رد: we fall to learn how to pick ourselves up | 7sN
Three Animators
Futoshi Higashide
اليوم بتكلم عن ثالث و آخر واحد من الرسامين المفضّلين عندي
بـ Toei Animation و اسمه Futoshi Higashide
الرجل الي صدم الكل
هيغاشيدي اهو من الرسامين الي طلعوا بالوقت المناسب للأنمي المناســــــب
, ظهور هيغاشيدي افاد دراغون بول سوبر بشكل كبير مثل ما ذكـــــــــــرت
فوق ان الأستوديو جدولهم كان سيء جدا من ناحية انهم ما يعطون للرسامين
وقت طويل او مناسب عشان يطلع رسمهم بشكل جميل , فـ هيغاشيدي واحد
من الرسامين الي قدر انه يتآلف مع الجو هذا و يسرق الأضواء
يتميز هيغاشيدي بالأكشن بشكل كبير و اهو سبب كلامي عنه و اعجابي
بطريقة رسمه , باقي الرسامين لما يرسمون الأكشن اشكال الشخصيات
تتغير تصير اشكالهم غريبة , و هذا طبيعي جدا لأن الأكشن يركز على
القتال مو على شكل الشخصيات .. بس نشوف هيغاشيدي بقدراته يقدر
انه يثبت على شكل الشخصيات حتى بالأكشن
الدقة برسم الشخصيات و الدقة الأكبر و الأكبر برسم الأكشن
اهي ميزته بين الباقيين
هذا فيديو يبين كلامي ق4 :
[YOUTUBE]pjDocHfMPw4[/YOUTUBE]
و طبعا عرفتوا ان افضل شي بالأكشن نفسه لما الي يرسمه
يكون عارف بحركة الجسم اولاً و ثانياً يعرف يخلق جو
الحماس
هذا كلامي عنه بس
ما اعرف عنه وايد للأسف توه طلع لكن عشان الباقيين حطيت
لهم فيديوهين هذا بعد بحط له اثنين , هذا الثاني يبيّن لقطاته ق4 :
[YOUTUBE]cUO_LYFb0mY[/YOUTUBE]
و بس بالنسبة للرسامين
هذي من الأشياء الي انا احبها و حبيت اشارككم فيها
عشان افيدكم اولاً و عشان اطلّع الحماس الي بقلبي ثانياً
رد: we fall to learn how to pick ourselves up | 7sN
القصص الي كتبتها
بعد ما تطور مستواي الكتابي ( قليلاً ) قلت بعد بكتب قصة بقسم استوديو الأنمي , بدأت بكتابة القصة و فعلاً حسيت اني تطورت كـ مقارنة بالسابق
القصة كانت غبية بعد كالعادة
كانت عن واحد مادري شفيها قريته اعتقد ان في مجموعة يتحكمون بقريته و كان لازم يروح بمغامرة عشان يحصل سيف , و مادري ليش هالسيف راح ينقذ قريته
اهي القصة كلها طلعت من لقطة تخيلتها , و سمعت ان هالشي يسويه مؤلف انمي بليتش
انه يتخيل لقطة حلوة و بعدين يسوي قصة كاملة بس عشان يوصل لهاللقطة الي اهو متخيلها , هذا شي سمعته بس مادري اهو صحيح او لا
طبعا هذا شي مو غلط , بس لازم ما تهمل العناصر الثانية من القصة نفس الشخصيات و الأحداث و الصراع و غيره من هالأشياء المهمة
فـ قصتي ما اهملت الشخصيات لأن اساسا ما كان في شخصيات البطل بس و واحد راح معاه بالمغامرة , عجبت نفسي من ناحية اني اعطيت هالشخصيتين حقهم بكلامهم مع بعض و تفاعلهم
و سويت نظام حلو من ناحية ان المجموعة يرسلون اعضائهم عشان يوقفون البطل و صاحبه , فـ الأعضاء هذيلا مو بس اشرار لا كل واحد له شخصية و اتذكر 3 منهم كانوا مجانين
بس ما كملت القصة بعد فترة حسيت ان مافيني حماس لها و تركتها و بدأت بقصة ثانية
القصة الثانية ما اتذكرها عدل نفس الباقيين بس اتذكر ان كان في فضاء و في واحد اعتقد عالِم يبي ينتقم من الأرض او شي جذي و ما كملتها لنفس السبب
