[ Little Free Soul ] (1 زائر)

[Gaster]

​

مجددًا أصحى مِن النوم بنِية إني اتحلطَم على شِيء واليُوم هو أن تم تحوِيل موعد علاجي لمُستشفى وتأخر الوَضع أسبوع
والأمس تم رَفض المستشفى الي بيحولوني عليه لأن الجِهاز الي أحتَاجه مو عندهم وبيتم تحويله لمُستشفى ثاني
لكن سبحان الله قمت مِن النوم وتم قبول التحويل فِي مستشفى ثاني وبعدها بساعات قليلة أرسلو الموعد وبيكون فِي أقل مِن شهر
مو موعد قريب جدًا لكن الحمدلله قريب كِفاية
[ قبل امس هالكلام بس كنت أنتظر الطقم يستوي وانزل التدوينة ]

×××××××××××

قررت أخلي كل صفحة بعنوان مختلف بدون سبب بس كذا حلو تجديد وان كل صفحة لونها مختلف واسمها مختلف بعد
شكرًا لـ @Ocean على الطقم الرهيب يجنن ما شاء الله عليها اجمل مما تخيلته

×××××××××××

المرض الي متشخصة فيه مؤخرًا الخبيث بالجلد ؛ اول ما ابحث عن اسمه المفّصل عشان اشوف ايش صاير وايش المفروض اسوي احين
اول شِي يطلع لي انه نادر could be a good thing to be rare but not IN THIS CASE
الخبر الجيد ان المرحلة بالبداية ف الحمدلله مو شايلة هم اعرف الي من حولي شايفيني ان خايفة وقلقة
which is correct too بس ما ابغى ابين هالشِي بقوة .. قد مرّيت بهالموقف من قبل وما ابغاه يتكرر ما ابغى اشوف الي من حولي قلقين وخايفين عليّ من كل شي
طالما الله سبحانه وتعالى موجود واحنا تحت رحمته ما فيه شِي مستحيل
زي ما قلت بعد ؛ علاجي بيبدأ قريب ان شاء الله وبإذن الله الجلسات ما تكون واجد ومُهلكة
خبر حلو ثاني بالموضوع ان حاليًا العلاج المُقرر مو كيماوي فَمرتاحة من هالناحية .. جربته من قبل وعارفة العذاب حقه ..

×××××××××××

الله يهوّن على المرضى ويبرّد عليهم ؛ ربي يعين عباده المُضطهدين ويعين المَظلومين
ايام العشر من ذي الحجة لا تنسو الدعاء والتهليل

​

 

[Gaster]

كيف تتصرف في المواقف الصعبة ؟ هل أنت ضعيف ضد الدموع و سريع التأثر و لا تعتقد أن بإمكانك اصدار أمر قاسي حتى و إن كان يصب في مصلحة الاغلبية ؟ أم لديك شخصية قوية تنظر للأمور بموضوعية و تصدر قرارات صحيحة حتى و إن كانت قاسية على البعض ؟
أم هل لديك طرق أخرى في التعامل ؟​

أعرف نَفسِي تمامًا ان عندِي القدرة على التفكِير واني اشُوف حل فِي مثل هالمواقِف ..
تصِير بالفِعل مواقف قد شَعر راسِي تجيب الهم ؛ بس الأخت أم دميعة تبكي وهي تحاول تفكر بمخها بدل الي تسويه
فِيه فترة حتى كنت عصبية بزيادة لا يطلع مني خير ولا شَر ولا اعرف ايش الي اقوله ..
أعتقد(؟) ان هدئت من هالمرحلة وتعدّيتها
يعني غالب الظن من كِثر المواقف هذي ما تصير هدأتّني وخلتني تحت الأمر الواقع وان لازم اتكلم بشويش حتّى أوصل فكرتي ووجهة نظري بدل العصبية
* بس بكاء ذا موجود حتّى لو صوتي بس يهتّز *
انا مو ضعيفة ضد الدموع قد ما انا علطول ادمع ؛ للاسف ذا مو بصالحي بكل الحالات ..
مؤخرًا لما افكر بالاشياء الي اسويها احين وكيف كنت اسويها اول احس بالفعل تقدّمت بأن أفكر بشكل أصح وأسمع أكثر من الأطراف كلها
بعض القرارات لازم تاخذ قرار مُلتوي لا هو عشان رضا طرف أو مصلحة احد بس ان تبغى تسكّت الكل وتريح راسك
بالمختصر تهرّب احترافِي .. غير كذا هذا يزعل وهذا بيمسكها عليك لين يوم الدين
وما فيني طاقة اراضي أحد ولا أدق خبر بس ابغى اعيش مرتاحة واهرب منا ومناك
وهذي من سلبيات أنّك تكبر وتعرف مشَاكل الكبار والعايلة وان كلهم زعولين ومحد يبغى يعترف بهالشِي

