الختم الاداري A DOSE OF HOPE | رسوماتي ~ (1 زائر)

[T W I N K L E]

السلام عليكم ورحمةة الله وبركاته..
شلونكمم جميعًا؟ شخباركم؟ عسآكم بخيرر يارب
آمبيه حددنيي فاشلهه بالمقدمات يلا ماعلينا.. تعرفونن يعني
ويآكم ميسو الحلوهه والمبدعهه دايمًا وأبدًا - محد يمدحح نفسه - اللي
بتقدم لكمم جرعةة أمل .. فكرهه الموضوعع اني ابربر وياكمم شوي عن مراحل التطور
مالتي وبداياتي في الرسم وشيء من هالقبيل + شرايكمم بالطقمم؟ من زمان ماصممت بس احس عجبني ..

طبعًا اللي يعرفني يعرف اني احب اقرقر وابربر بربرة زايدة
المهمم، ف.. لازم احط لي مساحة اسولف فيها - مب مكفيتني المقدمة والخاتمة -
بامووتتت ماعرف شلون ابدي السالفة بس خلاص آحين بسولف صج ..

كان يا مكان في قديم الزمان كان فيه انسانةة قاعدة تكتب لكم احينن ..
هالآدمية وايد حلوة وتينن - لا لا امزح - المهمم هاي الانسانةة الرهيبةة
كانت مشهورة في المدرسهه بانها فنانة، بس آنه كنت خرطي المهمم، كانو يقولون
موهوبةة وهلون، بس ماكنت اجوف نفسي اعرف ارسم او ان رسمي حلو خصوصًا ان بيتنا عبارة
عن مجتمع رسامين وأولهم ابوي الله يحفظه وعقبه تيي اختي الخطيرهه .. المهم ماعلينا من هالكلام..

حصص الفن في الابتدائي كانت عبارة عن المعلمة تدخل، تسلم وتقول ارسموا منظر طبيعي وتقعد
تحوس في تلفونها والله مادري ليش كانت تاخذ معاش المهم اني ماحصلت الدعم الكافي
وولا طورت نفسي وماكنت مؤمنة اني " رسّامة " مثل مايقولون اللي حولي، وللامانة ماكنت اعطي الرسم ذيج الاهمية،
بعدها دخلت الاعدادي.. حصلت معلمة تعرفووننن شنووو عسللل ؟؟؟!!! تينن تينن تينن، ولو اني متخرجة من ثلاث سنوات
إلا اني للحين اتواصل وياها، ولما انتقلت المعلمة مدرسة ثانية سوت لي لوحة فيها اسمي واعمالي مع ان المدرسة مالها دخل فيني !
المهم جنيي تحمست ودخلت سالفة مالها دخل ، الزبدهه ان هذي المعلمة تعرفون شلون عطتني دعم ؟ كنت فترة الاعدادي فاشلة
بالرسم مقارنة بمستواي احين، وهم ماقررت اطور نفسي ذيج الفترة، ولكن كنت كل يووومم بلا مبالغة مسابقة معاها !!

دخلتني شكثر مسابقات، وخلتني اصبّغ معاها المدرسة، حرفيًا خلتني اخطو أول خطواتي في طريق الفن..
كنت ما أتجرأ المس الاكريلك والكانفس، لكن محاولاتي الاولى مع الرسم ع لوحات الكانفس وبنوعيات الوان مختلفة
كانت معاها !! وفعلًا كانت تشرح من قلللب ولازلت في كل خطوة وتقدم لي أشكرها وأشكر دعمها لي

-

بعد فترة من تخرجي، بدأت ارسم انمي واطور رسمي بشكل جدّي !! صار الرسم هوايتي الاولى عقب ما كان
شي هامشي، بعدين قلت ليش ماطلع من الدائرة اللي رسمتها لنفسي !! كنت محوطة نفسي برسم الانمي وكنت ارسم
ديجيتال بس، وانتقلت فيما بعد لرسم الانمي ع الورق وجفت نفسي شاطرة فيه وحبيته اكثر من الديجيتال، وطبعًا كنت احب رسمم
اختي للبورتريه بشكل مو طبيعي وقررت اني أوسّع مجال ابداعي وأبدأ ارسم بورتريه وفعلًا حصلت نفسي في رسم البورتريه أكثر
من أي شي ثاني .. والحينن أستقبل طلبات رسم مدفوعةة

​

 

[T W I N K L E]

طبعًا سوري ان اغلب الرسومات مكبجرتهم من الانستا مالي ..
المشكلةة ان ماعندي الرسومات - الديجيتال - في جهازي القديم فكلهم ضاعوا ..
ف الصور الوحيدة اللي عندي لهم من انستقرامي، فالجودة كللشش .. " وحتى الورقية بعضهم من الانستا لان
مالي خلق اصورهم مرة ثانية - أما الرسومات اليديدة مصورتهم تصوير سريع
ف أحس الصور ظالمة الرسومات شوي بس معليه ..

ملاحظةة 1: بكتب تاريخ كل رسمة عشان تقدرون تعرفون التطور بين كل رسمةة
والثانية ..

ملاحظةة 2: آنه قاعدة احط كل اللي اتذكره تحت الرسمات، لان تجوفون الرسمات وايد
قديمين فشيء اكيد ماتذكر كل شي عنهم، وخصوصًا زمن الرسم، هالمعلومة شنو يذكرني
فيها ، اتذكر بس جمن رسمة والرسمات اليدد

هذه أول رسمة ديجيتال بحياتي وكانت محاولة لتجربةة التابلت بس ..
مايحتاج اتكلم عن كبر راسها التعويق واضححح ! طبعًا أتذكر قبل لا ارسمها
كنت جايفة درس لساسو في التلوين - رسّامة - وكنت قاعدةة اطبق فأكيد كانت ملونة بس
للاسف ماعندي النسخة الملونة منها جان حطيتها

+ماذكر متى رسمتها، حتى تاريخ نشري لها في الانستا ما كان بنفس الوقت اللي
رسمتها فيه، فماعرف بصراحة ..

طبعًا هذي الرسمةة استخدمت فيها wacom intuos tablet ، وطبعًا عندي موضوع
كامل تكلمت فيه عن تابلتات الرسم تقدرون تجوفونه - هُنا - ، أما البرنامج اللي استخدمته
البينتول ساي ..

أما عاد هالرسمةة سويتها في نوفمبر 2016
امبيهه شكثرر كنت مستانسةة عليها تخيلو ليحين اتذكر جوي وآنه كنت ارسمها
خذت عليها اسبوععع كامللل، هالرسمةة بالنسبةة لي مميزة ليش ؟ لانها أول محاولة جديّة للرسم بتابلتي..
ولا أخفي عليكم انها كانت محاولةة لرسم أول اوسي لي - شخصية من ابتكاري - لكن فيما بعد
قررت اني أخليها مجرد رسمة عابرة لان تصميمها ماعجبني جدًا..

