الْجَمَالُ نُصِيبُ الْمُتَأَمِّلَيْنِ - مُدَوَّنَة سويزِنْ - (1 زائر)

[S U I S E N]

If it's a nightmare like this
I w o n 't w a k e u p f o r e v e r
(Suga part (eight by IU#

ومرحبا مرة ثانية ان شاء تكون بصحة وهنا يا رب
وسويت طقم جديد بمناسبة الصفحة اليديدة يعني احتمالات آكبر اني اتفلسف عليكم
وهم غيرت اسم المدونة مليت من الاسم القديم قلت خ نجدد باسم يديد واخترت ها
الجمال نصيب المتأملين || Beauty is the Fortune of Meditators
وطبعا خليت الطقم بشوية فلتر بينكش دامني أحب الوردي أساسسا
حطيت خطوات التصميم هينا اذا بغيتو الفلتر لي استخدمته لو أحد الأدوات خبروني أرفعه ليكم
حاليا متعاجزة أرفعهم وأسير أدور الأدوات

اي بعد سويت تأثير ثاني بدون الوردي بغيت اشوف الفرق بيطلع أحلى لو لا بس مدري
ستيل محتارة هنا:\

*******

هالفترة يالسة أتبع دايت اللو-كارب ويا أختي لأسباب صحية !
تقريبا ممتنعة عن كل شي حتى مكرونة ونودلز مقاومتهم اكثر شي بالحياة
الباقي م عندي مشكلة ف الامتناع صراحة حتى التشوكليت والآيسكريمات مو اشتهيهم سو متش
اللي يزيد من وزني هو المكرونة ونمط أكلي الغير صحي نفس
القعدة الطويلة بدون حركة --> صرت أعوض بالرياضة وغالبا اسوي تمارين هيت لمددة نص ساعة
بس مو كل يوم يعني كل 3 أيام تقريبا اسوي واذا ضرب ف مزاجي أسوي مقاومة اسويها
هو من قبل أسوي رياضة يعني مو الحين بس بدأت تقريبا من 6 شهور من بداية الحجر!
وهم بعد ماشرب ماي كثير مستوى شربي للماي تقريبا 800 مل باليوم! وهو المفروض ع الأقل لترين
بس ف حالتي 3 لتر وهالشي مسبب لي جفاف داخلي
بس الحمدلله صرت اشرب لتر وشي يعني جالسة اتعدل احط لي منبه بالفون من برنامج Water drink reminder
بس أحط بيه كمية الماي لي ابي اشربها خلال اليوم وموعد نومي ووقت قومي بخصوص انو الأخير
ملخبط ف تضيع الخطة نوعا ما بس أحاول التزم بهالشي
وأخيرا انو نظام أكلي غلط ف غلط اجلس فترات طويلة بدون اكل بعدين سربرايس
أفاجئ معدتي الصغيرة بكمية غير متوقعة ف وقت غير متوقع ! او انو أكل شي بسيط جداً خلال اليوم!
علشان كذا قررت انو التزم باللو كارب الفطور بس اشرب شاي مو ممنوع الحمدلله
والمفروض وجبة جانبية نفس بانكيك الشوفان والموز ترى مرة لذييذ بس انا ماحب اكل هالأشياء صباح!
أفضل بس اشرب شاي علشان اصحصح أما وقت الغدا أخذ سلطة ومصدر بروتين سمك دجاج لو لحم
بس أفضل الدجاج المشوي صراحة! والعشا نادر اتعشى بس غالبا آخذ كورنفلكس والسناكس
عبارة عن 5 تمرات او فاكهتين على مدار اليوم افضل البرتقال شخصيا أو عصير فراولة وموز
وبس والله والحمدلله أحس بانتعاش داخلي من هالحركة تقريبا اليوم هو 6 يعني باقي لي 4 أيام
وأقدر آخذ يوم فريييي وآخذ بيه مكرونة ونوودلز وأتلذذ بيهم بشكل هءءء متحمسة

 

[S U I S E N]

