نضحكك خطرا صحبتي كنت نهدر معاها ايا هي تفليكسي ماشي بالمودام المهيم بغات تشوف شعال باقيلها من جيڨة و هي تليفوونها مرنك و يتبلوكا ايا لقاتها 106 هههههه ايا قاتلي الله يجيبهاله قاتلي قل عليه قاع النيميرويات بانله غي دا ههههههههه
اودي الماكلة غي سكتي خمس حبات برقوق مع نص حبة اناناس ايا و الحريرة عجبتني غي مين جوع و صاي و الزيتون ينتكل و السلاطة مليحة شابة ههههههه.
العريس كون غي جا شباب كي جونغكوك اودي نيلحقهش حتى في راسه راسه كيما البتية و الدلاعة كبير بزاف ايا كي دخلوا للاصال ايا ولا مطلع راسه للبلافو تحسب حشمان و...
قتلك رحت للعرس
ايا مولات الديجي خايسة متعرفش دير الاغاني ايا ولات دير غي تع بكري و العروسة تهبل ماشاء الله و العريس نيفه قاع درك العروسة و ماشي شباب و لومبيونس مكاش ڨاع بصح رڨصت الحمدالله على وحد الاغاني و قعدت مڨصرة مع الشيرات ههههههههههه