+الرسمةة عودة جدًا وجودتها حلوة ولو بنسوي زوم ونجوف تفاصيلها
ترا أبدًا مب سيئة، كان رسمها متعب لاني ماكنت أعرف ألون ديجيتال عدل ..
وحاليًا كأول محاولة لي في الرسم بالنسبةة لي ممتازة، عاد تعرفون شغلةة ؟
كان عندي عقدة من رسم العين الثانية عشان جي غطيتها ماكنت احاول
أتجرأ ارسم عين ثانية ..

ديسمبر 2016

وعاددد هذيي الرسمههه على بساطتها، ليحين أحبها، حرفيًا أحبها ..
هاي الرسمة كانت ع أيام دراما Goblin ، من كثر ماكنت متأثرة من الدراما
هذي رسمت هالمشهد منها.. وطبعًا هاي المشهدد كاننن فخخخمم بالنسبةة لي وللحين اجوفه
فخم، وبمجرد ماجوف الرسمةة اييني نفس الشعور اللي كنت احسه أيام الدراما، وخصوصًا في هالمشهد
بالذات فيه ost ايننننننننن ، باحطهه لكم خ تسمعونههه

بصراححة كنت منبهرةة من هالنتيجةة ومن الرسمةة بشكللل مب طبيعي !! ليش؟ أذكر
اني رسمت هالرسمةة بوقت قياسي مقارنةً برسوماتي الباقينن وخصوصًا ذاك الوقت ، كنت توني
أتعلم ع البينتول ساي .. رسمتها في جمن ساعة بس، يمكن ساعتين وان زادت كلش 3 ساعات ..
والصعوبة الوحيدة كانت في رسم الشخصين اللي يمشون

مارس 2017

عاد هذي الرسمةة أتذكر نفسي يوم كنت ارسمها كان عندنا احتفال في البيت
ويايبين كيك وحركات بركات والكل متعدل ولابس الا انه قاعدة ببجامتي وارسم ومب ماعطة
احد ويه وابوي كان يسولف في المايك ع اساس فقرة من فقرات الاحتفال يعني
حفلةة صجية بس آنه اكلت بس مافتكرت فيهم شنو يقولون، السبب اني كنت ابي اخلص هالرسمة
في يوم واحد بسس .. مع ان لو تلاحظون فيها شغللل وايددد ..وكنت مستاسةة عليها
حجم هالرسمة كان كبيييييييرررر وايدددد.. اكبر حجم في كل رسماتي في تاريخ البشرية 5000 × 5000
طبعًا كانت لمسابقة، وبسبب حجمها العملاق اللي تحمست فيه اساس انتج عمل بجودة واو
اكتشفت ان الانستا عدمممم ابوو جودتها بسبب الحجم واكلت تبن

طبعًا الرسمة اهني مقصوصة بسبب القالب المعوق اللي مايناسب كل رسماتي

محتوى مخفي: الصورةة كاملةة

http://instagr.am/p/BR39WIqgZXG/

لو تسألوني عن رايي في هالرسمة ؟ ماحبها اكرهها بشكل لعدة اسباب..
1- الفكرة الاساسية كانت ان وحدة فوق جزيرة عائمة في السماء بس انه سويتها وايددد عملاقة
يعني المفروض تكونننن نتفففففةةةة ماتبييييينننن !!! لكن شنو تجوفون ؟ اكبر من راسي
بالنسبة للجزيرة
2- راسها معوق ، ويهها معوق، جسمها معوق، بكبرها معوقةة
3- شعرها الخايسسس شنو كنت افكر فيه يوم ارسمها ؟؟
4- شنو هالغيوم المعوقةة اللي ولا ببيزة؟؟؟؟

المهمم لنرى الجانب المشرق من الرسمةة، كوني قاعدة أوجه هالانتقادات لنفسي
هاي معناها اني تطورت وآيد عن قبل، لان كانت في ذيج الفترة هالرسمة بنظري حدها تيننن ..
بوينت ثاني، لازلت اجوف الجزيرةة حلوةة، واتذكر انها كانت اصعب جزء وأكثره شغل
إلا اني طلعت بنتيجة مقبولة جدًا ..

يونيو 2017

أول شي الرسمةة مقصوصة، تقدرون تجوفونها كاملةة اهني ..

محتوى مخفي: الصورةة كاملةة

http://instagr.am/p/BV2E8gtgmFU/

هذي الرسمةة ع رغم التعويقات المب طبيعية اللي فيها احبهااااا
باختصار احب رسوماتي اللي تكون اشبه بالباك قرواند، لان كلها لها معاني، ويوم كنت ارسمها
كنت احسس بشعوررر مختلففف جدًا فعليًا حطيتت فيها مشاعرر حللوةة، لازلت استشعرها
لما اجوف الرسمةة.. ماتذكر بالضبطط شكثر خذت مني هذي الرسمة، ولكن أتذكر اني كنت متأثرة من دراما
moon lovers يخييي هالدراماا تيننننننن اللي مب جايفها يجوفها

يوليو 2017

- كالعادة الرسمةة مقصوصة ..

محتوى مخفي: الصورةة كاملةة

http://instagr.am/p/BWFHNNFAWPt/

هالرسمةة بالذات مادري شكنت احسسس فيههه بامووت جنني حياة الفهدد
وآنه ارسمها، الله يهديني سوالف الدراما عاد يلا بس يعني الرسمة زيننة مع اني
اكرهه رسمي في هالفترةة + كنت حمارههه يخي .. ارسم عين وانسخها والصقها الصوب الثاني
حتى لو الرسمةة بتكون اوكي .. تخترب ولا عادد ركزو ع الاحمر اللي فوق في جبينها
حدددي متأثرررهه من هاري بوتر يس آنه بيق فان له

من هالرسمةة استفدت شي واحد، اني تعلمت ارسم دموع.. للاسف بسبب جودة
الرسمة واني مكبجرتها من الانستا يمكن مب واضحة لكم الدموع مالتها

يوليو 2017

طبعًا هذي الرسمة كانت هدية لساسو، اتوقع كل اللي يرسمون انمي يعرفون هالنفرةة
ويعرفون شخصيتها، فآنه راسمه شخصيتها.. الرسمة بشكل عام زيننة ولو انها فيها شكثر تعويقات
بس أكثر تعويق باططط ابووو جبدييي راسها عند الجبهههةة اتوقع الكل لاحظه ..
مادري ليش كنت مستانسة فيها ومسوية لها كلوز اب ع ويهها في بوست بروحه عشان يبين
التعويق ع أصول !!! عاد صجج آنه اسال نفسي.. لهالدرجة ماكنت أجوف هالتعويقات الخطيرة؟؟

اغسطس 2017

هالرسممة عاد رغم انها فاشلةة ومعوقة وايد الا اني اجوفها أحسن من غيرها..
وكنت مستانسة فيها وايدددد ع فكرة لازلت حابة تلويني للجزء العلوي من فستانها
+ لو تلاحظون تلويني لويهها شوي غير عن كل مرة، لاني جربت في هالرسمةة اسلوب يديد في التلوين
لكن ماحبيته، فبتجوفون اني ماعتمدته في الرسمات اللي عقب.. بنفس الوقت ماخسرت شي
وآنه الونها عشآن جي دايمًا اقول، جربوا .. شنو وراكم ؟؟؟ التجربةة تساعدكم في اكتشاف
انفسكم واكتشاف الاسلوب الأمثل لكم ..