..
مدري بس اجا ببالي احط بعضا من المواقف التحشيشية لي صارت لي بهالتدوينة
مع انو كنت مخططة احط خطوات عناية بالشعر وذا بس يلا التدوينة الجاية
بتفلسف عليكم بهالخصوص
اول موقف بحكيه صار لي مدري متى يمكن قبل كم سنة ٤ سنوات او ٥
طيب الله يسلمكم كنت نازلة السوق انا واختي العودة هو سوق شعبي ووايد فيه
اشياءات حلوة ماتذكر بالضبط شنو كانت وجهتنا بس اتذكر هالحدث السخيف
بشكل خاص ! طبعا كنت قبل سنوات عندي ازمة بالمشي المتوازن مدري
ليش امشي وانا سرحانة لو ماشوف عدل ?????
طيب كان في بالارض هالشي العمود الطويل تقريبا طول ذراع لان كان
يوصل لفوق ركبتي لا تسالوني كيف بس انا تعثرت بيه بوسط الشارع ??
ولا بعد شاللي يفشل بالسالفة اكثر ان المكان مليان حرفيا وقتها يا أرض
انشقي وابلعيني بس انا واختي كملنا مشي مترين واحنا نضحك صامت
وصوت مع بعض ???
طبعا حسبي الله ونعم الوكيل اغلب المواقف لي تفشل مع اختي
بس في موقف مشابه للي فوق كنت اتريا باص المدرسة برى ومخلية
الشنطة بالارض عند السدرة الكبيرة اوكي وامشي وانا عندي عادة انو اول شي
البس الشوز كانه نعال لحد ماطلع المهم في الشارع المقابل في سكن شباب
وعاد هناك ترى العجايب شفت كل شي منهم
اللي يطلع وينظف اسنانه ويبخر السيارة واللي يطلع ويرجع عالسيارة روح ردة المهم
في واحد كان موقف سيارته بنفس المكان لي عادة امشي فيه بس ع الشارع
انا غالبا اكون داخل يعني مو ع الشارع المهم هو يبطل باب السيارة
اتعثر لان رجلي دخلت داخل حزام الشنطة
وتخيلو عاد بقية القضة الى اين رحل شوزي الجميل.. البقية متروك لخياالكم العذب ???
...
القصة الثانية حصلت بالمركز الصحي.. جاتني فترة طلعت لي حساسية بايدي
وتحديدا بعد م اكلت مكرونة انا طبختها مكرونة بالزنجر والخضار والجبن ?⁦♥⁩
بس هي مو من المكرونة مدري من ايش اتوقع الحرارة كون انو المطبخ
نوعا ما صغير ويجمع حرارة فـ انتظرت كذا يومين و م راح مني!!
ف رحت للمركز مع اختي العودة ف من نادوا على اسمي ودخلت
كالعادة سلمت عادي والدكتورة مدت ايدها وانا سلمت عليها ????
م هنا المشكلة المشكلة انو هي كانت تريد الستيكر لي عندي م تبي تسلم
واختي صاحت وصار وجهها احمر من الضحك ????
الله لا يخليكم بنفس الموقف... كان موقف يضحك لدرجة اني م تفشلت ابداا من
كثر الضحك بس الدكتورة مسكينة كانت طيبة بس ابتسمت وم ضحكت ولليوم اختي
تنشر قصتي بين الناس لي تصادقهم غير القصص الاخرى لتفشيلاتي ???
...
الموقف الرابع متى صار يا ربيي مدري والله متى بس هالمرة صار ويا اخوي
لي اصغر مني بسنتين... وتحديدا بيوم ميلادي ??
مدري شكان الموقف بس كان اهو طالع ويا ابوي وشابك فونه ع البلوتوث
وانا مادري ببالله خلاني ف موقف لا احسد عليه حرفيا
هو كان يتصل بيني واتس وذيك الفترة كنت اخلي تلفوني صامت عادة !
فمانتبهت وقلت سوري وهو قال سوري ولا لبنان ??
وصراحة كان جوي مولع ف جلست استهبل عايه وسجلت فويس له
واخترعت ضحكة لم يضحكها احد من قبل وطبعا
هو شغلها وابوي سمع ضحكتي السخيفة
ونعم يا سادة الموضوع يفشل لفل ماكس لدرجة ان وجهي علق ع فيس الابتسامة ?? مكس هالتعبيرين مع بعض ???????
وطبعا كيف عرفت اخوي قال ابوي سمع وضحك عليج ????
....
هممم طيب اخر وحدة ذي صارت لي بالكلية كنت جالسة بالملعب انا وصديقاتي نلعب كورة على غفلة استغلينا فرصة كون الملعب مفتوح وفي كورة طبعا احنا الذكيات
رحنا نلعب وكان في مطر ع العشب ولما سجلت هدف
تزحلقت بطريقة خرندعية كان اسوي سلايت لا احسد عليها ???? وكان يفشل كل البنات لي هناك ضحكوا حرفيا وصارت عباتي كلها ماي ? بس عادي نشفت بالنهاية ?

