I am the Cat's Meow (1 زائر)

[Meoω❀]

رد: Meow You're supposed to Meow for me back

[TBL="http://www.anime-tooon.com/up/uploads/toon1470396629192.png"]

،*
​

هلّأ انا انولدت وعشت تقريباً كل حياتي بالامارات باستثناء أربع سنين من عمري عشتهم بغزّة

كنت بالمرحلة الابتدائية
بهاي الفترة ودّوني ع مدرسة هناك .. وبهديك المدرسة تعرّفت ع صاحبات كتير كنت بحبهم ..

وكنت معروفة بالمدرسة اني انا الي بعرف ارسم ..

وكلهم كانو يعطوني كرّاساتهم ارسم لهم

بعد ما رجعت ع الامارات كان عمري 11 سنة، انقطع تواصلي معهم نهائياً .. بعدها سجّلت بالفيسبوك والقصص هاي كلها
ودوّرت عليهم وما لقيتهم .. حالياً مر 8 سنين تقريباً على آخر مرة شفتهم فيها ..

فقدت الأمل
وقلت بيني وبين نفسي : حتى لو لقيتهم ما رح يتذكّروني أكيد .. ما في الّا انا الي وفيّة للذكريات وما اتوقع كل الناس متلي

..

في جروب على الفيس ما بعرف اذا سمعتو عنه ولا لا .. اسمه [ ملتقى سيدات الشارقة ]
عليه تقريباً أكتر من 650k شخص كلهم صبايا وبنات وستّات كبار المهم كتير كبير ونشيط ومتفاعل

قبل ايام رسمت بورتريه لصاحبة هالملتقى رزان أبودقة ..

[ هنا ] كانت رسمتي لالها..
رزان عجبتها كتير ونشرتها بالملتقى وع اكاونتها سواء بالفيس او الانستجرام وضلّت تدعمني كتير و بشتّى الطرق
وبجد ما رح أنسى دعمها لالي ..

من بعد ما انتشرت رسمتي لالها اجوني كتير ناس عملو لايك لبيجي ولاكاونتي الشخصي ادد فريند
من بينهم بنت شفت اسمها طلعت بنت كانت معي بالابتدائية !

ايام غزة تحديداً ..
بجد انبسطت وسهرت معها ع الفيس وقعّدنا نسترجع ذكريات ..

عرفتني بعد ما شافت رسمتي وقرأت اسمي ..
اجوني حوالي تقريباً 5 بنات بعدها من الي كانو معي ايام الابتدائية وبردو عرفوني من الرسمة الي انتشرت ومن اسمي..

بجد يعني كانت سعادتي لا توصف لأني حاولت اوصل لهم بشتّى الطرق ..

وكمان انهم بيتذكّروني ..
مع اني بتذكر طبعي كان هادية وخجولة وما كان لي حضور قوي بالصف الا بالمواضيع الي بتتعلق بـ الفن والرسم
اعتقد لأنه اسمي مميز >روعـة< وكمان معروفة بانّي رسّامة لهيك تركت بصمة حلوة بالمدارس الي كنت فيها

​

[/TBL][TBL="http://www.anime-tooon.com/up/uploads/toon147039662933.png"]


[/TBL]

 

[Meoω❀]

التقييمات : ​

هاي تقييمات قديمة وصلتني من شهر 12 ولهلّأ نسيت أعرضهم

منيح أني صوّرتهم لأنهم اختفوا من زمان ..

شكراً الكم حبايب قلبي على تقييمكم

نيجي ع التقييمات الجديدة :

جويلان : ايه والله هاد فعلاً أحلا شي حبيبتي ويخليلك أحبابك يارب

زهورة الملكة : شكراً ع التقييم الفاضي xD

سيلفر : فعلاً ..

بعد مرور 8 سنين وأنا بدوّر على أي أثر لهم لقيتهم فجأة اجوني

من أحلا الصدف الي صارت معي

شكراً لك حبيبتي ويسعدك يارب

ريلينا : حبيبة قلبي انتي

عنجد اي لوف يو كتير يا أحلا صديقة

اذا هديت الأوضاع بغزّة وسافرنا انتي أوّل وحدة بدي أشوفك

​

​

[/TBL][TBL="[URL]http://www.anime-tooon.com/up/uploads/toon147039662933.png[/URL]"]


[/TBL]

 

[Meoω❀]

رد: Meow You're supposed to Meow for me back

[TBL="http://www.anime-tooon.com/up/uploads/toon1470396629151.gif"]






























[/TBL][TBL="http://www.anime-tooon.com/up/uploads/toon1470396629192.png"]

..... ,* .....
من هم الأشخاص العاديين ... ؟!

