النقاش الرسمي لأنمي Boruto : Naruto Next Generation [ النسخة الأولية ] (6 زائر)

[7sN]

رد: النقاش الرسمي لأنمي Baruto : Naruto Next Generation [ النسخة الأولية ]

الحلقة الخامسة

الحلقة بشكل عام خفيفة و فيها متعة

و طبعا بالنسبة للوقت و الوضع الحالي لـ بوروتو فـ الحلقات كلها بتكون
خفيفة لين ما ينشرح كل شي و نبدأ بالقصص المهمة فـ بهالحالة هالحلقة
جميلة و مستواها مو اقل من الحلقات الباقية

ظهور ميتسوكي نفسه خفيف بس الطريقة ما كانت عاجبتني وايد و هذا ممكن
بسبب الرسم , و هذا اهو الشي السلبي بالنسبة لي بهالحلقة مع شي ثاني راح
اذكره بعد شوي .. الرسم ما كان فيه متعة او روح يعني البداية لما بوروتــو
كان يلحق هذاك السمين الي يطلع نار ما حسيت بالإثارة او على الأقل ان في
شي قاعد يصير .. بالعكس حسيت ان واحد ماله خلق يرسم رسم هاللقطة بدون
ابداع بمكان الكاميرا او التأثيرات و بعدين طلع ميتسوكي و هذي كانت لقطة
حلوة مو سيئة

الشي السلبي الثاني اهي مخاطر الحلقة

طبعا هذا ما اعتبره شي ضد الأنمي وايد بس حسيتهم قاعدين يحطون خطر
من اي سبب و لأي سبب بدون عمق لهالأخطار بس عشان يكملون الحدث
الي قاعدين يسوونه , بس عادي عديته شوي

هذا بالنسبة للأشياء السلبية و الحين الإيجابية

كل شي تقريبا ايجابي , تفاعل الشخصيات و كلامهم مع بعض حبيته .. شيكـــاداي
و احترامه لغيره جميل جداً .. و مثل ما قال اتش بي وحدة من احلى لقطات الحلقة
تشوتشو لما قالت عن ميتسوكي انه مو نوعها المفضّل , و طبعا وحدة من
افضل التفاعلات بالنسبة لي تفاعل رئيسة الصف مع شينو .. كان شي فوق الجميل
فعلا حسيتها رئيسة الصف و تهتم لكل شي , حبيت شخصيتها وايد

افضل لقطة بالحلقة :

1- لما شينو سوا حفلة لـ ميتسوكي , لأنه شي كان داخل بإرادة شينو نفسه و كان
يقاتل عشان يحصل حب التلاميذ و بهاللقطة كل شي توضح من شخصيته

2- لما رئيسة الصف قامت تدرّس الصف عشان شينو متضايق حبيت الحالة

افضل شخصية بالحلقة :

شينو بلا منازع

متحمس للحلقة الياية و مادري شنو اتوقع منها لأني ما شفت الاعلان

​

 

[Hp Senpai]

رد: النقاش الرسمي لأنمي Baruto : Naruto Next Generation [ النسخة الأولية ]

هلا هلا حسسسن

بالنسبة لكوريناي تعليقك الاول عن الحلقة الخامسة

شوفها هــــنــــآآ حتى وهي معصبة حلوة شوفها

بعد هـــــنـــــااا يا اخي مززة والحين بالانمي شكلها

ابد ابد مو حلوو .. و بالنسبة لشيكاداي .. ماعرف انا ليش

مو شاكك ابداً بميتسوكي ..

صح لاحظوا الي انت قلت عنه و بيتكلمون فيه و يحلونه و هذا شي جميييل ,

ضحكتني وربي

انا شخصية مهمة جداص بفلسفة النقاش


:

افضل لقطة بالحلقة :

1- لما شينو سوا حفلة لـ ميتسوكي , لأنه شي كان داخل بإرادة شينو نفسه و كان
يقاتل عشان يحصل حب التلاميذ و بهاللقطة كل شي توضح من شخصيته

فعلاً كانت احلى لقطة لان بصراحة فاجأني الي

كلش تفاعلت وياهم وحسيت عيونه يلمعو مثل هاي ي

هههههه حسيته زية بالظبط ..


