Aмong тнe sтaяs ☆ (3 زائر)

[ELVIRA]

بسم الله الرحمن الرحيم

16th-july-2016

و اخيراً فتحت لي مدونه ماعرف حق سوالف المقدمات 1
المهم ان متحمسه للمدونه اقدر اثرثر فيها على راحتي ص5


People think being alone makes you lonely
but I don’t think that’s true
Being surrounded by the wrong people is the loneliest thing in the world

 

[ELVIRA]

رد: Aмong тнe sтaяs ☆

السلام عليكم و رحمة الله و بركاته ، مساء الخير
الليوم قلت باعرف عن نفسي شوي و باكتب اختصار شصار
ماعرف اعرف عن نفسي عدل غير ان اسمي حنان
المهم انا من البحرين بس يعني نصي بحرينيه و النص الثاني سعوديه إب6
اللهجه عندي خرابيط ف تحملوني و بعد شنو ؟ امم خلني اعرف عن نفسي بطريقة فاكتس احس اسهل

1 - احب الحيونات و عندي تقريباً 6 قطط " ماشاء الله "
2 - لوني المفضل هو الاسود اكيد
3 - احب الانمي كثير و الانمي المفضل عندي هو هنتر هنتر
4 - احب اتابع الدراما الكوريه و اطمح اني اتعلم هاللغه الجميله
5 - اشتغل و شغلي جداً صعب بس احبه
6 - كلش مو اجتماعيه و احب العزله
7 - عندي اصدقاء مقربين بس مايتعدون العشر و احبهم كثير و مكتفيه فيهم
8 - هادئه بزياده ماحب اتكلم ، بس اذا تكلمت مافي شي يسكتني
9 - قبل كنت متعقده من طولي لان صديقاتي كلهم قصار بس الحين لا احب طولي
10 - انا انسانه سخيفه جداً و ما اضحك الا على الاشياء السخيفه ماعرف ليش .. الله كريم
11 - رغم هدوئي الا اني عصبيه و هالشي يخرعني فيني لان ما اعصب تدريجياً ، يعني تشوفني هادئه و ساكته فجأه انفجر
12 - عندي كلبه بيتبول اسمها روكسي
13 - رقمي المفضل 13
14 - فيني وسواس من الباب اي باب ماحب افتحه بيدي ن86 < شدخل
15 - احب اللهجه العراقيه ارجوكم علموني احجي نفسكم 1
-
بس باوقف هني بدأ مخي يقفل

اليوم داومت اول يوم بعد رمضان طبعاً في رمضان كان دوامي حلو ، اداوم يوم و ترك و اليوم اللي اداوم فيه انام يعني اروح الدوام حق انام ، ايياااام حلوووه
المهم طبعاً لان خلص رمضان ف رجعنا حق برنامجنا القديم اللي هو رياضه و كرف و كرف و حر و نار و شرار طبعاً انا دايماً اول يوم دوام اتحمس له بدون سبب يعني مافي شي جديد بس تلاقيني اليوم اللي قبله بس افكر شبيصير مع ان جد مافي شي مهم
ف مانمت و في نفس الوقت مو قادره اعدل نومي من بعد رمضان و السهر ف يعني اليوم داومت مواصله ، تخيلو وضعي الحين مواصله و نزلت رياضه و انا منزمان قاطعه عن الرياضه يعني اللياقه زيرو عندي المهم تحملت الحر و التعب و سويت اللي اقدر عليه الحمدالله ما مت و بس تريقت مع زميلاتي و عقب صار وقت فاضي مافيه شي ف رحت على سرير على اساس بابتدي اقراء كتاب و كان المكان بارد و هدوء ف فتحت الكتاب من صوب و نمت من الصوب الثاني بس الهدوء فجاه قلب ازعاج ف ماتهنيت و بس رجعت البيت و وضعية الزومبي احاول اني ما استسلم حق النوم علشان اقدر اعدل اوقات نومي اوف احس طولت بالكلام الزبده اليوم كان حر من صوب النوم اللي في عيني من صوب يارب يخلص الصيف بسرعه

