Dream big , work hard and make it happen (1 زائر)

[R E E M]

صباح الخير و صباح الاجازه المنتظره
طبعا انا صارلي يومين معطله بس اليوم رسمي اعلن عن بدء اجازتي الصيفيه
واسأل الله ان يجعلها اجازة خير علي وعلى جميع المعطلين ضت1
كانت سنه جدا طويله حافله بالمواقف و الانجازات من ناحية التدريس
بما اني معلمة مادة اجتماعيات للمرحلة المتوسطه
ولله الحمد حصلت على تقدير " ممتاز " كمعلمة متميزة في العام الدراسي 2018-2019م

.
.

بدت اجازتي وبدا استعباطي مع النوم للاسف
كنت مخربه نومي برمضان وللحين نومتي على سستم رمضان و ألعن بعد
بس هالايام صاير وضعي جدا غريب !
الوضع هو ( امشي و انام ) يعني باليوم يمكن انام 5 مرات
واتوقع هذا تعويض عن الايام اللي ما نمت فيها عدل او اني رسميا اصبحت امرأة عجوز
المهم اتمنى وضعي مع النوم يتعدل عشان استمتع بإجازتي
حاليا كثير مخططات براسي بخصوص هالاجازه واتمنى انها تضبط

.
.

وبالنهايه :

اتمنى من الجميع ان يحضوا بإجازة صيف ممتعه جدا
واللي للحين ما عطلوا اتمنى انه تجي الاجازه بسرعه و يستمتعون فيها

 

[R E E M]

.
.
.

الوضع حالياً بالمنتدى مع تغيير الاسماء

.
.
​

 

[R E E M]

^
بإذن الله هالهيدر راح يكون الهيدر الرسمي حق مدونتي
كنت بحطه ببداية مدونتي بس مالي خلق الصراحه
ان شاءالله راح ابدي احطه بداية من هذه التدوينه

شرايكم فيها ؟
خصوصا اني صايره امشي و اصمم هالايام من الشوق حق التصميم




وبس والله ماعندي سالفه
.
.



​

 

[R E E M]

أهلا بحبايب قلبي زاور مدونتي الجميليين
من امس وانا فيني مشاعر زايده و قاعده اوزعها على أهلي و رفيجاتي

المهم

اليوم وبعد عناء طويل ركبت تقويم الاسنان ( الحديده اللي تنحط على اسنان عشان ترتبها )
لان كنت اعاني من الصفه الاماميه التحتيه حق اسناني من كم سنه
مع ان كان نهائيا مو مبين بس قلت احسن اني انسقها اكثر و اصبح
( من اصحاب الابتسامه الحلوه ) - كف -


اصلا الكويت كلها حاطه هالتقويم لان يضيف لمسه جماليه على الشكل و هيك
بس للاسف عذاااااااااااااااب بمعنى الكلمه
لان حيل تضغط على الاسنان و تشدها وعاااد استلم الصداع و جميع انواع الالام
بس يلا كلها سنه و نص و اشيله > يعني كذا بتهون على نفسها
طبعا اخترت اللون البنفسجي لاني من عشاق هاللون وهم حلو علي وهيك


وبس والله


.
.


​

 

[R E E M]

#عباره تحفيزية :




" افعل الاشياء الصعبة عندما تكون سهلة
وافعل الاشياء العظيمة عندما تكون صغيره
فإن رحلة الالف ميل يجب أن تبدأ بخطوة واحدة "





.
.
.

​

 

[R E E M]

.

.


" يا بتفكر يا بتحس .. ما فيك توقف بالنص ! "
هالاغنية و كلماتها انا تحت تأثيرها من طلع المسلسل برمضان

.
.
​

 

[R E E M]

.
.


اهلاآ بزوار مدونتي الكرام ضت1
اليوم الكسل عندي واصل 1000000 ولله الحمد مع اني رحت مشوار سريع
مشواري اليوم : دكتور التغذية

طبعا أهلي و صحباتي امنعوني اني اروح لان بعد ما نزلت تقريبا 7 كيلوات بشهر ووصلت للوزن " مثالي "
صار عندي هوس الرشاقه للاسف
كلمني دكتوري وقالي تحتاجين تنزلين فقط كيلويين " دهون " و تزيدين 3 كيلوات " عضل "

انا انسانه رياضيه ومن رواد " النادي الرياضي " من 4 سنين تقريبا
أعشق شي اسمه رياضة " الكارديو و الزومبا "
لكن بالرغم اني رياضيه بس تجي أوقات آكل الاخضر و اليابس
وازيد كم كيلوو و انجلط

لكن من بعد العيد وزني قام ينزل كثير خصوصا لما لبست " التقويم "
قمت ما اقدر آكل كلش ولا اقدر اتهنى بلقمتي
عشان هيك قلت لازم يكون لي نظام جديد للتغذيه وايضا نظام سهل مع التقويم
يعني آكل اشياء صحيه و بنفس الوقت تنفع حق التقويم و هيك
وان شاءالله من يوم السبت راح يبدي هذا النظام و اتمنى اني انجح فيه والقى النتيجه المرضيه


+

شكر خاص
حق الجميله قلبا و قالبا @Cardiology
على الاهداء الرهيييييب و اخجلتني حييل بلطافتها والله

هنا و هنا


.
.


وبس والله هذا اللي عندي اليوم
و ترقبوني بالتدوينات القادمه بإذن الله ضت1


.​

 

[R E E M]

.
.





#Madison Beer Song

My baby said he loved me "
My baby said he need me
Gonna eat, sleep and breathe me out
'Til the end
But then my baby went bad
I guess he had a relapse
Had to sneak, cheat and bring me down
" It had to end

.
.

​

 

[R E E M]

.
.

.
.

" حبيبة الورد لا غبتي عن الناظر ,
يجيب طاريك لون الورد و عطوره "


^

* من تصويري الشخصي ضت1


.
.

​

 

[R E E M]

.
.


#بصمه سعيده

.
.

حلو الواحد يترك بصمه حلوه بأثر كل شخص بحياته
والافضل لما تنذكر بالخير دايما و ابدا

اللي حصل من يومين ان وصلني باقة ورد بشكل مفاجئ من طالباتي اللي درستهم من سنتين تقريبا
والحين اهما بمرحلة الثانويه وللحين ذاكريني و مشتاقين لي
طبعا اهما موجودين عندي بالانستقرام لان الانستقرام اصلا مخليته عشان اتواصل مع طالباتي و هيك
لكن والله فاجأوني على هالشي و نهائيا ما توقعت كمية هالشوق منهم ):

" فـ الحمدلله اللي جعل سيرتي حسنه و طيبه
و جعلني اترك بصمه حيل حلوه بنفوس طالباتي او اي شخص بحياتي "

الحمدلله دائما و ابدا


.
.
.
​