هم اولئك الذين يولدون ثم يكبرون على تربية متوارثة من أبوين
توارثوها عن أجداد عاديين عاشوا فقط من أجل العيش ثم يكبر هذا العادي ليبدأ مرحلة الدراسة ..
يبرمجونه على عقيدتهم حيث ينسخون في عقله جملة لا تحد عن طريقنا والا اصبحت لست منا ...هيا انسخ افكارنا
ثم يدرس اختصاص ما حسب ميوله ليقع في فخ اختصاص ممنهج ومغالط فيه كل شي الا الحقيقة المطلقة...
يكمل دراسته لكي يبدأ بالشعور وأنه في القمه باحثاً عن الزواج لينتهي به المطاف محاطًا بأطفال أو نسخ منه
ليسوا سوى دورة الحياة العادية التي يظنها لب الحقيقة لينتهي به الأمر في قبر
دون أن يبصر ما في جعبة الامر حقا

بينما أنت هناك أيّها الغير العادي الاستثنائي الذي تفكر خارج المألوف
تجلس ربما في الزاوية في مكان عام تتأمل في العاديين وتنظر بغرابه لهم متسائلًا مع نفسك
هل هم مدركون هل هم يشعرون ان هناك شيء ما غير عادي ...؟
هل المألوف هو مخدر ما جعلهم في سبات حيث يصدقون بشدة أنّك أنت لست عادي ولست في المسار العادي
حين تأتيهم بأمرٍ غير عادي فيشعرون أنك لست منهم أو خارج عن المصفوفة التي تحتويهم ويغذونها

تجلس أنت في بعدك الخاص أين تبصر العمق وتشعر بلذه الواقعية في ذلك البعد
الذي تطوف فيه الارواح التي خرجت من صندوق المألوف ...


# أعجبتني # منقول



​

[/TBL][TBL="http://www.anime-tooon.com/up/uploads/toon147039662933.png"]


[/TBL]

 

[Meoω❀]

رد: Meow You're supposed to Meow for me back

,*
​

أمس كان أسوَء يوم بحياتي كلها .. بعد ما اتغدّيت رحت نمت قيلولة العصر
على أساس اني أنام مش أكتر من ساعة وبعدها على طول أدرس للامتحان القادم ..
ولكن بعد ما صحيت فجأة تدهورت حالتي الصحية بشكل مفاجئ...!
معدتي كانت بتجعني وغثيااان وأكتر من مرة أرجّع وحالتي حالة ..! وحاسة بدوخة ودوار وشوي وكان رح يغمى علي
على طول ودّوني أهلي على المستشفى عند الطوارئ وفحصوني لقوا عندي هبوط بالضغط ...
اعطوني محاليل وابر ومية شغلة وشغلة وأنا ما كنت بقدر أقوم ولا حتى أفتح عيوني..
وكانوا ينقلوني من مكان لمكان عن طريق الكرسي المتحرك
أبداً ما توقّعت أنه ييجي يوم تصيبني كل هاي الأمور مرّة وحدة ..
لأنه أنا غالباً لما أمرض بيكون مرضي عبارة عن انفلونزا بالكتير، بحياتي ما مرضت مرض أكبر من هيك ! ا6

المهم على كلٍ اليوم أنا وضعي أحسن من أمس الحمدلله ولو أنه لساته في آثار دوخة وصداع بس ما عاد عندي غثيان >_<
فتحت اللاب هلأ على أساس أرسل العذر الطبي للدكتورة عشان امتحان اليوم .. وبالمرة فتحت المنتدى أشوف الأوضاع كيف

انشالله بس أتحّسن أكتر رح أحاول أوازن بالوقت ما بين دراستي وأمور المنتدى لأني بجد مقصّرة معكم ..
مكسلة أحط خلفية هلأ، بعدين برجع أعدل ع هالرد وأحط خلفية
​

 

[Meoω❀]

رد: Meow You're supposed to Meow for me back

[TBL="http://www.anime-tooon.com/up/uploads/toon1470396629192.png"]

،*
​

آخر مرة كَتبت تدوينة هون بشهر أربعة لمّا كنت مريضة

حبايبي مرسي والله يسلّمكم ولو أني متأخرة كتييير .. حتى أتوقّع أنكو نسيتو تقييماتكم

مرضي كان بسيط ولو أنه تأثيراته فظيعة .. وما أخد معي غير يومين بس، بعدها رجعت زي أول وأحسن كمان

~♥~
يا جماعة أنا بجّهز لموضوع بسيط يعني مش فخم كتير

وبدي حدا يساعدني بكتابة مدخل ومخرج لاله قبل ما ينتهي اليوم
بتعرفوني ما الي أبداً بالكتابة وحاولت بس ياخي مش زابط طالع الكلام معي كأني بتعاطى حشيش

المشكلة أنه ما في وكالة بالوقت الحالي بتعطي هاي الخدمات الكتابية

كلهم تصاميم أو رفع

ومعظمهم مسكرين حتى

الي بيقدر يساعدني يتواصل معي زوار او خاص وبحكيله بالزبط شو بدي ..