هاذي و انا رايحه الدوام بس ماصدت الصوره عدل .. بس تفي بالغرض

اني وي وايد طولت بالكلام و شكراً للي قرأ سخافتي اي لوف يو
الحين باروح اشوف لي مواضيع ارد عليها و اتعلم شوي على هالفوتو اللي معقدني


Wanting to be someone else is a waste of the person you are

​

 

[ELVIRA]

رد: Aмong тнe sтaяs ☆

السلام عليكم و رحمة الله و بركاته
منزمان ما سولفت .. هالاسبوع كان جد متعب حسيت اسبوع عن شهر استغفر الله
المهم حبيت اتكلم عن حبايب قلبي قطاوتي
قبل بيتنا ماكان فيه قطاوه لان من قبل توفى قطو عندنا و صار حزن مو طبيعي فالبيت
ف امي قالت خلاص مابي تجيبون لي حيونات مره ثانيه و تعورون قلوبنا ،
المهم قلنا لها اوكي “ انا و اخوي” و مع الايام كنت مع صديقتي عند بيتهم انتظرها بالسياره و تاخرت علي ف قلت لها اذا بتتاخريت يبي قطوتج اضيع وقتي معاها
المهم جابتها و كانت شي كيوووووووت ماشاء الله مت عليها و حبوبه ما تخاف تلعب اسمها انجيلو angelo
المهم صرت كل ما امر على صديقتي تجيبها لي تعلقت فيها و انا عشقي القطاوه ح،
يوم من الايام كلمتني صديقتي تقولي تبين انجيلو ؟ انا فتحت عيني قلت لها منصجج؟ قالت لي والله قلت لها اكيد ابيها بنتي هاذي <اي بنتي في اي اعتراض؟
و بس عطتني ايهاها بسبب ان اختها صادتها حساسيه و كيذا
استانس في اليوم اللي خذتها و الحين ماشاء الله صار عمرها 3 سنين و داخله بالرابع سنه الله يخليها لي بنيتي الجميله ،
المهم احبها والله قطوه هبله بشكل مو طبيعي ان شاء الله المره الجايه احط لكم شوي من المواقف اللي صارت معاها،
طبعاً كل شي يصير اصورها و بس والله و اخوي جاب قطوه ثانيه
ماتت للاسف كان عندها 3 صغار واحد عطيناه صديق اخوي و الثاني حق اخت زوجة اخوي و الثالث خليناه و سمينا تايغر
لان لونه برتقالي حبيبي احبه و صار البيست فرند حق انجلو و زوجها الحبيب
هو كان دايما نخليه يطلع لحديقة بيتنا يتمشى و يرجع بس يوم من الايام طلع و مارجع
و لحد الحين انا ما اعرف وينه و قلبي معورني عليه والله
ان شاء الله ماصابه اي مكروه ان شاء الله خذوه ناس طيبين و عايش معاهم
ماحب اتخيل حتى
و بس انجلو جابت ثلاث صغار وحده عطيتها صديقتي و خلينا ثنتين ساسي و ساره
^ امي سمتها ساره لحد يكلمني
اناديها سارونه و ترد بعد احب علاقتهم مع بعض هالاختين اول مره اشوف قطوتين بنات يحبون بعض
البنات دايم يتهاوشون بس ذلين غييير مره سارونه مرضت هني حسيت بحنية اختها عليها
تخيلو سارونه تصيح و ساسي تمسح راسها براس اختها يعني ان تهون عليها
^ادري فلم هندي بس والله صج
و كل ما نشيلها عنها تعصب و ترجع بس الحمدالله وديناها البيطيري و امورها تمام
و بس والله
و من فتره جابت زوجة اخوي قطوها ذكر مسميته نتوف?‍ كيوت و حبوب بعد
طبعاً ماقدر اوصف لكم ردة فعل امي أ4
امي تحبهم بس نفس الوقت ماتبيهم و ماتبي ترميهم فلشارع
و هم مو متعودين في ذمتنا يعني
ماشاء الله عليهم احبهم والله يسعدون القلب يعني لو ارجع من الدوام و مزاجي مو اوكي اول ما اشوفهم يتعدل مزاجي
اي و نسيت بعد في قطوه ماتكلمت عنها
هذي لما كان عندي دورة سباحه قبل رمضان الله يسلمكم شفتها تصيح وايد و صوتها خشن
و كريه حتى توقعتها ذكر المهم كسرت خاطري صغيره و صار لها ايام في نفس المكان
في الحر تصيح بدون اكل ولا ماي ف قلت باخذها حرام اخليها
و خذتها كانت هيكل عضميي اكلّتها و نظفتها و كلشي
بيتنا يسمونها فرفوره لان هيئتها كانها فار
بدت تتاقلم معنا بس جد جد شيطاااااانه تروح حق قفص العصاقير تخوفهم و حاله
بس كيوت ، امي قالت لي اذا صار الشتاء طلعايها الحديقه لان وايد شيطانه
بس المهم انها بتكون مجوده و انا متطمنه عليها
و بس والله طولت بالكلام طبعاً هالتدوينه بس عن فلذات اكبادي قولو ماشاء الله بليز
اضحكني لما اكتب قولو ماشاء الله بس جد اخاف افقد احد منهم
-
اشكر امي على صبرها علينا والله
ثنكيو حق كل اللي ضيعو وقتهم و قرو عن عيالي
ان شاء الله التدوينه التالي بتكون اعقل او عن انجلو الحب الاول و الاخير

