منو آنه ؟ طبعًا مثل م تعرفون غنيةة عن التعريف وجيي - بصوت بتيل -
المهم ، حسّيت إن أحط الـ cv وآيد رسمي ، فأحلى شيء أعرف بنفسي
بطريقةة الفاكتس أو الحقائق .. طبعًا فقرة من أنا بتكون كـ عشرين فاكتس عني
أحطها بين الحين والآخر آز يو نو ..!
- اسمي تقوى ح1
- عمري 14 سنةة ، نقول بالضبط 13 ولكن شهر 11 بيكون 14
" الزبدة 14 وآلي يقول 13 ياكل هوا " قم0
طيب بهذر شوي عن عمري ..
فيه إنسان إسمه ويند ، لما قلت له مواليد 2000 عبآله إن عمري 16 قم0
بس من زود م شفته مصدوم ، مشيت السالفة عليه قم0 ولي حينا هذا مايدري
* تشررررررررررررد * + آنه مواليد 2002
- من البحرين والنعم فيني ح1
- مدبلجة ومؤلفة متقاعدة ، كاتبة ومصممة ورسامة
" حاليًا أكتب رواية - بدون ماهيّة - " بالنسبة للتأليف قم0
ي قمـآعةة التأليف الي متقاعدة عنه هو تأليف الاغاني للأنمي قم0
- صوتي كأنه مكينة خربانة بس الناس مالت عليهم قم0
- قصيرة ولله الحمد ، أصلًا القصر فتنة وآلي يعيب عليّ برآ من غير
مطرود مب ناقصة جنعدة تقول القصيرة والقزمة ح1
- كانديزة وأموت ع الكانديزات وأكره النفسيين ح1
- كيبوبر وأهم شي أجوف درامات ، أحسني أعيش مرة ثانية
" بالنسبة للأنمي كنت أجوف ، ولو طلع انمي حلو أجوفه عادي "
- أحب الورق عنب أكثر من الناس قم0
- أتحول لمجاعة أفريقيا في الليل ، عادي تلقوني آكل خيارة نص الليل قم0
- أكره الطائفيين ، وماحب آلي يقول لي انتِ سنية ولا شيعية !!
ياخي هذه ناس مريضةة ، كلنا مسلمين
- أعيش في مجتمع مختلط ، سو أتكلم لهجتين ..
" أتكلم بالـ ج + ش ، ترآ عندي رفيجات من اللهجتين عشان جذي
عادي تجوفوني مرة وحدة أقلب وأتكلم بالشين وبنفس الوقت
عايشة في قرية فيها ج و ش "
- رآيحة ثالث متوسط بعد ذي الإجازة ، ادعوا لي
- أحب أتمشكل وأتهاوش وأسوي مقالب تاخذ العقل ح1
" لما كنت بسادس إبتدائي سويت 12 هوشة بيوم واحد وبالفصحة بس "
- شخصيتي بالانترنت ما تختلف عن شخصيتي بالواقع
- إذا ارتحت لإنسان أسبه بدل م أمدحه قم0
" مب شرط ، بس هم مب سب سب ، يعني عادي جم كلمة "
- فاصلة الكيبل أربعة وعشرين ساعة ، حتى بوسط الدرس
والمعلمة تشرح أستهبل وفاطسة ضحك مع هذا آخذ 30 بالأعمال ح1
- أكره لما السوالف تطول وتصير بايخة ، يعني أحيانًا أستهبل وأكون
فاصلة مع شخص معين ، وبعدين أجوفه يمصخها عادي يطلع لي عرج
وأتهاوش .. يعني يمصخها بالكلام أو يلف ويدور أو ما شابه ..
- أكره يكون فيه شخص زعلان مني ، بس بنفس الوقت إذا هو الي عال علي
وآلي قام يبدي بأم المصخرة والهواش ، ارميه بالطقاق وأطنشه
أما إذا آنه غلطانة عادي أصيحح عشان يسامحني وبنفس الوقت
ما أقول له وأبوس ريله ، يعني بيني وبين نفسي
- تييني حالات أصير نفسية قم0 ولكن سرعان ما أروح
أكلم رفيجاتي يعطوني هرمون سعادة
~
اخترت يكون اسم مدونتي الخضارة ميسيزو ، لأن أحب الخضار يعني مابي أصير خضارة لما أكبر ، بس أحب أعيش بين الطبيعة الأم ^ برآ
أمانةً لا أحب الخضرة ولا شيء بس الاسم محشش عشان جي & شرايكم بهيدري ، أحسني خضارة على أصول
رقعععت طبعًا ذي التدوينةة همّين يمكن تتكرر وجي ، بس ترآ الجميلةة
هي آنه ^ كفف ، آيه نعم ، خضارة بس مب معناتها كريهةة قم0
عفوًا ، التدوينات آلي تحمل اسم بيوتي آند ذآ بيست .. يعني شنو ؟ يعني
تدوينةة هوشةة قم0 يعني آنه الجميلة في الهوشةة والخصم هو الوحش
ولكن سرعان ما تنتهي الهوشةة بالصلح لذلك نهاية الجميلة والوحش سعيدة ما يحتاااجج تصفقون لي ، أدري إني مبهرة ^ برآ
طبعًا آنه أمس مادري أول أمس المهم ، رحت لبروفايلات الأعضاء
آلي أعرفهم وكتبت لهم مالت عليك / ج ح1 وفيه ناس مثل غربون الباكا قعدت أحاول
أفهمه يعني شنو بس لحينكم هذآ مب فاهم شيء قم0 آلي يبي يجوف المحادثة
ويفطس ضحك يروح ملفي بسرعةة قم0 قبل لا يحذفها غربون
والباجي آلي كتبت لهم مالت ، شنوا الحرب .. مثل : ليش ؟ وشسوينـآ
ومن ذآ القبيل وطبعًا ردي افرغ طاقتي السلبيةة قم0 ..
