الخضارة ميسيزو | misizo (1 زائر)

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]


































[/TBL]

*
،

آم هيير .. بووو غبرت الخضّارة لآه ؟
معليه معليه باقط الطماط الخايس بويوهكم ، وبانظف
الخضّارة .. استعدوا ياللي ماتقيموني قم0

المهم يجممآعةة الخير ، عندي وآيد سوالف .. بس عاد هالمرة
باتحجى عن شي باط جبدي من قللللب ، وماقصد الاساءة لأي أحد
وبقولكم شي قبل لا انفس عن مابداخلي .. آنه مب عنصريةة اوكي ؟ فاذا مب عاجبكم
كلآمي تفضلوا خارجًا بهدوء ولحد يتفلسف ع رآسي !!

يعني فيه شي اسمه " يا غريب ، كن اديب " !!
ف.. السوريين والمصريين والبنقلادشيين والمادري من وين يايين
وعايشين عندنا وماكلين من خيراتنا ومتوظفين بوظائفنا وماخذين مقاعدنا
ومحصلين كل الخدمات اللي يحلمون يحصلونها ببلدهم ومجانًا .. خل يحترمون
البلد اللي عايشين فيه ، صج وقاحة وقلة ادب !!

وطبعًا هاي الشي مب بس في البحرين ، حتى بدول الخليج ..
وكل من طقت جبده بس بالبحرين بزياادة .. يعني تخيلوا ويانا سوريين ومصريين
عايشين ويانا ويدرسون بمدارسنا وتيي تسبنا وتسب البحرين اللي معيشتها
من خيرها ؟ وما اعمم فيه وايد سوريين ومصريين وغيرهم من الجنسيات محترمين
ويدشون القلب .. وعندي ربع واخوان وخوات سوريين ومصريين بالمنتدى واعزهم
والله !! السالفة مب لانهم " سوريين " أو لأنهم " مصريين " أو لأنهم مادري شنو
انه نافرة منهم .. لا يبه ، السالفة في قلة ادبهم .. صاروا اهما المواطنين واحنا الدخلاء
عشتوا والله !!

وترا آنه سافرت وايد اماكن بحياتي .. ماقولكم ماتهاوشت ويا نآس وماطحت بمواقف ويآ ناس
من نفس البلد .. واقرب مثال في سفرتي قبل جم يوم العرآق !! صادتني موااااااقف الله
لا يراويكم .. بس م وصلت فيني المواصيل اني انكر البلد اللي استقبلني او اني اتعامل
بوقاحة مع سكان هالبلد واجوف نفسي عليهم !!

عاد اللي مب عاجبته ديرتنا ، لا يسوي لنا تلوث جوي ويشفط الاكسجين عنا
عاد خبركم البحرين كلها نتفة ، مب عاجبتهم خ يطيرون بلدهم .. يعني بكل وقاحة
تقول لي البحرين مب حلوة ومب عاجبتني بس ابوي يشتغل اهني فغصبًا عليّ اقعد ..
طبعًا بلهجتها ^ .. صرآحةة يعني اللي مب عاجبه المكان اللي اكرمه خيطير عاد يوفر
لنا مكان نتنفس .. وشوقرًا

- ايي ترآ الكلام مب موجه حق احد بالمنتدى .. كلكم على عيني وعلى راسي
اهل سوريا ومصر حبي6 ، وترا مب قاعدة اطلع عيال بلدكم بصورة خايسة ، فيه
والله وايد زينين .. بس السالفة تبط الجبد - ح1


-
​

 

[T W I N K L E]

رد: الخضارة ميسيزو | misizo

[TBL="http://www.anime-tooon.com/up/uploads/toon1471811151171.png"]























[/TBL]

​

​

*​

،​

" الموهبة من الله .. كُن متواضعًا
والشهرة من الناس .. كُن ممتنًا
والغرور من نفسك .. كُن حذرًا "
-
طبعًا هاي مقدمة فيديو ايننن ، جوفوه وبعدين آسولف !!

