هل التكرارْ جيّد أم سيّء؟ (1 زائر)

[7sN]

السلام عليكم ورحمة الله و بركاته

لما نتكلم عن الأستوديوهات نعرف ان القبول الجماهيري بالنسبة لهم هو اهم من القبول النقدي , فـ بالنهاية
الجماهير هم الي يتسببون بنجاح الأنميات مما يؤدّي بالمقابل إلى نجاح الأستوديوهات , و هذا كله يأثّر بـ
خطط و تكتيك الأستوديوهات من ناحية الأنميات الي تتم انتاجها

نشوف انميات نفس Boku No Hero Academia و Black Clover الي من اول ما نزل اعلانهم
انعرف انهم بيكونون من اكثر الأنميات مشاهدة في مواسمهم , هذا كله لأن هالنوع من الأنميات لهم اجواء
مألوفة بالنسبة للجماهير و هذي الأجواء هي أجواء الشونين .. او كما أسمّيها "أجواء ناروتو"

سواء حبيت او كرهت ناروتو ما راح اقدر انكر انه أنمي له تأثير كبير على الجماهير اولاً و على الأستوديوهات
ثانياً , من بعد نجاحه الكبير و التاريخي صار كل هم الأستوديوهات انهم يقلدون هذا النجاح بأنهم يتبنّون الأنميات
الي بنفس اجوائه .. و هذا يرجعني إلى نقطتي لما ذكرت Boku No Hero Academia و Black Clover ,
هالأنميين شونين و ابطال الأنميين لهم شبه كبير بـ ناروتو , اثنينهم بدايتهم كانت سيئة من ناحية نفسيتهم و مكانتهم
بالنسبة لعالمهم و اثنينهم عندهم احلام كبيرة و عوائق كثيرة , و اثنينهم عندهم اعداء\اصحاب ينافسونهم على الهدف
نفسه

رغم ان Black Clover قاعد يحصّل نقد قوي لأسباب واضحة ( صوت البطل ) Boku No Hero قاعد يحصّل
كل شي ايجابي سواء من النقاد او الجماهير , و اغلب الناس يقولون عنه بأنه اهو ناروتو الثاني .. فـ هل هذا شي جيد؟

تحديد الشي هذا يعتمد على الجمهور نفسه , او يعتمد عليك انت

انت لما تبحث و تدوّر على انمي , شنو اللي تبحث عنه بالضبط؟ بعض الناس يشوفون انميات للمتعة بينما
البعض الآخر يبحثون عن الجوانب الفنية اللي ممكن انها تتحقق بالأنيميشن .. و مهما كانت الأشياء اللي
تبحث عنها , نقدر نقول بأن الأغلبية هم اللي يشوفون الأنميات للمتعة و هذي الأغلبية هي اللي تحدد نجاح
انمي معين على انمي آخر

لو بتكلم عن نفسي ( طبعا لأني كاتب الموضوع ) بقول ان انا من الناس اللي ابحث عن الجوانب الفنية , مو لأني ابي
افهم بهذي الجوانب بل لأن الجوانب هذي هي الشي الأساسي اللي بتخليني استمتع فـ بالنسبة لي الفن ينتج المتعة مما
يسمح لي بحب الأنمي اللي اتابعه .. لكن بنفس الوقت ما اشوف ان المشاهدة من اجل المتعة فقط شي سيء بل اشوف
انه شي جيد و يساعد على تقدير بعض الأنميات على غيرها

لكن هنا تكون الأسئلة :

1- عن ماذا تبحث في الأنميات؟
2- هل التكرار جيّد أم سيّء بنظرك؟