فخر المدونين Make Some NOISE (1 زائر)

[خَوْد]

. Your time is limited . so don't waste it living someone else's life
Don't be trapped by dogma which is living with the results
of other people's thinking Don't let the noise of others' opinions
. drown out your own inner voice And most important, have the courage
to follow your heart and intuition


M A Y . 27.19 . 12:00 AM


Be Near







​

 

[خَوْد]

​

​

​

​

​

​

​

​

​

​

​

HAVING A SOFT HEART IN A CRUEL WOLD ​

IS A COURAGE NOT WEAKNESS​

​

the most Amazing Anime I have ever seen and the story is knitted in​

an exciting and attractive way I wish if they had more 10 parts ​

​

 

[خَوْد]

اليوم كان حلو و مسلي نوعا ما رحت ع كورس اللغة و هيك و ما كنت بعرف انو
رح يجهزونا للعبة رح تنعرض ب فيستيفل عندهم . و اللعبة كتير حلوة . المهم قبل هاد كلو
كل يوم توقيت كورسي من ال 1 لل 5 العصر الا الاربعاء من ال 1 ونص لل 5 ونص و دائما
بنسى انو يوم الأربعاء لازم اتأخر نص ساعة و طلعت من البيت ع اساس من ال 1 لل 5 و تذكرت
اني مبكرة نص ساعة و طبعا لما اوصل بكون واصلة ابكر ب ربع ساعة يعني عندي 45 دقيقة زيادة .
رحت شتريت دخان و معسل من عند البقالة لأني بكرا عطلة و الكل بكون مسكر ولما رجعت
لسا كان في وقت كتير قلت ارسم ع السبورة ضليت ارسم لاجى وقت الكورس.

اجا مدرس بحبو كتير مع انيه هو ما بدرسني بس بحب طريقتو بالحكي بتضحكني و اجا المدير و عنا المدراء
مو متل مدراء العرب بحسن نفسيات و قال يعني انا شخصية ولا حدا يمزح معي . لا تعوا شوفوا
المزح الي صار بين الاستاذ و المدير شي بفرط من الضحك ياخي الالمان عسسسل المهم
صاروا يشرحولنا عن اللعبة و اللعبة حلوة كتير عبارة عن تقليل من التلوث البيئي مشان يقدروا ولاد ولادنا
بالمستقبل يقدروا يعيشوا و لعبة كبيرة يعني و فيها ارقام و حساب و بجيبوا خريطة كبيرة بمدوها ع الارض
و كل شخص بيمسك قارة و على حسب كل قارة بيوقف عليها كم من شخص و اديش بهل القارة فيها مصاري
يعني غنية ولا فقيرة و اديش عدد سكانها و هيك الي بضحك اني مسكت قارة امريكا الشمالية و طبعا امريكا
بهل الوقت غنية متلا متل اوروبا ف صاروا يحطولي كراسي عند قارتي ( كراسي بمعنى المصاري ) و قال المدير
اني شيل كرسي و اقعد عليه حكالي لازم كون مرتاحة دام قارتي غنية . ف تخيلوا انو قارة امريكا
و اوروبا اخدة 5 كراسي يعني 10 كراسي للتنين و قارة افريقيا اخدة كرسي واحد و افريقيا كتير كبيرة ف انتوا تخيلوا
كمية المجاعة الموجودة ب افريقيا اما قارة اسيا ف حطوا عليه كتير ناس و كتير مصاري بمعنى انو قارة اسيا هي
اكتر قارة بتطلع ثاني اكسيد الكربون و هو مو مفيد و هالشي بأدي الى الاحتباس الحراري الي بأدي للفيضانات و
التسونامي و بقارات اخرى متل افريقيا ما بيجيهم مطر ابدا 5 دقايق بالسنة هاد اذا اجاهم . يعني مصادر طبيعية
مافي . مي اكل مافي . ف شو سووا بأخر اللعبة ؟ صرنا نوزع الكراسي بالتساوي ع حسب مساحة القارات و انو لازم
نكون كلنا متساويين . بمعنى القارات الغنية تعطي القارات الفقيرة مساعدات . و هاد غير انو نخفف من التلوث
البيئي و هيك في حكي كتير بهل الخصوص و الحفلة الكبيرة لهل اللعبة ب شهر 6 يوم 9 و رح يجوا ناس كتار و
تكون احلى . ان شاء الله رح صورلكم وقتها



