فخر المدونين Make Some NOISE (1 زائر)

[خَوْد]

مساء الخير .
هاليومين كانوا من اسوأ الايام . اجاني وجع اسنان مو طبيعي و للأسف بطاقتي الصحية لسا ماوصلتني
ف مابقدر روح ع اي دكتور ع الاقل يعطيني مسكن . حتى ما قدرت نام ساعتين ع بعضهم . بنام 5 دقائق
و برجع اصحى من الوجع . ف الحمد الله اليوم مافي اي وجع .

المهم اليوم حابة احكيلكم موضوع زاعجني خاص بالسوريين . و انتبهت عليه من اول وصولي لهون ! يعني
تخيلوا اديش الموضوع واضح اني انتبهت عليه اول ما وصلت ! طبعاَ هالكلام عن فئة معينة . و اكيد موجودة
بكل دولة مو بس هون بس تخيلوا لوين وصل الحقد انو الناس تحسدنا ع الحرب الي بسوريا و انو كيف
تركنا كل شي و اجينا < في حدا بيحسد التاني ع هيك شي ؟

مابعرف ليش في فئة من الناس هون كتير بيحقدوا ع السوريين الناجحين الي حطوا بصمة ب المانيا بوقت قصير.
يعني تخيلوا لوين وصل الحقد انو واحد ساكن بالمانيا من 30 سنة و ما اخد الجنسية و لما انفتح باب اللجوء
للسوريين صارت هالفئة تدخل و تحكي ع المواقع رجعوهم و مابدنا ياهم و هن الي وسخوا المانيا ؟ كيف وسخنا
المانيا ومافي مستشفى الا و بتلاقي سوري فيها و بقسم الطوارىء ! حتى لما ابن خالتي سوى عملية انا رحت
بنفسي ع المستشفى و شفت الي سوى العملية و كان سوري ! كيف وسخنا المانيا و نحن الي اندمجنا بشكل سريع
حتى الالمان شاهد بهل الكلام ! كيف وسخناها و مافي شركة الا و بتلاقي فيها سوري . و الي درس اللغة و اخد C1
يعتبر مستوى لغة عالي و الي دخل جامعات و الي تخرج وبلش يشتغل فوراَ ! يعني اذا انتوا فاشلين لا يجيبوا
فشلكم للسورين الي جايين جداد . اذا انت فاشل ففشلك الك لا تجمعه للكل .

كتير بنقهر من هالفئة . اول ما اجيت المانيا دخلت متل برنامج تعارف لاني كنت محتاجة اني اندمج مع الجو الي هون
لاني اكيد مختلف عن البلد الي كنت فيه . فإستغربت بشكل فظيع ! كل واحد بحكيه كيف المانيا و كيف الجو و اللغة
تخيلوا مافي ولا واحد شجعني كلو كان يحبط يحبط يحبط ! اللغة صعبة مستحيل تاخديها بسنة . اللغة مو حلوة ابدا
البلد كتير مملة شو جابك لهون احسلك ترجعي و من هالكلام ! و للأسف كانت اكتر فئة تحكي هالكلام هن سوريين
طبعا و في جنسيات تانية بس كانت الأكتر من السوريين ! يعني مو طبيعي يا زلمة اذا انت فاشل بحياتك ليش
لتعديني بفشلك ؟ ف بعد ما شفت هالردة الفعل من الأغلب ف انعزلت عن الناس تقريبا مع اني لما كنت بالامارات
كنت انسانة اجتماعية بس لاني هالشي جد صار بجيب الكآبة ! و خاصتاَ اني جديدة ف تخيلوا اني انحبط وانا لساتني
جديدة ؟ هالشي رح يأثر كتير ع تقييمي السنوي !

في كتير ناس اجت هون و حطت حياتها ع المحك ! عرضت حياتها للخطر و خسرت كتير اشياء ان كانت مادية او
معنوية بس مشان توصل لهون لمستقبل احسن اخر شي بتجي هيك فئة تافهة و فاشلة و على اساس هي الي
بتحدد مصير الواحد ! واحد بس الي شجعني عليها واحد كان داخل طب و لساتو عم يدرسها يعني ما تخرج ففهمتوا
قصدي ؟ الفئة الناجحة هي الي كانت تشجع غير عن هيك لا ! و نادر ما كنت لاقي هالفئة حتى بالكورس الي انا
فيه تبع اللغة كنت لاقي 4 او 5 اشخاص بألمانيا من 4 سنوات و هن معي بكورس لغة المبتدأ ؟ و الله العظيم
لو انا مكانهم كنت ختمت اللغة من زمان اذا مو بالكورسات كنت ختمتها بالشارع ما بعرف كيف هالفئة بتعيش
او بتفكر ؟ ولا يلحسوا مخكم انو اللغة صعبة و الله العظيم اللغة حلوة كتير و الأحلى غرابتها يعني شي جديد علينا !
و فوق هاد انا ثبت حالي بالكورس قدام هالفئة الي كانت هون من 4 سنوات و صرت متقدمة عليهم باللغة مع اني
انا ما كنت مكملة 3 شهور !

