~Red Snow Princess...It's snowing Dreams~ (1 زائر)

[Y υ к ί]

​

فعالية الشهر 9​

المفروض نحكي عن 10 اشياء ما تعرفوها عني
ما انا صرلي ... كم سنة؟ من 2017؟ غايبة
متوفية

طيب معناها اي شي بحكيه رح يكون جديد

الا اذا حدا نشيط فيكم بيروح على اول صفحة في المدونة ويكتشف اشياء اخرى

طيب نبدأ

نمبر 1. متزوجة عندي ولدين 5 سنوات وسنتين

2. متابعة تقريبا كل الانميات من قبل ا010 وبعد هالتاريخ صرت اختار المسلسلات اللي اتابعها

3. في رصيدي 297 كتاب حسب احصاء Goodreads
لكن العدد الحقيقة اكبر اذا جمعنا كتب الطفولة والكتب اللي نسيت اضيفها للموقع

4. مزاجية
بلحظة بتلاقيني رايقة واللحظة التانية ممكن ناول حدا بالكف

5. بكره الرعب وبخاف كتير
مع ذلك بتمنى شوف افلام والعاب الرعب المشهورة لكن ما بسترجي

شو كمان ؟؟

6. لحد الان ما عندي شي من شركة Apple
انا من مستخدمي الandroid وبصراحة الاجهزة المفضلة عندي هي الهواوي

7. ما بشرب مي (مياه)
يمكن صرلي كذا سنة ما شربت مي صافية دائما اما كولا او قهوة او شاي او عصير

لكن ماء لا

8. يمكن ما تكون معلومة غريبة واحتمال اتشارك فيها مع كتير ناس
اني مغرومة بالشخصيات الشريرة
90% من الشخصيات التي بقع في حبها في اي مسلسل تطلع شريرة
عندي نقطة ضعف لل Bad Boys

باقي معلومتين !!
وصرلي 3 ايام بهالصفحة بحفظها وبرجع وانا فكر شو كمان اكتب

9. بكره الصيف والبحر والحر والدبق والشوب والرطوبة

قادرة اعيش في منطقة جبلية مقطوعة ولا اروح البحر مرة وحدة

اخيرا

10. ما بحب طبخي
كل اللي حولي يقولو طبخي طيب وبعمل حلويات وشاطرة بالمطبخ
لكن انا شخصيا لما اطبخ ما بقدر اتذوق اللي بعملو الا صحن صغير
وما بيعجبني
واما الحلو ما باكل من اللي بعملو
بتمنى اعرف السبب لكن ما بتعجبني الطعمة ما بعرف ليييش

.
.
.
هيك منكون وصلنا الى ختام المعلومات ا0
بتمنى تكونو استمتعتو وما كون ثقلت عليكم
ممكن تكون امور سخيفة لكن هاد اللي خطر لي
مارشي3​

نلتقي في تدوينة قادمة