مدونة مميزة ••| قِطْعَةُ سُكَّر |•• (1 زائر)

[TOLAY]

Dance Dance Dance
I could delete toxic people in my life

———————

#تحدي

كيف الـحلوووين
جبت لكم تحدي جديد بقراطيسه لعل وعسى ننفض الغبار عن المدونات المغبره
التحدي اسمه #جوانب_مشتركة
فكرته : تهجمون على مدونات الأعضاء -لكم حرية الاختيار- وتقتبسون من عندهم جوانب
مشتركة بينكم وبينهم من خلال تدويناتهم السابقة
وتجمعون الاقتباسات بمدوناتكم مع منشن للأعضاء اللي اقتبستوا منهم
وتتكلمون تحت كل اقتباس عن الجانب المشترك اللي اقتبستوه
وبس بالأخير تختارون من 3 الى 5 أعضاء تبونهم يشاركون في التحدي

البداية عندي
​

انا وحده مدمنة شي اسمه " قهوه بجميع أنواعها " واشربه بشكل يومي

ألو ألو أول اتصال @R E E M
معااااك حبة بُن على هيئة إنسان ههههههه حرفيًا انا من عشاق القهوة
وأحب اجرب كل أنواعها وبعد أحب كل أنواع الحلويات اللي بنكهة القهوة
وصح كلامك كثرتها مضرره لكن حكم القوي عالضعيف
+ اعرررف اسوي قهوة اطلق من قهوة المقاهي
احس بسعادة وأحس بطعمها اكثر لما انا اسويهااااا والله
وعلى طاري المقاهي عندنا مقاهي بالخبر كششخه لازم تجين تجربينها بما انك تحبي قهوة المقاهي
د . كيف - كوستا - دوز - ديب ان ديب - عشق
وكثييير بعد غير اللي ذكرتهم، انتِ بس تعالي تقهوي وزوريني وعالكويت مشيني

​

أحب:
- الهدوء / الليل ? / المطر ?

@Mahdicchi
اتفققق معاااكك
الهدوء والليل والمطر من أكثر الأشياء اللي احبها وأحب أعيشها
تتذكر لما قلت لك انك طلعت رومانتيكي ؟
لأن هالأشياء ما يستمتع فيها الا الأشخاص الرومانتيكيين اللطيفين مثلنا والله
اصلاً اللي مايحب هالثلاثي الرهيب ما يعرف يستمتع بالحياة
اهنيكك على ذوقكك الحلو
​

خاصه لو كان "شخصه" يعرفه من الطفوله ..
رح يبقى عزيز دائما حتى بعد مايفترقوا أو يتخاصموا ..
حتى لو كرهه يبقى دائما يحن له ... وحتى لو لكى ناس ثانيين
يبقى يقارنهم بي ..
ويبقى هو الشخص المحق دائما ..
ولو قرر يرجعله مستعد ينطيه فرصه ثانيه ..
لأنه له مكان خاص مايكدر احد يمليه فيبقى دائما فارغ ..

@شَارلوُك
كلامك منطقي وانا شخصيًا اتفق معاك ومن واقع تجربه
انا كان عندي شخص مميز ومهم من ايام الطفولة وعشت معاه مشاعر وأيام مستحيل تتكرر
شخص قريب مني ويفهمني وأهلنا يعرفون بعض
لكن قبل سنتين بالضبط صار بيننا شي وانقطع التواصل بيننا
لكن حاليًا لو يرسل لي او يكلمني او حتى يطلب نتقابل انا عندي استعداد اعطي فرصه ثانيه
لان هالشخص مايتكرر ومكانه محد يملاه
عموماً تفكيرك هذا سليم وانا اتفق معااااك بكل حرف
ومشاعر الكره مشاعر وهميه وقتها لان الشخص اللي يحب ما يعرف يكره ابداً
واذا تغير الشخص معناه ما كان ذاك حب
وبس والله
​

احس عندي مشاعر كبيرة في هذا الفصل من السنة من كل النواحي حتى نفسيتي بالشتاء ولله الحمد افضل من الصيف