نهاية القصص في كثييير مواقف تضحك صارت لي بس ماتذكرها كلها مع الاسف تريدو بارت تو ولا اكنسل الفكرة ?

 

[S U I S E N]

​

انيونغ مودو 안녕 모두 ??
كيفكوووم شخباركم عساكم بخير وصحة وهنا
طيب واخيرا بهالتدوينة راح اقول بعض من خطوات العناية لي اسويها
واستفيد منها مرررة ??
بخصوص الشعر انا شعري دهني سو لازم اغسله ع الاقل ٣ مرات بالسبوع
سو انا اغسله كل يومين الروتين لي اتبعه هو خليط زيوت احطها ع شعري
ساعة ساعتين قبل بعدها اغسله عادي بس الخليط مررة حلو واحيانا اسوي مقشر
م ينعمل غير مرة كل اسبوعين يعني مرتين بالشهر!
بالنسبة حق مكونات خليط الزيت [ زيت الخروع، زيت السمسم، زيت شجرة الشاي]
والنتيجة مررة حلوةةة ?⁦♥⁩⁦♥⁩ انصحكم بيها وفوايدهم بعد حلوة خصوصاً الاخير مررة حلوو
مكونات المقشر ←
[ ملعقة شامبو -اي شامبو تستخدمونه-، ملعقة زيت افوكادو لو جوز الهند، ملعقتين سكر،
ملعقتين قهوة تركية، ملعقة بيكربونات الصوديوم، ملعقة خل ]
المكونات اخلطوها كلها قبل لا تغسلون شعركم المرة الثانية! واهم شي اخر مكون تظيفونه
هو الخل علشان يسوي رغوة من فوايده ينظف حييييل حلو حتى القشرة يشيلها ويسوي لمعة بالشعر
وغير كذا يحفز الشعر علشان ينمو اسرع بسب الحبيبات الصغيرة لي فيه
وبس والله اهم شي تعتمدون ينشف الشعر طبيعي لان حرارة الاستشوار تخرب الشعر
واخر شي احط سيروم ? وخلاص اي صح لي شعرها مفكوك ٢٤س تنتبه له وتربطه
لان بيخترب الشعر خصوصاً من الاطراف راح يبدي يتقصف!
قبل النوم تعودت انو اعمل ظفايرة علشان شعري م يتربط ف بعضه لان ما يخلص
امشطه كل يوم سو الظفاير تحافظ ع تعبي وقت التمشيط ???
حق العناية الثانية استخدم البلاك سوب ????اتعب وانا اقول رهيبة حرفيا
صابونتي المفضلة يجي لونها اسود ع رمادي وتنظف مرة حلووو بس عيبها انو تنشف
الجسم نوعا ما سو لازم بعد ذلك ترطيب باي طريقة يحبها قلبكم
ف بسبب كذا ماتوقع راح تفيد اصحاب البشرة الجافة !! بس افضل مرطب هو زبدة الشيا وخصوصا الخام
رهيبة مع الاستمرار تخلي البشرة قطنة نفس البيبي بس ماستخدمها لان ماحب ريحتها ???
اكتفي بمرطبات الاطفال ونيفيا ??اي بعد لو تدهنون بـ [ مسك وبودرة اطفال ومرطبكم مع بعض ]
مرة يعطي ريحة حلوة للجسم خفيفة وحلوة انا اموت ع المسك ??⁦♥⁩⁦♥⁩ عطري المفضل ?
المقشر لي استخدمه هو مقشرات القهوة غالبا وايش بعد هممم... اي والماسك استخدم طين الورد والطين الهندي
اثنيناتهم حلوييين ولطيفين ?⁦♥⁩⁦♥⁩⁦♥⁩ والثاني حلوو وينظف ويفتح البشرة بعد ينفع تسوونه باالايد والارجل
.
.
اند يو شنو هي عنايتكم اللي كثير استفدتو منها !
بنت لو ولد عادي ترى النظافة م انحصرت لجنس محدد ????