طبعًا هاي الانسآن ، أكثر انسان يلهمني .. يخي مبدععع مبدعع مبدعع
وآنه فخورة فيه انه بحريني ، وترا ابداعه م يقتصر في كونه بحريني .. يعني اللي يجوف
فيديوهاته يستيننن !! يخي احب اجوف له ، اكثر يوتيوبر احبه ويأثر فيني
وترآ مرة جفته بمعرض الكتاب واستينيت بس م رحت له ، حسافة لو رايحة له ومصورة ويآه ..

المهم ، هالانسان المبدع .. عنده سلسلة ينزل فيها حلقات اسبوعيًا
اسمها عمر يجرب ، طبعًا سلسلة عمر يجرب خطيييرةةةة يخي تونس مدري شلون ..
يعني مرة جرب يروح الروضة ويصير صغير ، مرة جرب يدش سيارة اسعاف ويكون ريال من رياييل الاسعاف
ومرة جرب يسوي حادث " مزيف " ومرة جرب يسوي عمره اعمى وجرب يسافر بلدان وجرب يدش
مرثون او شي جي واهوا حافي وجرب يصير ام وجرب وجرب .. وكل تجربة كان منها هدف كبيييير وفائدة حلوة للمشاهد ،
بالمختصر شخص ملهم بكل معنى الكلمة ..

طبعًا من هالتجربة ، اكتشفت ان الاجانب بقررر جافوا واحد يلحقونه بالكيمرات
قاموا يتصورون ويآه مع ان م يعرفونه ومب مشهور عندهم .. ذبحوني بكل معنى الكلمة ، المهم
ودي اصير مشهورة اهم شي الفلوس لا تقصون ع عمركم الفلوس كل شي اما الفلوس لا تشتري السعادة
هاي شلخ .. والله الفلوس تشتري السعادة وابو السعادة بس اهم شي الواحد بصحته وعنده فلووس
المهم م عليكم مني .. اصير يوتيوبر واحطمكم واصير مشهورة ؟ متت جان بصير مغرورة ولا بكلمكم
بععد برفع خشمي .. من انتوا اصلًا ؟

هاي امول كله تقولي صيري يوتيوبر اتخيل عاد .. فاضية اقعد اسولف جدام الكيمرا
م عندي شغلة ؟ خلصوا الاوادم اللي اسولف وياهم ؟ اقعد اسولف جدام الكيمرا ؟ قم0 متت
المهم اخذوا لكم فرة في ابداع عمر فاروق ، وادعولي
-​

 

[T W I N K L E]

[TBL="http://www.anime-tooon.com/up/uploads/toon1471811151171.png"]























[/TBL]

​

​

*​

،​

طبعًا آنه قاع آكتب اهني .. نوعًا من تغيير الجو ، وآيد من التون قآلوا لي نحب سوالفج ومن زمان
م حطيتي في المدونة وهلون ، فقلت لهم .. يعني ماعندي شي اكتبه ومب فاضية ودراسة ، بس بالنهاية وعدت جمن
شخص أكتب شي .. وشسمه هالمرة قلت بسولف عن شي مختلف عن كل مرة ..

قررت آكتب عن أكثر 5 مواقف مرعبة قط صارت لي ، لا لا مب ينانوة * جن * ولا شي من هالقبيل
واصلًا اهيا مب مرعبة ، بس آنه خفت حزتها أو حتى بالتفكير فيها .. اما اهيا مافيها ذرة رعب ~
& يمكن بعض المواقف قلتها لناسات من التون قبل .. فمدري
-1-
قبل جم يوم ، كنت شاردة من حصة العربي وهلون ، وحسبوني تسرب من الحصة ..
وطبعًا وآنه ادور في الساحات الخالية واروح للمعلمات وحركات بركات والمشرفات يدورون عني مب لاقييني ..
رحت الساحة الخلفية ورآ صفنا * صفنا عبارة عن صندقة - يعني صف خشبي * إلا أجوف وحدة من صفنا ساندة ع صندقة
غير - يعني صف خشبي ثاني - ، قاعدة ع الارض ويبين ان تعبانة وهلون ، وتخيلوا قاعدة بالشمس بعد وحرر !!

