مدونة متألقة A Ca$e for a Gentle Thief and a Treasured Heart - 7sN (2 زائر)

[7sN]

بسم الله الرحمن الرحيم


تم افتتاح المدونة

التاريخ : 6/4/2017


شكرا لـ رغد على الطقم

​

 

[7sN]

رد: | My Name Is Hassan |

السلام عليكم و رحمة الله و بركاته

أعرف بنفسي

الاسم : حسن < بكل مكان حاط اسمه

الوظيفة : طالب جامعي

الإنمي المفضل : Dragon Ball - Fullmetal alchemist brotherhood

المانجا المفضلة : Dragon Ball

القسم المفضل : الإنمي العام

الهواية : قراءة القصص - كتابة القصص - سماع الأغاني

أعتبر نفسي إنسان بسيط - متواضع - متفتح

أتقبل كلام الناس عني + نقدهم لي لأن النقد عبارة عن اول خطوة للنجاح

و انا دايماً أحاول اوصل و أبدع باللي اسويه .. فـ لحد يستحي لو يقدر يثبتني غلط عادي

توجد عدة أهداف لعمل المدونة هذي :

- أحب اني اتواصل مع الناس و انهم يعرفون عني
- أتمنى اني اقدر افيد الناس بالمعلومات الي عندي و ممكن احطها
- اتمنى اني بعد كم سنة أرجع لهنا و اشوف كيف كان تفكيري و وين وصلت

فـ رسالة للمستقبل : يا حسن المستقبلي .. لا تنحبط لأني اعرف الي ببالك الحين

أعشق النقد و التحليل لأنهم يخلوني أعشق القصة الي أنا احللها

فـ مثلا Dragon Ball اكثر انمي بسيط و عادي .. لكن بالتحليل صار أحسن انمي عندي

و بس هذا الي عندي حالياً

أتمنى ان الي قلته كان خفيف عليكم كـ بداية و إلى الآن انتهيت من التعريف بنفسي

ان شاء الله مع الأيام تتعرفون علي أكثر ^^

أشكركم ​

 

[7sN]

رد: | My Name Is Hassan |

اهتمام المؤلف برأي الجمهور هو أول طريق للفشل

هذي شغلة كانت بقلبي لوقت طويل و بس شخص واحد يدري عنها و الحين بشارككم اياها هنا

و كلامي ممكن يفيدكم لو كنتوا مهتمين بالكتابة + تكتبون + تعرفون شخص يكتب

الشغلة اهي شي نشوفها عادةً بالقصص بكل مجالاتها

هي اهتمام المؤلف برأي الجمهور و تغيير احداث القصة ليتناسب مع رأي الجمهور

انا اشوف هالشي اكبر خطأ لكتابة القصص .. لأن المؤلف المفروض ينقل قصته للناس

و الناس عليهم انهم ياخذون القصة بالمعنى الي يبونه مو انهم
يأمرون المؤلف بتغيير قصته عشان في حدث ما عجبهم

لأنك يالمؤلف قررت تكون كاتب عشان توصل افكارك و اهدافك , مو اهداف غيرك

فـ القصة الي تكتبها لازم تنعكس عليك و على ابداعك .. لأن بالنهاية قصتك هي قصتك

لو تواجه مشكلة بالكتابة و تحتاج أفكار تساعدك .. تذكر هالشي :

هذي المرة الوحيدة بحياتك , اللي يكون عندك تحكم كامل بقصة,
القصة مو شي حقيقي , القصة نسج من الخيال و افكارنا ايضاً
نسج من خيالنا , لا تخلي شي يقولك العكس ولا تخلي احد يتدخل
الا لو انت راضي بمشاركته معاك .. بالنهاية انت راح تتوفق
باللي تكتبه دام ان عندك شي واحد .. و هو حب القصة .