الرسمةة كاملة اهنيي

محتوى مخفي: الصورةة كاملةة

http://instagr.am/p/BXVyA2dg9Vy/

اغسطس 2017

بعيدًااا عننن اي شي ثاني، بعيدًا جدًا عن تصميم فستانها الخايس
هذي اوسيتي المعتمدة .. واللي احبها كثيررًااا جدًااا ، وسميتها Misizo ع اسمي الحلو
جدًا جدًا جدًا احبببب ويه هالرسمةة وتلويني فيهااا ، حسآآآآففةة ضاعت الرسمة الاصلية اللي بجودة
عاليةة جان راويتكم الابداععع ، اهنييي واضحح جدًا عندي تطور رهيب في الرسمم والتلوينن، تلويني
اهني وايددد حابتهه وباليت الواني اينننن !!

عاد ترا باقولكم لحد يعلق ع نفشة الفستان لان فيه فساتين منفوشةة بهالطريقة
صج والله ذي اللي يوقفونه بشي من البلاستيك اتوقع ع شكل تنورة .. الفكرهه كانت هلون
واكيددد الرسمةة مقصوصهه .. اللي يبي يجوف تصميم الشخصيهه كاملل فرومم هيرر..

محتوى مخفي: الصورةة كاملةة

http://instagr.am/p/BX0F1CGgdZ-/

اغسطس 2017

وهذييي أوللل رسمةة لشخصيتي .. احبهاا
بعيدًا عن التعويقق اللي فيها ف اليد والريل - ع فكرة الاطراف مثل اليد والريل كنت ماارسمهم من قلب -
بمعنى كنت اهم شي ارسمهم عشان تخلص الرسمة - اي كلام - الرسمةة صجج حلوهه وباليت الالوان
اللي فيها بعدد اينن وحدهه ذوقي.. رسمي للغيوم فيها حلووو ، تلويني، تطورت بكل شي .. وخصوصًا ان الوضعيهه والفكرهه
من راسيي .. ولو ان الوضعيةة مب تمام 100% بس اعتبرها زيننة ..

أذكر هذي الرسمهه رسمتها قبل لا أسافر العراق بجمن يوم - آخر سفرة لي للعراق-.. وكان السفر
بالبر عن طريق الجمس، وللحين أتذكر ان الريّال اللي كان يوصلنا، ماعطينا انترنت طول فترة الرحلة
وأتذكر يوم كنا بالجمارك بين الكويت والعراق بطلت الانستا مالي وتفاجأت ان الرسممةة حطوا لها لايكات
وايد بالمقارنة بباقي البوستات وغير جي تفاجأت ان فيه حساب من حسابات النشر كان ناشر الرسمة عنده
ومسوي لي تاق .. ماتتخيلوون شكثررر متتت من الوناسههه

​

 

[T W I N K L E]

سبتمبر 2017

هذي الرسمهه احبههها احبها احبهاا تينننن، حددههااا حيوية، فعلًا مافيها جمودد..
تحسون ان الرسمةة قاعدة تتحرك، ويمكن هاي اكبر سبب لحبي لها، غير جي تصميم الشخصيهه
اينننن - مب تصميمي وولا شخصيتي - .. مع انها مجرد سكيتش .. واحس لو لونتها بتصيررر وآآوو ، طبعًا اهني تقدرون
تجوفون التطور في اسلوب رسمي واتذكر انها كانت سكيتش سريع، وكانت art trade ، للي مايعرف
يعني شنو .. يعني ارسم لك وترسم لي .. لكن للاسف الانسانة هذي عقب مارسمت لها سحبت عليّ
يلا كما تدين تدان آنه بعد سويتها

يناير 2018

هذي الرسمههه كنت مستانسسسةةة عليهههااا .. لحد مااكتشفت التعويق اللي فيها وكرهتها
كانت محاولة اولى لرسم عين حقيقية، لو يينا حق التلوين .. فالتلوينن حلوووو .. يعني هاي بصراححة، التلوين
وايد اينن ولو ان الالوان مابتخليها صجيّة البؤبؤ ملون بشكل عشوائي بس همن اعتبر
الرسمةة زينة، اخذت في هاي الرسمةة وقتت طويييلللل اتوقع يومين من العمل المتواصل والدأوب
وكنت محصلة بوقتهاا دعمم كبيرر من الكل، والكل كان منبهرر من الرسمهه ويجوفها واااو ..

بعيدًا عن شكل العين المعوق.. ماعتبر شكل العين سبب رئيس للمنظر الخايس اللي تجوفونه، من منطلق خبرتي
المتواضعةة اكبر سبب للشكل الخايس اللي طالع هو البؤبؤ، لو تلاحظون شكل البؤبؤ مب دائري
وهالشي مخليها اوفر تبين غبيةة النقطةة الثانيهه مدمع العين ابدًا ماعطيته حقهه
يخي شنو هالمدمع الخايس .. آنه راسمه اقل من نص مدمع

مع ذلك ..؟؟ اقدرر اقولل ان هالرسمةة كانت فاتحة خير عشان اتعلم شكل العين الصجي
بنصائح من اختي الخطيرهه .. وهالشي خلاني اخطو أولى خطواتي في رسم البورتريه .. + لما اجوف
الفيد اللي صورته speedpaint، الرسم المسرعع جدًا ممتع ولازلت عقب مااجوف التغيير من السكيتش
الفارط الى الرسمة النهائيةة اييني شعور ان الرسمة وايدد ححللوةة .. لان التغير في الالوان رهيييببب ..
اقدر أقول لكم استمتعوا بالمشاهدةة ..

هآي الرسمةة بصراححة ماعرف متى رسمتها ..
بس اللي اعرفه ان هاي هو ترتيبها بين كل الرسمات .. وهاي الرسمةة حصرية لانمي تون
خخخ ماصورتها قبل لاحد .. طبعًا هذي أول عين ارسمها ع الورق .. وكانت محاولة
غير حقيقة لرسم عين صجيّة - مجرد تجربة -، رسمتها بوقت قصيرر جدًا .. واضح انها سكيتش بو دقيقتين
إلا اني احبها جدًا.. مب لجمالها لانها فارطةة .. بس كانت النقطة الفاصلة بين مرحلتين
بالنسبةة لي، هذي الرسمهه ع بساطتها كنت معجبةة جدًا فيههها .. لدرجةة اني قررت ارسم
بورتريه من بعدها، قلت لنفسي دامني قدرت ارسم عين حلوة ليش ماقدر ارسم ويه كامل ؟؟
وارجع وأقول وأعيد .. الواحد شنو بيخسر من التجارب ؟ غير انه يتعلم ويضيف خبرات لخبرته ..
التجربة مب شرط تكون متعوب عليها، جرب ترسم ولو سكيتش واذا ياز لك كمل .. ليش لا ؟؟

ابريل 2018

أول محاولة في حياتي كلها لرسم البورتريه .. جدًا جدًا احبب هالرسمهههه ..
تخيلو انها أول تجربة بحياتي واطلع بهالنتيجةة ؟؟؟ بالنسبةة لي .. آنه كنت واوووو !!
خل اسولف لكم عن هالرسمة، طلّعت لي صورة من النت.. استخدمت قلم بنسل اللي بالصورة - العااادييي - لاني كنت
بس ابي اجرب، ومداعك اختي اشترتهم لي هدية من قبل فترررررةة طويلةة وكانو مقطوطينن ..

