فخر المدونين الريفُ صوتك و المدائن صوتهم ، أنت الهدوء و كلهم إزعاج ! (2 زائر)

[RELENA]

أحيانا الشي مو متعلق بحبك و شغفك للي تشتغله لتستمر بلمكان " مكان الشغل "
الشي كتير متعلق بالنفسية و التعامل و سوء الناس اللي حولك او اخلاقهم العالية و تعاملهم
و مهما كنت انسان اخلاقه عالية و عقله كبير رح تنحط بين نارين اما تمرر المواضيع و تتجاهلها
او تعامل كل شخص بأسلوبه
المشكلة انك لو مثلا عاملت كل انسان بإسلوبه انت هيك بتتحول لشخص يشبه الشخص المقابل " المسيء"
و هالشي كتير بعتبره مقرف و سيء بحق نفسي
فكتير بفضل التجاهل و الصمت حتى لو كنت بأشد أشد حالاتي من الضيق و الزعل و عدم الاحتمال
و من تجربة على مر سنتين اكتشفت انه الصمت شي كتير مفيد
فجأة بتلاقي الدنيا بتدور و بتاخد حقك لحالها حتى لو انت كنت انسان مو من النوعية اللي ينتظر انه يتاخد حقه
سبحان الله كل ساق سيسقى بما سقى

و فجأة بتكتشف انو الانسان المسيء أكبر فوبيا عنده انه يجي له انسان اسوء منه يعامله بمثل معاملته للناس
و فعليا انت كشخص صمت بوقت كان يحارب لحتى يصمت بتوقف و بس بتشوف الدنيا كيف بتدور

​

 

[RELENA]

"شعور الثقة بالله أعزّ شعور قد يسكن قلب المرء، تخيّل تصبح وتمسي، تنام وتقوم، تمشي في مناكب الأرض وأنت واثق بما عند الله، واثق أنه سيُدبرك في أحسن تدبير، واثق أنه لن يتركك ما دمت تُطرق بابه وتستمد القوة منه، واثق أنه سيحميك ويكفيك ويعطيك، شعور عزيز جدًا يفيض طمأنينة."​

 

[RELENA]

من زمان كنت عم افكر انو انشر شغلي بالكيك او بالرسم على تيك توك
متل ما انشره انستجرام
بس مو عارفة بحس انو اللي يسوي فيديوهات تيك توك و له على تعديل و منتجة الفيديوهات
له مزاج و هواية بالتصوير و الانتاج او ع الاقل عنده اهتمام
و انا للاسف مو هيك ابدا
فكتير بحس انو الاشياء اللي بعملها بتنظلم لانها ما بتطلع متل الطبيعة بالتصوير
و لا حتى بتاخد حقها متل ما يصورها مصور محترف
و كتييير نادر او بلمناسبات ليجينا تصوير لشغلنا مع امو تقريبا بشكل يومي يطلع من تحت يدي تحف فنية
و انا كتير من الناس اللي فخورة بشغلها و بتحبه و بتعشقه جدا
لهيك من جديد سرت اشتغل ع برنامج ال capcut
و بجد اللي سوا هالبرنامج يستحق شكر كبير عم يسهل علينا كتير أمور

نبذة عن شغلي بحسابي تيك توك

TikTok - Make Your Day

Samah Artist on TikTok

#cakedesign #cake #artist #trending

vt.tiktok.com

 

[RELENA]

‏"يُهلك المرء بأفكارُه."

​

 

[RELENA]

فعالية الاسبوع
ممكن تشوفه سؤال عفوي لكن رح يوضح طريقة تفكيرك وطموحاتك
اذا ربحت جائزة اليانصيب، ماذا ستفعل بالأموال؟​

فكرت كتير بالسؤال بس كل تفكيري كان انو ما عندي رغبة بشي ممكن انه الأموال تشتريه
بس لما تعمقت اكثر عرفت انه فعليا في امور كتير اتمنى احققها ماديا لكن مو عن طريق ربح اليانصيب
يمكن انا انسانة مؤمنة بأهمية التعب و العناء لحتى احصل الفلوس و احس بطعم الشي اللي ممكن اجيبه او احققه بفلوسي و تعبي
الاشياء اللي تيجي بسهولة تروح بسهولة
لهيك لو ربحت يانصيب اتوقع رح اتبرع فيه كاملا ​

 

[RELENA]

