إذا كنت تغرق في تجويع اليهود وقتلهم لك في #غزة، فلا تسأل عن مذهب اليد التي تُنقذك وتقصف الصهاينة، ولا تصغِ لِمن يصيح: “دعها… إنها يدُ مجوسي!” خذ العون أولًا، وناقش الاختلاف لاحقًا.
أما من يكتفي بالدعاء لك وهو لا ينصرك بسلاحه… فاعلم أنه تخلّى عنك مرتين: عند الحاجة، وعندما جاءك من يقف معك.
حكومات العالم كاملة تسعى لاخراج كم يهودي اسير من غزة في حين آلاف الأطفال و النساء و الشباب و الشيوخ الأبرياء قتلوا في غزة و لازالوا يقتلون
عشان كم واحد عايش معزز مكرم و تأتي حكومته بالنهاية تقتله
حرب ضارية مستمرة لأكثر من سنتين على مدار اربع و عشرين ساعة قتل و قصف جنوني بحجة اخراج و التفاوض على كم شخص
و العالم بكامله اعمى عن رغبة اليهود الحقيقة بقتلنا و احراقنا ما يهمهم شي و لا يسعدهم شي عدا موتنا يا رب انت قادر على كل شيء يا رب عليك بالظالمين
بلمجاعة الأولى الناس أكلت علف الحيوانات لتسد رمق الجوع علف الحيوانات بعد سنتين حرب خلص .. ما عمري تخيلت اننا ممكن نوصل لهيك مرحلة بلحياة و الله عزائنا الوحيد انه عوضنا بالجنة غير كل شي قاسي بيحصل دايما بنقول ربنا رح يعوضنا بلجنة عن كل اللي شفناه دائما ربنا يجبر بخاطرنا بيمدنا بالصبر لنتحمل كل شي كل أذى و كل وجع و كل كرب و الله اننا راضيين و و الله في اشخاص رح تتحاسب كل من أعمى عينه عنا مل من أخبارنا شاف موتنا أمر محتوم و مسلم فيه كل من وقف ضدنا مع عدونا كل من حاسب مسلم مأسور مقهور مهدور حقه و أكل عيشه و مغتصب وطنه من سنين كل شخص قال عن الحق باطل و الباطل حق و الله جميعهم سيحاسبوا
يا رب لك الحمد حتى ترضى يا رب لك الحمد على كل شيء
من زمان و انا أقرأ وردي للقرآن دايما كنت أعاتب نفسي و أقول بعقلي ليش ما أحفظ بشكل مستمر .. كنت للأمانة دايما اتحجج بإنشغالي و فعليا أنا قبل الحرب كنت مشغولة كتير و كنت اشوف اني اقرأ ورد حتى لو صفحة او عشر آيات اني سويت اللي علي و خلاص رغم دائما كان عندي احساس بالذنب انو ليش ما أحفظ ..
لما جت الحرب صار وقت فراغ كبير بما انو شغلي وقف و هو كان ماخذ ثلاث ارباع يومي
بالنهاية قررت أحفظ الحمد لله على هذا القرار رغم اني بطيئة جدا بالحفظ لكن أحفظ و اقرأ التفاسير بنفس الوقت
و انا أحفظ سورة البقرة كنت بكل آية أندهش حرفياً .. كل ما اقرأ تفسير شي مو فاهمته أنصدم مع العلم انا تقريبا قبل الحرب كنت يوميا أسمع سورة البقرة بس و لا مرة ركزت على تفسير و حتى في ايات منها و لا مرة استوعبت معناها رغم انو اسمعها بشكل يومي ..
هالسورة أغلب أياتها بالجزء الأول من القرآن تتكلم عن بني اسرائيل عن الرسل اللي ارسلهم الله لبني اسرائيل
قديش ربنا خاطب بني اسرائيل قديش ارسل لهم رسل قديش انكروا الرسل و قتلوهم و انكروا ايات الله و غيروها و حرفوها و كفروا فيها و استكبروا رغم انه ربنا انقذهم من آل فرعون مع موسى و لما موسى ابتعد عنهم عبدوا العجل من بعده و مع ذلك ربنا عفا عنهم و ارسل لهم الكتاب و الفرقان و رغم هيك قالوا لموسى لن نؤمن لك حتى نرى الله جهرة
و رغم كلامهم هذا ربنا بعثهم لعلهم يشكرون و ارسل عليهم المن و السلوى و مع ذلك ما عجبهم صار بدهم الفول و العدس و البصل .
