عندما يطقّ الفيوز ! (2 زائر)

[Nαncy ☀]

زهقت من القعدة على هاللابتوب، .-.
So now I'm going to eat & Play after that.. asd


^من الزهق قمت أتكلّم كذا، ولٍك بيالله ضبّطت هالجملة

​

 

[Nαncy ☀]

السلام عليكم،
ش احوالكم وذا .. الخ
من زمان عن القرقر والهذرة،asd
بس قبل كل شي، قبل فترة خلّصت موضوع
كبير وثقيل بس حلو ، وأتمنّى أشوف مروركم عليه :

ما اعرف الزهق ،، لما أسرح في خيالاتي ! { رمزيات BBM }
^نوّروني 3:

&الحين بهذر عليكم شويتين ،
وطبعاً مكسّله احط خلفيه خليها لبعدين
المهم، يقولون بينقلوننا لمدرسة أقرب من مدرستنا،
وترى صج مدرستنا ف مكان واحنى ف مكان ._.
يعني بعيدة بشكل ._. فبنوا مدرسة قريبه هنا،
وقالوا بينقلوننا فيها ، عاد بعد مً تعودنا وكذا
.-. بصراحة أبيهم هالمعلمات تدرون ليش؟
لأنه ف الاختبارات النهائية أحل وانا مريّحه $_$
ولله الحمد
يعني الأسئلة ماي على قولتهم، خصوصاً الكيميا
أصلاً حسيت انيه ذاكرت عً الفاضي
فعشان كذا أنا اقول يمقن لنقلونا الكيميا يصير صعب ومو زي كذا ._.
لأنه يختلف شرح المعلمات كما تعلمون ، يعني احين أبلتنا مسهلة علينا وكذا،
فأخاف لنقلنا تجينا أبلة ناشبة .-.
بس أصلاً مب أكيد سالفة النقل XP
ليش؟ لأنه الإدارة مً قالوا، بس البنات يتكلمون عن هالسالفة،
فللحين النقل مب أكيد، يعني ينقلع اهوا ووجهه
بس يسوي لنا قلق

^أدري مً عنديه سالفة ،
اًصلاً خلص القرقر، المفروض دوّنت ذاك اليوم
اللي صوّرت ف وقت غير مناسب بس يً الله معليه ._.
بخليها لكم مفاجأة لين احط موضوع جديد وذا
أدري انه مً تحمّستوا، بس سلّكوا والا نبدأ الحرب العالمية الثالثة

أنا قايمة، يمقن أروح آكل وأسكر الللابتوب واشيّك على واجبات الرياضيات
هالنشبة ذا ، اشوفكم على خير، في أمان الله.~
​

 

[Nαncy ☀]