‏أتمنى أن يُكتب في نهاية قصتنا أن السعي كان في الإتجاه الصائب، وأن العوض أنسانا ما فقدناه في الطريق، وأننا أخيرًا ولأول مرة شاهدنا تخيلات كل ليلة مُجسّدة أمامنا، نلمسها ونبتسم لا نخشى تبخّرها، وأن قلبنا أصبح بمأمن.​

 

[RELENA]

شيء سيء انه يكون يومك بأكمله جميل و لطيف و بنهايته يصير امر سيء ..
اعتقد او ما اعرف هل انا انسانة حساسة زيادة ..
في امور كتير ما يكون عندي القدرة اني احتمل اشوفها او اسمع عنها
مثلا طريقة موت شخص .. او حيوان كان يتعذب و منظره سيء و رح تتغير حياته بعد ما شخص يتبناه .. او شخص يمر بموقف سيء و ينجو منه
او حتى ما ينجو منه .. هالامور فعليا كتير منتشرة على الانترنت و دايما في مقاطع و لقطات معروضة انا من الاشخاص اللي ما يتحملوا ابدا يشوفوها كفيديو ف كيف لو صار بالحقيقة

اليوم للاسف مريت بموقف شفت قط ضربته سيارة و عم يموت
ما اعرف يمكن انا شخص عنده حساسية كبيرة من ناحية القطط
انا احزن كتير ع قطتي .. ابدا ما اتحمل وجعها و قطتي بالاصل مريضة شوي و مالها علاج عندنا
فمو عارفة هل لاني اتحسس من هالشي ما تحملت اشوف هالمنظر .. رغم انه دائما القطط و الكلاب تموت بلشوارع بس ما تحملت ابدا هالشي

 

[RELENA]

ما هو أهم درس تعلمته في حياتك أو من خلال تجاربك الشخصية؟

أهم درس تعلمته بحياتي هو الصمت
الهدوء بكل موقف يستدعي انك تثور او تنفعل فيه
اي نقاش .. اي مشكلة.. اي جدال .. اي حديث .. و اي حديث يدور حولك
اي شخص يتكلم معاك تسمع له للاخر .. ما تتكللمم عن اي شخص امام اي شخص مهما كنت تعتبره ثقة
سرك تحتفظ فيه لنفسك فقط .. عدم الخوض بحوارات مالها داعي و لا لها فايدة مهما كانت
التزام الصمت رح يعلمك امور كثيرة يمكن حيعلمك فناء الاشياء و الأمور و الاحاديث العقيمة
و رح يعطيك امكانية الرد بأقل الكلام و أصحه بنفس الوقت
و يعلمك تدرس الشخص المقابل لك بكل افعاله و انفعالاته و حركاته و تصرفاته

و تعلمت اننا لازم قبل ما ننام نتأكد هل نحنا فعلنا خير بهالدنيا قدمنا شي و احرزنا تقدم كل يوم بيومه بعيدا عن بلبة الأحاديث و الانغماس مع النفس و الانغماس بعمق عمق الحياة و هل نحنا نتذكر اخرتنا كتير منيح ؟

​

 

[RELENA]

فعالية الإسبوع

شيء تكرهه ولا يمكنك إمساك نفسك عن انتقاده، ما هو بالنسبة لك؟

هالسؤال حيرني كتير احس في امور كتير اكرهها .. بس انا مو حابة اتكلم عن صفات لانو كتير صفات مكروهة
شييي اكررهه فعليااا و كتير كتير كتير هو الظلم اللي تتعرض له الكنة من بيت حماها .. و بالغالب هالظلم يجي من الحماة و بنات الحماة

مدري ليه هو هاد اول شي خطر ببالي يمكن لانو كل صديقاتي متزوجات و كلهم يتكلموا عن مواقف يتعرضوا لها
المشكلة انه هالمواقف اللي ينسكت عنها اي تكون تافهة فعليا لكن جدا جدا جدا ظالمة و بصراحة عجزت افهم سبب هالظلم .. و تستمر حياتهم بس بتجاوز الكلمات و الأفعال الجارحة
و المشكلة لو شخص انفحر و ما عاد يحتمل ظلمهم يصيروا مساكين و هي انفجرت فجأة بدون سبب
مع انه هالشي يكون عبارة عن تراكمات
كتير احس هالامر موجود بكل مكان فهالشي كتيييييير يزعجني و مباشرة انتقد فاعله حتى لو ما لي دخل .​

 

[RELENA]

انني اكبر بطريقة مخيفة .. اقلل عدد اصدقائي واواجه حزني بكل برود ، اتجاهل وكأني لا ارى ، قوي لم اعد ابكي كثيرا ، ارى الاشياء بوضوح ولكني افضل الصمت .

​