النبراس
بعدين رحت منتدى النبراس اعتقد تعرفونه و الحين اهو مو موجود بالحياة
هناك رحت و استغليت فرصة ان محد يعرفني و كتبت قصة , استغليت هالفرصة يعني عشان وناسة لما محد يعرفك و تصدمه فجأة انك تكتب عدل
فـ طلعت بقصة فكرتها روعة بس تطبيقها رايح فيها -_- لدرجة اني حالياً قاعد اعيد صياغة القصة بمخيلتي عشان لما ارجع اكتبها تكون بشكل حلو
القصة كانت فيها سفر بالزمن , ان بالبداية كان في مسابقة و بالنهائي دخل واحد فجأة و طلع من حجر ضوء , الضوء هذا كان سبب بانتقال البطل و اصحابه للمستقبل , فـ بالمستقبل هذاك صاحب الضوء اهو الحاكم هذي كانت فكرة حلوة بس تطبيقها ما كان حلو ابددد , بس مادري شلون نجحت هناك و ثبتوها
كل قصصي تنجح بالصدفة
فـ كنت اكتب الفصول بسرعة و في متابعين بس وقفت لما عرفت و استوعبت اني مو قاعد اكتب عدل و ما عندي شي مرتب قاعد اكتبه
و بس هذي قصتي مع القصص الي اكتبها , ولا مرة كتبت وحدة كاملة و اتجهت لحالة النقد عشانها تعلّم بالكتابة
صحيح انا كـ ناقد افضل من كاتب بس احب القصص وايد لدرجة اني بكتب رغم ان تاريخي بالكتابة سيء بس السوء ما حسيته عائق
تعلمت من بعد كل هذا ان القصص لازم تكون مرتبة و متناغمة بالأحداث و القصة و الشخصيات و المكان و الزمان
رد: we fall to learn how to pick ourselves up | 7sN
Mary Sue\Gary Stu
من زمان ما كتبت نصيحة او تعريف بالقصص و الحين لقيت شغلة بتكلم عنها
و اهي اسمها Mary Sue\Gary Stu
Mary Sue : تقال للأنثى
Gary Stu : يقال للذكر
Mary Sue\ Gary Stu: الشخصية القوية الي كل الشخصيات يحبونها و
مافيها ولا غلطة بشخصيتها و دايما تفوز
هذي بالنسبة لي اسوأ انواع الشخصيات , من الأمثلة عليها :
Lelouch - Code Geass
Natsu - Fairy Tail
Mikasa Ackerman - Attack On Titan
Kirito - Sword Art Online
Rey - Star Wars : The Force Awakens
Trunks - Dragon Ball Super ( Anime )
و طبعا في اكثر و اكثر بس ذكرت اشهرهم عشان تستوعبون الفكرة
هذيلا الشخصيات صعب صعب نشوفهم يخسرون قتال او يدخلون
اي نوع من انواع الصراع و يخسرون فيه
بالنسبة لي : الشخصيات هم اخطائهم
ولو في شخصية مالها خطأ واحد فـ اكبر خطأ نسويه اننا نطلق عليها اسم شخصية ,
عشان نطلق هالمسمى لازم يكونون الشخصيات واقعيين
واقعيين يعني لهم جوانب حلوة و جوانب سيئة , مثلا :
Goku : قوي جداً , لكن الصراعات الي يواجهها غالبا تكون اقوى منه
ولو في احد يتابع دراغون بول , ابيك تفكر و تقول كم مرة قوكو فاز
بدون مساعدة من احد؟ = مرتين خلال الـ 3 اجزاء
الأولى ضد بيكولو و الثانية ضد فريزا على كوكب ناميك , و بسس للآن
Eren Jeager : بالموسم الأول لو مو مساعدة الي حوالينه
كان ابدا ما فاز ضد آرني
Izuku Midoriya : يحتاج اتكلم عنه؟ الولد طول الموسم الأول
قعد يتلقى المساعدات من الي حوالينه رغم انه البطل
المعنى و الاختصار للكلام الي قلته :
مهما كانت الشخصية قوية , لازم تكون واقعية و لها عوائق
عشان نصدق بوجودها و نتعاطف معاها
رد: we fall to learn how to pick ourselves up | 7sN
Suicide Squad