السلام عليكم ورحمة الله وبركاته،
شخباركم أيها المنزمان عنكم؟ B)
^الله الله، يً عيني عً القافية
اليوم سالفتنا يً أعزائي الجميلون،
عن شيسمونهم ذليه، الأحلام المب طبيعية اللي أحلم فيها @_@
طبعاً ممنوع تفسرونها، بس على سبيل السواليف (:
شسمه، امس نمت واااااااااااااااجد واجد يو
تخيلوا، من العصر لين الفجر، :×
ولا أجلس إلا لمدة ثانية تقريباً، أتذكر فيها الحلم وارجع انام ،
من بين الأحلام اللي حلمتها، أويمكن آخر حلم حلمته،
أو ممكن أكثر واحد اهتمّيت له، حلم طير مخي عً الآخر @_@
تخيلوا! حلمت أنه وحدة تقول ليه: "أنا لما كنت ميته"
عاد اهيه كله تقول هالعبارة بس مً أذكر انها كملتها إلا
مرة وحده، المهم، كانت تقول: "أنا لما كنت ميتة"
وقاطعتنها وقلت لها: "إنتي لما تقولين لما كنت ميته، أحس انه.. ):"
وقطعت كلاميه وضمّيتها، بس فهمت إنه يعني أحس بالحزن وكذا :'(
مع أنه هالبنت مو كثير أتكلم معاها وذا، بس شسمه ذا،
أهيه من النوع اللي غصبن عنننا نحبهم *^*
يعني شسمه ذا، على قولتهم هذي الحب ض6
يعني ماشاء الله، أخلاق 3:
نرجع لسالفتنا، بعدين كررتها مرة ثانية: "لما كنت ميته"
هنا تخيلتها مسدوحه على سرير كأنها ف العناية
وكملت: "شفت فلان وفلان وفلان (أظنها قالت اميه وابويه ، أو جدتيه واميه، الأكيد انه معاهم أخوها)
يسرعوووون (يعني يركضون بسرعه)" وتخيلت ناس يركضون ف الشارع، وكأنيه فسرت كلامها (وانا حلمانه)
إنهم بيموتون :'( وانهم صج ماتوا ووو..الخ، اللالخ هذي أشياء نسيتها "
المهم، وبعدين قامت تقول أنها بعدين فجأة يعني قامت من الموت وكذا،
وهنا تخيلت هذا مال القلب قام يحسب النبض وصار الرقم عشرة لما قامت من الموت وكذا،
يعني كأنه المقصود إنها مو بس موت سريري، بل موت صدقي، يعني توقف القلب ودق مرة ثانية @_@
، وقمت أقول لها: "لاتموتين مرة ثانية، موتي بس مرة وحده،
(كنت أقصد تكفيج الموته اللي متتيها) موتي لجى يوم القيامة والناس بيموتون
موتي " يعني كنت أقصد لما تموت الأرواح مو بس تموت الأجساد،
عاد على ما أتذكر إنه هالموته اللي فالحلم كانت تقصد انها ماتتها واهيه صغيرة،
يعني كأنه موت سريري وكذا، بس هالحلم حيل يقهر :'(
ولما صحيت كنت فاهمته على أنه موجّه ليه، يعني كأنه تحذير أو تنبيه ،
بس فكرت وقلت يمقن أثر ذاك المسلسل ._."
ذاك اللي شفته أيام الاختبارات، يخي قمت كله أتحلّم فيه
المهم، ف التدوينة اللي عقبها بقول لكم على حلم ثاني،
كان مشوّق بس ما أتذكر منه الا جزء بسيط بس يً الله هانت ،
انتظروني ، في أمان الله..
​

 

[Nαncy ☀]

# السلام عليكم ح1

بكرا بروح المدرسة متأخرة عشان الحصة الأولى مراجعة توحيد،
وماليه خلق اذاكر ، يخي شيحسّون، كأن احنى ف متوسط على هالمراجعات ،
لا ويراجعون الدرس السابق بعد، خوش بزارة ، ،
واختبار المكتبة بذاكره في الفسحة والله محد قال لها تحط اختبارها يوم الاحد
وبعدين مادّتها ماتسوى اضيع وقتيا عليها ، عشان كذا مب مذاكرتها ف البيت

بس الأحلى من هذا كلّه، أن يوم الإثنين آخر يوم نداومه $_$
بعدين بنسحب على باقي الاسبوع ، عشان نطوّل الإجازة ،
لأن يوم الثلاثاء، عندنا نشاط ._. عاد مافي احد مايكره النشاط، كله خرابيط، يو
عشان كذا كل بنات فصلنا بيغيبون من يوم الثلاثاء ،

إن شاء الله لجات الإجازة نسافر، زهقت من البيت خلاص يخي -_-

الله يمشّي هاليومين بسرعة ،

ماعنديا قرقر واجد ، أترككم في رعاية الله..~
​

 

[Nαncy ☀]

بسم الله الرحمن الرحيم *عيون*
السلام عليكم ورحمة الله وبركاته *عيون*
^وليش تطالعوني كذا؟ ما اسلّم عليكم اسلّم عً الجن
اللي ساكن مدونتي ضحضح المهم أحين
بس جيت أشغل المكيف واطلع عشان لو فيه غبار يروح
^ومين قال انه المدونات فيهم مكيفات، الله يخلف
>عاد انا مايهمني، بقوم آكل جوووعت ض6
في أمان الله،.~
​

 

[Nαncy ☀]