و افعالهم كثيرة كثيرة و تصدم و انا كل ما اقرأ و اتمعن اكثر بالتفسير اندهش قديش ربنا اعطى فرص لبني اسرائيل و رغم هيك ما اتعظوا الا من رحم ربي
و انا اتمعن بأفعالهم عقلي ما يقبل الا يقارن معقول في قوم لهذه الدرجة ما يتغير على مر الزمان يبقى كما هو ؟
متكبرين جاحدين ما عندهم أمانة ما يعرفوا الا الغدر و الخيانة عندهم كمية تحايل غير طبيعية على البشر ينقضوا العهود ، مالهم كلمة ثابتة دائما يغدروا ، جبناء ، يلفوا و يدوروا لمجرد اللف و الدوران ما في هدف ، مفكرين حالهم فوق جميع الخلق ، حريصين بشكل غير طبيعي على حياتهم و أمنهم ..
ابدأ القراءة من الاية 40 الى الآية 141
فعليا أقذر المخلوقات على وجه الأرض و حرفيا ما اعرف ليه حكومات دول اسلامية تطبع معاهم
و ناس يقال عنهم مسلمين يدعمونهم بحربهم علينا رغم ااننا نحنا مسلمين و هم مسلمين المفروض المسلم يوقف بجانب المسلم مو ضده و يا ريت ضده لحاله ضد عدو الدين و عدو الاسلام منذ الأزل
يا ريت أقدر اشرح اللي جواتي و جوا كل غزاوي مقاوم للعالم اللي ما جايين يفهموا ليش نحنا نوقف مع المقاومة
ليش حماس ما راضية تسلم السلاح .. و ليش التشبث بالرأي رغم انه رح تشوف ناس كتير مدري شو دينهم او ملتهم يقولوا خلوها تسلم السلاح
ما هي لو ما سلمته اهل غزة حتموت من الجوع
اللي مطلع ع الحرب و المفاوضات من بداية الحرب لحد الآن رح يفهم شو هم اليهود
قديش هم متعطشين لدماء المسلمين قديش يكرهونا قديش ما يهمهم الا نفسهم و توسع دولتهم بناءا معتقداتهم بكتبهم و دينهم المحرف ما عندهم مانع يقتلوا الطفل الرضيع
لانو دينهم يقولهم هذا حيكبر و يقتلكم فحتى ما يهدد امنكم اقتلوه
أهوال هذه الحرب ربنا ابتلانا فيها و مدنا بالصبر لنتحمل اللي نشوفه رغم انه حرفيا الجبال ما تتحمل اللي يصير
من شدة الأهوال اللي شفناها دوم نقول ما في اسوأ و رغم هيك يظهر لنا الأسوأ و ربنا يمدنا بالصبر ما اعرف كيف ربنا له حكمته بكل أمر
ربنا ابتلانا بالخوف و الجوع و نقص الأنفس و الاموال و الثمرات
لكن ربنا قال و بشر الصابرين و البشريات من الله عظيمة الحمد لله على كل ما نحن عليه ربنا يفرج همنا و كربنا و يرزقنا جنته و نعيمه .
لحظة ضعف و يمكن حنين بعيدا عن الصبر لما اقول كلمة الصبر يشمل عدم الحديث عن امور اتمناها او مشتاقة لها لانو لو تكلمت عنها أحس بضعف و نفسية سيئة
بس اليوم حتككلم لانو مجرد حنين لأمور فقدتها .. أتمناها ترجع بجد رغم هيك اصبر و أقول يمكن بلجنة حتعوض عن هالامور اللي اشتاق اها قلبي
- أكثر أكثر شي مشتاقة له حرفيااااااا هو النسكافيه ، بدون مبالغة انك تبدا يومك بدون نسكافيه شي صعب و الله
انا طبعا مو من جماعة القهوة لو شربت القهوة لازم معاها شي حلو رغم عادي اشرب النسكافيه مر بما انه ادمان فصعب علي كثير اني ابدأ يومي بدونه .