لأي درجة وصلوا هالفاشلين انهم يتدخلوا بمصير كتير سوريين هون ! يعني اديش انو هالفئة حاقدة مابدها حدا
ناجح . الي ما بيشتغل ع حالو لا يلوم غيرو اذا اخد اشياء و مميزات انت ما اخدتها ! في متطلبات للإقامة المفتوحة
متل مستوى لغة معين و شغل في ناس اجت ب 3 سنوات اخدت الاقامة المفتوحة و هدول ضلوا 30 سنة وما
اخدوها معناتا اشتغل ع حالك متل ما هدول اشتغلوا ع حالهم ! و هالشي مانو خرافة او كلام جرايد ! هيو اخي اخد
الاقامة المفتوحة ب 3 سنوات لانو تعب ع حالو تعب و كرس كل وقتو ع اللغة لهلأ بشوف الكتب الي جابها شي عن
تاريخ المانيا شي خرايط شي موسوعات المانية يعني انصدمت من هالكلم الهائل من الكتب الموجودة بالبيت !
فعرفت معنى لما الواحد يشتغل ع حالو و يحصد نتائج تعبو ! و مع هيك كتير بحقد ع هالفئة و اديش بتمنى انو يرجع
الخير متل قبل .

مشان يكون الموضوع الي عم بحكي عنو اوضح الكم شوفوا هالفديو للآخر

نراكم في تدوينات اخرى .


​

 

[خَوْد]

تجربتي مع الكيتو دايت


هاد الدايت جربتو شهرين بصراحة جبار بس بالاخير ماقدرت لانو كان كتير قوي. هو عبارة عن حرق الدهون بدل من
الكاربوهيدرات بالجسم . نحن الي متعودين عليه انو الجسم بيحرق الكاربز بدل الدهون مشان هيك كنا نقلل دهون
لانها كانت تتكتل بدل لا يحرقها اول ب اول . ف تخيلوا لو انتوا عودتوا جسمكم انكم تقطعوا عنو الكاربز ؟
و السكريات بشتى الانواع ان كانت طبيعية او اصطناعية لا من فواكه او من مشروبات ! ف هلأ مارح يكون في كاربز
بالجسم او نسبة ضئيلة ليحرقها و تاكلوا بالمقابل كميات كبيرة من الدهون يعني نسوي العكس تماماَ ! ف متل كأنو نحن
عم نبدل نظام حرق الجسم من الكاربز للدهون مباشرة ليه ؟ لانو لما الجسم ينقطع عنو الكاربز و السكريات او يدخل
بكميات جدا جدا قليلة مقارنة بكمية الدهون الكبيرة الي رح تدخل الجسم ف هون اوتوماتيكياَ رح يترك حرق الكاربز و
السكريات و يبلش يحرق دهون ! متل كأنو نحن ضحكنا ع النظام الحرق تبعنا .

هاد الدايت الو ايجابيات و سلبيات بنفس الوقت . مثلا صحيح انو الدايت قوي ممكن بشهر واحد ينزل الشخص 10
او حتى 15 كيلو فرد مرة بس المشكلة انو اذا يوم كسرت الدايت و اكلت كنافة مثلا < مشتهيتا > بزيد بنفس
اليوم 4 او 5 كيليات و ببين عليك الفرق ! < هون المصيبة > و اذا رجعت للنظام بيرجعوا و بينزلوا ف المشكلة انو
وزنك معرض انو يطلع و ينزل بسهولة ! ف انك تكسر يوم مانو بالخيار السهل . و هالكلام عن تجربة

