Aмong тнe sтaяs ☆ (1 زائر)

[ELVIRA]

السلام عليكم ورحمة الله وبركاته

هيهيهيهيهي بموت من الوناسه اخيراً قدرت ادخل صار لي شهور احاول ادخل 1
نسيت الباسورد كالعاده و مو راضي يرسل لي ع الايميل اعادة تعيين كلمة المرور
المهم ادري محد يعرفني هني ولا احد يتذكرني لاني اساساً ماكنت ثابته وجودي 1
بس ارد ع المواضيع و اسولف في المدونه ... انا انسانه كلش مو اجتماعيه و مو من النوع الجريء
و بس يعني ودي ازيد تفاعلي و انزل مواضيع و اشارك بس ما احس اني باقدر بس بحاول
المهم انا احب هالمنتدى وايد من سنين و انا فيه بس كان حسابي غير ..
مادري شقاعده اخربط الزبده متحمسه وايد هيهي

..

وايد عندي سوالف ابي اكتبها من كثرها احس صار لاق في مخي ههههه
بس ان شاءالله وقت ثاني بدخل اسولف مع نفسي ادري محد يقرا بس احب اكتب هني ماعرف ليش
اتس اوكي يعني ام ستل قونا رايت هيهي وع عربي مانقلز

..

^ امس كاتبه هالكلام بس وانا اكتب نمت ماعرف شلون 1
اليوم الخميس و رواتب يعني المزاج فلعلالي
قاعده افكر اطلع اشوف صديقاتي منزمان ماشفتهم صايره بيتوتيه بزياده
وصديقتي قالت بتنام عندي اليوم نسترجع الايام الخوالي سهر و لعب و افلام و اكل
بس انا من النوع الي ما احب احد ينام عندي نفسيه يعني احب و ماحب mixed feelings
يلا كلها يوم واحد و ان شاءالله بنستانس و هيك
المهم الحين باخذ قيلوله صغيره علشان ارجع شوي من طاقتي

​

 

[ELVIRA]

#فعالية الشهر

السلام عليكم ورحمة الله و بركاته

لاحظت فيني اطباع في الفتره الاخيره كلش كلش ما احبها
ولا احب اماشي شخص فيه هالاطباع ولا استحمله ، ف مضايقني هالشي
صايره عصبيه بزززياده على اشياء تافهه يعني الشي محرج
، عقب ما اهداء واتذكر ردة فعلي استحي من نفسي بس ارجع مره ثانيه اعصب
المشكله على اسباب من كثر ماهي تافهه ماقدر اذكرها كأني بيبي والله
يعني مثلاً امس كنت العب ببجي احنا تيم كلنا ربع و متعودين دايماً نلعب مع بعض
واحد فينا لعبه قوي بس مافي مخ يعني مو غبي بس ايب لنا العيد وايد يبش بروحه و من هالحركات و وحده من ربعي لعبها محترف تشيل تيمات بروحها و الثانيه نوب جديده فالحه بس تجمع لوت ع الفاضي و انا لعبي زين قوي بس بعد ايب العيد في بعض الاحيان المهم يومياً طول رمضان و بعد رمضان ندخل نلعب لين مانتعب عادي سعات نفوز وسعات لاء والامور طيبه بس هاليومين صايره اقل غلطه منهم اتحول وحش عليهم
بلذات النوب الي معانه ? شي يفشل جد اعصب وايد