 

[S U I S E N]

هذي الأميرة من زماااان ودي أرسمهاا وهي أوسيتي القميلة
اسمها لـيزا أميرة مملكة ريزل والأخت الصغرى كمان وعندها أخ
قصتها للحين مو واضحة تماماً بس العرف المتوارث بمملكة ريزل بدل لبس التيجان هو
لبس الكرستال الخاص بالعائلة المالكة وكل شخص كرستالته تنعطى من ولادته وتكون بدون لون!
وتبدا ظهور اللون من تتكون شخصية الفرد من يكبر والفترة لي تظهر بيها اللون غالبا من سن 16
بس يختلف من حالة لأخرى.. هالأميرة بشكل مختلف للعادة ظهر لون مختلف بكرستالتها وهي وردي واحمر دموي
مكس من عمر 3 سنوات ولي يخليها متفردة من جميع أفراد عائلة المالكة على مر عصور مملكة ريزل
تمتلك ليزا علامة التحام حديد قلادة بجلدها خلف رقبتها بسبب حادثة تعرضت لها علشان كذا تبقي
شعرها طويل وغالبا تلبس ملابس ذات رقبة طويلة علشان تخفيها!
الباقي م بصرح عنه حتى اشعار اخر اي صح عندها أخت واكبر منها وأخ واحد بنفس سنها من أم ثانية

أقدم لكم بنتي الجميلة السايكوو والنفسية ليزااا ترنترنرتنااااااا -اقرعوا الطبول وانعمو بالجمال-
فاينلييي أقدر أعرضها لكم بنسختها الكاملة والجاهزة والكشييخة
استخدمت برنامجين بالرسمة الميديبانج والفوتوشوب وطلعت بهالنتيجة الرهيبة شرايكم بيها

بعد هالانجاز لزوم أكافئ نفسي بنودلز لذيذ لذيذ بسيط بسيط ق

 

[S U I S E N]

MY CRIMONOLOGY DRAMA/MOVIE LIST
JP list
ouroboros / Bitter Blood / Ataru / Tokyo DOGS / higanbana }
joker game / kurosagi / mr.brain / strawberry night saga
{ final cut / 99.9: Keiji Senmon Bengoshi / Signal / HERO / BORDER

KR list
Suspicious Partner / The Good Detective / Flower of Evil }
{ He is Psychometric / Pinocchio / Psychopath Diary

هيلو طبعا انا نفس م تدرون او م تدرون مدري والله
نوعي المفضل هو تحقيق وجريمة بتصنيف المسلسلات لي اتابعها انمي لو صدق !
وهذا احد اسبابي لي تخليني فان قوي حق كونان
قائمتي اليابانية صراحة اكبر من كذا بكثييير بس مع الاسف لستتي الاصلية ضاعت من أغلقوا
موقع MDL.info سو علشان هيك انتقلت لـ MDL.com
كلهم رهيبيبن وانصحكم فيهم حرفيا كل دراما احلى من الثانية من اوروبوروس لـ دراما بوردر
بخصوص دراما سيجنال هو في نسخة لها كورية ! شفت حاطينها مرة بتون فليكس
بس م تابعتها كون انو نفس القصة لي تابعتها بالياباني اتعبب وانا اقول حلوة الدرما
الشي لي م عجبني انو التهاية كانت مفتحة وم اشبعت فضلولي بالاحداث لي كانت بتصير لاحقاً
علشان كذا هالفترة جاتني افكار انو اتابع الكوري واشوف الفروق بينهم بالقصة خصوصاً

الدراما الأخرى هي هيرو ذي تتكلم عن القضايا لي تستلمها مكاتب الادعاء وبالأخص قضايا المدعي
العام كوريو يقتل ضحك حرفياا وبعدشخصيته حلوة واسلوبه ف حل القضايا
ع التقييم العالي لي لاقاه المسلسل عملو له جزء ثاني وراح تتغير فيه مساعدته لـ الممثلة كيتاجاوا كيكو
يعجبني تمثيلها مرررة هءء -خصوصا بدراما آكومو تشان بدعت- مثلت باسم آساجي تشيكا
وحلمها هو ان تصير مدعية عامة