#سلام عليكم،

فيّه النوم ._.
ماهذا بكرة عليّه اختبارين، هذا إذا ماصاروا ثلاثة بعد
كله من الزكام ، بس هيّن T^T ،
ابي ارقد وابي اذاكر وابي اتلعّب وابي ارد عً المواضيع، وكلشي .-.
أصلاً عادي، ._."، يمقن أقوم ارقد الحين، بس بخلي الجوال ينبّهنيه،
يااااااااااااااااااااا إلهي، بكرة ماتتخيلون، اختبار رياضيات معفن ماينفهم T^T
وبختبر النحو لأني مرضت يوم الأحد وما اختبرته، والتاريخ كذلك ._.
يخي كل هالعفيسه متى اخلصهم آنا؟ ><" من كثر التفكير ف السالفة
حتّى عيوني تعبت! خلاص ابي نوووووووووووووم وبعدها وقت ممغوط T^T
^كذّآبة توها قايمة من عند التلفزيون ، لا يعني، من حقي أتلعب
وارتاح واحصل وقت اذاكر فيه وبعدها أنام وبالي مرتاح، ليش كذا
معلماتنا نحيشات، يعني ضروري نختبر رياضيات ثلاث مرات ._.
من زينه عاد، لا وطول السنة اختبارات شهرية، بعدين يً الله تعالوا
اختبروا نهائي، شذاذا؟! الواحد متى يحس أنه اهوا إنسان ._.
كله اختبار اختبار اختبار، متى نرتاح ياخي؟! لا وإجازاتنا نتيفه بعد، ._.
أصلاً عادي، نحن الطلاب الصامدون ._.،، الله يعينني والله محتارة
أيش اسوي، صحيح اني خذت وقت رفاهية، بس والله محتارة بهالمواد
الخايشة T^T أصلاً عادي، الله يعين بس!، وادعوا ليه، كم بتول عندكم؟!
يً الله ، باخذ فرّه منّا ومنّاك وبشوف ليه صرفه .-.،
في أمان الله.~
​

 

[Nαncy ☀]

>رزانوه هذي التدوينة مب لج، لاتقرينها عشان ماتقولين حرقت عليج المسلسل





# السلام عليكم ~

اليوم ولله الحمد اختبرت الرياضيات والنحو بسلام ،
فحابّة أريّح نفسي واقرقر هنا شويّات ،
خلينا نتكلم عن مسلسلي المدري شيسمونه
ذاك المسلسل اللي شفته قبل شهور وعفس وقتي
المهم، فيه حلقات تقهر في المسلسل خصوصاً حلقة
الاعدام وحلقة اللي تقعد البنت من الإغماء ،
حلقة الإعدام ماعليها كلام، تقهرك يعني تقهرك، وغصبن عليك T^T
من القهر بغيت ابكي ويّاهم ، ولك عيوني بغت تدمع :'( تخيلوا في شي في الحلقة صار
يبط الجببببببببببببببببببببببببببببببببببد! > بس مابي اقوله لاتذبحني رزانوه
بس يقهر حييييل! تمنيت اني ادخل في الشاشه واكفخ اللي سوا هالحركة وارجع مكاني ><"
يعني لهالدرجة اهمه حيوانيّين ._. بس حسبي الله كلها مسلسل خيالي ،
يعرفون يمثلون ويخلون الواحد يندمج وياهم بحيث تحس انك انت
أحد الشخصيات وحلقة اللي تقوم البنت من إغماءها أحس مسكينة :'(
أفاقت على فقدان اختها وقامت تصرّخ من قلب وأغمي عليها مرة ثانية، والله قهر هالحلقة
بس ترى ذي الحلقة أهون من اللي بعدين يقول الشرطي: انت شفت الموت وماعاد تخاف منه!
هنا بغيت صج أدخل في الشاشة واعطيه صططططططططططططططااااااار وارجع مكاني @_@
يفقع المراااااااااااااااااااارة، يعني شدراك انت شدراك؟ .-. بس يستهبل على كيفه الأهبل ._."
^أدري انّه كلامي عبارة عن طلاسم متطلسمة، بس اخاف تجي رزانوه وتقول لي
حرقتي عليّه ، يً الله، أشوفكم بعدين،
في أمان الله..~
​

 

[Nαncy ☀]