و هي صورة عن الأفكار الي مبنية عنها اللعبة . حبيت خط الاستاذ كأنيه رسما رسم مو كتابة

بعد ما خلصوا من هاللعبة راحوا المسؤولين ف حكينا للمس انو ما النا خلق انو ندرس و كل واحد صار راسوا قد
الطبلة خاصتا انو كانوا يحكوا الماني بسرعة و المخ بدو وقت ليجمع . و كان باقيلنا ساعة و نص حكت يلا
رح نلعب .

هي برا حدث اليوم ولازم احكيلكن ياه في مرة لعبتتنا بينقو اذا بتعرفوها و مع اني مستحيل العب اي لعبة
بالقمار يعني مقابل مصاري و هي يخربيتا خلت الصف كلو يحط مصاري ههههههههههههههههههههه و انا ما كنت
حاسبتا هيك فكرت رح ترجعن بالاخر . كل واحد دفع 10 سنت ع اللفة و كان في 3 لفات يعني 30 سنت
طبعا عند الالمان كبيرة عندهم يلعبوا اي لعبة حظ بدون تراهن ههههههه و بصراحة كانت كتير حلوة و كانت اول مرة
بلعبها و يخربيتو حظي ما كان يضرب ولا مرة .

المهم ف اليوم لعبتنا لعبة عطت كل واحد فينا ورقتين ورقة نكتب فيها فعل و التانية اسم طبعا اي اسم و فعل
ببالنا . بعد ما خلصنا خلطت الورق مع بعضن و حطتن بصندوق و حكت انو في 3 جولات اول جولة كل واحد بدورو
بياخد ورقة ولازم يحكي معنى هالكلمة بدون ما يحكي الكلمة نفسها و نحن نحزر شو هية و اذا كانت صح بياخد
نقظة تاني لفة نوصل معنى الكلمة باشارات الجسم بدون ما نحكي تالت لفة منستخدم بس راسنا مشان نوضح
ممنوع الكلام طبعا عن طريق الاصوات و تعوا شوفوا الضحك هون و الله دمعت اليوم من كتر ما ضحكت
انا طلعتلي كلمة Fluegzueg معناها طيارة وما كنت بعرف كيف اشرحا بالصوت بس قمت طلع صوت ع اساس
صوت طيارة نفاثة طبعا حزروها اخر شي قام واحد طلعلي هاد صوت طيارة ؟ < .

تاني لعبة هية منختار واحد و بسكر ادنيه مشان ما يسمعنا و نحن منختار شخصية و منكتب اسمها ع الورقة و
منلزقها ع جبينو بدون ما يعرف شو هي الشخصية و هو لازم يسألنا و يحزرها شي نختار باربي ع شب ههههههههههه
شي نختار محمد علي كلاي شي مايكل جاكسون عنجد كانت حلوة و على فكرة كل هالالعاب بالالماني

و هيك خلصت اليوم . مع اني كنت متأملة انو نحن ندرس هههههههههههه و مع هيك اليوم كلو لعب بلعب
و اخر شي انا مو شاطرة بالتعبير الكتابي يعني لو شفت حدا منكن ع الحقيقة رح تشوفوني متل
ايمينيم عم احكيلكن القصة قثنتثباصثقعخباثقبىثتقبىثصقبهاخت < هيك بالضبط