- مشتاااقة أشتغل بالشوكولاتة " اللي يعرفني يعرف اني اشتغل بالحلويات " أحب اعمل الشوكولاتة بكل الاشكال بكل الأطعم احب اسويها اكتر ما آكلها و الشوكولاتة اللي أسويها لذيذة جدا بشهادة الجميع
- مشتاااااقة أشتغل بالكيك من الصفر اسوي الكيكة اخفق الكريمة احشي الكيكة و أخيرااا أزينها هاد شغلي الأساسي اللي انحرمت منه بالحرب .
- مشتاقة لشقتنا أنا و خواتي كان لنا شقة خاصة ببيت أهلي ، أهلي عايشين تحت و نحنا بشقة فوق منفصلة الشقة طبعا انقصفت او مدري راحت بسبب قصف جمبنا المهم راحت كلها بكل ما فيها .
- مشتاقة لرسوماتي و هذا بالنسبة لي اصعب شي احكي عنه او أشوفه او اتذكره حتى لانو رسومات من لما كنت طفلة لحد اول يوم بالحرب كلو راح تحت الردم بالنسبة لي هذا اغلى شي كنت املكه مو زعلانة على ملابس او أغراض او اي شي راح بالقصف قد ما انا زععلانة على رسوماتي .
- مشتاااااقة آكل لحوم و دجاج كثير كثير مشتاقة و فواكه و كل شي لذيذ و كل الأكلات اللي كنا نسويها قبل الحرب براحة بال و بتوفر جميع الامكانيات و الاحتياجات .
- هممممم مشتاقة أطلع من البيت ، من اول يوم بلحرب ما طلعت الا ع الاماكن اللي نزحنا لها يعني من بيتنا للبيت اللي ننزح له و طبعا كان النزوح صعب بكل المرات اللي نزحنا فيها لانو كل طلعة كانت بخوف و تحت القصف و فوق هيك كان صعب اننا نشوف مشاهد الدمار لانها موجودة بكل مكان ، و لما رجعت ع بيتنا بعد ما سمحوا اليهود برجعة أهل الشمال كانت مشاهد الدمار أكبر و اكبر و تدمير الشوارع و حرفيا مدينة غير صالحة للحياة فما في انسان عاقل يقدر يطلع و يمشي بلشوارع و يشوف الدمار و الناس اللي بلخيم و كل شي وصلته مدينتنا و نحنا عارفين منيح كيف كانت قبل الحرب هالموضوع صعب و متعب للنفسية جدا .
- اشتقت للحياة قبل و اتذكر الأشخاص بدون ما اقول انه هالشخض مات او استشهد او اتكلم مع صديقاتي براحة بال بدون ما اكلمهم و انا اعرف انه كل وحدة فيهم فقدت زوجها او اهلها او اعز اقاربها .
- اشتقت للحياة و الحيوية بالناس الطلعة ع المدارس و الجامعات و كل شخص يفيق من الصبح يلاحق عمله او دراسته الحياة واقفة من سنتين و هالامر صعب .
- اشتقت يمر ساعة بدون ما اسمع صوت الطيارة حاليا لو اختفت نقول راحت تعبي بنزين و ترجع يعني لما تروح تحمل حمولتها صرنا نفقدها .
- اشتقت انام نوم هانئ بدون قصف و نسف و اطلاق نار .
- اشتقت يطلعوا اخواني من البيت بدون ما اخاف انو لو طلع واحد فيهم ممكن ما يرجع .
- اشتقت تيجي لنا ماي من الصنبور و تكون ماي حلووة مو ماي مالحة جاية من البحر او مياه عادمة ما تنفع للاستخدام البشري .
- اشتقت نتصل على شركة الماي لتيجي تعبي لنا براميل الماي الحلوة للشرب مو نفيق من الصبح حتى نلاحق سيارات الماي الحلوة اللي تيجي بلشوارع لانو لو ما لاحقناها و عبينا منها ما حنلاقي ماي نشرب .
- اشتقتتتتتتتت نطبخ بالمطبخ على الغاز مو نولع حطب و نكسر حطب و نشتري حطب لنسوي طبخة .
- اشتقت اكل شي حلو او شي مالح سناك و اشتقت للاندومي .
- اشتقت لكثير امور لو عددتها ما رح انتهي للاسف .
