلصها
المشكله انها تكون طويله بعضها قد يوصل 500 صفحه فاذا ما عندك صبر بتنجلط

في روايه الطريق سوو عليها فلم بس ما تابعته الى الان
رحت اقراها وصلت صفحه 15 و لساتهم يوصفوا الطريق نادر ما تلاقي حوار بين الاب و ولده الصغير
و بعدين طفشت من الطريق الي ما خلص و وقفت اقرا
+قد شفت فلم الاعجوبه عندي الروايه بس ما قريتها الى الان مدري اقرا الروايه ولا اشوف الفلم

دخلت من الجوال وقريت رسالتك.. قلت بصلي وأدخل باللاب أرد عليك.. ونسيت طبعًا ما شاء الله علي
ههههههههه عجبتني حتى الاخوان متشابهين
يب يب هذي المشكلة ، خاصة مع الدراسة أتكاسل وكذا
أما ١٥ صفحة وصف للطريق هههههههههههه أستغفر الله xDD

الأعجوبة قصدك wonder ولا فيلم ثاني ؟ < لأنه أمس بس طلع لي قدامي فجأة وقلت هذا نسيت ما أشوفه للحين ف احتمال أشوف هالأسبوع بما أني بإجازة xD
شوفي بالنسبة لك ش تفضلين تقرين أو تشاهدين + شوفي آراء الناس حول الفيلم وإذا مقتبسين القصة بشكل زين ولا مخبصين .. وقرري

ههههه ما عليك خذ راحتك عادي
اذا بتكسل خذ نسخه مسموعه كل المكسلين ياخذوا النسخه المسموعه
تصور كل شوي يمشي البطل مع ابنه يتكلموا كلمتين و الباقي يعطيك وصف مفصل لكل زاويه من زوايا الطريق و كل شوي اطالع برقم الصفحه ابغها تخلص

ايه هذا الفلم انا اصلا سمعت عن الروايه و بعدين عرفت ان لها فلم لان في كثيرين عندهم تشوهات قرؤا الروايه هذي و حفزتهم للحياه فحبيت اشوفها
اجل اذا شفته و عجبك وصيني عليه
و شكرا على النصيحه على اني باخبص كثير لان اغلب الاراء الي بتعجبني عند الاجانب مو العرب

+بعض الاحيان يكون تخبيص الفلم حلو من ناحيه و الروايه حلوه من ناحيه
شفت فلم على مريضه بالسرطان كانوا بيجبروا اختها تتبرع لها بكليه و هي رفعت قضيه عشان ما تتبرع الفلم اخذ منحى مختلف عن الروايه حتى المؤلفه اعترضت و ما عجبها التغيير و من ناحيه القصه بالفلم ما كانت واقعيه من ناحيه نفسيه الشخصيات بس كان حلو كفلم و الروايه ما لقيت لها ترجمه بالعربي مجانيه فما قدرت اقراها عشان احكم اذا حلوه او لا

أما لا ما أتخيل آخذ مسموعة
ههههههه أمااا تخيلت الطريق بس من كلامك عنه
آهاااا .. اوك ولا يهمك
اوه عاد العرب بالذات ما ينأخذ بكلامهم
يب يب أحيانًا ما يكون التعديل سيء .. بس بنفس الوقت أحس الأفضل تشوفين الشي برؤية الكاتب الأصلي بدون تخبيص يعني
أما اللي يخربون القصة ف هذي حكاية ثانية بعد