و في صورة حابة اعرضها عليكم و انا عارفة انو الأغلب بحب المناظر الطبيعية هي اطلالة كلاسي



و احلى شي لما يكون في غيم و هوا و الشجر يكون عم يتحرك و انت بالصف متدفي

29/5/2019






​

 

[خَوْد]

​

​

​

​

​

مرحبا ايها الاصدقاء . اليوم يوم جميل و مٌشرق .​

الحمدالله مافي غيوم او مطر او حتى برد هالايام صارت بتنشرى بمصاري ​

خاصتا هون لأنو هالفصل كتير بيتقلب الجو فيه مرة حرررر ومرة برد و مطر ​

من زمان ما فتحنا شبابيك البيت بدون ما نبرد و الهويات ياااااه كتير حلوين ​

خاصتاَ انو اطلالة البيت ع الغابة حتى بتسمعوا صوت الشجر و العصافير ​

​

​

​

صورة مباشرة مشان تحسوا فيني كيف منسكر الشبابيك ع هيك منظر ​

^ اختي مرة حكت هالبيت خرج يكون بيت اعادة تأهيل ​

​

المهم بعد ما خلصنا من الجو الاكتر من رائع . الكورس تبعي باعتلي ورقة انو رح يسووا رحلة ​

ياااااي الله يرحم هالكلمة اخر مرة سمعتا ب 2012 المهم ع اساس ياخدونا ع معلم سياحي ​

و كافيه و مابعرف شو كمان . لا و الي بضحك انو الرحلة جمب بيتي . يعني الكورس تبعي​

بعيد عن بيتي شي 45 دقيقة و انا ساكنة بسانت فيندل و تخيلوا الرحلة لسانت فيندل​

و رح يتجمعوا عند الكورس اول ما قرأت الورقة قلت هدول عنجد عم يتمسخروا ​

في حدا بيترك مدينة و بروح ع قرية هههههههههه ف ما بعرف روح او لا و خاصتاَ انو الرحلة​

بيوم عطلتي يعني مابغلبوا حالن و ياخدونا بيوم دوام لا بيوم عطلة . ف احتمال كبير ماروح .​

​

^ كنت كاتبة هالبوست من كم يوم و ابشركم سجلت بالرحلة بعد ما اكتشفت انو الصف كلو رايح ​

​

​

​

​

​

 

[خَوْد]

​

​

​

من الموسيقى المفضلة عندي هي موسيقى الروك عنجد انها شي خيالي خاصتاَ اذا كانت موسيقى بدون كلمات​

الموسيقى اذا كانت صحيحة هية بتقدر توصل الكلمات بدون كلمات ​

​

من العازفين الي اشتهروا بعزف الروك بشكل خرافي Steve Vai هالفنان اقل كلمة ممكن احكيها الو انو​

هو مبدع . دمج موسيقى الكمان مع الروك مع انو هالنوعين مستحيل يندمجوا لأنو الأول رومنسي وحزين و التاني​

صاخب متناقضين بشكل و مع هيك دمجهم بطريقة رائعة و خيالية و من اهم معزوفاته الي دمج فيها هالفنين ​

معزوفة crying machine ومن اسمها الة البكاء و عنجد انو المقطوعة كان اسمها بمحلها لأنو بمجرد سماع طريقة​

عزفه بالجيتار رح تحسوا انو الجيتار عم يبكي و ربي شي خيااالي​

​

​

ومقطوعة for the love of god في حب الله هالمقطوعة قطعة فنية نادرة و اخدت جوائز كتيرة - دمج فرقة​

موسيقى ضخمة من مختلف الات و عمل عرض خيالي مع الروك عنجد انو هالعازف عرف كيف ينشر ثقافة الروك​

بالشكل الصحيح ذ1ذ1 . ​

​

​

و عازف اسمه joe satriani هاد العازف رهييب و طريقة عزفه كتير سلسة و ممتعة و من اجمل ما عزف​