جان اروح لها ، اقولها " فلانة ، شفيج ؟" طبعًا الآدمية تعبانة كلش حتى مسكرة عينها ، آنه تخرعععت
والله ، قاع اقولها فلانة .. فلانة واهيا ماترد !! جان ارجف عدل ، خفت ان ميتة الآدمية .. قمت ركيض رحت
للمرضة ، إلا غرفة الممرضة مقفولة والممرضة مب موجودة .. رجعت لها نفس الحالة .. والله يعني ماعرفت شسوي
يعني ان رحت للمشرفات بآكل زف وتعهد وهلون وان رحت للمعلمة مدري شبيصير .. خفت اروح ، بس والله مزيان
خرعتني اوفر ، قمت رحت ركيض غرفة المشرفة ، جان ادرعم وافتح الباب بدون لا اطقه ولا سلام ولا شي
سيدة قلت لها ، فلانة طايحة ورا الصنادق .. طبعًا بما اني مقتحمة الغرفة وداشة هلون وبهذي الطريقة المشرفة خافت
وماحاجتني عن الشردة ، وسيدة تروح للآدمية ، وقالت لي ان آييب الويل جير ، وبس يعني رحت يبته
ووديت الادمية صوب غرفة الممرضة ودقوا على الممرضة بسرعة تيي تجوف شفيها !
-
أمانةً ؟ لو وحدة غير هالبنية كنت بعتبر السالفة آكت ومابصدق ولا بنحط في هالموقف
لدرجة اني قمت ارجف ، بس لان مزيان مريضة فعليًا ويشكون ان فيها مرض معين ، بعيد الشر عنها ي رب
ومب عارفين شسبب العلة اللي فيها بالضبط وقاع تسوي تحاليل ، فمدري يوم جفتها بهالحالة خفت ~

-2-
للي متابع مدونتي أول بأول ، بيعرف عن سالفة يدتي الله يرحمها ، كتبتها بالتفصيل الممل في تدوينة بروحها
طبعًا هالسالفة أثرت فيني بشكلل مب طبيعي ، لكن الأكثر تأثيرًا إني ولو أول مرة تييني أفكار ان آنه نحس ، وآنه اللي ذبحت
يدي ويدتي الله يرحمهم ، بصرآحة .. آنه عندي قناعة ذاتية ان الشي مب مني ، وادري ان ماله دخل ، وانه شدخلني أصلًا ؟ وكله قضاء وقدر
بس اللي صار خلآني اتشاءم من نفسي لفترة ، واكرهني بعد .. وترآ ابدًا ماياتني افكار انتحار ، مب لهالدرجة ترآ قم0 ،

الله يسلمكم ، قبل لا يتوفى يدي .. كنت محاجية رفيجتي ، وان كنت خايفة ، واقول لها اخاف يصير
له نفس يدتي وهلون ، لكن فعلًا الشي اللي خايفة منه صار !! نفس طريقة الموتة بالضبط !! يدي توفى جدامي وبالمستشفى
وكانت الأجهزة كلها زينة يوم اروح ، كان التنفس والنبض طبيعي .. بس توقفت كل الاجهزة جدامي والدكاترة ماسووا شي ..

الشي اللي خلاني اكره نفسي مب تكرر الحدث جدام عيني !! السبب كان ان بوفاة يدتي انه كنت موجودة بالمكان
من دون خواتي واخواني كلهم ، ونفس الشي بوفاة يدي ، كنت الوحيدة الموجودة ويدي كان عآيش طول ما اني مازرته من دخل
المستشفى ، وبس زرته توفى بنفس اليوم وبنفس الساعة .. حسيت اني اللي ذبحتهم ، ادري افكار
غبية وشدخل واكرر قضاء وقدر ، بس بحزتها كنت ابجي ومتأثرة وايد من الموضوع ..

