مدري ليه جيت هنا يمكن لاانه مكان للكتابة ! مع اني بالعادة ما اكتب عن شي يضايقني هنا حاسة اني خلاص من كثر الضيق مو متحملة ، و اليوم جلست مع نفسي أفكر عن كمية الأمور اللي تحصل معي من مواقف من تلميحات من كلام البشر و من سوء فهمهم و من أنانيتهم و كل شي أعديه و أتركه يمضي لمجرد معزة الاشخاص بقلبي لكن لما أتعب أو امرض أو أتضايق ما حد منهم يكون حولي و لا حتى يفهم علي اذا كنت سعيدة او حزينة او اذا كنت مهمومة او لاء و انا حرفياً كل شخص مهم بحياتي معطيته كل الاهتمام و هاملة نفسي بطريقة فظيعة لدرجة شبه مو مهتمة أبداً لكن بجد لو انا زعلت او تضايقت او اخذت بخاطري اكون انا الغلط لاني دايما اقدم تنازلات اهمل نفسي لخاطر كل حد بحياتي و بالنهاية ببقى لحالي تماما
أقضي فترة اكتئاب كبيرة بدون ما حد يعرف اللي جوا قلبي
هو الانسان لازم يكون دايما دايما أناني حتى ما ينظلم من الاشخاص اللي بحياته ؟!
أكثر شي بيزعجني بجد و صار يتكرر بدرجة مخيفة معي .. اني بحلم بأمور تاني يوم بتتحقق !
مرات أحلم الحلم و أنساه أول ما أفيق و بس يتحقق على طول يرجع لذاكرتي !
.
.
بعيداً عن الأحلام كنت أتمنى أدخل هون و ألاقي وقت ببداية السنة أكتب فيه لكن أبداً ما صارلي فرصة !
كنت متخيلة نفسي اني أول ما أطلع من سنة 2020 اني أخذ نفس عميق و أقول راحت بداهية هالسنة و خلصنا منها
حاليا الشي الوحيد اللي بقدر أقوله انه هالسنة بخيرها و بشرها أعطتنا دروس كتير كبيرة و مرحلة انتقالية بحياة كل انسان على وجه الارض و انه أي شخص ممكن حياته تتغير بين ثانية و التانية !
ما بقدر اني اعترض على مشيئة الله
على عكس السنة الماضية السنة الجديدة من ناحية حالتي النفسية الضعيفة حالياً سرت أقوا
قاعدة بشوف ذكريات السنة اللي فاتت لاني كنت أدونها يوميات حاسة انو كل الامور اللي صارت معي زي كأنها صارت امبارح
كل الأمور بتتكرر لكن الشخص اللي هو أنا اختلف تماماً
قديش في أمور ممكن الانسان يندم عليها و ما في امكانية انه يصلحها لأنه هو مو مسامح نفسه !
عادي لو انت غلطت بحق الناس و رحت تطلب العفو منهم او ندمت على غلطك تجاههم كل شي ممكن ينمحى .
لكن الانسان لما يغلط بحق نفسه رح يجي يوم و يسامح نفسه ؟!
الشي الحلو اللي تغير فيني اني سرت انسانة ايجابية أكتر
زمان تفكيري كله كان سلبي .. لكني حاليا ايجابية الحمد لله ..
بتمنى انه كل انسان بيعاني .. تعطيه الحياة فرصة ليغير حياته
ليرجع ينظر بإيجابية للحياة لانه لكل شخص فينا عالم بقلبه و حرب بعقله ي ريت كل شخص يائس تصير له معجزة تغير نظرته للحياة .
انا من جماعة مواليد ال 90 لما أشوف مواليد ال 2000 احس قرن من الزمان بينا و بينهم بجد بمختلف الأعمار أحسهم أكبر مننا بسنوات ضوئية ! مو طبيعي هالجيل الا من رحم ربي ! بجد بجد مو طبيعي .
أول مرة انزل فيديو ع تيك توك طبعا الفيديو غبي و أهبل لكن شي يعبر عني المهم قائمة البلوك عندي بالتيك توك ممتلئة و تفيض من كتر ما ادخل و اسوي بلوكات لناس تسوي فيديوهات زبالة المشكلة مو هون المشكلة التيك توك عليه كمية أطفال بشكل مهول مدري أهل هالاطفال وين عنهم بس من جد هالتطبيق خطر خطر خطر حرااام اي طفل بدون مبالغة يدخل هالتطبيق فيديوهات و ايحاءات مقرفة تنزل عليه حسبي الله بس و المشكلة لو الطفل مو فاهم الفيديو بكل بساطة يدخل التعليقات يلاقي شرح وافي من ناس زبالة متل اللي ينزلوا هالفيديوهات يا ريت الكل يكون عنده رقابة على اخوانه و اولاده او اي طفل يقربله يستخدم يوتوب او تيك توك لانهم زبالة بكل ما تعنيه الكلمة !