ترآ بقول شي علمي .. يمكن بس فيني ، ماادري عن باجي الأوادم ..
لما احس اني متمللة أعيل وأتحجج - أفتعل هوشة - ع الأوادم عشان انفس
عن مللي ، بعدين انهار إذا م استانست .. عشان جي أروح أفرغ طاقتي السلبيةة
على الناس قم0 وأطقهم بالطوف وأستانس قم0 وجد حسّيت بالراحةة
وبس يعني صج حسّيت بالراحةة ، وطبعًا كنت رآيحة عند الاصلع
سكآي مثل الباجي وكتبت له مالت عليك ، رغم اني مزاعلته قم0
ويرد مالت ع خشمج .. لي م وصلت مرحلةة الراحة النفسية العظمى قم0
شكثر طححت فيه حجي قم0
آهنيي قعد يتفلسف ، يقول تقصدين هالكلام ع ذاتج
لانج معصبة قم0 ، عاد قو وآي ، خير ؟ ادري اني افرغ طاقتي
السلبية ، ولأني متمللة .. أصلًا كنت طول الوقت أضحك ، خير معصبة؟
مثل م قلت عشان استانس ، بس مب م أقصدك ، خير ؟ إلا أقصدك قم0
بعدينن قعد يقول لي ان لازم أنظف قلبي من الشوائب والله ان قلبي
أبيض منه ، بس جي مريوم متابعةة لهوشتنا قبل لا أكتبهـآ
فـ..يآه فطست من الضحكك ، طبعًا لأن قلبي أنظف قلب ح1
قلت له لا تعيد الحركةة وجي ل8 قم0 .. مايدري إن لو حقدت ع إنسان
ما بقعد أسب فيه .. إلا برجع رسمية مثل أول م دخلت التون وكأن شيئًا
لم يحدث .. في النهاية السالفة م خلصت يعني صلح من ناحية
هدأت الأوضاع أما الحرب فلن تنتهي بعلمه السنعع * تششرردد *
طبعًا عبارة ' مالت عليك ' آلي كونت ذي السالفة قم0
كونت ضجة بالسوشل ميديا مب ضجة بالسوشال ميديا كلها قم0 لا ،
بحسابتي بالسوشل ميديا فقط ، كل من صار يقول مالت عليك .. ومالت عليكم جميعًا وسلامتكم .
للي ما يعرف يعني شنو إسهال دماغي ، يعني مخك يسيح - يذوب - من الضحك
والمغص القلبي إن يطيح قلبك في بطنك وجي لا بس يعنني
أعلمكم بأمراضي المزمنة قم0 آلي يقول سامجة برآ من غير مطرود ح1
-
فاصل إعلاني :
مريوم | راس البصل محد غيرج ، ي الهبلةة خضروات قم0 مهما يكون
ماتدرين إن الخضّار يبيع فواكه ؟ آيي عفيّة أدري إني أشقلبكم كلكم
قبل لا أشقلب مشاعركم قم0 جد ؟ وينها الخاينةة ؟ سدمةة
ترنوم تخونني بعشرين طعش * من وين يبتي الرقم قم0 *
الزبدةة منوغة سونيغيتـآ وشغف لي تتابعيني
ريلو | هلآ والله ، اقول القمر منور سمانا < متعوب عليها >
والله انتي اللي تونسين ي بععد جبدي - تقعد تبجي -
-
عُـــــدنـآآ :
الزبدةة خلاص بقول شنو حكمتي .. يمكن بعضكم
شافها في حسابي بالفيس المهم ..
أن تسقط ببطئ ، ذلك لا يعني بأنك لن تسقط
العبارة من جيسي بس والله إني حكيمةة جفتوا الشهادات
على مقولاتي العظيمةة ؟ قم0 !! طيب بقول لكم ليش
هالعبارة تلامس القللب ..
لما تحس ان الدنيـآ مالت عليك من كل الجوانب !! لما تحس
إن فيه شيء يخليك مكبوت .. لازم تقول ذي العبارة للشخص الصحح !!
إنك متكبر ، إنك مغرور ، إنك جايف نفسك ، إنك تجذب وإنك وإنك.. الخ عبالك يوم من الأيام م بتطيحح ؟ عبالك بتظل تطير في السماء
كلنا بنطيح لو حاولنا إن نطير لكن الفرق اهنيي ..