الحمد لله خواتي واخواني بالمنتدى ، وقفوا وياي وقفة مانساها ، وواسوني لابعد حدود
وحاولوا انهم ينسوني ، شكرًا لهم

-3-
مرة كنت بصف الخامس ؟ مدري يا خامس أو سادس ابتدائي .. كنت رايحة المدرسة
ويا آبوي طبعًا !! عاد تفاجأت ان السيارة وقفت بمرة وحدة ، إلا واحنا داعمين بسيارة وحدة .. الدعمة
كانت قووووية ، يعني الانسانة هذي سيارتها تكنسلت ، واحنا سيارتنا طاحت الاشياءات اللي جدام ..
طبعًا خفتتت بشكل ، لدرجة ان نزلت من السيارة .. وكانت الآدمية اللي دعمناها نازلة من سيارتها وتصارخ
على ابوي ، على اساس ان احنا الغلطانين ، بس اهيا طبعا الغلطانة واللي طلعت علينا ..

طبعًا آنه من كثر م كنت خايفة ، رجعت البيت مشي .. وآنه آبجي ورحت خرعت امي ، عبالها ان احد
تعور ولا احد مات لا سمح الله ! مع ان ماصار شي ومحد تعور بس والله بجيت حزتها جنه احد ميت ، ومن يومها
صرت اخاف من السيايير ، ولي نركب السيارة مايتم دعاء ماقوله قم0 جني اسلمت على غفلة !! استمر وياي هالشي
سنتين او شي جي ، بعدين خلاص راح عني الخوف من السيايير بس آحين من توقف السيارة فجأة امد يدي على اساس
احمي اللي قاعد صوبي ، لا اراديًا مدري ، من توقف فجأة اتخرع ، حتى لو مافيه احد قاعد صوبي بعد امدها قم0

-4-
امم ، للي كان يجوف مدوناتي من زمان .. المفروض يدري عن السوآد اللي اجوفه بمرة وحدة ؟
اتوقع يصيدني هالشي بسبب نقص الدم ؟ المهم اني بمرة وحدة اجوف نقط نقط نقط ، تتيمع وبعدين يصير اسود
وماجوف شي وراسي يدور ، وآنه طبعًا رغم ان هالحالة وايد تتكر لي ، يعني عادي باليوم مرتين أو اكثر ..
إلا أني امشي عادي .. واكمل طريجي ، وماحسس احد ان فيني شي يعني عادي امشي وارقع بالاوادمات ،
خصوصا في المدرسة لما تصيدني .. اكمل مشي حتى لو ماجوف !!

عاد بمرة اكرمكم الله ، كنت بالحمام .. قاع اتسبح وهلون ، عاد كنت ناسية اشغل القزوز * مدري شتسمونه ؟ *
بس اهوا مثل المروحة اللي تهوي المكان ، وكنت قاع اتسبح بماي حاار !! جان يتيمع البخار وذي ~ رحت بطول
الشامبو ، طبعًا اختكم بالله قصيرة .. فرحت ركبت ع كرسي ، الا وتييني ذيج الحالة اللي نقط نقط نقط واسود ..
بس عاد هالمرة اغمى علي ، عاد انه ماعرف اذا اغمى علي أو لا بس مابطلت عيني الا وانه منسدحة قم0 قم0
مدري شلون انسدحت وهلون ، هاي الشي مب مرعب بكثر ما اني خفت من التفكير ان الاغماء جنه شي
انقطع من حياتي !! يعني اذا اسكر عيني ، اجوف شي ترا ، بس بالاغماء والله جنه شي مقطوع من حياتي ، شي مب موجود
شي م صار ، جفتوا لين هذيج اللعبة التركيب .. اللي تكون صورة وتركبونها ، وفيه قطعة مشيولة منها !! آحس هلون
جنه قاع تمنتجون فيديو وتقصون من الفيديو !! شي مفقود تعبت وآنه اشرح احساسي ، بس شي يخرع !!