كوروساجي ذي دراما قديمة بس مرررة حلوووةةةةةة من بطولة يامابي تتكلم عن نصاب ينصب ع
النصابين النقط الدراما بيها تحقيق من طرفه ومن طرف الشرطة خفيفاً!
مررة حلوة هي انصحكم تتابعونها م راح تندمون هذا المسلسل اللي اجتمعت عايلتنا ع حبه

بيتر بلود مرررة حلوووماتذكر احداثه بس اذكر من خلص بكيت شوقا ع حلقاته هم بعد اوروبوروس وتوكيو
دوجس وآتارو> الأخير أذكر منه انو البطل بيه التوحد بس دايم يساعد الشرطة بأدلة قوية
بالنسبة للستة الكورية حاليا اتابع Psychopath Diary آند Flower of Evil
الأولى حلوووة مرةةة وتضحك ع غباء البطل شوفو اهو ذكي علميا بس اجتماعيا غبي
راح يشهد ع جريمة قتل ويشوف القاتل ومن شك فيه القاتل انحاش مع مذكرات القاتل
وصارله حادث وفقد ذكرياته ويفتكر انو المذكرة له ويعيش وفقا لها مررة اصيح من غباءه وللا ذكاءه

الثانية هم حلوة الدراما توها تنعرض كل شي فيها رهيب حرفيا قاتل متسلسل يتزوج شرطة ويجيب منها
بنت كيووت وعسل والزوجة ما دارية عن كونه قاتل لان يعيش معها ع اساس انو مثالي ومررة طيب
المحقق الجيد هو اخر مسلسل ختمته حالياً مستواه حلووو بس مو ممتاز فيه لي أحلى منه

 

[S U I S E N]

هلووو مينا كيفكم من زماان م دخلت
سو بسوي تحديث رسم

سكتش سريع بالفوتوشوب اجرب الفرش وكذا اتعود ع النظام يعني

أول لوحة كاملة اسويها بالفوتوشوب واحس افتخر بتفاصيلها مررة واحسني تطورت للأفضل بالتلوين

 

[S U I S E N]

​

​

اسم الدراما : Tell Me What You Saw
النوع: غموض، اثارة، تحقيق، جريمة، غموضة
تقييمي لها: 9.5
اخراج: اي جون هيونغ​

خلونا نتكلم عن جمال هالدراما دقايق !
حرفيا من أفضل درامات الجريمة والتحقيق لي شفتها بالرغم من انو م فيها تفكير وقضايا تلحس المخ
مقارنة ببعض الدرامات !
لكن تجسيد المشاعر وكل شي من عبر وخصوصا النهاية العجيبة لي مستحيل حد يتخطاها
كيف انو بكلمة وحدة تقدر تخلق وحش كان كابت نفسه! اتعب وانا اوصف جمال الدراما
من تمثيل وقصة وكل شي حتى الآوست رهيب اسمعوه المفضلين عندي
sinner- Darin & Be colored-kim yuna
طبعا البطولة لجانغ هيوك بطل الموسم الأول من فويس وتمثيله غني عن التعريف رهيييب~
وبس والله شوفوه من درامات هالسنة 2020 م شفت احد يتكلم عنها سو لازم تشوفوه انصحكم بيها
خلصتها من الحماس ف يومين امس خلصته واليوم معي ميد بس والله م قدرت اتخطى الجمال فيها

 

[S U I S E N]

익숙하게 내려놓은 믿음
무덤덤히 쌓여가는 변명
세상 닮은 나를 조각하고
내 모든 걸 깊이 맘에 묻어두고

I’m used to laying down my hopes
Excuses indifferently stacking up
It sculpts me who resembles the world
As I deeply bury everything in my heart
​

there is a rainbow, kim min seung-​

 

[S U I S E N]