إن فيه شخص طاح وانتهى ، وفيه شخص في طور الوقوعع !!
الفرق في إن رقم واحد جرب وطاح ، وتألم ووقف مرة ثانية بشكل اقوى
لكن رقم اثنين لما يطيح .. بيكون صعب عليه يستوعب إنه طاح .. بيظل
تحت زوبعة من اللاوعي ، لأن المدة اللي كان متعلق فيها بالهوا أجبرت
عقله الباطني إنه يختلق خيال [ ما يطيح !! ] وبالتالي بعد مدة يستوعب
إلا أنه صار أتعس إنسان على وجه الأرض وصار كأكثر إنسان ضعيف ..
^ م يحتاج تصفقون لي قم0 لا لا
لا تتعبون يدكم وجيي ، أدري إني ابهرتكم وتسذآ..
بس يلا ، نعطيكم من علمنا شوي ^ برآ قم0
-
وشكرر خآص لكربون السعآدةة و0 صمم لي عv !!
آومققق سعآدةة ما تنوصف .. أذبح عمري آنه ..
لحظة أتشقلب من الونآسةة ، طيب من بعد هالتدوينة مباشرة
أروحح ألبسها ..
تسلللممم .. وبس بعني توقف الكلمات عن التعبير ..
سآنكيوو من القللب ..
-
أمانةً ليش ماتقيموني ؟ قيموني وإلا عقوبة الرجم
بالطماطم لن تفارقكم ، من التدوينة القادمة سأبدأ
الرجم .. ومالت عليكم تفرض نفسها مرة ثانية
بهذه التدوينةة وشكرًا ..
همسةة :مب شرط هذه النوع من التدوينات تلامس قلوبكم
عادي أقلبها تحشيش ف..يآه #كفكم_يالمحششين وموتوا يالنفسية ح1
ما شاء الله ، اللهم لاحسد .. اسم شحلآته & ولون أحلى
يعني مادري شفيهم ما كانوا يبون يصلحون الغلط آلي صار من سنوات
إني سجلت وحطيت اني بنت عشان اتسلى قم0 .. بس جد ألحين
يعني حسيت بالذنب قلت لازم أصلح الغلط ، لي متى بجذب ع الأوادامات ؟
صدقونني حبل الجذب قصير قم0 كل يوم أتعذب لاني أجذب عليكم واقول اني بنت
خلآصص كآفييي - كآفي ولا كاكو < ه ه ه ه - قم0 آلحين دايمًا بكون صادق معاكم
وبسوي تعريف يديد عني !!
اسمي فراس ، فرّوس ، عمري 18 سنة ، من البحرينن
ما شاء الله متفوق بدراستي ، والأهم عندي شكثر فلوس وجميييل
م تقدرون عليّ .. من تجوفوني تموتون مباشرةة .. نوري يعمي العينن
ما شاء الله .. قم0
الزبدة ماعندي سالفةة غير أسوي سوالف مكسرة مع روب - بتنذبح -
روب يالغالية .. كأنج السكر المذوب بالماي
ومع الروب بالقفشة .. حبج هيمني مع ألحان الناي
^ الله الله الله والله آسف ، صدقوني م بعيدها ..
عهد مني م أسوي سوالف مكسرة قم0
سوري جدو .. توني تذكرت قم0
-
اليوم بطول بهالذرة .. عاد انتوا وكيفكم !!
نعم ؟ مدونتي .. كيفي عاد ، م تبون تقرون قيموني واطلعوا برا ..
المهمم بتكلم عن ناسات جي كآشخخين في حياتي !! آ3 ح1
الله يخليهم لي ، و م يحرمني منهم ..
إلا اهما الكانديزات آلي فاقعين صلعة احمد ص7 ح1
ويستاهل الخآيس ، بس فالح يدعي عليّ اهو وعبد الرحمن
خلآص خلآااااص حقدت عليكم .. اذهبوا للجحيم انتوا الاثنين ح1
المهم انهم ناسات كآشخات .. يعني معًا لنمقلب العالم ص7 ح1
و طبعًا استمريت بالمقالب وطيحت الأوادم تحت شعار كانديزات
مثل مقلب خطوبة روب .. يالله أشكالكم المززة ذبحتني .. كلهم كلهم صدقوا
إلا خايسين اثنين .. موية وريلو مالت عليكم قم0
وفوقها يعني اهما جي خواتي المحششات .. يعني ناسات جي
بس اقول عنهم هومارات .. ماعرف أصبغ فيهم آ3 قم0 اصلًا مشاعري
هبلة ومتشقلبة قم0 ، عشان جذي ماقدر أوصف لما أحب شخص
ويكون عزيز عليّ بكل شي يراعيني ويكون مأمن أسراري
الكانديزونينيهنيابهخةة ، وشكرًا ..
