ملتقي الاوتاكو - Welcome To Anime World (2 زائر)

[زهورة الملكة]

اهلآ اهلآ القسم كله ميت مايسوي واهس ولا يحمس
المهم هنا الانميات اللي ذكرتها كلها ماشفتها وماسمعت عنها أصلآآ
هلأ احد عندو انمي معروف شوي نتكلم عنه ؟

 

[Mahdicchi]

نشطيه طيب

أما مو سامعة فيها xDD
انزين قولي أنتِ وش تتابعين حاليًا ؟
أو وش آخر شي تابعتيه ؟

+ جاوبي ع سؤالك اللي حطيتيه تبع الأنمي المتكامل

 

[زهورة الملكة]

ههههههه كيف انشطه وش بيدي عليه
المهم اتابع حاليآ " Banana fish + Attack on Titan 3 "
------,-----------,--------,-----

الانمي المتكامل بالنسة لي kaiji
انمي متكامل من كل الانحاء حتى بالرسم مافي مشكلة
حطو التصنيفات ملائم وجابوها صح وعرفو كيف يستغلوا الفكرة اللي عندهم صح
حبيت الانمي كثير
+
مونستر انمي روووعة والذكاء والغموض رووعة يسيطرون على الانمي
وحبكة الاحداث وترابط الشخصيات بالشخصية الرئيسية مثالي حبيت اهداف الانمي
وتسلسل الاحداث بشكل خاص .. التصنيفات اعطوها حقها وزايد اعتقد الانميات كايجي ومونستر
اللي مايتابعهن يخسر نص عمره والله خرافيات

 

[Mahdicchi]

مدري عنك
آهااا ، ما بديت فيهم للحين أعرف مالي خلق الانتظار أسبوعيًا

اووه كايجي و مونستر
طبعًا هالأنميين أعتبرهم من التوب عندي -وذكرتهم بالصفحة السابقة-
حلو أنك حبيتِ كايجي وتغاضيتِ عن الرسم "السبب اللي خلى ناس وايد ما يتابعونه"
الأنميين يعتبر نوعهم سايكولوجي "نفسي" ، وهالنوعية إذا توظفت صح تنتج شي جبار
وهذا اللي حصل بالأنميين

اللي مايتابعهن يخسر نص عمره والله خرافيات

+1

 

[Seera]

@Antarcticite ♦

محتـاره هل ابدأ بالأنمي اللي برمزيتـك والا أدور غيره ؟
من متى وأنا نـاويه أشوفه إذا عنـدك إقتـراحات زيـاده احتـاج
لي فتـره ما شفـت أنمي وأحس معـاد صرت أعرف الأغـلب

 

[Mahdicchi]

@Antarcticite ♦

محتـاره هل ابدأ بالأنمي اللي برمزيتـك والا أدور غيره ؟
من متى وأنا نـاويه أشوفه إذا عنـدك إقتـراحات زيـاده احتـاج
لي فتـره ما شفـت أنمي وأحس معـاد صرت أعرف الأغـلب

أطلق من تاخذ رايي
أكيييد أنصح فيه
للتذكير ، وللمعلومية للي ما يعرف .. اسم الأنمي تبع رمزيتي هو Houseki no Kuni
أنمي جميييل جدًا -وين جويلان تتكلم عنه-
فكرته مختلفة وفريدة من نوعها ، الرسم عجيييييب
و تكفي هيبة أنتارك -الشخصية اللي أخذت منها اسمي، الموجودة بالرمزية-

ولو تبين شي ثاني عطيني النوع اللي تفضلينه وما بقصّر وياك

 

[WiSHES]

احم احم اول مرة اجي نادي غير تبعي
ضروري التغيير ، سلام عليكم ايها الشعب
بما اني من عشاق ناتسومي يوجينشو -واضح من اسمي يعني-
فقلت مافي مانع اجي احكي شوي وادردش معاكم عنه
طبعا بالاول لازم اشوف وين وصلتو فيه عشان ما احرق فيه xD
بس عموما هو عن شاب يشوف الارواح -اليوكاي- وذلك كله بفضل جدته ريكو اللي ورثت له كتاب الاصدقاء
وبسببها ايضا يطاردونه الاشباح لاسترجاع اسماءهم اللي اخدتها ريكو -يعني ورثته الورطة-
تعريف بسيط للي مايعرف يعني
المهم ي رب في احد يعرفه عشان اتناقش عنه براحتي

 

[Mahdicchi]

أهلًا ويشز منورة
^ حسيته بيت أبوي من كثر ما أطل هنا كل ما لقيت رد جديد
اوه أنا عن نفسي متابع ناتسومي من كان نازل له جزئين بس
و تابعت كل الأجزاء اللي نزلت فـ من ناحيتي متطمن ما بينحرق علي شي
هالأنمي ما ينمل صراحةً ما عندي مانع لو ينزلون أجزاء جديدة
صح ما فيه تطور كبير بالأحداث ، بس جوه جميييل ورايق بشكل

 

[WiSHES]

هاد المطلوب اصلا من النوادي ان الاعضاء يحسو بالانتماء لها
انا شكلي بقعدلكم هنا بالاضافة الى النادي تبعي
- اتفق معاك ، ناتسومي حرفيا كان اول انمي تابعته لوحدي
بالعادة اختي تشغل شي واتفرج معها ، ناتسومي كان عندنا بالهارديسك
وافتكر وقتها ماكان في نت بالبيت وقلت لاختي طفشانة ابغا اشوف شي وشغلت لي دا وراحت عني
وكانت هادي احلى ايام حياتي
فعلا جوه رايييييق مرة ، افتكر كنت ابكي عليه كتير -انا حساسة مرة -
واظن اغلب شعب اليابان يتفق معاك اساسا ، لو يعملو مليون جزء محد يمل لانه يعطيك شعور ... ماني عارفة اوصفه
بس احس ع قد ماتابعت انميات بعده بس مالقيت شي مثله بصراحة
صعب لما يكون انمي دخل عقلك وتدور ع غيره ..
شو اكثر لحظة تفتكرها منه ؟

 

[Mahdicchi]

حياك حياك
تقول إليسا : الوحدة هتقتلني و أجري من تاني عليك < برا
اووه وأنا أقول وش سر حبك له ..
أصلًا شفتِ غيره ؟ أحس كل كلامك عنه كأن ما فيه أنمي بالحياة غيره xDD
+ بالعكس فيه أنميات نفس جوه زي موشيشي ، فايوليت ، كينو

صراحةً مدري ، عادة لما أشوف شي ينمسح من ذاكرتي بعدين < لما أطلب ذاكرة من جولي شيك
بس فيه لقطة للحين أذكرها وقتها صدمتني عاطفيًا كذا ودمعت عيوني

"اللي ما شاف الأنمي يفضّل ما يقرأ الكلام اللي تحت" xDD

لما يورونا فلاش باك لناتسومي أول ما انتقل لعيلة فوجيوارا
ووقتها قال للأم شوفي الغربان فوق .. ووقتها ما كان فيه غير غراب واحد
بس مشّت له وقالت ايه شفتهم
يعني هي الوحيدة اللي ما كذبته وعاملته معاملة سيئة زي البقية