​

 

[Gaster]

مَساء الخير ~~~
Ya girl بدأت العلاج الحمدلله اخيرًا تكنكلي اليوم اخذت الجلسة الثانية ..
عرفت اليوم ان الجّلسات بتكون أقل شِي 3 أشهر .. مو متفاجئة خصوصًا ان تقريبًا أول شهر بيكون بس نرفع كمّية الجرعات لين اوصَل لحد أن ما اتحمّله
للاسف ان ذي الطريقة الوحيدة .. نوصل للحد لأخر شِي لين تبدأ الأعراض الجانبية بعدها نوقل على كمّية الجرعة وقتها
والثلاث اشهر ذِي بتكون أقل فترة لأن يبدأ يبين فعالية العلاج
الحمدلله على كل حال ؛ المفترض احين ارتَاح .. بس معرف التعب ذا من النوم ونظام الحياة السيء الي قاعدة اعيشه unintentially
ولا منجد الجلسات مُتعبة .. ما اعرف لين كم المفروض يوصل وقت الجلسة .. المفترض هالسُؤال اسأله الأخصائِية ..
هو على كل حال 3 مَرات بالأسبوع فبشوفها قريب مرة ثانية وأسأل اذا ما نَسيت

~~~~

بس هِي أمس ختَمنا السنة وتعشّينا بالبحرين
انصدمت ان مطعَم شعبي وكل شِي فيه يبين ان تقليِيدي ومشاوي وأشياء هالشَكل بس انهم يقدمون كَل شِي تقريبًا
ما جا ببالي ابدًا ان بيكون فِيه نودلز وسوشِي وأطباق آسيويا ابدًا
غير أن أسعارهم حلوة مرة .. والطعم بعد عجيب حتّى حسيته احسن من بعض المطاعم الي تخصصها آسيوي اساسًا

- أموت ببطأ لأن ما فيه فوتوشوب والنت سيء ما فيه مجال احمل واحد مرة ثانية -

أراكم مجددًا قريبًا (؟)

​

 

[Gaster]

مساء الخير مجددًا ، كنت أتمنى ارجع واشوف فعاليات المدونات حق ذا الشهر .. عندي طاقة اكتب بس ما فيه شي معين في بالي
نفس اسوي أشياء كثير بس مافيه وقت وما فيه قوة
حتّ هنا ادخل اشوف واطلع أراضي نفسي ان دخلت يعني..اسمي موجود I guess ..
مُتعب نفسيًا اكثر ان تبغى تسوي الأشياء الي تبغاها وهي قدامك
Im not completely in the place to say that..
كل يوم تقريبًا اروح عند اهلي وآخذ معي أشياء احاول اقضي وقتي أسويها وأغير جو بس ما فيه
استمرّ احاول ..