جربت ارسم واحاول اقلد الصورة بدون اي قيود، يس ماتكلّفت في الرسمةة ولا حاولت
اني اطلعها كلوحة فنية، هدفي كان التجربة + المتعة + كسب الخبرات + اكتشف قدراتي، وتحت
اكتشاف القدرات الفف خطط ، المهمم اني لمن رسمتها ماسويت طريقة المربعات ولا تعبت نفسي فيها..
رسمتها بحب وطلعت ماتشبهها باموووتت مب لهالدرجةة .. كان فيه شبه لدرجة ان اختي تعرفت ع الصورة
اللي رسمتها بدون مااراويها الصورة.. بس ماكانت كوبي بيست

طبعًا الرسمة ك " سكيتش " وايددد حلللوةة، الغلط كان بالابعاد مالت الويه ..
طبعًا كان شي متوقع من انسانة طول عمرها ترسم انمي - اساسًا الانمي يعفس امن يابت الابعاد -
مع ذلك ابعادها وايد حلوةة .. الشي اللي يخرب ان العينين مب سيدة بعض ..
فقطط ، والا كانت الرسمة بتكون متزنةة ووايد حلوة !

+ ع فكرةة الرسمةة مانحطت بالانستا مالي ف تعتبر حصريةة اهنيي

مايو 2018

آرثر .. شخصيتي الثانيةة ، ستل احبههاا !! مع انها الرسمةة الوحيدهه له
وحاطة ف بالي اغيّر تصميمه .. تلويننن الشعررر اهنييي خيااالللللل، وايد حابتهه
الا اني مب حاطة ف بالي ارسم انمي بعد الآن ، شخصياتي بعيد رسمها كشخصيات واقعيةة
وان شاء الله اذا سويتها - في عيد البش - بسوي موضوع وبحطهمم ..

محتوى مخفي: الصورةة كاملةة

http://instagr.am/p/BiaBDQpFBEM/

مايو 2018

عاد هالرسمهه الوحيدههه اللي بستايل غير .. تشيبي .. التلوينن فيها اينننننن
حدددديييي احبهااااا وطبعًا هذي كانت رسمة شهر رمضان وطبعًا الرسممههه
حدددهههاااا تمثلنيييي .. شخصيتي misizo تاكل watermelon .. تعرفونن شيعنيي ؟؟؟
وآيددد احببب اليحححح آنههه وخصوصًا في شهر رمضان .. أتذكر هذي الرسمهه رسمتها بسرععةة
وخلصتها هم في وقت قياسييي .. وطالعةةة تينننن .. صج صج احبهاا
احس اسلوب التشيبي يبي لي أكثّر منه لانه خفيف وحلوو .. وحتى لو آنه توجهي ارسم بورتريه احسه اسلوب
جمييللل للرسمات السريعةة واحسني بعتمده

وهآي اقوى سبيدبينت للرسمةة ذي ..

يونيو 2018

هاي الرسمةة احبهاا وحبوها الاوادم اللي جافوها .. طبعًا كالعادة رسمهه بدون استخدام المربعات
والمحاولة الثانيه في رسم البورتريه، وبنفس الوقت مثل ماقلت قبل ما كانت محاولةة جديّة بمعنى الكلمة،
كانت بغرض الاستمتاع .. صار فيه شبه بينها وبين الاصلية بس اللهم هذي صارت عيوز اكثثررر
ع فكرةة الرسمات اللي في دفتر صغير مثل ذي كلهم سريعين ماخذوا مني الا ساعة، ساعة وشي بالكثير
يعني حاقة سريعة كدا ..

يوليو 2018

هاي الرسمةة عادد بالذات كانت عبارة عن خربوطهه .. يعني أبدًا ماكنت ناوية
اسويها رسمه حلوهه كنت توني مشتريهه الوان يديدهه " touchliit "..
وكنت بس ابي اجربهم .. ف تلاحظون ان التحبير كان اي كلاممم حتى اليد..
جوفو وين راح القلم عمومًا حبييتت النتيجةة النهائية وقررت اني احطها بالانستا
مالي .. حسافة جودهه الصورة عادد ..

- ألوان التوج لت، الوان كحوليةة وتكون ماركر، عشان جي الورق المستخدم
المفروض قوي ومتين .. هاي السكيتش بوك اللي عندي اوراقه ضعيفةة نوعًا ما بس هم الون فيه بهذي
الالوان ، طبعًا هذي الالوان تعتبر بديل ارخص للبروماركرز والكوبيك ماركرز وصح
ماتعطي نتيجتهم .. ولكن نتيجتها مرضية نوعًا ما بالنسبةة لسعرها -

يوليو 2018

هذي هم شخصيتي ميسيزو، عقب ماغيرتت تصميمها ..
وجدًااا حابههه هالتصميم .. والواضح ان رسمي للجسمم جدًاااا متطورر اهنيي
ومثل ماقلت سابقًا، انه احين كنسلت ع رسم الانمي، ف الرسمات اليديدة لشخصيتي
بتكون باسلوب واقعي .. ف ان شاء الله نطلع بنتيجةة حلوهه

- على فكرة لازال بخطتي اني اتقن رسم الوضعيات .. مب يعني ما ارسم انمي
يعني كنسل ع الوضعيات، لا لا .. عازمة على تعلُّم تشريح الانسان بالتالي اقدر ارسم
انسان كامل باسلوب واقعي -

محتوى مخفي: الصورةة كاملةة

http://instagr.am/p/Blx6qvwHnOj/

اغسطس 2018

هذي الرسمهه كانت عبارهه عن آرت تريد ..
والحمدلله ماسحبوا عليّ هالمرة حابهه النتيجةة الا ان الالوان لو غمجتها
شوي كانت بتطلع بطلهه اكثررر .. بعيدًا عن التعويقات

​

 

[T W I N K L E]

اغسطس 2018

هذي الرسمهه كانت هديهه ل ساسو .. وطبعًا كانت ري درو
للرسمه اللي قلت لكم راسها معوققق .. هذي الحمدلله راسها سليمم
بس اكتشفت شي فيها ان واحد من الحواجب مالونته
يضحككككك

+ هاي الرسمهه رسمتها بجهاز مختلف، تابلت رسم بشاشة ..
xp pen artist 10s .. انصحكم بالتابلت ؟ اهوا ينرسم فيه واداءه زين وسعره رخيص
بس ماله داعي تشترونه واحس الواكوم اريح لي في الاستخدام ..
+ وترا الاصدار الأحدث منه وايددددد أحسسنننننن .. وسعره مايختلف عن ذي بوايد ..
ف يس، اذا احد بيشتري تابلت بشاشةة وسعره رخيص ياخذ الاصدار الاخير من ذي التابلت ..