آنه دايمًا خضارتي تغبر ؟ خلاص بأجر لي هندي يشتغل بدالي اهني قم0
ولا شرايكم ؟ مب أحسن جي ؟ قم0 الزبدة هآي التدوينةة همن م تستحق
القراءة ، مجرد هذرة وكلام ابي أقوله !!
طبعًا عيد ميلادي صار قبل جم يوم ح1 شكرًا للي هنوني ولي
مكانة في قلبهم وللي عطوني تونات .. وهه فديتهم بسس
طيب والباجي اللي م دروا عن هوا داري ؟ مالت عليكم ح1 ترا استقبل هدايا متأخرة
طويبب بما إن هذا آخر شهر في ذي السنةة اللي مادري من بعدها
شبيصير ولا شنو راح يكون مستقبلي ، ميتةة ولا حية - حية ولا ثعبان - ^ آوت
المهم ف.. م ابي اخلي في ذمتي شي !! ص7 ح1
بتكلم عن السنةة ذي .. هاي السنة ارتحت فيها اكثر من السنتين اللي قبل 2014 و 2015 !! احس السنتين اللي قبل كان فيها ناس وايد
طلعتهم من حياتي وحسيتهم مب كفو ارافجهم أو أعطيهم ويه من الأساس
في ذي السنةة م اضطريت أطلع أحد مهم من حياتي أو إني أحزن عشان احد
م يستاهل ، ذي السنة م صارت لي هوشة مع رفيجاتي ابد .. والأهم
السنة ذي كلها مقالب ووناسةة ح1 شووكرآ لكل شخص
مقلبته وآقول له ، تعيش وتاكل غيرها يمهه والله قتلتوني في هالسنةة
اللي مليانة مقالب ص7 ح1 جد أول مرة أحسني سخيفة بس مستانسة بسخافتي
ويلللي كفكم ي الكانديزات إن شاء الله بمقلبكم بألفين وسبعتعش همينن آليفيو قآيز ح1
في هالسنة صرت باردة مشاعر أكثر من قبل قم0 يعني
ابلكك الناس ع الطآير ص7 ح1 و م يهموني ، بس ليكن في علم أي شخص بلكته
إني نسيته وخلاص ، مادري من بلكت أصلًا .. وآيد ناسات .. لما اسوي بلوك في
السوشال ميديا ذآ يعني اني بلكت الشخص من حياتي وتتعدد الأسباب
يمكن عشاني أبي اقلل تواصلي مع هاي الشخص وأضيق طرق التواصل معاه
أو إني مب مرتاحة لوجوده في حياتي أو أو أو .. كل واحد يعرف شمسوي
لي عشان بلكته ، فلو بلكت أحد معين ، خاليحط بباله إنه مسوي لي شي
م أبلك ع الفاضي آنه ، خاليراجع نفسه ويجوف شمسوي ..
^ ترآ مب شرط الناس اللي مبلكين من التون ، بس أعمم عشان
مدري إذا مبلكة أحد ولا لا يعني إذا جفت نفسك م تقدر تتواصل معاي
معناه اني مبلكتك ، وراجع نفسك ثلاث مرات دبل قبل لا تعاتبني ح1
و عندي نقطة قبل لا أبدي سنتي اليديدة .. اللي م ابي فيها عوار راس ح1
الشخص اللي يبي يتقرب مني ، يتقرب مني مثل م انه .. لان م بغير شخصيتي
لاحد معين !!
- يمكن شطحت بكلامي وايد ، بس هاي الصج -
المهم فيه ناس من زمان قالوا لي ، يبون يجوفون رسمي الرقمي بالتابلت ، بعد م شريته طبعًا !! و قلت لهم انها مجرد شخابيط
وحركآت .. لا ابشركم ~ رسمت فيه رسمات صجية ح1
الا ابشركم ، اليوم المفضوح وآنه غايبة وساحبة ع المدعسةة ح1 وشحني التون وشحتن م انوشحها غيري
ف دخلت رغم قواة العين ، اني غايبة وحركاتت
الزبدة .. اليوم شكلها بترد امي بخيزرانة منقعة
بماي وملح ، خصوصًا ان معلمة العربي تتوعد فيني قم0
ياخي ما اواطنها بعيشة الله ، أحسها دليعةة زيادة عن اللزوم يعني لكم أن تتخيلوا معلمة شكبرها شعرضها تتدلع .. ويييععع تنرفز
لا وتقط كلام مب من حقها تقطه ع الاوادم ، أخس معلمة والله :/ مع إن درجاتي بمداتها بالتوب بس م تستاهل تفلةة ياهل وقسمبلآهه
الحياة كالكتاب تمامًا ، بعض الفصول سعيدة وبعضها حزينة أما البعض الآخر ممتعة ..
لكن ، لو لم تقلب الصفحة .. فلن ترى ما يخبئه الفصل القادم أبدًا !!