امس بالليل ييت عشان اكتب تدوينة بس كل ما اكتب قعدت امسح لأني عادة بالليل افكاري ما تكون مرتبة بس الحين الوضع تمام بكتب الي كنت بكتبه امس
Suicide Squad الفيلم الثالث من عالم DC السينمائي الي للآن ولا فيلم من هالـ3 افلام نجح او قدّم لنا شي ابتكاري او مبدع , و بهالفيلم الثالث ليلحين هم على وضعهم و اسوأ بعد
الحين بتكلم عن فريق Suicide Squad نفسه و بوضّح كم شغلة ليش ما نجح فيها الفيلم هذا و ليش نجح فيها الفيلم الأنيميشن لـ Suicide Squad
قصة الفريق تتكلم عن اماندا والر مديرة آرغوس ( مجموعة مهتمة بالبحث عن الخارقين ) و طبعا هالمجموعة تبع الحكومة و هم حاطينها كـ مديرة , اماندا والر تبي تجمّع فريق مكون من مجرمين يكونون تحت سيطرتها عشان لو في مهمة خطيرة او ممنوعة ترسل الفريق هذا بهدف تحقيق المهمة و مع مميزات لهالشي :
1- اذا المجرم سمع و اتبع اوامر اماندا والر عقوبته راح تقل 2- لو المجرم تخلّف عن اوامر اماندا فـ راح تفجر قنبلة مربوطة بعنق المجرم و تقتله
و طبعا المجموعة هذي سرية محد يعرف فيها غير اماندا والر و باتمان
في فيلمين لـ Suicide Squad غير متصلين ببعض :
واحد انيميشن اسمه Batman Assault On Arkham الثاني واقعي اسمه Suicide Squad
في موضوع لي بقسم المانجا اسمه اهمية اول صورة اتكلم فيه عن ان اول صورة من المانجا تشرح لك جو المانجا كلها و حالتها لو دققت فيها و اعطيت مثال على دراغون بول < كالعادة
فـ الحين بدال المانجا او الأنمي بتكلم عن اول لقطة من فيلمين :
Suicide Squad + Batman Assault On Arkham
اولا : Suicide Squad
للأسف ما اقدر احط اللقطة لاحتوائها على مشاهد غير اخلاقية لكن بشرحها
تبدأ بـ لقطة فنية تعرض لنا السجن الي فيه المجرمين و نشوف اول مجرم مسجون و اهو ديدشوت مع معاملة الحارس له و في اغنية شغالة , لما نخلص مع لقطة ديدشوت نروح لـ هارلي كوين و تخلص الأغنية الأولى و تبدأ وحدة ثانية , نخلص من هارلي كوين نشوف اماندا والر تطلع من سيارة مع اغنية ثالثة و بس هذي اول لقطة باختصار
طبعا لو شفتوا الفيلم بتتذكرون عدل اكثر او روحوا شوفوها باليوتيوب موجودة كتبوا Suicide Squad Opening Scene
ثانياً : Batman Assault On Arkham
تفضلوا :
[YOUTUBE]LWMF5C-8B8E[/YOUTUBE]
تكملة اللقطة :
[YOUTUBE]VAztD19PGXk[/YOUTUBE]
الفرق بين بداية فيلم الأنيميشن و الفيلم الواقعي :
الفيلم الواقعي فشل بالبداية اولاً لكثرة الأغاني و ثانيا بدال ما يعاملون
البداية كـ بداية فيلم , عاملوها كـ اعلان لـ فيلم , لو تشوفون بتحسون انكم
تشوفون اعلان مو فيلم و هذا شي بعيد كل البعد عن صناعة الأفلام , بصناعة
الأفلام احنا نعيش الأفلام و نندمج معاهم مو نلاحظ الأغنية الفلانية حلوة
و غيره من هالكلام
كثرة الأغاني خلتنا نعرف و نحس بإن الفيلم مو مرتب , حالة اللقطة ما كانت
متماشية بـ راحة كان في شي غلط سهل انه ينكشف بس صعب انه ينشرح
بكلمة غير انه مو مرتب
بداية الفيلم الأنيميشن طبّق البداية الصحيحة :
من البداية عرفنا شخصية نيغما ( الي لابس اخضر ) كان يقول ألغاز لـ اماندا والر
و هذا يبين حبه و هوسه بالألغاز و كان اهو المتحكم بالموقف و هذا يبين من خلال