سبتمبر 2018

عاددد هالرسمههه ؟؟؟ احبههههاااااا .. لازلت كل ما بطلت السكيتش بوك مالي
لازم لازم لازم أتاملها ساعههه .. احسهاا عميققههه ياخييي
للامانة فكرة الرسمهه مب فكرتي ، هذي شخصيهه رسّام بالانستا .. آنه رسمتها باسلوبي
وطلعتت تيننن ، وحابتها اكثر من رسمةة الرسامم نفسهه ..

وطبعًا اتذكر اني ماطولت بالرسمهه .. سهالات، بسرعةة خلصتها
عادد اللي يبي يجوف الرسمهه ورسمة الرسام،

محتوى مخفي: الصورةة كاملةة

http://instagr.am/p/BnQ1oELnGOi/

اذا حركتوا الصورة بتجوفون الرسمه الاصليةة

سبتمبر 2018

هذي الرسمه كانت بشهر محرم .. طبعًا أول شي
الرسمةة لا تمثل صورة الامام الحسين الحقيقة وانما شيء تقريبي للاوصاف..
بعيدًا عن النقاشات اللي ممكن تييني بخصوصها، لنركز ع الرسمهه نفسها
كانت اللحيةة بالنسبةة لي تحدي .. لان قلت لكم شي اسمه شعر عقدتييي المتعقدهه .. بس الحمدلله
طلعت بشكل مرضي، وبما انها رسمة تقريبية فصايرة اشبه بالبلاستيك مب من خيالي
هذي الرسمهه دايمًا تجوفونها في محرم .. يحطونها بكل مكان وهاي شكلها الطبيعي .. فلحد يقول
شنو هالخشم - حركات @SKY NET هذي ابو الخشوم -

يناير 2019

اوف عاد اوف .. آحبب شي اسمههه هاررييي بوتررر !!
وقلتت مستحيييلللل مارسمه .. ويس رسمته مثل ماتجوفون، كاول رسمه بورتريه ديجيتال
وعلى فكرة كانت من منطلق، ليش ماجرب ؟؟ شنو وراي ، وفعلًا النتيجهه بالنسبةة لي جدًااا مرضيةة
خصوصًا انها اول محاولةة لي ، واكيد اكيد اكيد باسوي ريدرو حق هاري بوتر

طبعًا الرسمهه هذي خذتتت مني وققتتت طوويللل، بصراحهه ماذكر بين اليومين
الى ثلاثة ايام، ماعرف بالضبطط جم، بس اذكرر اني تعبتتت عليها ، واجوفها مستاهلةة التعب

مايو 2019

هذي الرسمههه صج صج احبههااا .. - لوعتي جبدنا وانتي تحبين الرسمات -
حدييي حابهه تفاصيلل الثيابب اللي سويتهاا .. وتلويني فيها جدًااا عاجبننيي ..
واذكر خذت عليها اقل من يوم ، بحيث اني رسمتها يوم مناسبة الرسمه، الظهر جريب العصر اعتقد بديت فيها
وخلصت المغرب، بس مادري جم ساعهه بالضبطط ..

آنه وايد وايد وايد احب ارسم رسمات اشبه بالباك قراوند، وجدًا يكونوننن
حلويننن وقريبين من قلبي وايد وايد وايد

محتوى مخفي: الصورةة كاملةة

http://instagr.am/p/Bx3DYefBJmu/

يونيو 2019

عاد هذي كانت محاولةة لرسم شخصيتي باسلوب ال SEMI REALISM
بس ماحبيتها للامانةة ، وقلت لكم انه فيني شغلة خايسةة اذا ارسم ديجيتال
اتكيسل عن العين الثانيه - مب دايمًا اسويها - وانسخ العين والصقها الصوب الثاني
وتصير ينية عمومًا هذي الرسمهه كانت اسود وابيض ، وعقب جربت
الون الاسود وابيض وصارت اكرههه من قبل ..

ممكن اعيد التجربةة، بس ماعندي دافع قوي لها ..

يونيو 2019

عادد هذي الرسمهه ماي لوفف ، واهيا بعنوان LYING STILL IN TIME وايد وايد وايد تعجبنييي
وخسارهه فيها اسم اكسبي بن لو كاتبة اسمي وايد احسنن
كانت هالرسمةة مشاركة لي في مسابقةة سوبر هيرو مسويتها اكسبي بن .. واخر شي سحبوا عليّ
زين منهم نشروها لي .. جان بعصب عليهم

- للي بقول شنو علاقة الهيرو بالرسمةة وعنوانها، تفضلوا شرح في سطر ..
" .Heroism is a treasure, hidden within us, lying still n time, waiting to be found "
^ شرايكم بس في تأليفي وفكرتي .. ؟
المهم عاد هذي خلصتهاا في يوم واحد .. ووايد حابتها ف كل مكان حاطتها
حتى فوني مخلية خلفيته ذي الرسمهه .. احسسس فيها وايدد مشاعرر .. طبعًا كنت مقتبسة الرسمه
من شخصية الالي اللي في آسترو بوي .. وكنت حزتها بالنسبةة لباقي المشتركين عندي فكرة .. الباقي
بس راسمين اي شخصية وبس مثلا باتمان ، الرجل العنكبوت .. مادري ماحسيتهم اختاروا الاكثر ابداعًا ..
عمومًا مب زعلانة اني خسرت انه دايمًا هدفي المتعة في اي مسابقةة ادخلها + التجربة ..

محتوى مخفي: الصورةة كاملةة

http://instagr.am/p/Byi29uchvAO/

يوليو 2019

هذي الرسمهه حق وحدهه كوريةة ، من لقطة من المسلسل ..
بس آنه بهذي الفتره لما كنت ارسم بورتريه كنت ارسمه ابيض واسود وعقب
الونه وكانت النتائج كارثيهه مثل هذي جدًا جدًا مب حابه
الوانها .. طبعًا كنت ما أتجرأ الون ، لان احسني ماعرف استخرج الوان بشرهه مناسبه

طبعًا من ناحيةة الممثلة فآنه ضبطت ويهها ، يلا اللي مختمين الدرامات الكورية قولو لي من هذي
لكن أضفت بهارات لويهها الا اهيا القمر اللي في جبهتها

يوليو 2019

وأول مرةة قررت أطلع من حدودي .. وألون دايركت بالباليت الخاص فيني
واستخرج الواني بنفسي ، ما الون باسود وابيض وعقب اقعد ارقّع السالفه
وجدًا جدًا حابههه النتيججهه .. واتذكرر صدمةة الكل من الرسمههه .. الكل الكل حباها ، وبدون مبالغة
اكثر رسمةة عليها لايكات وشير وحفظ اهيا هذي .. ومن وراها يوني ناس يبون ارسم لهم بفلوس

