C A R B O N ~ يارب الهداية قـــبل النهــاية !! (1 زائر)

[C A R B O N]

[

]
رحلت لوحـدتي ما أبي وطن غــيري ..!!
قلوووب النـــاس ما عادت طموووحـــاتي

~

*،

​

 

[C A R B O N]

[

]
ما كأنكم نسيتووا شي

*،

​

 

[C A R B O N]

السلام عليكم ورحمة الله وبركاتة ،، اهلا اخواني واخواتي ،، مساكم الله بالخير شسمة بدون مقدمــات
بدخل فالموضوع على طول .. تعرفون انه القصص الوهمية والسخيفة ..
انتشرت بكثرة من قبل 7 سنوات تقريبــا ،، الناس كانت تصدق اي شي بدون ما تعرف
اذا الكلام صحيح او لا ،، من الامثلة قصة البنت الي رمت القرأن وتحولت الى قرد ،، وغيرها
من القصص ،، طبعا ولله الحمد الي شفتة انه هالشي قل عن أول الناس صارت
مدركة ومشغلة عقلها ،، لكن فيه نسبة كبيرة من صغار العقول الي تصدق اي شي بدون
ما تشغل عقلها وبدون منطق ،، خلونــا نجي لمقولة كما تدين تدان ،،
فية كثير ناس فسرت هالمقولة على رغباتها وهواها ،،، وانتشرت القصص الوهمية
الي يقال انه المقصد منهــا للعظه والعبرة ،، لكني انا اشوف انها تشويه صريح
لصورة الاسلام مع الاسف ،، اتركمم مع احدى النقاشات العقيمة الي خضتها مع
احد الاشخاص الي ما رضى يشغل عقلة مع الأسف ،، في برنامج اليودل ،،
خلونا نشوف القصة الي طرحها والحوار الي دار بينــا ،،
هو OJ في الصور وانا رقم 3 ،، شوفوا وعطوني رأيكم بالي صار ،،
1

2

3

4

5

6

7

8

9

10

[

11

+
ربي يحفظكم +

*،

​

 

[C A R B O N]

[

]
لتحمـــيل المستلزمــات + الدرس []+

*،

​

 

[C A R B O N]

[ ]
لتحمـــيل ملف الـ PSD []+

*،

​

 

[C A R B O N]

السلام عليكم وورحمة الله وبركاتة ،، ياهلا بالتونين والتونيـــات ،، لاتستغربوا هذا أنا
كيف حالكم واخباركم ..؟؟ ان شاء الله الجميع بأحسن مايكون ،، وبعد طلبات كثيرة من الاعضاء
بأني ارد للمدونة وكذا [ وهو ترى محد غير جنى الي طلب ]قررت اني اعود لها ،،
بعد ما خلصت تنسيقها مدري المرة الرابعة او الخامسة >> فلاتنسوا تشيكوا عليها
ماحبيت اسوي مدونة جديدة حقيقة ،، لانه المدونة بالنسبة لي اكثر من كلمات وتنسيق او صور ،،
في كل جزء منها هي جزء مني .. ترجعني للذكريات بين كيف كنت وكيف صرت !!
المهم ،، الفترة الاخيرة البعض حس اني متغير واسلوبي ما هو الأولي ،،
والبعض وصل بتفكيرة اني عطيت حسابي شخص ثاني او فية شخص منتحل حسابي ،،
احب اطمنكم انه ماصار شي من هذا ،، وهو انا نفس صاحب العضوية من بديت إلى الإن ،،
واعتذر ان كان وصلكم احساس او تصرف وانفهم بشكل مغاير بدون قصد،،
وراح ارجع ان شاء الله ادون في هالمدونة المتواضعة ،،
وربي يحفظكم +

*،

​

 

[C A R B O N]

[

]
السلام عليكم وورحمة الله وبركاتة ،، مساء الخير ع جميع ،، امس ولله الحمد انهيــنا الدورة التدريبية الجميلة
الي كانت عن برنامج الفوتوشوب الي امتدت لأسبوعين ،، صراحة ما كنت متوقع اني بستفيد لكني بجد استفدت منها ،،
من اكثر الاشياء الي استفدت منها انا استخدمت اخر اصدار من الفوتوشوب وشفت الخصائص الجميلة والتسهيلات الي اضافوها فية ،،
إداة البن تول ابد ما كنت متصور في يوم اني استخدمها في رسم المنحنيات لانها ماكانت تضبط عندي في الاصدارات القديمة ،،
تخيلوا حتى نزلت نسخة 2018 وما ادري هو كان من النسخة الي عندي او وش بالضبط بس مارضت تعمل ،،
وكان جدا صعب التعامل معها في الاصدارات القديمة ،، لكني اكتشفت انه التعامل معها جدا سلسل في الاصدار الاخير 2019 فأنصحكم تحملوة ،،
غير الفلاتر والميزات الجديدة الي اضافوها ،، بجد يعني جميل حيل ،، تعلمنا كيف بعد نسوي نصمم فلتر سناب والاهم كيفية
تركيبة في التلفون بشكل مجاني لمده 48 ساعه >> الي يباني اعلمة يقول 1ق8 ،،
الفلتر الي فالصورة من شغلي لجهة عملي ،،
واخيراً تعلمت كيف انسوي تأثير الزجاج المتطاير او المتكسر على صورة عن طريق الماسكات ،،
بجد كانت دورة ممتازة واحب اشكر المنظمين عليها ،، جزاكم الله خير ،،
وربي يحفظكم +