-5-
من أكثر المواقف المرعبة اللي صارت لي في آخر سفرة لي للعراق !! يعني بالعطلة الصيفية هذي !! قبل
جم شهر ، كنت رايحة بالبر ، وانه راجعة عند حدود العراق .. والكويت ، كان فيه باص فيه ناسات طالعين من العراق
طبعًا هالناسات اغبياء ، يايين بيطلعون بدون لا يختمون الجواز ، طبعًا انه مخلصة اجراءاتي وخلاص بطلع فعطيت امي
جوازي ، فأبوي وامي سبقوني وراحوا حدود الكويت ، وآنه كنت انطر شنطتي اييبونها ~

جان يقولي الشرطي ، انتي وياهم ؟ قلت له ، لا !! جان يقولي ، راويني جوازج ..
يعني يبي يتأكد اذا مختوم ، فآنه مب وياهم .. طبعًا هالباص بلشوني ، ليش ؟ لان الجواز مب عندي ، عند امي
وامي وابوي راحوا حدود الكويت !! ي ويلآه من مصيبة ، جان اقوله ، مب عندي .. عند امي ، وامي راحت الكويت !
جان يطالعني بنظرة ويقولي ماتطلعين !! عرفتوا شلون آنه ام دميعة ؟ من قالي ماتطلعين ، سيدة نزلت الدمعة .. وقعد يهذر ومعصب
ويمع علي الشرطة ، ويقولهم انه ماعندي جواز وقعد يقول شكبري وما ايود جوازي ، شيسوي جوازي عند امي ، ويهدد بيرجعني
مادري وين قم0 بصرآحة قمت ابجي واهوا يصرخ ، والشرطة متيمعين علي .. لأول مرة احسني مسوية جريمة وانه مب مسوية شي ..

الحمد لله فيه شرطي ثاني ، جافني ابجي .. جان يقولي لا تخافين ومابيصير شي وكل شوي
يقولي لا تخافين ، وين م اخاف وهذي راس القوبعة يصرخ علي .. ظليت شكثر واقفة فالشمس وابوي وامي يدورون عني بالكويت !!
آخر شي ، ابوي فكر ان ممكن اكون بالعراق ، جان يرجع ، ويجوفني .. وقاله الشرطي ان ماتطلع بدون الجواز ، وراح ابوي
ياب جوازي من عند امي ، وجافوه !! جان يقولي الشرطي اللي كان يصرخ ، عشان مرة ثانية ماتعودينها .. تعرفون شلون عطيته نظرة ؟
نظرررة حققققد !! والله للحين ادعي عليه ، تف عليه صراحة .. يعني مادري شقول ~

-
وبس يعني !! سوالف وايد عشان محد يقولي سولفي بعد
اتوقع تمللتوا وماقريتوا هالجريدة كلها !! بس يلا قم0



-​

 

[T W I N K L E]

[TBL="http://www.anime-tooon.com/up/uploads/toon1471811151171.png"]























[/TBL]





*

،

Before 2017 ends , tell me something
? you've always wanted to tell me

قبل نهآية 2017 ، قولوا لي شيء من زمان كنتوا
تبون تقولونه لي ، عندكم الخاص اهني .. مع ان يمكن ماجوفه من وقت
أو الفيس أو الانستا أو التويتر ..

ليش اقولكم هلّون ؟ علشآن اللي في خاطره شي علي ، أو يبي يقول لي شي
هآي فرصة لكم ، وفرصة حق استحي قولوا كلآم حلو بموتت
المهم الكل مرحب فيه ..

-

2017 !! عشآن آكونن صريحةة ، يمكن اعتبرها اكثر سنة تعيسهه بالنسبة لي بكل المعايير والمقاييس
اكثر كلمة توصفها SHIT يخييي سنة نحيسة ، فيها ناس عزيزة عليّ راحت ، ابتدت بأخبار
حزينة ولآخر لحظة هذي الاخبار ما قاع تفج ، الحمد لله على كل حال

وأتمنى تكون 2018 ، سنة أجمل وأفضل
مب بس لي ، للجميع ي رب
-

 

[T W I N K L E]

[TBL="http://www.anime-tooon.com/up/uploads/toon1471811151171.png"]
























[/TBL]


*
،

بووو من زمآن عن المنتدى ، والله غبّر !! عآد أحلى قسم المدونآت ..
لا تعب ولا مواضيع تكسر الرقبة ، بس تعال وقرقر ي يبه ، المهم ياية بقرقرة وآيد طويلة ..