لان لابتوبي جديد ف ماعندي كثير صور ، باعرض الموجود ، و الجدد ان شاء الله في تدوينه جديده 1

اول ماخذت انجلو كانت صغيرونه " كنت احسبها ولد "

لان الفضول قاتلها انعدعست داخل الكيس

تايغر الجميل الوسيم

ساسي لما كانت دبدوبه الحين ضعفت وايد و قصينا شعرها صارت هيكل عضمي يمشي

سارونه يوم كانت صغيره شوي

زوج سارونه "نتوف" مع ولدها

هاذي بعد اسمها ساسي "ام تايغر" اللي اخوي جابها و ماتت 1
-
بس خلصت تدويني لهاليوم اشوفكم في تدوينات اخرى ث5

سبحان الله و بحمده .. سبحان الله العظيم ​

 

[ELVIRA]

رد: Aмong тнe sтaяs ☆

السلام عليكم و رحمة الله و بركاته
اليوم كان حلو الصراحه و خفيف
قمت من النوم من وقت كالعاده و وصلت الدوام اول وحده
عادي نزلت و قعدت اتريق و صار ووقت التدريب كنت جد جد تعبااانه و كنت مفكره
اني ما انزل رياضه اليوم من التعب بس صديقتي قعدت تحن و تحاول تقنعني ان يلا
و مابتتعبين و علشان اللياقه ترجع و من هالكلام ف اقنعتني الصراحه
المهم ان ماشاء الله علينا كنا انا و صديقتي و 5 بنات معانا وايد متحمسين فالرياضه
على ان اكثرنا كسولين بس مادري شصار فينا اليوم ف طبعاً المدرب استانس
لان ماتعبناه و عطينها فوق طاقتنا ف قال لنا انتو ال 7 بدال ماتروحون الgym
مع الباقي بعد البريك روحو البيت خلاص طبعاً كلنا صرنا كذا شي جداً غريب و نادر
بالنسبه لنا و الحمدالله يعني خلصنا التمارين و رحنا نريح شوي و يوم صار وقت الجم
طلعنا المهم قلت الحمدالله انا اليوم عندي وايد اشغال ابي اسويها ف زين طلعت من
وقت علشان اريح روحي و يكفيني الوقت اقوم و اخلص مشاويري و اشغالي 1
وصلت البيت قلت باخذ غفوه و باقوم وقت الغدا و بس عقبها بابتدي اخلص اشغالي
و بس ذهب ولم يعد نمت و ماتم منبه ما صاح ماتم شي ماقالته امي ماتم رنه
ولا قمت .. طبعاً انا توني قبل شوي اقوم من النوم الساعه 7:30pm تقريباً
اخترب النوم و ضاع اليوم على ولاشي بس يلا الحمدالله على الاقل نمت عدل
لاني صايره هاليومين ما انام نفس الناس