و كمان مافي بديل للسكريات ابدا و رح تروح للحبوب مشان الفيتامينات يعني مافي فواكه ابداَ . او ممكن تاخد الفواكه
الي مافيها لا كاربز ولا سكريات كتيرة < هاد بعد شهر او شهرين من الدايت يعني مو فوراَ و اذا كان بدك تشرب شي
بارد ف الكولا دايت كانت احسن حل < كمان بعد شهر او شهرين بعد ماتشوف اول النتائج > الي كلما اتذكرها بحس
اني بدي استفرغ ما كان عندي الا هالخيار اني اشربو ؟!!! و المشكلة بتحس مالها نكهة لانها زيرو
سكر كأني عم اشرب هوا !! < نفس ما الواحد يحكيلي كلي هوا بالضبط

و فوق هاد مو بالدايت العادي نحن منَقص ملح مشان الملح بسمن ؟ عاد هون العكس تماما هون بتكتر ملح
اد ما بتقدر لدرجة كنت حط ملح بكاسة مي و اشربها ( لماذا هذا التصرف ؟ ) لانو مافي بديل للسكر
ف مشان ما حس بدوخة او حتى ما تجيني حتى لو خفيفة لازم اشرب ملح او حتى حطو ع لساني او اني حطو ع
ليمونة المهم لازم ملح .

و كمان لاني مافي سكر بأكلنا ابدا ف و انت قاعد عادي جدا تحس مخك رايح جاي بسبب هالموضوع حتى
مارح تقدر لا تسوي رياضة ولا تجهد نفسك لانو من الاساس مافي طاقة بجسمك لتحرقها و الي هي السكريات !
^ فكرة هالدايت اصلا انك تنحف بدون رياضة هالنوعية من الدايت للناس الي عندهم شغل كتير وماعندهم وقت
للجم و الرياضة او بالاحرى للي بيكرهوا الرياضة . و رح تحس انو ايديك عم ترتجف و انت قاعد و لما توقف ممكن
رجليك كمان ! و هاد شي مؤقت بس بأول الدايت

و كمان لازم تشرب مي اللحمة تجيب لحمة و لازم مع عظم كأنك عم تطبخ ورق عنب و تغليهم بعد
ما ينغلى مزبوط مع البهار بتصفي المي لقنينة و بتصير تشربها . يفضل انو تشربها بعد ما تصوم صيام الكيتو
الي هو من 8 ل 16 ساعة هيك بسموه و لما بدك تكسر صيامك ( يعني تفطر ) لازم تشرب هل مي لانها كتيييير مفيدة للجسم < افتحوا اليوتيوب او قوقل و اكتبوا keto diet 8/16 و بتطلعلكم معلومات اكتر عن هل الصيام

طبعا في ناس بصومو بليل بدل الصبح يعني وقت النوم حتى يعتبر صيام مو بالضرورة تكون صاحي في ناس بيسووه
من الساعة 8 بليل لتاني يوم الساعة 12 الضهر و بياكلوا يعني ماحسووا بالصيام .

انا كنت صومو لانو بصراحة الصيام اشرف بكتير من اني اكُل اكل كلو دهون يعني مرة من كتر ماني جوعانة
و الاكل ماعم يشبع و مليان زيوت اجاني قرف المهم جبت شريحة من ديك الرومي البارد اذا بتعرفوه و
فتحتها خليت الشريحة كأنها خبزة قمت جبت جبنة بوك و دهنتها عليها و اكلتها الله وكيلكم اول لقمة حسيتها
عالقة بتمي ماكانت تنبلع لأنو اللحمة ماكانت تدوب قمت اخر شي بلعتها بلع
<

ووصلت لمرحلة بهل الدايت انو لازم دخل 90% من الدهون ع جسمي و انا كلما اكول اختي تحكيلي بس هاد ! احكيلا شو
ادبحلي فخدة بقرة يعني ؟ كل هالاكل ولسا مو كافي قمت و انا عم احضر مسلسلاتي ع اللابتوب
جمبي في زبدة اي اي زبدةالي بتكون للدهن مو المجمدة ؟ صرت اكلها بالملعقة عنجد طيبة لا
يتهيألكم انها مقرفة و محدا بياكلها بدون خبزة جد طيبة خاصتا لو كانت لورباك المهم و كنت حط
جبنة بوك جمبي كمان و مرة اخد ملعقة من هون و مرة من هنيك و بالنسبة للمطاعم كان جمبي محل
شاورما و طبعا اي شي يدهون مسمووووح قمت اتصلت فيه حكيتلو بس شرايح شاورما مفلوشة بالصحن و كترلي زيت
فوقهم زكاتك و كان يجيني الصحن اما شو يا ويلي بسمن 30 كيلو ع قعدة
وحدة و كنت اخد الشاورما و خليها تتبلل بالزيت و بعدين حطا بصلصة التوم لانو هاد كلو
بسمن و اكلها بس طبعا كانت بدون اي كاربز مافي لا بطاطا ولا خبز