ردود اماندا عليه لما تقوله شتبي مني و ليش تكلمني و جذي , بس بعد فترة قصيرة
نعرف ان اماندا كانت طول هالوقت تلعب عليه و تتبع موقعه عشان تقتله , هذا يعكس
خباثتها كـ شخصية و شلون تقدر تتآلف مع اي موقف يتطلب منها هالشي , روعة ق4
لما وصل باتمان و خرّب عليها خطتها قدرنا نشوف غضبها لدرجة انها قالت :
We have another suicide mission
الموقف خلاها بحالة تبي تبين قوتها و سيطرتها لدرجة انها تبي الفريق
يروحون و يقتلون نيغما
و طبعا وجود باتمان يشرح لنا ان في شي اقوى و اكبر من هالمهمة العادية
و هذا شي راح يبين خلال مشاهدة الفيلم
فـ مثل ما قلت ان الأنيميشن توفّق من ناحية البداية لأنه بدال
ما يركز على الأغاني و شكل القصة ركّز على القصة و احداثها
تقديم شخصيات القصة :
نفس حالة المقدمة ما اقدر احط لقطة تقديم الشخصيات لوجود اللقطات الغير اخلاقية
بس احسن لكم لأن لو شفتوها راح تزهقون
اللقطة عبارة عن اماندا والر قاعدة على طاولة مع واحد تكلمه عن الفريق , و خلال كلامها
قاعدين يعرضون لنا كل شخصية و قصته و حالته , بس التطبيق فاشل .. نفس حالة المقدمة
الأغاني هنا وااايد و وايد تتغير كل شوي غير ان الأغاني ممتعة بس الصورة كئيبة و هذيلا
شيين المفروض ما يكونون بـ لقطة وحدة لأنها حالة تعقّد تبوني استمتع ولا اتأثر بحزن؟
و الفيلم كله جذي صورته كئيبة و مظلمة بس حالته ممتعة = مافي ترتيب ابداً
تقديم شخصيات الفيلم الأنيميشن :
[YOUTUBE]-EuwFw-7ke0[/YOUTUBE]
لقطة ما انقال فيها ولا حرف , بس فهمنا كل شي نحتاج نفهمه
فهمنا كل واحد و شخصيته و شكله و حالته و الي قاعد يسويه و
نوع الاجرام الي قاعد يسويه بدون ما نسمع ولا كلمة من احد
و زيادة على جذي سمعوا الموسيقات شلون قاعده تتغير عشان
تناسب جو الشخصية و اللقطة على عكس الفيلم الواقعي اغانيه
تتغير عشان بس تناسب مزاجنا مو مزاج الفيلم نفسه
التطبيق الصحيح مهم بشكل كبير و اساسي و مهما كانت الشغلة بسيطة
تزيد اهميتها لأن هالشغلات البسيطة اهي الي تكمّل القصة
رد: we fall to learn how to pick ourselves up | 7sN
Injustice 2
اول امس نزلت لعبة Injustice 2
تعرفون انا انسان تركيزي يكون على القصة اكثر من اي شي , و هذا ذوق
يمشي حتى على الألعاب يعني انا اهتم لأسلوب اللعب بس ما اعتبر نفسي
Gamer , في شغلات ممكن اني ما اركز عليها و هذي كانت نيتي لما
شفت لعبة Injustice 2 , اول امس لما نزلت انا على طول فتحت
اليوتيوب عشان اشوف قصتها كاملة كعادتي
ولكن
القصة كانت ممتازة , ممتازة لأبعد حد مقارنة بقصص السوبرهيروز الأخرى
فكروا فيها كم مرة شفتوا فيلم سوبرهيرو الشرير يبي يحكم العالم و عنده
ليزر ازرق يدمر فيه العوالم؟ تقريبا كل افلام السوبرهيروز هذي قصصهم
و تطبيق هالقصص فاشل لأبعد حد , لكن بلعبة Injustice 2 قدروا يثبتون
ان أي قصة ممكن تكون حلوة
سووا هالقصة لكن سووها بعقل و باحترام لعقل المشاهدين و اللاعبين , تسلسل
القصة كان ولا اروع و بالنسبة لي افضل قصة سووها شركة NetherRealm
ما شاء الله عليهم بكل 3 سنين لما يطلعون بلعبة يتطورون بكتابتهم للقصص تطور
