الختم الاداري Avada Kedavra | تَحميل أفلام هاري بوتر . (2 زائر)

[The Darkness]

وعليكم السلام ورحمة الله وبركاته
يا هلا والله بالثلاثي الخايس .. منورين القسم بهذي الطلة
يوه هاري بوتر اللي للحين أبي اكمل سلسلته اللي توقفت فيها من الفيلم الثالث أو الرابع
السلسلة عجيبة صراحة والحلو فيها الغموض والاحداث اللي ما تقدر تتوقعها
للحين احس ان هاري بوتر شخصيته غامضة بس مادري لو بيصير كالكتاب المفتوح بالنهاية ولا لا
أهم شيء ان شخصية البنت هي اللي كانت محمستني أما الولد اللي شعره برتقالي
فمادري ليش أحس انه أهبل ودوم يضحك ياخي أحس محد مسوي جو غيره
بالبداية وأقصد أول فيلم كنت أقول ليش هاري بوتر يعتبر ساحر مشهور والخ...
بس بيتضح مع الوقت السبب بس بعده غامض يعني
والولد الأشقر اللي دوم ضد هاري يقهر ياخي .. أكثر من مرة كنت أبي أضربه
والبنت مع كل جزء تحلو زيادة ياخي لدرجة محد محمسني أكمل السلسلة غيرها طير
يعطيكم العافية على فكرة الموضوع وتوفير الروابط وأشكر الرافع على جهده
وأكيد من أحصل فرصة ببدأ أتابع من البداية لأني صراحة نسيت الأحداث كلها
شايف الفيلم الأول من كنت بالمدرسة يعني من أكثر من 7 سنين
بانتظار جديد إبداعاتكم بالقسم وخارجه أكيد ولا تحرمونا من هاي الطلة
مع تحياتي .. أخوكم ماجيكال بوي ​

 

[Mahdicchi]

السلام عليكم ورحمة الله وبركاته
أخباركم فريق جيو؟ عساكم بخير

ما شاء الله تبارك الرحمن.. وش هالفخامة ع3ع3ع3
هاري بوتر من الأفلام اللي له ذكريات عندي بصغري
أول ما شفته جذبني جدًا.. وكان عندي فضول بأني أشوف أجزاءه وأستكشف قصته كاملة
وأكثر شي خلاني أقع بحب السلسلة البطولة تبع الكورة اللي يلعبونها وهم يطيرون كان الوضع حماس xD
وأذكر شفت أول ٤ أجزاء أول ما نزلت تقريبًا..
وبعد ما خلصت السلسلة كاملة رجعت عدتها من جديد وشفت بقية الأجزاء
القصة حلوة ومثيرة للاهتمام، خاصة بعض الشخصيات الغامضة وماضي هاري بوتر وكذا
ولو أني حاليًا ما أذكر التفاصيل.. بس اللي أذكره أن خابت آمالي بآخر جزئين لأن الأحداث ما ارتقت لمستوى توقعاتي

حبيت أنكم ذاكرين الفرق بين الأفلام والروايات..
حاولت أقرأ وأستكشف بس حسيتني ما فهمت شي لأني نسيت أسامي أغلب الشخصيات وتفاصيل الأحداث
+ حبيت بعد أنكم موفرين الروايات يعني موضوعكم شامل ما شاء الله عليكم

عجبتني الفئة الأولى من الرمزيات والتأثير المستخدم عليها
بالأخص هالرمزيتين :

يعطيكم ألف عافية جميعًا ع الطرح الأكثر من رائع..
أبدعتوا بمعنى الكلمة، موضوعكم شامل وكفيتوا ووفيتوا
وطبعًا ألف شكر للمبدع والأسطورة التونية الخالدة غربون ?
وبانتظار جديد مواضيعكم.. لا تحرمونا من إبداعاتكم

في أمان الله​