كيف تصيري زي الكوريات بدون رجيم (1 زائر)

[Ritsu Taanaka]

بسم الله السلام عليكم
اول شي اقرو لللنهااااايه وعد
مين تبغى يسير جسمها زي الكوريات
نحيف وصحي وتلبس اي شي
وتعرفو شعور لما تلبسي مقاسك*
ويقولولك لا هادا وسييع عليكي
يبغالك اصغر وااااو وناسه صح
بدل مايجيبولك اكبر من مقاسك
بتلاته مقاسات
طيب انا ححقق الامنيه
بشرررررط*
المتابعه والاستمرااار المتابعه والاستمرار المتابعه والاستمرااار
+
ياوووووووويل الي تسوي رجيم حاكلها ههههه
بس منجد ياويلها هي الخسرانه
يلا نبدا

النظام ::: تمشي عليه بالمليي

اليوم الاول اتنين خس كل ساعتين

ومويه طول اليوم
استهبببببل ههههه لا يكون صدقتو ياويلكم
لو سويتها
دحين نبدا جد
الفطوور ولا وحدة تفكر حتى تفكر تفوت الفطور
ايام المدرسة الفطور ستة
او خمس
ونص على حسب
دوامكم
المهم قبل الدوام بنص ساعه
الفسحة
من البيييت
عباره عن فاكهة + ساندويش =توست خبز عربي ولحسة لبنه جبنه مربة
لحسة مو حشي واحسن شي زبدةالفول السوداني (للفطور)
يعني الساعه 6 او 5:30
نكمل*
بالنسبة للفسحة الي تتحمل افضل انها
تجيب فاكهتين تفاح موز خوخ كبير الخ
بدل الساندويتش
خاصة اذا فطرت زبدة فول سوداني
او بالاصح لحسة فول سوداني
او اللي تحب نوتيلا بس عالفطور ولللحسة
بسس
مووو كتير
لا تتحمسو
وترا الفطوور مهم لانو يساعد على الحرق
وكل ما كان صحي كل ما كان احسن
طيب نكمل
المدرسة:لا تاكلي
شبس
شوكلاتة
حلويات
جبنتهم زعترهم
الخ...............
لانها تسمن عالفاضي
جيبي معاكي قارورة نستله او نوڤا
الكبييرة
اسعارهم مناسبة ومويتهم تشهي>~خبله
بس هم احسن مويتين عندي
وسوي تحدي تخلصي القاروره
حقت اللتر
عندك 8 ساعات على لتر وااحد
تقريبا
حاوللي
واللي يضحك عليكي طنشيه
هم الخسرانين
وانتي اللي بيسير جسمك حلو والاهم صحي
نكمل*
الغدااااء:طبعا هادا موضوع لحال
ماحقلكم دجاج مشوي والخرابيط حقت النت
الي تجبلي المرض لا اذا كان مكرونه حطي شوووويه
اربع او تلاته ملاعق اذا بشاميل حطي ربع نص الربع حطي قليل
اتنين اذا كان غداكم رز
كلي 3 ملاعق طعام موو غررف
الي قد الباب
لا الي ناكل فيها
وشوييية لحم او دجاج
على حسب الطبق الرئيسي
و الفراغ الكبيير المتبقي
عبييه بال






سلطه من غير صوص سلطة
فيها خس شوية جبن خيار طماطم
الخخ...
وكليه شويييه شويه
يعني الملعقة الي تحطيها
في فمك دوقيها فكري في طعمها
مكوناتها وامضغيها 30 مضغه عالاقل

بعدين بعد الغداء بساعتين*

كلي طاسة فواكه جهزتيها *قبل ساعه
عبارة عن
فراوله مقطعه شوية توت
كمثرة مقطعه خوخ الصغير مقطع شوية مشمش
اللي تشتهي بس حطي شوية عشان حيسير
كتير شويه من هنا شويه من هناك
المهم بعدين خليه على جنب وبعد الغداء بساعتين
كليه قدام التلفزيون وانتي تلعبي وانتي وانتي
بدل الشبس
والخرابيط*
انا عن نفسي احب اكل بالعصيان الصينيه
انتي على كيفك. شوفي اللي يناسبك
بس لاتحطي للفواكه اي شي
لا صوص ولا شوكلاتة
ولا عصير ولا سكر ولا زبادي ولا شي
بعد ساعه
انا عندي يكون 5 تقريبا او 4:30
انتي على حسب
المهم تسوي رياضة اول مرة ربع
ساعه او عشرة دقايق وبعدين قولي جات عالخمسه انا اقدر وكملي الين ماتسير ربع ساعه
بعد *اسبوع نص ساعه
وهاكذا اللين ماتسير عندك لياقه
وتقدري تلعبي لاكتر من ساعه
يعني من العصر الا المغرب