سريع و ملاحظ و مبدع
مثل ما قلت شفت اللعبة باليوتيوب و من كثر ما عجبتني رحت شريتها عشان العبها ,
تخيلوا؟ انا الي ما اشتري العاب عشان العب شريت هذي عشان العب .. القصة
أثّرت فيني لدرجة اني اهتميت لأسلوب اللعبة نفسها و هذا شي ما يهمني بشكل كبير
لأني ما ألاقي استمتاع لما العب لعبة مافيها قصة , بس هاللعبة غيرت افكاري و
عاداتي و تقاليدي
انصحكم بلعبها خصوصاً لو كنت محب للألعاب القتالية كل شخصية
له شي يميزه و مستقل فيه عن غيره
10\10
من افضل اللقطات عندي باللعبة ق4 :
( تبدأ من الثانية 0:50 و تنتهي 3:15 )
[YOUTUBE]fUgic7jVQWY[/YOUTUBE]
من افضل تقديمات الأشرار بالنسبة لي شفتها بحياتي
احب ظهور الشرير هنا و تقديمه الاكثر من رائع مع
التأثيرات و الاهتمام بأدق و ادق التفاصيل بتعبيرات
الوجه ق4
رد: we fall to learn how to pick ourselves up | 7sN
الطموح التوني
طموحي التونية لها قصة كالعادة
اول ما سجلت بالمنتدى بـ سنة 2015 اتذكر وقتها كنت فاضي و كنت ابي شي اسويه بالنت يخليني استمتع و كنت حاط ببالي اني اسجّل بمنتدى و اتعرف على ناس جدد .. هذي كانت نيتي و طموحي بس بالتسجيل
لكن لما سجلت وقتها لاحظت اسلوب المنتدى نفسه من ناحية القوانين و من ناحية المواضيع بتنسيقها و تصاميمها و تونات و انا قلت ما اعرف بهالشغلات بس بحاول اني اسوي شي عالأقل يمتعني , و نزلت موضوع الترحيب
و بعد ما لقيت ترحيب شاركت ببعض المواضيع بس حسيت بالصعوبة مادري ليش بالضبط ممكن لأن ما كانت عندي افكار لمواضيع نفس الحين اهتماماتي زادت و تعمقت بوايد اشياء احبها , وقتها ما كنت جذي فـ بعد المشاركات القليلة طلعت و رجعت سنة 2016 لنفس النية و طلعت منه لنفس السبب بعد
لييين ييت بـ 2017 مع مناقشة ببالي و اهي عن Attack On TItan
وقتها كنت افكر و اقول يمكن اقدر اكمّل بالمنتدى دام اني اقدر احط مواضيع كأنها تحاليل مو تقارير لأن بالعادة لما انزّل موضوع جذي بمنتدى ثاني على طول يروح للأرشيف يقولون لي ما يصير والله زين مني اشارك
فـ من وقت هالموضوع للآن انا مكمل و البداية طموحي كانت صداقة و متعة بس الحين مع الصداقة و المتعة زدت معاهم الإشراف .. في قسم حاط عيني عليه و الله يبارك فيكم مقدماً
رد: we fall to learn how to pick ourselves up | 7sN
من حالات النقد
كل انسان ناقد , لكن مو كل نقد صحيح
طبعا لو بنتكلم عن حالة ما هو النقد الصحيح و الغير صحيح بندخل بأمور
فلسفية و عشان جذي انا اتجاهي عالقصص مو الحياة
كل شخص من حقه انه ينتقد فيلم مو عاجبه او أنمي مو عاجبه لكن في أساسيات
لازم نمشي عليها عشان يطلع مننا النقد الصحيح و المناسب لهذي القصص
كـ مثال :
انتقد قصة من ناحية الشخصيات؟صحيح
الشخصيات شي اساسي بأي قصة و كل قصة , لو في قصة أهملت
شخصياتها من حقي اني انتقدها لأن بدون الشخصيات ليش اكمل
المشاهدة\القراءة؟
انتقد قصة على منطقيتها مقارنة بالواقع؟خطأ
المنطقية بالقصص تعتمد :
اولا - زمان و مكان القصة :
مثلا بالفضاء / تحت الأرض / بالصحراء / بالبحار .. إلخ
ثانيا - رموز القصة :