ُ السلام عليكم ~
اليوم طبعاً حضرت بس 5 حصص واستأذنت من المدرسه ،
أحس براحه نفسيه وجسديه وماديه ومعنوية وووو.. الخ
>يعني جربت شعورنا ف ابتدائي لما كنا نداوم بس خمس حصص ض6،
المهم، ما استأذنت عشان اتلعب طبعاً، بل عشان ارتاح بالتأكيد >=)
ومرتاحه طبعاً ولله الحمد ، بس بعد لازم أروح المستشفى عشان أتأكد اني مو مريضة ._."
أمس تخيلوا بالتدريج عظامي كلها هاجت علي، كل عظامي قامت توجعني،
أول شي عظام رجولي بعدين بشوي شوي قامت عظام يديني بعد تعوّرني T^T
أمس ما قمت من على اللاب الا بهالسبب ._. وطبعاً الساعه صارت 1 ونص بعد نصف الليل،
فطلعت من الغرفه عشان آكل شي يمقن يخفون ._. بس موو قادرة أتحمل ،
كل عظامي قامت توجعني وخلاص ياخي بنفجررررررررررررر T^T،
حطيت لي جبنه في خبز عً السريع، قلت يمقن عشان الكالسيوم وكذا، لأني نادر اشرب حليب،
بس ماش، ما وقف الألم، بغيت أنفجر صياح واقعّد النايمين ._." بس عقلي رفع معنوياتي
قلت خل اصبر، ماهي إلا ساعات ويستوي الصبح ويقومون كلهم واقول لهم اني تعبانه
وأبي مستشفى وكذا، يعني كنت بحاجة أني اقول حق احد اني تعبانه، عً الأقل أشفي غليلي ض6،
المهم، قعدت اشوف قناتي المفضله، أول شي تأملت ان اختي بتسهر بس مافي أمل، صعدت فوق
وشالت لابتوبها = بتنام ._.،، يعني لازم أظل سهرانه بروحي أو أنام بطريقه تسمح لي
أني أقعد وكذا، المهم، ظليت اشوي، وحسيت اني بصيح، بس خفت ، آنا اخاف من البكاء
في الليل وبروحي وف الصاله، يممممه ، فتمالكت نفسي، وخليت بكائي مجرد
دموع منهمرة، ._. جات اختي وقعدت تنصحني وتقول لي لا عصبتي لاتصرّخين بقوة،
تنشدّ عضلات الجسم وبعدين تحسين بالتعب ، <نصيحه حكيمه، وانا المجنونه ما جاء في بالي ._.
وتقول لي لاتصرقعين أصابيعج، يعور الظهر، وهكذا يعني، اقتنعت بكلامها، وراحت تشوف شغله،
وانا رحت لبست لي جاكيت، علشان بس يديني تحس بالدفء وماتوجعني واجد، المهم،
وظليت شفت لي حلقه معيوده شايفتها في نفس اليوم بس قلت يً الله بعد شسوي -.-
وانسدحت، شربت شاي اشوي ، وحسيت أنه فيني النوم ، وأخيراً جاء النعاس في محله ض6،
انسدحت عً الكنب قريب من الشاشه، وظليت اطالع ف التلفزيون إلى أن خذني النوم،
بعدين قعدت وحسيت بالحر، لكن حسيت براحة، الألم ماعاد موجود، استانست $_$
بس شوي شوي بدأت يدي اليسار تستهبل بس ماشي الحال، وكل شوي عيوني تدمع،
تقول ميت علي احد لاقدر الله ضحضح، مدري ليش كنت ابكي صراحه ض6،
بس ما ألومني، الألم لايطاق، خصوصاً العظام ._.، المهم، بعدين ظليت اشوي ف الصاله،
وبعدين نختصر الأحداث إلى شروق الشمس تقريباً غسلت مريولي، كنت
بغسله من أمس وما أمداني، بس زين نشف بسرعه، عدلت الكشه ض6، قعدت
ابكي ، -لسا ماشبعت بكاء - واقول لهم: ماني رايحه المدرسة لمن توعدوني تودوني المستشفى!
من يوم الأحد الماضي وانتوا تقولون بتودوني ولا وديتوني! عبالكم ألم الأسنان ماله دخل في العظام؟
المهم، وقال ابويه: خلاص نوديج، جان قلتي ليه أنا ، مب تقولين لهم، المهم، وبعدين
اتفقت مع ابويه أني استأذن من المدرسه بعد الاختبار ، والاختبار كان الحصه الرابعه،
فقلت له يجي الحصه الخامسه = الساعه 11 تقريباً، المهم ورحت المدرسه، وبالي متطمّن،
ودرست وكذا ض6، لين نوصل للفسحه، في الفسحه الألم كان خفيف ، وكان بس في يدي اليسرى طبعاً،
لأنه مثل ماقلت لكم، بعد مانمت ارتحت، ، اشتريت فطيرة جبن خصيصاً علشان الكالسيوم هذا ._.
لأني صراحه شكيت بنفسي، أشك ان الكالسيوم عندي ناقص، لأنه أسناني أوقات تستهبل علي
بددون سبب ._.، وعظامي كذلك، والحليب يمقن بالثلاثة أشهر مرة أشربه -.-
الله يهداني، حتى ما ألقى وقت اهتم بصحتي .-. ، كله من هالمتعسه ،
المهم، جينا للحصه الرابعه بعد طول انتظار ، اختبرت والحمدلله الاختبار
كان سهل، بس كان في سؤال نسيت إجابته، بس عايدي، مقدّر عليّه ^^،
جينا لنهاية الحصه الرابعه، وجات حصة الانجليزي = الخامسه، كنت مستمتعه بالحصه،
وماودي أطلع، وقلت إن شاء الله مايجون ليه ، أو عً الاقل يجون بآخر الحصه،
لأنه الحصه كانت مسلّيه يعني درس خفيف وقراءه وهكذا ح1، خلصنا الدرس بسرعه وقعدت تأشر
بعض الاشيا اللي لازم نحفظها عشان الاختبار بكره، وقامت تكتب الكلمات اللي لازم نحفظ إملاءها،
وفجأة ، جاوا أهليه ح1، جاوا في الوقت المناسب ح1، قلت حق رفيقتيه ترسل ليه
الكلمات بعدين، وطلعت ، وبس ، أحس توقيت جيّتي للبيت كان وناسه، لأن الشوارع فاضيه،
أحب زي كذا ض6، زهقت من روتين الباص، كل يوم زحمه وباصات تجي وباصات تروح،
وسيارات منا وسيارات منناك، وكل حين يطلع لك واحد مفهي بيصدم فيك، فعشان كذا استانست
اليوم لأنه الشارع فاضي ض6، وبس ، ف العصر بروح المستشفى عشان أعرف أيش قصّة
الهبال اللي عند عظامي ،