مقطوعة made of tears صنعت من الدموع - ​

​

​

و SLASH الي الف اشهر و اجمل مقطوعة موسيقية بالعالم للفلم الشهير THE GODFATHER ​

​

​

^ تحفة فنية بكل معنى الكلمة ​

​

و موسيقى Anastasia رائعةةةةةة و بتعطي طاقة ايجابية ذ1ذ1ذ1ذ1ذ1ذ1​

​

انتشرت ثقافة الروك بالعالم بشكل خاطىء الكل اخد فكرة انو الروك فن منبوذ و محدا بيسمعوا لانو كلو صراخ لما​

تجي كلمة روك ببالنا دائما بيجي ببالنا كلمة صراخ بس هالشي خطأ الروك متلو متل اي فن اخر . هدول الفنانين​

الكبار هن من صنعوا الروك ف دائما لما بدنا نعرف شي الصحيح نروح على منبع هالفن مو على الهاويين الصغار.​

الروك في الو عدة اقسام مو بس صراخ متل هالمقطوعات الي ذكرتها في ميتل و كريستان و هارد ميتال و روك ​

والأنواع ما خلصت .​

​

اخدين فكرة عن الروك انو كفر و غضب و لعن بس هالشي كتير خطأ على سبيل المثال ستيف فاي هو من اسس​

موسيقى الروك و لو تشوفوا صوره شخص كتير محترم حتى مو مسوي تاتو واحد و جو ساترياني كمان مو حاط ​

ولا تاتو و لو تشوفوا لبسهم كتير متواضع وماعندهم حركات الروكرز الي طالعين هلأ و فوق هاد ستيف ​

فاي بيقعد لساعات بالتأمل لأنو التأمل بالطبيعة هو الي بيلهمه بالموسيقى مو الغضب وهو كتير شخص متسامح من​

جوا مع انو هو حتى مانو مسيحي . ​

​

موسيقى الروك انتشرت بشكل خطأ متلها متل الراب هلأ لو قارنتوا بين الراب القديم الاولد سكول و الراب الجديد رح​

تشوفوا انو الرابرز الجداد كتير سخفوه بطريقة خاصتا اغنية قوتشي قانق . و الي بدو يدخل مجال الراب و يسمع​

لا يسمع الجديد يسمع القديم نفس تو باك و tech n9ne و ياخد صورة صحيحة عنه . حبيت اني انقل شيء مما​

تعلمته . الروك فن راقي جداَ و مليء بالحيوية و الطاقة فن لا يشبهه فن اخر​

​

​

​

 

[خَوْد]

​

​

​

​

​

​

احلى شي ب المانيا يوم الصداقة . و انا رايحة مع رفيقتي اشتري شي من محل و انا ​

عم حاسب كان عندهم صندوق مليان ورود فكرت اول شي هدول للي بيشتروا كتير من ​

عندهم بس لما عطتني وردتين وحدة الي ووحدة لرفيقتي و سالت ليش حكتلي اليوم يوم ​

الصداقة . اديشو حلو THIS ONE ABSOLUTELY MADE MY DAY ​

​

 

[خَوْد]

ليس بالضرورة أن تكون المحاضرات بين أربعة جدران .. فعندما يبدع الأستاذ يأخذك الى عالمٍ آخر ..
عالمٍ مليءٍ بالتساؤلات و المتعة في تلقّي المعرفة .. فمحاضرات العالم " آينشتاين " كانت تتمحورُ حول
التخيّل . . ومحاضرات المبدع " والتر لوين " كانت قائمة على التجارب . . فعلاً ، الذين يجعلون الفيزياء مملة
هم مجرمون . . عندما يعشق المعلم وظيفته يبدع فيها ليس لمجرد الدخل المادي لا بل لأنه يحب ما يفعله .
سوف اعطيكم احد الأساتذة في عصرنا هذا . لقد ابهرني فعلاًَ لقد عرضَ نفسه للخطر فقط لكي يثبت لِ
تلامذته احد قوانين الفيزياء . كم اعشق المعلمين الذين يغامرون بحياتهم لكي يثبتوا لنا نقطة معينة في
القوانين . ليست فقط نظرية بل عملية و هذا ما يجذبني بالفيزياء بشكل خاص .