هيهيهييهي هاي نوثينج والله بس جالسة افكر اسوي نوشن ابديت وبشارككم التفاسيل

هااييي السلام عليكم ... بس اسلم ع الغبار اللي بالمدونة وجميع زوار التون
طبعا يالسة أكتب هالتدوينة وانا أسمع برودكاست أريكة #118 يونسس >> غيرت م قدرت اركز لول
المهم قرييب اكتشفت بالصدفة وقت كنت ارتب واسنع ديسكتوبي واخليه كذا حلو وكيوت
لقيت هالبرنامج الحيلو جدااا اسمه نوشن طبعا الله يسلمكم أنا لقيته قبل كنت ادور ع برنامج
علشان اقدر أحمله ع الديسكتوب يعني جي نفس النوت تيكنج بس بالقلم بس مو برنامج رسم ف لقيته هالشي
بس عطيته طاف لان ع بالي بس موقع وم جاني فضول ان استكشفه وشفت شغلي باختصار هيهيهي~
بعدين لاحقا لقيت فلوق عنه وقلت ليش لا خ أشوف يمكن يطلع شي جميل وفعلا شفت وايد فيديوات عنه
وشروحات وذا تقريبا فوق ا7 فيديو وطبعا احد عاداتي لازم انشر الفيديو اللي استفيد منه ع جروبات الواتس
طبعا مو كلهم بس مالت العايلة انا وخواني وربيعاتي هيهيهي احس بشعور حلو ع الفاضي لالن ادري م ينفتح
أوكيي بعيدن رحت افتح واستكشف وهيج ووااايييدددددد حرفيييااً عجبني البرنامج حسيت بشعور حلو
تدرون شنو يعني رتب لي حياتي؟! اييي ايييي حرفياً رتب لي أفكاري وحياتي وايد حيييل عجبني

المهم لاحقا اكتشفت انه برنامج ديسكتوب وموقع وتطبيق متوفر ع كل البلاتفورمز يعني وسهل الاستخدام
هو البرنامج مجاني بس في خصايص تدفع لها بس وربي يستاهل لكن وييييييييتتتتتت
أنا من الناس اللي تقول "ليشش أدفففع؟؟" اي البرنامج مجاني لك ي معلم و يطالب ي تيتشر ي دكتور
ي مستر ي مس ي ستيودنت
كل اللي عليك تسوييه هو تحط ايميلك الجامعي وخلاص استمتع ي حلو
واذا م عندك ايميل جامعي وتدري ناس م يستفيدون منه استفيد منه بدالهم لا يصير مزهرية مهجورة !
طيب هايدا انترو لنوشن البنت م قصرت كفت ووفت بس م تعمقت بالكودينج وذا لأن واي! مو محتاجة له وكثير م راح يحتاجونه
بس بنفس الوقت وايد مفيد اذا كان لك علاقة بالكودينج وهالأمور انجوووي

-يتبع​

 

[S U I S E N]

​

​

اوكييي هناا صورت النوشن مالتي فيه منه من تصميمي حسب مفضلاتي بس مالت الأكاديميا سويت له كوبي
من تمبليت وحدة باليوتيوب لانه عملي ووايد عجبني حسيت وايد رهيب
البرنامج متوفر بلغتين كوري وانجلش الكورية انضافت ع الفترة الأخير تحديث يديد
لان شافوا قاعدة جماهيرية كبيرة بكوريا هيهي شدوا حيلكم لو تبون بالعربي
ادخلو تويتر واكتبو notion templates أو notiontwt حتى عالبنترست وبتلاقون واااييييد أشياءات
او حتى تسوون كستمايز نفس ستايلكم وذوقكم الخاص!
بس بالبداية افضل تشوفون نماذج تاليها تسوونه علشان تاخذون فكرة
هذي نماذج مختلفة لتمبلتز عقموا اعينكم

الأولى اضغطو عليها مجانية للاستخدام
الثانية حبيييت مالللهااا بشكل ودي اسوي أكسز ع مالتها بس م حاطة لنك لو لقيت بحطلكم

هذي مرةةة كيوت الأولى بسيطة ورهيبة الثانية حلوة دارك
المهم اهم شي تضبطون شتبون تحطو ف النوشن مالتكم ورتبو الديزاين ف جلسة وحدة
لا تسوو نفس اختكم في الله كل دقيقة تغير وتضيف لول
المهم من الخواص الحلوة فيه تقدرون تضيفون ويدجتز فيه و ملفات ايمبد نفس موقع لو بلايليست!
المهم حلوو جربوه م بتندمو
وبس والله جود نآيت~

​