مثلا Gurren Lagann انمي يرمز للارتفاع فـ لما نشوفهم يرتفعون
ما يصير نقول هذا خيال بشكل سلبي , لأن طبيعي هذا خيال و اصلا
مقصود انه يكون خيال لهالدرجة لأن الأنمي يرمز لهالشي و قاعد يطبق
الي يرمز له
The Dark Knight Rises فيلم اثار الجدل بين الناس و الكثيير من الناس
قالوا انه فاشل لأنه مو منطقي , و طبعا هذا خطأ لأن منطقية احداثه تتماشى مع
الفيلم و الي يرمز له .. و اصلا الرمز موجود بالإٍسم ( Rises يعني يرتفع )
المعنى من كلامي :
منطق حياتنا مو اهو منطق القصص
و طبعا كـ اختصار للي قلته كله :
انتقد القصة على قصتها مو على الي انت تبيه و ما تبيه
رد: we fall to learn how to pick ourselves up | 7sN
مثل ما اهو معروف عند الدراسة نسوي كل شي الا الدراسة
انا من باجر ان شاء الله ببدأ امتحانات و المادة سهلة الحمدلله فـ قلت
ليش ما ادخل منتدى قديم و اشوف مشاركاتي فيه < يحب يفشل نفسه
فـ دخلت منتدى و شفت ردودي فيه الي من 2011
قبل 6 سنوات ..
فـ وقتها كانو مسوين معاي مقابلة , أشبه بـ كرسي الاعتراف يعني بس مو الأعضاء
يسألوني لا , في مشرف القسم اهو الي يستضيف الأعضاء و يسألهم و المسكين على
حظه اختارني حسباله اني وقتها مثقف و قعدت اصدمه بالإجابات
بعض الأسئلة و الإجابات :
السؤال : لو بتكتب قصة بتحط خلفيات و واجهات عشان تطلع القصة مرتبة و حلوة؟ ولا
بتسوي نفس العضو **** و تحط قصتك بـ لغتين؟ ولا بتعتمد على النظام التقليدي
و الي يعتمد عالحوار؟
الجواب : الأقرب لي هو التقليدي الي يعتمد على الحوار و الأحداث
السؤال : طيب ليه ما تجمع ما امتاز به الثلاثة تصمم خلفية , تضعها في ملف ون رار
, و يكون نص الكتابة قوي؟
الجواب : ههه تقدر تقول كسل
^
اوكي , انا كذاب
الجواب جاوبته لأني ما فهمت ولا حرف من الي قاله
ما كنت عارف شنو يعني ون رار فـ جاوبت الجواب السهل " كسل "
,,
قبل السؤال الثاني بوضّح شغلة عشان تفهمون
للتوضيح : المنتدى كان منتدى عن ناروتو و كان فيه قتالات , نظام الي اثنيـــن
يتقاتلون مع بعض واحد يقول اطلق القوة الفلانية و بعدين الثاني يرد عليه يقوله
كنت بتنجح لولا ان عندي الدفاع الفلاني .. باختصار كان مرض
و انا ما كنت اقاتل احد من صغري كنت اعتبر هالشي مرض , بس من كثر
ما القتال نفسه مشهور صاروا الناس يطلبون مني اني اقاتلهم .. فـ انا استغل
الوضع و اقولهم انا اعتزلت القتال
يقولون لي ليش , اقولهم ما لقيت واحد احسن مني
فـ المساكين يتحمسون
انهم يقاتلوني زيادة و كلهم اقولهم ان شاء الله وقت ثاني .. و انا ما اعرف بعد
نظام القتال شلون صاير
فـ نرجع لسؤال
:
السؤال : ما رأيك بقتال القمة بين **** و ****
الجواب : قتال القمة .. من الاسم مبين كان قتال بقمة الروعة بصراحة و كان مشوق جداً
رد: we fall to learn how to pick ourselves up | 7sN
القشعريرة
من اجمل مافي القصص لما يأثرون فيك بحالة تخليك تتقشعر و انت بمكانك , اغلب المرّات تكون القشعريرة من الإخراج و مكان الكاميرا و شلون الكاميرا ممكن انها تطلّع لك حجم كبير للمكان و الأجواء
و ساعات يكون بسبب الموسيقا لما تبدأ و تشوفها متناغمة و متداخلة بشكل سلس مع اللقطة الي تشوفها و تعيشك الجو المناسب بالوقت المناسب