-
يمكن خضارتي أكثر مكان ألوذ اليه لو صادني أي موقف ، سواءً سعيد أو حزين
آحس إن لمن أدون فيها أي شيء ، يكون له أثر عليّ بطريقة غريبة !! سو ، يمكن تجوفون طلاسم م تنفهم ، أو مشاعر حزينة أكتبها عشان أنفس عن نفسي ، فاللي يجوف نفسه
في غنى عن همومي لا يقرأ !! - بس لازم يقيم قم0 -
بدت السالفة في 2016 !! * مدري متى بالضبط ولكن بنهايات 2016 .. *
اتصلوا في أمي وقالوا لها ، ترآ أمج طاحت طيحة وصادها كسر بالظهر وترقدت بالمستشفى
آوكي الكل طول باله رغم أن كلنا خفنا .. الدكتور قال حق واحد من خيلاني ذي كسرة الموت !!
طنشنا وما حطينا اهتمام لكلامه ، لأن دكاترة ثانيين .. قالوا وايد صادهم كسور مثل ذي
وتعافوا .. تحتاج طولة بال وبس ، وفعلًا هذه من الكسور آلي تتشافى بالعناية والتدريبات
عساس تقدر تقوم مرة ثانية وتتحرك !!
-
آحنا كل يمعة * جمعة * انتيمع في بيت يدتي .. فلما رحنا هناك .. خالتي قالت لنا
شنو جافت عند محل طيحة يدتي ، عند باب البيت !! ورقة ملفوفة وفيها شعر وطلاسم
ومعرف شنو ، هذه طبوب أو سحر .. في المكان الي طاحت فيه يدتي بالضبط !!
طبعًا ذي مب أول مرة ، ساعات نجوف بيض مكسر عند الباب .. وساعات نجوف
مرة * حرمة * لابسة دفة راس ، تحط بخور بالبيت وتطلع بسرعة !!
ذي كلها عمايل ناس ما تخاف ربها .. كله بسبب حقد وغل تخرب البيوت .
-
الزبدة مرت الأيام ورحنا نزور يدتي كل يوم أو يومين من دخلت المستشفى
" مستشفى السلمانية " ، وكانت يدتي م ترتاح بالمستشفى فاستمروا ينقلونها
من مستشفى ل مستشفى .. من خاص لحكومي ، المشكلة مب اهني
المشكلة في الدكتور نفسه !! دكتور عنده مريضة بحاجة لعناية إلا أنه طالع
في عطلة وتاركها .. سوينآ له طاف ، المفروض فيه دكتور بديل يعتني فيه !!
بس مب اهني الشي اللي يرفع الضغط ، يدتي مريضة بمرض السكري والقلب
والضغط وامراض ثانية .. إلا أنها تتلقى العلاج بدون اطّلاع على فايلها الطبي !!
شنو ذي ؟ أي دكتور م يفهم حاطينه وموظفينه استشاري ؟!!
-
ومثل كل مرة ، لازم أروح ليدتي مع أمي .. لأن لها مكانة بقلبي م تنزاح
هذه امي الثانية اللي ربتني وبيت معاها أيام أمي تسافر وأكلت من طباخها
وضحكت معاها .. المهم ، رحنا اهناك إلا كان الكل يصيح ويدتي تعبانة وااايد !!
كانت يدتي م تقدر تتكلم لان لسانها منتفخ ويدها بعد ، وكانت حرارتها مرتفعة
ودايمًا تبي تنام !! كلمنا السيستر قالت عادي وبنحط لها مضاد وبتنزل الحرارة
وبيخف النفخ ..
آوكي رحنا ع أساس تطمنا عليها ، ووحدة من خالاتي باتت عندها .. طبعًا
نظام الزيارة عندنا يكمل الساعة 9 .. فمن تصير الساعة 9 بالليل اييكم السكورتي
يطردكم ، المهم فخالتي كانت تقعد بالحمام أو تنخش تحت السرير أو تسوي
نفسها مريضة وتطرد السكورتي .. بس عشان تقعد مع يدتي وتتطمن عليها !!
-
وبيوم ثاني رحت مع أمي عشان نزور يدتي مثل كل مرة ، ولقينا ان النفخ
زاد ، وجسمها كله صار منتفخ ولازالت حرارتها مرتفعة !! فشكينا ان السالفة
من المضاد اللي يحطونه !! فسألنا السيستر شنو ذي ، طلعت السالفة إنهم
يحطون لها 3 مضادات مختلفة بمرة وحدة !! متخيلين ؟ والحجة انهم ما يعرفون
شنو نوع الفايروس اللي فيها ، فقالوا عشان نقتل كل شي !! جفتوا الغباء ..
طبعًا خالتي بنفسها تصرفت ، وقالت لهم لا تحطون المضاد !!
ومنعت السيستر إن تحط لها أي نوع من أنواع المضادات وفعلًا لقينا
إن النفخ قلّ وحرارتها صارت زينة ، ويدتي قامت تتكلم عادي مثل أول
وقامت خالتي تصورها صور ويضحكون وعادي جدًا حتى انها قامت تنام معاها
ع السرير وتلبسها نظارات شمسية وتصورها ويسولفون والوضع جدًا طبيعيي ..