@ROI
ايووووه هذا الإحساس الصح لفصل الشتاء
فصل رهيب ويغير النفسيه اتفققققق بقوة
حتى يخليك تصير إنسان اخلاق وتتعامل مع الناس بروقان
ياخي احبك لانك تحب الشتاء بس ذا سبب كافي بالنسبة لي
انا أتحاشى الناس اللي يحبون الصيف احسهم كائنات صحراوية وماعندهم مشاعر < شدخل هههههههههههه
مدري بس كذا احس اجواء الشتاء تخلي الواحد سعيد ونفسيته تمام وأموره في السليم
وبس والله صار بيننا عيش وملح قصدي جانب مشترك ههههههههههههههه


————————
اطلب كلاً من @D A Z A I~ @D A R K @SUPER RODY @ROI @S a c ʜ ɪ 彡
يشاركون في التحدي ​

 

[TOLAY]

مخُتَلِف

قلبهُ لم يَرتَجِف

بل كَان قَلبي مَنْ رَجَف

أعتَرِف

كاد بيدقي ينجرف

يلتهف

يزدلف

يأتلف

يا لـِ الصُدَف

قد كان حظي يعتكف

عنه الظلام قد إنجَلَف

والى الرحابةِ إنعَطَف

ثم اغتَرَف من السعادةِ ما أغترف

يا لـِ الترف

من كُلِ بُستان إقتَطَف

وعلى السحابِ قد إكتُنِف

ولأنه مختلف

فقد أعاد لي الشغف


#قلم_تولآيه~
4 - 4 - 1441
——————


​

 

[TOLAY]

ارتطمت به صُدفة، فبدلاً من أن تسقط أشياؤنا، وقعت على الأرض قلوبنا
ومن سطوْ الربكة أخذ هُوَ قلبي وأخذت أنا قلبه

You’re someone I never wanna lose
You’re someone I never wanna lose

T O L A Y
T O L A Y
​

 

[TOLAY]

30-11-2020

في هذا اليوم الثلاثيني أكون كملت شهر في لعبة - AFK Arena -

اللعبة موجودة عالهواتف النقالة وما أخفيكم اني سرقتها من مدونة @NERO الصفحة 20 التدوينة رقم 200 ما شاء الله رقم مميز

لذلك شكرًا لك نيرو عاللعبة الكشخه لايك ، اللعبة مثل ماقال نيرو تحتاج صبر وبال طويل خو حتى تجمع أكل للأبطال وتطورهم وتقدر تتقدم في المراحل

اللي جذبني في البداية التفاصيل الدقيقة للأبطال وان كل بطل عنده ميزة خاصة فيه وانت عليك تكتشفها من خلال اختبارات تجريبية حتى تكون عندك خبره كافيه تساعدك في تكوين تشكيلتك الأساسية اللي تلعب فيها

واللي تتكون من خمس ابطال ، طبعاً الأبطال تحصلهم عن طريق السحب مثل اغلب الألعاب وانت وحظك انا قدامي مشوار طويل حتى أوصل لمستوى كشخه لكن جالسه استمتع باللعبة حاليًا لذلك رح اكمل فيها ان شاء الله



ملحوظه جانبيه : انا ما ادري اذا اللعبه فعلًا كشخه او ان ذوقي مضروب مثل ذوق نيرو

​

 

[TOLAY]

نوال الكويتية
NAWAL

-أم حنين-
قيثارة الخليج
الإسم الكامل - Nawal Thaher Al-Zaid
مغنية كويتية تميزت بإحساسها في جميع أغانيها
مواليد 1966 (العمر 54 سنة)
متزوجة منذ 2009
أبناءها : سليمان - حنين
درست في المعهد العالي للفنون الموسيقية في الكويت


لها أغاني كثيرة قريبة من القلب لكن حاليًا صدر لها أغنية جديدة رهيبه الأغنية من كلمات -شموخ العقلا- وألحان ياسر بوعلي