+++

انك ضفتلنا فقرة جديدة

افضل شخصية بالحلقة :

بالنسبة الي افضل شخصية جانت ميتسوكي

 

[Hp Senpai]

رد: النقاش الرسمي لأنمي Baruto : Naruto Next Generation [ النسخة الأولية ]

الشي السلبي الثاني اهي مخاطر الحلقة

طبعا هذا ما اعتبره شي ضد الأنمي وايد بس حسيتهم قاعدين يحطون خطر
من اي سبب و لأي سبب بدون عمق لهالأخطار بس عشان يكملون الحدث
الي قاعدين يسوونه , بس عادي عديته شوي

عاد هاي صدك صدك صدك كلامك .. انهم ديحاولون يظهرون
مقدار من الخطر الي مالة داعي .. بحيث حركة النار والرجل المعصب
كانت جداً بسيطة .. + حركة بوروتو لما راد يوقع وحاول ميتسوكي
ينقذة كانت جداً بسيطة ومثل ما كلت صحيح ..

اعتقد انهم يحاولون يضمون الحركات والتشاكرا وانواع القوة
لغير شخصيااات .. هذا اعتقادي

اما بالنسبة للرسوم فهذا امر طبيعي .. لنفس السبب اعلاه

 

[7sN]

رد: النقاش الرسمي لأنمي Baruto : Naruto Next Generation [ النسخة الأولية ]

صح بالضبط

اول حلقة رسمها كان وايد حلو , بس شكله عشان كان اول
حلقة و انمي يديد فـ بيحطون الي يقدرون عليه و الباقي عادي

بس الحمدلله الرسم ما اقدر اقول عنه سيء بمعنى الكلمة لا
اهو مقبول , لقطات معينة يكون مو حلو بس مقبول بشكل عالي

من خلال مشاهدتي للأنميات عرفت ان الرسم ممكن انه يكون جبار
من حركة الكاميرا نفسها , طبعا مستوعب مافي كاميرا بالأنمي بس
المعنى الي اهو الرسم و زاوية الرسم

حركة الكاميرا او زاوية الرسم ممكن تعطي احساس قوي و روح
باللي قاعد يصير بس هذي كانت مشكلة الحلقة مثل ما ذكرت
ان مافي زوايا ممتعة و تحسسني بالحماس بلقطات كانت محتاجة
حماس​

 

[Hp Senpai]

رد: النقاش الرسمي لأنمي Baruto : Naruto Next Generation [ النسخة الأولية ]

صححيح حسن اني هم ضِجت من الرسوم
ما انكر هالشي .. بس اذكر ناروتو اول بدايته
هم كانت الرسوم هيج مملة .. رغم ان الشخصيات
حلوة حيل .. وتعلقنا بالشخصيات والاحداث
وما اهتمينا للرسم ..مع اني كنت دائما اشكي
من سالفة الرسم وصديقي يكلي لا الرسم تمام

:

جنت احس الخلل مني طلع الخلل واضح ، لكن
الجميع ينكر ، بعدين انا حللتها وي نفسي وحكيت انو
الاحداث اهم .. المشكلة في بورتو انو ماكو احداث قوية
تشششدك مثل احداث ناروتو .. شدتنا الاحداث و
اهملنا اتقان الرسم .. ف همة لازم يراعون في بورتو
هالنقطتين حسب نظري ..

تعرف حسن .. مرة لاستو حكت انو القوة مالتهم
بدأت تظمر او تقل بسبب الاحداث الي عاشوها ..
ودا الاحظ انو التطور كبير عدهم والراحة والرفاهية
صارت متاحة للجميع اي بمعنى انو الاحداث فاهية
بسبب هالشي لا اكثر ..

اما الرسم ف مثل ما كلت مو سيء كلش بس اكو
زوايا معينة .. يا اخي انت مصور انمي محترف كان
لازم تكون جنبهم وهمة يرسمون

 

[THE LAST]

رد: النقاش الرسمي لأنمي Baruto : Naruto Next Generation [ النسخة الأولية ]

تحمسون والله ...بس هاليومين تعبانه عشان جذي ماشفت الحلقه ,, بشوفها اليوم وأرجلعكم ..