​

 

[خَوْد]

​

​

​

​

​

اليوم لما فتحت المنتدى و شاركت بموضوع ف طلعت معلوماتي ع اليمين ​

ف شفت انو عندي 100 تون ف قلت يمكن نزلوا التكريمات او شي متل هيك ​

بس لما لفيت بمواضيع المنتدى مالقيت شي و اجاني فضول هل 100 من ​

وين اجت المهم رحت اشتغل ع موضوع جديد رح نزلو و بعدين ما ​

بعرف شو خطر ببالي بالعادة بحب روح ع احصائياتي و شوف كم موضوع سويت ​

من الملف الشخصي . ف انتبهت انو في موضوع اخد الختم الاداري و انا هيك عيوني ​

هههههههه عنجد عنجد حتى ما سدئت عيوني لحتى دخلت وشفت فخامة الختم ​

​

​

​

شكرا كتير @RELENA عنجد ما بتتخيلي اديش فرحتيني حتى ما توقعت اخد الختم من اول ​

تفاعل الي بالمنتدى ع3 عطيتيني جرعة طاقة رح نزل 5 مواضيع ب اسبوع ستني علي . ​

هلأ كل اليوم اهلي رح يسألوني شوفيني مبتسمة ​

​

​

​

 

[خَوْد]

حابة احكيلكن عن علاقتي الغريبة و حبي للبرازيل و منها انا رح اتذكر معكن ذكرياتي الجميلة لأيام زمان و لهلأ
سنة 2011 نزل جزء الخامس من فلم Fast & Furious و بتعرفوا اهل الامارات بيعشقوا تعديل السيارات و السرعة
و لما ينزل اي جزء من هل الفلم الدنيا بتقوم بالامارات ف رحت احضر هالجزء و كان بالصدفة مصورينو بالبرازيل
و كمان طلع الجزء الخامس احلى جزء من باقي الاجزاء و اعتقد انجح جزء . الي نزلت فيه غنية Danza Kuduro للمغني
دون عمر و انشهرت بشكل و صرنا نشغلا ع البحر .

المهم ف هل الفلم على اد ما تعلقت فيه حضرتو 5 مرات و وصلت لمرحلة اني انا احكي السيناريو كنت حافظتو صم حتى
الكلام اللاتيني و حبيت جو البرازيل بالفلم و اديش كانت حلوة و هيك ف صرت متعلقة فيها بشكل خيالي لدرجة سميت
حالي البرازيلية ع البي بي ام و كل رفقاتي صاروا ينادوني برازيلية برازيلية حتى ماوقفت ع هون دخلت الجم و صرت
اتشمس بس مشان صير نفسهم مع اني صدقا كنت انا و التشمس و الجم مو اصدقاء بس ما بعرف شو الي صار فيني
و تعلقت بالتشمس لهل الدرجة اني اقعد تحت الشمس و درجة الحرارة 40+ بس حبيت هالشي هاد .



حتى مو بس هيك كانت تجيني هدايا و بالأخص عن البرازيل اختي جابتلي شكلة مفاتيح عن لبس منتخب البرازيل و اخي كان
عندو صديقة مضيفة طيران جابتلي كمان شكلة علم برازيل من البرازيل و شكلة مفتاح سيارتي صارت بتجنن و هيك
طقم هل الأشياء صح بسيطة بس مستحيل انساها



شوفوا ما احلاهم طالعين مع بعض . و رفيقي جابلي ع عيد ميلادي هدية و ربي ما تخيلت حتى هيك هدية
و فعلا الهدية مو بسعرها الهدية بقيمتها المعنوية . جابلي تيشيرت المنتخب الأصلي من نايك و كاتب اسمي من
ورا ZEINA و رقم 7 شهر عيد ميلادي الهدية قدييمة من 6 سنوات و لحد هلأ لابسة البلوزة بس مرتين على كأس
العالم لما اجا مرتين و مع اني لما اجيت المانيا كبيت كل تيابي بس هالبلوزة اخدتها و حافظت عليها مو لأنها عن
البرازيل لأنها من شخص كان عزيز علي .