- كان يا ماكان -

- كـلـمـات الأغنية -

كان ياما كان
في داخلي بستان
من غابت غيومك
ماعاش بستاني

جمعت كل مافيه
من ميت الاغصان
كل ما برد ليلي
اشعلت باغصاني

مدري تذكرني!
اطري عليك احيان؟
اما انا .. ما انسى
ماهو بامكاني

ليتك تجي مره
مرة .. مني طمعان
وترد لي روحي
وتبدد احزاني

احلى عمر عندي
عشته معاك ازمان
مادامني عشته
راضي بما جاني

عليت انا سوري
وانقفلت البيبان
الحب يجي مره
بس ما يجي ثاني


ملحوظة : من كثر حبي للأغنية قررت أنزلها في مدونتي وهذي أول أغنية عربية أنزلها هنا

T O L A Y~​

 

[TOLAY]

قهوة وسواليف
الأربعاء - ٢٤ / ٤

الساعة حاليًا الثانية بعد منتصف الليل وجالسة اشرب قهوة عربية

والنوم جالس يصيح في الزاوية



عندي طاقة أسولف في المدونة الليلة لذلك قلت أعلمكم شنو صار معاي أمس


امس طلعت الواجهة البحرية في محافظة الخبر -محافظة تقع شرق السعودية- للناس اللي ماتعرفها
كان الجو حلو وبارد لكن كان فيه هواااااااء قوي يطير الملابس
المهم مو هنا مربط الفرس
تمشيت عالبحر حتى صار الوقت -مغرب- وقبل وقت صلاة المغرب معروف عندنا المحلات والمطاعم
تقفل قبل الأذان بخمس دقائق تقريبًا المهم فجأه بطني يبي ورق عنب -دولمه-
وقلت للسواق يوصلني محل يبيع منتجات للأسر المنتجة
عندهم ورق عنب لذيذ نفس طعم طبخ البيت
والسواق ما قصر دعس بنزين حتى نوصل في الوقت المناسب
ونزلت تولآيه وعينها نحو هدف واضح الا وهو -ورق العنب- وفعلًا لحقت ولقيته
لأن غالبًا يكون -مباع- وانت وحظك المهم من زود الفرحة ما انتبهت ان الغطا البلاستيكي اللي على ورق العنب مو ثابت ونزل الصوص على يدي وصارت يدي بنكهة ورق العنب ودبس الرمان
-غبنه-
والمشكلة ما كان معاي منديل ولا شي فقط بطاقة الصراف الآلي
وش هالوهقه يا تولآيه الحين شنو تسوين؟
مشيت لعند الكاشير -المحاسب- وانا يد ماسكه ورق العنب ويد تقوطر صوص
المهم الأخ اللي يحاسب انتبه ليدي وفجأة مد لي منديل من جيبه وهو يقول تفضلي اختي
جيت باخذ المنديل وتذكرت -كورونا- يالييييل الحين لو كان المنديل فيه كورونا شسوي
ورجعت أطالع في يدي الوضع صعب لازم آخذ المنديل ، رفعت عيني اطالع في المحاسب
وقررت آخذ المنديل وأخذتتتتتته أخيرًا وفي صوت براسي يقول كورونا كورونا كورونا
بس خلااااص أخذته ومسحت يدي وبعدها حاسبت ودفعت الفلوس ولما جيت ماشيه تذكرت
وقلت له يعطيك العافيه -زين تذكرت- وطلعت من المحل ومن وقتها وانا احس حلقي ملتهب ويوجعني -وسوست-
ان شاء الله مايتحول هالوسواس لمرض حقيقي

وبس سلامتكم ودعواتكم يا جماعة
تولآيه~​

 

[TOLAY]

19 D E C E M B E R 2020

هالتدوينة طعمها مواويل وأغاني عراقية

صار لي يومين اسمع لفنان اسمه - طاهر العجيلي -

وحرفيًا صوته في الأغاني الهادية والمواويل وقع في قلب قلب قلبي وسلطن أذني

ياناس صوته يفوح هيل ما شاء الله …
(صوت وصورة ماشاء الله عليه

)

الفنان ذو أصول سورية لكن لهجته في الأغاني عراقية والله تقوووول عراقي من تسمعه

المهم وبدون أطاله حبيت اشارككم كم أغنية له
يلا نسمع ونستمتع :

نراكم في تدوينات قادمة
تحياتي ~​

 

[TOLAY]