* قاعدة أكتب و أنا نعسانة تغاضوا عن أي أخطاء املائية *
إحم .. أتوقع الفترة هذه أنا شبه مو عايشة
حاسة اني عم أركض و أركض و أركض بسباق طويل مش راضي ينتهي !
-تعبت ؟
- بصراحة مش حاسة بإشي يقولوا دايما رح تحس بالتعب بعد انجاز المهمة مش خلالها .
كيف الواحد منا ممكن يقول انه عايش ؟ و هو طول اليوم يركض و يرجع ع بيتو تعبان و ينام ليفيق الصبح و يركض تاني !
جواتي أقول هالشي مفيد انه ما يترك شغلي فرصة الي اني أقعد مع نفسي لاني ما بدي أقعد مع نفسي .
يوم الجمعة رسمت رسمة هي هالصورة شادتني من زمان لأرسمها بس كنت أحاول اتهرب من رسمها
احم رسمتها بمتعة رغم انه الرسمة حزينة و خلصتها بأقل من ساعة و هذا انجاز عظيم
طبعا رأيكم مهم بالنسبة لي و اتقبل الانتقادات بصدر رحب
الشي المهم اللي حابة احكي عنه
كل عام و نساء العالم جميعهم بخير
امبارح كان يوم المرأة العالمي و انا ما اعرف
أو ناسية الموضوع تماما كنت و فجأة دخل علينا المدير بالشغل و أهدى للكل بوكيه ورد
صراحة وقتها كنت متنكدة كتير و فرحت انهم تذكرونا بهيك شي
طلع فعلا الورد بيخلي الانسان سعيد ما اعرف شو تأثيره بالضبط علينا بس جد يخلي الانسان سعيد
آخر شي ..
يمكن ما الي تجاربي الكبيرة بالحياة بناءاً على اني انسانة منعزلة جداً
لكن بجد أي انسان يريد ينجح بحياته يشغل بوقته بأي شي يخطر بباله ممكن يقدم فيه انجاز سواء له أو للمجتمع او لأي انسان من حوله
اشغال الوقت لآخر رمق نعمة ما فقدها او حس فيها الا كل انسان حياته كانت فارغة و يائس و محبط لدرجة الموت
لا تقول ما في شغل رح اجلس بلبيت و لا تقول اذا تريد تغير عادة فيك اسوي هالشي بكرة سويه من الأن
لا تأجل شي بحياتك و لا تضيع وقتك على أمور ما منها نفع و لا تغرق فيها
الحياة بتركض رح يجي يوم و تندم على ايامك السابقة !
صح كل شي مقدر و مكتوب لكن في اشياء انت تقدر تغيرها بإيدك بس تحتاج اصرار و عزيمة للاسف موجودة عند ناس نادرة للاسف !
كل عام و انتم بخير و رمضانكم كريم
الليلة 9 رمضان .. الأيام تركض ركض !
لأول مرة اريد الأيام تمشي بسرعة مع انها تمر بسرعة بس ما اعرف ليه اشوفها بطيئة
رمضان هاد مو متل رمضان الماضي ، ما حاسة بطعمه رغم اني اتعب كتير و ما أترك لنفسي وقت راحة أو ما أريد أرتاح
ما عم ألاقي وقت اقرأ قرآن او أسوي طاعات لله رغم انه رمضان المفروض أفرغ نفسي بس لهالأمور لكن ما أحس في وقت
حتى نوم ما اخذ كفايتي منه !
رمضان هالسنة كتير غريب ، كتير الوقت عم يمر بسرعة
كثير ضغط .. ابدا ما في وقت فراغ ما في راحة !
أول رمضان اقضيه و أنا أشتغل .. و أيام الاجازة أقول شو أسوي بالبيت انا و اجلس من الصبح أشتغل بأي شي المهم اشتغل
معقول سرت مهوسة شغل !
تدوينة تافهة ، أعود يدي ع الكتابة و عقلي راكد جدا هالفترة !
الليل هادئ جداً و قلببي ساكن و عقلي يركض !
أنا أكثر انسانة هادئة ممكن أي حد يقابلها .. بتعامل مع كل شي بهدوء بدون صخب ..