وكان مسموحلي كل شي بالقلي بس بدون كاربز مثلا الناقيتس و اكيد الناقيتس فيها بشارة الخبز بس هاد مابأثر
كتير ع الدايت و مثلا أعواد الجبنة الي من تشيليز و الخضرة المقلية كلها مسموحة بس بدون كاربز .

و كنت افتح ع اليوتيوب مشان شوف وجبات الكيتو بصراحة كان كتير حلو لانو انفتح باب تاني لالي و خاصتاَ
انو كل منتجات الدايت اغلى من العادية لانو هاد كلو كان غسيل عقول كانوا عم يغسلوا مخنا من و نحن صغار
انو الدهون مضرة الدهون مو منيحة الدهون و الدهون و اصلا لو بحثتوا عن الدهون المشبعة هالدهون كتير مفيدة
للجسم بشكل ما بتتخيلوه !


هلأ رح احكيلكم ايجابياته من تجربتي . اكتر شي حسيت فيه ولاحظته انو بخفف العصبية و الغصب ! وخاصتاَ
مع الناس الي هن عصبيين نفسي ف انصحهم بهل الدايت لانو كتير كتير بخفف هالشي لانو متل ماحكيتلكم
ماعندكم طاقة انكن تتحركوا ف كيف لتعصبوا لانو العصبية نفسها بدها طاقة و هاد سبب و اسباب ليش منروح ع الجم . و نفس الشي مع الكيتو . الكيتو بفرغ كل طاقتك ما بخلي عندك مجال انك تعصب حتى !

و طبعا مو بالكيتو مافي سكريات ؟ ف شي طبيعي بسبب هالشي ف رح نوقي حالنا مستقبلاَ من مرض السكري .
و من ارتفاع الضغط .

و لاني الدايت بياخد طاقة من جسمك بيوصلها لعقلك ف رح تعزز من قدرة التركيز و من قدرة التذكر و رح يحميكم
من امراض الزهايمر و اضطرابات النوم .

و فوائد للبشرة لاني بهل دايت مافي اي نوع من انواع الكاربز و السكريات هدول التنين الي بخلوا البشرة خشنة
اذا مسكتوا هالدايت رح تتحول بشتركم لمراية لانو الكاربز تزيد من انتاج بعض الهرمونات مثل الانسولين وال
IGF المسؤولة عن ظهور حب الشباب ف بمجرد انكم اتبعتوا هل الدايت ف رح تخف عندكم كتير

و اخر ايجابية و حسيتها الاهم انو لما حدا يشوفك عم تسويه ما رح يحسدك انك رح تنحف لانو مارح يعرف
انك ماسك دايت من الاساس




هالدايت الو 3 ستيجات طبعا كتير تعمقت بموضوع هالدايت لاني مسكتو فترة اول ستيج هو
مرحلة الكيتو او نظام الكاربوهيدرات الصارم و الي هو لازم ناكل بس 20 جرام من الكاربز باليوم

المرحلة التانية هي نظام الكاربوهيدرات المعتدل و الي هو لازم ناكل من 20 ل 50 جرام كاربوهيدرات باليوم

المرحلة التالتة هي نظام الكاربوهيدرات المتحرر و بتقدر تاكل من 50 ل 100 جرام يومياَ

طبعا هال 3 انواع اي حدا بيقدر يمسكها مثلا النوع الاول و التاني الي بعاني من السمنة و حاب ينحف
التالت الي بكون كتير نحيف و حاب انو يتبع حياة صحية فالكيتو هو نظام صحي قبل ما يكون نظام تضعيف

انا الي كنت ماشية عليه مرحلة الاولى الي بس 20% كاربز بعد مامسكتو شهرين حسيت بجسمي تغير كتير
مع اني وقتها ما قست بس انا جسمي بدو وقت لحتى يبين عليه ف تخيلوا انو بين ب شهرين . بس اخر شي خلص
تعبت ماقدرت و هاد غير اني كنت محرومة من كتير اشياء . و تاني شي اني من محبين الرياضة ف كانت الرياضة خط احمر
لاني ماكنت بقدر حرك رجلي لحتى اركض او سوي اي نوع من انوع الرياضة