يعطيكم العافيه يارب ي

 

[R A G A D]

رد: النقاش الرسمي لأنمي Baruto : Naruto Next Generation [ النسخة الأولية ]

أنا جيييت ققق

عاد بنزل تصاميم للحلقه بعد بس بعد ماتكلم عن جوانب الحلقه ق من نظرتي ي
بقولكم شغله هو موشغلة الرسم سيء بالعكس الالوان حلوه وكذا بس التحريك كان معطوب
بالله اول مره اشوف احد يتكلم وعينه مو مركزه بالشخص الي يتكلم معه
عاد فيه بعض اللقطات تمنيت ان تحريكها سريع شوي عشان نتحمس قم0
وتبون الجد يوم اول الحلقه ظهور الحب كان خايس قم0
توقعت بيكون شيء جبار كانه يطلع من الجدار ويوقف العدو قدامهم
نفس اوروتيشمارو ققق
يوم حركته مع ساسكي ايام كانو باول امتحان لهم
هنا اللقطه
حطيتها عشان اعيد الذكريات ق
كان الرسم وقتها يجنن جد ويجذب هف ياخي
احس ماصدقوا يخلصون ناروتو ساوو بروتو وتعبو الطاقم
ودي يسون اربع حلقات ضغط في اسبوع ويجلسون استراحه لشهر
عشان تتحسن جودة الرسم والتحريك ق
الحين بدخل بالي صار بالحلقه ق
اول شيء دخول ميتسكي غريب وغير مؤلوف وتصرفاته مدري حسيتها تشبه ابوه
يعني يوم يقول بلقى شمسي كان شمس اوروتشيمارو ساسكي
الحين كلنا نعرف من هو شمسه يوم سمع كلام بورتو بالحلقه اكثر من مره
وبعدين حاجه ثانيه تفكير ولد شيكاموارو بمحله لانه اي شخص غريب يجي وفجاه يشوف الي يشوفه بوروتو
بيكون مشكوك فيه وهو يمكن ماعنده البياكوغان ولا اي عين من عيون المعروفه
وغير كذا يمكن يكون غلط ويمكن هو يحس بالتشاكرا يعني ماراح اقول شيء ضده
بس مع الوقت بنعرف مع اني احس بيكون فيه تعاون مره كبير بين ميتسكي و بورتو
بيكونون زي ساسكي وناروتو بالضبط بنظري ي
حبيت تشاكيرا ميتسكي الي سواه بالحلقه حط فيه احتماليه انه هو من استدعاء الحيه
بس لحد الحين ماني مقتنعه كيف استدعاها من بعيد
وحبيت كيف خلو النقص بشخصية شينو ياثر عليه تذكرون يوم استاذ ايروكا وناروتو كيف كان المشاعر الي بينهم
ماراح تجي نفس بورتو وشينو بس شينو بيكون كل الطلاب يحبونه ويثقون فيه بعدين ق
وججد من كان يصدق انه يبي يصير استاذ وهو مو اجتماعي
وفيه حاجه ثانيه مره ارحم مبنى المدرسه وش سوالكم المسكين كل شوي كاسرينه
المهم افضل لقطه عندي هي يوم شينو يسوي حفل للطلاب ويجيهم حشرات
افضل شخصية بالحلقه : شينو
كنت بختار ميتسوكي بس ظهوره احبطني

 

[7sN]

رد: النقاش الرسمي لأنمي Baruto : Naruto Next Generation [ النسخة الأولية ]

ههههههههههههههههه اتش بي الحين عرفت شكلك
ان مافي خلل منك ابد انت تييب الشغلات صح

صحيح اهي الأحداث جذي بسبب الي مروا فيه من سلام
و هدوء بس الكاتب المبدع يقدر يخلينا نندمج بأقل الأحداث
تأثيراً او معنوياً , هم الحمدلله في احداث حلوة مثلا حلقة
ميتال لي كانت وايد حلوة و الأولى حلوة و الباقيين كلهم
كانو تمام بس الي مخرب اكثر شي زوايا الرسم مثل ما
قلت