كتير الناس حولي يعطوني تعليقات على برودي و ردات فعلي " العادية " " الغير مبالغ فيها " " اللامبالية "
لدرجة انهم بكثير أحيان بيعطوني شعور اني انسانة مش طبيعية !
رغم اني أشوف بالمقابل انفعالهم على كل شي كل حدث كل ردة فعل شبه مبالغ فيها ..
بتذكر شي من طفولتي ، اني دايما كنت وحيدة و كان لي عالمي الخاص و كنت طفلة سعيدة جداً
كبرت بدون محيط اجتماعي صاخب بدون الاختلاط فيه بلمدرسة كان لي أصدقاء ثابتين و كلهم هاديين و في أحيان كنت اكون وحيدة ..
لحد لما رحت على الجامعة ، ما كونت أي صداقة هناك " الكل يقول صداقة الجامعة هي اللي تحلي سنوات الجامعة "
بالنسبة لي الجامعة كانت اسوأ تجربة دراسية لي ..
و كمان كنت وحيدة جداً و دايماً لحالي !
..
الفترة اللي بعد الجامعة كتير انزعجت من وحدتي بديت يمكن أعاني منها و لما اشتغلت فهمت قديش الاختلاط مع الناس و التعامل معهم مرهق جداً لكنه ضروري بالحياة !
الفترة اللي أنا فيها حالياً انسانة مستمعة ، أكثر شي ممكن يحصل عليه اي فرد بيحادثني هو ابتسامة أو كلمة او كلمتين رداً ع سؤال منه ..
و شخصيتي بالنسبة لبعض الشخصيات المرحة و الاجتماعية محبين صخب الحياة .. كتير مملة لكني محببة لقلوبهم
لأنه شخصيتي شيء ثابت وقت ازماتهم النفسية و حاجتهم للحديث ..
لكن أنا حكون أول شخص بتخلوا عنه وقت المرح .. لأنني ببساطة مو صاخبة متلهم ..
الناس ما تعرف انه كل انسان هادئ له صخبه الخاص ، و جنونه الخاص فيه
كثير الانتقادات تضايق الانسان رغم اني كإنسان ما انتقدهم لصخبهم
على الهامش ؛ أعلم بداخلي بعد هذا الركض سقوط مؤلم .
من أكثر قصص القران رعبا !!! هي قصة أصحاب السبت لو تدبرت القصة بعقلية ايامنا هذه ستشعر انهم لم يرتكبوا جرم كبير امرهم الله الا يصطادوا يوم السبت وما حدث ان السمك اصبح يغيب طوال الاسبوع ويأتي فقط يوم السبت أما ما قاموا به ليس الاصطياد يوم السبت الذي حرم عليهم بل كانوا فقط يلقون شباكهم يوم الجمعة ليلا ثم يسحبونها يوم الاحد صباحا لو فكرت فيما فعلوه بعقلية اليوم ستجد انهم لم يرتكبوا شيء كبير.لكن الله غضب عليهم و لعنهم يعني أخرجهم من رحمته وجعلهم قردة خاسئين. (وَلَقَدْ عَلِمْتُمُ الَّذِينَ اعْتَدَوْا مِنْكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ) سورة البقرة 65 "كل هذا لانهم التفو وتحايلوا على اوامر الله سبحانه وتعالى كم منا اليوم يعيش بعقلية التحايل والالتفاف حول اوامر الله الصريحة والواضحةالربا اصبح فائدة. والرشوة اكرامية والخمر اصبح مشروبات روحيه والعياذ بالله والنميمه اصبحت ما نحبش نسكت على الغلط والعري حرية، ومن لا يصلي يقول الدين معاملة والايمان في القلب. والذي يجمع الصلاة كلها قبل ان ينام والحجاب الذي اصبح موضة والجهر بالسوء الذي نراه كل يوم في الواقع و المواقع و تحرش وافعال واقوال لاترضي الله و...المصيبة ان يكون ربنا غاضب علينا او حتى خارجين من رحمته ونحن لا نشعر بل ونعتقد اننا أولياء الله الصالحين.
اما آن الاوان ان نتعامل مع ربنا ك رب عظيم يأمر فيطاع -الله يقول : (مالكم لا ترجون لله وَقَارا) ويقول: (وما قدروا الله حق قدره) ويقول: (ولو انهم فعلوا ما يوعظون به لكان خيرا لهم (استقيمواينصلح حال الأمة ويرفع الله عنكم البلاء لهم)
اللهم صل وسلم وبارك على نبيناوحبيبنا محمد وعلى اله وصحبه اجمعين ﷺ.
.
.gif "at1 ق1")
.png "At (71) و1")
.gif "At (138) ه1")