طبعًا هذي الرسمهه لبنت اختي .. الشبه بينها وبين بنت اختي كبييييييررررررر جدًا جدًا
فالكل حب الرسمهه ، وطبعًا حابهه البؤبؤ اهنيي بشكل مب طبيعي .. حسيتني سويت بؤبؤ
واقعي وايددد .. مشكله الرسمه بالعين وطبعًا ماكتشفت ان العين مو سيدة بعض الا عقب مالونت
وصار من المستحيل اني اعيدها .. ولو بعيدها بتكاسل مليوووننن .. لكن ستل احبها

خذت وقت طويل ع ما ارسمها ، بس عاد مادري جم بالضبط ..
بس وايد وايد طولت وآنه ارسمها، وكنت راسمتها بحب .. من كثر مابنت اختي جميلهه
ما شاء الله والرسمه كثر ما تشبهها بعد ما صادت جمالها

يوليو 2019

هذي الرسمه كانت اول كومشن لي - طلب رسم مدفوع -
وهاي الجميللةة شيخهه ضبطتها عدل عدل .. والادميهه نفسها رجعت
طلبت مني ارسم شخص ثاني كثر ما انها حابهه النتيجةة وايددد ..

هالرسمهه خذت منيي وايدد .. اسبوع ع ماخلصتها ..
​

 

[T W I N K L E]

اغسطس 2019

هذي الرسمهه لمودل اتوقع .. حديي حابهه النتيجهه لان فيها شبه كبيرر،
مو كوبي بيست ، بس شبه وايد كبييرر من الصورة الاصليةة .. اكتشفت فيما بعد
اني تحمست ع الرسمهه وتسرعت .. طلعت العين يبي لها لمعة ونسيت اظلل زيادة
ع البؤبؤ اليسار .. ممكن تتعدل، بس ماعندي ملفاتها، في لاب غير..
بس تبقى الرسمةة تينننن - جفتوا احد يمدح روحه كثري ؟ -

واكيييددد فيه لها سبيد بنت .. يخليكم تستانسون وانتو تجوفون
شلون صار اللاشيء شيء، للامانة وايد احب السبيدبينتات لان حتى لو الرسمة قاهرتني
وانه اجوف مراحل تطورها ..اوقع في غرامها

اغسطس 2019

الشاطرر اللي يقول من هذييي ؟؟؟ زليخهههه !! يس يس مثل ماتفكرونن
هذي زليخهه، طبعًا اللي جاف مسلسل يوسف الصديق اكيد بيعرفها مباشرة، طبعًا هذي لقطةة
من المسلسل فعشان جي بتجوفونها فاتحة بوزها والحالة حالة، فيمكن تحسونها شوي غير .. بس الرسمه
تشبه الصورة بنسبةةة وايددد كبيرةة ، ولو عندي الصورة جان حطيتها اهني ..

طبعًا في هاي الرسمه استخدمت تدرجات البنسل ومداعك بعد .. ورسمتها بدون
مربعات والشبه قوي قوي قوي ، ورسمتها بوقت قصير نسبيًا جم ساعة بس ووسط تجمُّع يعني حاقة سريعة، هاي الرسمهه
عطتني باور وايدد لان حدي استانست ع النتيجة وحسيتني اعرف ارسم صج حتى لو بدون مربعات

سبتمبر 2019

ي الله شو بحبها لهالرسمةة ، طبعًا هذي الرسمه رسمتها في محرم اللي طاف
والصبي العسلل اللي بالرسمهه ولد بنت خالي .. وطبعًا الرسمهه هذي متقنةة
الى حد كبييرر ، مثل مانقول شبه قوي قوي - مب كوبي بست - بس وايد فيه شبه ، طبعًا
بهذي الرسمه استخدمت طريقة المربعات، للامانة كل رسماتي اللي ع ورق a4 ، رسمتها
بالمربعات .. لاني احس ماعرف ارسمها دايركت .. اما السكيتش بوك مساحهه صغيره
فآعرف اتحكم فيها فأرسم بدون مربعات ويطلع معاي شي قوي

لكن التحدي الياي لنفسي، برسم ع ورق ال A4 بدون مربعات
واذا سويتها ان شاء الله بحط موضوع فيه رسوماتي

طبعًا آنه كل رسماتي ع ورق الاي فور لناس اعرفهم، ومايصير
احط الرسمات اهني .. هذي الوحيدهه اللي قدرت احطها

* هذي الرسمهه استغرقت مني يومين لرسمها تقريبًا ...

سبتمبر 2019

هذي الرسمه هم بمحرم اللي طاف، تمثل الامام الحسين والسيده زينب ( عليهما السلام )
في لحظات التوديع الاخيرهه بينهم .. ماعرف شكثر بالضبطط خذت مني الرسمهه
ولكن تقريبًا يوم كامل .. وعاجبتني جدًا جدًا لان احسها معبرههه واحسها تتكلم باللي صار..
وطبعًا حبييت ان الرسمهه فيها تفاصيل متفرقة وكل شي يعتبر تحدي وشي يديد اسويه، يعني
مثلا في هاي الرسمه التركيز ع الملابس، الجسم، الخلفية شلون اخليها اشبه بمعركة
ويبين فيها ان قاعدين بمنطقة صحراوية مقفرة، الخيمههه وما ادراكم شنو الخيمهه !! هذي بروحها مصيبه
أثناء الرسم، تلوينها كان صعب مب رسمها، بس طلعت بنتيجةةة ممتازةة وحدييي حابةة الخيمه الي سويتها
غير الجنود ومعسكر الاعداء اللي هناك، كان تحدي شلون اخليهم يبينون كناس راكبين ع خيول وعندهم رماح
باختصار بالنسبةة لي هذي رسمهه ناجحة ونجحت في التعبير جدًا وكل شي كان فيها عبارة عن challenge

طبعًا فيه سبيد بينت للرسمهه، ولكن للاسف مارفعته ع اليوتيوب لكن
موجود باكاونتي في الانستا - هُنا -
والرسمهه مقصوصهه تجوفونها اهني كاملهه ..

محتوى مخفي: الصورةة كاملةة

http://instagr.am/p/B2MRxqBhpT7/

ديسمبر 2019

رسمهه حصريهه للتون ..
وطبعًا هذي الرسمهه ف الاجازهه اللي المفروض ندرس فيها للفاينل
رسمت رسمهه سريعهه وكانت ترفيه عن النفس طبعًا ، وزي ما خبرتكو ابل كدا انها بدون مربعات ..
و...من هالجميلهه والخطيرهه جدًا ؟؟؟ آنه يوم صغيرةة ترا انه بالصج احلى باموووووتت
طبعًا ليش الرسمه صارت جي .. لان تعرفون الصور اللي في الالبوم الجماعيه اللي ويهي اصغر من حياتي
في الصوره ؟ تحديت نفسي ورسمتها حتى ملامحي فيها مب وايد واضحهه .. فهاي الشي ماخلاني
اتعمق في الي ارسمه .. وكنت اظلل حسب ماجوف والتفاصيل المطموسة هم اطمسها .. وطلعت
بنتيجةة قوووويةةةة وايد وايد وايد تشبه الصورة .. نسبة التطابق وايد كبييرةةةة !

