فخر المدونين الريفُ صوتك و المدائن صوتهم ، أنت الهدوء و كلهم إزعاج ! (20 زائر)

[RELENA]

أكثر شي بستغرب منه بهالكون انه كيف في حد بيقبل يدخل على نفسه
او على عيلته فلوس مو حلال
حتى لو شي بسيط متل اجرة سيارة تاكسي
بجد لو علي حعتبرها صدقة مني له
بس الاسلوووب يا ربييي الأسلوب و التعامل
استغفر الله العظيم بس

اليوم صار معي هالموقف بسيارة التاكسي كنت راجعة من الشغل بوقت رجوع المصلين من صلاة الظهر
" عندنا بغزة لما يرجعوا من صلاة الظهر ما تلاقي حد بالشارع او محلات او مولات مفتوحة كلو يكون مقفل "
الا محلات قليلة متل محطات البنزين و الغاز و المطاعم اللي تشتغل للغذاء لانو كتير ناس تجيب غداها يوم الجمعة جاهز على سبيل التغيير

المهم كنت راجعة من الشغل و ركبت مع تاكسي و مستغربة كيف السيارة تمشي بطيء و الجو حر كثير
شوي و اقوله ياخي هالسيارة تمشي على رجلين مو على عجلات مو طبيعية ليه بطيئة
بلعت كلامي و جلست ساكتة و طبعا لسة حتى ما طلع من الشارع اللي اخذني منه و الشارع فيه بأول و بنصه محطتين غاز و بترول
و الغبي عارف انه غاز السيارة مخلص بس جالس يمشيها بالغصب و نزل كل الركاب ع نص الطريق و انا ابعد وحدة يعني لسة في طريق طووويل كتير لاوصل
و الغبي مو ينزلني و يرجع الفلوس لا
مر عن اربع محطات و لا رضي يعبي و لا يرجع الفلوس
بقى اخر راكب و وقفت السيارة و الشاب عصب و نزل بنص الطريق
بقيت انا و هو اصلا بعدني عن الطريق الصح على اساس انه على طريقه رح يعبي غاز
المهم انا خوفت لانه تعامله مع الركاب مو تمام فقلت له اني رح انزل و قلت ما رح يقبل على نفسه ياخذ الاجرة بجيبته " انا ادفع اول ما اركب "
المهم و هو اصلا ماخدني لمكان ابعد و ما قلل علي المسافة بالعكس زادها
المهم ما رجع الفلوس .. يا ربي شو استحقرته
و بجد من قهر الموقف دعيت عليه
و الله الفلوس بجد مو مستاهلة بس أسلوبه كيف انه يتهرب ما يريد ينزلني و يزيد علي الطريق رغم انه عارف انه ما معه غاز
و كل شوي يقول في محطة هون رح اعبي منها و يمر عن المحطة و لا يعبي و لا حتى يحول من غاز لبترول المتخلف

يا ربي يا ربي هالناس تنقرض يا رب

.
.
.

بس ترويق للمود الضارب

 

[RELENA]

الشي اللي بستغرب منه بجد
انه ليه ااناس بتحب فصل الشتاء ما بتحب فصل الصيف

بعيدا عن حر الصيف و رطوبته
الشتاء بالنسبة لي جو كئيييب جدااا و قصيررر يومه جداا و الانسان ما يحس فيه الا بالكسل و االتجمد لدرجة الموت
و الأسوا انه ممكن تغيب الشمس أيام و ما تشوفها
و الأكثر سوء انه الأشجار بتفقد حيويتها و بتموت من المطر

الصيف فصل حيوي ممتع و منتعش صح الحر مقرف لكن
حبقى دايماً أفضله عن الشتاء

بالمناسبة يوم الثلاثاء حيكون اطول يوم بالسنة و أقصر ليل بالسنة
تعرفوا هالمعلومة ؟ ليكني خبرتكم ​

 

[RELENA]

 

[RELENA]

"يا رب ها هي لياليك العشر المباركات، بها أقسمت، وبفضلها أكرمت، أشعر بتجلّيك في سماءنا الدُنيا ناظرًا في القانتين لتُجيب، باحثًا عن السائلين لتُعطي، وأنا هنا في بيتيَ الصغير، تحت سقف لا يُغطّي عن عينيك احتياجي إليك، وبين جدران لا تستر سرّ افتقاري إلى نجدتك، وحدك تدري سرّ كُلّي، ووحدك تتلقّف أنين نجواي الخافت وتترجمه إلى احتياجاتٍ وشكوى، انتشلني من عتمة اللاشيء إلى نور الشعور، اصلح حالي وتولَّ سؤالي وكُن مآلي واتكّالي يارب هذي الليالي."

كبّر .. وأنت تستشعر بقَلبك أن الله هو حقًا الأكبر ، أكبر من همك وكُل مخاوفك .. ثُم انعم بسكينة تغشاك ، الله أكبر ، الله أكبر ، لا إله إلا الله .. الله أكبر ، الله أكبر ولله الحمد ..