^هذي أطول تدوينة كتبتها في حياتي، ماشاء الله تبارك الله
يً الله بس مابقرقر زياده عن كذا ، أراكم قريباً،
في أمان الله..~

​

 

[Nαncy ☀]

# السلام عليكممممممممممممممم، 3:
وأخيراً جاء هالخميس $_$
مومهم، أنا اليوم متحمسه جددداًًً، $_$
لأن صار شي محمّس جداً، وبحمل شي محمس جداً،
وبجيبه لكم ـحمّس جداً، وبتتحمسون جداً جداً $_$
^شريط خربان، &حسبوا لي كم مرة قلت ح + م + س
ماشفتوني وانا انجنّيت من الخبر
قمت انقز ف مكاني واسوي حركات وهبال الله يخلف علي بالعقل
بس بجد حماااااااااااااااااااااااااااااااااااااااااااااااااااااااااس، _
الحمدلله، هالخبر جا في وقت جميل ومناسب وسريع شويتين ،
^بتعرفون شنو هالخبر، بس صبر عشان مانحرق عليكم ض6،
أنا الحين بكمل شغلي، وأعدكم أن من اليووم بيبدأ القصف العشوائي ح1
يعني كلكم روحوا للملاجئ ، <طيري!
^أدري انكم مافهمتوا ولا حرف من اللي قلته، بس أهم شي أنا فاهمة نفسي
أراكم قريباً ..~
​

 

[Nαncy ☀]

#السلام عليكم، asd
اليوم حصلت لي صوت بريطاني $_$
صوت بريطاني = كننز $_$
طبعاً من زمان وانا أحب اتكلم زي البريطانيين،
وناسه يبلعون الحروف اللي تجي ف النهايه ض6،
وناسه والله ح1، بتعلم واتكلم زيهم >=)
طبعاً أنا لحد الحين أتقنت الآر لماتجي بنهاية الكلمه،
بس الظاهر انه ماتشبعهم الآر، فيه حروف ثانيه، عاد انا
ما أشبع، لازم اتكلم زيهم ح1، عاد بتعلم شوي شوي،
وإن شاء الله بحقق هدفي الجميل ،
بس علشان اتذكر:
No Body said it was easy,...
^ببس عشان اتذكر واروح اتعلم الطريقه شلون ض6
يعني ماتسألونيش أسئله مالهاش داعي
يخي وقسم البريطانيين كلامهم فله $_$
والله فله ، شدراكم اصلاً انتوا؟ شدراكم؟
بس خلاص آنا جعت، بروح آكل ،
أراكم بعد حين، في أمان الله..~
​