*،

​

 

[C A R B O N]

When you find 13 reasons to die !! search about 13 reasons To live

*،

​

 

[C A R B O N]

السلام عليكم وورحمة الله وبركاتة ،، مساء الخير ،، من اسبوع تقريباً كان عيد ميلاد ولد اختي الي اكمل 4 سنوات ق9ق9 ،،
فأختي طلبت مني اسوي تصميم كثيم للحفل وبما انه يحب سبايدر مان كان التصميم عنه ،، وحبيت ارويكم النتيجة ،،
[

] ،،
اعتذر عن الجودة التعبانة ،، يعتبر اول تصميم مطبوع لي ،،
طيعـــا الحجم كان متر ونص في متر ونص وما انصح اي حد يستخدم هالحجم لانه بجد رايح يصير ستك قوي فالكمبيوتر ،، هذا الشي خلاني ما اقدر
اخذ راحتي وما قدرت اعدل اكثر وكذا ،، هذا التصميم بعد التصغير
[

]،،
لاتنسوا تعطوني رايكم ،،وربي يحفظكم +

*،

​

 

[C A R B O N]

[

]
السلام عليكم وورحمة الله وبركاتة ،، صباح الخير ،، اليوم بتكلم عن موضوع جدا احس منتشر هالفترة الي هو الوقاحة
الوقاحة هو اي اسلوب او فعل فض ما له علاقة بالاحترام >> حسب تعريف ترجمة قوقل
طبعــاُ انا من اكثر الناس الي احس فية ناس وقاحين في حياتي >> او اقلها احساسي يقولي كذا
وفية انواع كثيرة للوقاحة تقدر تكون وقح بكلامك او بفعلك او حتى بتفكيرك ،، وهالناس الوقحيين صدقوني منتشرين
بكثرة ،، وانا دايما حطيت في بالي انه الحل يكون معاهم انك تصير وقح معاهم لانه اذا شافوك طيب وعادي
الوضع عندك يزيدوا من وقاحتهم والحل الثاني انك تسلك لهم او تسحب عليهم >> لكن هالحل اقل اكشن ودراما
المهم بخبركم موقف صارلي في بداية تعييني في الدوام ،، يعني هالكلام قبل 8 شهور تقريباً ،،
انا كنت موظف جديد وتعرفون الموظف الجديد دايما يكون طيب وعلى نياتة ،،
ففي اشخاص نفس ما قالت شرين تلعب على الوتر الحساس ،،
طيب شو صار جاني احد الموظفين الي وظيفتة مراسل ( مب الشخص الي يطلع في قناة الجزيرة ويقول الاخبار وينقل الاحداث )
لا عندنا هو الشخص الي ينقل الملفات والرسائل ويخلص الامور عني شل هذا وحط هذا .....الخ
هذا المراسل الي جاني بعد اسمه جمعة نفس اسمي
المهم لا سلام ولاكلام دخل مكتبي وقالي مادريت ..؟؟
قلت له لا مادريت شو صاير ..؟؟
قالي فية كان عندنا موظف وتقاعد وانه عنده بنت صغيرة مريضة نريد ندفع لها ونساعدها ،،
قلت له انا ان شاء الله ،، قالي كيف بتدفع >> مع انه المفترض مايسأل هالسؤال وينتظر اني انا اعطيه بنفسي ،،
قلت له باكر ان شاء الله ،،
المهم جاني يوم الثاني قالي ها كيف ..؟؟
قلت له والله سوري نسيت صراحة اجيب المبلغ بأكر بأذن الله
جاني باكر وتخيلوا شو قالي ..؟؟ قالي هالجملة ،،
[ لاتقولي نسيت وماجبت الفلوس اليوم بعد ] ،،
وانا صار شكلي كذا يعني شفتوا كيف هالكلام الي صدر منه في قمة الوقاحة ،،
طبعا للحظة فكرت قلت على كلامه هذا لازم اقوله خلاص ماشي فلوس وبنفس الوقت فكرت قلت نحط نية صافية بأن الفلوس راح تروح عشان علاج البنت الصغيرة >> مع انه من تصرفاته امبين انه هو الي راح يأخذ الفلوس
المهم انا تعوذت من الشيطان هذيك المرة وقلت بعديها لكن ماراح تكون مرة ثانية ،،
فهنـــا نتعلم من هالموقف عدة دروس ،،
طبعا المثل الي يقول طرار ويتشرط انطبق على هالشخص ،، الطرار بمعنى الشحات الي يطلب او المتسول ،،
والدرس الثاني انه فية ناس وقاحين راح يواجهونكم في حياتكم وفوق شينهم قواة عينهم نفس مايقولوا ،،
فلا تصيروا طيبين بزيادة عشان ماتندموا وبس ،،
وربي يحفظكم +

*،

​