-
مرّ يوم أو يومين وصارت ملجة * ملكة * اختي وفرحنا رغم إن يدتي
كانت تعبانة وآيد وخالاتي ما قالوا لنا كلللش !! ولا لمحوا حتى ، بس امي
كان قلبها حاس ان يدتي تعبانة وخاشين عنها السالفة ، عشان الله
يتمم لها .. فكانوا كل ما بيحطون لامي المكياج قالت لهم شيلوه ، قلبها ناغزها !!
-
بعد الملجة مباشرة ، إلا اهو بتاريخ 27 - 1 - 2017 !!
المفروض يكون الحنة ، يات بنت عمتي وراحت مع إختي الصالون عشان
تسوي شعرها وتحط مكياج عشان ترجع البيت وتيي الحناية وتحنيها
وتحنينا ..
المهم راحت اختي الصالون ، وآنه وامي رحنا المستشفى عشان نتطمن
ع يدتي ورجعتنا نتحنا ونحط مكياج خفيف إذا صار فيه وقت .. المهم !!
رحنا المستشفى ووصلنا للغرفة اللي فيها يدتي .. كانت الأجواء كئييبة !
الكل يصيحح وامي من أول ما دخلت صاحت ، يدتي كانت تعبانة وايد ..
فكنت لما أجوفهم ، أقول فقرارة نفسي .. شفيهم خاليتفائلون ، لعلّ وعسى
تتعافى مثل المرة الي فاتت .. وآنه ام دميعة من جفتهم يصيحون دمعتي شوي
وتنزل بس حابستها !! كنت واقفة مع بنت خالتي اللي اكبر مني ب 3 سنين ..
كان كل الاهل متجمعين ويصيحون ، كلهم كلهم .. والشي الوحيد اللي كانت
تردده يدتي " أحمد ، أحمد ، أحمد " تبي تجوف خالي أحمد ، من زمان م جافته .. صار
لها سنين ما جافت اخوها !! فكان هذه اهو همها ، رغم انها مغمضة عينها ..
وكان مركبين على يدتي اجهزة تنفس اصطناعي وجي ، فكان همي الوحيد
اني اراقب الجهاز اللي يقيس نبضات القلب والاكسجين ، طبعًا شوي شوي
لاحظ الكل ان الاكسجين قاع يقل .. فضربنا الجرس ويات السيستر وعدلت
الجهاز ورجع الاكسجين طبيعي ..
-
صار كل شي طبيعي .. النبضات طبيعية كانت في التسعين
كأن كانت 99 ، والاكسجين بعد وايد زين !! وظل الوضع مستقر آلين ما وصل
خالي أحمد ، بمجرد ما حب يدها ، نبضات القلب صارت صفررر !!
متخيلين ؟ كنت أراقب الجهاز كان طبيعي ، مب مستوعبة متى صار صفر ..
من 99 إلى صفر بمرة وحدة شلووون ؟؟ وكأنها كانت تنطر خالي أحمد عشان تموت !
في وسط صدمتي ، كانت أمي وخالاتي وكل الموجودين يصارخون .. اللي يقول سي بي آر
واللي يقول الغالية راحت .. واللي يصارخ من قمة راسه ان السلمانية السبب ، طبعًا كل ذي
صار بثواني ،دموعي اللي كنت ماسكتها طاحت ، أي قلب يجوف شخص جدامه يموت
وخصوصًا إذا كان عزيز وما يبجي ..
طبعًا خيلاني كانوا متماسكين أكثر من الخالات وطردونا من الغرفة بعد ما وصلوا السي بي آر
وصلوا متأخرين وايد !! يمكن 10 دقايق من الصريخ .. وينهم عنها ؟ جذي مستشفى بالله ؟!!
وصلوا وقعدوا يسعفونها ، بالاجهزة وبدون الاجازة بس يبون يردون نبضات القلب ..
كنت طول هالفترة برا ، مابي أجوف شي .. أمي وخالاتي انهاروا ، النبض ما كان يرجع !
ظلوا فترة ع هالحال النبض صفر بس فيه تنفس !! قعدوا يحاولون يخلونه يرجع .. بس ما رجع !!
صار الجناح ضجة من الصريخ ، حتى السكيورتي كلهم اصطفوا مستعدين يطردون
أي شخص يصارخ !! لكن ما كو غير وحدة من خالاتي .. قالت اتركوها لا تعذبونها .. خلوا نفسها
تطلع بسلام .. لا تعذبونها بأجهزتكم ، اهيا قالتها أمس .. الليلة آنه راحلة واهيا تبتسم !!
ظلوا الدكاترة يحاولون .. آلين م طلعوا خلاص ووجهم كئيب .. بين ما الكل كان يصرخ
كله جفته جدامي وانه دموعي مادري ليش تطلع ، مب مصدقة .. يوم تدش المستشفى
ما كانت جذي ، شنو اللي وصلها لهالحال !!
-
صارت كل هالامور وللحين مب الكل موجود .. عندي خالتين بالغربة !!
وحدة بالعراق ووحدة بدبي ، وحدة جافت امها من شهر ووحدة صار لها
اكثر من سنة مب جايفة أمها ، لانها عايشة بالعراق ..