حتى شو فكرت ؟ فكرت انو مثلا امسك هالدايت 6 شهور و انزل مزبوط بعدين غير الدايت و خليه ع العادي
يعني بمعنى اخر كأني انا عم غير نظام الحرق من الكاربز للدهون و بعدين غيرو من الدهون للكاربز مابعرف لما
فكرت هيك خفت كأني عم بلعب بنظام جسمي ف غيرت رأيي و تركتو و رحت للدايت العادي صح انو الوزن
بينزل ابطأ بس خياراتي مفتوحة اكتر يعني في عندي وجبة مفتوحة مارح يزيد وزني 4 كيلو بنفس اليوم

هالكلام الي كاتبتو عن تجربة مو بس معلومات عامة و بعرف واحد كان صديقي نزل ع هل الدايت 20 كيلو بشهرين
ماسكو من سنتين و لحد هلا ماشي عليه و ماخدو حياة صحية قبل ما يكون اخدو دايت . طبعا حبيت زيد شي مهم انو بعد
ماتنقصوا هيك وزن و توصلوا للوزن الي بدكن ياه بتقدروا تنتقلوا من مرحلة الكاربز الصارم للمتحرر ف بتصير خياراتكم
اكتر دامها من 50 ل 100 جراك يوميا .


وهيك بكون خلصت نراكم في تدوينات أٌخرى .

​

 

[خَوْد]

LOST SUNSET . BLACK HAWK . THE FOURTH AVENUE . SLOWLY ONE


​

 

[خَوْد]

​

​

​

<'،

​

She has the. key to .save .him and change their situation Regardless of how ....​

they got in ..this predicament, she STILL holds the key Now she thinks if he ....​

could get away by any means he would and leave her . . to die But he wants ....​

to save her Regardless .of their situation He will stretch himself far and thin in ....​

order tosave her to .have her .to. hold her However he's Powerless to change ....​

anything his Circumstance only but allows so. much and unfortunately it will ....​

never be enough . Not .enough .to. make .her trust him and not enough to ....​

reach her He'd break his own chains .if .he .could but he simply can't . And ....​

Even though she's the one dying .She .has. the .most power . She .could save ....​

them both but she would die before .she trust. him. And. he'll. eventually die ....​

!without the key ....​

​

​

*،​

​

​

​

هي لديها المفتاح لكي تنقذه و لتغيير حـالتهمـا بغض النظر عن كــيف وضعــوا بــهذا الـمأزق هـي ​

مازالت تحتفظ بالمفتاح . الآن هـي تفكر ان كان يـسـتـطـيـع ان يـهـرب بـعيداَ و هذا معناه انه يمكن ​

ان يتكرها . . لـكي تـمـوت . ولـكـنـه يـريدٌ ان ينقذها بغض النظر عن حالتهما . هو سوف يمدٌ نفسه ​

بعيداَ لكي ينقذها . لكي يملكها . لكي يحضنها. ومع ذلك فهو عاجز عن تغيير اي شي عدى ظرفه​

فقط و يسمح الكثير وللأسف لن تــكـون كــافـيـة . لـيـسـت كـافية لكي يجعلها أن تثق به و ليست ​

كافية للوصول اليه هو يسـتـطـيـع ان يكسر سلاسله اذا استطاع . ولكن بكل بساطة لا يستطيع . ​

و بالرغم من ذلك هي الوحـيـدة الـتـي تـمـوت . هـي الـتـي لـديـها كل القوة هي تستطيع ان تنقذ ​

كليهما . ولكنها ستموت قبل ان تثق به و في النهاية هو سوف يموت بدون المفتاح . . . ​

​

'​

​

​

 

[خَوْد]

لغز اليوم . بتقدروا تحلوه ؟





​

 

[خَوْد]

جرحتني جرح مو مثل الجروح .. يجوز يشفى الجرح بس الاثر مايروح
ازرعوا مكان الجرح ورد لا تزيدوا الجروح .