وطبعًا هذي الرسمهه عطتني باور اكثر من اللي قبله ..وتحمست ارسم رفيجتي
وفعلًا رسمتها، ولو اني مب راسمتها واهيا كبيرة جان حطيتها لكم لان الرسمه كانت كوبي بيست
من الصورةة وهم بدون مربعات ..

في هاي اللحظة أقدر اقول .. اني آمنت بنفسي وايدد، واحسني
قادرة اني اسمي نفسي رسامة بورتريه ،وصح آنه راضيهه جدًا عن مستواي، لكن
ما اقول عن نفسي محترفه لان جدامي مشوااار وفي اشياء شكثر ودي اتعلمها.

يناير 2020

هاي الرسمه كانت تحدي لنفسي ولمسابقةة بعد وصح اني خسرت فيها، لان ماشاء الله المشاركات ابداعيةة
وعلى مستوى عالي.. عاد اول مرررة أتجرأ الون رسمه واقعيهه، ماقول ان الالوان عطتني فنش الواقعيه، ولكن بالنسبة لي
برااافوو عليّ .. اكتشفت اني قادرة ابدع، ان صج الانسان لازم يجرب ومايطوّق نفسه .. كل مرة يجرب
شي يديد لان اكيد قدراتنا اكثر من اللي نتوقعها .. الواحد لازم يوسّع مجال ابداعه ويكتشف قدراته ..

ع فكره هذي الرسمهه ماخذت مني وايد .. بسرععههه خلصتها، وحدي
راضيهه بالنتيجهه ماتوقعتها تطلع هلون كوني اول مرة الون رسمه واقعيةة..
استخدمت في هذي الرسمةة الوان توج لت والوان الخشب العاديين من فايبر كاستل
وطلعت بنتيجهه جدًا خطيرههه .. والاكثر من جي ان وايدددد حبوا الرسمهه حتى صاحبةة المسابقةة
اشادت فيها وحطتها من ضمن افضل الرسمات اللي طلعت وماتوقعت اني اول مرةة الونن مقارنةة بالمستوى ذي

يناير 2020

وعاددد هذي الرسمههه حصريهه لانمي تون .. توها طالعةة من الفرننن ..
يعني مب توها توها، بس للحين مانشرتها في ولا اكاونت لي

عاددد هذييي بالنسبةة لي القنبلههه .. لما اقول للشخص اطلع من دائرتك وجرّب
ادري لوعت جبدكم بهاي النصيحةة بس صج نصيحة مش بطّالة .. صج صج حبييت النتيجهه
جني ملونة بالبريزما كلر ، مع اني ملونة بالتوج لت مع الفايبر كاستل العاديين ..
طبعًا تصوير الكيمرا مع الاضاءة غيّرت بالوان الرسمه، الوانها ع الطبيععههه وايدددد احلللىىىىى
بس صج صج بالنسبةة لي ذي الرسمهه تفووووزززز !! طبعًا تخيلوا رسمتها بدون مربعات، وتجرأت الونها
عادةً الواحد لما يرسم بدون مربعات يكون عنده اغلاط ولما تظلل بالرصاص سهل تعدل عليها بس الالوان
ماتنمسح .. وهالشي يتطلب دقة اكثر .. وتظليلي بالالوان حديي حبيتت ..

شنو اللي خلاني اخطو هالخطوة ؟ قلت دامني قدرت الون عين ليش ماقدر الون بورتريه كاملةة..
وقلت يلا خل اجرب شوراي، والحمدلله اني جربتت لان احس بكثّر من هالنوع وايدد .. غير جي لليبي يعرف شلون
تصير الالوان مثل البريزما تقريبا لما تحط الوان كحولية فوقها الخشب تتغطى الفراغات ويدمج شوي الالوان فيعطيني
نتيجةة واووو ..

الشعرر ماتوقععتت يصير هلونن .. بالنسبةة لي حدهه كشخهه
لان انه عقدتي الشعر ووايد وايد اتهرب منه، فهالشي خلاني اخطو خطوات لا رجعة فيها
وبالالوان ماتنمسح الشغلة اللي اخربها ..

وعلى فكرة انه ماعندي اقلام تحبير .. فاحبر باقلامي الحبر اللي اكتب فيهم
وقلمي متين مما سبب مشكلة الرموش صارت جنها بمسكرة وكنت بوقف بسبتها لكن قررت اواصل
واشوا واصلت عاد .. اي شي تحسون اخترب كملوه .. يمكن الرزلت عقب تغطي ويكون شي محترم ..

حبيييتتت الرسمههه جدًا جدًا جدًا بالاسود والابيض !! بس قلت براويكم اياها

طبعًا هذي مادري شنو ترتيبها ووين ممكن احطها بالضبطط ف خليتها آخر شي ..
هذي اكبر لوحة رسمتها ف حياتيي .. وكانت في مسابقةة فزت فيها، وخذتها وحدة شيخة
والله نسيت شسمها كانت مفتتحة الفعاليّة ..

هذي قبل لا تكتمل .. للاسف مثل ماقلت لكم .. خذوها وآنه ماصورت
الرزلت النهائيةة ، بس يلا معليه

​

 

[T W I N K L E]

وأخييييررررًاااا خلصتتتتتت .. تميت قاعدة اشتغل ع الموضوع ثلاثةة ايااااممم وشيي تقريبًا أو يمكن اربعة ؟؟..
فعلًا من زماننن ع المواضيععع، واحسنني رجعتت بموضوعع شوي قوّي؟؟ ماعتقد فيه احد حط رسمات كثري
بالقسمم، وتكلم عن كل رسمةة بالتفصيلل الممل وقال كل شي يتذكره عنها سو ؟ اهننيي
كل شخص قرأ كل حرفف من الموضوع، تستاهلون هديةة بس ماعندي واتمنى ان استفدتوا شي، ع الأقل عطيتكم جرعةة امل ..
وترا اللي مابرد رد طووويلللللل باذبحه مجهزة لكم عدة القتل، سجاجين .. مسدسات.. قناصات ..
ادوات تعذيب مختلفهه، ماعليككم الا طب وتخيّر


وعلى فكررةة.. كل اللي جفتوه تعليم ذاتي، محدددد علمني شي ولا اخذت دورات ولا درست اكاديميًا !
كلها بالتجربةة، وباقولكم شغللةة انه ملاحظتها فيني ويمكن انتوا لاحظتوها وانتو تقرون، ان بين تقريبًا كل
رسمه والثانيه فرررقق بالزمنن، يمكن بنفس الشهر بس وحدة بدايته ووحدة نهايته، او فرق بين الرسمه والثانية
شهوور !! ليشش ؟؟ آنه اكيد ماحطيت كل الرسمات اللي رسمتهم بحياتي.. بعضهم ماينحطون بصراحةة، ولكننن..
آنه طبيعتي سحّيبةة، اسحبب ع الرسمم بشهووور.. ولكن رغم اني اسحب يا سبحان الله لما ارجع ارسم، ارسم شيي خطييرر
وبتطور رهييببب وكأني كنت اتدرب لمدددة، لكن في الصج القابز اللي جفتوها وهالاشهر كانت بدون لا ايود قلم واحد، وبدون
لا ارسم شخط واحد، باختصار هذي القفزات العجيبة انه استغرب منها، لاني ما امارس الرسم لكن اجوفني اتطور !!!