صارت كل هالامور وللحين مب الكل موجود .. عندي خالتين للحين ما يدرون بالدنيا !!
صارت كل هالامور وللحين مب الكل موجود .. عندي اخت في الصالون ، عبالها ان بتستانس
اليوم ، عبالها بتتحنا ، عبالها بياركون لها الناس .. كان يومها لكنه صار حزن ، صار يوم أسود
صار يوم تمسح فيه مكياجها واهيا تصيح صار يوم تخرب فيه تسريحتها اللي كانت بتصورها
صار يوم امبدال ما يقولون لها مبروكك .. صاروا يقولون لها عظم الله أجرج !!
-
وصلت خالتين ما دروا بالدنيا المستشفى ، وقلبوا المستشفى فوق تحت
من الصياح !! لكن يحمدون ربهم جافوا امهم ع الأقل ، مب مثل اللي بالغربة .. مب مثل اختي
اللي عبالها بنصفق لها ، ما جافوها .. ماجافوا الا قبرها بس !!
-- ، -- ، --
الانتفاخات اللي صادت يدتي ، حطوا لها افتراض انها غدد .. وأخذوا منها عينات
واخذوا من الدم فكانت النتيجة !! إن في الدم خلايا سرطانية " ي دافع البلاء "
ولكن اهيا ما راحت المستفى وهذه الخلايا فيها .. هذا كله من خطأ طبي سووه
حطوا لها دم مسرطن !! وسكتوا عن الموضوع .. وتستروا عليه !!
-- ، -- ، --
كل هذه صار !! لكن ؟ للحين مب مستوعبة !! احسها م ماتت ..
مدري ليش أحسها لازالت موجودة .. أحسها لازالت بينا ، أحس كل ذي حلم !!
خالتي قبل يوم ما تتوفى يدتي ، كانت نايمة عند يدتي ، كانت يتدي ترفع يدها تبي
تقول شي ، بس كان يغمى عليها بسرعة !! لكن قبل ما تتوفى .. كان ليلة الجمعة
قالت حق خالتي " اني راحلة " بفصاحة قالتها !! قالت لهم راحلة .. خالتي صدقتها
بدون وعي .. لان جافتها تبتسم !! جفتوا بعمركم ميت يبتسم ؟ وكأنه مستبشر بالموت ..
وبويهها نوووووور ، فعلًا لما جفت يدتي ع المغتسل كان فيها بياااض ، فيها نووور
مبتسمة !! أول مرة أجوف ميت جذي ..
طبعًا ما استبعد هالشيء ، من الشخص المؤمن اللي يداوم ع الذكر والأدعية
ع الشخص اللي من رغم مرضه يداوم ع الصلاة ، كانت تردد الصلاة واهيا ع السرير !!
كانت تداوم ع صلاة الليل .. !!
م أبالغ لو قلت جذي ، فعليًا حتى اللي يغسلونها استغربتوا .. قالوا اول مرة نجوف
ميت مبتسم ، يقولون استانسنا عليها واحنا نغسلها ..
وفعليًا يوم توفت !! طلعت روحها مع الله أكبر !! مع الأذان .. و م توفت
إلا يوم ما استشهدت .. وللحين أقول م أبالغ ولا أطلع كلام م جفته بعيني !
طبعًا هذه جريدة ، ما مهم لو م قرأها أحد !!
أبدًا م أهتم لو م أحد عبرها .. م أهتم لو كتبتها للا شيء
أهم شي يأثر فيني ، يطلع الشي اللي غاص بقلبي
أقدر أعتبرها فضفضة للفراغ .. ويمكن ذي أطول تدوينة كتبتها وبكتبها
بحياتي !! وشوقرًا للي قرأها .. يستاهل هدية ع ه الجريدة ..
-
السلام عليكم ورحمة الله وبركاته
معكم محدثتكم من قلب الحدث ، انسانة متسدحة بلحافها في ارضية الخضّارة
ياخييييي بردددد !! صقيعععع !! شنو ذي ؟ البايخ السخيف اللي لعب بالخريطة
ونقلها للقطب الشمالي ، يرجعها بسرعة وبلا هالغشمرة البايخة اللي مثل ويهك !
المهم م علينا من اختكم بالله !! آليوم كان أول يوم دراسي سخيف بحياتي
يمكن الفآيدة الوحيدة آني حصلتها " الشهادة " .. ويبت معدل زين والحمد لله !!
اما ما درسنا ولا شي ، وبس محاظرات .. واختكم بالله حصلت زف وتهزيئة محترمة
في الاشراف من اول يوم !! وآي ؟
اسمعوا النظام البايخ اليديد حقنا .. راسمين لنا خط بني ع الارض من الصفوف
لي البوابة !! وفي الهدة * الانصراف * نمشي ع الخط ب الضبطط وحدة وحدة
ورا بعض * يعني آنه القطار السريع * وذي النظام حق كل الاعدادي !! تخيلوا
بنات بالمئات يمشون وحدة وحدة في النزلة لي البوابة " آيس دا رفيق ؟ فشلتونا مب جذي "
عآد من يات المعلمة تقول الخبر ، تخيلوا الكل ساكت وفجأة يسمعون صوت ضحكة تدريجية تكتيكية قوية ، عآد يوم فتختها الكل فتخها !! ياخي ماقدر أتحمل جي
بروحه الاعدادي مثل الغنم ، شلون بتخلونهم يمشون وحدة وحدة ؟ قم0
وفوق جي ، اللي يطلع عن الخط مخالفة !! و كل 3 مخالفات تعهد
ياخيي طيروا شهالانظمة البايخة ؟ الزفتة ؟ اللي مال امها داعي ؟!!