تدوينة بعنوان : ختام 2020


في هالتدوينة رح اسجل الإنجاز اللي حققته في الشهر الأخير من السنة الماضية -اللي انتهت قبل يوم من اليوم- وطبعًا اقصد الإنجاز داخل الأراضي التونية




شهر ديسمبر كان عودة قوية للفخمة تولآي

وعودة غير مسبوقة بالنسبة لها لأنها رجعت بقوة في قسم ما كان لها فيه أي نشاط
بس بفضل الله ثم مسابقة الطبخ التابعة للقسم اكتشفت ان عندي مواهب في المطبخ بشكل رهيب < تعزز لنفسها

اصلًا انا وين ما تحطوني أبددع بلمستي السحرية < زاد العيار ههههههه

بس الشي المهم في الموضوع واللي حسيته حلو فعلًا هو لحظة الإكتشاف

يعني لما تكتشف شي في شخصيتك او ميولك وتتفاجأ فيه

وأوقات الإكتشافات الجديدة تخليك تنسى الإصدارات السابقة من شخصيتك
تسوي لك نقلة نوعية وتخليك عضو فعّال في المجال اللي اكتشفته لأنه غالبًا
لما تبدأ في الإكتشاف رح يكون عندك شغف كبير وطاقة تجديد تعطيك دفعه قوية للأمام
المهم انك تنتبه لاتندفع بشكل قوي وتطيح على وجهك هههههههههههههههه



ننتقل الآن الى الحديث حول محور آخر

زي ماتشوفون طبعاً اني صرت ذهبية وهالشي مو غريب انا من يومي ذهبيه ولامعه وكشخه < تعلمت من بعض الناس
المهم قبل لا أصير ذهبية أخذت صورة تذكارية للعضوية البنفسجية

الله صارت من الذكريات الآن < خنقتها العبرة

وأخذت صورة ثانية لتوثيق الجهد اللي بذلته خلال آخر شهر من السنة

وطبعًا واكيد لااااازم افتخر بالختم الماسي كوني طرحت أول موضوع ينال على هالختم الفخم

والله كان شعور وإحساس جميل ورح يبقى بالذاكرة للمدى الطويل ان شاء الله



ختام هالتدوينة احب أقول :

الحب والشغف أكبر دافع يخليك تعطي بلا حدود
لذلك لو في يوم من أيام حياتك شفت شخص عطاءه مختلف عن البقية
اعرف وتأكد تماماً ان مقدار الحب والشغف اللي عنده أكبر وأكثر من البقية



ملحوظة صغيرة : مدونتي نالت على ختم "مدونة مميزة"
-سعاادة-




تحياتي
الفخمة تولآي~

​

 

[TOLAY]

Xتدوينة بدون تخطيط مسبقx

الله يرزقني شعور البنت في الدقيقة 2:30 & 2:40
ما شاء الله حركاتهم متناسقة ومرونة أجسامهم عاليه
المقطع عجبني وقلت اسدحه بالمدونة ليش لا - تحاول تطير مثل البنت بس من فوق السرير -

​

 

[TOLAY]

31 JUN 21

هالتدوينة المفروض تكون بتاريخ سابق إحتفالًا بإنتهاء مسابقة TOP Chef
لكن حدث تأخير مقصود مني عشان أسوي كيكة الفراولة اللي هي كيكة الإحتفال بالفوز

و بهذه المناسبة السعيدة أستقبل منكم الهدايا والتونات والمفرحات وما تجود به انفسكم
ويلا بينا نرررقص ونفررررفح

اللي يبي يبارك في مدونتي او يكتب شي مسموح له الليلة فقط وحصريًا



طبعاً هذي الكيكة صورتها لعيونكم
واذا تبون طريقتها ادفعوا لي 500 تون
وهي انتِ @RO-CHAN هذي الحفلة اللي قلتلك عليها يلا تعالي نرررقص
ونبلع كيلو من الكيك اللي يذووووب في البووء ياعيني تولاي4

@HIKAYAMI @SAIRYU
انتم اعتبروا هالكيكة جبر خاطر وخلونا ننسى الماضي






Love you all | T O L A Y ​