كلامي الي قلته منقول بعضه من مؤلفي المفضّل Max Landis
و بعضه مني .. اتمنى إنه أفاد بطريقة او بأخرى
​

 

[7sN]

رد: | My Name Is Hassan |

سبب اختيار الذكور كأبطال القصص أكثر من اختيار الإناث

طبعا احنا نشوف قصص و نتابعهم بكل أحوالهم و نلاحظ ان شخصيات
الذكور عادة يكونون الأبطال اكثر من الإناث .. في سببين لهالحالة :

1- الحضارة
2- خوف الشركات من الحضارة

الآن في الوقت الحالي الناس قاعدين يهتمون لأمور المرأة و حقوقها .. و تدخل
هالشي حتى بالقصص .. صاروا شخصيات البنات لهم نفس الأنماط و هي :

1- طيبة
2- شجاعة
3- عادلة
4- عاطفية

ولو جا مؤلف و غير النمط و حاول يبدع فيه فـ الناس راح يوقفون ضده لأنهم ما يبون يشوفون
بنت بخطر .. و هذا غلط طبعا لأن عشان نحب الشخصيات لازم نشوفهم بخطر

ثاني سبب هو خوف الشركات من الحضارة

للأسف الشركات صاروا الحضارات تتحكم فيهم و بقراراتهم .. ناااادراً نشوف
قصص بطلتها أنثى و تواجه مشاكل قوية على مستوى قوي و تكون بخطر وهذا
بسبب خوف الشركات من هالخطوة و خوفهم من ردة فعل الناس عليهم

للأسف ان مع تطور العالم قاعدة تتطور سلبياته و تأثر على كل صغيرة و كبيرة ,
الحين محد قام يتقبل شي على عكس السابق لما كانوا يسوون كل شي
بهدف الإبداع
​

 

[7sN]

رد: | My Name Is Hassan |

الرسوم المتحركة في الطفولة

هذي اول مرة اشترك بفعالية بهالقسم ( يمكن اول مرة اشترك بفعالية بحياتي )

طبعا انا اقدر اجمع الكارتون مع الإنمي بما ان مكتوب "رسوم متحركة"

فـ نبدأ :

كونان

طبـــعـا كونان , انا ما احبه حاليا نفس قبل اكيد بس على وقتها منو ما كان يشوفه؟ .. اغنيته ليلحين ببالي

انا و اخي

هذا بعد طبعا -_- بس ما اتذكر منه شي بصراحة
بس اتذكر ان كل العايلة كانوا يتابعونه .. و اتذكر اغنيته بوضوح

تيمون و بومبا

كنت اشوفه بالمصري , كان جمييييل .. احب الدبلجات المصرية والله
ساعات يكونون احسن من الأصلية
و شخصيات تيمون و بومبا كنت اعشقهم من صغري

الأسد الملك - سيمبا

لازم اذكره بما اني ذكرت تيمون و بومبا
هالفيلم روعة و ذكرياته معاي ما تخلص .. احب المصري و الإنجليزي
خصوووصا شخصية سكار .. ابداع


سلام دانك

( نفَـس عميـق ) أحبه هالإنمي .. كنت متأثر بـ حسان بطل الإنمي
لدرجة اني كنت اقلد ركضته

بوكيمون

ما اكرهه بس ما احبه , اعتقد كنت احب بيكاتشو
بس بعدين اكتشفت انه مزعج -_- .. كنت احب الـ3 اشرار

النمر المقنع

ما ترك فيني أثر بصراحة .. كنت اتابعه بس كنت دايما اسأل
ليش كل شي يصير بالمصارعة .. ما كنت افهم منه شي يعني غير القتال

ناروتو

مو بالضبط طفولة بس يعني كنت شبه صغير
لما كنت اشوف اعلاناته كنت اتحمس و كان حسبالي انه رعب و دم
بعدين انحبطت طلع العكس بالضبط

دراغون بول

احس كلامي عنه يحتاج موضوع كامل
كنت كل يوم اشوفه و احط أفلامه الي اشتريهم و اشوووفهم كاملين
و الأغنية اسطوورية بالعربي

..