~~~~~


اليوم أكملت اول أسبوع علاج .. الوقت النهائي لذا الأسبوع 35 ثانية ؛ برضو نسيت اسأل كم اخر شي ممكن
الثلاث مرّات الي دخلت فيها دايمًا الممرضة مشغولة ويالله ادخل اخلص واطلع ..
المفترض ذا شي ما اهتمّ فيه هالفترة بس ما فيه مقهى قريب بين المستشفى والشقة غير $تاربك$ المستشفى للأسف
ومشتهية قهوة من برا يعني ما فيه الا بعدين مدري من وين احصل وقت ونطلع ناخذ

~~~~~

على ذكر القهوة .. نفسي آجرب اسوي Cereal Latte .. أحسه يشهي كذا للفطور
حتى جبت اكثر من نوع سيريالز حتى أجرب واشوف ايّهم افضل الجزء الحزين ان آلتي القهوة بعدها خربانة فبضظر أسويها بقهوة فورية
الجانب المشرق من الأشياء الخربانة الي عندي الفوتوشوب صلّحته وبس انتظر يجي وقت أصمم وانزل شي أو اثنين ~~

That’s it for today I guess ~~ اراكم لاحقًا

​

 

[Gaster]

Everyone is going forward, doing big stuff and going to higher places and having bigger names but you? You still there, the same spot you are having .. maybe you are doing worse sometimes but never better than how you are always doing
Trying to change never made the difference to be better
Is it the little mistakes that I can’t fix ?
Or is it just me, probably that’s my limit, I’m just hitting the ceiling over and over , yeah that’s why.. make sense why my head always hurt at least
Can’t fly or jump any further,, that’s how it works I guess .. can’t get out of the box

… just venting

​

 

[Gaster]

الطيور الي عندي هُم الأحفاد الي ما توقّعت امي اني اجيبهم
قبل تسع أشهر جبنا زوجين زيبرا ؛ طيور كيوت صغيرووننههه بس ما استمتعت معاهم واجد للأسف ..
ما كانو أليفين مع البشر فما كنت أقدر أطلعهم والعب معاهم فَ فِي النهاية بعد 6 أشر تقريبًا من وجودهم عندنا اعطيناهم شخص عنده طيور واجد اقلها يستانسو مع طيور ثانية

بنفس الفترة قبل 6 أشهر جبنا بيبي فيشر لطييففف لطيففف نوعيتها ألبينو يعني ابيض وعيونه حمراء
دايمًا اخاف عليه ان ما يشوف صح لأن تعرفون الحيوانات الألبينو وحتّى البشر الي معهم هالشِي ما يشوفون صح وممكن يجون فيهم عما اصلًا
وكبر معي ولو ان ما عرفت أخليه اليف صح بس هيه اهم شِي لطيف ويلعب وياي
أمس جبنا طير ثاني .. فيشر ثاني أصغر منه عمرًا لكن بالحجم أكبر وكان هالشِي يضحك شوي
بعدين ببحث عن صور لهم كلهم وانزلها .. طبعًا حاليًا ما كملوا مع بعض 24 ساعة واقدر اقول أن الألبينو هو المتوحش ويبغى السيطرة
اتمنّى مع الوقت يتعودون على بعض ولا بنضطر نفرقهم ..
اكتشفت من بعد الفيشر ان احب الطيور ؛ أقلها ما أخاف منهم مثل ما كنت أتوقع وحلوة تربيتهم

​

 

[Gaster]

تحديث لسالفتي مع القهوة [ #12 ]

أول حاجة بصيح لأن آلتي الإسبريسو اختربت وللحين ما تصلّحت ولا اشتريت جديدة ( Cries in Sabrina's Espresso )
فقاعدة احين اي قهوة اشربها استخدم قهوة باجة قولد مثل هذي [ هنا ]
واصبّر حالي لين اعدل الي عندي أو اخذ غيرها وابكي على حظّي

أما المتاجر الي تكلمت عنها وقلت بجرّبها فما جرّبت الا ترايسكل
لاحظت أن قهوتهم خفييييففةة مو من ناحية انها غسال بس خفيفة سلسلة وحلوة مرة اعجبتني
اقدر أقترحها على أي احد يبغى يبدأ يشرب قهوة بس مو متعود عليها وحسيت أسعارهم مناسبة للطعم كذلك
وما اكتفيت فِيهم الفترة الأخيرة ؛ اشتريت بعد بوكس من بريهانت
كان عليه عرض وقتها وكنت فِي أزمة قهوة وعندي فضول شديد ليش الكل اذا يقولو ان فيه قهوة سيئة فأول إسم اشوفه بريهانت
حسيت فيه تنوع بطعم القهوة ؛ أفضل من ترايسكل فِي بعض المحاصيل
فيه حامض / مر / خفيف .. كل شِي موجود استانست على الخفيف أكثر لأن اشربه مع امي
الحامضة احاول اشربها مع حلى حتّى أوازن الطعم
بس للحين ما خلصت ما شاء الله بقت فترة طويلة معي وأظن باقي عندي محصول ما انفتح للحين
مخليّة عندي 2 بالشقة و 2 فَ بيت اهلي حتّى ما اشتاق للقهوة وتتوفر عندي بكل مكان