سلمكم الله تدرون اني فنانة * محد يمدح نفسه * المهم وجي ، يعني مقعدين لكم آرتيست اهني ، تحمدون
ربكم ، بعد جم سنة ، ما بعطيكم ويه .. والسوالف معاي بفلوس لان بصير بزنز ولازم موعد وهلّون #برآ .. المهم
تم دعوة كبار الشخصيات اللي اهيآ آنه حق مدرسة الدير كمواهب يفتخرون فيها لمعسكر المواهب بالمدرسة !!

افتتحت المعسكر الدكتورة شيخة .. طبعًا لازم الآدمية اللي قاعدة جدامكم ابدعت #متت كنت من الناسات
اللي تم دعوتهم يومين ، يعني امبدال م اداوم في مدرستي " الثانوية " اروح اداوم يومين بمدرستي القديمة "
الاعدادية " ، طبعًا خوّنت فيهم يوم الاربعاء ومارحت .. يعني اتغلى وهلّون ، بس اكيد رحت يوم الخميس ..
المهم كملت لوحة مقاسها متر في متر ونص بوقت يعتبر قيااااسي وهذا بحد ذاته انجاز !!

بالنسبة لي أول مرة اسوي لوحة وتكون بعجلية مثل هذي اللوحة خوفًا من أن الوقت يطوفني &
كملت اللوحة في 5 ساعات !! بينما باقي البنات اللي بالمعسكر هذا اليوم الثاني لهم وخلصوا عقبي
فعشآن تعرفون شكثر انجاز مع حجم اللوحة الكبير ومع العقبات اللي صارت لي اثناء التلوين ، تخيلوا المطر
طاح ، ترك كل السنة وطاح اليوم وساحت الالوان ع بعضها واضطريت ارد اصبغ اللوحة وارقعها &
لأول مرة اشتغل ع لوحة وخصوصًا أن تكون عودة بدون سكيتش مسبق أو إني ارسم قبل بالبنسل ..
يعني أول مرة أتعامل دايكرت بالألوان فهذي يعتبر إنجاز ثاني !!

المهم عاد خلوني في الجزئية اللي تونسني - جزئية المدح - طبعًا ياتني الدكتورة شيخة واعضاء الهيئة
الوزارية ، سووا معاي مقابلة وهلّون ومدحوا فيني وصورا معاي .. عاد اختكم بالله استحت وايد اليوم
اوف جي احب المدح قم0 امدحوني انتوا بعد ، تعلموا ..

-
عآد هاي في الطريجج للمدرسة ..!

وهآي المعسكر .. من برآ !! مع الأجواء الماطرة

وهآي آنه قاع ارسم عآد جفتوا اللوحة شكبر بالنسبة لي ؟ متت

وتلعوزنآ لعوآز !! اصلًا عادي .. دايمًا علامةة الرسام لما يكون متلعوز

وآخر شي ، اللوحة لما خربها المطر !! طبعًا هآي قبل التعديل & اللوحة ما كانت مكتملةة
كان اقصها وآيد اشياء !!

وبس يعنني اللوحة بعد م تكتمل م صورتها للافس .. وشالوها
طبعًا الدكتورة اللي افتتحت المعسكر اختارت لوحتي عشان تحطها بمكتبها ، وهاي شرف كبير لي بصرآحةة !!
يعني ونآسةة وهلّون والله .. & المعلمة قالت لي قبل لا نرسلها بتصورها لي صورةة سنعة عشآن احطها باكاونتي
بلآس بحطها آهني إن شاء الله

-

المهم انيي حق شي الذ والذ بسولف ع طلبيتي من جولي شيك !!
عادةً م أوثق في هالمواقع ، بس هالمرة قلبي م طاوعني اتطمش وأسكت فطلبت لي أدوات رسم
من الموقع ، يخي اينننننووووووننن بمووت ، اصلًا ماقدر انطر لي اييبونها ..