طبعا في اكثر من هذيلا نفس ابطال الديجيتال و داي الشجاع و
هزيم الرعد غيرهم بس مااا اتذكر منهم ولا شي -_-
( بس اتذكر اغنية هزيم الرعد كالعادة )

في رسوم متحركة رائعة هالفترة و لو تبون تشوفون شي تحسونه يرجعكم للطفولة
فـ انصحكم بقووه لمشاهدة Over The Garden Wall ( بالانجليزي )
عشرة حلقات و كل حلقة 11 دقيقة .. و روعة من كل النواحي

و بس هذا بالنسبة للفعالية ^^"​

 

[7sN]

رد: | My Name Is Hassan |

Dragon Ball

أحب دراغون بول

دراغون بول من الإنميات الي اعتبرها مرجع لتعلم كتابة القصص .. وايد ناس ما يحبونه بس تخيلوا معاي

تخيلوا قصة وحدة بـس , فيها هذي الشغلات :


- فضاء و مخلوقات فضائية
- سفر بالزمن و آليين
- سحر و شياطين
- آلهة و عوالم متعددة

هالـ3 شغلات هذي تأثيرها جداً كبير على القصة يعني آرك كامل فيها وحدة من هالشغلات
فـ تخيلوا تتابعون انمي جذي و ما تحسونه طلع من جوه المعتاد او خرب الكوميديا
او عنصر المغامرة , بالعكس كل هذا اشتغل و نفع مع القصة مو كأننا نشوف
انمي ثاني .. نشوف دراغون بول

هذا من اسباب حبي الكبير له .. قصصه تكبر مع كل آرك و جو الإنمي العام ما يتغير ابداً ثابت​

 

[7sN]

رد: | My Name Is Hassan |

اول امس مرت علي حالة اكرهها من قلب .. الملل الي ماله سبب

تعرفونه صح؟ الي تبون تسوون شي بس ما تبون تسوونه

او تبون تشوفون شي بس مالكم خلق تشوفون شي

حاشني وقتها و كنت ابي اييي شيي يمتعني .. تذكرت انمي اسمع فيه دايما اسمه Mushishi

كله اسمع عنه بس ما اعرف قصته ابدا بسسس اعرف انه البطل اسمر و يمشي بالغابة بـــسس

قلت خل احطه دام اني ما اعرف شنو اتوقع منه .. و شفته

لو ما تعرفونه لا تدورون عنه ابدا ولا حتى تشوفون تقييمه على طول شوفوا اول حلقة بدون ما
تعرفون عنه ولا شي

جدا عجبني شفت حلقتين و بكمله كله ان شاء الله لما يكون في وقت
​

 

[7sN]

رد: | My Name Is Hassan |

الإخراج و التأليف


في ناس وايد ما يعرفون الفرق بينهم فـ راح اقول الفرق الحين

الحالة تبدأ بالتأليف اولاً : مؤلف يكتب القصة على شكل نص طبعا و لما يخلصه
يعطيه للمنتج او الأستوديو

ثانياً : المخرج ياخذ النص و يحوله لـ فيلم عن طريق التصوير و الجرافيكس

احنا كـ مشاهدين نقدر ترا نشوف الفيلم بالشكل الطبيعي الاعتيادي او نقرأ النص نلاقيه
اون لاين موجود .. اي فيلم تبي تشوف النص حقه اكتب اسمه و يمه اكتب Script و بتلاقيه

لو تتعمقون بالحالة أكثر بتلاقون ان ساعات النصوص تختلف عن الأفلام مع ان النص اهو تبع الفيلم
بس هذا يرجع للأستوديو نفسه او المخرج نفسه

المخرج ياخذ النص و يشوفه هل ينفع يكون فيلم او لا .. لو نفع فـ راح يسويه لفيلم مع تغييرات بسيطة ممكن 15%
لكن لو ما نفع انه يكون فيلم فـ راح يغير كللل شي فيه بس الفكرة الأساسية تظل نفسها بدون تغيير