المهم امس كان حلو
كنا متفقين انا وربعي نروح سينما نشوق فلم رعب حق اللي يعرفه اسمه The Conjuring 2
طبعاً انا ماشفت الجزئ الاول بس بعد رحت اشوف الثاني و جد جد كاان عجييييب
انا احب افلام الرعب اللي فيها جن و هالسوالف و ماحب افلام الرعب اللي فيها دم و تقصص
انقرف و احس سخافه الجن يخوف اكثر و هالفلم بالضبط مثل ما احب
انا دايماً اذا اشوف فلم رعب في السينما ما اخاف كثر ما اشوفه فالبيت احس فرق
بس امس كل شوي افزع كلشوي انط المشكله مو بس انا نص اللي في السينما
و صديقتي مره صرخت ذبحتني من الضحك ببس صج حلو حبيته
و اللي حببني فيه جو الثمانينات او السبعينيات في لندن و كيذا
انصح محبي افلام الرعب يشوفونه اذا ما شافوه تراه حلو و نهايته حلوه

اللي يخاف او تحت السن 13 اتمنى مايشوف الفيديو ترا ماليخص اذا ما نمت فاليل

في بعد افلام بتنزل باجر إن شاءالله و منهم فلم Suicide Squad !!!
للي يحب الكوميكس و السوبر هيروز و هالسوالف بيحب الفلم ، انا عن نفسي لاني
احب الجوكر اللي في باتمان و هارلي كوين الجميله ف هاي السبب اللي خلاني اتحمس له

هالصوره قديمه شوي بس احبها ، اتذكر يومها كنت متملله و يوعانه و ربعي كانو كل
وحده مشغوله في شي ف رحت بروحي المطعم و طلبت لي و قعدت برع بعد كان شتاء
و اللي تشتغل هناك تمت تسولف معاي تقولي ليش بروحج كلشوي تجي تسولف و تروح
السوشي عندهم لذيييذ بلذات توكيو شرمب اعتقد اسمه .. اي شخص
بيجي البحرين و يحب السوشي يا يروح uni sushi او mirai و في غيره احلا كثير
بس بالنسبه لي اكثر مطعمين احبهم ذلين


و بس والله ضاع يومي باروح ارد على مواضيع و اتابع انمي بعد شاسوي
شكراً للي يتابعون مدونتي و شكراً للتقيمات الجميله اسعدتوني والله

​

 

[ELVIRA]

رد: Aмong тнe sтaяs ☆

This is the problem with getting attached to someone..
When they leave, you just feel lost

​

 

[ELVIRA]

رد: Aмong тнe sтaяs ☆

السلام عليكم و رحمة الله و بركاته
شلونكم جميعاً في هذا اليوم الجميل
اه زمان عن المنتدى بجد اشتقت له في اشياء سحبت عليها
بس والله صاير هالكم شهر ضغط مو طبيعي والله احس باقي نقطه و انفجر
انقذتني عطلة العيد ضغط في الدوام و خارج الدوام النفسيه ماشاء الله يعني
بس الحمدالله انا احب انشغل احسن من الفضاوه بس مو لهالدرجه حتى
ماعندي وقت افكر فيه و اتنفس كلشي ورى بعض .. أ4
الحمدالله على كل حال ، اذكر اني اشتركت في فريق الرد بس ما رديت كثير
و هالشي ضايقني ف قررت اني ما اشترك كلش الا لما افضى و يتعدل وقتي
و دورة اللغه الكوريه افف كنت حدي متحمسه لها بس للاسف مالحقت الا
على اول الدروس بس الحمدالله شفت ان ويند حاط الروابط لجميع الدروس في
مدونته في اقدر ارجع لهم وقت احصل وقت < الجمله غبيه شوي
بس بعد متضايقه لاني كنت ابي احل الواجبات اول باول و مع الكل بس يلا الحمدالله
و شكراً لكل اللي قيموني و شكروني في المدونه بجد اسعدتوني و نورتوني
للاسف في تقيمات راحت قبل لا اصورها اف انقهرت من نقسي كان كلام جميل و راح
بس بعرض اللي بقى منهم

ثنكيو فري متش حبيبتي جد في كل تدوينه تقيميني شكراً بيبي

شكراً حبيبتي و انتي نورتي مدونتي بجد لاتحرميني طلتج

شكراً لمتابعتك مدونتي نورتيني ، و انتي من المدونات المفضله عندي يعجبني تفكيرج1
و ان شاء الله شفتي الفلم ؟ انا شفته و عشقته والله ماخابت توقاعاتي فيه