يخي حصلت ألوان الريزلت مالتها تشبه الوان كوبيك ماركرز والبرو ماركرز !! آوكي ، عشآن
اكون صريحةة ، أكيد مب مثل جودة الكوبيك والبرو ماركرز ، لا يعلى عليهم .. بس والله يعني نتايجها جريبة
منهم وكشخهه !! الدمج فيهم ابداعي وفرق السعر خطيييير !! يعني تخيلوا خذت منهم 80 لون ب 170 ريال !!
- طبعًا هاي عرض مكسر الصخر ، سعرها الاصلي 80 لون 270 ريال تقريبًا -
بينما قبل شارية كوبيك ماركرز 5 ألوان وكراستهم ب 200 ريال .. تو ماتش !! فيعتبر بالنسبةة لي شي خطير
وآحين آجوف الرسامين هابين عليهم بمرة وحدة .. واغلبهم طالبينهم من جولي شيك !! ف..يآه
ألوان خطيرةة .. اسمها TOUCHLIIT !!

عشآن بس تجوفون الريزلت مالتها !!

طبعًا حقوق الرسمآت ترجع لأصحابها ، هآي مجرد رسمات طلعتها من النت !!
تم تلوينها بذي الألوان .. تجوفون شكثر تينن ؟ - تصيحح - ماقدر انطر لين اييبونها ..

بلآس بقولكم شي يبط الجبد ، هم لقيت عرض بجولي شيك ع اقلام التحبير micron ، ومن عقب هالعرض
يوم ثاني نفذت الكمية ، كنت بصيحح دم بس ترآ يقهر الشي ، العرض كان ان 9 سايزات من القلم ب 45 ريال
يعني آنه في البحرين مآخذة 4 سايزات ب 40 ريال !! صج كان عرض قوي .. حتى يوم ثاني خلصت الكمية
اللي عندهم !!

& هم طلبت لي بيت العاب متت .. اهوا كيوت وجي .. طلبته حق التصوير !
اييكم البيت مفكك كامل .. وتقعدون تركبونه حبة حبة ، حتى الكرسي تركبون ريله وتصنعون كل شي
فيه ، بس عاد البيت اييكم بادواته كاملة ، كتر ، غلو ، مسطرة ، والاشياءات مالته ..

عاد ايننن ، والله النتيجة النهائيةة روووعععةة !! صج صج اينن .. حلو حق تحطونه زينه وحلو
حق التصوير !! هم ماخذته حق اخليه خلفية لتصوير مجسمات الانمي اللي عندي & فيه له وايد
اشكال حلوة بجولي شيك .. غرف نوم ، صالة ، كافيه ، بيت كامل .. الخ ، وكل شي سعره ع حسبه
يعني البيت سعره يختلف عن سعر الغرفة الوحدة .. انه خذت بيت ب 90 ريال ، ولانه م يستاهل سويت حركة
حلوة حصلت من وراها كوبونات ، فيه شي حلو في الموقع انك تقدر تنظم لعضوية اكستريم بنقاط
جولي شيك بشكل تجريبي لمدة 30 يوم ، استغليت هاي النقطة وحصلت على صلاحيات العضوية ، واستعملت
كوبون قلل من قيمة مشترياتي تقريبا 75 ريال ، فصار بالنسبة لي يستاهل سعره !!

المهم عاد جوفوا شكل البيت اللي خذته !!

الحلو فيه ، ان الليتات اللي فيه تشتغل ، يعني الابجورات وذلين يشتغلون في البيت ، يعني
اييكم معا اللعبة وايرات وادوات الكهرباء كامل ، مع تعليمات !! براويكم فيد شلون تسوون مثل البيت اللي خذته ..

--
هم شريت تابلت رسم ضوئي .. مب مثل تابلتي يرسم رقمي ، لا !!
بس حاله حال السبورة ، وفيه حبة لا ضغطتوا عليه ينمسح ، خذته عشان الطلعات وذي ..
لو ابي ارسم ، بدال الدفتر والقلم ، ودقيق وتصير فيه خطوط حلوة .. والاهم ماركة زينة ، خذته ب 150 ريال
وسعره الاصلي 250 ريال ، هم عليه عرض ..