لهذا نشوف افلام كثيرة فاشلة او تشبه بعض لأن المخرجين او الأستوديوهات عادة يغيرون النصوص
الى اشياء مكررة لأنهم ضامنين نجاحها من ناحية الفلوس بس مو من ناحية جودة الفيلم -_-​

 

[7sN]

رد: | My Name Is Hassan |

أول قصة كتبتها :

راح اتكلم عن اول قصة لي

كنت مسجل بمنتدى و انا عمري 11 اعتقد و كان فيه قسم قصص و روايات طبعا , دخلته و قريت القصص
الموجودة و هنا حبييت الحالة وايد .. و انا بشخصيتي اني لما اتحمس لشي لازم اسويه , فـ قررت اني اكتب

قلت بكتب اول قصة لي بالمنتدى هذاك و اول ما فتحت موضوع جديد كنت افكر شنو اكتب و شنو اكتب

قلت اوكي وصلت لحل .. راح اكتب قصة عن الصلاة

< متدين من صغره

و كتبت

ما اتذكر التفاصييل للأسف بس كان عن عايلة من اب و ام و ولدين و بنت .. هذي اسهل
فكرة ممكن تجي على بال اي احد فـ ما اعتبرها ابداع ابداً

مثل ما قلت عايلة لهم 3 ابناء .. الولد و البنت الكبار محافظين على صلاتهم و الولد الصغير مو محافظ عليها
بس الأب متساهل معاه , و هذا شي خلاه يروح لطريق الحرام صار يتعاطى مخدرات
و الي يبيع له مخدرات اسمه حسن

< الماضي رايح فيها

تفاصيل القصة و احداثها كانت عن الولد الصغير يكذب على الأب بس الولد الكبير عارف بكل
شي و يحاول انه ينصح اخوه لين آخر شي الشرطة صادوا الأخ الصغير و انفضح

بعدين الولد الكبير بالنهاية قام يكلم اهله و اهو معصب عليهم انهم ما اهتموا بتعليم
ولدهم الصغير للصلاة

اهي القصة كتبتها و انا سكران اتوقع

المشكلة كنت ناوي اسوي جزء ثاني بعد بس قلت لا هذي قصة تنفع تكون بس جزء واحد
ما كنت ادري ان القصة ما تنفع انها تنكتب اصلا

​

 

[7sN]

رد: | My Name Is Hassan |

الفن

الفن من اجمل الأشياء الموجودة بالعالم , كل شي نقدر نعتبره فن
لأن لو ركزنا شوي بنلاقي الفن و الابداع موجود بكل شي بحياتنا
من التمثيل و الأفلام إلى الطبخ كل شي يحتاج له اسلوب يُطبق بشكل
صحيح

و احلى شي لما نشوف الأسلوب هذا يتطبق و يتحول إلى فن , لو في احد يتابع
كرة القدم بيعرف شنو اتكلم عنه , التكتيك و الاستراتيجيات و الخطط الي
تنحط من المدرب للفريق , هذا كله شي شغال لمدة 90 دقيقة و ممكن اكثر
على اقــل غلطة من اي لاعب ممكن الخطة كلها تتغير , هذا فن !!

و لو ركزتوا على كل شي حوالينكم بتلاقون انه داخل بكل شي
بحياتكم .. عشان جذي نشوف برامج نفس Arabs got talent

رغم اني اكره البرنامج بس ذكرته للمثال

و ما راح اذكره
بإيجابية مرة ثانية بحياتي

المعنى من كلامي اني اقدّر كل شي لأني اعتبره فن
كل شي مقدّر له انه يكون له ابداع خاص فيه و
بالممارسة يحولون الشي العادي هذا الى فن

مثال صغير : ساموراي جاك الموسم الأول الحلقة الثانية ..

​