​

 

[RELENA]

 

[RELENA]

كل عام و انتم بألف خير

 

[RELENA]

ثاني ايام العيد تنتهي كل الفعاليات
من زيارات الأقارب و التهنئات و التبريكات
و اليوم الثالث نقدر نقول انك تاخذ نفس بعممق و تستريح
انا انسانة انطوائية و اجتماعية
انطوائية لما اكون بين كتبي و الرسم لو العالم كله يغريني لأقوم عن ممارسة هواياتي ما رح يقدر
و عقلي خلص يصير بحالة انفصام عن الواقع ما اشوف حد حولي
و هذا هو المطلوب عالم تقدر تهرب له بكل أريحية
بدون ما تتعرض لتطفلات غير مستحبة
.
.
.

بمرحلة ما بلمنتصف من كل شي رح تدرك قديش العالم من حولك سخيف
او يمكن عقلي صار واعي أكثر او فاقد الشغف بكل شي
لدرجة ما في شي يلفت الانتباه .. الانسان من الخارج مو متل من الداخل .

​

 

[RELENA]

. If you don't let the past die, it won't let you live

 

[RELENA]

​

هالأيام بتجلب لي شعور عميييق بالحاجة للعودة بالزمن

للطفولة .. ما كانت طفولتي خرافية .. كنت طفلة وحيدة بس كنت كلي طاقة
ما خليت شي بطفولتي ما سويته ما كنت طفلة هادئة و لا كنت أقعد أبدا .. كنت اشاغب كتير مؤدبة مع كل الغرباء
و الأهم اني ما كنت من الاطفال اللي اهلهم يسألو عنهم كتير
او يمنعوهم يسوا كذا و كذا كان كل شي بلطفولة مباح
ألفلف حارتنا و الحارات اللي حولنا
أعرف السوق كتير منيح و اتسوق خضار و لحوم و أفاصل
و العصر وقت نوم ماما و بابا استغل هالوقت و ألعب بالرمل و الماي لانو لو ماما شافتني كانت ذبحتني
أقطف الأزهار و الأوراق الخضراء و وين اجلس ألعب أحطها حولي " من و أنا طفلة أحب كل شي اخضر "
كنت أفيق من بكير أشوف الشوارع فاضية وقت الخريف و أركض خلف " سيف "
هاد متل شي خفيف متل الريشة يتطاير بالهواء لحد الان ما عرفت شو هو بالزبط لكن يظهر بموسم معين ..
و بالشتاء ألعب بالبالون تحت المطر و الأهم ما كنت احس بالبرد
و الصيف اجتمع مع صديقات الحارة لعب من الصبح ل الليل و بالليل تبدأ فعاليات تانية متل نجتمع ع العشاء نحنا و صديقاتي
..
و كل ما تساقط سن من اسناني ماما تخبرني احطه تحت مخدتي و أفيق الصبح أرميهو أخبر الشمس انها تعطيني سن الغزال
" هو سن الغزال حلو يعني "

كانت ايام جميلة و لطيفة و بريئة و ما كنا ناكل هم شي بهالدنيا ما كنا نزعل .. و لو نبكي بعد ساعة ننسى ليه بكينا
ما كنا نهتم لبكرا شو رح يصير و لا المستقبل شو مخبي لنا
ما كان عقلنا بهالوعي الكبير
كنا بس نريد نلعب .. العمر يركض .. قديش هالأمر حزين
قديش السنوات تجري ما عم تعطينا فرصة نلتقط أنفاسنا
عم تمر كئيبة حزينة معبأة أماني و أحلام
و لا شي منها عم يتحقق و لا شي منها عم يصير و لا حتى الزمان عم يسمح لنا
قطار ماشي ما راضي يوقف

​

 

[RELENA]

ستمر الأيام لكنك ستظل تذكر الأوقات التي لم تنم فيها قلقًا وخوفًا،كيف مر الوقت ثقيلاً عليك، وكأن الساعة مئة عام، التأخير يزيد اضطرابك أكثر.تريد أن تطمئن لكن لا مجال لذلك الآن، تريد أن تنهار لكن لا مجال لذلك أيضاً، فتجلس وحيداً، تحاول أن تفكر في أي شيء آخر عدا ما يقلقك، آه، كم خطًا في جوربي؟ كم نقطة على السجادة؟ فلحت؟ بالطبع لا، قلبك يكاد يخرج من مكانه وتشعر أنك ضئيل جدًا، وحتى كتفاك لا يتحملانك، تحتاج كتفًا آخر/ يدًا أخرى - لتسند رأسك وتشد يدك عند السقوط، لكن لا أحد.
بالطبع تتذكر تلك الأوقات حينما شعرت أن قدماك لا تحملانك، وأن الطريق إلى البيت طويل جدًا رغم أنك بجواره،وأنك تريد أن توقف أحد المارة وتبكي له، تسأله فقط ماذا أفعل؟

​