كيف يكون لنا أسلوب خاص بالرسم ؟ ! .gif "At (102) ض1")
برايي نظري انه اسلوب الرسم يأتي من كثر الممارسه
يعني نقول لو انا احب ارسم وجوه ف برسم وجوه و برسم و برسم و الاسلوب نفسه بيجي
من تجربتي الشخصيه انا احب ارسم وجوه مثل ما ذكرت سابقاً سواءً من صوره او من خيالي.
و ما قدر فكرت ان عندي ستايل مجرد اني ارسم ، و مده شخص نبهني ان اعجبه اسلوبي في الرسم
ف انا استغربت من هالشيء لان بصراحه ما كان في بالي ان يكون لي اسلوب ، مجرد الممارسه ساعدتني ااني اتطور و اتحسن
اما بالنسبه للي يحبون نوع معين من اساليب الرسم ف نصيحتي انك/ي تجمعون مجموعه من الرسمات او الرسامين المفضلين لكم
سواءً من الانستاقرام او غيره . . . و تحطون كلهم جدام عيونكم و حاولوا انكم تلاحظون شنو هي الاشياء المشتركه الي تعجبني فيهم
مثال :
مثلاً لو شخص يعجبه هذا النوع من الرسم بيلاحظ تنوع الادوات المستخدمه فيها و هذا اكثر شي بارز
كالدمج بين الالوان المائيه و الخشبيه و الزيتيه و الشمعييه واقلام الحبر و الرصاص الخ . . .
الشيء المشترك بين هذي الرسمات هو التركيز ع التظليل اكثر شيء
ولازم الرسام يكون فاهم و طريقه استخدام الcontrast (التباين) لازم يكون في موازنه بين الضوء و الظل
و مصدر الضوء/او اضواء في الرسمه، و الاشياء البعيده و القريبه من الضوء . . .
الشيء المشكترك بين هذي الرسمات بالنسبه لي الي اشوفه هو العفويه في رسم الخطوط
مثلاً انا احب اشوف خطوط عفويه مو شرط كل شيء يكون بيرفكت بالعكس الخطوط تعطي شخصيه للرسمه نفسها
سواءً كانت سميكه او نحيفه بعد كما يمكن الدمج بينهم عشان يكون فيها ابعاد
او شي ثاني للرسامين الي يحبون يرسمون بستايل الانمي نقول مثلاً شنو هي الانميات الي تحبونها
شنو نوعها ، شنو شكلها شنو الي يميزها عن غيرها ، اشكال الشخصيات و الوانهم .
بعطي مثال سريع مقارنه بين ستايل الشوجو و الاشونين . . .
الشىء الي يميز ستايل الشوجو هو كثره التفاصيل في العين و الشعر . .
اما باقي الشخصيه التفاصيل تقل ، لهذا بصراحه انا اشوف شخصيات الشوجو تتشابه بالنسبه لي
يعني لولا اختلاف الشعر كان كلهم نفس الشخص..
شخصيات الشوجو تميل للواقعيه نوعاً ما . . . لكن التويست ان شكلهم لطيف
اما بالنسبه للستايل الشونين فهو يكون مبسط اكثر و الشخصيات اشكالهم تجريبيه اكثر و بعيده عن الواقعيه
يعني لو تشوفون شخصيات ون بيس او ما هيرو اكاديمي او غيره ، ،. الي يميز الشخصيات اشكال اجسامهم و تسريحاتهم الغريبه هههههه
في النهايه الانمي ما ينحسر ع نوعين فقط طبعا في اشياء تقع بين الاثنين و يمكن الدمج
ثاني شيء بعد ما عرفت شنو التفاصيل الي تعجبكم من كل اسلوب حان الوقت للتجربه
حاول انك تاخد صوره من شي يعجبك و حاولوا انكم تقلدوه (للتدريب) . .
جربوا و ارسموا و ارسموا ارسموا من هذي الصور الين ما يدكم تتدرب و تتعود عليه
نقول انا يعجبني اسلوب ون بيس .. الي لاحظت فيه الشخصيات تصميمهم بسيط و التفاصيل قليله
اجسامهم نحيفه و طويله و راسهم مدور كبير ،، اوكي بقعد ارسم شخصيات ون بيس اكثر من مره
و بعد فتره مخي و يدي بيستعبون من كثر هذا التكرار و مع الوقت بقدر ارسم ب اسلوب ون بيس بدون ما اشوف من صوره
اتمنى اني افدكم بنصايحي هذي من تجربتي والله مو بس قاعد اتفلسف عليكم .
في النهايه كل شخص تجربته و رايه و انا متحمس اشوف اراء الرسامين الاخرين
.gif "At (138) ه1")
.gif "At (149) و2")