الرياضات:
انا احب الترامبولين
النطيطه النقيزة اللي هو اللي تنطي فوقها
عندنا بالبيت وحدة كبييرة
وعليها شبك احب انط واتشقلب
وانا حاطه الايبود على اعلى شي
عشان اتحمس
واحط اغاني ترقص
واغاني اهدى عشان الواحد يهدي
فالبدايه وبعدين يتحمس بعدين يهدي
وكمان احب السيكل الي بعجلتين
وممكن الحلقه الدائريه
الهيلا هوب ممكن نط الحبل
انا ما احب الرياضات زي المشي
وهادي الاشياء تطفشني
بس احب الاشياء الي تحسي انك تلعبي
فيها مو تسوي رياضة
وفكري بهدفك اللي هو جسم صحي قوي
بالنسبة للاغاني او الاناشيد على حسب كل وحدة ايش تسمع*
اذا كانت اغلب اغانيكي او اناشيدك مدتها
3 دقايق ف 10 اغاني/اناشيد
تساوي ربع ساعه
اذا كان مدت الوحدة تلاته دقايق
يعني نص ساعه*
20اغنيه/انشوده

واللي تستحمى تحاول تستحما بعد
ربع ساعة
عشان القلب يهدى وجسمها يهدى ويبرد
شويه

عشان لايصفقها الهوا
الشد العضلي بسبب التمارين
شي حللو
لانو بدت اماكن ماعمرها تحركت
تتحرك فاستمري مو تقولي اي وما اي
لا العبي وكملي كل يوم العبي
ولاحظي انا قلت العبي
مو تريضي يعني اعتبريها لعبة حلوة
مو رياضه متعبة


اما ايام الدورة فمشي بس
مشي عدل*
لانو ماينفع تنطنطي وتعرقي وتستحمي
لازم جسمك يرتاح وبرضو يتحرك
ف امشي


العشااا
مو تطلبي
ولا تاكلي كبسة وسمك وهباله
كلي اشياء عاديه
وخفيفه
مثلا
زبادي ابيض نااصع البياض
مو نكهات
يعني بالعربي. رووب
سبعة تمرات مع كوب لبن*
و افضل تكون الالبان عموما
قليلة او منزوعة الدسم

*مثلا جزرة
خياره
كنت وانا صغيرة اكل الجزرة واسوي نفسي
بقز بني ههه
عشان ماكنت ابغى انام بدري
فكنت اكل خضار يعنني قاعدة اكل
اخر موعد للعشاء 6:30
بعدها قفلي فمك بس مويه
والنوم 9:30 او 10
والاجازة 10:30
11:00
والله عشان صحتكم تروح الهلات السوده
والبشرة تورد
وتركزي بالدروس
وتحسي نفسك مرتتتااحة
و لازم 3لتر يوميا
اشتري زمزمية /مطارة
500 ملي اشربيها 6 مرات
او 3قوارير نستله او نوڤا الي سعتها
لتر تقريبا
وحدة في المدرسه
وحده في فترة مابعد المدرسه
والاخيرة بالليل
هادا نظامي شخصيا من وانا صغيرة
وبعدين خرربت ونفشت
وناوية اكمل لاني في فترة قبل نهاية السنه
بشويه هفت مو نححفت وطلع شكلي
رهيب وحصلت ملابس اسرع ووو
وكان باقيلي كم كيلو وخلاص
لاكن وقفت ونفشت عالعموم ناويه ارجع
لانو مو رجيم لا هادا نظام حياة صحي
وانصحكم فيه
بلا رجيم بلا شاي بلا خرابيط