المهم .. وبس يعني استغليت عروض الموقع ، واخذت فري قيفت !!
جهاز فيشال حق الويه ، يطلع الدهون وكل شي اللي بالويه ، امبدال ماروح واسوي فيشال بالصالون
كان سعره الاصلي 700 ريال ، خذته ببلاش ، يممهه فديتني اعرف استغل الموقع عدل قم0

المهم ، جم مرة قلت المهم ؟ اذا قريتوا تدوينتي لي اهني .. فاهنيكم ع قراءة هذي الجريدة
اللي لو جفتها انه مابقراها قم0 فشكرًا لكم ، ونلقاكم في حلقةٍ قادمة ..

-

 

[T W I N K L E]

[TBL="http://www.anime-tooon.com/up/uploads/toon1471811151171.png"]
























[/TBL]


*
،
- سيارة العسكريم -

وحدة من السعادات اللي كنت اتشقق من الوناسة عليها اهيآ " سيارة العسكريم " هذي كانت عشققق إلا حبب ..
قبل كانت فيه سيارة عسكريم كل يوم العصر ولا ساعات الصبح تيي صوب بيتنا ، وماتسمعون الا صوت رنة قديمة
مالت نوكيا تشتغل .. وعآد اختكم في الله تتحمس من تيي هالسيارة واناطط - اقفز -
ومدري شيصير فيني ، وتشتغل كل التيربوات اللي كنت خاشتها ، سريع سريع ..

اروح حق امي وابوي واهما راقدينن في عز نومهم ، اطقطق عليهم الباب تطقطق عشان يفتحون بسرعة
ويعطوني ربية " ريال واحد " عشان اشتري فيها بوظة من سيارة العسكريم عاد تعرفون المعاناة
والتعب النفسي والجهد التفكيري اللي يصيدني لما تيي سيارة العسكريم ؟ كله سببه شنو ؟ اخاف سيارة العسكريم
تمشي عني وماشتري ههههههههههههههههههههههههههههههههههههههههههههههههههههههههه
المهم اخذ الفلوس واروح اركضضضضضض ركيضضض لي سيارة العسكريم بكشتي واخس شبشب في البيت
وبدشداشة بععد * انتحرررررررررررررررررت * المهم اوصل وجني موصلة للجنة مب سيارة عسكريم
المهم ، بكل شغف اقول حق الهندي " بيّــا ، يبي واحد عسكريم فانيلا ويا اوريو ، حط وايد ها "
واذا استوى عيني تستوي نجووووووومممم وقلوووووووب وكل شي واركض بالعسكريم للبيت بدون لا اكله
في الشارع عشان احرمص - احسّر - خواتي المهم عاد وفي وسط الركض جان يطيححححح العسكريييمم كلههههههههه
ويبقى لي البستوق - البسكوت - ماله بس عاد اهنيييي تييييني الصيحة

تعرفوننن كان ودي شنو ؟ الحس العسكريم من الشارع - قاعدة اتذكر بدموع غزيرة -
المهم وارجع خائبة الامل للمنزل وانه فيني الصيحة ، وكنت وايد قنووعة ماروح حق امي ابي ربية ثانية
^ امزح اصلًا كنت اروححح بس للافس اروح حق سيارة العسكريم ولا راااااااحتتتتتتتتت !!!

* موسسييييييييييييييييييقىىىىىىىىىىىىىىىىىى حزييييييييييييييييييييييييينةةةةةةةةةةةةةةةةةةةةةةة *

وبس والله مايضحك ..

-

 

[T W I N K L E]

[TBL="http://www.anime-tooon.com/up/uploads/toon1471811151171.png"]
























[/TBL]


*
،

على فكرة ماطقيت احد بلوك في المسن حذفت الاكاونت
لحد يسوي لي دراما مثل بعضًا من الناس


-