بالعكس تزيد الزحمة امبدال ما تخفف منها .. سخيفين قم0
-
سوم ثينق سبيشل عجبني !! آبوي دايمًا يقعد معانا وجي ع الغدا ..
يعطيني محاضرات ومن هالسوالف " دينية " !! عاد فيه موضوع لفت إنتباهي
لكن ما ينقال للكل .. لان مب الكل يفهمونه أو من نطاق استيعابهم !!
طيب بقول لكم شيء يتعلق بقدرة الله سبحانه وتعالى ~
اللي يجوف نفسه متعصب للدين ومعرف آيش يطلع برا الموضوع ولا يدخل
بنقاشات معاي ، مال امها بداعي ، طيب ؟ حلو ؟ اتفقنا !! لان اللي بقوله
م تستوعبه جميع العقول .. مع انه امر في العقيدة ومسلم به ~
آول شي ، كلنا نعرف إن رب العالمين .. قادر على كل شيء صح ؟
المفروض الكل يتفق على هذا الشيء ، لانه قال تعالى :
( إِنَّمَا أَمْرُهُ إِذَا أَرَادَ شَيْئًا أَنْ يَقُولَ لَهُ كُنْ فَيَكُونُ ) .
طيب .. بسألكم سؤال ، اعتبروه سؤال تحدي حقكم .. وحاولوا تجاوبون
عليه ، بنفسكم قبل لا تقرون الاجابة تحت ..
" هل يستطيع ربك أن يدخل الدنيا كلها في بيضة ، بحيث
لا تصغر الدنيا ولا تكبر البيضة ؟ "
^ بليز لحد يستهبل ويقول بيضة كبيرة .. البيضة العادية !!
مثل اللي تاكلونها ، طيب ؟ جاوبتوا بقرارة نفسكم ؟ سو يآه ~
وطبعًا السؤال انطلق من فكرة إن الكبير ما يدخل بالصغير ، ولكن
الكون الماثل يدخل ببؤبؤ العين كمثال تقريبي .. وذي يعني ان لا مانع
من أن الله يدخل الشيء الكبير بالصغير ، ولو بمثل الصورة الانطباعية !!
- فاصل ، ترآ مدري ليش اقلب بين الفصحى والعامي ، بس ترآ
يمكن لان ماقدر اشرح بالعامي فمدري قم0 -
فزبدة الحكي ي قماعة .. ان السؤال ، لو كان المراد منه فكرة ان الشيء
الكبير يدخل في الصغير فهذا شيء ممكن بالصورة الانطباعية ، ولكن
ان كانت السالفة في إدخال الدنيا كلها في بيضة ، فهذا شيء غير ممكن .. وآي ؟
السالفة مب عجز في قدرة الله ، لا كللش .. " إن الله ليس بعاجز عن أي شيء "
لكن السالفة هو ان البيضة لا تتحمل الدنيا ، فاهمين علي ؟
يعني الله قادر على كل شيء ، إلا أن ماذُكِرَ في السؤال لا يكون ..
يعني قدرة الله تتعلق بالممكن ، فلو قلتوا حق احسن مهندس ابني ناطحة
سحاب في سنتيمتر واحد ، او قلتوا عنه انه مايفهم ومايعرف يبني !!
خير يعممي ؟ اكيد م بيقبل عرضكم البايخ !!
شرآيكم فيني بس ؟ ح1 تفقهوا تفقهوا في دينكم
من ورآي ، أفا عليكم بس ح1
.gif "At (102) ض1")
.gif "at4 ق3")
.gif "At (138) ه1")
.png "At (45) غ6")
ح1.gif "at1 ق1")
.png "At (162) ضض1")
.gif "At (448) ض2")
طبعًا ذي التدوينةة همّين يمكن تتكرر وجي ، بس ترآ الجميلةة.gif "At (136) ه2")
لذلك نهاية الجميلة والوحش سعيدة 
.gif "At (167) ء1")
قم0 ، عاد قو وآي ، خير ؟ ادري اني افرغ طاقتي
.gif "At (456) ب3")
.gif "At (551) ش11")
.. وبس بعني توقف الكلمات عن التعبير ..
.gif "At (110) :(")
قم0 ، محصولي الجميلل خآسس .gif "At (216) ص3")
قم0 بس لازم تقيمون فاهمينن ؟ ولا صج برجمكم بالطماط
.gif "At (546) ك22")
.gif "At (452) ضض3")
ح1 شووكرآ لكل شخص