لما تتبعو النظام حتحسو بفرق وسعادة
ومخكم وبطنكم حتتبرمج عالكميات القليله
فهداك الوقت لما تاكلي شوكلاتة ما حتاكلي الف
حتاكلي قطعة لانك تحبي نفسك وجسمك
وتهتمي فيهم*
لازم تحبي نفسك مو معناه تسيري مغرورة
معناه انك تحافظي على هادي الامانه
الي ربي عطاكي اياها
وتهتمي فيها وتلبسيها ملابس حلو وكشخه
وتفرحي وترتاااحي نفسيا بس عاد اقري
على نفسك لانو جسمك حيكون جونان
جربيي مو خسرانة شي
اتركي التلفزيون والابتوب
مو اربع وعشرين ساعه
لتحركي نطي اجري*
بطلي تفتحي التلاجه وتحشي
بطنك مو زباله ترمي فيه اي شي
حرام عليكم جسمكم مايستاهل جسمكم*
مسكيين يبغى حياة صحيه
مايبغى يكون زبالة
والمشروبات الغازيه
انسو شي اسمو ببسي وكوكاكولا
ايش منظفات حمام تحطوها ببطنكم
سرلي اكتر من سنة الحمدلله مااقرب منهم
حتى المرندا حتى الفانتا بس عالاقل اهون
من الببسي والكوكاكولا
بس سفن ومو دايما لا بس لما اشتهيييه
مرررة اشتريه وكمان افكر هل انا احتاجو
او لا وما تاكلو معاه شبس وشكلاته
لا اااا بس شي وااحد
*مو الف (بطنكم مو زباله)
والشوكلاته قطعه او اتنين مو لوحين في فرق
بين قطعتين وبين شوكلاتتين فرقو
لو سمحتو
ممكن تسوو يوم في السنه او يوم كل
6 شهور تاكلو الي تبغوه وصدقوني
وانتو تاكلو حتدوقو الاكل باستمتاع
وراحة وما حتقبلو انكم تاكلو كل شيي
وحفلاات المدرسه الي تسمن عالفاضي
مالها داعي
وعارفة انو طوييل
بس ابغى ردوود الله يسعدكم
بلييز تعبت
واللي ينقل يقول
منقول من منتديات فوشيات
للعضوة والكاتبة løly
وشكرا لانكم قريتو الموضوع عقبال التطبيق
والنتائج لاتنسو التقيم +الستارز

لاتنسوا تدعولي ان ربي يرزقني الزوج الصالح واتوفق معاه عاجلا غير ااجل

نقلته لعيوووونكم

 

[M O O N]

السسلآم عليكمم ورحممة الله وبركآتتهه
كيف حححآلككك ؟ عسس’ـآكك بخخخير !

-
آممم , جسسسميي مآ بيحتتآجج << كفخخخوني أستتآههل :471:
يَ خخي مدري ليهه أحسهه مو صدقً !
بسس إن شآء الله يستفآدوآ منهه البنآت :$
بسس أحسس المنططق يقول لآ ؟
آمم بسسسسس يعطيك العآفيةة والله موضوع يججيب السعآدة :51:
وإن شآءء الله يكون صصدق وتممآم ليستفآد منهه ’

-
دمتي بخيير . . لاعدمنآكك :14:
ججآري الششكرر والتقيمم , فممآن الله "$

 

[MϊŠS mẫS]

السلام عليكم...
كيفك اختي انشاء الله تماآم ..:495:
ولله بخصوص موضوع الرجيم هو حلو طريقتة وصحية:344:
بس انة ما راح اجربو نهائياًخخخخخ:351:
لأن بعدني صغيرة على هذه لأآشياء وانة ما احبة:63:
لأن انة ظغيفة>>>>>ما آكل:oKy56282:1)1:
ههههههههههههههههه:495:
بس شكرا على طرحك لنا هذا الموضوع.....:03:
​

 

[Nαncy ☀]

:
~~
السلام عليكم..
كيفك؟ أخبارك؟ ان شاء الله تمام..
امممم
بصراحة مفيد..
بس احس انه مو كلش كلش يعني..
خصوصاً لما تكلمتي عن الغدا!..
بس ثلاث ملاعق؟!..صراحة ظلم!
أصلاً ما يجوز انه تكونين مشتهية شي وما تسوينه ^^
يعني قصدي تحرمين نفسك..هذا فيه اشكالية حسب ما اعتقد!..
المهم.. أنا شفت في النت طريقة غير هذي
واهي انك مو انه تحرمين نفسك من الاكل اللي تحبينه
بس انك ما تاكلين الا لما تجوعين!.. مثل اللي وصانا فيه الرسول (ص)
>>صيام احسن..والا؟ ^^
على كلٍ طريقة تصلح للي يتحملون<<3 ملاعق رز!
^^
>>أمزح امزح
مشكورة على الطريقة الصحية
الله يسعدكِ..
في أمان الله..~
​

 

[♥ريم الجزائرية♥]

و الله يعني انا ممكن رح اجربوا بس انا عاملة نظام قاسي جدا لطعامي ​