و ما اكتفيت بهاد حتى سيارتي جبت لونها اخضر بس مشان لون العلم و كانوا رفقاتي يعرفوني بالشارع اني انا
من علم البرازيل ورا السيارة بشوفوا كتير سيارات خضرة نفس سيارتي بس بينعرف اني انا من العلم





^ و هون لما حطيت هالعلامة مع اني حطيتها بس لأني لونها اخضر و ماما كانت مفكرتها نعناعة
هههههههههههههههههههههههههههههههههه

عنجد كانت هالسيارة قطعة مني اولاَ لانها ع لون البرازيل و تانياَ لأنها كانت هدية تخرجي . و مو بس هيك دخلتها قروب
سيارات خاص بنوع سيارتي مع اني ما توقعت بيوم من الأيام اني ادخل هيك قروب و كان القروب بمثابة عيلتي
التانية كل شخص بالقروب كان يهتم للتاني شوي صور من طلعتي مع القروب :





كانت ايام كتير حلوة كنا نروح ع اماكن بعيدة متل راس الخيمة و العين و ابوظبي و طلعات شوي و مغامرات
عنجد ايام لا تٌنسى . و هلأ بعد ما تركت الامارات ما بعرف شو صار بسيارتي لاني لما طلعت طلعت فجأة بدون
سابق انذار حتى ما قدرت اني حول الملكية ع حدا من اهلي ولا قدرت بيعها حتى .

طبعا في فديوات لهل القروب بس ما بقدر اعرضها كلها كان عنا بالقروب مصورين محترفين و كانوا يسووا فلم
صغير و مرات نسوي فلم قصير بضحك خاص بسياراتنا شي خيالي كان

و هي علاقتي و قصتي مع البرازيل حبيتها كتير و لحد هلأ بس كيف احكيلكن . من لما انتقلت ع المانيا و حسيت جزء
مني ضل بالامارات و من هالاشياء الي ضلت حبي للبرازيل . كل شي راح للأسف حتى تخيلوا مقاطعتي مافيها بحر من
اصلو . ف مشان هيك من لما انتقلت ع المانيا في كتير اشياء تغيرت فيني و هالشي شفتو شي ايجابي بيني و بينكم
لاني هيك انفتحتلي فرصة كبيرة اني غير اشياء كنت مجبورة بالامارات اني سويها و تكون هويتي .

حتى مو بس هيك من كتر تعلقي بهل الفلم عشق شي اسمو سيارات مو بس ك شكل او فخامة لا تثقفت فيها من الناحية
الميكانيكية و التزويد و صرت اتعرف ع اشخاص اختصاصهم التزويد بنات و شباب و اي لا تستغربوا بالامارات
كل شي ممكن كانوا في بنات بيعرفوا عن التزويد اكتر عن الشباب ف صرت خلي
هالأشخاص قريبين مني و خليهم يعلموني و كنت ادخل على مواقع و اقرأ و وصلت لمرحلة اني اقدر ادخل بنقاش
مع شب و يكون طويل و يستغرب كيف اعرف هيك معلومات و يحكيلي انتي شب
و حسيت انو عالم السيارات اكبر من مجرد سيارة حلوة . بعد ما تعمقت فيه اكتشفت انو هو علم و شي كتير حلو
غير عن بس اني شوف سيارة حلوة صرت اعرف ليش هالسيارة حلوة اي من الناحية الميكانيكية .
و كان عشقي دائما التوربو لأني السوبرتشارج القوي كان ممنوع بالأمارات بس دامني صرت ب المانيا شكلي رح
حول ع السوبرتشارج