هم مستفزين لان مايعترفون بلغلط ف صرت على اقل غلطه اسوي محاظره
هم يحبوني ف مستحمليني بس هذا مو عذر علشان اعاملهم بهالطريقه
انا ما اقلل من احترامهم بس نبرتي تكون يبين اني معصبه وهالشي ماله داعي احس اذا استمريت على هالطبع بينفرون مني لان انا بنفسي ما اتحمل الشخص الي يسوي الي انا اسويه ف اعرف شعورهم ص0نار1
ف صرت ما اتكلم ابلع لساني او اصك المايك علشان اتحلطم بدون ما اضايقهم 1 وفي اشياء ثانيه خارج نطاق اللعبه بعد اجوفني وايد اعصب و تكون هالاشياء ماتستاهل ، ف قررت من اليوم اني احاول اغير هالطبع الي فيني ، الحمدالله اني استوعبت هالشي ف احس هاذي اول خطوه ،
قررت ان كل ما اعصب من شي استغفر وايد و ابتعد ?، لان قبل كنت اسوي هالشي و نفع وايد معاي
ان كل ماينعفس مزاجي او اعصب اقعد استغفر لين ما اهداء واقعد بروحي
لان انا من النوع اللي لاازم لي وقت حق نفسي اذا افقد هالشي اصير نكديه …

في شي حلو جداً صار في حياتي

وهو اني تبنيت قطوه سوده

كانت امنية حياتي اربي قطوه سوده احسهم فخمين و كيوووت وبما ان
لما انتقل اخوي من بيتنا خذ كل القطاوه معاه صار بيتنا مافيه حياه والله مو قاعده ابالغ احس القطاوه و الاطفال يغيرون من جو البيت

المهم شوفوها

كيوت صح ؟ سميتها لونا نفس النك هني

بس لازم هاليومين اوديها البيطري ناقصتها حبه لازم تاكلها
ولازم اوديها يسبحونها ويقصون اضافرها طوووال اذا تلعب معاي لازم تسوي لي شمخ

احب الطبخ وايد و احب اكل و ديماً اتمنى اني اصير خبره فلطبخ بس الكسل الي فيني مو مخليني اسوي شي ، اقعد اشوف فيديوات طبخ و احفظهم عندي على اساس اني بسويهم ولا اسويهم

فقررت اني اسوي شي سهل ك بدايه ،لقيت هذا الفيديو يسوي ترفلز

حسيته لذيذ و سهل و صج ماخاب ظني جدا لذييذ و سهل بس يسوي حوسه شوي فلمطبخ و هاي النتيجه

المهم ادري وايد اسولف شكراً حق اي شخص يقرأ و اذا ماكان في احد يقرأ اتس اوكي
انا ارجع اقرأ سوالفي بين فتره وفتره اتخيلني شخص ثاني يقرأ
،بعض الاحيان اتسائل هل انا مجنونه؟ ،

خاطري اصير نشيطه هني ع الاقل بلردود لاني اعرف روحي مو قد اني انزل موضوع بس مادري ليش اقول بصير نشيطه واتحمس و عقب اختفي اف مع اني فاضيه … بس بحاول جد هالمره
احب هالمنتدى فيه وايد ناس كيوت ولطيفين اف احب الناس الطيبين *اعطي هق بلهوى*

لكل الناس الطيبين و الي ينشرون طاقه إيجابيه : احبكم بليز استمرو نحتاج كثير منكم في هالعالم الغريب ق4​

 

[ELVIRA]

السلام عليكم ورحمة الله وبركاته

محتوى مخفي: خلاص انحلت المشكله قبل لا اكتب التدوينه بس ماودي امسحها ههه

انا حزينه شوي نقطه .. شفت موضوع تحويل التونات و دخلت ابي احول توناتي
بس قلت اتاكد شكثر عندي قبل لاأكتب مشاركه اذكر ان كان عندي حدود ال٢٠٠ و شي مو متاكده
و يمكن اقل مادري بس اذكر كان عندي تونات و متبيخله عليهم مخليتهم لليوم الاسود هههه
بس لما دخلت اتاكد الا طالع لي صفر !!!! زعلت ماعرف ليش تصفرو مامر شهر على الموضوع
بس يلا مو مهم المهم اني ادخل و استفيد احب المنتدى احسه متنفس لي ق4 ،

...
ودي اتكلم عن شي قاهرني وايد هالفتره بس ماحب انشر طاقه سلبيه و نفس الوقت ماعندي احد ازعجه بحلطمتي