و اللي مالحقت اصور تقيماتهم انا اسفه و الله كلامكم مانسيته بلذات e R ! S

-في وايد اشياء كتبتها في هالتدوينه بس من ذكائي الخارق صكيت الصفحه
و كتبت اللي اتذكره


لا إله إلا الله وحده لا شريك له، له الملك وله الحمد، وهو على كل شيء قدير

​

 

[ELVIRA]

رد: Aмong тнe sтaяs ☆

السلام عليكم و رحمة الله و بركاته
تخيلو ان بعت ثنين من القطاوه اللي عندي من فتره علشان يقل عددهم في البيت
عقب شهر و شوي كلمني الشخص اللي اخذهم قالي انا برجهم خلاص
طيب ليش؟ زوجته ماتبيهم ! طيب اوكي عادي بس يعني الحين شهر و شي عنكم
عقب ما تعودو عليكم و نسونا ترجعونهم ؟ كانهم العاب حرام تره حتى هم عندهم احساس
الحين لما خذتهم تقريا قبل العيد بيوم امهم ماتبيهم من تشوفهم تضربهم
و باقي القطاوه نفس الشي ، ف محبوسين في غرفتي بس يعني لين متى
اف كاسرين خاطري بس نفس الوقت مستانسه عليهم ، كيوت يسلوني
بس لما اصك الانوار و خلاص بنام تصير غرفتي ديزني لاند من اللعب اللي يلعبونه
و المشكله مايلعبون باحترام لااء ركضون علي و انا نايمه ولا كانه في احد على السرير
مره كانو يلعبون يلحقون بعض و ركضو على وجهي قمت مفزوعه عبالي احد في غرفتي
مع العلم اني اقفل الباب مادري ليش عاده سخيفه منذ الطفوله ?‍، المهم
قمت اشوفهم بنضرة غضب و هم وقفو لعب تمو يطالعوني ، طبعا نضراتهم هزمتني
مسحت عليهم و رجعت نمت
-
المهم احس ان وقتي رجع لي الحمدالله اقدر ادخل المنتدى و افضى حق نفسي لان نضمو اوقات شغلي الحمدالله و الشكر لك يا رب
حبيت مسابقة العيد هدية من مجهول و اتمنى اني خمنت صح و افوز الجائزه مغريه
و الهديه اللي حصلتها من مجهولي كيوت وايد حبيتها ثنكيو هو ايفير يو ار 1
مادري ليش داخله ادون و انا ماعندي سالفه و اساسا المفروض اقوم اطلع حق صديقتي
بس الكسل و مايفعل احسها بتقتلني قريبا لازم اقوم يا رب يروح الكسل امين
شكراً للي مازلو يقرون كتاباتي الفاضيه و المافيها لا معنى ولا فايده كامساميدا 1 <صح؟

You’ll get there. No rush. Just keep moving forward

​

 

[ELVIRA]

رد: Aмong тнe sтaяs ☆

اشتقت للمنتدى بشكل مو طبيعي
احس روحي حسدت نفسي من قلت اني فضيت و باصير نشيطه بالمنتدى ،
زاد علي الشغل دبل
و الحين طبعا لازم انام لاني بقوم من الصبح بس اتمنى احصل وقت افضى فيه
ابي ادخل و اشوف شالجديد و كلشي
بس دخلت اقولكم انكم وحشتوني و يلا استودعكم الله
لي رجعه قويه بإذن الله

​

 

[ELVIRA]

رد: Aмong тнe sтaяs ☆

* ملاحظه : هاذي التدوينه كتبتها تاريخ 3\12 و ترددت في اني انزلها او لا , ف اليوم قررت انزلها .. because I'm too lazy to rewrite it