,,

رغد انا ما امانع ظهور ميتسوكي معنويا و فكريا لأني اعتبره كـ فكرة فـ اهي جميلة ,
اوروتشيمارو كان ظهوره لايق عليه على ساسكي و ناروتو و ميتسوكي ظهوره لايق
عليه على شخصيته بإنه غامض و ما تعرفينه و بنفس الوقت ما تعرفين شنو الي سواه
بالولد و شلون و جذي يعني .. المشكلة كانت بالتحريك مثل ما قلتي اهو الي ما
حسسنا بشي مهم باللي صار و ما كان في ابتكار بالتحريك ابداً و عشان جذي
بالمقابل ظهور ميتسوكي كان خايس مثل ما قلتي

رايج حلو بس اتمنى ما يكونون نفس ناروتو و ساسكي ابي شي يديد و
ثنائي او ثلاثي اجدد خصوصا اني احب هالشخصيات و هالفريق اكثر من الي
كانو بـ ناروتو .. اكره ساسكي و ساكرا فـ اتمنى ما اشوف احد نفسهم

ههههههههههههههه استدعاها من بعيد لأنه انمي دايما يسوون حركة
الغموض و بالعادة ما يشرحونها عشان مافي شرح يوضح , بس اتوقع انهم
هنا يشرحون شلون استدعاها

​

 

[7sN]

رد: النقاش الرسمي لأنمي Baruto : Naruto Next Generation [ النسخة الأولية ]

صح الله يعافييج لاست و سلاماات
ناطرينج

 

[Hp Senpai]

رد: النقاش الرسمي لأنمي Baruto : Naruto Next Generation [ النسخة الأولية ]

يا هلا والله منورين النقاش ياحلوين ي
شونج رغدة ؟ هاي شنوو صابغيج وردي
مبروك عيني وشايفة كل الخير يارب
تاخذي مكان لاست امزح امزح

:

بالنسبة لردج الحماااسي ..

توقعت بيكون شيء جبار كانه يطلع من الجدار ويوقف العدو قدامهم

بس ترة دخول حبيبج ميتسوكي الاول كان حلو
يوم ظهر بعد ظهور الافعى .. انتي ليش للحين مو
مستوعبة انو هو الي استدعاها ؟؟ يعني شون
مسافة بعيدة ؟؟ ترة المسافة كانت قريبة يعني
حتى لو كانت بعيدة فهي ماكانت بهذاك البعد العظيم
الي مو من الممكن ان يُستوعب ..

:

كنت بختار ميتسوكي بس ظهوره احبطني

ظهورة كان تمام التمام ومافي شي عيب ابداً ..

:

ههههههههههههههههه اتش بي الحين عرفت شكلك
ان مافي خلل منك ابد

انت تييب الشغلات صح

ههههههههههههههه لا لا حسون هذا كلام لاستو
هي الي جابته وانا رقته منها لاني ما اشوف
هذا مبرر حتى يتباطئ المدرسين اولاً والمنتج ثانياً
احسة خلل من الانتاج لانهم ما خلوو قووة بالانمي

كانو تمام بس الي مخرب اكثر شي زوايا الرسم مثل ما
قلت

كلامك درر حبيبي حسن

ايج حلو بس اتمنى ما يكونون نفس ناروتو و ساسكي

ابي شي يديد و
ثنائي او ثلاثي اجدد خصوصا اني احب هالشخصيات و هالفريق اكثر من الي
كانو بـ ناروتو .. اكره ساسكي و ساكرا فـ اتمنى ما اشوف احد نفسهم

اني وياك بهاي النقطة ماريد نفس فريق ناروتو لان جنت
اكره هالخايسة ساكورا والاحول ساسكي الي قرر انه
يرتبط بيها للاسف احبطني قم0 ..

ههههههههههههههه استدعاها من بعيد لأنه انمي

دايما يسوون حركة
الغموض و بالعادة ما يشرحونها عشان مافي شرح يوضح , بس اتوقع انهم
هنا يشرحون شلون استدعاها

برأأيي همة بظهور ميتسوكي اول مرة يوم استدعاها كان
جوابهم للمشاهد ان ميتسوكي هو الي استدعاها .. بس
وجهة نظرك صحيحة .. سيتم ايضاح الفكرة لاحقاً . . اتمنى

تحمسون والله ...بس هاليومين تعبانه عشان جذي ماشفت الحلقه ,, بشوفها اليوم وأرجلعكم ..

يعطيكم العافيه يارب

عندج العافية يااارب متشوفين شر منتظريج