لكني الحين ييت و انا عندي لقطة من فيلم , اقدر اعتبرها من افضل اللقطات لتقديم بطل الفيلم بتاريخ السينما
الفيلم اسمه V for Vendetta , اللقطة الي بحطها مافيها تخريب او حرق للفيلم اهي مجرد لقطة تقريبا بأول 5 دقايق من الفيلم
ابيكم تشوفونها و تسمعون الي يقوله حتى لو ما فهمتوا منه شي
:
[YOUTUBE]ACUpr5GvVsE[/YOUTUBE]
اول مرة شفتها كنت صغير طبعا ما لاحظت الي قاله بس قبل سنة تقريبا
حطوه ام بي سي 2 و شفته , و لاحظت انه استخدم حرف الـ V بشكل
مو طبيعي !! من اول ما يقول Voila من الثانية 33 للنهاية يقول عدة
جمل و تقريبا ما يكمل 3 كلمات الا وراهم تيي كلمة بدايتها حرف الـ V
"Voilà! In view, a humble vaudevillian veteran cast
vicariously as both victim and villain by the vicissitudes
of Fate. This visage, no mere veneer of vanity, is a
vestige of the vox populi, now vacant, vanished.
However, this valorous visitation of a bygone vexation
stands vivified and has vowed to vanquish these venal
and virulent vermin vanguarding vice and vouchsafing the
violently vicious and voracious violation of volition!
The only verdict is vengeance; a vendetta held as a votive, not
in vain, for the value and veracity of such shall one day vindicate
the vigilant and the virtuous.
Verily, this vichyssoise of verbiage
veers most verbose, so let me simply add
that it's my very good honor to meet you and you may call me V."
^ ابيكم تقرون الكلام و تسمعونه
و هذا اهو الابداع , تخيلوا شكثر قعد المؤلف يسوي هالشخصية و يدرسه لدرجة
انه دوّر على كل الكلمات الي تبدأ\تتضمن حرف الـ V عشان يربطهم ببعض و
يصيرون جمل ورا بعض متصلين ببعض
و تخيلوا الممثل الي قعد اسابيع و يمكن اشهر بس عشان يضبط الجمل هذي كلها
و ما يتلخبط ابداً خلال كلامه , و فوق هذا محافظ على صوته مع نبرته و سرعته
بالكلام ولا كأنه سوا شي اسطوري .. يستحق اوسكار بس عشان هالحركة
هذا معنى القشعريرة
الابداع الي يطلع و يبيّن تعب العامل على الفيلم
او القصة بشكل ابداعي و طبيعي و متماشي بتناغم
رد: we fall to learn how to pick ourselves up | 7sN
مبارك عليكم الشهر جميعاً
الناس كلهم نايمين و انا الوحيد الي قاعد عشان عندي محاضرة الحمدلله انها آخر محاضرة للمادة و بعدها 3 امتحانات و اعيش حالة العطلة و رمضااان الي مشتاق له
اجواء رمضان دايما جميلة خصوصا لما الكل نايم و انا الوحيد الي قاعد احساس جميل ق4
للآن ما عندي جدول معين لهالشهر غير المسلسلات و الأفلام الي بشوفهم , لازم احاول احط جدول لأشياء مختلفة نفس الرياضة مثلا .. الجامعة خلتني اقعد بالبيت -_-
اوكي سؤال للجميع : لو بتابع كوري شنو تنصحوني اشوف؟
قاعد اعطي الكوري فرصة لأول مرة بحياتي فـ مابيها تضيع ابي افضل الأعمال عندكم ناطر
ملاحظة : لا تعطوني فيلم الزومبي بالقطار لأني راح اشوفه
.gif "At (138) ه1")
.gif "At (102) ض1")
.png "At (71) و1")