3\12\2016
السلام عليكم و رحمة الله و بركاته
شسمه .. مب عارفه شلون ابتدي بكلامي
اشتقت للمنتدى للمره المليون اقولها بس شسوي اشغالي زادت
و احداث وايد صارت في حياتي خذت وقتي كلله
شقول بس غير ان الشغل زاد و الضغط زاد بس الحمدالله على كل حال قلبي2
امس كان عيد ميلادي احس نفسي عجوز الناس تفرح و اانا احزن احسني بسرعه
كبرت بدون ما اعيش حياتي احس كلشي ورى بعض يصير ت3 .. انا في نعمه الحمدالله
بس تفكيري يصير سلبي فجاه غ0 .. المهم قررت دام ان دوامي مافيه راحه
اي وقت افضى لو ساعه بدخل لان اشتقت للمنتدى وكلشي فيه و ماحب اقطع

صار حدث في حياتي غريب و مو حلو ابد ولا توقعت في يوم بشهد لهالنوع من المواقف
ماكنت ناويه اكتب هالشي هني بس ابي اطلع اللي في قلبي ..
قبل شهر تقريبا توفت صديقتي ، و الآخس من هالخبر ان الشيء صار قدامنا
ماتخيلت في يوم اشوف شخص عزيز علي يموت و ينشال للاسعاف
و يعلنون خبر وفاته و انا لحد اليوم ما ابي اصدق اللي صار احسه كابوس
العزاء و الناس و امها مشاهد قطعت قلبي
الله يرحمها يا رب و يجمعنا بها فالجنه صديقتي العزيزه
شيء مؤلم والله احاول طول هالفتره اني اشغل نفسي بأي شيء و مابي اقعد
بروحي مع اني احب الوحده بس صايره ما احب اقعد بروحي لاني مابي افكر او اتذكر
اي شيء بس لو شنو اسوي علشان اتهرب من التفكير فيه كان اكثر مشهد ينعاد
في ذاكرتي تعبني هالشي و اتمنى اني نايمه هاذي الوقت كله كان كابوس طويل
بس للاسف هاذي الحقيقه المره و الحمدالله على كل حال .. قلبي2

اسفه على هالتدوينه يمكن تضايق البعض بس كلام في قلبي من فتره و حبيت اطلعه
لعل و عسى ارتاح شوي ؟ ادعو لها بالرحمه قم0

تسامحوا و صفو قلوبكم لبعض لاتخلون عندكم عداوات مع الناس
مافي احلى من التسامح و المحبه ماتدرون متى تخسرون الشخص
ولا ماتدرون انتو متى ينتهي عمركم ف اتمنى الكل يشيل من باله العداوه و
الامور الدنياويه اللي مامنها فايده ، و الله لا يحرمكم من كل شخص غالي و الله
يحفظكم و يحفظنا و يحسن خاتمتنا و انا اسفه مره ثانيه
و إن شاء الله يزيد تواجدي و نشاطي

​

 

[ELVIRA]

رد: Aмong тнe sтaяs ☆

إنها مرحلة الأكتفاء ، حيث لا يعود يعنيك الزحام ،
و تختار البعد عن الإلتصاق ، و تنتابك مشاعر عالية الرأفه على اللاهثين ،
و تحب أن تُدار عنك شائعات منفرة ، و تبتهج كلما قرر احدهم أن يوليك ظهره ،
و يصير العتب وجبتك المفضله ، و يكون الوداع اغنية حريتك ، و لديك مبررات
زائده للتخلي ، و عندك رصيد كافٍ من الإرهاق ، و اكثر ما تقدمه انك إذا تذكرت
احداً تذكرته وحسب ، وانك إذا ما اشتقت ابتسمت و اكتفيت ، و انك إذا ما شد الحنين
على قلبك التهمت لحظة مضت ، و انك إذا ما استعرت الرغبه بصقت ، وما من احد
يبتز ضعفك ، او يستغل فراغك او يكسر رتابتك ، و هكذا تتبلد ، عندما ترعبك الاصوات تطمئن
إلى هدوئك ، و كلما اتسعت دائرة علاقات الناس فرحت انك خارج عن سيطرتهم ،
باقٍ على عهدك الاول ؛ ان تبقى مكتفياً ، متكيفاً ، مستقلاً تثير فيك كل سبل التواصل
نوعاً من القرف ، ثم لا تخبر احداً غيرك بما تحسه في قلبك ، ولا تتشاركه مع سواك.

​