​

 

[خَوْد]

ANIMETOOON | MEGA | MEDIAFIRE




​

 

[خَوْد]

بتعرفوا هالاحساس الي انت مابتعرف اذا انت فرحان ولا متضايق ؟ بدك تفرح لانك مو متضايق او مافي شي
يضايقك بس بتحس انك زعلان و متضايق و مابتعرف من شو ! او بتعرف بس و بتحكي لا انا
مو هيك مشان اليوم يكون حلو ّ! اي اي بتضحك ع حالك انك منيح و انك فرحان و عم تحاول انك تندمج مع المحيط
الي حولك مشان ما تبين انك [وحيد فقير مثير للشقفة] بتعيش حياة مو حياتك بس مشان تورجي للناس انك انت
قوي ! انا قوية لاني عم عيش حياة مو حياتي . قوية لاني عم بتصنع كتير اشياء مشان اعجب الي حولي ! كتير قوية
لاني لما كون محتاجة شخص يسمعني ما بلاقي الا نفسي ! اي هي هية القوة لما روح من طريق انا مابحبو !

اي انا فرحانة و مو فرحانة احساس متلخبط و مابتعرف الجواب عن هالسؤال مع انو سؤال سخيف لما حدا يسألك
ياه ؟ هل انت سعيد ؟ لو جابولي معادلة رياضيات اسهل من هالسؤال لاني بكل بساطة مابعرف ! حتى لو كنت
عنجد عنجد فرحانة حتى بهل اللحظة مارح اعرف لو انا عنجد فرحانة ولا كلو وهمصرت شوف السعادة مجرد
لحظة يوم عن يوم صرت انتبه ع هل شي و عد الثواني لما تمر و انا عم اضحك اديشها سريعة !!! لك اييه انا ماني
نفسية ولا عم ثير شفقتكم على ! انا مجرد انسانة و عندي مشاعر و احاسيس محتاجة محتاجة احكي و محتاجة
عيش ! ماتوقعت بيوم من الايام اني ادخل النت و ابحث عن معنى السعادة لاني من زمان ما حسيت فيها خاصتاَ
بعد ما انتقلت لهون و انا دائما عم بتصنع او بكون انا مو انا و اني عايشة حياة مو حياتي ابداَ . تعبت من هالشي !

بعد ما انتقلت لهون صرت شوف كل المواضيع من منظور مختلف كأنو الحياة مسكتني و طلعتني برا الدائرة
الي كنت فيها ! ياااااه . . . ! اديش كنت غبية ! و ما كنت افهم شي ابدا . . ماكنت افهم شو يعني انو الناس محطات
و انو كل شخص رح يدخل حياتك رح يطلع منها ك عابر سبيل .. و كنت اتمسك بالكل كأنو لو راح رح موت و بكل
علاقة من علاقاتي . . مابعرف الجية لهون فتحت مخي ع كتير اشياء . . و بنفس الوقت ياريت لو ما فتحت مخي لاني
[مرات الجهل في بعض الامور راحة . .

بدكن تعرفوا و تحسووا بالكلام الي انا عم احكيه ؟ اقرأوا هالكلام لاني جد مابعرف وصل الي ببالي للقدامي :

كلما ما ارتفع وعيك اثرت العزلة , العزلة التي تأخذك الى ذاتك, حالة التبصر لا تحدث الا في اوقات الخلوة
هل تريد ان تبصر مافي داخلك ؟ اختلي بنفسك واسترخي . . العقل في حالة الاسترخاء " الفا " يلفظ الافكار
النورانية , بداخلك كنز من الافكار الملهمة , اقطع التذكرة و تجول في رحلة شيقة بروحك .

هاد الكلام بالضبط الي عم حاول وصلكم ياه ! اني ع اد ما كنت لحالي هالفترة . هالسنة اول سنة بنعزل عن العالم
الخارجي بهل الطريقة ! لا اصدقاء ونفسية تعبانةعم حاول بين للكل اني فرحانةع الاقل اذا قدرت اضحك ع العالم
الخارجي بقدر اضحك ع حالي ! و هاد كل الي حكيتو و الله العظيم بيستهلك طاقة! لدرجة اني صرت اتحسس من
كل شي لما اطلع وكل شي ينرفزني لاني تعودت كون لحالي بالبيت و على اللاب او الموبايل المهم مع نفسي مو مع
حدا او بمكان فيه زحمة ! ف هالعزلة الي وصلتلها سوت ترتيب لكل افكاري. عطتني سبب لكل شي فاشل و قاسي و
محزن مريت فيه !