وبدفعله تونات

وشكرًا عفوًا

​

[/TBL][TBL="http://www.anime-tooon.com/up/uploads/toon147039662933.png"]


[/TBL]

 

[Meoω❀]

كيفكم يا أحلى أعضاء وكل عام وانتو بخير بمناسبة العيد..
اشتئتلكم كتير وميرسي ع التقييمات الجميلة على اخر تدوينة

عنجد كيف الدنيا بتمر بسرعة ضايلي فصل وبخلص سنة تانية !
بتذكر اليوم الي سجلت فيه جامعة كأنه امبارح..

أحلى سنة لالي من فترة كتير طويلة كانت سنة 2016 عشان كتير أسباب
أول سبب انتهائي من جحيم المرحلة الثانوية علمي بمعدل قدر يدخلني كلية الهندسة ( 87% )
ولو اني كنت بدي أكتر وخصوصاً انه في عيلتنا كتير بنهتم بالمعدلات العلمية العالية وأقل واحد فينا جاب 95
بس اتس اوك ..
تاني سبب الله رزقنا بأحفاد جداد (ولاد اخوتي) همي هلأ كل شي بحياتنا ..
تالت سبب ضيعت ع حالي فصل من الجامعة وبالتالي كان عندي اجازة مدتها 9 أشهر مرة وحدة ! أطول اجازة أخدها بحياتيح
وكنت بالفعل محتاجة اجازة طويلة أصفي فيها ذهني وأقعد أتعرف على نفسي شوي..
لأنه بجد ضغط مرحلة المدارس بكل سنينها مش بس توجيهي كانوا صعبين علي من كل النواحي..
ويسعد أوقاتكم بكل خير

اذا حابين تتواصلو معي ع مواقع التواصل الاجتماعي:

فيسبوك
الاسم الشخصي -> Rawa'a Al-tartour
الصفحة -> Rawa'a AlTartour Arts روعة

انستجرام
-> Rawa'a Al-tartour Art روعة (@rawaa_artist) • Instagram photos and videos

 

[Meoω❀]

بتاريخ 24/1/2019
عملت شغلة عمري ما حلمت حتى أني أعملها
الا وهي عملية الليزك
بعد معاناة 8 سنوات مع النضارة الطبية ما كنت بشيلها غير وقت النوم ولما أخد دوش
عملية ما اخدت كم دقيقة وكمان كنت صاحية يعني مش تخدير كامل-أكيد-
اذا شفتوني بصوري مش لابسة نضارات معناته أكيييد بكون لابسة لينسز/عدسات شفاف للنظر
بس العدسات كانت تخلي عيوني ناشفين وقت القراءة أو لما أستعمل أجهزة..
فما كنت ألبسه غير المناسبات والأنشطة المهمة والزيارات العائلية مرات

كذا مرة تيجيني فكرة أنه شو شعور الي بيقدرو يشوفو الدنيا بوضوح
من غير الحاجة لأي شي يحطوه بعيونهم..
وبحاول أعصر مخي أتذكر ذكريات الطفولة لما كان نظري قوي ومنيح قبل ما يضعف

عنجد الشعور الي اجاني تاني يوم بعد العملية لما أصحى من النوم وألاقي كل شي واضح حح
من غير الحاجة أحط ايدي هون وهناك لحد ما ألاقي نضاراتي
أو لما أشرب هوت شوكليت أو أي مشروب سخن من غير ما ييجي بخاره على نضاراتي
أو لما مطّرت الدنيا قبل فترة فوق وجهي
اليوم أنا نظري 6/6 وبشوف كل شي بوضوح من دون الحاجة لأيييي شي ر1
وبرسم وبداوم بالجامعة وبكتب هالكلام وأنا بيني وبين شاشة اللابتوب مسافة كبيرة
ولا لو تشوفوني لما أطلع برا..
ما تركت ولا لافتة بالشارع بعيدة أو قريبة الا وبقرأها بصوت عالي أنه بقدر أقرأ من غير نضارات ومن غير أي شي
مبسوطة أني عايشة بزمن بقدر بسهولة أتخلص من النضارات بعملية بسيطة ما بتاخد دقايق

ان شاء لله تدوينة اليوم تكون نبهتكم على أكبر نعمة موجودة عند معظمكم
والي هي نعمة النظر القوي س1
~~