~~~~

احين بتكلم عن شِي ثاني وهو الماتشا
يمكن اسوي موضوع عنها لكن المهم احين .. لما صارت هبة الماتشا استانسسستتت
الماتشا الي من زمان ابغى اشربها وصلت عندنا وبتستمر بأنها متوفرة لأن صارت هبة وناس واجد بتعجبها وبتبقى متاجر تبيعها
لكن ما عمري اشتريت من متاجر التيك / الإنستا ماتشا للحين
جرّبت نوعين بس .. جرعة يابانية [ هنا ] بس انا الي جربتها هي الدرجة الاحتفالية .. خفت اخذ الدرجة الي احسن شِي وما تعجبني أبدًا واندم
* بس كنت شاربة ماتشا قبلها اكثر من مرة من كافيهات فعارفة ان بتعجبني اصلًا *
وفيه حقات كاغورا هذول [ هنا ] و [ هنا ] ؛؛ للأسف ما اعرف ايش المشكلة لكن فيهم اثنينهم ريحة زفرة
الأورقانك > العادية بس ممكن أعيد أشتري العادية مرة ثانية لو كان تاريخ الانتاج جديد.
ابغى اعطيها فرصة ثانية خصوصًا ان اشوف ناس واجد عاجبتهم فمو معقولة ان الكل عاجبته ويروج عنها وطعمها وريحتها فيها زففررة
طبعًا البراندين فيهم نسخ احتفالية فاخرة وهي احسن شِي بس ما اظن بجربهم او اشتريهم لأن السعر >>>>>> ما يستاهل
متاجر التيك / الانستا دايمًا اضيفهم عساس بطلب من عندهم بس مدري متى..
خصوصًا ان احاول اشتري نوعية حلوة وبنفس الوقت ابغى متجر يبيع الباكج والأشياء الي مع الماتشا تكون حلوة وسعر حلو
افضل اسويهم دايمًا عندي؛ لكن فِيه نكهات اشتهيها وما اقدر اسويها اذا السيرب مو متوفر او الادوات ما تكفي او بس مشتهية من برا ف هنا لا خلنا نطلع


وبس ذِي حلطمتي وسوالفي عن القهوة والماتشا

​

 

[Gaster]

I feel so much under the weather.. doesnt't feel good to be honest.
?sometimes thinking about a certain person, a friend perhaps.. if we can call her that
well, it always felt awkward to be together again.. after all that happened
not that we haven't spoke in years but the way we were speaking before we went in silent
? doesn't she feel the same? isn't awkard as hell for hell too
don't get me wrong it's nice to talk again, to know that you are doing well
? but .. don't you remember what we were talking about? the things we said to each other.. the feelings we had
kind weird to me if you think about it ..
Maybe that's the problem, that's i'm still thinking about this .. it might not be relevent at all now

-------


feels so lazy now, didn't watch 3 anime back to back to back like this in a while
and i'm supposed to be doing stuff now instead;;

-------


قبل أسبوع كنت متحمسة ان بالعلاج وصلت حوالي الدقيقة ؛ سألت الاخصائِية الي اشوفها كل يوم كم وصلنا من باب ان اتأكد من عدّي
بس طلعت اعد من بداية الجلسة كامل وطريقتي بالحساب غلط ؛ أفكر أني وصلت +60 ثانية بَس قالت ان اليوم بالتحديد وصلت حوَالي 31.5 ثواني
والمُفترض أن العلاج يتضّبط جرعة مناسبة وأوصل بالتدريج لين 20 دقيقة ..
مَع أن وصلت احين فوق الشَهر ؛؛ ورانا مشوّار طويل

​

 

[Gaster]

تجيكم أحلام بأشخاص من زمان ما تكلمتو معاهم ولا تعرفون أخبارهم ابدًا؟
إنسانة معرفتي فيها من كنت فِي متوسط ؛ قبل أكثر من 10 سنين أحين ؛ استمرت مَعرفتنا لمدة 5 سنوات
مو مستمرة لأن ما كنا نتكلم كل سنة عادي تجي فترة طويلة قاطعين بعض ؛ ومو بالطريقة الي ما أتكلم لهالشَخص وممكن أكلمه بأي وقت ونبقى حبايب بأي وقت بأي شَكل
كَنت غبية ومتعلقة فِيها واجد وأزعل وأغار أني مو أقرب وحدة لها مع أن تقريبًا اهتماماتنا متشابهة لدرجة كبيرة بس ما كنت عندها بنفس الاهمية او على الأقل ذَا الي كنت أشوفه
أعتقد اني صارحتها خلال الخمس سنوات أكثر من مرة أن ليش ما احنا قريبين من بعض مثل ما هي وفلانة قريبَات لبعض
للحين أفكر فِي هالشِي وبس أراضِي نفسي ان انا كنت غبية و/أو كَانت هِي مو من النَوع الي تعرف تَعبر عن كيف تفَضلني او عندها عزة لي lol
بالرغم من أن مَا كانت ما تعرف تعبر بَهالشَكل لصاحباتها الثَانيات ..