لحد اليوم و انا عم دور على ذاتي ! من يوم ما انولدت و انا مضيعة حالي ! مابعرف كأني الله كتب علي هالطريق
المعتر و المحزن و الكئييييب ! لحد اليوم و انا مابعرف انا مين و انا شو ! و ما بعرف شو بدي ! وليش اني عايشة ؟
و مابعرف شو الي بفرحني وشو الي بزعلني ! ممكن بلحظة كل شي بفرحني و بلحظة كل شي بزعلني !

مابخبي عليكن اني مليت من حياتي و كتير مرات بتخيل حالي لو اني انا هيك شو ممكن يصير ؟
لو بشتغل ع حالي او ممكن يصير ؟
و ضليت ع هالطريق سنة شو ممكن يصير ؟[هالوقت كلو عم حط احتمالات لاني اجيت لهون ع اساس
بلش صفحة جديدة و حاسة الماضي عم يسحبني سحب لورا ! انا كتير متدايئة و فرحانة بنفس الوقت []الاولى صحيحة
و التانية
عم اضحك ع حالي فيها
بلكي علَ و عسى عنجد انضحك فيها و صدقها متل ما كنت صدق كتير خرافات من قبل و اولهم مسمى
الصداقة و الحٌب .

كنترول ممكن تنزل اغنية حزينة تواسيني ..

2:14 هاد هو الحزن الي جواتي كأنو عم يصرخ و يحكي ماتعبتي مني ؟ و احكيلو انا انت و انت انا

كل الكلام الذي انكتب هنا عار عن الصحة . احاول ان اجرب احساس الضعف ولكنه لم و لن ينل مني بعد



​

 

[خَوْد]

اليوم الجو كتير حلو بخلي الواحد وهو متضايق يبتسم الهوا بارد و في شمس الجو دافي و بارد
بنفس الوقت و صوت الشجر والاحلى من هيك اليوم عطلة كمان .





اليوم حابة احكي عن قصة نكي هو مأخوذ من ماركة فرنسية كنت كتير حب ستايل لبسهم ولحد هلأ و
اكيد الاغلب بيعرفها و ماسجلت بهل النك مشان تنادوني بيبي < فهمتوها و هو اصلا مو بيبي
بينلفظ بيه بيه < كيفكن فيا و المفروض تنحط شخطة فوق ال e بس مابحب النكات المزخرفة
مشان بعدين لما ادخل ع المنتدى ادخل بالكتابة العادية يعني بشكل عام ما بطيق الزخرفة الا اذا
كانت بالكيبورد نفسو و بشكل عام حتى زخرفة الكيبورد ببعد عنها < شايفين اديش خلقي ضيق
المهم انا كتير بحب النكات المأخودة من الماركات بحسها فخممة متل ديور و تشانيل فيرزاتشي روليكس
وكتير نكات بحسها عنجد فخمة بس نك بيبي كان غريب وماشفتو ولا بأي منتدى مع انها ماركة منتشرة
بشكل و خاصتاَ بالخليج .


و شو قصة نكاتكم وليش اخترتوها ؟

​

 

[خَوْد]

عم بحضر مسلسل مصري الله وكيلكم اني انا و المسلسلات العربية مو اصحاب ابدااا بحسها يا نكدية او سخيفة
بس هالمسلسل رهيييب من اول حلقة لآخرها و انتوا ما بتوقفوا ضحك يخربيتو شو حلو بطل المسلسل عادل امام
و اكيد مافي مسلسل او فلم بيدخلو الا و بيبدع فيه بس هالمسلسل عنجد عنجد غير يمكن حضرتو شي 3 مرات و هلأ
هي الرابعة اسم المسلسل العراف هو قديم بس بجنننن و فكرة المسلسل و قصتو عنجد غريبة و حلوة حتى
اخر حلقة مستحيل تخطر ببالكم شو ممكن يصير يعني حتى خااارج السناريو تماما



تاني مسلسل بنصحكم تشوفوا اسمو ضبوا الشناتي هو مسلسل سوري عنجد حلو و اخد طابع كوميدي و حزين
بنفس الوقت يعني بيعرض احداث السورية بشكل كوميدي بس على اد ماهو كوميدي بحزن مابعرف هيك داخل
ببعضو كتير حلو و بسيط بنفس الوقت و بحس فيه حنية و دفا مع انو العيلة الي بالمسلسل مو عيلتي بس
على اد ما بتحسوا المسلسل قريب من قلبكم و ممثلينو .

هدول المسلسلين الوحيدين الي منضل منعيدهم بالبيت لانو هدول التوب من قائمة افضل المسلسلات .


​