​

 

[خَوْد]

-




أنا في عزلة، والعزلة الداخلية أقوى وأصلب من ذاك الذي يحشر نفسه في حجرة
أنا أخالط العالم دون أن أخوض حوارًا حقيقيًا أو كاملاً حتى

من هالناحية صحيحة هالمقولة. العزلة مو بالضرورة انك تكون منعزل عن العالم الخارجي العزلة الداخلية اشد الم من
الخارجية و جربت التنين الاولى اني اعزل حالي بغرفة عادية و ممكن بأي يوم اتحسن و اطلع و اشارك الناس وهيك بتكون
حالة مؤقتة اما التانية العزلة الداخلية هي العزلة ما بتجي الا بعد صدمات كتيرة و خلتنا نشوف الاشخاص بمنظور اخر لدرجة
اني اطلع و يكون في ناس و زحمة و حس اني لحالي . لاني معزولة داخلياَ مو خارجيا و هون دخل العامل النفسي .

مشكلة كبيرة لما نوصل لهل المرحلة لما القلب بحس بالوحدة الشديدة مع انو محتاج حدا معو و مع هيك كترة الصدمات خلتو
ما يتقبل اي شخص . ينفر من الكل . هالشي مصيبة اذا صار لانو بياكل القلب يوم عن يوم الوحدة بتأكل الانسان وهو عايش .
و للأسف هالشي صار كتير منتشر عكس زمان .

زمان مستحيل نلاقي واحد قاعد لحالو بكافيه لازم يكون معو الشلة و رفقاتو و الناس الي بحبهم اما هلأ صار جدا جدا
عادي تلاقي حدا قاعد لحالو طبعا ممكن تكون اختلفت الثقافة بس القلوب كلها تغيرت .

]

انا عم حاول اطلع برا هالحلقة حلقة كوني وحيدة مع انو شخصيتي حلوة و جذابة و بعيدة عن التعقيد و الغموض مليئة بالنشاط و الايجابية حتى طريقة كلامي البعض شافها جذابة يعني عندي كل المؤهلات الي بتخليني كون حلقة صداقة قوية و كبيرة مع الكل و مع هيك حاسة اني كرهت كل شي بعد ما مريت بتجارب جدا جدا فاشلة ان كانت بالحب او بالصداقة .

مابخفي عليكم انجرحت و حزنت ع هالايام الحلوة الي كانت مع هالاشخاص ف هالشي كون لي حاجز قوي و ماعم بقدر شيلو . لما حكيتلكم مرة اني بخلي حلقة الصداقة صغيرة هالشي ما كان بإيدي . هالشي كان غصبن عني . بتسدئوا مرة حكيت لبنت كانت رفيقتي بس لأنها زعجتني بأكتر من شغلة حكيتلها بكل بساطة انتي مو رفيقتي ولا عاد تسألي عني. يا اصدقائي انا وصلت لمرحلة من اللامبالاة لأقصى درجة . بطل اي شي يهمني و ما عاد يهمني اخسر حدا او حتى حدى يخسرني لأني خسرت اشياء اكتر بكتير من مجرد خسارة اشخاص. انا خسرت نفسي . صار اكبر همي من كل هاد انا وين شايفة سعادتي و شو الي بخليني فرحانة بغض النظر عن النتيجة و مو هاممني ولا حتى شوي رأي الناس فيني . ان كان فيني شي سلبي او ايجابي . لأني ضعت و ضيعوني معهم . ف كبرت و عرفت انو العزلة الداخلية كانت ملاذي الاخير حبي لنفسي هاد الي كان لازم سويه من البداية و مانها انانية لأني شفت كتير. me, myself and I . The End of this story

[



​