لَما كنت بثاني ثانوي غبت 50% مِن السنة الدراسية عشان ظروفي الصحية زبالة
والفَترة الي كنت مسوية فِيها عملية كنت متمنية أرجع وأشوف ردة فعل حلوة منها أو حرفيًا من أي احد
اتذكر للحين كَان يوم الي يغيبون فِيه غالبًا الطالبات عشان يمديهم يذاكرون لأختبارات القدرات .. أنا قلت بداوم لأن ما فيه بنات كثير واقدر استانس بالمدرسة دون احد وصاحبتي معي وبلا بلا بلا
بس ما لقيت ردة الفعل الي كنت منتظرتها ولا ذرة بعد ..
it hurts .. بس شسوي غبية لول
عشان ما أظلم احد ؛ مُعلماتي أول وثَاني ثانوي اتفقو وسووا لي تكريم وقتها وبالرغم من أن نقلت من المدرسة على آخر سنة الا ان دَعوني على حفل التخرج ونفس الشِي سووا لي فقرة المعلمات تكلمّوا عني ومستحيل انسى هالشِي منهم

على كل خال ؛؛ البنت رجعت تكلمت معها آخر مرة لقيت تويتر حقها أكثر مِن مرة لأن كَانت تسجّل بالأرقام الي عندها وتطلع لِي أن فلان استخدم رقم عندي وسجّل فِيه
بالبداية السوالف كانت اوكي وتمام وبعدها تحوّلت لانزعاج وحلطمة .. وقتها كانت سنة التحضيري
الجامعة الي انقبلت فيها حكومية ولما اكمّل احصل بكالريوس .. هِي انقبلت بكليّة تقنية حكومية بعد بس شهادتها دبلوم
الحلو بذي الجامعة ان الي يتخرجون يقدرون يتوظفون فِيها .. حتّى كليتنا نفس الشِي يعني بس المعروف بذِي الكلية الي يتخرجون يبقون فيها ya know what i mean
على كل حَال كانت تذم تذم تذم تذم فِي الجامعة الي انقبلت فِيها وكيف البنات الي يدرسون فِيها ثقيلين دم / شايفين حالهم / بلا بلا بلا
البنت مجتهدة بس أعرف من اول ان درجاتها ما تكفّي لجامعتي .. انا نفسي انقبلت بالدفعة الاضافية ودرجاتي زفت
كليتها تقبل أي احد وذا شِي حلو ؛ لكنهم شديدين " على كلامها " ان الي تنزل درجاته عن نسبة معينة ينطرد which make sense
كنت أحاول اتكلم معاها بشكل لطيف وان ابغى نرجع بس ما كانت تبغى او شِي كذا .. لأنها " تغيرت " وما هي نفسها الآدمية الي كنت اعرفها
ما كان عندي مشكلة ..

على كل حال ؛ ما اشوفها احين الا بالأحلام كل فترة تجي .. كل مرة أشوفها تزورني واذا ما شفتها بالحلم أتذكرها بالواقع مِن أي شِي حرفيًا هي تحبه وأشوفه قدامي
أشيَاء كثير ما احبها احين لأن أتذكرها منّ هالأشيَاء .. مُزعج أن كنّا نتشارك أشياء كثير نحبها بس أحين عفتها من هالشِي

بكبر وأموت وللحين ما أعرف إيش كَان الغلط ..

شكرًا لقراءتكم فضفضة الساعة 12 الليل

​

 

[Gaster]

As warm as it feels; as nice as it sounds.
This will never be a safe space
You can’t say it
You can’t shout in pain
You can try you see; you can mourn and clap
But you can’t say what made you broken down ​