مجابة مساعدة من مربي القطط (1 زائر)

[Jana ~]

السلام عليكم ورحمة الله وبركاته

بادخل في الموضوع على طول
عندنا قطة جتنا من الشارع صغيرة بيضاء
من امس وهي تنزف باموت من القهر عليها
مزرعتنا مليانه قطط ذكور
يالي يعرف بليز يقولي

 

[Hudα]

يب يب
مومشكلة

 

[Jana ~]

شكرا بلانكا شكرا منى
الله يسعدكم
باروح اشوفها

 

[Jana ~]

تتألم وتكح
وتتحرك والنزيف موقف
ودي اروشها من الدم
مع النزيف ماينفع
وهي مريضة ج

 

[M u n a]

تتألم وتكح
وتتحرك والنزيف موقف
ودي اروشها من الدم
مع النزيف ماينفع
وهي مريضة ج

اهم شي مايكون اللف قوي ان مايخليها تتنفس او يمنعها من اخراج الفضلات
خلي جنبها
صندوق (بوكس ) رمل علشان تقضي حاجتها كنها حمام لها اذا البيت مافيه رمل علشان بيكون صعب تتحرك كثير
واذاً حابه تنظفينها
البسي قفاز علشان ماتاخذين منها اي امراض
وجيبي فوطه مبلله بماي متوسط الحرارة
مش سخن ولا بار يعني يتحمله الحيوان وامسحيها مثل البيبي الصغير بكل لطف
اذا هيه تقدر تتحرك ممكن اصلا تنظف نفسها بنفسها

وأغسلي يدك بعد مسك القطه بمطهر ديتول او الكحول(معقم)
موجود بالصيدليات وموجود بالبقالات أتوقع
وموجود بشنطه الإسعافات الاوليه اذا عندكم بالبيت
تأكدي ان مافي وصاخه في اصابعج
او أضافرك مايكون دخل فيها شي من بقايا القطه
علشان ماتشيلين اي مرض منها
خاص انها من الشارع وبعدها مااخذت اي تطعيم
وللاتخلين الاطفال يمسون الجرح لان مناعتهم ضعيفه

 

[Jana ~]

ماشاء الله عليك ربي يحفظك
انا فهمت اللي صار معها تقريبا
امس الصبح كانت جالسه على الكرسي
وتأكل في مكان الجرح اللي ينزف الحين
يمكن يكون جرحت نفسها او تعرضت للاعتداء من القطط الذكور
بإذن الله راح احاول على قدر ما اقدر اساعدها

 

[M u n a]

ماشاء الله عليك ربي يحفظك
انا فهمت اللي صار معها تقريبا
امس الصبح كانت جالسه على الكرسي
وتأكل في مكان الجرح اللي ينزف الحين
يمكن يكون جرحت نفسها او تعرضت للاعتداء من القطط الذكور
بإذن الله راح احاول على قدر ما اقدر اساعدها

عزيزتي الغاليه
مثل ماذكرت في ردي الاول ابعديها عن الذكور
لان في أمور تصير بعالم الحيوان صعب اشرحها هنا!
لهذا ردي كان فيه الخطوات فقط دون شرح السبب
خليها لحالها لفتره علشان تكون افضل
ويبدو انها صغيره من الوصف الي اسمعه والكلام الي لاحظته
واحتمال كبير في مشكله صارت معاها مع القطط الثانيه
لهذا ارجع أقول افصليها عنهم وشوفي حالتها كيف بتكون
كذلك غريب ان قطط ذكور بمكان واحد في غلط بالموضوع
أتوقع في خلط بالقطط مش كلهم ذكور
لان الذكور ماتتواجد بكثره مع بعض للعلم
الا اذا كانوا من نفس السلاله ويصيرون لبعض
معناته في أنثى قطه امهم او الجده الكبيرة

لان لكل ذكر عائلته الخاصه ومسكنه الخاص مثل البشر
ولكل وأحذ منطقته الخاصه

 

[Jana ~]

بأحاول ابعدها عنهم
لأن الجو حار تجينا القطط الذكور
يمكن ٢ او ٣ اناث
مااعرف لاني ما احبهم
بس هالقطة تاثرت منها لانها تدخل علينا في البيت وأليفه
نزيفها كان ملفت وقلبي يوجعني عليها

 

[M u n a]

بأحاول ابعدها عنهم
لأن الجو حار تجينا القطط الذكور
يمكن ٢ او ٣ اناث
مااعرف لاني ما احبهم
بس هالقطة تاثرت منها لانها تدخل علينا في البيت وأليفه
نزيفها كان ملفت وقلبي يوجعني عليها

مثل ماتوقعت معناته
لانها صغيره لهذا اليفه وطيبه
بعدين تصير شريه لوعاشه بالشارع
بإذن الله بتكون افضل
بس ابحث عن مكان ظل وماء وفيه رمل ومايكون مكان مافي هواء لها او خانق عليها
علشان تتعافى بسرعه
لاتخافين عندي قطط وصارت لهم بلاوي
لهذا اعرف بهذا المواضيع
ومنها درسه بالإسعافات الاوليه للإنسان لكن كلهم نفس الشئ تقريبا من نخليه العلاجات الطريقه أقصد
أما العميق اكيد دكتور لازم يدخل
وكل التوفيق

 

[Nobara Kugisaki]

هذه امكك مثل امي شوو هالقسااوة بسس
اذا كان نزيفهاا حاد مم اعتقد انكك رح تقدري تعالجي المشكلةة
حاولي تاخذيهاا لطبيب حيواناات
هففففف حاااسسةة فيكك

 

[q90]

السلام عليكم
كلامك غير واضح لم افهم لكن بما ان الجرح توقف عن النزيف
قومي بأخذ قماش مبلل بماء وامسحي بشكل خفيف عليها لكن تأكدي لا تقربي الجرح لكي لا تزيدي الامر سوء دعيه كما هوى فقط طهريه
واذا لم يكن بمقدورك شراء شيء لها ضعيها في كرتون واسع وضعي قماش تحته
وايضا لا تعطيها الحليب اعطيها ماء وبالنسبه للطعام تونا لان الدجاج سيكون صعب عليها اكله في هذه الفتره
والمهم اخرجيها كل صباح للشمس لانها تقتل البكتيريا وتقوي المناعه لديها
و اذا لم تلتأم الجروح لديها فستصاب بالفطيريات فحاولي ان تعتني بها بشكل جيد