فاستحملوني شوي 1، انا انسانه وايد تقدّر شي اسمه صداقه احسه شي وايد حلو و كبير بس للاسف كلش ماعندي حظ
يعني عشت نص عمري بدون صديقات لاني وايد وايد خجوله لدرجه مستفزه شوي 1 يعني في ناس بموت ودي اتعرف عليهم
بس مستحيل اذا ماتعرفو علي بنفسهم انا مستحيل اتجرأ وللاسف هالشي خلاني اكون صداقات كلش مو اوكي
لان الي يتعرفون علي بنفسهم اغلبهم فاشلين و مريضين نفسياً، المشكله مو هني المشكله كل ما اتعرف على وحده تصير كلوز معاي بشكل كانها اختي اربع وعشرين ساعه مع بعض او نتكلم بلتلفون فجاه يختفون، يتعرفون على ناس جديده و ينسحب علي
يزعل الشي لان ماصار مره ولا مرتين والله بدون مبالغه كل وحده تعرفت عليها سوت لي جذي ، بديت اشك في نفسي يمكن انا
فيني شي ! ممله او شي بس ماعرف يعني مابي احط عيوب فيني علشان اعذرهم على تغيرهم علي ، كلنا عندنا عيوب طبعاً
بس اقصد مافيني اطباع تخلي الناس تنفر مني مو غرور ولاشي بس صج انا انسانه طيبه و متفهمه و مو مشكلجيه ولا احب اتكلم في احد ولا احسد احد و دمي خفيف
و اكيد فيني اطباع مو حلوه مثل اني حساسه وعصبيه بس احاول قد مااقدر ما اطلع هالشي وفلنهايه محد كامل
المهم ان احس السبب الي يخلي صديقاتي يسحبون علي هو اني بسرعه انسّي يمكن او اني مملّه مادري والله
بس حاز في خاطري الموضوع لان اشوفهم يطلعون و يسون برامج وكلشي ولايعزموني دايماً ناسيني ، يعني مايتذكروني الا لما تصيدهم مصايب او يحزنون مسويني بس للفضفضه

اوكي ماعندي مشكله احب لما شخص يلجأ لي لما يكون حزين لان يحس بلأمان او لاني اسمع او يمكن اعرف اواسي
مادري بس احب هالشي بس يزعل ان كلهم مايكلموني الا لما فيهم شي من يفرحون ينسوني
ودي اشاركهم الفرح ،
ادري اني مااحتاجهم كلش والمفروض ما افكر بهالموضوع وايد بس مكسور خاطري على نفسي لاني كلش مااستاهل هالمعامله
اعرف ان صديقاتي يحبوني بس مو كثر ما احبهم يعني هم صديقاتي بس مو المقربات ، مجرد صديقات
طبعاً سويت حق نفسي برنامج املي فيه وقتي بدال ما اقعد احزن على نفسي طول الوقت
صرت اتريض يومياً بدون الويكند طبعاً اقرا كتبي الي صار لهم شهور من شريتهم اتابع مسلسلات و افلام ،
يعني انا اوكي و مو اوكي ان شاء الله ربي بيعوضني بناس على قلبي و بليز لاتحسون بلاسف علي انا اوكي مصادقه نفسي و امي و قطوتي لونا
الامور طيبه مجرد كلام في قلبي ودي اطلعه و احس هني احسن مكان اتكلم فيه على راحتي لان محد يعرفني

نغيّر الموضوع شوي
من فتره طلعت اصيد سمك ع كثر ما انقرف منه ع كثر ما ان الصيد متعه جد جد شعور جمييل لما اصيد و الجو هالفتره ماشاءالله ينفع شريت لي سناره و رحت انا و اخوي و زوجته صدت ثلاث سمكات
ماشاءالله حظي حلو يومها لاني عادتاً اروح و ارجع بدون ولا نص سمكه بس هالمره كل ما اقط الخيط ماياخذ وقت الا ينسحب
و شكراً على تحويل التونات فلبدايه انا كنت اتحلطم و انا اكتب التدوينه ياني اشعار ان تحولتلي جد شكراً

​