-

وايي وترا عندي سالفهه وياكمم، انه وعدت سابقًا جمن شخص ارسم لهم
وضيعتهم بصراحهه ونسييت سالفتهم وسحبت عليهم، اللي اتذكرهم @R O O B E و @MaGicaL Boy
وطبعًا ماننسى @SKY NET اللي قلت بارسم له قصة وسحبتتت عليههه اقوىىى سحححبههه وفيهه وحددههه
ناسيههههههه شسمهههاااا .. هذي اكثرر انسانةة حاسة بتأنيب ضمير تجاهها، اذا عرفت نفسها خ تقولي عشان ارسم لها اوسيتها

سوو رووب قلبيي طرشي صوّرجج مرهه ثانيهه، بما انهم ذهبوا مع الرياحح مع تلفوني القديم اللي مايتبطل
احينن احسس صججج ان عندي الأبيليتي اني ارسم جمالج واشوهه مب ايام كنت ارسم انمي
أما ماجيكال عاد قلت تبي خلفيهه لتلفونك مادري شنو، يلا طرّش .. سكاي عاد قصتك للحينن عايشههه ؟؟
يلا يلا دام اجازةة طرشوليي وماوعدكم اني ما اسحب مثل كل مرة

​

 

[SKY NET]

السلام عليكم ورحمه الله وبركاته
شلونج ميزو المخيسه يا رب تكوني بخير
ما شاء الله عليك يا مبدعه
ابداع بالرسم وفعلا في اختلاف بين كل رسمه وثانيه
واضح تحسن مستواك وتطورك بالرسم عاد اهم شي رسمتك المعاقه
حق الي قالبها ايدها خلف رقبتها علساس رياضه كانه كتفها انكسر
تنسيق الموضوع رهيب وجميل وكشخه
والاحلى سواليفك مع كل رسمه مسويه اكشنات بكل شي

وطبعًا ماننسى @SKY NET اللي قلت بارسم له قصة وسحبتتت عليههه اقوىىى سحححبههه وفيهه وحددههه
ناسيههههههه شسمهههاااا .. هذي اكثرر انسانةة حاسة بتأنيب ضمير تجاهها، اذا عرفت نفسها خ تقولي عشان ارسم لها اوسيتها

تعترفي يا خايسه كان هسه منزلين 3 اصدارات من قصه الكوميكس لسلاحف النينجا وصرنا مشهورين

 

[RO-CHAN]

وعليكم السلام ورحمة الله وبركاته
كيفك ميسو
إن شاء الله تكوني بخير

أنا بدي هديتي دبري حالك ما دخلني
ما شاء الله عليكِ على الموضوع الضخم والمجهود الرهيب وأهم شي السوالف حسيتني تعبت عنك

ما شاء الله بالفعل التطور ملحوظ بين رسمة و رسمة
و حبيت رسوماتك كلها من اقدم وحدة لحد اللي طالعة من الفرن
بس رسومات 2019 شفت فيهم جمالية اعلى
وتطور كبير بصراحة ما بعرف بتفاصيل الرسم لحتى اعطي آراء وانتقادات دقيقة بس بحكي انطباعي كمشاهد 1

يسلّم دياتك على هالابداعااات الجميلة
وإن شاء الله تستمري بتطوير نفسك لحتى
تصيري محترفة
بانتظار اطلالتك علينا برسومات
و مواضيع جديدة

في أمان الله ق8

​

 

[Meoω❀]

واااااااو بجد فترة غيابي عن المنتدى أنا مبسوطة جداً انه طلعوا رسامين بورتريه ع الساحة ..??
كنت بحس كل المواضيع رسم انمي انمي انمي ..?
أنا بحب رسم الانمي وبقدره بس بجد البورتريه اله جمال ومهارة مختلفة ..
خليني أول شي أتكلم عن رسماتك بالديجيتال بجد وااااو حبيت وخصوصتاً رسمة يونيو ومارس 2017 ??
عجبتني كيف رسمتك للايد بطريقة الانمي وكمان الرسمة الي جاي مسدس ع البنت تفاصيل الbricks الي ورا بتجنن ??❤
بس عندي سؤال برنامج الديجيتال الي استعملتيه بيساعد ببعض الامور متل انه تحطي ظل ورا البنت
أو بعض التفاصيل التانية ولا رسماتك كلها فري هاند ؟؟ ?
رسمات البورتريه الي بالرصاص عندك بيجننو وخصوصتاً رسومات 2018 019 ?
أحلى شي لما الواحد بيتطور مش بيضل ع حالو طول الوقت لأنه هيك معناته عنده القابلية ليعرف وين نقاط ضعفه بالزبط?
بس أكتر رسمة عجبتني هي رسمة العين حسيت كل رسوماتك شي ورسمة العين مستوى تاني مختلف تماماً .. ?❤
يعطيكي العافية حبيبتي على الموضوع انبسطت وأنا بتصفحه .. وانشالله نشوف رسومات تانية بسنة 2020
من عالي لأعلى .. ?❤
مياو​

 

[P E A R L Y]

وعليكم السلام ورحمه الله وبركاته ،
مرحبا ميسوزو أخبارك يا جميلة ؟

ما شاء الله الموضوع فنان جداَ وجمييييل جداَ ،

المعلمة تعرفون شلون عطتني دعم ؟ كنت فترة الاعدادي فاشلة
بالرسم مقارنة بمستواي احين،

أحب الناس الايجابيه اللي تدخل بحياة انسان وتنمي موهبته أو طموحه

والحينن أستقبل طلبات رسم مدفوعةة

ما شاء الله من سار على الدرب وصل ،
الله يزيدك يختي موهبة ،

بالنسبة للرسمات سبحان الله واضح التطور مره ، أول مره استخدمتي الديجيتال
وكيف بالنهاية الى وين وصلتي ما شاء الله ،

رسمة اليد جميلة جداً حبيت تفاصيلها ،

كان عندي عقدة من رسم العين الثانية عشان جي غطيتها

اقرب مخرج

تحسون ان الرسمةة قاعدة تتحرك، ويمكن هاي اكبر سبب لحبي لها، غير جي تصميم الشخصيهه

حبييييييييييييييت هالرسمة ما شاء الله جميلة مره

كيييوت مره الرسمة

ما شاء الله هذي أكثر رسمة حبيتها موضوع جمييل جداً يعطيك العافية ،
الطقم جمييل حبيته مع انك من زمان ما صممتي بس النتيجة جمييلة ،

بانتظار جديدك دائماً ، في أمان الله ​